Saṃyutta Nikāya
4. Saḷāyatana Vagga
35. Saḷāyatana Saṃyutta
§ III: Paññāsaka Tatiya
2. Loka-Kāma-Guṇa Vagga
Sutta 117
Dutiya Loka-Kāma-Guṇa Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][olds][than] Evaṃ me sutaṃ::|| ||
Ekaṃ samayaṃ Bhagavā bhikkhū āmantesi::|| ||
2. "Pubbe va me bhikkhave sambodhā anabhi-sambuddhassa bodhisattass'eva sato etad ahosi:|| ||
'Ye me pañcakāma-guṇā cetaso samphuṭṭha-pubbā atītā niruddhā vipariṇatā,||
tatra me cittaṃ bahulaṃ gaccheyya,||
pacc'uppannesu vā,||
appaṃ vā anāgatesu.'|| ||
Tassa mayhaṃ bhikkhave etad ahosi:|| ||
'Ye me pañcakāma-guṇā cetaso samphuṭṭha-pubbā atītā niruddhā vipariṇatā,||
tatra me attarūpena appamādo sati-cetaso ārakkho karaṇīyo.'|| ||
3. Tasmātiha bhikkhave tumhākam pi||
ye te pañcakāma-guṇā cetaso samphuṭṭha-pubbā atītā niruddhā vipariṇatā,||
tatra vo cittaṃ bahulaṃ gacchamānaṃ gaccheyya,||
pacc'uppannesu vā appaṃ vā anāgatesu.|| ||
Tasmātiha bhikkhave tumhākam pi||
ye vo pañcakāma-guṇā cetaso [98] samphuṭṭha-pubbā atītā niruddhā vipariṇatā||
tatra vo attarūpehi appamādo sati-cetaso ārakkho karaṇīyo.|| ||
4. Tasmātiha bhikkhave, ye āyatane veditabbe:|| ||
Yattha cakkhuñ ca nirujjhati rūpa-saññā ca virajjati,||
ye āyatane veditabbe.|| ||
Yattha sotañ ca nirujjhati sadda-sañña ca virajjati,||
ye āyatane veditabbe.|| ||
Yattha ghānañ ca nirujjhati gandha-saññā ca virajjati,||
ye āyatane veditabbe.|| ||
Yattha jivhā ca nirujjhati rasa-saññā ca virajjati,||
ye āyatane veditabbe.|| ||
Yattha kāyo ca nirujjhati phoṭṭhabba-saññā ca virajjati,||
ye āyatane veditabbe.|| ||
Yattha mano ca nirujjhati dhamma-saññā ca virajjati||
ye āyatane veditabbe" ti.|| ||
5. Idaṃ vatvā Bhagavā uṭṭhāy āsanā vihāraṃ pāvisi.|| ||
6. Atha kho tesaṇ bhikkhūnaṃ acira-pakkantassa Bhagavato etad ahosi:|| ||
"Idaṃ kho no āvuso Bhagavā saṇkhittena uddesaṃ uddisitvā vitthārena atthaṃ avibhajitvā uṭṭhāy āsanā vihāraṃ paviṭṭho.|| ||
'Tasmātiha bhikkhave, ye āyatane veditabbe:|| ||
Yattha cakkhuñ ca nirujjhati rūpa-saññā ca virajjati,||
ye āyatane veditabbe.|| ||
Yattha sotañ ca nirujjhati sadda-sañña ca virajjati,||
ye āyatane veditabbe.|| ||
Yattha ghānañ ca nirujjhati gandha-saññā ca virajjati,||
ye āyatane veditabbe.|| ||
Yattha jivhā ca nirujjhati rasa-saññā ca virajjati,||
ye āyatane veditabbe.|| ||
Yattha kāyo ca nirujjhati phoṭṭhabba-saññā ca virajjati,||
ye āyatane veditabbe.|| ||
Yattha mano ca nirujjhati dhamma-saññā ca virajjati||
ye āyatane veditabbe" ti.|| ||
Ko nu kho imassa Bhagavatā saṇkhittena uddesassa uddiṭṭhassa vitthārena atthaṃ vibhajeyyā" ti.|| ||
7. Atha kho tesam bhikkhūnaṃ etad ahosi::|| ||
"Ayaṃ kho āyasmā Ānando Satthu c'eva saṃvaṇṇito sambhāvito ca viññūnaṃ sabrahma-cārīnaṃ,||
