Saṃyutta Nikāya
5. Mahā-Vagga
54. Ānāpāna Saṃyutta
2. Ānanda or Dutiya Vagga

Sutta 15

Paṭhama Bhikkhū Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series and proofed against, and mostly resolved to the 1994 Pali Text Society Saṃyutta-Nikaya Part V, edited by M. Leon Feer

[334]

[1-2][pts][olds][bodh] Evam me sutaṃ.|| ||

Ekaṃ samayam Bhagavā Sāvatthiyaṃ viharati||
Jetavane Anāthapindikassa ārāme.|| ||

Atha kho sambahulā bhikkhū yena Bhagavā ten'upasaṇkami.|| ||

Upasaṇkamitvā Bhagavāntaṃ abhivādetvā||
eka-m-antaṃ nisīdi.|| ||

Eka-m-antaṃ nisinno kho||
te bhikkhū Bhagavāntaṃ etad avoca:|| ||

"Atthi nu kho bhante, eko dhammo||
bhāvito||
bahulī-kato||
cattāro dhamme paripūreti;||
cattāro dhammā||
bhāvitā||
bahulī-katā||
satta dhamme paripūrenti;||
satta dhammā||
bhāvitā||
bahulī-katā||
dve dhamme paripūrentī" ti?|| ||

"Atthi kho bhikkhave eko dhammo||
bhāvito||
bahulī-kato||
cattāro dhamme paripūreti;||
cattāro dhammā||
bhāvitā||
bahulī-katā||
satta [335] dhamme paripūrenti;||
satta dhammā||
bhāvitā||
bahulī-katā||
dve dhamme paripūrentī" ti.|| ||

"Katamo pana bhante, eko dhammo||
bhāvito||
bahulī-kato||
cattāro dhamme paripūreti;||
cattāro dhammā||
bhāvitā||
bahulī-katā||
satta dhamme paripūrenti;||
satta dhammā||
bhāvitā||
bahulī-katā||
dve dhamme paripūrentī" ti?|| ||

Ānāpāna-sati-samādhi kho bhikkhave eko dhammo||
bhāvito||
bahulī-kato||
cattāro sati-paṭṭhāne paripūreti,||
cattāro sati-paṭṭhānā||
bhāvitā||
bahulī-katā||
satta bojjh'aṇge paripūrenti,||
satta bojjh'aṇgā||
bhāvitā||
bahulī-katā||
vijjā-vimuttiṃ paripūrenti.|| ||

Kathaṃ bhāvito ca, ānāpāna-sati-samādhi kathaṃ||
bahulī-kato||
cattāro sati-paṭṭhāne paripūreti?|| ||

Idha, bhikkhave, bhikkhū arañña-gato vā||
rukkha-mūla-gato vā||
suññ-ā-gāra-gato vā||
nisīdati pallaṇkaṃ ābhujitvā ujuṃ kāyaṃ paṇidhāya||
parimukhaṃ satiṃ upaṭṭha-petvā||
so sato va||
assasati sato va||
passasati.|| ||

