Aŋguttara Nikāya


[Home]  [Sutta Indexes]  [Glossology]  [Site Sub-Sections]

To view the Pali diacriticals on this site it will be necessary to download and install the custom MozPali font available from the Files and Downloads Page.

 


 

Aŋguttara-Nikāya
III. Pañcakanipāto, Chakkanipāto

The Sri Lanka Buddha Jayanti Tripitaka Series Pali text

Public Domain

 

Namo tassa Bhagavato arahato Sammāsambuddhassa

 

NOTICE: These files were reproduced from those originally located on Access to Insight which reproduced them from a version found on the Journal of Buddhist Ethics website.

ALTERATIONS: Some changes not involving content were made to the JBE edition in the Access to Insight edition. Superficial re-formatting of headers, footers and page numbers adding 'ids,' and tag changes to make the file conform to HTML 5 standards. Otherwise the internal text of the files remains untouched.

Page numbers in green refer to the PTS hard copy. They can be found or linked-to by appending '#pg000' (three digits in all cases, i.e. '001') to the end of the url for this file.

 


 

[page 001]

Sutantapiṭake
Aŋguttaranikāyo
Tatiyo bhāgo

Pañcakanipāto
1. Paṭhamo paṇṇāsako
1. Sekhabalavaggo

Namo tassa bhagavato arahato sammāsambuddhassa.

5. 1. 1. 1
(Sekhabalasaŋkhittasuttaɱ)

1. Evaɱ me sutaɱ: ekaɱ samayaɱ bhagavā sāvatthiyaɱ viharati jetavane anāthapiṇḍikassa ārāme. Tatra kho bhagavā bhikkhu āmantesi:
Bhikkhavoti. Bhadanteti te bhikkhū bhagavato paccassosuɱ. Bhagavā etadavoca:
Pañcimāni bhikkhave sekhabalāni. Katamāni pañca: saddhābalaɱ hiribalaɱ1 ottappabalaɱ viriyabalaɱ 2: paññābalaɱ. Imāni kho bhikkhave pañcasekhabalāni.
Tasmātiha bhikkhave evaɱ sikkhitabbaɱ: "saddhābalena samannāgatā bhavissāma sekhabalena, hiribalena samannāgatā bhavissāma sekhabalena, ottappabalena samannāgatā bhavissāma sekhabalena, viriyabalena samannāgatā bhavissāma sekhabalena, paññābalena samannāgatā bhavissāma sekhabalenā"ti. Evaɱhi vo bhikkhave sikkhitabbanti. *

5. 1. 1. 2
(Sekhabalavitthatasuttaɱ)
(Sāvatthinidānaɱ:)

2. [page 002] pañcimāni bhikkhave sekhabalāni. Katamāni pañca: saddhābalaɱ hiribalaɱ ottappabalaɱ viriyabalaɱ paññābalaɱ

1. Hirībalaɱ machasaɱ, syā 2. Viriyabalaɱ machasaɱ
* Idamavoca bhagavā attamanā te bhikkhu bhagavato bhāsitaɱ abhinanduntimachasaɱ

[BJT Page 004]

Katamañca bhikkhave saddhābalaɱ: idha bhikkhave ariyasāvako saddho hoti. Saddahati tathāgatassa bodhiɱ:'itipi so bhagavā arahaɱ sammāsambuddho vijjācaraṇasampanno sugato lokavidū anuttaro purisadammasārathī satthā devamanussānaɱ buddho bhagavā'ti. Idaɱ vuccati bhikkhave saddhābalaɱ.

Katamañca bhikkhave hiribalaɱ: idha bhikkhave ariyasāvako hirimā hoti. 1 Hirīyati
Kāyaduccaritena vacīduccaritena, manoduccaritena hirīyati pāpakānaɱ akusalānaɱ dhammānaɱ samāpattiyā. Idaɱ vuccati bhikkhave hiribalaɱ.

Katamañca bhikkhave ottappabalaɱ: idha bhikkhave ariyasāvako ottappī hoti. Ottappati kāyaduccaritena, vacīduccaritena, manoduccaritena. Ottappati pāpakānaɱ akusalānaɱ dhammānaɱ samāpattiyā. Idaɱ vuccati bhikkhave ottappabalaɱ.

Katamañca bhikkhave viriyabalaɱ:2 idha bhikkhave ariyasāvako āraddhaviriyo viharati akusalānaɱ dhammānaɱ pahānāya, kusalānaɱ dhammānaɱ upasampadāya, thāmavā daḷha parakkamo anikkhittadhuro kusalesu dhammesu. Idaɱ vuccati bhikkhave viriyabalaɱ. Katamañca bhikkhave paññābalaɱ idha bhikkhave ariyasāvako paññavā hoti, udayatthagāminiyā3 paññāya samannāgato ariyāya nibbedhikāya sammādukkhakkhayagāminiyā. Idaɱ vuccati bhikkhave paññābalaɱ.

Imāni kho bhikkhave pañcasekhabalāni.

Tasmātiha bhikkhave evaɱ sikkhitabbaɱ: sadudhābalena samannāgatā bhavissāma sekhabalena. Hiribalena samannāgatā bhavissāma sekhabalena. Ottappabalena [page 003] samannāgatā bhavissāma sekhabalena. Viriyabalena samannāgatā bhavissāma sekhabalena. Paññābalena samannāgatā bhavissāma sekhabalenāti. Evaɱ hi vo bhikkhave sikkhitabbanti.

5. 1. 1. 3
( Dukkhasuttaɱ)

3. Pañcahi bhikkhave dhammehi samannāgato bhikkhu diṭṭheva dhamme dukkhaɱ viharati savighātaɱ savupāyāsaɱ4 sapariḷāhaɱ, kāyassa ca bhedā5 parammaraṇā duggati
Pāṭikaŋkhā. Katamehi pañcahi:

Idha bhikkhave bhikkhu assaddho hoti, ahiriko hoti, anottappī 6 hoti, kusīto hoti, duppañño hoti.

Imehi kho bhikkhave pañcahi dhammehi samannāgano bhikkhu diṭṭheva dhamme dukkhaɱ viharati savighātaɱ savupāyāsaɱ sapariḷāhaɱ, kāyassa ca bhedā parammaraṇā duggati pāṭikaŋkhā.

1 Hirīmā machasaɱ 2 vīriyabalaɱ machasaɱ 3. Udayabbayagāminiyā sīmu
4. Sa upāyāsaɱ syā, machasaɱ 5. Kāyassabhedā syā 6 anottāpī sīmu.

[BJT Page 006]

Pañcahi bhikkhave dhammehi samannāgato bhikkhu diṭṭheva dhamme sukhaɱ viharati avighātaɱ anupāyāsaɱ apariḷāhaɱ. Kāyassa ca bhedā parammaraṇā sugati pāṭikaŋkā. Katamehi pañcahi:

Idha bhikkhave bhikkhu saddho hoti, hirimā hoti, ottappī hoti
Āraddhaviriyo hoti, paññavā hoti.

Imehi kho bhikkhave pañcahi dhammehi samannāgato bhikkhu diṭṭheva dhamme sukhaɱ viharati avighātaɱ anupāyāsaɱ apariḷāhaɱ, kāyassa ca bhedā parammaraṇā sugati pāṭikaŋkhāti.
5. 1. 1. 4
(Yathābhatasuttaɱ)

4 Pañcahi bhikkhave dhammehi samannāgato bhikkhu yathābhataɱ nikkhitto evaɱ niraye. Katamehi pañcahi:
Idha bhikkhave bhikkhu assaddho hoti, ahiriko hoti, anottappī hoti, kusīto hoti, duppañño hoti. Imehi kho bhikkhave pañcahi dhammehi
Samannāgato bhikkhu yathābhataɱ nikkhitto evaɱ niraye.

[page 004] pañcahi bhikkhave dhammehi samannāgato bhikkhu yathābhataɱ nikkhitto evaɱ sagge. Katamehi pañcahi.
Idha bhikkhave bhikkhu saddho hoti, hirīmā hoti, ottappī hoti, āraddhaviriyo hoti, paññavā hoti, imehi kho bhikkhave pañcahi dhammehi samannāgato bhikkhu yathābhataɱ nikkhitto evaɱ saggeti.

5. 1. 1. 5
(Sikkhāpaccakkhānasuttaɱ)

5. Yo hi koci bhikkhave bhikkhu vā bhikkhuṇī vā sikkhaɱ paccakkhāya hīnāyāvattati, tassa diṭṭhe ceva dhamme1 pañca sahadhammikā vādānupātā gārayhā ṭhānā2 āgacchanti. Katame pañca:
Saddhāpi nāma te nāhosi kusalesu dhammesu. Hirīpi nāma te nāhosi kusalesu dhammesu. Ottappampi nāma te nāhosi kusalesu dhammesu. Viriyampi nāma te nāhosi kusalesu dhammesu. Paññāpi nāma te nāhosi kusalesu dhammesu. Yo hi koci bhikkhave bhikkhu vā bhikkhuṇī vā sikkhaɱ paccakkhāya hīnāyāvattati, tassa diṭṭhe ceva dhamme ime pañca sahadhammikā vādānupātā gārayhā ṭhānā2 āgacchanti.

Yo hi koci bhikkhave bhikkhu vā bhikkhuṇī vā sahāpi dukkhena sahāpi domanassena assumukho rudamāno paripuṇṇaɱ parisuddhaɱ brahmacariyaɱ carati, tassa diṭṭhe ceva dhamme pañca sahadhammikā pāsaɱsā ṭhānā3 āgacchanti. Katame pañca:

1. Diṭṭhevadhamme machasaɱ 2. Gārayhaɱ ṭhānaɱ āgacchanti sīmu
3. Pāsaɱsaɱ ṭhānaɱ sīmu.

[BJT Page 008]
Saddhāpi nāma te ahosi kusalesu dhammesu. Hirīpi nāma te ahosi kusalesu dhammesu. Ottappampi nāma te ahosi kusalesu dhammesu. Viriyampi nāma te ahosi kusalesu dhammesu. Paññāpi nāma te ahosi kusalesu dhammesu. Yo hi koci bhikkhave bhikkhu vā bhikkhuṇī vā sahāpi dukkhena sahāpi domanassena assumukho rudamāno paripuṇṇaɱ parisuddhaɱ brahmacariyaɱ carati tassa [page 005] diṭṭhe ceva dhamme ime pañca sahadhammikā. Pāsaɱsā ṭhānā āgacichantīti.
5. 1. 1. 6
(Akusalasamāpattisuttaɱ)

6. Na tāva bhikkhave akusalassa samāpatti hoti. Yāva saddhā paccupaṭṭhitā hoti kusalesu dhammesu. Yato ca kho bhikkhave saddhā antarahitā hoti, assaddhiyaɱ pariyuṭṭhāya tiṭṭhati, atha akusalassa samāpatti hoti.

Na tāva bhikkhave akusalassa samāpatti hoti, yāva hiri paccupaṭṭhitā hoti kusalesu dhammesu. Yato ca kho bhikkhave hiri antarahitā hoti, ahirikaɱ pariyuṭṭhāya tiṭṭhati, atha akusalassa samāpatti hoti.

Na tāva bhikkhave akusalassa samāpatti hoti yāva ottappaɱ paccupaṭṭhitaɱ hoti kusalesu dhammesu. Yato ca kho bhikkhave ottappaɱ antarahitaɱ hoti. Anottappaɱ pariyuṭṭhāya tiṭṭhati, atha akusalassa samāpatti hoti.

Na tāva bhikkhave akusalassa samāpatti hoti yāva viriyaɱ paccupaṭṭhitaɱ hoti kusalesu dhammesu. Yato ca kho bhikkhave viriyaɱ antarahitaɱ hoti, kosajjaɱ pariyuṭṭhāya tiṭṭhati, atha akusalassa samāpatti hoti.

Na tāva bhikkhave akusalassa samāpatti hoti yāva paññā paccupaṭṭhitā hoti kusalesu dhammesu. Yato ca kho bhikkhave paññā antarahitā hoti, duppaññā pariyuṭṭhāya tiṭṭhati, atha akusalassa samāpatti hotīti.

5. 1. 1. 7
(Kāmesu palāḷitasuttaɱ)

7. Yebhūyyena bhikkhave sattā kāmesu palāḷitā. 1 Asitavyābhaŋgiɱ 2 bhikkhave kulaputto ohāya agārasmā anagāriyaɱ pabbajito hoti, saddhāpabbajito 4 kulaputto'ti alaɱ vacanāya. Taɱ kissa hetu:

Labbhā 4 bhikkhave yobbanena kāmā. Te ca kho yādisā vā tādisā vā ye ca bhikkhave hīnā kāmā, ye ca majjhimā kāmā. Ye ca paṇītā kāmā sabbe kāmā "kāmā"tveva saŋkhaɱ gacchanti.

1. Laḷitāmachasaɱ, lasitāsyā 2. Asitabyābhaŋgiɱmachasaɱ
3. Saddhosyā 4. Labhā hi syā:

[BJT Page 010]

[page 006] seyyathāpi bhikkhave daharo kumāro mando uttānaseyyako dhātiyā pamādamanvāya kaṭṭhaɱ vā kaṭhalaɱ vā mukhe āhareyya, tamenaɱ dhāti sīghasīghaɱ1manasi kareyya sīghasīghaɱ manasi karitvā sighasīghaɱ āhareyya, no ce sakkuṇeyya sighasīghaɱ āharituɱ vāmena hatthena sīsaɱ pariggahetvā dakkhiṇena hatthena vaŋkaŋguliɱ 2karitvā salohitampi āhareyya taɱ kissa hetu: atthesā bhikkhave kumārassa vihesā, nesā natthīti vadāmi. Karaṇīyañca3 kho etaɱ bhikkhave dhātiyā atthakāmāya hitesiniyā anukampikāya anukampaɱ upādāya.

Yato ca kho so bhikkhave kumāro vuddho hoti alaɱpañño anapekkhā pana4 bhikkhave dhāti tasmiɱ kumāre hoti 'attaguttodāni kumāro nālaɱ pamādāyā'ti.

