Saṃyutta Nikāya
5. Mahā-Vagga
55. Sot'Āpatti Saṃyutta
2. Sahassaka or Rājakārama Vagga

Sutta 11

Sahassa Suttaṃ

 

---

 

[1][pts] Evam me sutaṃ:|| ||

Ekaṃ samayaṃ Bhagavā Sāvatthiyaṃ viharati Rājakārāme.|| ||

Atha kho sahassaṇ bhikkhunī-saṇgho yena Bhagavā ten'upasaṇkami.|| ||

Upasaṇkamitvā Bhagavantaṃ abhivādetvā eka-m-antaṃ aṭṭhāsi.|| ||

Eka-m-antaṃ ṭhitā kho tā bhikkhuniyo Bhagavā etad avoca:|| ||

"Catūhi kho bhikkhuniyo dhammehi samannāgato ariya-sāvako sot'āpanno hoti||
avinipāta-dhammo||
niyato||
sambodhiparayāṇo.|| ||

Katamehi catūhi?

Idha bhikkhuniyo ariya-sāvako Buddhe avecca pasādena samannāgato hoti:|| ||

'Iti pi so Bhagavā||
arahaṃ||
Sammā Sambuddho||
vijjā-caraṇa-sampanno||
Sugato||
loka-vidu||
anuttaro purisa-damma-sārathī||
Satthā deva-manussānaṃ||
Buddho||
Bhagavā' ti.|| ||

[361] Dhamme avecca pasādena samannāgato hoti:|| ||

'Svākkhāto Bhagavatā dhammo||
sandiṭṭhiko||
akāliko||
ehi passiko||
opanayiko||
paccattaṃ veditabbo viññūhī' ti.|| ||

Saṇghe avecca pasādena samannāgato hoti:|| ||

'Su-paṭipanno Bhagavato sāvaka-saṇgho,||
uju-paṭipanno Bhagavato sāvaka-saṇgho,||
ñāya-paṭipanno Bhagavato sāvaka-saṇgho,||
sāmīci-paṭipanno Bhagavato sāvaka-saṇgho,||
yad idaṃ cattāri purisa-yugāni||
aṭṭhapurisa-puggalā,||
esa Bhagavato sāvaka-saṇgho.|| ||

Āhuneyyo||
pāhuneyyo||
dakkhiṇeyyo||
añjali-karaṇīyo||
anuttaraṃ puññakettaṃ lokassā' ti.|| ||

Ariya-kantehi sīlehi samannāgato hoti||
akhaṇḍehi||
acchiddehi||
asabalehi||
akammāsehi||
bhujissehi||
viññ'uppasatthehi||
aparām-aṭṭhehi||
samādhi-saṃvaṭṭa-nikehi.|| ||

Imehi kho bhikkhuniyo,||
catūhi dhammehi samannāgato ariya-sāvako||
sot'āpanno hoti||
avinipāta-dhammo||
niyato||
sambodhi-parāyaṇo" ti.