Saṃyutta Nikāya
5. Mahā-Vagga
48. Indriya Saṃyutta
10. Bala-Karaṇīya Vagga
Suttas 93-104
Adapted from the 1995 edition of the digital version of the Sri Lanka Buddha Jayanti Tripitaka Series.
Sutta 93
Bala Suttaṃ
i. Viveka
[93.1][pts Evam me sutaṃ:|| ||
Ekaṃ samayam Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
Bhagavā etad avoca:|| ||
"Seyyathā pi bhikkhave, ye keci bala-karaṇīyā||
kammantā karīyanti,||
sabbe te paṭhaviṃ nissāya||
paṭhaviyaṃ patiṭṭhāya||
evam eva te bala-karaṇīyā||
kammantā karīyanti.|| ||
Evam eva kho bhikkhave, bhikkhu||
sīlaṃ nissāya||
sīle patiṭṭhāya||
pañc'indriyāni bhāveti,||
pañc'indriyāni bahulī-karoti.|| ||
Kathañ ca Bhikkhave, bhikkhu sīlaṃ nissāya||
sīle patiṭṭhāya||
pañc'indriyāni bhāveti,||
pañc'indriyāni bahulī-karoti?|| ||
Idha bhikkhave, bhikkhu saddh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
viriy'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
sat'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
samādh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
paññ'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Evaṃ kho bhikkhave, bhikkhu sīlaṃ nissāya sīle patiṭṭhāya pañc'indriyāni bhāveti,||
pañc'indriyāni bahulī-karotī" ti.|| ||
§
ii. Rāga-vinaya
"Seyyathā pi bhikkhave, ye keci bala-karaṇīyā||
kammantā karīyanti,||
sabbe te paṭhaviṃ nissāya||
paṭhaviyaṃ patiṭṭhāya||
evam eva te bala-karaṇīyā||
kammantā karīyanti.|| ||
Evam eva kho bhikkhave, bhikkhu||
sīlaṃ nissāya||
sīle patiṭṭhāya||
pañc'indriyāni bhāveti,||
pañc'indriyāni bahulī-karoti.|| ||
Kathañ ca Bhikkhave, bhikkhu sīlaṃ nissāya||
sīle patiṭṭhāya||
pañc'indriyāni bhāveti,||
pañc'indriyāni bahulī-karoti?|| ||
Idha bhikkhave, bhikkhu saddh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu viriy'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu sat'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu samādh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu paññ'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Evaṃ kho bhikkhave, bhikkhu sīlaṃ nissāya sīle patiṭṭhāya pañc'indriyāni bhāveti,||
pañc'indriyāni bahulī-karotī" ti.|| ||
§
iii. Amata
"Seyyathā pi bhikkhave, ye keci bala-karaṇīyā||
kammantā karīyanti,||
sabbe te paṭhaviṃ nissāya||
paṭhaviyaṃ patiṭṭhāya||
evam eva te bala-karaṇīyā||
kammantā karīyanti.|| ||
Evam eva kho bhikkhave, bhikkhu||
sīlaṃ nissāya||
sīle patiṭṭhāya||
pañc'indriyāni bhāveti,||
pañc'indriyāni bahulī-karoti.|| ||
Kathañ ca Bhikkhave, bhikkhu sīlaṃ nissāya||
sīle patiṭṭhāya||
pañc'indriyāni bhāveti,||
pañc'indriyāni bahulī-karoti?|| ||
Idha bhikkhave, bhikkhu saddh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu viriy'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu sat'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu samādh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu paññ'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Evaṃ kho bhikkhave, bhikkhu sīlaṃ nissāya sīle patiṭṭhāya pañc'indriyāni bhāveti,||
pañc'indriyāni bahulī-karotī" ti.|| ||
§
iv. Nibbāna
"Seyyathā pi bhikkhave, ye keci bala-karaṇīyā||
kammantā karīyanti,||
sabbe te paṭhaviṃ nissāya||
paṭhaviyaṃ patiṭṭhāya||
evam eva te bala-karaṇīyā||
kammantā karīyanti.|| ||
Evam eva kho bhikkhave, bhikkhu||
sīlaṃ nissāya||
sīle patiṭṭhāya||
pañc'indriyāni bhāveti,||
pañc'indriyāni bahulī-karoti.|| ||
Kathañ ca Bhikkhave, bhikkhu sīlaṃ nissāya||
sīle patiṭṭhāya||
pañc'indriyāni bhāveti,||
pañc'indriyāni bahulī-karoti?|| ||
Idha bhikkhave, bhikkhu saddh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu viriy'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu sat'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu samādh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu paññ'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Evaṃ kho bhikkhave, bhikkhu sīlaṃ nissāya sīle patiṭṭhāya pañc'indriyāni bhāveti,||
pañc'indriyāni bahulī-karotī" ti.|| ||
Sutta 94
Bīja Suttaṃ
i. Viveka
[94.1][pts] Evam me sutaṃ:|| ||
Ekaṃ samayam Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
Bhagavā etad avoca:|| ||
"Seyyathā pi bhikkhave,||
ye keci bīja-gāma||
bhuta-gāmā||
vuddhiṃ viruḷhiṃ||
vepullaṃ āpajjanti.|| ||
Sabbe te paṭhaviṃ nissāya||
paṭhaviyāṃ patiṭṭhāya||
evam ete bīja-gāma||
bhūta-gāmā||
vuddhiṃ virūḷhiṃ||
vepullaṃ āpajjanti.|| ||
Evam eva kho bhikkhave, bhikkhu||
sīlaṃ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karontā||
vuddhiṃ virūḷhiṃ||
vepullaṃ pāpuṇāti dhammesu.|| ||
Kathañ ca bhikkhave, bhikkhu sīlaṃ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto?|| ||
Idha bhikkhave, bhikkhu saddh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
viriy'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
sat'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
samādh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
paññ'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Evaṃ kho bhikkhave, bhikkhu sīlaṃ nissāya sīle patiṭṭhāya pañc'indriyāni bhāveti,||
pañc'indriyāni bahulī-karonto||
mahantaṃ vepullattaṃ pāpuṇāti dhammesū" ti.|| ||
§
ii. Rāga-vinaya
"Seyyathā pi bhikkhave,||
ye keci bīja-gāma||
bhuta-gāmā||
vuddhiṃ viruḷhiṃ||
vepullaṃ āpajjanti.|| ||
Sabbe te paṭhaviṃ nissāya||
paṭhaviyāṃ patiṭṭhāya||
evam ete bīja-gāma||
bhūta-gāmā||
vuddhiṃ virūḷhiṃ||
vepullaṃ āpajjanti.|| ||
Evam eva kho bhikkhave, bhikkhu||
sīlaṃ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karontā||
vuddhiṃ virūḷhiṃ||
vepullaṃ pāpuṇāti dhammesu.|| ||
Kathañ ca bhikkhave, bhikkhu sīlaṃ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto?|| ||
Idha bhikkhave, bhikkhu saddh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu viriy'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu sat'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu samādh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu paññ'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Evaṃ kho bhikkhave, bhikkhu sīlaṃ nissāya sīle patiṭṭhāya pañc'indriyāni bhāveti,||
pañc'indriyāni bahulī-karonto||
mahantaṃ vepullattaṃ pāpuṇāti dhammesū" ti.|| ||
§
iii. Amata
"Seyyathā pi bhikkhave,||
ye keci bīja-gāma||
bhuta-gāmā||
vuddhiṃ viruḷhiṃ||
vepullaṃ āpajjanti.|| ||
Sabbe te paṭhaviṃ nissāya||
paṭhaviyāṃ patiṭṭhāya||
evam ete bīja-gāma||
bhūta-gāmā||
vuddhiṃ virūḷhiṃ||
vepullaṃ āpajjanti.|| ||
Evam eva kho bhikkhave, bhikkhu||
sīlaṃ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karontā||
vuddhiṃ virūḷhiṃ||
vepullaṃ pāpuṇāti dhammesu.|| ||
Kathañ ca bhikkhave, bhikkhu sīlaṃ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto?|| ||
Idha bhikkhave, bhikkhu saddh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu viriy'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu sat'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu samādh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu paññ'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Evaṃ kho bhikkhave, bhikkhu sīlaṃ nissāya sīle patiṭṭhāya pañc'indriyāni bhāveti,||
pañc'indriyāni bahulī-karonto||
mahantaṃ vepullattaṃ pāpuṇāti dhammesū" ti.|| ||
§
iv. Nibbāna
"Seyyathā pi bhikkhave,||
ye keci bīja-gāma||
bhuta-gāmā||
vuddhiṃ viruḷhiṃ||
vepullaṃ āpajjanti.|| ||
Sabbe te paṭhaviṃ nissāya||
paṭhaviyāṃ patiṭṭhāya||
evam ete bīja-gāma||
bhūta-gāmā||
vuddhiṃ virūḷhiṃ||
vepullaṃ āpajjanti.|| ||
Evam eva kho bhikkhave, bhikkhu||
sīlaṃ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karontā||
vuddhiṃ virūḷhiṃ||
vepullaṃ pāpuṇāti dhammesu.|| ||