Dīghaṃ vā assasanto||
'dīghaṃ assasāmī' ti pajānātī.|| ||

Dīghaṃ vā passasanto||
'dīghaṃ passasāmī' ti pajānāti.|| ||

Rassaṃ vā assasanto||
'rassaṃ assasāmī' ti pajānāti.|| ||

Rassaṃ vā passasanto||
'rassaṃ passasāmī' ti pajānāti.|| ||

Sabba-kāya-paṭisaṃvedi||
assasissāmī' ti sikkhati.|| ||

Sabba-kāya-paṭisaṃvedi||
passasissāmī' ti sikkhati.|| ||

Passam-bhayaṃ kāya-saṇkhāraṃ||
assasissāmī' ti sikkhati.|| ||

Passam-bhayaṃ kāya-saṇkhāraṃ||
passasissāmī' ti sikkhati.|| ||

Pīti-paṭisaṃvedī assasissāmī' ti sikkhati.|| ||

Pīti-paṭisaṃvedī passasissāmī' ti sikkhati.|| ||

Sukha-paṭisaṃvedī assasissāmī' ti sikkhati.|| ||

Sukha-paṭisaṃvedī passasissāmī' ti sikkhati.|| ||

Citta-saṇkhāra-paṭisaṃvedī||
assasissāmī' ti sikkhati.|| ||

Citta-saṇkhāra-paṭisaṃvedī||
passasissāmī' ti sikkhati.|| ||

Passam-bhayaṃ citta-saṇkhāraṃ||
assasissāmī' ti sikkhati.|| ||

Passam-bhayaṃ citta-saṇkhāraṃ||
passasissāmī' ti sikkhati.|| ||

Citta-paṭisaṃvedī assasissāmī' ti sikkhati.|| ||

Citta-paṭisaṃvedī passasissāmī' ti sikkhati.|| ||

Abhi-p-pamodayaṃ cittaṃ||
assasissāmī' ti sikkhati.|| ||

Abhi-p-pamodayaṃ cittaṃ||
passasissāmī' ti sikkhati.|| ||

Samādahaṃ cittaṃ||
assasissāmī' ti sikkhati.|| ||

Samādahaṃ cittaṃ||
passasissāmī' ti sikkhati.|| ||

Vimocayaṃ cittaṃ||
assasissāmī' ti sikkhati.|| ||

Vimocayaṃ cittaṃ||
passasissāmī' ti sikkhati.|| ||

Anicc-ā-nupassī assasissāmī' ti sikkhati.|| ||

Anicc-ā-nupassī passasissāmī' ti sikkhati.|| ||

Virāg-ā-nupassī assasissāmī' ti sikkhati.|| ||

Virāg-ā-nupassī passasissāmī' ti sikkhati.|| ||

Nirodh-ā-nupassī assasissāmī' ti sikkhati.|| ||

Nirodh-ā-nupassī passasissāmī' ti sikkhati.|| ||

Paṭinissagg-ā-nupassī assasissāmī' ti sikkhati.|| ||

Paṭinissagg-ā-nupassī passasissāmī' ti sikkhati.|| ||

■

Yasmiṃ samaye bhikkhave bhikkhū||
dīghaṃ vā assasanto 'dīghaṃ assasāmī' ti pajānāti,||
dīghaṃ vā passasanto 'dīghaṃ passasāmī' ti pajānāti,||
rassaṃ vā assasanto 'rassaṃ assasāmī' ti pajānāti,||
rassaṃ vā passasanto 'rassaṃ passasāmī' ti pajānāti,||
'sabba-kāya-paṭisaṃvedī assa-sissāmī' ti sikkhati,||
'sabba-kāya-paṭisaṃvedī passasissāmī' ti sikkhati,||
'passam-bhayaṃ kāya-saṇkhāraṃ assasissāmī' ti sikkhati,||
'passam-bhayaṃ kāya-saṇkhāraṃ passasissāmī' ti sikkhati,||
kāye kāy'ānupassī bhikkhave||
bhikkhū tasmiṃ samaye viharati||
ātāpī sampajāno satimā||
vineyya loke abhijjhā-domanassaṃ.|| ||

Taṃ kissa hetu?|| ||

Kāyaññatarāhaṃ bhikkhave etaṃ vadāmi||
yad idaṃ assāsapassāsaṃ.|| ||

Tasmā 'ti bhikkhave,||
kāye kāy'ānupassī bhikkhū||
tasmiṃ samaye viharati||
ātāpī sampajāno satimā||
vineyya loke abhijjhā-domanassaṃ.|| ||

■

Tasmiṃ samaye bhikkhave,||
'bhikkhū pīti-paṭisaṃvedī assasissāmī' ti sikkhati,||
'pīti-paṭisaṃvedī passasissāmī' ti sikkhati,||
'sukha-paṭisaṃvidī assasissāmī' ti sikkhati,||
'sukha-paṭisaṃvedī passasissāmī' ti sikkhati,||
'citta-saṇkhārapaṭisaṃvedī assasissāmī' ti sikkhati.||
'citta-saṇkhāra-paṭisaṃvedī passasissāmī' ti sikkhati.||
'passam-bhayaṃ citta-saṇkhāraṃ assasissāmī' ti sikkhati,||
'passam-bhayaṃ citta-saṇkhāraṃ passasissāmī' ti sikkhati,||
vedanāsu vedan'ānupassī bhikkhave||
bhikkhū tasmiṃ samaye viharati||
ātāpī sampajāno satimā||
vineyya loke abhijjhā-domanassaṃ.|| ||