pahoti c'āyasmā Ānando imassa Bhagavatā saṇkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ.|| ||
Yaṃ nūna mayaṃ yen'āyasmā Ānando ten'upasaṇkameyyāma.|| ||
Upasaṇkamitvā āyasmantaṃ Ānandaṃ etam atthaṃ paṭipuccheyyāmāti.|| ||
8. Atha kho te bhikkhū yen'āyasmā Ānando ten'upasaṇkamiṃsu||
upasaṇkamitvā āyasmatā Ānandena saddhiṃ [99] sammodiṃsu,||
sammodanīyaṃ kathaṃ sārāṇīyaṃ vīti-sāretvā eka-m-antaṃ nisīdiṃsu.|| ||
9. Eka-m-antaṃ nisinnā kho te bhikkhū āyasmantaṃ Ānandaṃ etad avocuṃ:|| ||
Idaṃ kho no āvuso Ānanda Bhagavā saṇkhittena uddesaṃ uddisitvā vitthārena atthaṃ avibhajitvā uṭṭhāy āsanā vihāraṃ paviṭṭho:|| ||
"Tasmātiha bhikkhave, ye āyatane veditabbe.|| ||
Yattha cakkhuñ ca nirujjhati rūpa-saññā ca virajjati,||
ye āyatane veditabbe.|| ||
Yattha sotañ ca nirujjhati sadda-sañña ca virajjati,||
ye āyatane veditabbe.|| ||
Yattha ghānañ ca nirujjhati gandha-saññā ca virajjati,||
ye āyatane veditabbe.|| ||
Yattha jivhā ca nirujjhati rasa-saññā ca virajjati,||
ye āyatane veditabbe.|| ||
Yattha kāyo ca nirujjhati phoṭṭhabba-saññā ca virajjati,||
ye āyatane veditabbe.|| ||
Yattha mano ca nirujjhati dhamma-saññā ca virajjati||
ye āyatane veditabbe" ti.|| ||
Tesaṇ no āvuso amhākaṃ acira-pakkantassa Bhagavato etad ahosi:|| ||
Idaṃ kho no āvuso Bhagavā saṇkhittena uddesaṃ uddisitvā vitthārena atthaṃ avibhajitvā uṭṭhāy āsanā vihāraṃ paviṭṭho.|| ||
"Tasmātiha bhikkhave, ye āyatane veditabbe.|| ||
Yattha cakkhuñ ca nirujjhati rūpa-saññā ca virajjati,||
ye āyatane veditabbe.|| ||
Yattha sotañ ca nirujjhati sadda-sañña ca virajjati,||
ye āyatane veditabbe.|| ||
Yattha ghānañ ca nirujjhati gandha-saññā ca virajjati,||
ye āyatane veditabbe.|| ||
Yattha jivhā ca nirujjhati rasa-saññā ca virajjati,||
ye āyatane veditabbe.|| ||
Yattha kāyo ca nirujjhati phoṭṭhabba-saññā ca virajjati,||
ye āyatane veditabbe.|| ||
Yattha mano ca nirujjhati dhamma-saññā ca virajjati||
ye āyatane veditabbe" ti.|| ||
Ko nu kho imassa Bhagavatā saṇkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyāti.|| ||
Tesaṇ no āvuso amhākaṃ etad ahosi:|| ||
Ayaṃ kho āyasmā Ānando Satthu c'eva saṃvaṇṇito||
sambhāvito ca viññūnaṃ sabrahma-cārīnaṃ,||
pahoti cāyasmā Ānando imassa Bhagavatā saṇkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ.|| ||
Yaṃ nūna mayaṃ yen'āyasmā Ānando ten'upasaṇkameyyāma||
upasaṇkamitvā āyasmantaṃ Ānandaṃ etam atthaṃ paṭipuccheyyāmāti||
vibhajatāyasmā Ānando ti.|| ||
10. Seyyathā pi āvuso puriso sāratthiko sāragavesī sārapariyesanaṃ caramāno rukkhassa||
tiṭṭhato sāravato ati-k-kammeva mūlaṃ ati-k-kamma khandhaṃ sākhāpalāse sāraṃ pariyesitabbaṃ maññeyya.|| ||
Evaṃ sampadam idaṃ āyasmantānaṃ satthari sammukhībhute taṃ Bhagavantaṃ atisitvā amhe etam atthaṃ paṭipucchitabbaṃ maññatha.|| ||
