Saṃyutta Nikāya
5. Mahā-Vagga
46. Bojjhaṇga Saṃyutta
1. Pabbata Vagga
Sutta 6
Kuṇḍali Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evam me sutaṃ:|| ||
Ekaṃ samayaṃ Bhagavā Sākete viharati Añcanavane Migadāye.|| ||
Atha kho Kuṇḍaliyo paribbājako yena Bhagavā ten'upasaṇkami.|| ||
Upasaṇkamitvā Bhagavatā saddhiṃ sammodi.|| ||
Sammodanīyaṃ kathaṃ sārāṇīyaṃ vīti-sāretvā eka-m-antaṃ nisīdi.|| ||
Eka-m-antaṃ nisinno kho Kuṇḍaliyo paribbājako Bhagavantaṃ etad avoca:|| ||
"Aham asmi bho Gotama, ārāmanisādi parisā-vacaro.|| ||
Tassa mayhaṃ bho Gotama, pacchā-bhattaṃ bhuttapātarāsassa ayam ācāro hoti||
ārāmena ārāmaṃ uyyānena uyyānaṃ||
anucaṇkamāmi, anuvicarāmi.|| ||
So tattha passāmi eke samaṇa-brāhmaṇe itivāda-p-pamokkhānisaṃsañ c'eva kathaṃ kathente upārambhānisaṃsañ ca.|| ||
Bhavaṃ pana Gotamo kimānisaṃso viharatī" ti?|| ||
"Vijjā-vimutti-phalānisaṃso kho Kuṇḍaliya,||
Tathāgato viharatī" ti.
"Katame pana bho Gotama, dhammā bhāvitā bahulī-katā vijjā-vimuttiṃ paripūrentī" ti?|| ||
"Satta kho Kuṇḍaliya, bojjh'aṇgā bhāvitā bahulī-katā vijjā-vimuttiṃ paripūrentī" ti.|| ||
"Katame pana bho Gotama, dhammā bhāvitā bahulī-katā satta-bojjh'aṇge paripūrentī" ti?|| ||
"Cattāro kho Kuṇḍaliya, sati-paṭṭhānā bhāvitā bahulī-katā satta-bojjh'aṇge paripūrentī" ti.|| ||
"Katame bho Gotama, dhammā bhāvitā bahulī-katā cattāro sati-paṭṭhāne paripūrentī" ti?|| ||
"Tīṇi kho Kuṇḍaliya, sucaritāni bhāvitāni bahulī-katāni cattāro sati-paṭṭhāne paripūrentī" ti.|| ||
"Katame pana bho Gotama, dhammā bhāvitā bahulī-katā tīṇi sucaritāni paripūrentī" ti?|| ||
[74] "Indriya-saṃvaro kho Kuṇḍaliya, bhāvito bahulī-kato tīṇi sucaritāni paripūrenti.|| ||
Kathaṃ bhāvito ca Kuṇḍaliya, indriya-saṃvaro||
kathaṃ bahulī-kato tīṇi sucaritāni paripūreti?|| ||
Idha Kuṇḍaliya, bhikkhu||
cakkhunā rūpaṃ disvā manāpaṃ nābhijjhati,||
nābhihaṃsati,||
na rāgaṃ janeti.|| ||
Tassa ṭhito ca kāyo hoti,||
ṭhitaṃ cittaṃ,||
ajjhattaṃ susaṇṭhitaṃ,||
su-vimuttaṃ.|| ||
Cakkhunā kho pan'eva rūpaṃ disvā amanāpaṃ||
na maṇku hoti.|| ||
Apatiṭṭhina-citto ādīnamānaso avyāpanna-cetaso.|| ||
Tassa ṭhito ca kāyo hoti,||
ṭhitaṃ cittaṃ,||
ajjhattaṃ susaṇṭhitaṃ,||
su-vimuttaṃ.|| ||
■
Puna ca paraṃ Kuṇḍaliya, bhikkhu||
sotena saddaṃ sutvā manāpaṃ nābhijjhati,||
nābhihaṃsati,||
na rāgaṃ janeti.|| ||
Tassa ṭhito ca kāyo hoti,||
ṭhitaṃ cittaṃ,||
ajjhattaṃ susaṇṭhitaṃ,||
su-vimuttaṃ.|| ||
Sotena kho pan'eva saddaṃ sutvā amanāpaṃ||
na maṇku hoti.|| ||
Apatiṭṭhina-citto ādīnamānaso avyāpanna-cetaso.|| ||
Tassa ṭhito ca kāyo hoti,||
