Saṃyutta Nikāya
4. Saḷāyatana Vagga
35. Saḷāyatana Saṃyutta
§ I: Mūla-Paññāsa
1. Anicca Vagga Paṭhama
Sutta 5
Bāhira Dukkha Suttaṃ (Dukkham 2; Bāhiram)
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evaṃ me sutaṃ:|| ||
Ekaṃ samayaṃ Bhagavā Sāvatthiyaṃ viharati Jetavane Anāthapiṇḍikassa ārāme.|| ||
2. Tatra kho Bhagavā bhikkhū āmantesi|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
3. Bhagavā etad avoca:|| ||
"Rūpaṃ bhikkhave dukkha,||
yaṃ dukkhaṃ tad anattā,||
yad anattā taṃ:|| ||
'N'etaṃ mama,||
n'eso ham asmi,||
na me'so attā' ti.|| ||
Evam etaṃ yathā-bhūtaṃ samma-p-paññāya daṭṭhabbaṃ. || ||
■
4. Saddā dukkha,||
yaṃ dukkhaṃ tad anattā,||
yad anattā taṃ:|| ||
'N'etaṃ mama,||
n'eso ham asmi,||
na me'so attā' ti.|| ||
Evam etaṃ yathā-bhūtaṃ samma-p-paññāya daṭṭhabbaṃ. || ||
■
5. Gandhā dukkha,||
yaṃ dukkhaṃ tad anattā,||
yad anattā taṃ:|| ||
'N'etaṃ mama,||
n'eso ham asmi,||
na me'so attā' ti.|| ||
Evam etaṃ yathā-bhūtaṃ samma-p-paññāya daṭṭhabbaṃ. || ||
■
6. Rasā dukkha,||
yaṃ dukkhaṃ tad anattā,||
yad anattā taṃ:|| ||
'N'etaṃ mama,||
n'eso ham asmi,||
na me'so attā' ti.|| ||
Evam etaṃ yathā-bhūtaṃ samma-p-paññāya daṭṭhabbaṃ. || ||
■
7. Poṭṭhabbā dukkha,||
yaṃ dukkhaṃ tad anattā,||
yad anattā taṃ:|| ||
'N'etaṃ mama,||
n'eso ham asmi,||
na me'so attā' ti.|| ||
Evam etaṃ yathā-bhūtaṃ samma-p-paññāya daṭṭhabbaṃ. || ||
■
8. Dhammā dukkha,||
yaṃ dukkhaṃ tad anattā,||
yad anattā taṃ:|| ||
'N'etaṃ mama,||
n'eso ham asmi,||
na me'so attā' ti.|| ||
Evam etaṃ yathā-bhūtaṃ samma-p-paññāya daṭṭhabbaṃ. || ||
§
9. Evaṃ passaṃ bhikkhave sutavā ariya-sāvako
rūpesu pi nibbindati,||
saddesu pi nibbindati,||
gandhesu pi nibbindati,||
rasesu pi nibbindati,||
phoṭṭhabbesu pi nibbindati,||
dhammesu pi nibbindati,||
nibbindaṃ virajjati,||
virāgā vimuccati,||
vimuttasmiṃ 'vimuttami' ti ñāṇaṃ hoti:|| ||
'Khīṇā jāti,||
vusitaṃ Brahma-cariyaṃ,||
kataṃ karaṇīyaṃ,||
nāparaṃ itthattāyā' ti||
pajānātī" ti.|| ||