Taṃ kissa hetu?|| ||

Vedanaññatarāhaṃ bhikkhave etaṃ vadāmi||
yad idaṃ assāsa-passāsānaṃ sādhukaṃ mana-sikāraṃ.|| ||

Tasmā 'ti bhikkhave vedanāsu vedan'ānupassī||
bhikkhū tasmiṃ samaye viharati||
ātāpī sampajāno satimā||
vineyya loke abhijjhā-domanassaṃ.|| ||

Yasmiṃ samaye bhikkhave, bhikkhū||
'citta-paṭisaṃvedī assasissāmī' ti sikkhati,||
'citta-paṭisaṃvedī passasissāmī' ti sikkhati,||
'abhippamodayaṃ cittaṃ assasissāmī' ti sikkhati,||
'abhippamodayaṃ cittaṃ passasissāmī' ti sikkhati,||
'samādahaṃ cittaṃ assasissāmī' ti sikkhati,||
'samādahaṃ cittaṃ passasissāmī' ti sikkhati,||
'vimocayaṃ cittaṃ assasissāmī' ti sikkhati,||
'vimocayaṃ cittaṃ passasissāmī' ti sikkhati,||
'citte citt'ānupassī bhikkhave, bhikkhū||
tasmiṃ samaye viharati||
ātāpī sampajāno satimā||
vineyya loke abhijjhā-domanassaṃ.|| ||

Taṃ kissa hetu?|| ||

Nāhaṃ bhikkhave, muṭṭha-s-satissa asampajānassa ānāpāna-sati-samādhi-bhāvanaṃ vadāmi.

Tasmā 'ti bhikkhave,||
citte citt'ānupassī bhikkhū||
tasmiṃ samaye viharati||
ātāpī sampajāno satimā||
vineyya loke abhijjhā-domanassaṃ.|| ||

■

Yasmiṃ samaye bhikkhave, bhikkhū||
'anicc'ānupassī assasissāmī' ti sikkhati,||
'anicc'ānupassī passasissāmī' ti sikkhati,||
'virāg-ā-nupassī assasissāmī' ti sikkhati,||
'virāg-ā-nupassī passasissāmī' ti sikkhati,||
'nirodh-ā-nupassī assasissāmī' ti sikkhati,||
'nirodh-ā-nupassī passasissāmī' ti sikkhati,||
'paṭinissagg-ā-nupassī assasissāmī' ti sikkhati,||
'paṭinissagaggānupassī passasissāmī' ti sikkhati,||
'Dhammesu Dhamm'ānupassī bhikkhave,||
bhikkhū tasmiṃ samaye viharati||
ātāpī sampajāno satimā||
vineyya loke abhijjhā-domanassaṃ.|| ||

So yaṃ taṃ hoti abhijjhā-domanassānaṃ pahānaṃ,||
taṃ paññāya disvā disvā sādhukaṃ ajjh'upekkhitā hoti.|| ||

Tasmā 'ti bhikkhave,||
dhammesu Dhamm'ānupassī bhikkhū||
tasmiṃ samaye viharati||
ātāpī sampajāno satimā||
vineyya loke abhijjhā-domanassaṃ.|| ||

Evaṃ bhāvitā kho, ānāpāna-sati-samādhi kathaṃ||
bahulī-kato||
cattāro sati-paṭṭhāne paripūreti.|| ||

Kāya

Sati-Sambojjhaṇga

Kathaṃ bhāvitā ca bhikkhave||
cattāro sati-paṭṭhānā||
kathaṃ bahulī-katā||
satta sambojjh'aṇge paripūrenti?|| ||

Yasmiṃ samaye bhikkhave bhikkhū||
kāye kāy'ānupassī viharati upaṭṭhitāsati||
tasmiṃ samaye bhikkhave bhikkhuno||
sati hoti||
asammuṭṭhā.|| ||

Yasmiṃ samaye bhikkhave bhikkhūno||
upaṭṭhitā sati||
asammuṭṭhā||
sati-sambojjh'aṇgo||
tasmiṃ samaye bhikkhūno āraddho hoti.|| ||

