Saṃyutta Nikāya
5. Mahā-Vagga
46. Bojjhaṇga Saṃyutta
5. Cakka-Vatti Vagga
Sutta 47
Adalidda Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh] Evam me sutaṃ:|| ||
Ekaṃ samayam Bhagavā Sāvatthiyaṃ viharati Jetavane Anāthapindikassa ārāme.|| ||
Atha kho aññataro bhikkhu yena Bhagavā ten'upasaṇkami.|| ||
Upasaṇkamitvā Bhagavantaṃ abhivādetvā eka-m-antaṃ nisīdi.|| ||
Eka-m-antaṃ nisinno kho so bhikkhu Bhagavantaṃ etad avoca:|| ||
"'Adalidda!|| ||
Adalidda!' ti bhante, vuccati.|| ||
Kittāvatā nu kho bhante,||
'Adalidda' ti vuccatī" ti?|| ||
"Sattannaṃ kho bhikkhu,||
bojjh'aṇgānaṃ bhāvitattā||
bahulī-katattā||
'Adalidda' ti vuccati.|| ||
Katamesaṇ sattannaṃ?|| ||
Sati-sambojjh'aṇgassa||
dhamma-vicaya-sambojjh'aṇgassa||
viriya-sambojjh'aṇgassa||
pīti-sambojjh'aṇgassa||
passaddhi-sambojjh'aṇgassa||
samādhi-sambojjh'aṇgassa||
upekhā-sambojjh'aṇgassa.|| ||
Imesaṃ kho bhikkhu, sattannaṃ bojjh'aṇgānaṃ||
bhāvitattā||
bahulī-katattā||
'Adalidda' ti vuccatī" ti.|| ||
