Saṃyutta Nikāya
4. Saḷāyatana Vagga
40. Moggallāna Saṃyutta

Sutta 7

Ākiñcaññ'Āyatana Suttaṃ

 

---

[267]

[1][pts][olds] Evaṃ me sutaṃ:|| ||

Ekaṃ samayaṃ āyasmā Mahā Moggallāno Sāvatthiyaṃ viharati Jetavane Anāthapiṇḍikassa ārāme.|| ||

Tatra kho āyasmā Mahā Moggallāno bhikkhū āmantesi:|| ||

"Āvuso bhikkhavo" ti.|| ||

"Āvuso" ti kho te bhikkhū āyasmato Mahā Moggallānassa paccassosuṃ.|| ||

Āyasmā Mahā Moggallāno etad avoca:|| ||

"Idha mayhaṃ āvuso raho-gatassa paṭīsallīnassa
evaṃ cetaso parivitakko udapādi:|| ||

'"Ākiñcaññ'āyatanaṃ,||
Ākiñcaññ'āyatanan" ti vuccati.|| ||

Katamaṃ nu kho Ākiñcaññ'āyatanan' ti?|| ||

Tassa mayhaṃ āvuso etad ahosi:|| ||

'Idha bhikkhu||
sabbaso Viññāṇañ-c'āyatanaṃ samatikkamma||
"N'atthi kiñci" ti||
Ākiñcaññ'āyatanaṃ upasampajja viharati.|| ||

Idaṃ vuccati Ākiñ caññ'āyatananti' ti.|| ||

So khv'āhaṃ āvuso||
sabbaso Viññāṇañ-c'āyatanaṃ samatikkamma||
'N'atthi kiñci' ti||
Ākiñcaññ'āyatanaṃ upasampajja viharāmi||
tassa mayhaṃ āvuso||
iminā vihārena viharato||
viññāṇanañc'āyatana-sahagatā saññā-mana-sikārā samud'ācaranti.|| ||

Atha kho maṃ āvuso Bhagavā iddhiyā upasaṇkamitvā etad avoca:|| ||

'Moggallāna!|| ||

Moggallāna!|| ||

Mā brāhmaṇa, Ākiñcaññ'āyatanaṃ pamādo,||
Ākiñ caññ'āyatane cittaṃ saṇṭhapehi,||
[268] Ākiñ caññ'āyatane cittaṃ ekodiṃ-karohi,||
Ākiñ caññ'āyatane cittaṃ samādahā' ti.|| ||

So khv'āhaṃ āvuso||
aparena samayena||
sabbaso Viññāṇañ-c'āyatanaṃ samatikkamma||
'N'atthi kiñci' ti||
Ākiñcaññ'āyatanaṃ upasampajja vihāsiṃ.|| ||

Yaṃ hi taṃ āvuso sammā vadamāno vadeyya:|| ||

'Satthārānuggahito sāvako mahābhiññataṃ patto' ti,|| ||

mamantaṃ sammā vadamāno vadeyya,|| ||

'Satthārānuggahito sāvako mahābhiññataṃ patto' ti" ti.|| ||