Saṃyutta Nikāya
5. Mahā-Vagga
45. Magga Saṃyutta
2. Vihāra Vagga
Sutta 16
Paṭhama Parisuddha Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evam me sutaṃ:|| ||
Ekaṃ samayam Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
"Aṭṭh'ime bhikkhave, dhammā||
parisuddhā||
pariyodātā||
an-aṇgaṇā||
vīgatūpakkilesā||
anuppannā uppajjanti,||
nāññatra Tathāgatassa pātu-bhāvā||
arahato||
Sammā Sambuddhassa.|| ||
Katame aṭṭha?|| ||
Seyyath'īdaṃ:|| ||
Sammā-diṭṭhi,||
sammā-saṇkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi.|| ||
Ime kho bhikkhave, aṭṭha dhammā||
parisuddhā||
pariyodātā||
an-aṇgaṇā||
vigat'ūpakkilesā||
anuppannā uppajjanti,||
nāññatra Tathāgatassa pātu-bhāvā||
arahato||
Sammā Sambuddhassā" ti.|| ||