So āvuso Bhagavā jānaṃ jānāti passaṇ passati||
cakkhubhuto ñāṇabhuto Dhamma-bhuto brahamabhuto vattā pavattā atthassa ninnetā amatassa dātā dhammassāmī Tathāgato.|| ||
So c'eva panetassa kālo ahosi,||
yaṃ Bhagavantaṃ yeva etam atthaṃ paṭipucchey yātha||
yathā vo Bhagavā vyākareyya||
tathā taṃ dhāreyyāthā ti.|| ||
11. Addhā āvuso Ānanda Bhagavā jānaṃ jānāti passaṇ passati||
cakkhubhuto ñāṇabhuto Dhamma-bhuto brahma-bhuto vattā pavattā atthassa ninnetā amatassa dātā dhammassāmī Tathāgato,||
so c'eva panetassa kālo ahosi,||
yaṃ Bhagavantaṃ yeva etam atthaṃ paṭipuccheyyāma||
yathā no Bhagavā vyākareyya tathā naṃ dhāreyyāma.|| ||
Api cāyasmā Ānando Satthu c'eva saṃvaṇṇito,||
sambhāvito ca viññūnaṃ sabrahma-cārīnaṃ,||
pahoti cāyasmā Ānando imassa Bhagavatā saṇkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ,||
vibhajatāyasmā Ānando agaruṃ karitvā ti.|| ||
12. Tena h'āvuso suṇātha sādhukaṃ manasi-karotha bhāsissāmīti.|| ||
[100] 'Evam āvuso' ti kho te bhikkhū āyasmato Ānandassa paccassosuṃ.|| ||
Āyasmā Ānando etad avoca:|| ||
Yaṃ kho vo āvuso Bhagavā saṇkhittena uddesaṃ uddisitvā vitthārena atthaṃ avibhajitvā uṭṭhāy āsanā vihāraṃ paviṭṭho:|| ||
"Tasmātiha bhikkhave, ye āyatane veditabbe.|| ||
Yattha cakkhuñ ca nirujjhati rūpa-saññā ca virajjati,||
ye āyatane veditabbe.|| ||
Yattha sotañ ca nirujjhati sadda-sañña ca virajjati,||
ye āyatane veditabbe.|| ||
Yattha ghānañ ca nirujjhati gandha-saññā ca virajjati,||
ye āyatane veditabbe.|| ||
Yattha jivhā ca nirujjhati rasa-saññā ca virajjati,||
ye āyatane veditabbe.|| ||
Yattha kāyo ca nirujjhati phoṭṭhabba-saññā ca virajjati,||
ye āyatane veditabbe.|| ||
Yattha mano ca nirujjhati dhamma-saññā ca virajjati||
ye āyatane veditabbe" ti.|| ||
Imassa khv'āhaṃ āvuso Bhagavatā saṇkhittena uddesassa uddiṭṭhassa vitthārena atthaṃavibhattassa evaṃ vitthārena attham ājānāmi.|| ||
Saḷāyatana-nirodhaṃ kho āvuso Bhagavatā sandhāya bhāsitaṃ:|| ||
"Tasmātiha bhikkhave, ye āyatane veditabbe.|| ||
Yattha cakkhuñ ca nirujjhati rūpa-saññā ca virajjati,||
ye āyatane veditabbe.|| ||
Yattha sotañ ca nirujjhati sadda-sañña ca virajjati,||
ye āyatane veditabbe.|| ||
Yattha ghānañ ca nirujjhati gandha-saññā ca virajjati,||
ye āyatane veditabbe.|| ||
Yattha jivhā ca nirujjhati rasa-saññā ca virajjati,||
ye āyatane veditabbe.|| ||
Yattha kāyo ca nirujjhati phoṭṭhabba-saññā ca virajjati,||
ye āyatane veditabbe.|| ||
Yattha mano ca nirujjhati dhamma-saññā ca virajjati||
ye āyatane veditabbe" ti.|| ||
14. Imassa khv'āhaṃ āvuso Bhagavatā saṇkhittena uddesassa uddiṭṭhassa vitthārena atthaṃ avibhattassa evaṃ vitthārena atthaṃ ājānāmi.|| ||
Ākaṇkha-mānā ca pana tumhe āyasmantā Bhagavantaṃ yeva upasaṇkamatha,||
upasaṇkamitvā etam atthaṃ paṭipuccheyyātha,||