Kathañ ca bhikkhave, bhikkhu sīlaṃ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto?|| ||
Idha bhikkhave, bhikkhu saddh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu viriy'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu sat'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu samādh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu paññ'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Evaṃ kho bhikkhave, bhikkhu sīlaṃ nissāya sīle patiṭṭhāya pañc'indriyāni bhāveti,||
pañc'indriyāni bahulī-karonto||
mahantaṃ vepullattaṃ pāpuṇāti dhammesū" ti.|| ||
Sutta 95
Nāga Suttaṃ
i. Viveka
[95.1][pts] Evam me sutaṃ:|| ||
Ekaṃ samayam Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
Bhagavā etad avoca:|| ||
"Seyyathā pi bhikkhave, himavantaṃ pabba-tarājaṃ nissāya||
nāgā kāyaṃ vaḍḍhanti,||
balaṃ gāhenti.|| ||
Te tattha kāyaṃ vaḍḍhetvā||
balaṃ gāhetvā kussubbhe otaranti.|| ||
Kussubbhe otaritvā mahā-sobbhe otaranti.|| ||
Mahāsobbhe otaritvā kunnadiyo otaranti|| ||
Kunnadiyo otaritvā mahā-nadiyo otaranti.|| ||
Mahānadiyo otaritvā mahā-samuddaṃ sāgaraṃ otaranti.|| ||
Te tattha mahantatthaṃ vepullantaṃ āpajjanti kāyena.|| ||
Evam eva kho bhikkhave, bhikkhu sīlaṃ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto||
mahantaṃ vepullattaṃ pāpuṇāti dhammesu.|| ||
Kathañ ca bhikkhave, bhikkhu sīlaṃ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto||
mahantaṃ vepullattaṃ pāpuṇāti dhammesu?|| ||
Idha bhikkhave, bhikkhu saddh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
viriy'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
sat'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
samādh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
paññ'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Evaṃ kho bhikkhave, bhikkhu sīlaṃ nissāya sīle patiṭṭhāya pañc'indriyāni bhāveti,||
pañc'indriyāni bahulī-karonto||
mahantaṃ vepullattaṃ pāpuṇāti dhammesū" ti.|| ||
§
ii. Rāga-vinaya
"Seyyathā pi bhikkhave, himavantaṃ pabba-tarājaṃ nissāya||
nāgā kāyaṃ vaḍḍhanti,||
balaṃ gāhenti.|| ||
Te tattha kāyaṃ vaḍḍhetvā||
balaṃ gāhetvā kussubbhe otaranti.|| ||
Kussubbhe otaritvā mahā-sobbhe otaranti.|| ||
Mahāsobbhe otaritvā kunnadiyo otaranti|| ||
Kunnadiyo otaritvā mahā-nadiyo otaranti.|| ||
Mahānadiyo otaritvā mahā-samuddaṃ sāgaraṃ otaranti.|| ||
Te tattha mahantatthaṃ vepullantaṃ āpajjanti kāyena.|| ||
Evam eva kho bhikkhave, bhikkhu sīlaṃ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto||
mahantaṃ vepullattaṃ pāpuṇāti dhammesu.|| ||
Kathañ ca bhikkhave, bhikkhu sīlaṃ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto||
mahantaṃ vepullattaṃ pāpuṇāti dhammesu?|| ||
Idha bhikkhave, bhikkhu saddh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu viriy'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu sat'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu samādh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu paññ'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Evaṃ kho bhikkhave, bhikkhu sīlaṃ nissāya sīle patiṭṭhāya pañc'indriyāni bhāveti,||
pañc'indriyāni bahulī-karonto||
mahantaṃ vepullattaṃ pāpuṇāti dhammesū" ti.|| ||
§
iii. Amata
"Seyyathā pi bhikkhave, himavantaṃ pabba-tarājaṃ nissāya||
nāgā kāyaṃ vaḍḍhanti,||
balaṃ gāhenti.|| ||
Te tattha kāyaṃ vaḍḍhetvā||
balaṃ gāhetvā kussubbhe otaranti.|| ||
Kussubbhe otaritvā mahā-sobbhe otaranti.|| ||
Mahāsobbhe otaritvā kunnadiyo otaranti|| ||
Kunnadiyo otaritvā mahā-nadiyo otaranti.|| ||
Mahānadiyo otaritvā mahā-samuddaṃ sāgaraṃ otaranti.|| ||
Te tattha mahantatthaṃ vepullantaṃ āpajjanti kāyena.|| ||
Evam eva kho bhikkhave, bhikkhu sīlaṃ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto||
mahantaṃ vepullattaṃ pāpuṇāti dhammesu.|| ||
Kathañ ca bhikkhave, bhikkhu sīlaṃ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto||
mahantaṃ vepullattaṃ pāpuṇāti dhammesu?|| ||
Idha bhikkhave, bhikkhu saddh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu viriy'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu sat'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu samādh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu paññ'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Evaṃ kho bhikkhave, bhikkhu sīlaṃ nissāya sīle patiṭṭhāya pañc'indriyāni bhāveti,||
pañc'indriyāni bahulī-karonto||
mahantaṃ vepullattaṃ pāpuṇāti dhammesū" ti.|| ||
§
iv. Nibbāna
"Seyyathā pi bhikkhave, himavantaṃ pabba-tarājaṃ nissāya||
nāgā kāyaṃ vaḍḍhanti,||
balaṃ gāhenti.|| ||
Te tattha kāyaṃ vaḍḍhetvā||
balaṃ gāhetvā kussubbhe otaranti.|| ||
Kussubbhe otaritvā mahā-sobbhe otaranti.|| ||
Mahāsobbhe otaritvā kunnadiyo otaranti|| ||
Kunnadiyo otaritvā mahā-nadiyo otaranti.|| ||
Mahānadiyo otaritvā mahā-samuddaṃ sāgaraṃ otaranti.|| ||
Te tattha mahantatthaṃ vepullantaṃ āpajjanti kāyena.|| ||
Evam eva kho bhikkhave, bhikkhu sīlaṃ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto||
mahantaṃ vepullattaṃ pāpuṇāti dhammesu.|| ||
Kathañ ca bhikkhave, bhikkhu sīlaṃ nissāya||
sīle patiṭṭhāya||
pañc'indriyāni bhāvento||
pañc'indriyāni bahulī-karonto||
mahantaṃ vepullattaṃ pāpuṇāti dhammesu?|| ||
Idha bhikkhave, bhikkhu saddh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu viriy'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu sat'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu samādh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu paññ'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Evaṃ kho bhikkhave, bhikkhu sīlaṃ nissāya sīle patiṭṭhāya pañc'indriyāni bhāveti,||
pañc'indriyāni bahulī-karonto||
mahantaṃ vepullattaṃ pāpuṇāti dhammesū" ti.|| ||
Sutta 96
Rukkha Suttaṃ
i. Viveka
[96.1][pts] Evam me sutaṃ:|| ||
Ekaṃ samayam Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
Bhagavā etad avoca:|| ||
"Seyyathā pi bhikkhave, rukkho||
pācīna-ninno||
pācīna poṇo||
pācīna-pabbhāro.|| ||
So mūle chinno katamena papātena papateyyā" ti?|| ||
"Yena bhante, ninno yena poṇo||
yena pabbhāro" ti.|| ||
"Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
Nibbāna-ninno hoti||
Nibbāna-poṇo Nibbāna-pabbhāro.|| ||
Kathañ ca bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
Nibbāna-ninno hoti||
Nibbāna-poṇo Nibbāna-pabbhāro?|| ||
Idha bhikkhave, bhikkhu saddh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
viriy'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
sat'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
samādh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
paññ'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Evaṃ kho bhikkhave, bhikkhu pañc'indriyāni bhāvento||
pañc'indriyāni bahulī-karonto,||
Nibbāna-ninno hoti||
Nibbāna-poṇo Nibbāna-pabbhāro" ti.|| ||
§
ii. Rāga-vinaya
"Seyyathā pi bhikkhave, rukkho||
pācīna-ninno||
pācīna poṇo||
pācīna-pabbhāro.|| ||
So mūle chinno katamena papātena papateyyā" ti?|| ||
"Yena bhante, ninno yena poṇo||
yena pabbhāro" ti.|| ||
"Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
Nibbāna-ninno hoti||
Nibbāna-poṇo Nibbāna-pabbhāro.|| ||
Kathañ ca bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
Nibbāna-ninno hoti||
Nibbāna-poṇo Nibbāna-pabbhāro?|| ||
Idha bhikkhave, bhikkhu saddh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu viriy'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu sat'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu samādh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu paññ'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Evaṃ kho bhikkhave, bhikkhu pañc'indriyāni bhāvento||