Sati-sambojjh'aṇgaṃ||
tasmiṃ samaye bhikkhave bhikkhū bhāveti||
sati-sambojjh'aṇgo||
tasmiṃ samaye bhikkhūno bhāvanā-pāripūriṃ gacchati.|| ||

■

Dhamma-Vicaya-Sambojjhaṇga

So tathā sato viharanto||
taṃ dhammaṃ paññāya pavicinati||
pavicarati||
parivīmaṃsam||
āpajjati.|| ||

Yasmiṃ samaye bhikkhave, bhikkhū||
tathā sato viharanto||
taṃ dhammaṃ paññāya pavicināti||
pavicarati||
parivīmaṃsam||
āpajjati,||
dhamma-vicaya-sambojjh'aṇgo tasmiṃ||
samaye bhikkhūno āraddho hoti,||
dhamma-vicaya-sambojjh'aṇgaṃ tasmiṃ||
samaye bhikkhū bhāveti,||
dhamma-vicaya-sambojjh'aṇgo tasmiṃ samaye bhikkhūno bhāvanā-pāripūriṃ gacchati.|| ||

■

Viriya-Sambojjhaṇga

Tassa taṃ dhammaṃ paññāya pavicanato pavicarato parivīmaṃsam āpajjato āraddhaṃ hoti viriyaṃ asallīnaṃ.|| ||

Yasmiṃ samaye bhikkhave, bhikkhūno taṃ dhammaṃ paññāya pavicinato pavicarato parivīmaṃsam āpajjato āraddhaṃ hoti viriyaṃ asallīnaṃ,||
viriya-sambojjh'aṇgo tasmiṃ samaye bhikkhūno āraddho hoti.|| ||

Viriya-sambojjh'aṇgaṃ tasmiṃ samaye bhikkhū bhāveti,||
viriya-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

■

Pīti-Sambojjhaṇga

Āraddha viriyassa uppajjati pīti nirāmisā.|| ||

Yasmiṃ samaye bhikkhave, bhikkhūno āraddha-viriyassa uppajjati pīti nirāmisā,||
pīti-sambojjh'aṇgo tasmiṃ samaye bhikkhūno āraddho hoti.|| ||

Pīti-sambojjh'aṇgaṃ tasmiṃ samaye bhikkhū bhāveti,||
pīti-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

■

Passaddhi-Sambojjhaṇga

Pīti-manassa kāyo pi passambhati,
cittam pi passambhati.|| ||

Yasmiṃ samaye bhikkhave bhikkhūno pīti-manassa kāyo pi passambhati,||
cittam pi passambhati,||
passaddhi-sambojjh'aṇgo tasmiṃ samaye bhikkhūno āraddho hoti.|| ||

Passaddhi-sambojjh'aṇgaṃ tasmiṃ samaye bhikkhū bhāveti,||
passaddhi-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

■

Samādhi-Sambojjhaṇga

Pa-s-saddha-kāyassa sukhino cittaṃ samādhiyati.|| ||

Yasmiṃ samaye bhikkhave bhikkhūno passaddha-kāyassa sukhino cittaṃ samādhiyati,||
samādhi-sambojjh'aṇgo tasmiṃ samaye bhikkhūno āraddho hoti.|| ||

Samādhi-sambojjh'aṇgaṃ tasmiṃ samayo bhikkhū bhāveti,||
samādhi-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

■

Upekhā-Sambojjhaṇga

So tathā samāhitaṃ cittaṃ sādhukaṃ ajjh'upekkhitā hoti.|| ||

Yasmiṃ samaye bhikkhave bhikkhū tathā samāhitaṃ cittaṃ sādhukaṃ ajjh'upekkhitā hoti,||
upekhā-sambojjh'aṇgo tasmiṃ samaye bhikkhūno āraddho hoti.|| ||

Upekhā-sambojjh'aṇgaṃ tasmiṃ samaye bhikkhū bhāveti,
upekhā-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

Vedanā

Sati-Sambojjhaṇga

Yasmiṃ samaye bhikkhave bhikkhū||
vedanāsu vedan'ānupassī viharati upaṭṭhitāsati||
tasmiṃ samaye bhikkhave bhikkhuno||
sati hoti||
asammuṭṭhā.|| ||