Evameva kho bhikkhave yāvakīvañca bhikkhuno saddhāya akataɱ hoti kusalesu dhammesu, hiriyā akataɱ hoti kusalesu dhammesu, ottappena akataɱ hoti kusalesu dhammesu, viriyena akataɱ hoti kusalesu dhammesu, paññāya akataɱ hoti kusalesu dhammesu, anurakkhitabbo tāva me so bhikkhave bhikkhu hoti.

Yato ca kho bhikkhave bhikkhuno5 saddhāya kataɱ hoti kusalesu dhammesu, hiriyā kataɱ hoti kusalesu dhammesu, ottappena kataɱ hoti kusalesu dhammesu, viriyena kataɱ hoti kusalesu dhammesu, paññāya kataɱ hoti kusalesu dhammesu, anapekho dānāhaɱ bhikkhave tasmiɱ bhikkhusmiɱ homi
'Attaguttodāni bhikkhu6 nālaɱ pamādāyā'ti.

5. 1. 1. 8
(Cavanasuttaɱ)

8. Pañcahi bhikkhave dhammehi samannāgato bhikkhu cavati, nappatiṭṭhāti saddhamme. Katamehi pañcahi:
Assaddho bhikkhave bhikkhu cavati, nappatiṭṭhāti [page 007] saddhamme. Ahiriko bhikkhave bhikkhu cavati, nappatiṭṭhāti saddhamme. Anottappī bhikkhave bhikkhu cavati, nappatiṭṭhāti saddhamme. Kusīto bhikkhave bhikkhu cavati, nappatiṭṭhāti saddhamme. Duppañño bhikkhave bhikkhu cavati, nappatiṭṭhāti saddhamme

Imehi kho bhikkhave pañcahi dhammehi samannāgato bhikkhu cavati, nappatiṭṭhāti saddhamme.

1. Sīghaɱ sīghaɱmachasaɱ 2. Vaŋkaŋgulaɱsyā 3. Saraṇīyañcakatthaci
4. Dānimachasaɱ 5. Bhikkhusyā 4. Bhikkhave bhikkhusyā.

[BJT Page 012.]

Pañcahi bhikkhave dhammehi samannāgato bhikkhu na cavati, patiṭṭhāti saddhamme. Katamehi pañcahi:
Saddho bhikkhave bhikkhu na cavati, patiṭṭhāti saddhamme hirimā bhikkhave bhikkhū na cavati, patiṭṭhāti saddhamema ottappī bhikkhave bhikkhū na cavati patiṭṭhāti saddhamme
Āraddhaviriyo bhikkhave bhikkhu na cavati, patiṭṭhāti saddhamme.
Paññavā bhikkhave bhikkhū na cavati, patiṭṭhāti saddhamme.
Imehi kho bhikkhave pañcahi dhammehi samannāgato bhikkhū na cavati patiṭṭhāti saddhammeti.

5. 1. 1. 9
(Paṭhama agārava suttaɱ)
9. Pañcahi bhikkhave dhammehi samannāgato bhikkhu agāravo appatisso cavati, nappatiṭṭhāti saddhamme. Katamehi pañcahi:

Assaddho bhikkhave bhikkhu agāravo appatisso cavati, nappatiṭṭhāti saddhamme. Ahiriko bhikkhave bhikkhu agāravo appatisso cavati, nappatiṭṭhāti saddhamme. Anottappī bhikkhave bhikkhu agāravo appatisso cavati, nappatiṭṭhāti saddhamme. Kusīto bhikkhave bhikkhu agāravo appatisso cavati, nappatiṭṭhāti saddhamme. Duppañño bhikkhave bhikkhu agāravo appatisso cavati, nappatiṭṭhāti saddhamme.

Imehi kho bhikkhave pañcahi dhammehi samannāgato bhikkhu agāravo appatisso cavati, nappatiṭṭhāti saddhamme.

[page 008] pañcahi bhikkhave dhammehi samannāgato bhikkhu sagāravo sappatisso na cavati, patiṭṭhāti saddhamme. Katamehi pañcahi:

Saddho bhikkhave bhikkhu sagāravo sappatisso na cavati patiṭṭhāti saddhamme. Hirimā bhikkhave bhikkhu sagāravo sappatisso na cavati patiṭṭhāti saddhamme. Ottappī bhikkhave bhikkhu sagāravo sappatisso na cavati patiṭiṭhāti saddhamme. Āraddhaviriyo bhikkhave bhikkhu sagāravo sappatisso na cavati patiṭṭhāti saddhamme. Sappañño bhikkhave bhikkhu sagāravo sappatisso na cavati, patiṭṭhāti saddhamme.
Imehi kho bhikkhave pañcahi dhammehi samannāgato bhikkhu sagāravo sappatisso na cavati, patiṭṭhāti saddhammeti.

[BJT Page 014.]
5. 1. 1. 10
(Dutiya agārava suttaɱ)

10. Pañcahi bhikkhave dhammehi samannāgato bhikkhu agāravo appatisso abhabbo imasmiɱ dhammavinaye vuddhiɱ virūḷhiɱ vepullaɱ āpajjituɱ katamehi pañcahi:

Assaddho bhikkhave bhikkhu agāravo appatisso abhabbo imasmiɱ dhammavinaye vuddhiɱ virūḷhiɱ vepullaɱ āpajjituɱ. Ahiriko bhikkhave bhikkhu agāravo appatisso abhabbo imasmiɱ dhammavinaye vuddhiɱ virūḷhiɱ vepullaɱ āpajjituɱ. Anottappi bhikkhave bhikkhu agāravo appatisso abhabbo imasmiɱ dhammavinaye vuddhiɱ virūḷhiɱ vepullaɱ āpajjituɱ. Kusīto bhikkhave agāravo appatisso abhabbo imasmiɱ dhammavinaye vuddhiɱ virūḷhiɱ vepullaɱ āpajjituɱ. Duppañño bhikkhave bhikkhu agāravo appatisso abhabbo imasmiɱ dhammavinaye vuddhiɱ virūḷhiɱ vepullaɱ āpajjituɱ.

Imehi kho bhikkhave pañcahi dhammehi samannāgato bhikkhu agāravo appatisso abhabbo imasmiɱ dhammavinaye vuddhiɱ virūḷhiɱ vepullaɱ āpajjituɱ.

Pañcahi bhikkhave dhammehi samannāgato bhikkhu sagāravo sappatisso bhabbo imasmiɱ dhammavinaye vuddhiɱ virūḷhiɱ vepullaɱ āpajjituɱ katamehi pañcahi.

Saddho bhikkhave bhikkhu sagāravo sappatisso bhabbo imasmiɱ dhammavinaye vuddhiɱ virūḷhiɱ vepullaɱ āpajjituɱ. Hirimā bhikkhave bhikkhu sagāravo sappatisso bhabbo imasmiɱ dhammavinaye vuddhiɱ viraḷhiɱ vepullaɱ āpajjituɱ. Ottappī [page 009] bhikkhave bhikkhu sagāravo sappatisso bhabbo imasmiɱ dhammavinaye vuddhiɱ virūḷhiɱ vepullaɱ āpajjituɱ. Āraddhaviriyo bhikkhave bhikkhu sagāravo sappatisso bhabbo imasmiɱ dhammavinaye vuddhiɱ virūḷhiɱ vepullaɱ āpajjituɱ. Paññavā bhikkhave bhikkhu sagāravo sappatisso bhabbo imasmiɱ dhammavinaye vuddhiɱ virūḷhiɱ vepullaɱ āpajjituɱ.

Imehi kho bhikkhave pañcahi dhammehi samannāgato bhikkhu sagāravo sappatisso bhabbo imasmiɱ dhammavinaye vuddhiɱ virūḷhiɱ vepullaɱ āpajjitunti.

Sekhabalavaggo paṭhamo

Tassuddānaɱ:
Saŋkhittaɱ vitthataɱ dukkhaɱ1 bhataɱ sikkhāya pañcamaɱ,
Samāpatti ca kāmesu cavanā dve agāravāti.

1. Dukkhāmachasaɱ

[BJT Page 016]

2. Balavaggo
5. 1. 2. 1
(Tathāgatabalasuttaɱ)
(Sāvatthinidānaɱ:)

11. Pubbāhaɱ bhikkhave ananussutesu dhammesu abhiññāvosāna pāramippatto paṭijānāmi.
Pañcimāni bhikkhave tathāgatassa tathāgatabalāni yehi balehi samannāgato tathāgato āsabhaɱ ṭhānaɱ paṭijānāti, parisāsu sīhanādaɱ nadati, brahmacakkaɱ pavatteti.
[page 010] katamāni pañca: saddhābalaɱ, hiribalaɱ ottappabalaɱ, viriyabalaɱ, paññābalaɱ.
Imāni kho bhikkhave pañca tathāgatassa tathāgatabalāni yehi balehi samannāgato tathāgato āsabhaɱ ṭhānaɱ paṭijānāti, parisāsu sihanādaɱ nadati, brahmacakkaɱ pavatentiti.

5. 1. 2. 2
(Sekhabalaaggasuttaɱ)

12. Pañcimāni bhikkhave sekhabalāni. Katamāni pañca:saddhābalaɱ, hiribalaɱ, ottappabalaɱ, viriyabalaɱ, paññābalaɱ. Imāni kho bhikkhave pañca sekhabalāni.

Imesaɱ kho bhikkhave pañcannaɱ sekhabalānaɱ etaɱ aggaɱ, etaɱ saŋgāhikaɱ, etaɱ saŋghātaniyaɱ yadidaɱ paññābalaɱ.

Seyyathāpi bhikkhave kuṭāgārassa etaɱ aggaɱ, etaɱ saŋgāhikaɱ, etaɱ saŋghātaniyaɱ yadidaɱ kuṭaɱ, evameva kho bhikkhave imesaɱ pañcannaɱ sekhabalānaɱ etaɱ aggaɱ, etaɱ saŋgāhikaɱ, etaɱ saŋghātaniyaɱ yadidaɱ paññābalaɱ.

Tasmātiha bhikkhave evaɱ sikkhitabibaɱ:saddhābalena samannāgatā bhavissāma sekhabalena, hiribalena samannāgatā bhavissāma sekhabalena, ottappabalena samannāgatā bhavissāma sekhabalena, viriyabalena samannāgatā bhavissāma sekhabalena, paññābalena samannāgatā bhavissāma sekhabalenāti. Evaɱ hi vo bhikkhave sikkhitabbanti.

* Ananussuta-uddāna * kūṭa-uddāna

[BJT Page 018]
5. 1. 2. 3
(Balasaŋkhittasuttaɱ)

13. Pañcimāni bhikkhave balāni. Katamāni pañca:
Saddhābalaɱ, viriyabalaɱ, satibalaɱ, samādhibalaɱ, paññābalaɱ. Imāni kho bhikkhave pañcabalānīti.
5. 1. 2. 4
(Balavitthatasuttaɱ)

14. Pañcimāni bhikkhave balāni. Katamāni pañca: saddhābalaɱ, viriyabalaɱ, satibalaɱ, samādhibalaɱ, paññābalaɱ.

Katamañca bhikkhave saddhābalaɱ: idha bhikkhave ariyasāvako saddho hoti. Saddahati tathāgatassa bodhiɱ: itipi so bhagavā arahaɱ sammāsambuddho vijjācaraṇasampanno sugato lokavidū anuttaro purisadammasārathī satthā devamanussānaɱ buddho bhagavāti. [page 011] idaɱ vuccati bhikkhave saddhābalaɱ.

Katamañca bhikkhave viriyabalaɱ: idha bhikkhave ariyasāvako āraddha viriyo viharati akusalānaɱ dhammānaɱ pahānāya, kusalānaɱ dhammānaɱ upasampadāya, thāmavā daḷhaparakkamo anikkhittadhuro kusalesu dhammesu. Idaɱ vuccati bhikkhave viriyabalaɱ.

Katamañca bhikkhave satibalaɱ: idha bhikkhave ariyasāvato satimā hoti: paramena satinepakkena samannāgato cirakatampi cirabhāsitampi saritā anussaritā. Idaɱ vuccati bhikkhave satibalaɱ.

Katamañca bhikkhave samādhibalaɱ: idha bhikkhave ariyasāvako vivicceva kāmehi vivicca akusalehi dhammehi, savitakkaɱ savicāraɱ vivekajaɱ pītisukhaɱ paṭhamajjhānaɱ upasampajja viharati. Vitakka vicārānaɱ vūpasamā ajjhattaɱ sampasādanaɱ cetaso ekodibhāvaɱ avitakkaɱ avicāraɱ samādhijaɱ pītisukhaɱ dutiyajjhānaɱ upasampajja viharati. Pītiyā ca virāgā upekkhako ca viharati sato ca sampajāno sukhaɱ ca kāyena paṭisaɱvedeti, yantaɱ ariyā ācikkhanti upekkhako satimā sukhavihārīti taɱ tatiyajjhānaɱ upasampajja viharati. Sukhassa ca pahāṇā dukkhassa ca pahāṇā pubbeva somanassadomanassānaɱ atthagamā adukkhaɱ asukhaɱ upekkhāsati pārisuddhiɱ catutthajjhānaɱ upasampajja viharati. Idaɱ vuccati bhikkhave samādhibalaɱ.

Katamañca bhikkhave paññābalaɱ: idha bhikkhave ariyasāvako paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā. Idaɱ vuccati bhikkhave paññābalaɱ. Imāni kho bhikkhave pañca balānīti.

5. 1. 2. 5

(Baladaṭṭhabbasuttaɱ)

15. Pañcimāni bhikkhave balāni. Katamāni pañca: saddhābalaɱ, viriyabalaɱ, satibalaɱ, samādhibalaɱ, paññābalaɱ.
Kattha ca bhikkhave saddhābalaɱ daṭṭhabbaɱ: catusu sotāpattiyaŋgesu ettha saddhābalaɱ daṭṭhabbaɱ.
Kattha ca bhikkhave viriyabalaɱ daṭṭhabbaɱ: catusu sammappadhānesu. Ettha viriyabalaɱ daṭṭhabbaɱ.
[BJT Page 020]

Kattha ca bhikkhave satibalaɱ daṭṭhabbaɱ: catusu satipaṭṭhānesu. Ettha satibalaɱ daṭṭhabbaɱ.
Kattha ca bhikkhave samādhibalaɱ daṭṭhabbaɱ: catusu jhānesu. Ettha samādhibalaɱ daṭṭhabbaɱ.
Kattha ca bhikkhave paññābalaɱ daṭṭhabba: catusu ariyasaccesu. Ettha paññābalaɱ daṭṭhabbaɱ.
Imāni kho bhikkhave pañcabalānīti.