pañc'indriyāni bahulī-karonto,||
Nibbāna-ninno hoti||
Nibbāna-poṇo Nibbāna-pabbhāro" ti.|| ||
§
iii. Amata
"Seyyathā pi bhikkhave, rukkho||
pācīna-ninno||
pācīna poṇo||
pācīna-pabbhāro.|| ||
So mūle chinno katamena papātena papateyyā" ti?|| ||
"Yena bhante, ninno yena poṇo||
yena pabbhāro" ti.|| ||
"Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
Nibbāna-ninno hoti||
Nibbāna-poṇo Nibbāna-pabbhāro.|| ||
Kathañ ca bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
Nibbāna-ninno hoti||
Nibbāna-poṇo Nibbāna-pabbhāro?|| ||
Idha bhikkhave, bhikkhu saddh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu viriy'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu sat'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu samādh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu paññ'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Evaṃ kho bhikkhave, bhikkhu pañc'indriyāni bhāvento||
pañc'indriyāni bahulī-karonto,||
Nibbāna-ninno hoti||
Nibbāna-poṇo Nibbāna-pabbhāro" ti.|| ||
§
iv. Nibbāna
"Seyyathā pi bhikkhave, rukkho||
pācīna-ninno||
pācīna poṇo||
pācīna-pabbhāro.|| ||
So mūle chinno katamena papātena papateyyā" ti?|| ||
"Yena bhante, ninno yena poṇo||
yena pabbhāro" ti.|| ||
"Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
Nibbāna-ninno hoti||
Nibbāna-poṇo Nibbāna-pabbhāro.|| ||
Kathañ ca bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
Nibbāna-ninno hoti||
Nibbāna-poṇo Nibbāna-pabbhāro?|| ||
Idha bhikkhave, bhikkhu saddh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu viriy'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu sat'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu samādh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu paññ'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Evaṃ kho bhikkhave, bhikkhu pañc'indriyāni bhāvento||
pañc'indriyāni bahulī-karonto,||
Nibbāna-ninno hoti||
Nibbāna-poṇo Nibbāna-pabbhāro" ti.|| ||
Sutta 97
Kumbha Suttaṃ
i. Viveka
[97.1][pts] Evam me sutaṃ:|| ||
Ekaṃ samayam Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
Bhagavā etad avoca:|| ||
"Seyyathā pi bhikkhave, kumbho nikkujjo||
vamat'eva udakaṃ||
no paccāvamati.|| ||
Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
vamat'eva pāpake akusale dhamme||
no paccāvamati.|| ||
Kathañ ca Bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
vamat'eva pāpake akusale dhamme||
no paccāvamati?|| ||
Idha bhikkhave, bhikkhu saddh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
viriy'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
sat'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
samādh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
paññ'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Evaṃ kho bhikkhave, bhikkhu pañc'indriyāni bhāvento||
pañc'indriyāni bahulī-karonto,||
vāmateva pāpake akusale dhamme||
no paccāvamatī ti.|| ||
§
ii. Rāga-vinaya
"Seyyathā pi bhikkhave, kumbho nikkujjo||
vamat'eva udakaṃ||
no paccāvamati.|| ||
Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
vamat'eva pāpake akusale dhamme||
no paccāvamati.|| ||
Kathañ ca Bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
vamat'eva pāpake akusale dhamme||
no paccāvamati?|| ||
Idha bhikkhave, bhikkhu saddh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu viriy'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu sat'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu samādh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu paññ'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Evaṃ kho bhikkhave, bhikkhu pañc'indriyāni bhāvento||
pañc'indriyāni bahulī-karonto,||
vāmateva pāpake akusale dhamme||
no paccāvamatī ti.|| ||
§
iii. Amata
"Seyyathā pi bhikkhave, kumbho nikkujjo||
vamat'eva udakaṃ||
no paccāvamati.|| ||
Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
vamat'eva pāpake akusale dhamme||
no paccāvamati.|| ||
Kathañ ca Bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
vamat'eva pāpake akusale dhamme||
no paccāvamati?|| ||
Idha bhikkhave, bhikkhu saddh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu viriy'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu sat'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu samādh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu paññ'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Evaṃ kho bhikkhave, bhikkhu pañc'indriyāni bhāvento||
pañc'indriyāni bahulī-karonto,||
vāmateva pāpake akusale dhamme||
no paccāvamatī ti.|| ||
§
iv. Nibbāna
"Seyyathā pi bhikkhave, kumbho nikkujjo||
vamat'eva udakaṃ||
no paccāvamati.|| ||
Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
vamat'eva pāpake akusale dhamme||
no paccāvamati.|| ||
Kathañ ca Bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
vamat'eva pāpake akusale dhamme||
no paccāvamati?|| ||
Idha bhikkhave, bhikkhu saddh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu viriy'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu sat'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu samādh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu paññ'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Evaṃ kho bhikkhave, bhikkhu pañc'indriyāni bhāvento||
pañc'indriyāni bahulī-karonto,||
vāmateva pāpake akusale dhamme||
no paccāvamatī ti.|| ||
Sutta 98
Sūka Suttaṃ
i. Viveka
[98.1][pts] Evam me sutaṃ:|| ||
Ekaṃ samayam Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
Bhagavā etad avoca:|| ||
"Seyyathā pi bhikkhave, sālisūkaṃ vā||
yavasūkaṃ vā||
sammā paṇihitaṃ hatthena vā||
pāpadena vā||
akkantaṃ hatthaṃ vā||
pādaṃ vā||
chijjhati lohitaṃ vā||
uppādessatī ti.|| ||
Ṭhānam etaṃ vijjati.|| ||
Taṃ kissa hetu?|| ||
Sammā paṇihittatā bhikkhave, sūkassa.|| ||
Evam eva kho so vata bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaṃ chijjhati||
vijjaṃ uppādessati||
Nibbānaṃ sacchi-karissatī.|| ||
Ṭhānam etaṃ vijjati.|| ||
Taṃ kissa hetu?|| ||
Sammā paṇihittatā bhikkhave diṭṭhiyā.|| ||
Kathañ ca Bhikkhave, bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaṃ bhindati||
vijjaṃ uppādeti||
Nibbānaṃ sacchi-karoti?|| ||
Idha bhikkhave, bhikkhu saddh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
viriy'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
sat'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
samādh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
paññ'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Evaṃ kho bhikkhave, bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaṃ bhindati||
vijjaṃ uppādeti||
Nibbānaṃ sacchi-karotī" ti.|| ||
§
ii. Rāga-vinaya
"Seyyathā pi bhikkhave, sālisūkaṃ vā||
yavasūkaṃ vā||
sammā paṇihitaṃ hatthena vā||
pāpadena vā||
akkantaṃ hatthaṃ vā||
pādaṃ vā||
chijjhati lohitaṃ vā||
uppādessatī ti.|| ||
Ṭhānam etaṃ vijjati.|| ||
Taṃ kissa hetu?|| ||
Sammā paṇihittatā bhikkhave, sūkassa.|| ||
Evam eva kho so vata bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaṃ chijjhati||
vijjaṃ uppādessati||
Nibbānaṃ sacchi-karissatī.|| ||
Ṭhānam etaṃ vijjati.|| ||
Taṃ kissa hetu?|| ||
Sammā paṇihittatā bhikkhave diṭṭhiyā.|| ||
Kathañ ca Bhikkhave, bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaṃ bhindati||
vijjaṃ uppādeti||
Nibbānaṃ sacchi-karoti?|| ||
