Saṃyutta Nikāya
5. Mahā-Vagga
46. Bojjhaṇga Saṃyutta
2. Gilāna Vagga
Sutta 20
Nibbidā Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evam me sutaṃ:|| ||
Ekaṃ samayam Bhagavā Sāvatthiyaṃ viharati Jetavane Anāthapindikassa ārāme.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
"Satt'ime bhikkhave, bojjh'aṇgā bhāvitā||
bahulī-katā||
ekanta-nibbidāya||
virāgāya||
nirodhāya||
upasamāya||
abhiññāya||
sambodhāya||
nibbāṇaya saṃvaṭṭanti.|| ||
Katame satta?|| ||
Sati-sambojjh'aṇgo,||
dhamma-vicaya-sambojjh'aṇgo,||
viriya-sambojjh'aṇgo,||
pīti-sambojjh'aṇgo,||
passaddhi-sambojjh'aṇgo,||
samādhi-sambojjh'aṇgo,||
upekhā-sambojjh'aṇgo.|| ||
Ime kho bhikkhave, satta bojjh'aṇgā bhāvitā||
bahulī-katā||
ekanta-nibbidāya||
virāgāya||
nirodhāya||
upasamāya||
abhiññāya||
sambodhāya||
nibbāṇaya saṃvaṭṭan" ti.|| ||