5. 1. 2. 6

(Bala agga suttaɱ)

16. Pañcimāni bhikkhave balāni. Katamāni pañca:
Saddhābalaɱ, viriyabalaɱ, satibalaɱ, samādhibalaɱ. Paññābalaɱ imāni kho bhikkhave pañcabalāni.

Imesaɱ kho bhikkhave pañcannaɱ balānaɱ etaɱ aggaɱ, etaɱ saŋgāhikaɱ, etaɱ saŋghātaniyaɱ yadidaɱ paññābalaɱ.
Seyyathāpi bhikkhave kūṭāgārassa etaɱ aggaɱ, etaɱ saŋgāhikaɱ, etaɱ saŋghātaniyaɱ yadidaɱ kūṭaɱ.

Evameva kho bhikkhave imesaɱ pañcannaɱ balānaɱ etaɱ aggaɱ, etaɱ saŋgāhikaɱ, etaɱ saŋghātaniyaɱ yadidaɱ paññābalanti.

5. 1. 2. 7
(Attahitasuttaɱ)

17. Pañcahi bhikkhave dhammehi samannāgato bhikkhu attahitāya paṭipanno hoti, no parahitāya. Katamehi pañcahi?
Idha bhikkhave bhikkhu attanā sīlasampanno hoti, no paraɱ sīla sampadāya samādapeti. Attanā samādhisamipanno hoti, no paraɱ samādhisampadāya samādapeti. Attanā paññāsampanno hoti, no paraɱ paññā sampadāya samādapeti. Attanā vimuttisampanno hoti, no paraɱ vimuttisampadāya samādapeti. Attanā vimuttiñāṇadassanasampanto hoti, no paraɱ vimuttitiñāṇadassanasampadāya samādapeti.

[page 013] imehi kho bhikkhave pañcahi dhammehi samannāgako bhikkhu attahitāya paṭipanno hoti, no parahitāyāti.

Putakuṭa-uddāna

[BJT Page 022.]

5. 1. 2. 8
(Parahitasuttaɱ)

18. Pañcahi bhikkhave dhammehi samannāgato bhikkhu parahitāya paṭipanto hoti, no attahitāya. Katamehi pañcahi:

Idha bhikkhave bhikkhu attanā na sīlasampanno hoti, paraɱ sīla sampadāya samādapeti. Attanā na samādhisampanno hoti, paraɱ samādhisampadāya samādapeti. Attanā na paññāsampanno hoti, paraɱ paññāsampadāya samādapeti. Attanā na vimuttisampanno hoti, paraɱ vimuttisampadāya samādapeti. Attanā na vimuttiñāṇadassanasampannano hoti, paraɱ vimuttiñāṇa dassana sampadāya samādapeti.

Imehi kho bhikkhave pañcahi dhammehi samannāgato bhikkhu parahitāya paṭipanno hoti, no attahitāyāti.
5. 1. 2. 9
(Neva attahitano parahitasuttaɱ)

19. Pañcahi bhikkhave dhammehi samannāgato bhikkhu neva attahitāya paṭipanno hoti, no parahitāya. Katamehi pañcahi:

Idha bhikkhave bhikkhu attanā na sīlasampanno hoti, no paraɱ sīlasampadāya samādapeti. Attanā na samādhisampanno hoti, no paraɱ samādhisampadāya samādapeti. Attanā na paññā sampanno hoti, no paraɱ paññā sampadāya samādapeti. Attanā na vimutti sampanno hoti, no paraɱ vimuttisampadāya samādapeti. Attanā na vimuttiñāṇadassana sampanno hoti, no paraɱ vimuttiñāṇadassanasampadāya samādapeti.

[page 014] imehi kho bhikkhave pañcahi dhammehi samannāgato bhikkhu neva attahitāya paṭipanno hoti, no parahitāyāti.

[BJT Page 024.]
5. 1. 2. 10
(Attahitaparahitasuttaɱ)

20. Pañcahi bhikkhave dhammehi samannāgato bhikkhu attahitāya ca paṭipanno hoti
Parahitāya ca. Katamehi pañcahi:

Idha bhikkhave bhikkhu attanā ca sīlasampanno hoti, parañca sīlasampadāya samādapeti. Attanā ca samādhisampanno hoti, parañca samādhisampadāya samādapeti. Attanā ca paññāsampanno hoti, parañca paññāsampadāya samādapeti. Attanā ca vimuttisampanno hoti, parañca vimuttisampadāya samādapeti. Attanā ca vimuttiñaṇadassanasampanno hoti, parañca vimuttiñāṇadassanasampadāya samādapeti.

Imehi kho bhikkhave pañcahi dhammehi samannāgato bhikkhu attahitāya ca paṭipanno hoti parahitāya cāti.

Balavaggo dutiyo.
Tassuddānaɱ:
Ananussutakūṭañca saŋkhittaɱ vitthatena ca,
Daṭṭhabbañca puna kūṭaɱ cattāropi hitena cāti.

[BJT Page 026]

3. Pañcaŋgikavaggo
5. 1. 3. 1
(Paṭhama agārava suttaɱ)
(Sāvatthinidānaɱ)

21. So vata bhikkhave bhikkhu agāravo appatisso asabhāgavuttiko sabrahmacārīsu ābhisamācārikaɱ dhammaɱ paripuressati'ti netaɱ ṭhānaɱ vijjati. [page 015] ābhisamācārikaɱ dhammaɱ aparipūretvā sekhaɱ 1 dhammaɱ paripūressatī'ti netaɱ ṭhānaɱ vijjati. Sekhaɱ dhammaɱ aparipūretvā sīlāni paripūressatī'ti netaɱ ṭhānaɱ vijjati. Sīlāni aparipūretvā sammādiṭṭhiɱ paripūressati'ti netaɱ ṭhānaɱ vijjati. Sammādiṭṭhiɱ aparipūretvā sammāsamādhiɱ paripuressatī' ti netaɱ ṭhānaɱ vijjati.

So vata bhikkhave bhikkhu sagāravo sappatisso sabhāgavuttiko sabrahmacārīsu ābhisamācārikaɱ dhammaɱ paripūressatī'ti ṭhānametaɱ vijjati, ābhisamācārikaɱ dhammaɱ paripūretvā sekhaɱ dhammaɱ paripūressatī, ti ṭhānametaɱ vijjati. Sekhaɱ dhammaɱ paripūretvā sīlāni paripūressatī'ti ṭhānametaɱ vijjati. Sīlāni paripūretvā sammādiṭaṭhiɱ paripūressatī'ki ṭhānametaɱ vijjati. Sammādiṭṭhiɱ paripūretvā sammāsamādhiɱ paripūressatī'ti ṭhānametaɱ vijjati.

5. 1. 3. 2
(Dutiya agārava suttaɱ)

22. So vata bhikkhave bhikkhu agāravo appatisso asabhāgavuttiko sabrahmacārīsu ābhisamācārikaɱ dhammaɱ paripūressatī'ti netaɱ ṭhānaɱ vijjati. Ābhisamācārikaɱ dhammaɱ aparipūretvā sekhaɱ dhammaɱ paripūressatī'ti netaɱ ṭhānaɱ vijjati. Sekhaɱ dhammaɱ aparipūretvā sīlakkhandhaɱ paripūressatī'ti netaɱ ṭhānaɱ vijjati. Sīlakkhandhaɱ aparipūretvā samādhikkhandhaɱ paripūressatī, ti netaɱ ṭhānaɱ vijjati. Samādhikkhandhaɱ
Aparipūretvā paññākkhandhaɱ paripūressatī'ti netaɱ ṭhānaɱ vijjati.

So vana bhikkhave bhikkhu sagāravo sappatisso sabhāgavuttiko
Sabrahmacārīsu ābhisamācārikaɱ dhammaɱ paripūressatī'ti ṭhānametaɱ vijjati. Ābhisamācārikaɱ dhammaɱ paripūretvā sekhaɱ dhammaɱ paripūressatī'ti ṭhānametaɱ vijjati. Sekhaɱ dhammaɱ paripūretvā sīlakkhandhaɱ paripūressatī'ti ṭhānametaɱ vijjati. Sīlakkhandhaɱ paripūretvā samādhikkhandhaɱ paripūressati'ti ṭhānametaɱ [page 016] vijjati. Samādhikkhandhaɱ paripūretvā paññākkhandhaɱ paripūressatī'ti ṭhānametaɱ vijjatī'ti.

1. Sekkhaɱ syā

[BJT Page 028]
5. 1. 3. 3
(Upakkilesasuttaɱ)

23. Pañcime bhikkhave jātarūpassa upakkilesā, yehi upakkilesehi upakkiliṭṭhaɱ jātarūpaɱ na ceva mudu hoti, na ca kammaniyaɱ, na ca pabhassaraɱ, pabhaŋgu ca, 1 na ca sammā upeti kammāya.
Katame pañca? Ayo lohaɱ tipu sīsaɱ sajjhu. 2
Ime kho bhikkhave pañca jātarūpassa upakkilesā, yehi upakkilesehi upakkiliṭṭhaɱ jātarūpaɱ na ceva mudu hoti, na ca kammaniyaɱ na ca pabhassaraɱ, pabhaŋgu ca, na ca sammā upeti kammāya.

Yato ca kho bhikkhave jātarūpaɱ imehi pañcahi upakkilesehi vippamuttaɱ 3 hoti, taɱ hoti jātarūpaɱ mudu ca kammaniyañca pabhassaraɱ ca, na ca pabhaŋgu, sammā upeti kammāya yassā yassā4 ca pilandhanavikatiyā ākaŋkhati:yadi muddikāya yadi kuṇḍalāya yadi gīveyyakāya5 yadi suvaṇṇamālakāya. Tañcassa atthaɱ anuhoti. Suvaṇaṇamālakaya. Tañcassa atthaɱ anubhoti.

Evameva kho bhikkhave pañcime cittassa upakkilesā yehi upakkilesehi upakkiliṭṭhaɱ cittaɱ naceva mudu hoti, na ca kammaniyaɱ. Na ca pabhassaraɱ, pabhaŋgu ca, na ca sammāsamādhīyati āsavānaɱ khayāya.

Katame pañca? Kāmacchando vyāpādo thīnamiddhaɱ 6 uddhaccakukkuccaɱ vicikicchā.

Ime kho bhikkhave pañca cittassa upakkilesā yehi upakkilesehi upakkiliṭṭhaɱ cittaɱ na ceva mudu hoti, na ca kammaniyaɱ, na ca pabhassaraɱ. Pabhaŋgu ca, na ca sammāsamādhīyati āsavānaɱ khayāya.

Yato ca kho bhikkhave cittaɱ imehi pañcahi upakkilesehi vippamuttaɱ hoti, taɱ hoti cittaɱ mudu ca [page 017] kammaniyañca pahassarañca, na ca pahaŋgu, sammāsamādhīyati āsavānaɱ khayāya. Yassa yassa ca abhiññāsacchikaraṇīyassa dhammassa cittaɱ abhininnāmeti abhiññā sacchikiriyāya, tatra tatreva sakkhibhabbataɱ pāpuṇāti sati sati āyatane.

So sace ākaŋkhati: "anekavihitaɱ iddhividhaɱ paccanubhaveyyaɱ, ekopi hutvā bahudhā assaɱ bahudhāpi hutvā eko hoti, āvībhāvaɱ tirobhāvaɱ tirokuḍḍaɱ tiropākāraɱ tiropabbataɱ asajjamāno gacchati seyyathāpi ākāse, paṭhaviyā'pi ummujjanimujjaɱ karoti seyyathāpi udake, udake'pi abhijjamāne gacchati seyyathāpi paṭhaviyaɱ, ākāse'pi pallaŋkena kamati seyyathā'pi pakkhī sakuṇo. Ime'pi candimasuriye evaɱmahānubhāve pāṇinā parāmasati parimajjati. Yāva brahmalokāpi kāyena vasaɱ vatteyyanti" tatra tatreva sakkhibhabbataɱ pāpuṇāti sati sati āyatane.

So sace ākaŋkhati: "dibbāya sotadhātuyā visuddhāya atikkantamānusikāya ubho sadde suṇeyyaɱ dibbe ca mānuse ca ye dūre ye santike cā" ti. Tatra tatreva sakkhibhabbataɱ pāpuṇāti sati sati āyatane.

1. Pabhaŋgusīmu 2. Sajjhuɱ machasaɱ, sajjhāsyā.
3. Vimuttaɱmachasaɱ 4. Yassakassaci pilandhanavikatiyāsyā
5. Gīveyyakenakatthaci 6. Thīnamiddhaɱmachasaɱ

[BJT Page 030]

So sace ākaŋkhati "parasattānaɱ parapuggalānaɱ cetasā ceto paricca pajāneyyaɱ sarāgaɱ vā cittaɱ sarāgaɱ cittanti pajāneyyaɱ, [page 018] vītarāgaɱ vā cittaɱ vītarāgaɱ cittanti pajāneyyaɱ, sadosaɱ vā cittaɱ sadosaɱ cittanti pajāneyyaɱ, vītadosaɱ vā cittaɱ vītadosaɱ cittanti pajāneyyaɱ, samohaɱ vā cittaɱ samohaɱ cittanti pajāneyyaɱ. Vītamohaɱ vā cittaɱ vītamohaɱ cittanti pajāneyyaɱ, saŋkhittaɱ vā cittaɱ saŋkhittaɱ cittanti pajāneyyaɱ, vikkhittaɱ vā cittaɱ vikkhittaɱ cittanti pajāneyyaɱ, mahaggataɱ vā cittaɱ mahaggataɱ cittanti pajāneyyaɱ, amahaggataɱ vā cittaɱ amahaggataɱ cittanti pajāneyyaɱ, sauttaraɱ vā cittaɱ sauttaraɱ cittanti pajāneyyaɱ, anuttaraɱ vā cittaɱ anuttaraɱ cittanti pajāneyyaɱ, samāhitaɱ vā cittaɱ samāhitaɱ cittanti pajāneyyaɱ, asamāhitaɱ vā cittaɱ asamāhitaɱ cittanti pajāneyyaɱ, pajāneyyaɱ, avimuttaɱ vā cittaɱ avimuttaɱ cintanti pajāneyya"nti. Tatra tatreva sakkhibhahabbataɱ pāpuṇāti sati sati āyatane.