Idha bhikkhave, bhikkhu saddh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu viriy'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu sat'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu samādh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu paññ'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Evaṃ kho bhikkhave, bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaṃ bhindati||
vijjaṃ uppādeti||
Nibbānaṃ sacchi-karotī" ti.|| ||
§
iii. Amata
"Seyyathā pi bhikkhave, sālisūkaṃ vā||
yavasūkaṃ vā||
sammā paṇihitaṃ hatthena vā||
pāpadena vā||
akkantaṃ hatthaṃ vā||
pādaṃ vā||
chijjhati lohitaṃ vā||
uppādessatī ti.|| ||
Ṭhānam etaṃ vijjati.|| ||
Taṃ kissa hetu?|| ||
Sammā paṇihittatā bhikkhave, sūkassa.|| ||
Evam eva kho so vata bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaṃ chijjhati||
vijjaṃ uppādessati||
Nibbānaṃ sacchi-karissatī.|| ||
Ṭhānam etaṃ vijjati.|| ||
Taṃ kissa hetu?|| ||
Sammā paṇihittatā bhikkhave diṭṭhiyā.|| ||
Kathañ ca Bhikkhave, bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaṃ bhindati||
vijjaṃ uppādeti||
Nibbānaṃ sacchi-karoti?|| ||
Idha bhikkhave, bhikkhu saddh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu viriy'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu sat'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu samādh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu paññ'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Evaṃ kho bhikkhave, bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaṃ bhindati||
vijjaṃ uppādeti||
Nibbānaṃ sacchi-karotī" ti.|| ||
§
iv. Nibbāna
"Seyyathā pi bhikkhave, sālisūkaṃ vā||
yavasūkaṃ vā||
sammā paṇihitaṃ hatthena vā||
pāpadena vā||
akkantaṃ hatthaṃ vā||
pādaṃ vā||
chijjhati lohitaṃ vā||
uppādessatī ti.|| ||
Ṭhānam etaṃ vijjati.|| ||
Taṃ kissa hetu?|| ||
Sammā paṇihittatā bhikkhave, sūkassa.|| ||
Evam eva kho so vata bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaṃ chijjhati||
vijjaṃ uppādessati||
Nibbānaṃ sacchi-karissatī.|| ||
Ṭhānam etaṃ vijjati.|| ||
Taṃ kissa hetu?|| ||
Sammā paṇihittatā bhikkhave diṭṭhiyā.|| ||
Kathañ ca Bhikkhave, bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaṃ bhindati||
vijjaṃ uppādeti||
Nibbānaṃ sacchi-karoti?|| ||
Idha bhikkhave, bhikkhu saddh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu viriy'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu sat'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu samādh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu paññ'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Evaṃ kho bhikkhave, bhikkhu sammā paṇihitāya diṭṭhiyā||
sammā paṇihitāya Maggabhāvanāya||
avijjaṃ bhindati||
vijjaṃ uppādeti||
Nibbānaṃ sacchi-karotī" ti.|| ||
Sutta 99
Ākāsa Suttaṃ
i. Viveka
[99.1][pts] Evam me sutaṃ:|| ||
Ekaṃ samayam Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
Bhagavā etad avoca:|| ||
"Seyyathā pi bhikkhave, ākāse vividhā vātā vāyanti.|| ||
Puratthimā pi vātā vāyanti.|| ||
Pacchimā pi vātā vāyanti.|| ||
Uttarā pi vātā vāyanti.|| ||
Dakkhiṇā pi vātā vāyanti.|| ||
Sarajā pi vātā vāyanti.|| ||
Arajā pi vātā vāyanti.|| ||
Sītā pi vātā vāyanti.|| ||
Uṇhā pi vātā vāyanti.|| ||
Parittā pi vātā vāyanti.|| ||
Adhimattā pi vātā vāyanti.|| ||
Evam eva kho bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriṃ gacchanti;||
cattāro pi samma-p-padhānā bhāvanā pāripūriṃ gacchanti;||
cattāro pi iddhi-pādā bhāvatā pāripūriṃ gacchanti;||
pañca pi indriyāni bhāvanā pāripūriṃ gacchanti;||
pañca pi balāni bhāvanā pāripūriṃ gacchanti;||
sattapi bojjh'aṇgā bhāvanā pāripūriṃ gacchanti.|| ||
Kathañ ca bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriṃ gacchanti;||
cattāro pi samma-p-padhānā bhāvanā pāripūriṃ gacchanti;||
cattāro pi iddhi-pādā bhāvatā pāripūriṃ gacchanti;||
pañca pi indriyāni bhāvanā pāripūriṃ gacchanti;||
pañca pi balāni bhāvanā pāripūriṃ gacchanti;||
sattapi bojjh'aṇgā bhāvanā pāripūriṃ gacchanti?|| ||
Idha bhikkhave, bhikkhu saddh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
viriy'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
sat'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
samādh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
paññ'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriṃ gacchanti;||
cattāro pi samma-p-padhānā bhāvanā pāripūriṃ gacchanti;||
cattāro pi iddhi-pādā bhāvatā pāripūriṃ gacchanti;||
pañca pi indriyāni bhāvanā pāripūriṃ gacchanti;||
pañca pi balāni bhāvanā pāripūriṃ gacchanti;||
sattapi bojjh'aṇgā bhāvanā pāripūriṃ gacchanti" ti.|| ||
§
ii. Rāga-vinaya
"Seyyathā pi bhikkhave, ākāse vividhā vātā vāyanti.|| ||
Puratthimā pi vātā vāyanti.|| ||
Pacchimā pi vātā vāyanti.|| ||
Uttarā pi vātā vāyanti.|| ||
Dakkhiṇā pi vātā vāyanti.|| ||
Sarajā pi vātā vāyanti.|| ||
Arajā pi vātā vāyanti.|| ||
Sītā pi vātā vāyanti.|| ||
Uṇhā pi vātā vāyanti.|| ||
Parittā pi vātā vāyanti.|| ||
Adhimattā pi vātā vāyanti.|| ||
Evam eva kho bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriṃ gacchanti;||
cattāro pi samma-p-padhānā bhāvanā pāripūriṃ gacchanti;||
cattāro pi iddhi-pādā bhāvatā pāripūriṃ gacchanti;||
pañca pi indriyāni bhāvanā pāripūriṃ gacchanti;||
pañca pi balāni bhāvanā pāripūriṃ gacchanti;||
sattapi bojjh'aṇgā bhāvanā pāripūriṃ gacchanti.|| ||
Kathañ ca bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriṃ gacchanti;||
cattāro pi samma-p-padhānā bhāvanā pāripūriṃ gacchanti;||
cattāro pi iddhi-pādā bhāvatā pāripūriṃ gacchanti;||
pañca pi indriyāni bhāvanā pāripūriṃ gacchanti;||
pañca pi balāni bhāvanā pāripūriṃ gacchanti;||
sattapi bojjh'aṇgā bhāvanā pāripūriṃ gacchanti?|| ||
Idha bhikkhave, bhikkhu saddh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu viriy'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu sat'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu samādh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu paññ'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriṃ gacchanti;||
cattāro pi samma-p-padhānā bhāvanā pāripūriṃ gacchanti;||
cattāro pi iddhi-pādā bhāvatā pāripūriṃ gacchanti;||
pañca pi indriyāni bhāvanā pāripūriṃ gacchanti;||
pañca pi balāni bhāvanā pāripūriṃ gacchanti;||
sattapi bojjh'aṇgā bhāvanā pāripūriṃ gacchanti" ti.|| ||
§
iii. Amata
"Seyyathā pi bhikkhave, ākāse vividhā vātā vāyanti.|| ||
Puratthimā pi vātā vāyanti.|| ||
Pacchimā pi vātā vāyanti.|| ||
Uttarā pi vātā vāyanti.|| ||
Dakkhiṇā pi vātā vāyanti.|| ||
Sarajā pi vātā vāyanti.|| ||
Arajā pi vātā vāyanti.|| ||
Sītā pi vātā vāyanti.|| ||
Uṇhā pi vātā vāyanti.|| ||
Parittā pi vātā vāyanti.|| ||
Adhimattā pi vātā vāyanti.|| ||
Evam eva kho bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriṃ gacchanti;||
cattāro pi samma-p-padhānā bhāvanā pāripūriṃ gacchanti;||
cattāro pi iddhi-pādā bhāvatā pāripūriṃ gacchanti;||
pañca pi indriyāni bhāvanā pāripūriṃ gacchanti;||
pañca pi balāni bhāvanā pāripūriṃ gacchanti;||
sattapi bojjh'aṇgā bhāvanā pāripūriṃ gacchanti.|| ||
Kathañ ca bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriṃ gacchanti;||
cattāro pi samma-p-padhānā bhāvanā pāripūriṃ gacchanti;||
cattāro pi iddhi-pādā bhāvatā pāripūriṃ gacchanti;||
pañca pi indriyāni bhāvanā pāripūriṃ gacchanti;||
pañca pi balāni bhāvanā pāripūriṃ gacchanti;||
sattapi bojjh'aṇgā bhāvanā pāripūriṃ gacchanti?|| ||
Idha bhikkhave, bhikkhu saddh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu viriy'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu sat'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu samādh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu paññ'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriṃ gacchanti;||
