Saṃyutta Nikāya
5. Mahā-Vagga
55. Sot'Āpatti Saṃyutta
4. Puññ-ā-bhisanda Vagga
Sutta 36
Sabhāgata Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
Ekaṃ samayam Bhagavā Sāvatthiyaṃ viharati Jetavane Anāthapindikassa ārāme.|| ||
Tatra kho Bhagavā bhikkhū āmantesi:|| ||
"Bhikkhavo" ti.|| ||
"Bhadante" ti te bhikkhū Bhagavato paccassosuṃ.|| ||
Bhagavā etad avoca:|| ||
"Catūhi bhikkhave, dhammehi samannāgataṃ atta-manā devā sabhāgatā kathenti.|| ||
Katamehi catūhi?|| ||
Idha bhikkhave, ariya-sāvako Buddhe avecca pasādena samannāgato hoti:|| ||
'Iti pi so Bhagavā||
arahaṃ||
Sammā Sambuddho||
vijjā-caraṇa-sampanno||
Sugato||
loka-vidu||
anuttaro purisa-damma-sārathī||
Satthā deva-manussānaṃ||
Buddho||
Bhagavā' ti.|| ||
Yā tā devatā Buddhe avecca pasādena samannāgato ito cutā tatrūpapannā.|| ||
Tāsaṇ evaṃ hoti:|| ||
'Yathā-rūpena kho mayaṃ Buddhe avecca pasādena samannāgatā tato cutā idh'ūpapannā.|| ||
Ariyasāvako pi tathā-rūpena Buddhe avecca pasādena samannāgato hoti ehiti[ed1] devānaṃ santike' ti.|| ||
■
Puna ca'paraṃ bhikkhave, ariya-sāvako dhamme avecca pasādena samannāgato hoti:|| ||
'Svākkhāto Bhagavatā dhammo||
sandiṭṭhiko||
akāliko||
ehi passiko||
opanayiko||
paccattaṃ veditabbo viññūhī' ti.|| ||
Yā tā devatā dhamme avecca pasādena samannāgatā ito cutā tatrūpapannā.|| ||
Tāsaṇ evaṃ hoti:|| ||
'Yathā-rūpena kho mayaṃ dhamme avecca pasādena samannāgatā tato cutā idh'ūpapannā.|| ||
Ariyasāvako pi tathā-rūpena dhamme avecca pasādena samannāgato hoti etiti devānaṃ santike" ti.|| ||
■
Puna ca'paraṃ bhikkhave, ariya-sāvako saṇghe avecca pasādena samannāgato hoti:|| ||
'Su-paṭipanno Bhagavato sāvaka-saṇgho,||
uju-paṭipanno Bhagavato sāvaka-saṇgho,||
ñāya-paṭipanno Bhagavato sāvaka-saṇgho,||
sāmīci-paṭipanno Bhagavato sāvaka-saṇgho,||
yad idaṃ cattāri purisa-yugāni||
aṭṭhapurisa-puggalā,||
esa Bhagavato sāvaka-saṇgho.|| ||
Āhuneyyo||
pāhuneyyo||
dakkhiṇeyyo||
añjali-karaṇīyo||
anuttaraṃ puññakettaṃ lokassā' ti.|| ||
Yā tā devatā saṇghe avecca pasādena samannāgatā ito cutā tatrūpapannā.|| ||
Tāsaṇ evaṃ hoti:|| ||
'Yathā-rūpena kho mayaṃ saṇghe avecca pasādena samannāgatā tato cutā idh'ūpapannā.|| ||
Ariyasāvako pi tathā-rūpena saṇghe avecca pasādena samannāgato etīti devānaṃ santike" ti.|| ||
■
Puna ca'paraṃ bhikkhave, ariya-sāvako ariya-kantehi sīlehi samannāgato hoti||
akhaṇḍehi||
acchiddehi||
asabalehi||
akammāsehi||
bhujissehi||
viññ'uppasatthehi||
aparām-aṭṭhehi||
samādhi-saṃvaṭṭanikehi.|| ||
Yā tā devatā ariya-kantehi sīlehi samannāgatā ito cutā tatrūpapannā.|| ||
Tāsaṇ evaṃ hoti:|| ||
'Yathā-rūpena kho mayaṃ ariya-kantehi sīlehi samannāgato tato cutā idhupapannā.|| ||
Ariyasāvako pi tathā-rūpehi ariya-kantehi sīlehi samannāgato hoti etiti devānaṃ santike" ti.|| ||
imehi kho bhikkhave, catūhi dhammehi samannāgataṃ atta-manā devā sabhāgatā kathentī" ti.|| ||
[ed1] Bhk. Bodhi notes: Be and Ee have ehi ti, presumably understood as an imperative, while Se has etīti, which seems hard to explain. I suggest reading the singular future.