Yasmiṃ samaye bhikkhave bhikkhūno||
upaṭṭhitā sati||
asammuṭṭhā||
sati-sambojjh'aṇgo||
tasmiṃ samaye bhikkhūno āraddho hoti.|| ||

Sati-sambojjh'aṇgaṃ||
tasmiṃ samaye bhikkhave bhikkhū bhāveti||
sati-sambojjh'aṇgo||
tasmiṃ samaye bhikkhūno bhāvanā-pāripūriṃ gacchati.|| ||

■

Dhamma-Vicaya-Sambojjhaṇga

So tathā sato viharanto||
taṃ dhammaṃ paññāya pavicinati||
pavicarati||
parivīmaṃsam||
āpajjati.|| ||

■

Viriya-Sambojjhaṇga

Tassa taṃ dhammaṃ paññāya pavicanato pavicarato parivīmaṃsam āpajjato āraddhaṃ hoti viriyaṃ asallīnaṃ.|| ||

Viriya-sambojjh'aṇgaṃ tasmiṃ samaye bhikkhū bhāveti,||
viriya-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

■

Pīti-Sambojjhaṇga

Āraddha viriyassa uppajjati pīti nirāmisā.|| ||

Yasmiṃ samaye bhikkhave, bhikkhūno āraddha-viriyassa uppajjati pīti nirāmisā,||
pīti-sambojjh'aṇgo tasmiṃ samaye bhikkhūno āraddho hoti.|| ||

Pīti-sambojjh'aṇgaṃ tasmiṃ samaye bhikkhū bhāveti,||
pīti-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

■

Passaddhi-Sambojjhaṇga

Pīti-manassa kāyo pi passambhati,
cittam pi passambhati.|| ||

Yasmiṃ samaye bhikkhave bhikkhūno pīti-manassa kāyo pi passambhati,||
cittam pi passambhati,||
passaddhi-sambojjh'aṇgo tasmiṃ samaye bhikkhūno āraddho hoti.|| ||

Passaddhi-sambojjh'aṇgaṃ tasmiṃ samaye bhikkhū bhāveti,||
passaddhi-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

■

Samādhi-Sambojjhaṇga

Pa-s-saddha-kāyassa sukhino cittaṃ samādhiyati.|| ||

Yasmiṃ samaye bhikkhave bhikkhūno passaddha-kāyassa sukhino cittaṃ samādhiyati,||
samādhi-sambojjh'aṇgo tasmiṃ samaye bhikkhūno āraddho hoti.|| ||

Samādhi-sambojjh'aṇgaṃ tasmiṃ samayo bhikkhū bhāveti,||
samādhi-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

■

Upekhā-Sambojjhaṇga

So tathā samāhitaṃ cittaṃ sādhukaṃ ajjh'upekkhitā hoti.|| ||

Yasmiṃ samaye bhikkhave bhikkhū tathā samāhitaṃ cittaṃ sādhukaṃ ajjh'upekkhitā hoti,||
upekhā-sambojjh'aṇgo tasmiṃ samaye bhikkhūno āraddho hoti.|| ||

Upekhā-sambojjh'aṇgaṃ tasmiṃ samaye bhikkhū bhāveti,
upekhā-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

Citte

Sati-Sambojjhaṇga

Yasmiṃ samaye bhikkhave bhikkhū||
citte citt'ānupassī viharati upaṭṭhitāsati||
tasmiṃ samaye bhikkhave bhikkhuno||
sati hoti||
asammuṭṭhā.|| ||

Yasmiṃ samaye bhikkhave bhikkhūno||
upaṭṭhitā sati||
asammuṭṭhā||
sati-sambojjh'aṇgo||
tasmiṃ samaye bhikkhūno āraddho hoti.|| ||

Sati-sambojjh'aṇgaṃ||
tasmiṃ samaye bhikkhave bhikkhū bhāveti||
sati-sambojjh'aṇgo||
tasmiṃ samaye bhikkhūno bhāvanā-pāripūriṃ gacchati.|| ||

■

Dhamma-Vicaya-Sambojjhaṇga

So tathā sato viharanto||
taṃ dhammaṃ paññāya pavicinati||
pavicarati||
parivīmaṃsam||
āpajjati.|| ||

