Saṃyutta Nikāya
5. Mahā-Vagga
51. Iddhi-Pāda Saṃyutta
2. Pāsāda-Kampana Vagga
Sutta 16
Paṭhama Samaṇa-Brāhmaṇā or Mahiddhi Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][olds] Evam me sutaṃ:|| ||
2. "Ye hi keci bhikkhave, atītam addhānaṃ samaṇā vā brāhmaṇā vā mahiddhikā ahesuṃ mah-ā-nubhāvā,||
sabbe te catunnaṃ iddhi-pādānaṃ bhāvitattā bahulī-katattā.|| ||
3. Ye hi keci bhikkhave, anāgatam addhānaṃ samaṇā vā brāhmaṇā vā mahiddhikā bhavissanti mah-ā-nubhāvā,||
sabbe te catunnaṃ iddhi-pādānaṃ bhāvitattā bahulī-katattā.|| ||
4. Ye hi keci, bhikkhave, etarahi samaṇā vā brāhmaṇā vā mahiddhikā mah-ā-nubhāvā,||
sabbe te catunnaṃ iddhi-pādānaṃ bhāvitattā bahulī-katattā.|| ||
■
Katamesaṇ catunnaṃ?|| ||
[274] 5. Idha bhikkhave, bhikkhu chanda-samādhi-padhāna-saṇkhāra-samannāgataṃ iddhi-pādaṃ bhāveti||
viriya-samādhi-padhāna-saṇkhāra-samannāgataṃ iddhi-pādaṃ bhāveti,||
citta-samādhi-padhāna-saṇkhāra-samannāgataṃ iddhi-pādaṃ bhāveti,||
vīmaṃsā-samādhi-padhāna-saṇkhāra-samannāgataṃ iddhi-pādaṃ bhāveti.|| ||
■
6. Ye hi keci, bhikkhave, atītam addhānaṃ samaṇā vā brāhmaṇā vā mahiddhikā ahesuṃ mah-ā-nubhāvā,||
sabbe te imesaṇ yeva catunnaṃ iddhi-pādānaṃ bāvitattā bahulī-katattā.|| ||
Ye hipi keci bhikkhave, anāgatam addhānaṃ samaṇā vā brāhmaṇā vā mahiddhikā ahesuṃ mah-ā-nubhāvā,||
sabbe te imesaṇ yeva catunnaṃ iddhi-pādānaṃ bhāvitattā bahulī-katattā.|| ||
Ye hi keci, bhikkhave, etarahi samaṇā vā mahiddhikā mah-ā-nubhāvā,||
sabbe te imesaṇ yeva catunnaṃ iddhi-pādānaṃ bhāvitattā bahulī-katattā" ti.|| ||