cattāro pi samma-p-padhānā bhāvanā pāripūriṃ gacchanti;||
cattāro pi iddhi-pādā bhāvatā pāripūriṃ gacchanti;||
pañca pi indriyāni bhāvanā pāripūriṃ gacchanti;||
pañca pi balāni bhāvanā pāripūriṃ gacchanti;||
sattapi bojjh'aṇgā bhāvanā pāripūriṃ gacchanti" ti.|| ||
§
iv. Nibbāna
"Seyyathā pi bhikkhave, ākāse vividhā vātā vāyanti.|| ||
Puratthimā pi vātā vāyanti.|| ||
Pacchimā pi vātā vāyanti.|| ||
Uttarā pi vātā vāyanti.|| ||
Dakkhiṇā pi vātā vāyanti.|| ||
Sarajā pi vātā vāyanti.|| ||
Arajā pi vātā vāyanti.|| ||
Sītā pi vātā vāyanti.|| ||
Uṇhā pi vātā vāyanti.|| ||
Parittā pi vātā vāyanti.|| ||
Adhimattā pi vātā vāyanti.|| ||
Evam eva kho bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriṃ gacchanti;||
cattāro pi samma-p-padhānā bhāvanā pāripūriṃ gacchanti;||
cattāro pi iddhi-pādā bhāvatā pāripūriṃ gacchanti;||
pañca pi indriyāni bhāvanā pāripūriṃ gacchanti;||
pañca pi balāni bhāvanā pāripūriṃ gacchanti;||
sattapi bojjh'aṇgā bhāvanā pāripūriṃ gacchanti.|| ||
Kathañ ca bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriṃ gacchanti;||
cattāro pi samma-p-padhānā bhāvanā pāripūriṃ gacchanti;||
cattāro pi iddhi-pādā bhāvatā pāripūriṃ gacchanti;||
pañca pi indriyāni bhāvanā pāripūriṃ gacchanti;||
pañca pi balāni bhāvanā pāripūriṃ gacchanti;||
sattapi bojjh'aṇgā bhāvanā pāripūriṃ gacchanti?|| ||
Idha bhikkhave, bhikkhu saddh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu viriy'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu sat'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu samādh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu paññ'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
cattāro pi sati-paṭṭhānā bhāvanā pāripuriṃ gacchanti;||
cattāro pi samma-p-padhānā bhāvanā pāripūriṃ gacchanti;||
cattāro pi iddhi-pādā bhāvatā pāripūriṃ gacchanti;||
pañca pi indriyāni bhāvanā pāripūriṃ gacchanti;||
pañca pi balāni bhāvanā pāripūriṃ gacchanti;||
sattapi bojjh'aṇgā bhāvanā pāripūriṃ gacchanti" ti.|| ||
Sutta 100
Paṭhama Megha Suttaṃ
i. Viveka
[100.1][pts] Evam me sutaṃ:|| ||
Ekaṃ samayam Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
Bhagavā etad avoca:|| ||
"Seyyathā pi bhikkhave, gimhānaṃ pacchime māse uggataṃ rajojallaṃ.|| ||
Tam enaṃ mahā akālamegho ṭhānaso antaradhāpeti vūpasameti.|| ||
Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme ṭhānaso antaradhāpeti vūpasamapeti.|| ||
Kathañ ca bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme ṭhānaso antaradhāpeti, vūpasamapeti?|| ||
Idha bhikkhave, bhikkhu saddh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
viriy'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
sat'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
samādh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
paññ'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
uppannuppanne pāpake akusale dhamme ṭhānaso antaradhāpeti, vūpasametī" ti.|| ||
§
ii. Rāga-vinaya
"Seyyathā pi bhikkhave, gimhānaṃ pacchime māse uggataṃ rajojallaṃ.|| ||
Tam enaṃ mahā akālamegho ṭhānaso antaradhāpeti vūpasameti.|| ||
Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme ṭhānaso antaradhāpeti vūpasamapeti.|| ||
Kathañ ca bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme ṭhānaso antaradhāpeti, vūpasamapeti?|| ||
Idha bhikkhave, bhikkhu saddh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu viriy'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu sat'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu samādh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu paññ'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
uppannuppanne pāpake akusale dhamme ṭhānaso antaradhāpeti, vūpasametī" ti.|| ||
§
iii. Amata
"Seyyathā pi bhikkhave, gimhānaṃ pacchime māse uggataṃ rajojallaṃ.|| ||
Tam enaṃ mahā akālamegho ṭhānaso antaradhāpeti vūpasameti.|| ||
Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme ṭhānaso antaradhāpeti vūpasamapeti.|| ||
Kathañ ca bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme ṭhānaso antaradhāpeti, vūpasamapeti?|| ||
Idha bhikkhave, bhikkhu saddh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu viriy'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu sat'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu samādh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu paññ'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
uppannuppanne pāpake akusale dhamme ṭhānaso antaradhāpeti, vūpasametī" ti.|| ||
§
iv. Nibbāna
"Seyyathā pi bhikkhave, gimhānaṃ pacchime māse uggataṃ rajojallaṃ.|| ||
Tam enaṃ mahā akālamegho ṭhānaso antaradhāpeti vūpasameti.|| ||
Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme ṭhānaso antaradhāpeti vūpasamapeti.|| ||
Kathañ ca bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme ṭhānaso antaradhāpeti, vūpasamapeti?|| ||
Idha bhikkhave, bhikkhu saddh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu viriy'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu sat'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu samādh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu paññ'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
uppannuppanne pāpake akusale dhamme ṭhānaso antaradhāpeti, vūpasametī" ti.|| ||
Sutta 101
Dutiya Megha Suttaṃ
i. Viveka
[101.1][pts] Evam me sutaṃ:|| ||
Ekaṃ samayam Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
Bhagavā etad avoca:|| ||
"Seyyathā pi bhikkhave, uppannaṃ mahā-meghaṃ,||
tam enaṃ mahāvāto antarāy'eva antaradhāpeti vūpasameti.|| ||
Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme||
antarāy'eva antaradhāpeti,||
vūpasameti.|| ||
Kathañ ca Bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme||
antarāy'eva antaradhāpeti,||
vūpasameti?|| ||
Idha bhikkhave, bhikkhu saddh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
viriy'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
sat'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
samādh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
paññ'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
uppannuppanne pāpake akusale dhamme antarāyeva antaradhāpeti vūpasametī" ti.|| ||
§
ii. Rāga-vinaya
"Seyyathā pi bhikkhave, uppannaṃ mahā-meghaṃ,||
tam enaṃ mahāvāto antarāy'eva antaradhāpeti vūpasameti.|| ||
Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme||
antarāy'eva antaradhāpeti,||
vūpasameti.|| ||
Kathañ ca Bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme||
antarāy'eva antaradhāpeti,||
vūpasameti?|| ||
Idha bhikkhave, bhikkhu saddh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu viriy'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu sat'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu samādh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu paññ'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
uppannuppanne pāpake akusale dhamme antarāyeva antaradhāpeti vūpasametī" ti.|| ||
§
iii. Amata
"Seyyathā pi bhikkhave, uppannaṃ mahā-meghaṃ,||
tam enaṃ mahāvāto antarāy'eva antaradhāpeti vūpasameti.|| ||
Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme||
antarāy'eva antaradhāpeti,||
vūpasameti.|| ||
Kathañ ca Bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme||
antarāy'eva antaradhāpeti,||
vūpasameti?|| ||
Idha bhikkhave, bhikkhu saddh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu viriy'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu sat'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu samādh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu paññ'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
