Viraddha Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

[1][pts][bodh] Evam me sutaṃ:|| ||

Ekaṃ samayam Bhagavā Sāvatthiyaṃ viharati.|| ||

Tatra kho Bhagavā bhikkhū āmantesi:|| ||

"Bhikkhavo" ti.|| ||

"Bhadante" ti||
te bhikkhū Bhagavato paccassosuṃ.|| ||

Bhagavā etad avoca:|| ||

"Yesaṇ kesañci bhikkhave, Ariyo Aṭṭhaṇgiko Maggo viraddho,||
viraddho tesaṇ Ariyo Aṭṭhaṇgiko Maggo||
sammā-dukkha-k-khaya-gāmī.|| ||

Yesaṇ kesañci bhikkhave, Ariyo Aṭṭhaṇgiko Maggo āraddho,||
āraddho tesaṇ Ariyo Aṭṭhaṇgiko Maggo||
sammā-dukkha-k-khaya-gāmī.|| ||

[24] Katamo ca bhikkhave Ariyo Aṭṭhaṇgiko Maggo?|| ||

Seyyath'īdaṃ:||
sammā-diṭṭhi,||
sammā-saṇkappo,||
sammā-vācā,||
sammā-kammanto,||
sammā-ājīvo,||
sammā-vāyāmo,||
sammā-sati,||
sammā-samādhi.|| ||

"Yesaṇ kesañci bhikkhave, Ariyo Aṭṭhaṇgiko Maggo viraddho,||
viraddho tesaṇ Ariyo Aṭṭhaṇgiko Maggo||
sammā-dukkha-k-khaya-gāmī.|| ||

Yesaṇ kesañci bhikkhave, Ariyo Aṭṭhaṇgiko Maggo āraddho,||
āraddho tesaṇ Ariyo Aṭṭhaṇgiko Maggo||
sammā-dukkha-k-khaya-gāmī.|| ||