■

Viriya-Sambojjhaṇga

Tassa taṃ dhammaṃ paññāya pavicanato pavicarato parivīmaṃsam āpajjato āraddhaṃ hoti viriyaṃ asallīnaṃ.|| ||

Viriya-sambojjh'aṇgaṃ tasmiṃ samaye bhikkhū bhāveti,||
viriya-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

■

Pīti-Sambojjhaṇga

Āraddha viriyassa uppajjati pīti nirāmisā.|| ||

Yasmiṃ samaye bhikkhave, bhikkhūno āraddha-viriyassa uppajjati pīti nirāmisā,||
pīti-sambojjh'aṇgo tasmiṃ samaye bhikkhūno āraddho hoti.|| ||

Pīti-sambojjh'aṇgaṃ tasmiṃ samaye bhikkhū bhāveti,||
pīti-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

■

Passaddhi-Sambojjhaṇga

Pīti-manassa kāyo pi passambhati,
cittam pi passambhati.|| ||

Yasmiṃ samaye bhikkhave bhikkhūno pīti-manassa kāyo pi passambhati,||
cittam pi passambhati,||
passaddhi-sambojjh'aṇgo tasmiṃ samaye bhikkhūno āraddho hoti.|| ||

Passaddhi-sambojjh'aṇgaṃ tasmiṃ samaye bhikkhū bhāveti,||
passaddhi-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

■

Samādhi-Sambojjhaṇga

Pa-s-saddha-kāyassa sukhino cittaṃ samādhiyati.|| ||

Yasmiṃ samaye bhikkhave bhikkhūno passaddha-kāyassa sukhino cittaṃ samādhiyati,||
samādhi-sambojjh'aṇgo tasmiṃ samaye bhikkhūno āraddho hoti.|| ||

Samādhi-sambojjh'aṇgaṃ tasmiṃ samayo bhikkhū bhāveti,||
samādhi-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

■

Upekhā-Sambojjhaṇga

So tathā samāhitaṃ cittaṃ sādhukaṃ ajjh'upekkhitā hoti.|| ||

Yasmiṃ samaye bhikkhave bhikkhū tathā samāhitaṃ cittaṃ sādhukaṃ ajjh'upekkhitā hoti,||
upekhā-sambojjh'aṇgo tasmiṃ samaye bhikkhūno āraddho hoti.|| ||

Upekhā-sambojjh'aṇgaṃ tasmiṃ samaye bhikkhū bhāveti,
upekhā-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

Dhamma

Sati-Sambojjhaṇga

Yasmiṃ samaye bhikkhave bhikkhū||
Dhammesu Dhamm'ānupassī viharati upaṭṭhitāsati||
tasmiṃ samaye bhikkhave bhikkhuno||
sati hoti||
asammuṭṭhā.|| ||

Yasmiṃ samaye bhikkhave bhikkhūno||
upaṭṭhitā sati||
asammuṭṭhā||
sati-sambojjh'aṇgo||
tasmiṃ samaye bhikkhūno āraddho hoti.|| ||

Sati-sambojjh'aṇgaṃ||
tasmiṃ samaye bhikkhave bhikkhū bhāveti||
sati-sambojjh'aṇgo||
tasmiṃ samaye bhikkhūno bhāvanā-pāripūriṃ gacchati.|| ||

■

Dhamma-Vicaya-Sambojjhaṇga

So tathā sato viharanto||
taṃ dhammaṃ paññāya pavicinati||
pavicarati||
parivīmaṃsam||
āpajjati.|| ||

■

Viriya-Sambojjhaṇga

Tassa taṃ dhammaṃ paññāya pavicanato pavicarato parivīmaṃsam āpajjato āraddhaṃ hoti viriyaṃ asallīnaṃ.|| ||

Viriya-sambojjh'aṇgaṃ tasmiṃ samaye bhikkhū bhāveti,||
viriya-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

■

Pīti-Sambojjhaṇga

Āraddha viriyassa uppajjati pīti nirāmisā.|| ||

Yasmiṃ samaye bhikkhave, bhikkhūno āraddha-viriyassa uppajjati pīti nirāmisā,||
pīti-sambojjh'aṇgo tasmiṃ samaye bhikkhūno āraddho hoti.|| ||

Pīti-sambojjh'aṇgaṃ tasmiṃ samaye bhikkhū bhāveti,||
pīti-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