uppannuppanne pāpake akusale dhamme antarāyeva antaradhāpeti vūpasametī" ti.|| ||
§
iv. Nibbāna
"Seyyathā pi bhikkhave, uppannaṃ mahā-meghaṃ,||
tam enaṃ mahāvāto antarāy'eva antaradhāpeti vūpasameti.|| ||
Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme||
antarāy'eva antaradhāpeti,||
vūpasameti.|| ||
Kathañ ca Bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
uppannuppanne pāpake akusale dhamme||
antarāy'eva antaradhāpeti,||
vūpasameti?|| ||
Idha bhikkhave, bhikkhu saddh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu viriy'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu sat'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu samādh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu paññ'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
uppannuppanne pāpake akusale dhamme antarāyeva antaradhāpeti vūpasametī" ti.|| ||
Sutta 102
Nāvā Suttaṃ
i. Viveka
[102.1][pts] Evam me sutaṃ:|| ||
Ekaṃ samayam Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
Bhagavā etad avoca:|| ||
"Seyyathā pi bhikkhave, sāmuddikāya nāvāya vetta-bandhana-bandhāya chammāsāni udake pariyātāya hemanatikena thalaṃ ukkhitāya vāt'ātapaparetāni bandhanāni tāni pāvussakena meghena abhippavuṭṭhāni||
appakasirena paṭippassambhanti pūtikāni bhavanti.|| ||
Evam eva kho bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
appakasiren'eva saṃyojanāni paṭippassambhanti pūtikāni bhavanti.|| ||
Kathañ ca Bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
appakasiren'eva saṇyejanāni paṭippassambhanti pūtikāni bhavanti?|| ||
Idha bhikkhave, bhikkhu saddh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
viriy'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
sat'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
samādh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
paññ'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
appakasiren'eva saṃyojanāni paṭippassambhanti pūtikāni bhavantī" ti.|| ||
§
ii. Rāga-vinaya
"Seyyathā pi bhikkhave, sāmuddikāya nāvāya vetta-bandhana-bandhāya chammāsāni udake pariyātāya hemanatikena thalaṃ ukkhitāya vāt'ātapaparetāni bandhanāni tāni pāvussakena meghena abhippavuṭṭhāni||
appakasirena paṭippassambhanti pūtikāni bhavanti.|| ||
Evam eva kho bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
appakasiren'eva saṃyojanāni paṭippassambhanti pūtikāni bhavanti.|| ||
Kathañ ca Bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
appakasiren'eva saṇyejanāni paṭippassambhanti pūtikāni bhavanti?|| ||
Idha bhikkhave, bhikkhu saddh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu viriy'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu sat'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu samādh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu paññ'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
appakasiren'eva saṃyojanāni paṭippassambhanti pūtikāni bhavantī" ti.|| ||
§
iii. Amata
"Seyyathā pi bhikkhave, sāmuddikāya nāvāya vetta-bandhana-bandhāya chammāsāni udake pariyātāya hemanatikena thalaṃ ukkhitāya vāt'ātapaparetāni bandhanāni tāni pāvussakena meghena abhippavuṭṭhāni||
appakasirena paṭippassambhanti pūtikāni bhavanti.|| ||
Evam eva kho bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
appakasiren'eva saṃyojanāni paṭippassambhanti pūtikāni bhavanti.|| ||
Kathañ ca Bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
appakasiren'eva saṇyejanāni paṭippassambhanti pūtikāni bhavanti?|| ||
Idha bhikkhave, bhikkhu saddh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu viriy'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu sat'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu samādh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu paññ'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
appakasiren'eva saṃyojanāni paṭippassambhanti pūtikāni bhavantī" ti.|| ||
§
iv. Nibbāna
"Seyyathā pi bhikkhave, sāmuddikāya nāvāya vetta-bandhana-bandhāya chammāsāni udake pariyātāya hemanatikena thalaṃ ukkhitāya vāt'ātapaparetāni bandhanāni tāni pāvussakena meghena abhippavuṭṭhāni||
appakasirena paṭippassambhanti pūtikāni bhavanti.|| ||
Evam eva kho bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
appakasiren'eva saṃyojanāni paṭippassambhanti pūtikāni bhavanti.|| ||
Kathañ ca Bhikkhave, bhikkhuno||
pañc'indriyāni bhāvayato||
pañc'indriyāni bahulī-karoto||
appakasiren'eva saṇyejanāni paṭippassambhanti pūtikāni bhavanti?|| ||
Idha bhikkhave, bhikkhu saddh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu viriy'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu sat'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu samādh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu paññ'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karoto||
appakasiren'eva saṃyojanāni paṭippassambhanti pūtikāni bhavantī" ti.|| ||
Sutta 103
Āgantuka Suttaṃ
i. Viveka
[103.1][pts] Evam me sutaṃ:|| ||
Ekaṃ samayam Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
Bhagavā etad avoca:|| ||
"Seyyathā pi bhikkhave, āgantukāgāraṃ,||
tattha puratthimāya disāya āgantvā vāsaṇ kappenti.|| ||
Pacchimāya pi disāya āgantā vā vāsaṇ kappenti.|| ||
Uttarāya pi disāya āgantvā vāsaṇ kappenti.|| ||
Dakkhiṇāya pi āgantvā disāya vāsaṇ kappenti.|| ||
Khattiyā pi āgantvā vāsaṇ kappenti.|| ||
Brāhmaṇā pi āgantvā vāsaṇ kappenti.|| ||
Vessā pi āgantvā vāsaṇ kappenti.|| ||
Suddā pi āgantvā vāsaṇ kappenti.|| ||
Evam eva kho bhikkhave, bhikkhu||
pañc'indriyāni bhāvento||
pañc'indriyāni bahulī-karonto||
ye dhammā abhiññā pariññeyyā||
te dhamme abhiññā parijānāti.|| ||
Ye'dhammā abhiññā pahātabbā,||
te dhamme abhiññā pajahati.|| ||
Ye'dhammā abhiññā sacchikātabbā,||
te dhamme abhiññā sacchi-karoti.|| ||
Ye'dhammā abhiññā bhāvetabbā,||
te dhamme abhiññā bhāveti.|| ||
Katame ca bhikkhave, dhammā abhiññā1 pariññeyyā?|| ||
Pañc'upādāna-k-khandhā tissa vacanīyā.|| ||
Katame pañca?|| ||
Seyyath'īdaṃ:|| ||
Rūp'ūpādāna-k-khandho||
vedan'ūpādāna-k-khandho||
saññ'ūpādāna-k-khandho||
saṇkhār'ūpādāna-k-khandho||
viññāṇ'ūpādāna-k-khandho.|| ||
Ime kho bhikkhave, dhammā abhiññā pariññeyyā.|| ||
Katame ca bhikkhave, dhammā abhiññā pahātabbā?|| ||
Avijjā ca bhava-taṇhā ca.|| ||
Ime bhikkhave, dhammā abhiññā pahātabbā.|| ||
Katame ca bhikkhave, dhammā abhiññā sacchikātabbā?|| ||
Vijjā ca vimutti ca.|| ||
Ime bhikkhave, dhammā abhiññā sacchikātabbā.|| ||
Katame ca bhikkhave, dhammā abhiññā bhāvetabbā?|| ||
Samatho ca vipassanā ca.|| ||
Ime bhikkhave, dhammā abhiññā bhāvetabbā.|| ||
Kathañ ca bhikkhave, bhikkhu ariyaṃ aṭṭhaṇgikaṃ
Maggaṃ bhāvento||
pañc'indriyāni bahulī-karonto||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchikātabbā,||
te dhamme abhiññā-sacchi-karoti;||
ye dhammā abhiññā bhāvetabbā,||
te dhamme abhiññā bhāveti?|| ||
Idha bhikkhave, bhikkhu saddh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
viriy'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
sat'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
samādh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
paññ'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karonto,||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchikātabbā,||
te dhamme abhiññā-sacchi-karoti;||
ye dhammā abhiññā bhāvetabbā,||
te dhamme abhiññā bhāveti" ti.|| ||
§
ii. Rāga-vinaya
"Seyyathā pi bhikkhave, āgantukāgāraṃ,||