So sace ākaŋkhati "anekavihitaɱ pubbenivāsaɱ anussareyyaɱ seyyathīdaɱ: ekampi jātiɱ dvepi jātiyo tisso'pi jātiyo catasso'pi jātiyo pañca'pi jātiyo dasa'pi jātiyo vīsampi jātiyo tiɱsampi jātiyo cattārīsampi jātiyo paññāsampi jātiyo jātisatampi jātisahassampi jātisatasahassampi aneke'pi saɱvaṭṭakappe aneke'pi vivaṭṭakappe aneke'pi saɱvaṭṭavivaṭṭakappe amutrāsiɱ evaɱnāmo evaɱgotto evaɱvaṇṇo evamāhāro evaɱsukhadukkhapaṭisaɱvedī evamāyupariyanto. So tato cuto amutra upapādiɱ tatrāpāsiɱ evaɱnāmo evaɱgotto evaɱvaṇṇo evamāhāro evaɱsukhadukkhapaṭisaɱvedī evamāyupariyanto. So tato cuto idhūpapanno'ti iti sākāraɱ sa uddesaɱ anekavihitaɱ pubbenivāsaɱ anussareyya"nti, tatra tatreva sakkhibhabbataɱ pāpuṇāti sati sati āyatane.

[page 019] so sace ākaŋkhati "dibbena cakkhunā visuddhena atikkantamānusakena satte passati cavamāne uppajjamāne hīne paṇīte suvaṇṇe dubbaṇeṇa sugate duggate yathākammupage satte pajānāti ime vata bhonto sattā kāyaduccaritena samannāgatā, vacī duccaritena samannāgatā manoduccaritena samannāgatā ariyānaɱ upavādakā micchādiṭiṭhikā
Micchādiṭṭhikammasamādānā. Te kāyassa bhedā parammaraṇā apāyaɱ duggatiɱ vinipātaɱ nirayaɱ upapannā. Ime vata pana bhonto sattā kāyasucaritena samannāgatā vacī sucaritena samannāgatā manosucaritena samannāgatā ariyānaɱ anupavādakā sammādiṭṭhikā sammādiṭṭhikammasamādānā. Te kāyassa bhedā parammaraṇā sugatiɱ saggaɱ lokaɱ uppannāti iti dibbena cakkhunā visuddhena atikkantamānusakena satte passati cavamāne uppajjamāne hīne paṇīte suvaṇeṇa dubbaṇeṇa sugate duggate yathākammupage satte pajāneyya" nti tatra tatreva sakkhibhabbataɱ pāpuṇāti sati sati āyatane.

So sace ākaŋkhati "āsavānaɱ khayā (anāsavaɱ cetovimuttiɱ paññāvimuttiɱ) diṭṭheva dhamme sayaɱ abhiññā sacchikatvā upasampajja vihareyya' nti, tatra tatreva sakkhibhabbataɱ pāpuṇāti sati sati āyataneti.

5. 1. 3. 4
(Dussīlasuttaɱ)

24. Dussīlassa bhikkhave sīlavipannassa hatūpaniso hoti sammāsamādhi. Sammāsamādhimahi asati sammāsamādhivipannassa hatūpanisaɱ hoti yathābhūtañāṇadassanaɱ. Yathābhūtañāṇadassane asati yathābhūtañāṇadassanavipannassa hatūpaniso hoti nibbidāvirāgo. Nibbidāvirāge asati nibbidāvirāga vipannassa hatūpanisaɱ hoti vimuttiñāṇadassanaɱ.

Seyyathāpi bhikkhave rukkho sākhāpalāsavipanno, tassa papaṭikā'pi na pāripūriɱ gacchati. Taco'pi [page 020] na pāripūriɱ gacchati. Pheggu' pi na pāripuriɱ gacchati. Sāropi na pāripuriɱ gacchati.

Evameva kho bhikkhave dussīlassa sīlavipannassa hatūpaniso hoti sammāsamādhi samimāsamādhimhi asati sammāsamādhivipannassa hatūpanisaɱ hoti yathābhūta ñāṇadassanaɱ. Yathābhūtañāṇadassane asati yathābhūta ñāṇadassanavipannassa hatūpaniso hoti nibbidāvirāgo. Nibbidāvirāge asati nibibidāvirāgavipannassa hatūpanisaɱ hoti vimuttiñāṇadassanaɱ.

Sīlavato bhikkhave sīlasampannassa upanissayasampanno hoti sammāsamādhi. Sammāsamādhimhi sati sammāsamādhisampannassa upanissaya sampannaɱ1 hoti yathābhūtañāṇadassanaɱ. Yathābhūtañāṇadassane sati yathābhūtañāṇadassanasampannassa upanissayasampanno hoti nibbidā virāgo. Nibbidāvirāge sati nibbidāvirāgasampannassa upanissayasampannaɱ2 hoti vimuttiñāṇadassanaɱ.

Seyyathā'pi bhikkhave rukkho sakhāpalāsasampanno, tassa papaṭikā'pi3 pāripūriɱ gacchati. Tacopi pāripūriɱ gacchati. Pheggupi pāripūriɱ gacchati. Sāro'pi pāripūriɱ gacchati. 4

Evameva kho bhikkhave sīlavato sīlasampannassa upanissayasampanno hoti sammāsamādhi sammāsamādhimhi sati sammāsamādhisampannassa upanisasyasampannaɱ1 hoti yathābhūtañāṇadassanaɱ. Yathābhūtañāṇadassane sati yathābhūtañāṇadassanasampannassa upanissayasampanno hoti nibbidāvirāgo. Nibbidāvirāge sati nibbidāvirāgasampannassa upanissayasampannaɱ hoti vimuttiñāṇadassananti.

1. Upanissayasampannosī 2. Upanisasampannaɱmachasaɱ 3. Papapaṭikāsyā
4. Tacopi pheggupi sāropi pāripūriɱ gacchatisī.
Ye
[BJT Page 032]
5. 1. 3. 5
(Anuggahītasuttaɱ)

25. Pañcahi bhikkhave aŋgehi anuggahitā sammādiṭṭhi ceto vimuttiphalā ca hoti, cetovimuttiphalānisaɱsā ca, paññāvimuttiphalā ca hoti paññāvimuttiphalānisaɱsā ca. Katamehi pañcahi:

[page 021] idha bhikkhave sammādiṭṭhi sīlānuggahitā ca hoti. Sutānuggahitā ca 1 hoti. Sākacchānuggahitā ca hoti. Samathānuggahitā ca hoti. Vipassanānuggahitā ca hoti.

Imehi kho bhikkhave pañcahi aŋgehi anuggahitā sammādiṭṭhi cetovimuttiphalā ca hoti. Cetovimuttiphalānisaɱsā ca, , paññāvimuttiphalā ca hoti, paññāvimuttiphalānisaɱsā cāti.

5. 1. 3. 6
(Vimuttāyatana suttaɱ)

26. Pañcimāni bhikkhave vimuttāyatanāni, yattha bhikkhuno appamattassa ātāpino pahitattassa viharato avimuttaɱ vā cittaɱ vimuccati, aparikkhīṇā vā 2 āsavā parikkhayaɱ gacchanti, ananuppattaɱ vā3 anuttaraɱ yogakkhemaɱ anupāpuṇāti. Katamāni pañca?
(1) Idha bhikkhave bhikkhuno satthā dhammaɱ deseti aññataro vā garuṭṭhāniyo 4 sabrahmacārī. Yathā yathā bhikkhave tassa bhikkhuno satthā dhammaɱ deseti, aññataro vā garuṭṭhāniyo sabrahmacārī tathā tathā so tasmiɱ dhamme atthapaṭisaɱvedī ca hoti, dhamimapaṭisaɱvedī ca. Tassa atthapaṭisaɱvedino dhammapaṭisaɱvedino pāmojjaɱ 5 jāyati. Pamuditassa pīti jāyati. Pītimanassa kāyo passambhati passaddhakāyo sukhaɱ vedeti. Sukhino cittaɱ samādhiyati. Idaɱ bhikkhave paṭhamaɱ vimuttāyatanaɱ, yattha bhikkhuno appamattassa ātāpino pahitattassa viharato avimuttaɱ vā cittaɱ vimuccati, aparikkhīṇā vā āsavā parikkhayaɱ gacchanti, ananuppattaɱ vā anuttaraɱ yogakkhemaɱ anupāpuṇāti.

(2) Puna ca paraɱ bhikkhave bhikkhuno na heva kho satthā dhammaɱ deseti, aññataro vā garuṭṭhāniyo sabrahmacārī. Api ca kho yathāsutaɱ yathā pariyattaɱ dhammaɱ vitthārena paresaɱ deseti, yathā yathā bhikkhave bhikkhu [page 022] yathāsutaɱ yathāpariyattaɱ dhammaɱ vitthārena paresaɱ deseti, tathā tathā so tasmiɱ dhamme atthapaṭisaɱvedī ca hoti. Dhammapaṭisaɱvedī ca. Tassa atthapaṭisaɱvedino dhammapaṭisaɱvedino pāmojjaɱ jāyati pamuditassa pīti jāyati. Pītimanassa kāyo passambhati. Passaddhakāyo sukhaɱ vedeti. Sukhino cittaɱ samādhiyati.

1Suttānuggahitācasyā 2. Aparikkhīṇā syā 3. Ananupattaɱ vāsīmu
4. Garuṭṭhātiko sīmu 5. Pāmujjaɱ sīmu, syā

[BJT Page 034]
Idaɱ bhikkhave dutiyaɱ vimuttāyatanaɱ yattha bhikkhuno appamattassa ātāpino pahitattassa viharato avimuttaɱ vā cittaɱ vimuccati, aparikkhīṇā vā āsavā parikkhayaɱ gacchanti, ananuppattaɱ vā anuttaraɱ yogakkhemaɱ anupāpuṇāti.
(3) Puna ca paraɱ bhikkhave bhikkhuno na heva kho satthā dhammaɱ deseti, aññataro vā garuṭṭhāniyo sabrahmacārī. Nāpi yathāsutaɱ yathāpariyattaɱ dhammaɱ vitthārena paresaɱ deseti. Api ca kho yathāsutaɱ yathāpariyattaɱ dhammaɱ vitthārena sajjhāyaɱ karoti yathā yathā bhikkhave bhikkhu yathāsutaɱ yathāpariyattaɱ dhammaɱ vitthārena sajjhāyaɱ karoti. Tathā tathā so tasmiɱ dhamme atthapaṭisaɱvedī ca hoti, dhammapaṭisaɱvidī ca. Tassa atthapaṭisaɱvedino dhammapaṭisaɱvedino pāmojjaɱ jāyati. Pamuditassa pīti jāyati. Pītimanassa kāyo passambhati. Passaddhakāyo sukhaɱ vedeti. 1 Sukhino cittaɱ samādhiyati. Idaɱ bhikkhave tatiyaɱ vimuttāyatanaɱ yattha bhikkhuno appamattassa ātāpino pahitattassa viharato avimuttaɱ vā cittaɱ vimuccati, aparikkhīṇā vā āsavā parikkhayaɱ gacchanti, ananuppattaɱ vā anuttaraɱ yogakkhemaɱ anupāpuṇāti.

(4) Puna ca paraɱ bhikkhave bhikkhuno naheva kho satthā dhammaɱ deseti, aññataro vā garuṭṭhāniyo sabrahmacāri. Nāpi yathāsutaɱ yathāpariyattaɱ dhammaɱ vitthārena paresaɱ deseti, nāpi yathāsutaɱ yathāpariyattaɱ dhammaɱ vitthārena sajjhāyaɱ karoti, api ca kho yathāsutaɱ yathāpariyattaɱ dhammaɱ cetasā anuvitakketi [page 023] anuvicāreti manasānupekkhati. Yathā yathā bhikkhave bhikkhu yathāsutaɱ yathāpariyattaɱ dhammaɱ cetasā anuvitakketi anuvicāreti manasānupekkhati, tathā tathā so tasmiɱ dhamme atthapaṭisaɱvedī ca hoti dhammapaṭisaɱvedi ca. Tassa atthapaṭisaɱvedino dhammapaṭisaɱvedino pāmojjaɱ jāyati. Pamuditassa pīti jāyati. Pītimanassa kāyo passambhati. Passaddhakāyo sukhaɱ vedeti. Sukhino cittaɱ samādhiyati. Idaɱ bhikkhave catutthaɱ vimuttāyatanaɱ yattha bhikkhuno appamattassa ātāpino pahitattassa viharato avimuttaɱ vā cittaɱ vimuccati, aparikkhiṇā vā āsavā parikkhayaɱ gacchanti, ananuppattaɱ vā anuttaraɱ yogakkhemaɱ anupāpuṇāti.

(5) Puna ca paraɱ bhikkhave bhikkhuno naheva kho satthā dhammaɱ deseti, aññataro vā garuṭṭhāniyo sabrahmacārī. Nāpi yathāsutaɱ yathāpariyattaɱ dhammaɱ vitthārena paresaɱ deseti, nāpi yathāsutaɱ yathāpariyattaɱ dhammaɱ vitthārena sajjhāyaɱ karoti, nāpi yathāsutaɱ yathāpariyattaɱ dhammaɱ cetasā anuvitakketi anuvicāreti manasānupekkhati. Api ca khvassa aññataraɱ samādhinimittaɱ suggahītaɱ hoti, sumanasikataɱ sūpadhāritaɱ
Suppaṭividdhaɱ paññāya.