■

Passaddhi-Sambojjhaṇga

Pīti-manassa kāyo pi passambhati,
cittam pi passambhati.|| ||

Yasmiṃ samaye bhikkhave bhikkhūno pīti-manassa kāyo pi passambhati,||
cittam pi passambhati,||
passaddhi-sambojjh'aṇgo tasmiṃ samaye bhikkhūno āraddho hoti.|| ||

Passaddhi-sambojjh'aṇgaṃ tasmiṃ samaye bhikkhū bhāveti,||
passaddhi-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

■

Samādhi-Sambojjhaṇga

Pa-s-saddha-kāyassa sukhino cittaṃ samādhiyati.|| ||

Yasmiṃ samaye bhikkhave bhikkhūno passaddha-kāyassa sukhino cittaṃ samādhiyati,||
samādhi-sambojjh'aṇgo tasmiṃ samaye bhikkhūno āraddho hoti.|| ||

Samādhi-sambojjh'aṇgaṃ tasmiṃ samayo bhikkhū bhāveti,||
samādhi-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

■

Upekhā-Sambojjhaṇga

So tathā samāhitaṃ cittaṃ sādhukaṃ ajjh'upekkhitā hoti.|| ||

Yasmiṃ samaye bhikkhave bhikkhū tathā samāhitaṃ cittaṃ sādhukaṃ ajjh'upekkhitā hoti,||
upekhā-sambojjh'aṇgo tasmiṃ samaye bhikkhūno āraddho hoti.|| ||

Upekhā-sambojjh'aṇgaṃ tasmiṃ samaye bhikkhū bhāveti,
upekhā-sambojjh'aṇgo tasmiṃ samaye bhikkhūno bhāvanā pāripūriṃ gacchati.|| ||

Evaṃ bhāvitā kho bhikkhave cattāro sati-paṭṭhānā||
evaṃ bahulī-katā satta bojjh'aṇge paripūrenti.|| ||

iii

Kathaṃ bhāvitā ca bhikkhave satta-bojjh'aṇgā||
kathaṃ bahulī-katā||
vijjā-vimuttiṃ paripūrenti?|| ||

Idbhikkhave, bhikkhū sati-sambojjh'aṇgaṃ bhāveti||
viveka-nissitaṃ||
virāga-nissitaṃ||
nirodha-nissitaṃ||
vossagga-pariṇāmi.|| ||

Dhamma-vicaya-sambojjh'aṇgaṃ bhāveti||
viveka-nissitaṃ||
virāga-nissitaṃ||
nirodha-nissitaṃ||
vossagga-pariṇāmi.|| ||

Viriya-sambojjh'aṇgaṃ bhāveti||
viveka-nissitaṃ||
virāga-nissitaṃ||
nirodha-nissitaṃ||
vossagga-pariṇāmi.|| ||

Pīti-sambojjhagaṃ bhāveti||
viveka-nissitaṃ||
virāga-nissitaṃ||
nirodha-nissitaṃ||
vossagga-pariṇāmi.|| ||

Passaddhi-sambojjh'aṇgaṃ bhāveti||
viveka-nissitaṃ||
virāga-nissitaṃ||
nirodha-nissitaṃ||
vossagga-pariṇāmi.|| ||

Samādhi-sambojjh'aṇgaṃ bhāveti||
viveka-nissitaṃ||
virāga-nissitaṃ||
nirodha-nissitaṃ||
vossagga-pariṇāmi.|| ||

Upekkhā-sambojjh'aṇgaṃ bhāveti||
viveka-nissitaṃ||
virāga-nissitaṃ||
nirodha-nissitaṃ||
vossagga-pariṇāmi.|| ||

Evaṃ bhāvitā kho bhikkhave||
satta bojjh'aṇgā||
evaṃ bahulī-katā||
vijjā-vimuttiṃ paripūrentī" ti.|| ||

Saṃyutta Nikāya 5. Mahā-Vagga 54. Ānāpāna Saṃyutta 2. Ānanda or Dutiya Vagga

Sutta 15

Paṭhama Bhikkhū Suttaṃ

Saṃyutta Nikāya
5. Mahā-Vagga
54. Ānāpāna Saṃyutta
2. Ānanda or Dutiya Vagga