tattha puratthimāya disāya āgantvā vāsaṇ kappenti.|| ||
Pacchimāya pi disāya āgantā vā vāsaṇ kappenti.|| ||
Uttarāya pi disāya āgantvā vāsaṇ kappenti.|| ||
Dakkhiṇāya pi āgantvā disāya vāsaṇ kappenti.|| ||
Khattiyā pi āgantvā vāsaṇ kappenti.|| ||
Brāhmaṇā pi āgantvā vāsaṇ kappenti.|| ||
Vessā pi āgantvā vāsaṇ kappenti.|| ||
Suddā pi āgantvā vāsaṇ kappenti.|| ||
Evam eva kho bhikkhave, bhikkhu pañc'indriyāni bhāvento||
pañc'indriyāni bahulī-karonto||
ye dhammā abhiññā pariññeyyā||
te dhamme abhiññā parijānāti.|| ||
Ye'dhammā abhiññā pahātabbā,||
te dhamme abhiññā pajahati.|| ||
Ye'dhammā abhiññā sacchikātabbā,||
te dhamme abhiññā sacchi-karoti.|| ||
Ye'dhammā abhiññā bhāvetabbā,||
te dhamme abhiññā bhāveti.|| ||
Katame ca bhikkhave, dhammā abhiññā1 pariññeyyā?|| ||
Pañc'upādāna-k-khandhā tissa vacanīyā.|| ||
Katame pañca?|| ||
Seyyath'īdaṃ:|| ||
Rūp'ūpādāna-k-khandho||
vedan'ūpādāna-k-khandho||
saññ'ūpādāna-k-khandho||
saṇkhār'ūpādāna-k-khandho||
viññāṇ'ūpādāna-k-khandho.|| ||
Ime kho bhikkhave, dhammā abhiññā pariññeyyā.|| ||
Katame ca bhikkhave, dhammā abhiññā pahātabbā?|| ||
Avijjā ca bhava-taṇhā ca.|| ||
Ime bhikkhave, dhammā abhiññā pahātabbā.|| ||
Katame ca bhikkhave, dhammā abhiññā sacchikātabbā?|| ||
Vijjā ca vimutti ca.|| ||
Ime bhikkhave, dhammā abhiññā sacchikātabbā.|| ||
Katame ca bhikkhave, dhammā abhiññā bhāvetabbā?|| ||
Samatho ca vipassanā ca.|| ||
Ime bhikkhave, dhammā abhiññā bhāvetabbā.|| ||
Kathañ ca bhikkhave, bhikkhu ariyaṃ aṭṭhaṇgikaṃ
Maggaṃ bhāvento||
pañc'indriyāni bahulī-karonto||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchikātabbā,||
te dhamme abhiññā-sacchi-karoti;||
ye dhammā abhiññā bhāvetabbā,||
te dhamme abhiññā bhāveti?|| ||
Idha bhikkhave, bhikkhu saddh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu viriy'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu sat'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu samādh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu paññ'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karonto,||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchikātabbā,||
te dhamme abhiññā-sacchi-karoti;||
ye dhammā abhiññā bhāvetabbā,||
te dhamme abhiññā bhāveti" ti.|| ||
§
iii. Amata
"Seyyathā pi bhikkhave, āgantukāgāraṃ,||
tattha puratthimāya disāya āgantvā vāsaṇ kappenti.|| ||
Pacchimāya pi disāya āgantā vā vāsaṇ kappenti.|| ||
Uttarāya pi disāya āgantvā vāsaṇ kappenti.|| ||
Dakkhiṇāya pi āgantvā disāya vāsaṇ kappenti.|| ||
Khattiyā pi āgantvā vāsaṇ kappenti.|| ||
Brāhmaṇā pi āgantvā vāsaṇ kappenti.|| ||
Vessā pi āgantvā vāsaṇ kappenti.|| ||
Suddā pi āgantvā vāsaṇ kappenti.|| ||
Evam eva kho bhikkhave, bhikkhu pañc'indriyāni bhāvento||
pañc'indriyāni bahulī-karonto||
ye dhammā abhiññā pariññeyyā||
te dhamme abhiññā parijānāti.|| ||
Ye'dhammā abhiññā pahātabbā,||
te dhamme abhiññā pajahati.|| ||
Ye'dhammā abhiññā sacchikātabbā,||
te dhamme abhiññā sacchi-karoti.|| ||
Ye'dhammā abhiññā bhāvetabbā,||
te dhamme abhiññā bhāveti.|| ||
Katame ca bhikkhave, dhammā abhiññā1 pariññeyyā?|| ||
Pañc'upādāna-k-khandhā tissa vacanīyā.|| ||
Katame pañca?|| ||
Seyyath'īdaṃ:|| ||
Rūp'ūpādāna-k-khandho||
vedan'ūpādāna-k-khandho||
saññ'ūpādāna-k-khandho||
saṇkhār'ūpādāna-k-khandho||
viññāṇ'ūpādāna-k-khandho.|| ||
Ime kho bhikkhave, dhammā abhiññā pariññeyyā.|| ||
Katame ca bhikkhave, dhammā abhiññā pahātabbā?|| ||
Avijjā ca bhava-taṇhā ca.|| ||
Ime bhikkhave, dhammā abhiññā pahātabbā.|| ||
Katame ca bhikkhave, dhammā abhiññā sacchikātabbā?|| ||
Vijjā ca vimutti ca.|| ||
Ime bhikkhave, dhammā abhiññā sacchikātabbā.|| ||
Katame ca bhikkhave, dhammā abhiññā bhāvetabbā?|| ||
Samatho ca vipassanā ca.|| ||
Ime bhikkhave, dhammā abhiññā bhāvetabbā.|| ||
Kathañ ca bhikkhave, bhikkhu ariyaṃ aṭṭhaṇgikaṃ
Maggaṃ bhāvento||
pañc'indriyāni bahulī-karonto||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchikātabbā,||
te dhamme abhiññā-sacchi-karoti;||
ye dhammā abhiññā bhāvetabbā,||
te dhamme abhiññā bhāveti?|| ||
Idha bhikkhave, bhikkhu saddh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu viriy'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu sat'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu samādh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu paññ'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karonto,||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchikātabbā,||
te dhamme abhiññā-sacchi-karoti;||
ye dhammā abhiññā bhāvetabbā,||
te dhamme abhiññā bhāveti" ti.|| ||
§
iv. Nibbāna
"Seyyathā pi bhikkhave, āgantukāgāraṃ,||
tattha puratthimāya disāya āgantvā vāsaṇ kappenti.|| ||
Pacchimāya pi disāya āgantā vā vāsaṇ kappenti.|| ||
Uttarāya pi disāya āgantvā vāsaṇ kappenti.|| ||
Dakkhiṇāya pi āgantvā disāya vāsaṇ kappenti.|| ||
Khattiyā pi āgantvā vāsaṇ kappenti.|| ||
Brāhmaṇā pi āgantvā vāsaṇ kappenti.|| ||
Vessā pi āgantvā vāsaṇ kappenti.|| ||
Suddā pi āgantvā vāsaṇ kappenti.|| ||
Evam eva kho bhikkhave, bhikkhu pañc'indriyāni bhāvento||
pañc'indriyāni bahulī-karonto||
ye dhammā abhiññā pariññeyyā||
te dhamme abhiññā parijānāti.|| ||
Ye'dhammā abhiññā pahātabbā,||
te dhamme abhiññā pajahati.|| ||
Ye'dhammā abhiññā sacchikātabbā,||
te dhamme abhiññā sacchi-karoti.|| ||
Ye'dhammā abhiññā bhāvetabbā,||
te dhamme abhiññā bhāveti.|| ||
Katame ca bhikkhave, dhammā abhiññā1 pariññeyyā?|| ||
Pañc'upādāna-k-khandhā tissa vacanīyā.|| ||
Katame pañca?|| ||
Seyyath'īdaṃ:|| ||
Rūp'ūpādāna-k-khandho||
vedan'ūpādāna-k-khandho||
saññ'ūpādāna-k-khandho||
saṇkhār'ūpādāna-k-khandho||
viññāṇ'ūpādāna-k-khandho.|| ||
Ime kho bhikkhave, dhammā abhiññā pariññeyyā.|| ||
Katame ca bhikkhave, dhammā abhiññā pahātabbā?|| ||
Avijjā ca bhava-taṇhā ca.|| ||
Ime bhikkhave, dhammā abhiññā pahātabbā.|| ||
Katame ca bhikkhave, dhammā abhiññā sacchikātabbā?|| ||
Vijjā ca vimutti ca.|| ||
Ime bhikkhave, dhammā abhiññā sacchikātabbā.|| ||
Katame ca bhikkhave, dhammā abhiññā bhāvetabbā?|| ||
Samatho ca vipassanā ca.|| ||
Ime bhikkhave, dhammā abhiññā bhāvetabbā.|| ||
Kathañ ca bhikkhave, bhikkhu ariyaṃ aṭṭhaṇgikaṃ
Maggaṃ bhāvento||
pañc'indriyāni bahulī-karonto||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchikātabbā,||
te dhamme abhiññā-sacchi-karoti;||
ye dhammā abhiññā bhāvetabbā,||
te dhamme abhiññā bhāveti?|| ||
Idha bhikkhave, bhikkhu saddh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu viriy'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu sat'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu samādh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu paññ'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Evaṃ kho bhikkhave, bhikkhuno pañc'indriyāni bhāvayato||
pañc'indriyāni bahulī-karonto,||
ye dhammā abhiññā pariññeyyā,||
te dhamme abhiññā parijānāti;||
ye dhammā abhiññā pahātabbā,||
te dhamme abhiññā pajahati;||
ye dhammā abhiññā sacchikātabbā,||
te dhamme abhiññā-sacchi-karoti;||
ye dhammā abhiññā bhāvetabbā,||
te dhamme abhiññā bhāveti" ti.|| ||
Sutta 104
Nadī Suttaṃ
i. Viveka
[104.1][pts] Evam me sutaṃ:|| ||
Ekaṃ samayam Bhagavā Sāvatthiyaṃ viharati.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti||
te bhikkhū Bhagavato paccassosuṃ.|| ||
Bhagavā etad avoca:|| ||
"Seyyathā pi, bhikkhave, Gaṇgā nadī||
pācīna-ninnā||
pācīna-poṇā||
pācīna-pabbhārā.|| ||
Atha mahā janakāyo āgaccheyya,||
kuddāla-piṭakaṃ ādāya mayaṃ imaṃ Gaṇgānadiṃ||
pacchā-ninnaṃ karissāma||
pacchā-poṇaṃ||
pacchā-pabbhāran ti.|| ||
Taṃ kim maññatha bhikkhave?|| ||