1. Suggahītaɱ sugāhī vediyatisīmu.

[BJT Page 036]
Yathā yathā bhikkhave bhikkhuno aññataraɱ samādhinimittaɱ suggahītaɱ hoti sumanasikataɱ sūpadhāritaɱ suppaṭividdhaɱ paññāya, tathā tathā so tasmiɱ dhamme atthapaṭisaɱvedī ca hoti dhammapaṭisaɱvedī ca. Tassa atthapaṭisaɱvedino dhammapaṭisaɱvedino pāmojjaɱ jāyati. Pamuditassa pīti jāyati. Pītimanassa kāyo passambhati. Passaddhakāyo sukhaɱ vedeti. Sukhino cittaɱ samādhiyati. Idaɱ bhikkhave pañcamaɱ vimuttāyatanaɱ yattha bhikkhuno appamattassa ātāpino pahitattassa [page 024] viharato avimuttaɱ vā cittaɱ vimuccati, aparikkhīṇā vā āsavā parikkhayaɱ gacchanti, ananuppattaɱ vā anuttaraɱ yogakkhemaɱ anupāpuṇāti.

Imāni kho bhikkhave pañca vimuttāyatanāni. Yattha bhikkhuno appamattassa ātāpino pahitattassa viharato avimuttaɱ vā cittaɱ vimuccati, aparikkhīṇā vā āsavā parikkhayaɱ gacchanti, ananuppattaɱ vā anuttaraɱ yogakkhemaɱ anupāpuṇātī'ti.

5. 1. 3. 7
(Samādhisuttaɱ)

27. Samādhiɱ bhikkhave bhāvetha appamāṇaɱ nipakā patissatā. Samādhiɱ bhikkhave bhāvayataɱ appamāṇaɱ nipakānaɱ patissatānaɱ pañca ñāṇāni paccattaɱ yeva uppajjanti. Katamāni pañca: ayaɱ samādhi paccuppannasukho ceva āyatiɱ ca sukhavipākoti paccattaɱ yeva ñāṇaɱ uppajjati. Ayaɱ samādhi ariyo nirāmisoti paccattaɱ yeva ñāṇaɱ uppajjati. Ayaɱ samādhi akāpurisasevito'ti paccattaɱ yeva ñāṇaɱ uppajjati. Ayaɱ samādhi santo paṇīto paṭippassaddhaladdho1 ekodibhāvādhigato na ca sasaɱkhāraniggayhavārita vato'ti2 paccattaɱ yeva ñāṇaɱ uppajjati. So kho panāhaɱ imaɱ samādhiɱ sato va samāpajjāmi sato va uṭṭhahāmī'ti 3 paccattaɱ yeva ñāṇaɱ uppajjati.

Samādhiɱ bhikkhave bhāvetha appamāṇaɱ nipakā patissatā. Samādhiɱ bhikkhave bhāvayataɱ appamāṇaɱ nipakānaɱ patissatānaɱ imāni pañca ñāṇāni paccattaɱ yeva uppajjantī'ti,

5. 1. 3. 8
(Pañcaŋgikasamādhisuttaɱ)

28. [page 025] ariyassa bhikkhave pañcaŋgikassa sammā samādhissa bhāvanaɱ desissāmi4 taɱ suṇātha, sādhukaɱ manasi karotha, bhāsissāmi'ti. Evaɱ bhanteti'ti kho te bhikkhu bhagavato paccassosuɱ. Bhagavā etadavoca.

1. Paṭippassaddhiladdho, syā
2. Na ca sasaɱkhāraniggayha vātapattoti syā na sasaɱkhāra niggasha
Cāriyādhihatotimachasaɱ (?) Na ca sasaɱkhāraniggayha cāritapapatitotisīmu
3. Sato kho panāhaɱ imaɱ samāpajjāmī, sato uṭṭhahāmitimachasaɱ satoca samāpajjāmī sato uṭṭhāhāmītisyā 4. Desessāmisyāmachasaɱ

[BJT Page 038]

Katamā ca bhikkhave ariyassa pañcaŋgikassa sammāsamādhissa bhāvanā?

(1) Idha bhikkhave bhikkhu vivicceva kāmehi vivicca akusalehi dhammehi savitakkaɱ savicāraɱ vivekajaɱ pītisukhaɱ paṭhamaɱ jhānaɱ upasampajja viharati. So imameva kāyaɱ vivekajena pītisukhena abhisandeti parisandeti paripūreti parippharati. Nāssa kiñci sabbāvato kāyassa vivekajena pītisukhena apphuṭaɱ hoti. Seyyathāpi bhikkhave dakkho nahāpako1 vā nahāpakantevāsī2 vā kaɱsathāle nahāniyacuṇṇāni3 ākiritvā udakena paripphosakaɱ paripphosakaɱ sanneyya, sāyaɱ4 nahāniyapiṇḍi snehānugatā5 snehaparetā6 santarabāhirā phuṭā snehena na ca paggharati. 7 Evameva kho bhikkhave bhikkhu imameva kāyaɱ vivekajena pītisukhena abhisandeti parisandeti paripūreti parippharati. Nāssa kiñci sabbāvato kāyassa vivekajena pītisukhena apphuṭaɱ hoti ariyassa bhikkhave pañcaŋgikassa sammā samādhissa ayaɱ paṭhamā bhāvanā.

(2) Puna ca paraɱ bhikkhave bhikkhu vitakkavicārānaɱ vūpasamā ajjhattaɱ sampasādanaɱ cetaso ekodibhāvaɱ avitakkaɱ avicāraɱ samādhijaɱ pītisukhaɱ dutiyaɱ jhānaɱ upasampajja viharati. So imameva kāyaɱ samādhijena pītisukhena abhisandeti parisandeti paripūreti parippharati. Nāssa kiñci sabbāvato kāyassa samādhijena pītisukhena apphuṭaɱ hoti. Seyyathāpi bhikkhave udakarahado ubbhidodako8, tassa nevassa puratthimāya disāya udakassa āyamukhaɱ, na pacchimāya disāya udakassa āyamukhaɱ, na uttarāya [page 026] disāya udakassa āyamukhaɱ, na dakkhiṇāya disāya udakassa āyamukhaɱ, devo ca kālena kālaɱ sammā dhāraɱ nānuppaveccheyya, atha kho tambhā ca udakarahadā sītā vāridhārā ubbhijjītvā tameva udakarahadaɱ sītena vārinā abhisandeyya parisandeyya paripureyya paripphareyya, nāssa kiñci sabbāvato udakarahadassa sītena vārinā apphuṭaɱ assa. Evameva kho bhikkhave bhikkhu imeva kāyaɱ samādhijena pītisukhena abhisandeti parisandeti paripureti parippharati. Nāssa kiñci sabbāvato kāyassa samādhijena pītisukhena apphuṭaɱ hoti. Ariyassa bhikkhave pañcaŋgikassa sammāsamādhissa ayaɱ dutiyā bhāvanā.
(3) Puna ca paraɱ bhikkhave bhikkhu pītiyā ca virāgā upekkhako ca viharati sato ca sampajāno sukhañca kāyena paṭisaɱvedeti, yaɱ taɱ ariyā ācikkhanti upekkhako satimā sukhavihārīti, tatiyaɱ jhānaɱ upasampajja viharati. So imameva kāyaɱ nippītikena sukhena abhisandeti parisandeti paripūreti parippharati. Nāssa kiñci sabbāvato kāyassa nippītikena apphuṭaɱ hoti.

1. Nhāpako cāmachasaɱ 2. Tahāpakantevāsī vāmachasaɱ
3. Nhāniya cuṇṇānimachasaɱ, syā. 4. Yaɱsāsīmu 5. Sinehānugatāsyā
6. Sīnehaparetāsyā 7. Paggharinī machasaɱ ubbhitodakosyā:gambhīro machasaɱ

[BJT Page 040]
Seyyathāpi bhikkhave uppaliniyaɱ vā paduminiyaɱ vā puṇḍarīkiniyaɱ vā appekaccāni uppalāni vā padumāni vā puṇḍarīkāni vā udake jātāni udake saɱvaddhāni udakānuggatāni anto nimuggaposīni, 1 tāni yāvaggā 2 yāva mūlā3 sītena vārinā abhisannāni parisannāni paripūrāni paripphuṭāni. Nāssa kiñci sabbāvataɱ uppalānaɱ vā padumānaɱ vā puṇḍarīkānaɱ vā sītena vārinā apphuṭaɱ assa. Evameva kho bhikkhave bhikkhu imameva kāyaɱ nippītikena sukhena abhisandeti parisandeti paripūreti parippharati. Nāssa kiñci sabbāvato 4 kāyassa nippītikena sukhena apphuṭaɱ hoti. Ariyassa bhikkhave pañcaŋgikassa sammāsamādhissa ayaɱ tatiyā bhāvanā.

(4) Puna ca paraɱ bhikkhave bhikkhu sukhassa ca pāhāṇā [page 027] dukkhassa ca pahāṇā pubbeva somanassadomanassānaɱ atthaŋgamā adukkhaɱ asukhaɱ upekkhāsatipārisuddhiɱ catutthaɱ jhānaɱ upasampajja viharati. So imameva kāyaɱ parisuddhena cetasā pariyodātena pharitvā nisinno hoti. Nāssa kiñci sabbāvato kāyassa parisuddhena cetasā
Pariyodātena apphuṭaɱ hoti. Seyyathāpi bhikkhave puriso odātena vatthena sasīsaɱ pārupitvā nisinno assa, nāssa kiñci sabbāvato kāyassa odātena vatthena apphuṭaɱ assa. Evameva kho bhikkhave bhikkhu imameva kāyaɱ parisuddhena cetasā pariyodātena pharitvā nisinno hoti. Nāssa kiñci sabbāvato kāyassa parisuddhena cetasā
Pariyodātena apphuṭaɱ hoti. Ariyassa bhikkhave pañcaŋgikassa sammāsamādhissa ayaɱ catutthā bhāvanā.

(5) Puna ca paraɱ bhikkhave bhikkhuno paccavekkhaṇānimittaɱ suggahītaɱ hoti sumanasikataɱ sūpadhāritaɱ, suppaṭividdhaɱ paññāya. Seyyathāpi bhikkhave añño vā aññaɱ5 paccavekkheyya, ṭhito vā nisinnaɱ paccavekkheyya, nisinno vā nipannaɱ paccavekkheyya evameva kho bhikkhave bhikkhuno paccavekkhaṇānimittaɱ suggahītaɱ hoti sumanasikataɱ sūpadhāritaɱ, suppaṭividdhaɱ paññāyā'ti. Ariyassa bhikkhave pañcaŋgikassa sammāsamādhissa ayaɱ pañcamī bhāvanā

Evaɱ bhāvite kho bhikkhave bhikkhu ariye pañcaŋgike sammā samādhimhi evaɱ bahulīkate yassa yassa abhiññā sacchikaraṇīyassa dhammassa cittaɱ abhininnāmeti abhiññā sacchikiriyāya, tatra tatreva sakkhibhabbataɱ pāpuṇāti sati sati āyatane.

Seyyathāpi bhikkhave udakamaṇiko ādhāre ṭhapito pūro udakassa samatittiko kākapeyyo, tamenaɱ balavā puriso yato yato āvajjeyya, āgaccheyya udakanti? 'Evaɱ [page 028] bhante'.

1. Nimuggaposini sīmu. 2. Tāni yāvacaggāsyā machasaɱ
3. Yā va ca mūlāsyā machasaɱ. Tāti yāva ca nimamūlāsīmu. 4. Sabbāvataɱsīmu.
5. Aññe vā aññaɱ vā sīmu.

[BJT Page 042]

Evameva kho bhikkhave bhikkhu evaɱ bhāvite ariye pañcaŋgike sammā samādhimhi evaɱ bahulīkate yassa yassa abhiññā sacchikaraṇīyassa dhammassa cittaɱ abhininnāmeni abhiññā sacchikiriyāya, tatra tatreva sakkhibhabbataɱ pāpuṇāni sati sati āyatane.

Seyyathāpi bhikkhave same bhumibhāge pokkharaṇī caturassā1 ālibaddhā pūrā udakassa samatittikā kākapeyyā, tamenaɱ balavā puriso yato yato āliɱ muñceyya, āgaccheyya udakanti?. 'Evaɱ bhante'. Evameva kho bhikkhave bhikkhu evaɱ bhāvite ariye pañcaŋgike sammāsamādhimahi evaɱ bahulīkate yassa yassa abhiññā sacchikaraṇīyassa dhammassa cittaɱ abhininnāmeti abhiññā sacchikiriyāya, tatra tatreva sakkhibhabbataɱ pāpuṇāti sati sati āyatane.

Seyyathāpi bhikkhave subhūmiyaɱ cātummahāpathe2 ājaññaratho yutto assa ṭhito odhastapatodo, tamenaɱ dakkho yoggācariyo assadammasārathi abhirūhitvā vāmena hatthena rasmiyo gahetvā dakkhiṇena hatthena patodaɱ gahetvā yenicchakaɱ yadicchakaɱ sāreyyapi paccāsāreyyapi. Evameva kho bhikkhave bhikkhu evaɱ bhāvite ariye pañcaŋgike sammā samādhimhi evaɱ bahulīkate yassa yassa abhiññā sacchikaraṇīyassa dhammassa cittaɱ abhininnāmeti abhiññā sacchikiriyāya, tatra tatreva sakkhibhabbataɱ pāpuṇāti sati sati āyatane.

So sace ākaŋkhati: "anekavihitaɱ iddhividhaɱ [page 029] paccanubhaveyyaɱ: ekopi hutvā bahudhā assaɱ bahudhāpi hutvā eko assaɱ, āvībhāvaɱ tirobhāvaɱ tirokuḍḍaɱ tiropākāraɱ tiropabbataɱ asajjamāno gaccheyyaɱ seyyathāpi ākāse, paṭhaviyāpi ummujjanimujjaɱ kareyyaɱ seyyathāpi udake, udakepi abhijjamāne gaccheyyaɱ seyyathāpi paṭhaviyaɱ, ākāsepi pallaŋkena kameyyaɱ seyyathāpi pakkhī sakuṇo, imepi candimasuriye evaɱ mahiddhike evaɱ mahānubhāve pāṇinā parāmaseyyaɱ parimajjeyyaɱ, yāva brahmalokāpi kāyena vasaɱ vatteyya'nti, tatra tatreva sakkhibhabbataɱ
Pāpuṇāti sati sati āyatane.

