Saṃyutta Nikāya
5. Mahā-Vagga
55. Sot'Āpatti Saṃyutta
4. Puññ-ā-bhisanda Vagga
Sutta 40
Nandiya Suttaṃ
Adapted from the 1995 edition of the digital version of the Sri Lanka Buddha Jayanti Tripitaka Series.
[1][pts][than]Evam me sutaṃ:|| ||
Ekaṃ samayaṃ Bhagavā Sakkesu viharati Kapilavatthusmiṃ Nigrodhārāme.|| ||
Atha kho Nandiyo Sakko yena Bhagavā ten'upasaṇkami.|| ||
Upasaṇkamitvā Bhagavantaṃ abhivādetvā eka-m-antaṃ nisīdi.|| ||
Eka-m-antaṃ nisinno kho nandiyo Sakko Bhagavantaṃ etad avoca:|| ||
"Yass'eva nu kho bhante, ariya-sāvakassa cattāri sot'āpattiyaṇgāni||
sabbena||
sabbaṃ||
sabbathā||
sabbaṃ n'atthi,||
so eva nu kho bhante,||
ariya-sāvako pamāda-vihārī" ti?|| ||
"Yassa kho Nandiya, cattāri sot'āpattiyaṇgāni||
sabbena||
sabbaṃ||
sabbathā||
sabbaṃ n'atthi,||
tam ahaṃ bāhiro||
'puthu-j-jana-pakkhe ṭhito' ti vadāmi.|| ||
Api ca Nandiya, yathā ariya-sāvako pamāda-vihārī c'eva hoti||
appamāda-vihārī ca.|| ||
Taṃ suṇāhi||
sādhukam||
manasi karohi bhāsissāmī" ti.|| ||
"Evam bhante" ti kho Nandiyo Sakko Bhagavato paccussosi.|| ||
Bhagavā etad avoca:|| ||
[398] "Kathañ ca Nandiya, ariya-sāvako pamādavihārī hoti?|| ||
Idha Nandiya, ariya-sāvako Buddhe avecca pasādena samannāgato hoti:|| ||
'Iti pi so Bhagavā||
arahaṃ||
Sammā Sambuddho||
vijjā-caraṇa-sampanno||
Sugato||
loka-vidu||
anuttaro purisa-damma-sārathī||
Satthā deva-manussānaṃ||
Buddho||
Bhagavā' ti.|| ||
So tena Buddhe avecca pasādena santuṭṭho||
na uttariṃ vāyamati divā pavivekāya||
rattiṃ paṭisallāṇāya.|| ||
Tassa evaṃ pamattassa viharato pāmujjaṃ na hoti.|| ||
Pāmujje asati||
pīti na hoti.|| ||
Pītiyā asati||
passaddhi na hoti|| ||
Passaddhiyā asati||
dukkhaṃ viharati.|| ||
Dukkhino cittaṃ na samādhiyati.|| ||
Asamāhite citte||
dhammā na pātu-bhavanti.|| ||
Dhammānaṃ apātu-bhāvā||
pamāda-vihārī t'eva saṇkhaṃ gacchati.|| ||
■
Puna ca'paraṃ Nandiya ariya-sāvako dhamme avecca pasādena samannāgato hoti:|| ||
'Svākkhāto Bhagavatā dhammo||
sandiṭṭhiko||
akāliko||
ehi passiko||
opanayiko||
paccattaṃ veditabbo viññūhī' ti.|| ||
So tena dhamme avecca pasādena santuṭṭho||
na uttariṃ vāyamati divā pavivekāya||
rattiṃ paṭisallāṇāya.|| ||
Tassa evaṃ pamattassa viharato pāmujjaṃ na hoti.|| ||
Pāmujje asati||
pīti na hoti.|| ||
Pītiyā asati||
passaddhi na hoti|| ||
Passaddhiyā asati||
dukkhaṃ viharati.|| ||
Dukkhino cittaṃ na samādhiyati.|| ||
Asamāhite citte||
dhammā na pātu-bhavanti.|| ||
Dhammānaṃ apātu-bhāvā||
pamāda-vihārī t'eva saṇkhaṃ gacchati.|| ||
■
Puna ca'paraṃ Nandiya ariya-sāvako saṇghe avecca pasādena samannāgato hoti:|| ||
'Su-paṭipanno Bhagavato sāvaka-saṇgho,||
uju-paṭipanno Bhagavato sāvaka-saṇgho,||
ñāya-paṭipanno Bhagavato sāvaka-saṇgho,||
sāmīci-paṭipanno Bhagavato sāvaka-saṇgho,||
yad idaṃ cattāri purisa-yugāni||
aṭṭhapurisa-puggalā,||
esa Bhagavato sāvaka-saṇgho.|| ||
Āhuneyyo||
pāhuneyyo||
dakkhiṇeyyo||
añjali-karaṇīyo||
anuttaraṃ puññakettaṃ lokassā' ti.|| ||
No tena saṇghe avecca pasādena santuṭṭho||
na uttariṃ vāyamati divā pavivekāya||
rattiṃ paṭisallāṇāya.|| ||
Tassa evaṃ pamattassa viharato pāmujjaṃ na hoti.|| ||
Pāmujje asati||
pīti na hoti.|| ||
Pītiyā asati||
passaddhi na hoti|| ||
Passaddhiyā asati||
dukkhaṃ viharati.|| ||
Dukkhino cittaṃ na samādhiyati.|| ||
Asamāhite citte||
dhammā na pātu-bhavanti.|| ||
Dhammānaṃ apātu-bhāvā||
pamāda-vihārī t'eva saṇkhaṃ gacchati.|| ||
■
Puna ca'paraṃ Nandiya ariya-sāvako ariya-kantehi sīlehi samannāgato hoti||
akhaṇḍehi||
acchiddehi||
asabalehi||
akammāsehi||
bhujissehi||
viññ'uppasatthehi||
aparām-aṭṭhehi||
samādhi-saṃvaṭṭa-nikehi.|| ||
So tehi ariya-kantehi sīlehi santuṭṭho||
na uttariṃ vāyamati divā pavivekāya||
rattiṃ paṭisallāṇāya.|| ||
Tassa evaṃ pamattassa viharato pāmujjaṃ na hoti.|| ||
Pāmujje asati||
pīti na hoti.|| ||
Pītiyā asati||
passaddhi na hoti|| ||
Passaddhiyā asati||
dukkhaṃ viharati.|| ||
Dukkhino cittaṃ na samādhiyati.|| ||
Asamāhite citte||
dhammā na pātu-bhavanti.|| ||
Dhammānaṃ apātu-bhāvā||
pamāda-vihārī t'eva saṇkhaṃ gacchati.