yathā vo Bhagavā vyākaroti,||
tathā naṃ dhāreyyathā ti.|| ||
Evam āvuso ti kho te bhikkhū āyasmato Ānandassa paṭi-s-sutvā uṭṭhāy āsanā yena Bhagavā ten'upasaṇkamiṃsu.|| ||
Upasaṇkamitvā Bhagavantaṃ abhivādetvā eka-m-antaṃ nisīdiṃsu.|| ||
15. Eka-m-antaṃ nisinnā kho te bhikkhū Bhagavantaṃ etad avocuṃ:|| ||
Yaṃ kho no bhante Bhagavā saṇkhittena uddesaṃ uddisitvā vitthārena atthaṃ avibhajitvā uṭṭhāy āsanā vihāraṃ paviṭṭho:|| ||
"Tasmātiha bhikkhave, ye āyatane veditabbe.|| ||
Yattha cakkhuñ ca nirujjhati rūpa-saññā ca virajjati,||
ye āyatane veditabbe.|| ||
Yattha sotañ ca nirujjhati sadda-sañña ca virajjati,||
ye āyatane veditabbe.|| ||
Yattha ghānañ ca nirujjhati gandha-saññā ca virajjati,||
ye āyatane veditabbe.|| ||
Yattha jivhā ca nirujjhati rasa-saññā ca virajjati,||
ye āyatane veditabbe.|| ||
Yattha kāyo ca nirujjhati phoṭṭhabba-saññā ca virajjati,||
ye āyatane veditabbe.|| ||
Yattha mano ca nirujjhati dhamma-saññā ca virajjati||
ye āyatane veditabbe" ti.|| ||
Tesaṇ no bhante amhākaṃ acira-pakkantassa Bhagavato etad ahosi::|| ||
Idaṃ kho no [101] āvuso Bhagavā saṇkhittena uddesam uddisitvā vitthārena attham avibhajitvā uṭṭhāyāsana vihāram paviṭṭho::|| ||
Tasmātiha bhikkhave, ye āyatane veditabbe,||
yattha cakkhuñ ca nirujjhati rūpa-saññā ca virajjati.|| ||
Ye āyatane veditabbe,||
yattha sotañ ca nirujjhati sadda-sañña ca virajjati.|| ||
Ye āyatane veditabbe,||
yattha ghānañ ca nirujjhati gandha-saññā ca virajjati.|| ||
Ye āyatane veditabbe,||
yattha jivhā ca nirujjhati rasa-saññā ca virajjati.|| ||
Ye āyatane veditabbe,||
yattha kāyo ca nirujjhati phoṭṭhabba-saññā ca virajjati.|| ||
Ye āyatane veditabbe,||
yattha mano ca nirujjhati dhamma-saññā ca virajjati.|| ||
Ye āyatane veditabbe" ti.|| ||
Ko nu kno imassa Bhagavatā saṇkhittena uddesassa uddiṭṭhassa vitthārena attham avibhattassa vitthārena atthaṃ vibhajeyyāti.|| ||
16. Tesaṇ no bhante, amhākaṃ etad ahosi::|| ||
Ayaṃ kho āyasmā Ānando Satthu c'eva saṃvaṇṇito, sambhāvito ca viññūnaṃ sabrahma-cārīnaṃ,||
pahoti cāyasmā Ānando imassa Bhagavatā sakhkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ.|| ||
Yaṃ nūna mayaṃ yen'āyasmā Ānando ten'upasaṇkameyyāma,||
upasaṇkamitvā āyasmantaṃ Ānandaṃ etam atthaṃ paṭipuccheyyāmāti.|| ||
17. Atha kho mayaṃ bhante, yen'āyasmā Ānando ten'upasaṇkamimha||
upasaṇkamitvā āyasmantaṃ Ānandaṃ etam atthaṃ paṭipucchimha.|| ||
Tesaṇ no bhante āyasmatā Ānandena imehi ākārehi imehi padehi imehi vyañjanehi attho vibhatto ti.|| ||
Paṇḍito bhikkhave Ānando,||
mahā-pañño bhikkhave Ānando,||
mañce pi tumhe bhikkhave etam atthaṃ paṭipuccheyyātha,||
aham pi taṃ evam eva vyākareyyaṃ yathā taṃ Ānandena vyākataṃ.|| ||
Eso kho cevetassa attho evañ ca naṃ dhāreyyāthā" ti.|| ||
