Saṃyutta Nikāya
5. Mahā-Vagga
45. Magga Saṃyutta
3. Micchatta Vagga
Sutta 28
Samādhi Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh][olds] Evam me sutaṃ:|| ||
Ekaṃ samayam Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
"Ariyaṃ vo bhikkhave, sammā-samādhiṃ desissāmi||
sa-upanisaṇ||
sa-parikkhāraṃ.|| ||
Taṃ suṇātha.|| ||
Katamo ca bhikkhave, ariyo sammā-samādhi||
sa-upaniso||
sa-parikkhāro?|| ||
Seyyath'īdaṃ:|| ||
Sammā-diṭṭhi,||
sammā-saṇkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati.|| ||
Yā kho bhikkhave, imehi sattah'aṇgehi||
cittassa ek'aggatā||
sa-parikkhāratā||
ayaṃ vuccati bhikkhave,||
'ariyo sammā-samādhi||
sa-upaniso iti pi||
sa-parikkhāro iti pī'" ti.|| ||
