Saṃyutta Nikāya
5. Mahā-Vagga
47. Sati-Paṭṭhāna Saṃyutta
2. Nālandā Vagga
Sutta 14
Cela (Ukkāvela, Ukkācela) Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][bodh][nypo] Evam me sutaṃ:|| ||
Ekaṃ samayaṃ Bhagavā Vajjīsu viharati||
Ukkacelāyaṃ Gaṇgāya nadiyā tīre mahatā bhikkhu-saṇghena saddhiṃ||
aciraparinibbutesu Sāriputta-Moggallānesu.|| ||
Tena kho pana samayena Bhagavā bhikkhu-saṇgha-parivuto ajjhokāse nisinno hoti.|| ||
Atha kho Bhagavā tuṇbhībhūtaṃ bhikkhu-saṇghaṃ anuviloketvā bhikkhū āmantesi:|| ||
[164] "Api myāyaṃ bhikkhave, parisā suññā viya khāyati.|| ||
Parinibbutesu Sāriputta-Moggallānesu||
suññā me sā bhikkhave, parisā hoti.|| ||
Anapekkhā tassaṃ disāyaṃ hoti,||
yassaṃ disāyaṃ Sāriputta-Moggallānā viharanti.|| ||
BJT Pali:
Api ca khvāyaṃ bhikkhave, parisā suññā viya khāyati parinibbutesu Sāriputta-Moggallānesu asuññā me sā bhikkhave, parisā hoti anapekhā tassaṇ disāyaṃ hoti, yassaṇ disāyaṃ Sāriputta-Moggallānā viharanti.|| ||
Ye pi te bhikkhave, ahesuṃ atītam addhānaṃ Arahanto Sammā Sambuddhā, tesam pi Bhagavantānaṃ etaparamaṃ yeva sāvakayugaṃ ahosi, seyyathā pi mayhaṃ Sāriputta-Moggallānā.|| ||
CSCD Pali:
"Api myayaṃ, bhikkhave, parisa suñña viya khayati parinibbutesu sariputtaMoggallanesu.|| ||
Asuñña me, bhikkhave, parisa hoti, anapekkha tassaṃ disayaṃ hoti, yassaṃ disayaṃ sariputtaMoggallāna viharanti.|| ||
Ye hi te bhikkhave, ahesuṃ atītam addhānaṃ Arahanto Sammā Sambuddhā,||
tesam pi Bhagavantānaṃ etaparamaṃ yeva sāvakayugaṃ ahosi.|| ||
Seyyathā pi mayhaṃ Sāriputta-Moggallānā.|| ||
Ye pi te bhikkhave, bhavissanti anāgatam addhānaṃ Arahanto Sammā Sambuddhā,||
tesam pi Bhagavantānaṃ etaparamaṃ yeva sāvakayugaṃ bhavissati.|| ||
Seyyathā pi mayhaṃ Sāriputta-Moggallānā.|| ||
Acchariyaṃ bhikkhave, sāvakānaṃ abbhutaṃ bhikkhave,||
sāvakānaṃ Satthu cā nāmā ca sāsanakarā bhavissanti ovādapatikarā.|| ||
Catunnañ ca parisānaṃ piyā bhavissanti manāpā garu bhāvanīyā ca.|| ||
Acchariyaṃ bhikkhave, Tathāgatassa,||
abbhutaṃ bhikkhave, Tathāgatassa.|| ||
Eva-rūpe pi nāma sāvakayuge parinibbute n'atthi Tathāgatassa soko vā paridevo vā.|| ||
Taṃ kut'ettha bhikkhave, labbhā.|| ||
Yaṃ taṃ jātaṃ bhūtaṃ saṇkhataṃ paloka-dhammaṃ,||
'taṃ vata mā palujjī' ti||
n'etaṃ ṭhānaṃ vijjati.|| ||
■
Seyyathā pi bhikkhave, mahato rukkhassa tiṭṭhato sāravato ye mahantarā khandhā te palujjeyyuṃ.|| ||
Evam eva kho, bhikkhave, mahato bhikkhu-saṇghassa tiṭṭhato sāravato Sāriputta-Moggallānā parinibbutā.|| ||
■
Taṃ kutettha bhikkhave labbhā, yaṃ taṃ jātaṃ bhūtaṃ saṇkhataṃ paloka-dhammaṃ,||
'taṃ vata mā palujjī' ti||
n'etaṃ ṭhānaṃ vijjati.|| ||
§
Tasmātiha bhikkhave, atta-dīpā viharatha||
atta-saraṇā||
anañña-saraṇā||
dhamma-dīpā||
dhamma-saraṇā||
anañña-saraṇā.|| ||
Kathañ bhikkhave, bhikkhu, atta-dīpā viharatha||
atta-saraṇā||
anañña-saraṇā||
dhamma-dīpā||
dhamma-saraṇā||
anañña-saraṇā?|| ||
Idha bhikkhave, bhikkhu kāye kāy'ānupassī viharati,||
ātāpī||
sampajāno||
satimā||
vineyya loke abhijjhā-domanassaṃ.|| ||
Vedanāsu vedan'ānupassī viharati,||
ātāpī||
sampajāno||
satimā||
vineyya loke abhijjhā-domanassaṃ.|| ||
Citte citt'ānupassī viharati,||
ātāpī||
sampajāno||
satimā||
vineyya loke abhijjhā-domanassaṃ.|| ||
Dhammesu Dhamm'ānupassī viharati,||
ātāpī||
sampajāno||
satimā||
vineyya loke abhijjhā-domanassaṃ.|| ||
Evaṃ kho bhikkhave, bhikkhu atta-dīpo viharati||
atta-saraṇo||
anañña-saraṇo||
dhamma-dīpo||
dhamma-saraṇo||
anañña-saraṇo.|| ||
[165] Ye hi keci bhikkhave, etarahi vā mam'accaye vā atta-dīpā viharissantī||
atta-saraṇā||
anañña-saraṇā||
dhamma-dīpā||
dhamma-saraṇā||
anañña-saraṇā.|| ||
Tama-t-agge p'ete bhikkhave, bhikkhu bhavissanti||
ye keci sikkhā-kāmā" ti.|| ||