Api nu so mahā janakāyo taṃ Gaṇgānadiṃ pacchā-ninnaṃ kareyya||
pacchā-poṇaṃ pacchā-pabbhāran" ti?|| ||
"No h'etaṃ bhante.|| ||
Taṃ kissa hetu?|| ||
Gaṇgā bhante, nadī||
pācīna-ninnā||
pācīna-poṇā||
pācīna-pabbhārā.|| ||
Na sukarā pacchā-ninnaṃ kātuṃ||
pacchā-poṇaṃ||
pacchā-pabbhāraṃ.|| ||
Yāvadeva ca pana so mahā janakāyo kilamathassa||
vighātassa||
bhāgī assā" ti.|| ||
Evam eva kho bhikkhave, bhikkhuṃ pañc'indriyāni bhāventaṃ||
pañc'indriyāni bahulī-karontaṃ||
rājāno vā||
rāja-mahāmattā vā||
mittā vā||
amaccā vā||
ñātī vā||
sālohitā vā||
bhogehi abhihaṭṭhuṃ pavāreyyuṃ.|| ||
Ehambho purisa, kiṃ te ime kāsāvā anudahanti.|| ||
Kiṃ muṇḍo kapālam anusañcarasi.|| ||
'Ehi hīnā-yāvattitvā bhoge ca bhuñjassu,||
puññāni ca karohī' ti.|| ||
So vata bhikkhave, bhikkhu pañc'indriyāni bhāvento||
pañc'indriyāni bahulī-karonto||
sikkhaṃ paccakkhāya hīnāy-āvatteyyāti.|| ||
Netaṃ ṭhānaṃ vijjati.|| ||
Taṃ kissa hetu?|| ||
Yaṃ hi taṃ bhikkhave, cittaṃ dīgha-rattaṃ viveka-ninnaṃ||
viveka-poṇaṃ||
viveka-pabbhāraṃ.|| ||
Taṃ vata hīnāyā-vattissatī ti n'etaṃ ṭhānaṃ vijjati.|| ||
Kathañ ca bhikkhave, bhikkhu pañc'indriyāni bhāveti||
pañc'indriyāni bahulī-karoti?|| ||
Idha bhikkhave, bhikkhu saddh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
viriy'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
sat'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ;|| ||
samādh'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
paññ'indriyam bhāveti||
viveka-nissitaṃ,||
virāga-nissitaṃ,||
nirodha-nissitaṃ,||
vossagga-pariṇāmiṃ.|| ||
Evaṃ kho bhikkhave, bhikkhu||
pañc'indriyāni bhāveti||
pañc'indriyāni bahulī-karoti" ti.|| ||
§
ii. Rāga-vinaya
"Seyyathā pi, bhikkhave, Gaṇgā nadī||
pācīna-ninnā||
pācīna-poṇā||
pācīna-pabbhārā.|| ||
Atha mahā janakāyo āgaccheyya,||
kuddāla-piṭakaṃ ādāya mayaṃ imaṃ Gaṇgānadiṃ||
pacchā-ninnaṃ karissāma||
pacchā-poṇaṃ||
pacchā-pabbhāran ti.|| ||
Taṃ kim maññatha bhikkhave?|| ||
Api nu so mahā janakāyo taṃ Gaṇgānadiṃ pacchā-ninnaṃ kareyya||
pacchā-poṇaṃ pacchā-pabbhāran" ti?|| ||
"No h'etaṃ bhante.|| ||
Taṃ kissa hetu?|| ||
Gaṇgā bhante, nadī||
pācīna-ninnā||
pācīna-poṇā||
pācīna-pabbhārā.|| ||
Na sukarā pacchā-ninnaṃ kātuṃ||
pacchā-poṇaṃ||
pacchā-pabbhāraṃ.|| ||
Yāvadeva ca pana so mahā janakāyo kilamathassa||
vighātassa||
bhāgī assā" ti.|| ||
Evam eva kho bhikkhave, bhikkhuṃ pañc'indriyāni bhāventaṃ||
pañc'indriyāni bahulī-karontaṃ||
rājāno vā||
rāja-mahāmattā vā||
mittā vā||
amaccā vā||
ñātī vā||
sālohitā vā||
bhogehi abhihaṭṭhuṃ pavāreyyuṃ.|| ||
Ehambho purisa, kiṃ te ime kāsāvā anudahanti.|| ||
Kiṃ muṇḍo kapālam anusañcarasi.|| ||
'Ehi hīnā-yāvattitvā bhoge ca bhuñjassu,||
puññāni ca karohī' ti.|| ||
So vata bhikkhave, bhikkhu pañc'indriyāni bhāvento||
pañc'indriyāni bahulī-karonto||
sikkhaṃ paccakkhāya hīnāy-āvatteyyāti.|| ||
Netaṃ ṭhānaṃ vijjati.|| ||
Taṃ kissa hetu?|| ||
Yaṃ hi taṃ bhikkhave, cittaṃ dīgha-rattaṃ viveka-ninnaṃ||
viveka-poṇaṃ||
viveka-pabbhāraṃ.|| ||
Taṃ vata hīnāyā-vattissatī ti n'etaṃ ṭhānaṃ vijjati.|| ||
Kathañ ca bhikkhave, bhikkhu pañc'indriyāni bhāveti||
pañc'indriyāni bahulī-karoti?|| ||
Idha bhikkhave, bhikkhu saddh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu viriy'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu sat'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu samādh'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Idha bhikkhave, bhikkhu paññ'indriyam bhāveti||
rāga-vinaya-pariyosānaṃ||
dosa-vinaya-pariyosānaṃ||
moha-vinaya-pariyosānaṃ;|| ||
Evaṃ kho bhikkhave, bhikkhu||
pañc'indriyāni bhāveti||
pañc'indriyāni bahulī-karoti" ti.|| ||
§
iii. Amata
"Seyyathā pi, bhikkhave, Gaṇgā nadī||
pācīna-ninnā||
pācīna-poṇā||
pācīna-pabbhārā.|| ||
Atha mahā janakāyo āgaccheyya,||
kuddāla-piṭakaṃ ādāya mayaṃ imaṃ Gaṇgānadiṃ||
pacchā-ninnaṃ karissāma||
pacchā-poṇaṃ||
pacchā-pabbhāran ti.|| ||
Taṃ kim maññatha bhikkhave?|| ||
Api nu so mahā janakāyo taṃ Gaṇgānadiṃ pacchā-ninnaṃ kareyya||
pacchā-poṇaṃ pacchā-pabbhāran" ti?|| ||
"No h'etaṃ bhante.|| ||
Taṃ kissa hetu?|| ||
Gaṇgā bhante, nadī||
pācīna-ninnā||
pācīna-poṇā||
pācīna-pabbhārā.|| ||
Na sukarā pacchā-ninnaṃ kātuṃ||
pacchā-poṇaṃ||
pacchā-pabbhāraṃ.|| ||
Yāvadeva ca pana so mahā janakāyo kilamathassa||
vighātassa||
bhāgī assā" ti.|| ||
Evam eva kho bhikkhave, bhikkhuṃ pañc'indriyāni bhāventaṃ||
pañc'indriyāni bahulī-karontaṃ||
rājāno vā||
rāja-mahāmattā vā||
mittā vā||
amaccā vā||
ñātī vā||
sālohitā vā||
bhogehi abhihaṭṭhuṃ pavāreyyuṃ.|| ||
Ehambho purisa, kiṃ te ime kāsāvā anudahanti.|| ||
Kiṃ muṇḍo kapālam anusañcarasi.|| ||
'Ehi hīnā-yāvattitvā bhoge ca bhuñjassu,||
puññāni ca karohī' ti.|| ||
So vata bhikkhave, bhikkhu pañc'indriyāni bhāvento||
pañc'indriyāni bahulī-karonto||
sikkhaṃ paccakkhāya hīnāy-āvatteyyāti.|| ||
Netaṃ ṭhānaṃ vijjati.|| ||
Taṃ kissa hetu?|| ||
Yaṃ hi taṃ bhikkhave, cittaṃ dīgha-rattaṃ viveka-ninnaṃ||
viveka-poṇaṃ||
viveka-pabbhāraṃ.|| ||
Taṃ vata hīnāyā-vattissatī ti n'etaṃ ṭhānaṃ vijjati.|| ||
Kathañ ca bhikkhave, bhikkhu pañc'indriyāni bhāveti||
pañc'indriyāni bahulī-karoti?|| ||
Idha bhikkhave, bhikkhu saddh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu viriy'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu sat'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu samādh'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Idha bhikkhave, bhikkhu paññ'indriyam bhāveti||
amato-gadhaṃ||
amata-parāyaṇaṃ||
amata-pariyosānaṃ.|| ||
Evaṃ kho bhikkhave, bhikkhu||
pañc'indriyāni bhāveti||
pañc'indriyāni bahulī-karoti" ti.|| ||
§
iv. Nibbāna
"Seyyathā pi, bhikkhave, Gaṇgā nadī||
pācīna-ninnā||
pācīna-poṇā||
pācīna-pabbhārā.|| ||
Atha mahā janakāyo āgaccheyya,||
kuddāla-piṭakaṃ ādāya mayaṃ imaṃ Gaṇgānadiṃ||
pacchā-ninnaṃ karissāma||
pacchā-poṇaṃ||
pacchā-pabbhāran ti.|| ||
Taṃ kim maññatha bhikkhave?|| ||
Api nu so mahā janakāyo taṃ Gaṇgānadiṃ pacchā-ninnaṃ kareyya||
pacchā-poṇaṃ pacchā-pabbhāran" ti?|| ||
"No h'etaṃ bhante.|| ||
Taṃ kissa hetu?|| ||
Gaṇgā bhante, nadī||
pācīna-ninnā||
pācīna-poṇā||
pācīna-pabbhārā.|| ||
Na sukarā pacchā-ninnaṃ kātuṃ||
pacchā-poṇaṃ||
pacchā-pabbhāraṃ.|| ||
Yāvadeva ca pana so mahā janakāyo kilamathassa||
vighātassa||
bhāgī assā" ti.|| ||
Evam eva kho bhikkhave, bhikkhuṃ pañc'indriyāni bhāventaṃ||
pañc'indriyāni bahulī-karontaṃ||
rājāno vā||
rāja-mahāmattā vā||
mittā vā||
amaccā vā||
ñātī vā||
sālohitā vā||
bhogehi abhihaṭṭhuṃ pavāreyyuṃ.|| ||
Ehambho purisa, kiṃ te ime kāsāvā anudahanti.|| ||
Kiṃ muṇḍo kapālam anusañcarasi.|| ||
'Ehi hīnā-yāvattitvā bhoge ca bhuñjassu,||
puññāni ca karohī' ti.|| ||
So vata bhikkhave, bhikkhu pañc'indriyāni bhāvento||
pañc'indriyāni bahulī-karonto||
sikkhaṃ paccakkhāya hīnāy-āvatteyyāti.|| ||
Netaṃ ṭhānaṃ vijjati.|| ||
Taṃ kissa hetu?|| ||
Yaṃ hi taṃ bhikkhave, cittaṃ dīgha-rattaṃ viveka-ninnaṃ||
viveka-poṇaṃ||
viveka-pabbhāraṃ.|| ||
Taṃ vata hīnāyā-vattissatī ti n'etaṃ ṭhānaṃ vijjati.|| ||
Kathañ ca bhikkhave, bhikkhu pañc'indriyāni bhāveti||
pañc'indriyāni bahulī-karoti?|| ||
Idha bhikkhave, bhikkhu saddh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu viriy'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu sat'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu samādh'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Idha bhikkhave, bhikkhu paññ'indriyam bhāveti||
Nibbāna-ninnaṃ||
Nibbāna-poṇaṃ||
Nibbāna-pabbhāraṃ.|| ||
Evaṃ kho bhikkhave, bhikkhu||
pañc'indriyāni bhāveti||
pañc'indriyāni bahulī-karoti" ti.|| ||
