Saṃyutta Nikāya
4. Saḷāyatana Vagga
35. Saḷāyatana Saṃyutta
§ III: Paññāsaka Tatiya
1. Yoga-k-Khemi Vagga
Sutta 105
Upādāya Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evaṃ me sutaṃ:|| ||
Ekaṃ samayaṃ Bhagavā Sāvatthiyaṃ viharati||
Jetavane Anāthapiṇḍikassa ārāme.|| ||
2. Tatra kho Bhagavā bhikkhū āmantesi|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
3. Bhagavā etad avoca:|| ||
"Kismin nu kho bhikkhave sati||
kiṃ upādāya||
uppajjati ajjhattaṃ sukha dukkhan" ti?|| ||
"Bhagavam-mūlakā no bhante dhammā,||
Bhagavaṃ-ntettikā||
Bhagavam-paṭisaraṇā,||
sādhu vata bhante,||
Bhagavantaṃ yeva paṭibhātu etassa bhāsitassa attho,||
Bhagavato sutvā bhikkhū dhāressantī" ti.|| ||
"Tena hi bhikkhave suṇātha,||
sādhukaṃ manasi karotha,||
bhāsissāmī" ti.
"Evam bhante" ti kho te bhikkhū Bhagavato paccassosuṃ.|| ||
Bhagavā etad avoca:|| ||
Cakkhusmiṃ kho bhikkhave sati||
cakkhuṃ upādāya||
uppajjati ajjhattaṃ sukha-dukkhaṃ;|| ||
sotasmiṃ sati||
sotaṃ upādāya||
uppajjati ajjhattaṃ sukha-dukkhaṃ;|| ||
ghānasmiṃ sati||
ghānaṃ upādāya||
uppajjati ajjhattaṃ sukha-dukkhaṃ;|| ||
jivhāya sati||
jivhaṃ upādāya||
uppajjati ajjhattaṃ sukha-dukkhaṃ;|| ||
kāyasmiṃ sati||
kāyaṃ upādāya||
uppajjati ajjhattaṃ sukha-dukkhaṃ;|| ||
manasmiṃ sati||
manaṃ upādāya||
uppajjati ajjhattaṃ sukha-dukkhaṃ.| ||
§
Taṃ kim maññatha bhikkhave?|| ||
Cakkhuṃ niccaṃ vā aniccaṃ vā" ti?|| ||
"Aniccaṃ bhante".|| ||
"Yam panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yam panāniccaṃ dukkhaṃ||
vipariṇāma-dhammaṃ api nu taṃ anupādāya||
uppajjeyya ajjhattaṃ sukha-dukkha" ti?|| ||
"No h'etaṃ bhante."|| ||
■
"Sotaṃ niccaṃ vā aniccaṃ vā" ti?|| ||
"Aniccaṃ bhante".|| ||
"Yam panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yam panāniccaṃ dukkhaṃ||
vipariṇāma-dhammaṃ api nu taṃ anupādāya||
uppajjeyya ajjhattaṃ sukha-dukkha" ti?|| ||
"No h'etaṃ bhante."|| ||
■
"Ghānaṃ niccaṃ vā aniccaṃ vā" ti?|| ||
"Aniccaṃ bhante".|| ||
"Yam panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yam panāniccaṃ dukkhaṃ||
vipariṇāma-dhammaṃ api nu taṃ anupādāya||
uppajjeyya ajjhattaṃ sukha-dukkha" ti?|| ||
"No h'etaṃ bhante."|| ||
■
[86] "Jivhā niccaṃ vā aniccaṃ vā" ti?|| ||
"Aniccaṃ bhante".|| ||
"Yam panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yam panāniccaṃ dukkhaṃ||
vipariṇāma-dhammaṃ api nu taṃ anupādāya||
uppajjeyya ajjhattaṃ sukha-dukkha" ti?|| ||
"No h'etaṃ bhante."|| ||
■
"Kāyo niccaṃ vā aniccaṃ vā" ti?|| ||
"Aniccaṃ bhante".|| ||
"Yam panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yam panāniccaṃ dukkhaṃ||
vipariṇāma-dhammaṃ api nu taṃ anupādāya||
uppajjeyya ajjhattaṃ sukha-dukkha" ti?|| ||
"No h'etaṃ bhante."|| ||
■
"Mano niccaṃ vā aniccaṃ vā" ti?|| ||
"Aniccaṃ bhante".|| ||
"Yam panāniccaṃ dukkhaṃ vā taṃ sukhaṃ vā" ti?|| ||
"Dukkhaṃ bhante."|| ||
"Yam panāniccaṃ dukkhaṃ||
vipariṇāma-dhammaṃ api nu taṃ anupādāya||
uppajjeyya ajjhattaṃ sukha-dukkha" ti?|| ||
"No h'etaṃ bhante."|| ||
§
Evam passaṃ bhikkhave, sutavā ariya-sāvako||
cakkhusmim pi nibbindati,||
sotasmim pi nibbindati,||
ghānasmim pi nibbindati,||
jivhāya pi nibbindati,||
kāyasmim pi nibbindati,||
manasmim pi nibbindati,||
nibbindaṃ virajjati,||
virāgā vimuccati,||
vimuttasmiṃ vimuttam iti ñāṇaṃ hoti:|| ||
'Khīṇā jāti,||
vusitaṃ Brahma-cariyaṃ,||
kataṃ karaṇīyaṃ||
nāparaṃ itthattāyā' ti pajānātī" ti.|| ||