So sace ākaŋkhati:"dibbāya sotadhātuyā visuddhāya atikkantamānusikāya ubho sadde suṇeyyaɱ dibbe ca mānusake ca ye dūre santike cā'ti, tatra tatreva sakkhibhabbataɱ pāpuṇāti sati sati āyatane.

So sace ākaŋkhati. "Parasattānaɱ parapuggalānaɱ cetasā ceto paricca pajāneyyaɱ sarāgaɱ vā cittaɱ sarāgaɱ cittanati pajāneyyaɱ vītarāgaɱ vā cittaɱ vītarāgaɱ cittanti pajāneyyaɱ, sadosaɱ vā cittaɱ sadosaɱ cittanti pajāneyyaɱ, vītadosaɱ vā cittaɱ vītadosaɱ cittanti pajāneyyaɱ, samohaɱ vā cittaɱ samohaɱ cittanti pajāneyyaɱ, vītamohaɱ vā cittaɱ vītamohaɱ cittanti pajāneyyaɱ, saŋkhittaɱ vā cittaɱ saŋkhittaɱ cittanti pajāneyyaɱ, vikkhittaɱ vā cittaɱ vikkhittaɱ cittanti pajāneyyaɱ, mahaggataɱ vā cittaɱ mahaggataɱ cittanti pajāneyyaɱ, amahaggataɱ vā cittaɱ amahaggataɱ cittanti pajāneyyaɱ, sauttaraɱ vā cittaɱ sauttaraɱ cittanti pajāneyyaɱ, anuttaraɱ vā cittaɱ anuttaraɱ cittanti pajāneyyaɱ, samāhitaɱ vā cittaɱ samāhitaɱ cittanti pajāneyyaɱ, vimuttaɱ vā cittaɱ vimuttaɱ cittanti pajāneyyaɱ avimuttaɱ vā cittaɱ avimuttaɱ cittanti pajāneyyanti tatra tatreva sakkhibhabbataɱ pāpuṇāti sati sati āyatane.

So sace ākaŋkhati:"anekavihitaɱ pubbenivāsaɱ anussareyyaɱ seyyathīdaɱ ekampi jātiɱ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiɱsampi jātiyo cattārīsampi jātiyo paññāsampi jātiyo jātisatampi jātisahassampi jātisatasahassampi anekepi saɱvaṭṭakappe anekepi vivaṭṭakappe anekepi saɱvaṭṭavivaṭṭakappe. Amutrāsiɱ evannāmo, evaɱgotto evaɱvaṇṇo evamāhāro evaɱsukhadukkhapaṭisaɱvedī evamāyupariyanto. So tato cuto amutra upapādiɱ, tatrāpāsiɱ evannāmo evaɱgotto evaɱvaṇṇo evamāhāro evaɱsukhadukkhapaṭisaɱvedi evamāyupariyanto. So tato cuto idhupapannoti. Iti sākāraɱ sauddesaɱ anekavihitaɱ pubbenivāsaɱ anussareyya" nti tatra tatreva sakkhibhabbataɱ pāpuṇāti sati sati āyatane.

So sace ākaŋkhati: " dibbena cakkhunā visuddhena atikkantamānusakena satte passeyyaɱ cavamāne uppajjamāne hīne paṇīte suvaṇṇe dubbaṇṇe sugate duggate yathākammūpage satte pajāneyyaɱ: ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaɱ upavādakā micchādiṭṭhikā micchādiṭṭhikammasamādānā, te kāyassa bhedā parammaraṇā apāyaɱ duggatiɱ vinipātaɱ nirayaɱ upapannā. ' Ime vā bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaɱ anupavādakā sammādiṭṭhikā sammādiṭṭhikammasamādānā te kāyassa bhedā parammaraṇā sugatiɱ saggaɱ lokaɱ upapannā ' ti. Iti dibbena cakkhunā visuddhena atikkantamānusakena satte passeyyaɱ cavamāne uppajjamāne hīne paṇīte suvaṇeṇa dubbaṇṇe sugate duggate yathā kammūpage satte pajāneyya "nti tatra tatreva sakkhibhabbataɱ pāpuṇāti sati sati āyatane.

So sace ākaŋkhati: "āsavānaɱ khayā anāsavaɱ ceto vimuttiɱ paññāvimuttiɱ diṭṭheva dhamme sayaɱ abhiññā sacchikatvā upasampajja vihareyya 2'nti tatra tatreva sakkhibhabbataɱ pāpuṇāti sati sati āyataneti.

1. Caturaɱsā machasaɱ 2. Catumahāpathe machasaɱ

[BJT Page 044]
5. 1. 3. 9
(Caŋkamānisaɱsasuttaɱ)

29. Pañcime bhikkhave caŋkame ānisaɱsā. Katame pañca?
[page 030] addhānakkhamo hoti. Padhānakkhamo hoti. Appābādho hoti. Asitapītakhāyitasāyitaɱ1 sammā parināmaɱ gacchati. Caŋkamādhigato samādhi ciraṭṭhitiko hoti.
Ime kho bhikkhave pañca caŋkame ānisaɱsāti.

5. 1. 3. 10
(Nāgitasuttaɱ)

30. Evaɱ me sutaɱ: ekaɱ samayaɱ bhagavā kosalesu cārikaɱ caramāno mahatā bhikkhusaŋghena saddhiɱ yena icchānaŋgalaɱ nāma kosalānaɱ brāhmaṇagāmo tadavasari. Tatra sudaɱ bhagavā icchānaŋgale viharati icchānaŋgala vanasaṇḍe.

Assosuɱ kho icchānaŋgalakā2 brāhmaṇagahapatikā"samaṇo khalu bho gotamo sakyaputto sakyakulā pabbajito icchānaŋgalaɱ anuppatto icchānaŋgale viharati icchānaŋgalavanasaṇḍe.

"Taɱ kho pana bhagavantaɱ gotamaɱ evaɱ kalyāṇo kittisaddo abbhuggato: "itipi so bhagavā arahaɱ sammāsambuddho vijjācaraṇasampanno sugato lokavidū anuttaro purisadammasārathī satthā dvemanussānaɱ buddho bhagavāti. So imaɱ lokaɱ sadevakaɱ samārakaɱ sabrahmakaɱ sassamaṇabrāhmaṇiɱ pajaɱ sadevamanussaɱ sayaɱ abhiññā sacchikatvā pavedeti".

'So dhammaɱ deseti ādikalyāṇaɱ majjhekalyāṇaɱ pariyosānakalyāṇaɱ sātthaɱ savyañjanaɱ kevalaparipuṇṇaɱ parisuddhaɱ, brahmacariyaɱ pakāseti. Sādhu kho pana tathārūpānaɱ arahataɱ dassanaɱ hotī'ti.

Atha kho icchānaŋgalakā brāhmaṇagahapatikā tassā rattiyā accayena pahūtaɱ khādanīyaɱ bhojanīyaɱ ādāya yena icchānaŋgalavanasaṇḍo tenupasaŋkamiɱsu. Upasaŋkamitvā bahidvārakoṭṭhake aṭṭhaɱsu uccāsaddā mahāsaddā.

1. Asitaɱ pītaɱ khāyitaɱ sāyitaɱ machasaɱ, syā' 2. Icchānaŋgalikā sīmu
3. Syāmapotthake na dissate.

[BJT Page 046]

[page 031] tena kho pana samayena āyasmā nāgito bhagavato upaṭṭhāko hoti. Atha kho bhagavā āyasmantaɱ nāgitaɱ āmantesi: ke panete1 nāgita uccāsaddā mahāsaddā kevaṭṭā maññe macchavilopeti?2 "Ete bhante icchānaŋgalakā brāhmaṇagahapatikā pahutaɱ khādanīyaɱ bhojanīyaɱ ādāya babhidvārakoṭṭhake ṭhitā bhagavantaɱ yeva uddissa bhikkhusaŋghañcā"ti.

Māhaɱ nāgita yasena samāgamo, 3 mā ca mayā yaso. Yo kho nāgita nayimassa nekkhammasukhassa pavivekasukhassa upasamasukhassa sambodhasukhassa nikāmalābhī assa akicchalābhī akasiralābhī, yassāhaɱ nekkhammasukhassa pavivekasukhassa upasamasukhassa sambodhasukhassa nikāmalābhī akicchalābhī akasiralābhī, so taɱ mīḷhasukhaɱ4 middhasukhaɱ lābhasakkārasilokasukhaɱ sādiyeyyāti.

"Adhivāste'dāni bhante bhagavā, adhivāsetu sugato. Adhivāsana kālo'dāni bhante bhagavato. Yena yeneva'dāni bhante bhagavā gamissati, tanninnāva bhavissanti brāhmaṇa gahapatikā negamā ceva jānapadā ca.

Seyyathāpi bhante thullaphusitake deve vassante yathāninnaɱ udakāni pavattanti, evameva kho bhante yena yeneva'dāni bhagavā gamissati, tanninnāva bhavissanti brāhmaṇagahapatikā negamā ceva jānapadā ca taɱ kissa hetu? Tathāhi bhante bhagavato sīlapaññāṇa"nati.

Māhaɱ nāgita yasena samāgamo3, mā ca mayā yaso. Yo kho nāgita nayimassa nekkhammasukhassa pavivekasukhassa upasamasukhassa sambodhasukhassa nikāmalābhī assa akicchalābhī akasiralābhī, yassāhaɱ nekkhammasukhassa pavivekasukhassa upasamasukhassa sambodhasukhassa nikāmalābhī akicchalābhī akasiralābhī, so taɱ4 mīlhasukhaɱ middhasukhaɱ lābhasakkārasilokasukhaɱ sādiyeyya. [page 032] asitapītakhāyitasāyitassa kho nāgita uccārapassāvo. Eso tassa nissando.

1. Ke pana te syā, ke pana kho machasaɱ.
2. Vilopennīti syā, sīmu.
3. Samāgamaɱ, sīmu. Machasaɱ.
4. Yo taɱ mīḷhasukhaɱ machasaɱ, syā.

[BJT Page 048]

Piyānaɱ kho nāgita viparināmaññathābhāvā uppajjanti sokaparidevadukkhadomanassupāyāsā. Eso tassa nissando.
Asubhanimittānuyogaɱ anuyuttassa kho nāgita subhanimitte1 pāṭikkūlyatā2 saṇṭhāti. Eso tassa nissando.
Chassu3 kho nāgita phassāyatanesu aniccānupassīno viharato phasse pāṭikkūlyatā saṇṭhāti. Eso tassa nissando.
Pañcasu kho nāgita upādānakkhandhesu udayabbayānupassino viharato upādāne pāṭikkūlyatā saṇṭhāti. Eso tassa nissandoti.

Pañcaŋgikavaggo tatiyo.
Tassuddānaɱ:
Dvegāravupakkileso dussīlānuggahena ca
Vimuttisamādhipañcaŋgikā caŋkamo nāgitena cāti

1. Subhanimittena sīmu.
2. Pāṭikulyatā machasaɱ paṭikkulyatā sīmu.
3. Chasu machasaɱ

[BJT Page 050]
4. Sumanāvaggo
5. 1. 4. 1.
(Sumanāsuttaɱ)

31. Ekaɱ samayaɱ bhagavā sāvatthiyaɱ viharati jetavane anāthapiṇḍikassa ārāme. * Atha kho sumanā rājakumārī pañcahi rathasatehi pañcahi1 rājakumārisatehi parivutā yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinnā kho sumanā rājakumārī bhagavantaɱ etadavoca:
Idhassu bhante bhagavato dve sāvakā samasaddhā samasīlā samapaññā, eko dāyako eko adāyako, te kāyassa [page 033] bhedā parammaraṇā sugatiɱ saggaɱ lokaɱ uppajjeyyuɱ, devabhūtānampana nesaɱ bhante siyā viseso siyā nānākaraṇanti? Siyā sumane'ti bhagavā avoca.

Yo so sumane dāyako, so amuɱ adāyakaɱ devabhūto samāno pañcahi ṭhānehi adhigaṇhāti. Dibbena āyunā, dibbena vaṇṇena, dibbena sukhena, dibbena yasena, dibbena ādhipateyyena. 2 Yo so sumane dāyako, so amuɱ adāyakaɱ devabhuto samāno imehi pañcahi ṭhānehi adhigaṇhāti 3

Sace pana te bhante tato cutā itthattaɱ āgacchanti, manussabhūtānaɱ pana tesaɱ bhante siyā viseso, siyā nānākaraṇanti? Siyā sumaneti bhagavā avoca.

Yo so sumane dāyako. So amuɱ adāyakaɱ manussabhuto samāno pañcahi ṭhānehi adhigaṇhāti: mānusakena4 āyunā, mānusakena vaṇṇena, mānusakena sukhena mānusakena yasena, mānusakena ādhipateyyena. Yo so sumane dāyako, so amuɱ adāyakaɱ manussabhuto samāno imehi pañcahi ṭhānehi adhigaṇhāti.

Sace pana te bhante ubho agārasmā anagāriyaɱ pabbajanti, pabbajitānaɱ pana nesaɱ5 bhante siyā viseso siyā nānākaraṇanti? Siyā sumaneti bhagavā avoca.

Yo so sumane dāyako, so amuɱ adāyakaɱ pabbajito samāno pañcahi ṭhānehi adhigaṇhāti: yācito'va bahulaɱ cīvaraɱ paribhuñjati appaɱ ayācito. Yācitova bahulaɱ piṇḍapātaɱ paribhuñjati, appaɱ ayācito. Yācito'va bahulaɱ senāsanaɱ paribhuñjati, appaɱ ayācito. Yācito'va bahulaɱ gilāna paccaya bhesajjaparikkhāraɱ paribhuñjati, appaɱ ayācito:

* Syāma potthake ayaɱ pāṭho natthi, ekaɱ samayaɱ samayaɱ bhagavā sāvatthiyaɱ viharatijetavane anāthapiṇḍikassa ārāme machasaɱ
1. Pañcahi ca syā 2. Adhipateyyena syā 3. Adhigaṇhātīti syā.
4. Mānussakena sīmu 5. Tesaɱ sīmu.