ṭhitaṃ cittaṃ,||
ajjhattaṃ susaṇṭhitaṃ,||
su-vimuttaṃ.|| ||
■
Ghānena gandhaṃ ghāyitvā manāpaṃ nābhijjhati,||
nābhihaṃsati,||
na rāgaṃ janeti.|| ||
Tassa ṭhito ca kāyo hoti,||
ṭhitaṃ cittaṃ,||
ajjhattaṃ susaṇṭhitaṃ,||
su-vimuttaṃ.|| ||
Gandhaṃ ghāyitvā amanāpaṃ||
na maṇku hoti.|| ||
Apatiṭṭhina-citto ādīnamānaso avyāpanna-cetaso.|| ||
Tassa ṭhito ca kāyo hoti,||
ṭhitaṃ cittaṃ,||
ajjhattaṃ susaṇṭhitaṃ,||
su-vimuttaṃ.|| ||
■
Jivhāya rasaṇ sāyitvā manāpaṃ nābhijjhati,||
nābhihaṃsati,||
na rāgaṃ janeti.|| ||
Tassa ṭhito ca kāyo hoti,||
ṭhitaṃ cittaṃ,||
ajjhattaṃ susaṇṭhitaṃ,||
su-vimuttaṃ.|| ||
Jivhāya kho pan'eva rasaṇ sāyitvā amanāpaṃ||
na maṇku hoti.|| ||
Apatiṭṭhina-citto ādīnamānaso avyāpanna-cetaso.|| ||
Tassa ṭhito ca kāyo hoti,||
ṭhitaṃ cittaṃ,||
ajjhattaṃ susaṇṭhitaṃ,||
su-vimuttaṃ.|| ||
■
Kāyena phoṭṭhabbaṃ phusitvā manāpaṃ nābhijjhati,||
nābhihaṃsati,||
na rāgaṃ janeti.|| ||
Tassa ṭhito ca kāyo hoti,||
ṭhitaṃ cittaṃ,||
ajjhattaṃ susaṇṭhitaṃ,||
su-vimuttaṃ.|| ||
Kāyena kho pan'eva phoṭṭhabbaṃ phusitvā amanāpaṃ||
na maṇku hoti.|| ||
Apatiṭṭhina-citto ādīnamānaso avyāpanna-cetaso.|| ||
Tassa ṭhito ca kāyo hoti,||
ṭhitaṃ cittaṃ,||
ajjhattaṃ susaṇṭhitaṃ,||
su-vimuttaṃ.|| ||
■
Manasā dhammaṃ viññāya manāpaṃ nābhijjhati,||
nābhihaṃsati,||
na rāgaṃ janeti.|| ||
Tassa ṭhito ca kāyo hoti,||
ṭhitaṃ cittaṃ,||
ajjhattaṃ susaṇṭhitaṃ,||
su-vimuttaṃ.|| ||
Manasā kho pan'eva dhammaṃ viññāya amanāpaṃ||
na maṇku hoti.|| ||
Apatiṭṭhina-citto ādīnamānaso avyāpanna-cetaso.|| ||
Tassa ṭhito ca kāyo hoti,||
ṭhitaṃ cittaṃ,||
ajjhattaṃ susaṇṭhitaṃ,||
su-vimuttaṃ.|| ||
Yato kho Kuṇḍaliya, bhikkhuno||
cakkhunā rūpaṃ disvā manāpāmanāpesu rūpesu ṭhito ca kāyo hoti,||
ṭhitaṃ cittaṃ,||
ajjhattaṃ susaṇṭhitaṃ,||
su-vimuttaṃ.|| ||
■
Sotena saddaṃ sutvā manāpāmanāpesu saddesu ṭhito ca kāyo hoti,||
ṭhitaṃ cittaṃ,||
ajjhattaṃ susaṇṭhitaṃ,||
su-vimuttaṃ.|| ||
■
Ghānena gandhaṃ ghāyitvā manāpāmanāpesu gandhesu ṭhito ca kāyo hoti,||
ṭhitaṃ cittaṃ,||
ajjhattaṃ susaṇṭhitaṃ,||
su-vimuttaṃ.|| ||
■
Jivhāya rasaṇ sāyitvā manāpāmanāpesu rasesu ṭhito ca kāyo hoti,||
ṭhitaṃ cittaṃ,||
ajjhattaṃ susaṇṭhitaṃ,||
su-vimuttaṃ.|| ||
■
Kāyena phoṭṭhabbaṃ phusitvā manāpāmanāpesu phoṭṭhabbesu ṭhito ca kāyo hoti,||
ṭhitaṃ cittaṃ,||
ajjhattaṃ susaṇṭhitaṃ,||
su-vimuttaṃ.|| ||
■
Manasā dhammaṃ viññāya manāpāmanāpesu dhammesu ṭhito ca kāyo hoti,||
ṭhitaṃ cittaṃ,||
ajjhattaṃ susaṇṭhitaṃ,||
[75] su-vimuttaṃ.|| ||
Evaṃ bhāvito kho Kuṇḍaliya, indriya-saṃvaro||
evaṃ bahulī-kato tīṇi sucaritāni paripūreti.
