Saṃyutta Nikāya
5. Mahā-Vagga
45. Magga Saṃyutta
4. Paṭipatti Vagga
Sutta 32
Paṭipanna Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evam me sutaṃ:|| ||
Ekaṃ samayam Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
Bhagavā etad avoca:|| ||
"Micchā-paṭipannañ ca vo bhikkhave, desissāmi||
sammā-paṭipannañ ca.|| ||
Taṃ suṇātha.|| ||
Katamo ca bhikkhave, micchā-paṭipanno?|| ||
Idha bhikkhave, ekacco||
micchā-diṭṭhiko hoti,||
micchā-saṇkappo,||
micchā-vācā,||
micchā-kammanto,||
micchā-ājīvo,||
micchā-vāyāmo,||
micchā-sati,||
micchā-samādhi.|| ||
Ayaṃ vuccati bhikkhave, micchā-paṭipanno.|| ||
§
Katamo ca bhikkhave, sammā-paṭipanno?|| ||
Idha bhikkhave, ekacco||
sammā-diṭṭhiko hoti,||
sammā-saṇkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi.|| ||
Ayaṃ vuccati bhikkhave, sammā-paṭipanno" ti.|| ||