[BJT Page 052]

Yehi kho pana sabrahmacārīhi saddhiɱ viharati, tyāssa1 manāpeneva bahulaɱ kāyakammena samudācaranti, appaɱ amanāpena, manāpeneva bahulaɱ vacīkammena samudācaranti, appaɱ amanāpena, manāpeneva2 bahulaɱ manokammena samudācaranti, appaɱ
Amanāpena. Manāpaɱ yeva3 upahāraɱ upaharanti, appaɱ [page 034] amanāpaɱ yo so sumane dāyako, so amuɱ adāyakaɱ pabbajito samāno imehi pañcahi ṭhānehi adhigaṇhāti. 4

Sace pana te bhante ubho arahattaɱ pāpuṇanti, arahattappattānaɱ pana nesaɱ bhante siyā viseso siyā nānākaraṇanti?.

Ettha kho panesāhaɱ sumane na kiñci nānākaraṇaɱ vadāmi yadidaɱ vimuttiyā vimuttinti. 5

Acchariyaɱ bhante, abbhutaɱ bhante. Yāvañcidaɱ bhante alameva dānāni dātuɱ, alaɱ puññāni kātuɱ, yatra hi nāma devabhūtassapi upakārāni puññāni, manussabhūtassapi upakārāni puññāni, pabbajitassapi upakārāni puññānīti.
Idamavova bhagavā idaɱ vatvā6 sugato athāparaɱ etadavoca satthā:
1. Yathāpi cando vimalo gacchaɱ ākāsadhātuyā
Sabbe tārā gaṇe loke ābhāya atirocati,

2. Tatheva sīlasampanno saddho purisapuggalo
Sabbe maccharino loke cāgena atirocati.

3. Yathāpi megho thanayaɱ vijjumālī satakkaku
Thalaɱ ninnaɱ ca pūreti abhivassaɱ vasundharaɱ,

4. Evaɱ dassana sampanno sammā sambuddhasāvako
Macchariɱ adhigaṇhāti pañcaṭhānehi paṇḍito:

5. Āyunā yasasā veca vaṇṇena ca sukhena ca
Sace bhoga paribbūḷho7 pecca sagge pamodatīti8

1. Tassa syā, machasaɱ 2. Manāpena syā, 3. Manāpaññe ca syā,
4. Adhigaṇhātīti machasaɱ, syā 5. Vimuttanti syā
6. Vatvāna machasaɱ, syā 7. Paribyuḷho machasaɱ 8. Sagge ca modati sīmu.

[BJT Page 054]
5. 1. 4. 2
(Cundīsuttaɱ)

32. [page 035] ekaɱ samayaɱ bhagavā rājagahe viharati kalandakanivāpe. Atha kho cundī rājakumārī pañcahi rathasatehi pañcahi ca kumāri satehi parivutā yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinnā kho cundī rājakumārī bhagavantaɱ etadavoca:

Amhākaɱ bhante bhātā cundo nāma rājakumāro. So evamāha:"yadeva so hoti itthī vā puriso vā buddhaɱ saraṇaɱ gato, dhammaɱ saraṇaɱ gato, saŋghaɱ saraṇaɱ gato, pāṇātipātā paṭivirato, adinnādānā paṭivirato, kāmesu micchācārā paṭivirato, musāvādā paṭivirato, surāmerayamajjapamādaṭṭhānā paṭivirato, so kāyassa bhedā parammaraṇā sugatiɱ yeca1 upapajjati, no duggatinni. "

Sāhaɱ bhante bhagavantaɱ pucchāmi: kathaɱ rūpe nu kho2 bhante satthari pasanno kāyassa bhedā parammaraṇā sugatiɱ yeva upapajjati, no duggatinti? Sāhaɱ bhante bhagavantaɱ pucchāmi: kathaɱ rūpe nu kho2 bhante dhamme pasanno kāyassabhedā parammaraṇā sugatiɱ yeva upapajjati, no duggatinti?
Kathaɱ rūpe nu kho bhante saŋghe pasanno kāyassa bhedā parammaraṇā sugatiɱ yeva upapajjati, no duggatinti? Kathaɱ rūpesu sīlesu paripūrakāri kāyassa bhedā parammaraṇā sugatiɱ yeva1 saggaɱ lokaɱ uppajjati, no duggatinti?

Yāvatā cundi sattā apadā vā dipadā vā catuppadā vā bahuppadā vā rūpino vā arūpino vā saññino vā asaññino vā nevasaññināsaññino vā tathāgato tesaɱ aggamakkhāyati arahaɱ sammā sambuddho. Ye kho cundi buddhe pasannā, agge te pasannā. Agge kho pana pasannānaɱ aggo vipāko hoti.

Yāvatā cundi dhammā saɱkhatā vā asaɱkhatā vā virāgo tesaɱ aggamakkhāyati yadidaɱ madanimmadano pipāsavinayo3 ālayasamugghāto vaṭṭūpacchedo taṇhakkhayo virāgo nirodho nibbānaɱ. Ye kho [page 036] cundi virāge dhamme pasannā. Agge te pasannā agge kho pana pasannānaɱ aggo vipāko hoti.

Yāvatā cundi saŋghā vā gaṇā vā tathāgatasāvakasaŋgho tesaɱ aggamakkhāyati yadidaɱ cattāri purisayugāni aṭṭhapurisapuggalā. Esa bhagavato sāvakasaɱgho āhuneyyo pāhuneyyo dakkhiṇeyyo añjalikaraṇīyo anuttaraɱ puññakkhettaɱ lokassa. Ye kho cundi saɱghe pasannā, agge te pasannā. Agge kho pana pasannānaɱ aggo vipāko hoti.

1. Sugatiññeva syā 2. Kathaɱ rūpe kho machasaɱ 3. Pipāsāvinayo sīmu.

[BJT Page 056]
Yāvatā cundī sīlāni, ariyakantāni1 tesaɱ aggamakkhāyati yadidaɱ akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni samādhi saɱvattanikāni. Ye kho cundi ariyakantesu sīlesu paripūrakārino, agge te paripūrakārino. Agge kho pana paripūrakārīnaɱ aggo vipāko hotīti.

6. Aggato ve pasannānaɱ aggaɱ dhammaɱ vijānataɱ
Agge buddhe pasannānaɱ dakkhiṇeyye anuttare,

7. Agge dhamme pasannānaɱ virāgūpasame sukhe
Agge saɱghe pasannānaɱ puññakkhette anuttare,

8. Aggasmiɱ dānaɱ dadataɱ aggaɱ puññaɱ pavaḍḍhati
Aggaɱ āyūca2 vaṇṇo ca yaso kitti sukhaɱ balaɱ

9. Aggassa dātā medhāvī aggadhammasamāhito
Devabhūto manusso vā aggappatto pamodatīti.

5. 1. 4. 3.
(Uggahasuttaɱ)

33. Ekaɱ samayaɱ bhagavā bhaddiye3 viharati jātiyā vane. Atha kho uggaho meṇḍaka nattā yena bhagavā tenupaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho uggaho meṇḍakanattā bhagavantaɱ etadavoca:
Adhivāsetu me bhante bhagavā svātanāya attacatuttho [page 037] bhattanti. Adhivāsesi bhagavā tuṇhībhāvena. Atha kho uggaho meṇḍakanattā bhagavato adhivāsanaɱ viditvā uṭṭhāyāsanā bhagavantaɱ abhivādetvā padakkhiṇaɱ katvā pakkāmi.

Atha kho bhagavā tassā rattiyā accayena pubbanhasamayaɱ nivāsetvā pattacīvaramādāya yena uggahassa meṇḍakanattuno nivesanaɱ tenupasaŋkami. Upasaŋkamitvā paññatte āsane nisīdi. Atha kho uggaho meṇḍakanattā bhagavantaɱ paṇītena khādanīyena bhojanīyena sahatthā santappesi sampavāresi.

Atha kho uggaho meṇḍakanattā bhagavantaɱ bhuttāviɱ onītapattapāṇiɱ ekamantaɱ nisīdi. Ekamantaɱ nisinno kho uggaho meṇḍakanattā bhagavantaɱ etadavoca:

1. Ariyakattāni sīlānimachasaɱ 2. Āyuñcasīmu.
3. Bhaddikeaṭṭhakathā.

[BJT Page 058]

Imā me bhante kumāriyo patikulāni gamissanti. Ovadatu tāsaɱ bhante bhagavā, anusāsatu tāsaɱ bhante bhagavā, yaɱ tāsaɱ assa dīgharattaɱ hitāya sukhāyāti.

Atha kho bhagavā tā kumāriyo etadavoca: tasmātiha kumāriyo evaɱ sikkhitabbaɱ: yassa vo' mātā pitaro bhattuno dassanti atthakāmā hitesino anukampakā anukampaɱ upādāya, tassa bhavissāma pubbuṭṭhāyiniyo pacchānipātiniyo kiɱkārapaṭissā viniyo manāpacāriniyo piyavādiniyoti. Evaɱ hi vo kumāriyo sikkhitabbaɱ.

Tasmātiha kumāriyo evaɱ sikkhitabbaɱ ye te bhattu garuno bhavissanti mātāti vā pitāti vā samaṇabrāhmaṇāti vā, te sakkarissāma garukarissāma, 2 mānissāma, pūjessāma, abbhāgateva āsanodakena patipūjessāmāti3 evaɱ hi vo kumāriyo sikkhitabbaɱ.

Tasmātiha kumāriyo evaɱ sikkhitabbaɱ ye te bhattu abbhantarā kammantā uṇṇāti vā kappāsāti vā, tattha dakkhā bhavissāma analasā tatrūpāyāya vimaɱsāya samannāgatā alaɱ kātuɱ alaɱ saɱvidhātunti evaɱ hi vo kumāriyo sikkhitabbaɱ.

Tasmātīha kumāriyo evaɱ sikkhitabbaɱ: yo so bhattu abbhantaro antojano, dāsātivā pessāti [page 038] vā kammakarāti vā, kammakarāti vā, tesaɱ katañca katato jānissāma, akatañca akatato jānissāma, gilānakānañca balābalaɱ jānissāma, khādanīyaɱ bhojanīyaɱ cassa paccayena vibhajissāmāti. 4 Evaɱ hi vo kumāriyo sikkhitabbaɱ.
Tasmātiha kumāriyo evaɱ sikkhitabbaɱ: yaɱ bhattā āharissati dhanaɱ vā dhaññaɱ vā rajataɱ vā jātarūpaɱ vā, taɱ ārakkhena5 guttiyā sampādessāma. Tassa bhavissāma adhuttī athenī asoṇḍī avināsikāyoti. Evaɱ hi vo kumāriyo sikkhitabbaɱ.
Imehi kho kumāriyo pañcahi dhammehi samannāgato mātugāmo kāyassa bhedā parammaraṇā manāpakāyikānaɱ devānaɱ sahavyataɱ uppajjatīti.

10. Yo naɱ bharati sabbadā niccaɱ ātāpi ussuko
Sabbakāmaharaɱ6 posaɱ bhattāraɱ nāti maññeti.

11. Na cāpi sotthi bhattāraɱ icchācārena rosaye7
Bhattu ca garuno sabbe paṭipujeti paṇḍitā.

12. Uṭṭhāhikā8 analasā saɱgahītaparijjanā
Bhattu manāpā9 carati sambhataɱ anurakkhati.

13. Yā evaɱ vattatī nāri bhattucchandavasānugā
Manāpā nāma te devā yattha sā upapajjatī ti.

1. Yassa kho sīmu 2. Garuɱ karissāma machasaɱ
3. Paṭipūjessāmāti syā, machasaɱ 4. Paccayaɱsena vibhajissāmāti syā, sī
5. Ārakkhāya sīmu 6. Sabbakāmakaraɱ, sīmu.
7. Issācārena rosaye syā, machasaɱ issāvādena [pts]
8. Uṭṭhāyikā syā, 9. Bhattumanāpaɱ machasaɱ

[BJT Page 060]
5. 1. 4. 4
(Sīhasenāpatisuttaɱ)

34. Ekaɱ samayaɱ bhagavā vesālisaɱ viharati mahāvane kūṭāgāra sālāyaɱ. Atha kho sīho senāpati yena [page 039] bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho sīho senāpati bhagavantaɱ etadavoca:

Sakkā nu kho bhante sandiṭṭhikaɱ dānaphalaɱ paññāpetunti?

Sakkā sīhāti bhagavā avoca. Dāyako sīha dānapati bahuno janassa piyo hoti manāpo. Yampi sīha dāyako dānapati bahuno janassa piyo hoti manāpo, idampi sandiṭṭhikaɱ dānaphalaɱ.

Puna ca paraɱ sīha dāyakaɱ dānapatiɱ santo sappurisā bhajanti. Yampi sīha dāyakaɱ dānapatiɱ santo sappurisā bhajanti, idampi sandiṭṭhikaɱ dānaphalaɱ.

Puna ca paraɱ sīha dāyakassa dānapatino kalyāṇo kittisaddo abbhuggacchati. Yampi sīha dāyakassa dānapatino kalyāṇo kittisaddo abbhuggacchati, idampi sandiṭṭhikaɱ dānaphalaɱ.

Puna ca paraɱ sīha dāyako dānapati yaññadeva parisaɱ upasaŋkamati. Yadi khattiyaparisaɱ, yadi brāhmaṇaparisaɱ, yadi gahapatiparisaɱ, yadi samaṇaparisaɱ, visāradova1 upasaŋkamati amaŋkubhūto. Yampi sīha dāyako dānapati yaññadevaparisaɱ upasaŋkamati: yadi khattiyaparisaɱ, yadi brāhmaṇaparisaɱ, yadi gahapati parisaɱ, yadi samaṇaparisaɱ, visāradova upasaŋkamati amaŋkubhūto: idampi sandiṭṭhikaɱ dānaphalaɱ.