Kathaṃ bhāvitāni ca Kuṇḍaliya,||
tīṇi sucaritāni||
kathaṃ bahulī-katāni||
cattāro sati-paṭṭhāne paripūrenti?|| ||
Idha Kuṇḍaliya, bhikkhu kāya-du-c-caritaṃ pahāya||
kāya-su-caritaṃ bhāveti.|| ||
Vacī-du-c-caritaṃ pahāya||
vacī-su-caritaṃ bhāveti.|| ||
Mano-du-c-caritaṃ pahāya||
mano-su-caritaṃ bhāveti.|| ||
Evaṃ bhāvitāni kho Kuṇḍaliya,||
tīṇi sucaritāni||
evaṃ bahulī-katāni||
cattāro sati-paṭṭhāne paripūrentī.|| ||
Kathaṃ bhāvitā ca Kuṇḍaliya,||
cattāro sati-paṭṭhānā||
kathaṃ bahulī-katā satta bojjh'aṇge paripūrenti?|| ||
Idha Kuṇḍaliya, bhikkhu||
kāye kāy'ānupassī viharati,||
ātāpī||
sampajāno||
satimā||
vineyya loke abhijjhā-domanassaṃ.|| ||
■
Vedanāsu vedan'ānupassī viharati,||
ātāpī||
sampajāno||
satimā||
vineyya loke abhijjhā-domanassaṃ.|| ||
■
Citte citt'ānupassī viharati,||
ātāpī||
sampajāno||
satimā||
vineyya loke abhijjhā-domanassaṃ.|| ||
■
Dhammesu Dhamm'ānupassī viharati viharati,||
ātāpī||
sampajāno||
satimā||
vineyya loke abhijjhā-domanassaṃ.|| ||
Evaṃ bhāvitā kho Kuṇḍaliya,||
cattāro sati-paṭṭhānā||
evaṃ bahulī-katā||
satta bojjh'aṇge paripūrenti.|| ||
Kathaṃ bhāvitā ca kho Kuṇḍaliya,||
satta bojjh'aṇgā||
kathaṃ bahulī-katā vijajāvimuttiṃ paripūrenti?|| ||
Idha Kuṇḍaliya, Bhikkhu||
sati-sambojjh'aṇgaṃ bhāveti,||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Dhamma-vicaya-sambojjh'aṇgaṃ bhāveti,||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Viriya-sambojjh'aṇgaṃ bhāveti,||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Pīti-sambojjh'aṇgaṃ bhāveti,||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Passaddhi-sambojjh'aṇgaṃ bhāveti,||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Samādhi-sambojjh'aṇgaṃ bhāveti,||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Upekkhā-sambojjh'aṇgaṃ bhāveti,||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Evaṃ bhāvitā kho Kuṇḍaliya,||
satta bojjh'aṇgā||
evaṃ bahulī-katā||
vijjā-vimuttiṃ paripūrentī" ti.|| ||
Evaṃ vutte Kuṇḍaliyo paribbājako Bhagavantaṃ etad avoca:|| ||
"Abhikkantaṃ bho Gotama!|| ||
Abhikkantaṃ bho Gotama!|| ||
Seyyathā pi bho Gotama,||
nikkujjitaṃ vā ukkujjeyya,||
paṭi-c-channaṃ vā vivareyya,||
mūḷhassa vā Maggaṃ ācikkheyya,||
andha-kāre vā tela-pajjotaṃ dhāreyya||
'cakkhu-manto rūpāni dakkhintī' ti.|| ||
Evam evaṃ bhotā Gotamena||
aneka-pariyāyena dhammo pakāsito.|| ||
Es'āhaṃ Bhagavantaṃ Gotamaṃ saraṇaṃ gacchāmi,||
Dhammañ ca||
bhikkhu-saṇghañ ca.|| ||
Upāsakaṃ maṃ bhavaṃ Gotamo dhāretu ajja-t-agge pāṇupetaṃ saraṇaṃ gatan" ti.|| ||