Evaṃ kho Nandiya, ariya-sāvako pamādavihārī hoti.|| ||
§
Kathañ ca Nandiya, ariya-sāvako appamādavihārī hoti?|| ||
Idha Nandiya, ariya-sāvako Buddhe avecca pasādena samannāgato hoti:|| ||
'Iti pi so Bhagavā||
arahaṃ||
Sammā Sambuddho||
vijjā-caraṇa-sampanno||
Sugato||
loka-vidu||
anuttaro purisa-damma-sārathī||
Satthā deva-manussānaṃ||
Buddho||
Bhagavā' ti.|| ||
So tena Buddhe avecca pasādena a-santuṭṭho||
uttariṃ vāyamati divā pavivekāya||
rattiṃ paṭisallāṇāya.|| ||
Tassa evaṃ appamattassa viharato pāmujjaṃ jāyati.|| ||
Pamuditassa pīti jāyati.|| ||
Pīti-manassa kāyo passambhati.|| ||
Pa-s-saddhakāyo sukhaṃ vediyati.|| ||
Sukhino cittaṃ samidhiyati.|| ||
Samāhite citte dhammā pātu-bhavanti.|| ||
Dhammānaṃ pātu-bhāvā appamādavihāri t'veva saṇkhaṃ [399] gacchati.|| ||
■
Puna ca'paraṃ Nandiya ariya-sāvako dhamme avecca pasādena samannāgato hoti:|| ||
'Svākkhāto Bhagavatā dhammo||
sandiṭṭhiko||
akāliko||
ehi passiko||
opanayiko||
paccattaṃ veditabbo viññūhī' ti.|| ||
So tena dhamme avecca pasādena a-santuṭṭho||
uttariṃ vāyamati divā pavivekāya||
rattiṃ paṭisallāṇāya.|| ||
Tassa evaṃ appamattassa viharato pāmujjaṃ jāyati.|| ||
Pamuditassa pīti jāyati.|| ||
Pīti-manassa kāyo passambhati.|| ||
Pa-s-saddhakāyo sukhaṃ vediyati.|| ||
Sukhino cittaṃ samidhiyati.|| ||
Samāhite citte dhammā pātu-bhavanti.|| ||
Dhammānaṃ pātu-bhāvā appamādavihāri t'veva saṇkhaṃ gacchati.|| ||
■
Puna ca'paraṃ Nandiya ariya-sāvako saṇghe avecca pasādena samannāgato hoti:|| ||
'Su-paṭipanno Bhagavato sāvaka-saṇgho,||
uju-paṭipanno Bhagavato sāvaka-saṇgho,||
ñāya-paṭipanno Bhagavato sāvaka-saṇgho,||
sāmīci-paṭipanno Bhagavato sāvaka-saṇgho,||
yad idaṃ cattāri purisa-yugāni||
aṭṭhapurisa-puggalā,||
esa Bhagavato sāvaka-saṇgho.|| ||
Āhuneyyo||
pāhuneyyo||
dakkhiṇeyyo||
añjali-karaṇīyo||
anuttaraṃ puññakettaṃ lokassā' ti.|| ||
So tena saṇghe avecca pasādena a-santuṭṭho||
uttariṃ vāyamati divā pavivekāya||
rattiṃ paṭisallāṇāya.|| ||
Tassa evaṃ appamattassa viharato pāmujjaṃ jāyati.|| ||
Pamuditassa pīti jāyati.|| ||
Pīti-manassa kāyo passambhati.|| ||
Pa-s-saddhakāyo sukhaṃ vediyati.|| ||
Sukhino cittaṃ samidhiyati.|| ||
Samāhite citte dhammā pātu-bhavanti.|| ||
Dhammānaṃ pātu-bhāvā appamādavihāri t'veva saṇkhaṃ gacchati.|| ||
■
Puna ca'paraṃ Nandiya, ariya-sāvako ariya-kantehi sīlehi samannāgato hoti||
akhaṇḍehi||
acchiddehi||
asabalehi||
akammāsehi||
bhujissehi||
viññ'uppasatthehi||
aparām-aṭṭhehi||
samādhi-saṃvaṭṭa-nikehi.|| ||
Tassa evaṃ appamattassa viharato pāmujjaṃ jāyati.|| ||
Pamuditassa pīti jāyati.|| ||
Pīti-manassa kāyo passambhati.|| ||
Pa-s-saddhakāyo sukhaṃ vediyati.|| ||
Sukhino cittaṃ samidhiyati.|| ||
Samāhite citte dhammā pātu-bhavanti.|| ||
Dhammānaṃ pātu-bhāvā appamādavihāri t'veva saṇkhaṃ gacchati.|| ||
Evaṃ kho Nandiya, ariya-sāvako appamāda-vihārī hotī" ti.|| ||
Puññ-ā-bhisanda Vagga Catuttha
