Vedanā Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][bodh] Evam me sutaṃ:|| ||

Ekaṃ samayam Bhagavā Sāvatthiyaṃ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuṃ.|| ||

Bhagavā etad avoca:|| ||

"Tisso imā bhikkhave, vedanā.|| ||

Katamā tisso?|| ||

Sukhā vedanā||
dukkhā vedanā||
adukkha-m-asukhā vedanā.|| ||

Imā kho bhikkhave, tisso vedanā.|| ||

■

Imāsaṇ kho bhikkhave tissannaṃ vedanānaṃ pariññāya||
Ariyo Aṭṭhaṇgiko Maggo bhāvetabbo.|| ||

Katamo Ariyo Aṭṭhaṇgiko Maggo?|| ||

Seyyath'īdaṃ:|| ||

Sammā-diṭṭhi,||
sammā-saṇkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi.|| ||

[22] Imāsaṇ kho bhikkhave, tissannaṃ vedanānaṃ pariññāya||
ayaṃ Ariyo Aṭṭhaṇgiko Maggo bhāvetabbo" ti.|| ||