Puna ca paraɱ sīha dāyako dānapati kāyassa bhedā parammaraṇā sugatiɱ saggaɱ lokaɱ upapajjati. Yampi sīha dāyako dānapati kāyassa bhedā parammaraṇā sugatiɱ saggaɱ lokaɱ upapajjati. Idaɱ2 samparāyikaɱ dānaphalanti.

Evaɱ vutte sīho senāpati bhagavantaɱ etadavoca "yānimāni bhante bhagavatā cattāri sandiṭṭhikāni dānaphalāni akkhātāni, nāhaɱ ettha bhagavato saddhāya gacchāmi. Ahampetāni jānāmi. Ahaɱ bhante dāyako dānapati bahuno janassa piyo manāpo. Ahaɱ bhante dāyako dānapati. , Maɱ santo sappurisā bhajanti. Ahaɱ bhante dāyako dānapati, mayhaɱ kalyāṇo kittisaddo ababhuggato: sīho senāpati dāyako kārako saŋghupaṭṭhākoti. Ahaɱ [page 040] bhante dāyako dānapati, yaññadeva parisaɱ upasaŋkamāmi: yadi khattiyaparisaɱ, yadi brāhmaṇaparisaɱ, yadi gahapati parisaɱ, yadi samaṇaparisaɱ, visāradova upasaŋkamāmi amaŋkubhūto. Yānimāni bhante bhagavatā cattāri sandiṭṭhikāni dānaphalāni akkhātāni, nāhaɱ ettha bhagavato saddhāya gacchāmi. Ahampetāni jānāmi. Yañca kho maɱ bhante bhagavā evamāha: 'dāyako sīha dānapati kāyassa bhedā parammaraṇā sugatiɱ saggaɱ lokaɱ upapajjatī'ti etāhaɱ na jānāmi. Ettha ca panāhaɱ bhagavato saddhāya gacchāmī"ti.
1. Visārado machasaɱ 2. Idampi syā

[BJT Page 062]

Evametaɱ sīha, eva metaɱ sīha, dāyako1 dānapati kāyassa bhedā parammaraṇā sugatiɱ saggaɱ lokaɱ upapajjatīti.

14. Dadaɱ piyo hoti bhajanti naɱ bahū kittiñca pappoti yasobhivaḍḍati.
Amaŋkubhūto parisaɱ vigāhati visārado hoti naro amaccharī.

15. Tasmā hi dānāni dadanti paṇḍitā vineyya maccheramalaɱ sukhesino,
Te dīgharattaɱ tidive patiṭṭhitā devānaɱ sahavyataɱ gatā ramanti. 3
16. Katāvāsā katakusalā tato cutā4 sayaɱpabhā anuvicaranti nandanaɱ, 5
Te tattha nandanti ramanti modare samappitā kāmaguṇehi pañcahi
Katvāna vākyaɱ asitassa tādino ramanti sagge sugatassa sāvakā'ti. 6

5. 1. 4. 5
(Dānānisaɱsasuttaɱ)

35. [page 041] pañcime bhikkhave dāne ānisaɱsā. Katame pañca?

Bahuto janassa piyo hoti manāpo. Santo sappurisā bhajanti. Kalyāṇo kittisaddo abbhuggacchati. Gihīdhammā anapeto hoti. Kāyassa bhedā parammaraṇā sugatiɱ saggaɱ lokaɱ upapajjati. Ime kho bhikkhave pañca dāne ānisaɱsāti.

17. Dadamāno piyo hoti sataɱ dhammaɱ anukkamaɱ,
Santo naɱ bhajanti sappurisā7 saññatā brahmacārino.
18. Te tassa dhammaɱ desenti sabbadukkhāpanūdanaɱ,
Yaɱ so dhammaɱ idhaññāya parinibbāti anāsavoti. 8

5. 1. 4. 6
(Kāladānasuttaɱ)

36. Pañcimāni bhikkhave kāladānāni. Katamāni pañca?
Āgantukassa dānaɱ deti. Gamikassa dānaɱ deti. Gilānassa dānaɱ deti. Dubbhikkhe dānaɱ deti. Yāni navasassāni navaphalāni, tāni paṭhamaɱ sīlavantesu patiṭṭhāpeti. Imāni kho bhikkhave pañca kāladānānīti.

1. Dāyako sīha sī 2. Yasassa vaḍḍhati syā yaso ca vaḍḍhati machasaɱ
3. Devānaɱ sahavyagatā ramanti te syā machasaɱ
4. Katāvakāsā katakusalā ito cutā machasaɱ, syā
5. Nandane syā 6. Ramanti sabbe sugatassa sāvakā syā
7. Santo naɱ sadā bhajanti syā machasaɱ 8. Parinibbātanāsavoti syā

[BJT Page 064.]

19. Kāle dadanti sappaññā vadaññū vītamaccharā
Kālena dinnaɱ ariyesu ujubhutesu tādisu,
Vippasanna manā tassa vipulā hoti dakkhiṇā,

20 Ye tattha anumodanti veyyāvaccaɱ karonni vā
Na tesaɱ1 dakkhiṇā ūnā tepi puññassa bhāgino.

21. Tasmā dade va2 appaṭivānacitto yattha dinnaɱ mahapphalaɱ
Puññāni paralokasmiɱ patiṭṭhā honti pāṇinanti.

5. 1. 4. 7
(Bhojanasuttaɱ)

37. [page 042] bhojanaɱ bhikkhave dadamāno dāyako paṭiggāhakānaɱ pañca ṭhānāni deti.
Katamāni pañca?

Āyuɱ deti, vaṇṇaɱ deti, sukhaɱ deti, balaɱ deti. Paṭibhāṇaɱ deti. Āyuɱ kho pana datvā āyussa bhāgī hoti dibbassa vā mānusassavā, vaṇaṇaɱ datvā vaṇṇassa bhāgī hoti dibbassa vā mānussa vā, sukhaɱ datvā sukhassa bhāgī hoti dibbassa
Vā mānusassa vā, paṭibhāṇaɱ datvā paṭibhānassa bhāgī hoti dibbassa vā mānusassa vā. Bhojanaɱ bhikkhave dadamāno dāyako paṭiggāhakānaɱ imāni pañca ṭhānāni deti.

22. Āyudo balado dhīro vaṇaṇado paṭibhāṇado
Sukhassa dātā medhāvī sukhaɱ so adhigacchati.

23. Āyuɱ datvā balaɱ vaṇṇaɱ sukhañca paṭibhāṇakaɱ
Dighāyu yasavā hoti yattha yatthupapajjatīti.

5. 1. 4. 8
(Saddhasuttaɱ)

38. Pañcime bhikkhave saddhe kulaputte ānisaɱsā. Katame pañca?
Ye te bhikkhave loke santo sappurisā, te saddhaɱ yeva8 paṭhamaɱ anukampanti, no tathā assaddhaɱ. Saddhaɱyeva paṭhamaɱ upasaŋkamantā upasaŋkamanti, no tathā assaddhaɱ saddhasseva paṭhamaɱ patigaṇhantā patigaṇhanti, no tathā assaddhaɱ saddhasseva paṭhamaɱ dhammaɱ desentā desenti, no tathā assaddhaɱ. Saddho kāyassa bhedā parammaraṇā sugatiɱ saggaɱ lokaɱ upapajjati. 4
Ime kho bhikkhave pañca saddhe kulaputte ānisaɱsā.
Seyyathāpi bhikkhave subhumiyaɱ cātummahāpathe5 mahānigrodho samannā pakkhīnaɱ paṭisaraṇaɱ hoti, evameva [page 043] kho bhikkhave saddho kulaputto bahuno janassa paṭisaraṇaɱ hoti: bhikkhūnaɱ bhikkhunīnaɱ upasakānaɱ upāsikānanti.

1. Tesaɱdakkhiṇāūnā machasaɱ [pts 2.] Dade syā machasaɱ
3. Saddhaññeva machasaɱ syā 4. Uppajjati, sīmu
5. Catummahāpathe syā catumahāpathe machasaɱ.

[BJT Page 066]
24. Sākhāpattaphalūpeto khandhimā ca mahādumo,
Mūlavā phalasampanno patiṭṭhā hoti pakkhinaɱ.

25. Manorame āyatane sevanti naɱ vihaŋgamā,
Chāyaɱ chāyatthikā1 yanti phalatthā phalabhojino.

26. Tatheva sīlampannaɱ saddhaɱ purisapuggalaɱ,
Nivātavuttiɱ atthaddhaɱ sorataɱ sakhilaɱ muduɱ

27. Vītarāgā vītadosā vītamohā anāsavā,
Puññakkhettāni lokasmiɱ sevanti tādisaɱ naraɱ.

28. Te tassa dhammaɱ desenti sabbadukkhā panūdanaɱ,
Yaɱ so dhammaɱ idhaññāya parinibbāti anāsavoti2

5. 1. 4. 9
(Puttasuttaɱ)

39. Pañcimāni bhikkhave ṭhānāni sampassantā mātāpitaro puttaɱ icchanti kule jāyamānaɱ. Katamāni pañca?
Bhato vā no bharissati. Kiccaɱ vā no karissati. Kulavaɱso ciraɱ ṭhassati. Dāyajjaɱ paṭipajjati. Atha vā pana petātaɱ kālakatānaɱ dakkhiṇaɱ anuppadassatīti. Imāni kho bhikkhave pañca ṭhānāni sampassantā mātāpitaro puttaɱ icchanti kule jāyamānanti.

29. Pañca ṭhānāni3 sampassaɱ puttaɱ icchanti paṇḍitā,
Bhato vā no bharissati kiccaɱ vā no karissati

30. Kulavaɱso ciraɱ ṭhassati4 dāyajjaɱ paṭijjati,
Athavā pana petānaɱ dakkhiṇaɱ anupadassati.

31. Ṭhānānetāni sampassaɱ puttaɱ icchanti paṇḍitā,
Tasmā santo sappurisā kataññū katavedino,

32. Bharanti mātāpitaro pubbe katamanussaraɱ,
[page 044] karonti nesaɱ kiccāni yathā taɱ pubbakārinaɱ

33. Ovādakārī bhataposī kulavaɱsaɱ ahāpayaɱ,
Saddho sīlena sampanno putto hoti pasaɱsiyoti

1. Chāyanthino sīmu. 2. Parinibbātanāsavoti syā
3. Pañcaṭṭhānāni syā 4. Tiṭṭhe machasaɱ, syā

[BJT Page 068]
5. 1. 4. 10
(Mahāsālasuttaɱ)

40. Himavantaɱ bhikkhave pabbatarājaɱ nissāya mahāsālā pañcahi vaḍḍhihi vaḍḍhanti. Katamāhi pañcahi?
Sākhāpattapalāsena vaḍḍhanti. Tacena vaḍḍhanti. Papaṭikāya vaḍḍhanti. Pheggunā vaḍḍhanti. Sārena vaḍḍhanti. Himavantaɱ bhikkhave pabbatarājaɱ nissāya mahāsālā imāhi pañcahi vaḍḍhīhi vaḍḍhanti.
Evameva kho bhikkhave saddhaɱ kulapatiɱ1 nissāya antojano pañcahi vaḍḍhīhi vaḍḍhati. Katamāhi pañcahi?
Saddhāya vaḍḍhati sīlena vaḍḍhati. Sutena vaḍḍhati cāgena vaḍḍhati. Paññāya vaḍḍhati. Saddhaɱ bhikkhave kulapatiɱ nissāya antojano imāhi pañcahi vaḍḍhīhi vaḍḍhatīti.

34. Yathā ca2 pabbato selo araññasmiɱ brahāvane,
Taɱ rukkhā upanissāya vaḍḍhante te vanappatī.

35. Tatheva sīla sampannaɱ saddhaɱ kulapatiɱ3 idha4,
Upanissāya vaḍḍhanti puttadārā ca bandhavā,
Amaccā ñātisaŋghā ca ye cassa anujīvino.

36. Tassa sīlavato sīlaɱ cāgaɱ sucaritāni ca,
Passamānānukubbanti ye bhavanti civakkhaṇā.

37. Idha dhammaɱ caritvāna maggaɱ sugatigāminaɱ,
Nandino devalokasmiɱ modanti kāmakāminoti.

Sumanāvaggo catuttho.

Tassuddānaɱ:
Sumanā cundī uggaho sīhadānānisaɱsayo
Kāla bhojana saddhāya puttasālehi te dasāti.

1. Kulaputtaɱ machasaɱ 2. Yathāhi syāmachasaɱ.
3. Kulaputtaɱ machasaɱ, syā 4. Imaɱ machasaɱ

[BJT Page 070]
5. Muṇḍarājavaggo
5. 1. 5. 1
(Pañcabhogaādiyasuttaɱ)

41. [page 045] ekaɱ samayaɱ bhagavā sāvatthiyaɱ viharati jetavane anāthapiṇḍikassa ārāme. Atha kho anāthapiṇḍiko gahapati yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinnaɱ kho anāthapiṇḍikaɱ gahapatiɱ bhagavā etadavoca:

Pañcime gahapati bhogānaɱ ādiyā. Katame pañca?
Idha gahapati ariyasāvako uṭṭhānaviriyādhigatehi bhogehi bāhābalaparicitehi sedāvakkhittehi dhammikehi dhammaladdhehi attānaɱ sukheti, pīṇeti, sammā sukhaɱ pariharati. Mātāpitaro sukheti, pīṇeti, sammā sukhaɱ pariharati. Puttadāradāsakammakaraporise sukheti, pīṇeti, sammā sukhaɱ pariharati. Ayaɱ paṭhamo bhogānaɱ ādiyo.

Puna ca paraɱ gahapati ariyasāvako uṭṭhānaviriyādhigatehi bhogehi bāhābalaparicitehi sedāvakkhittehi dhammikehi dhammaladdhehi mittāmacce sukheti, pīṇeti, sammā sukhaɱ pariharati. Ayaɱ dutiyo bhogānaɱ ādiyo.

Puna ca paraɱ gahapati ariyasāvako uṭṭhānaviriyādhigatehi bhogehi bāhābalaparicitehi sedāvakkhittehi dhammikehi dhammaladdhehi yā tā honti āpadā aggito vā udakato vā rājato vā coratovā appiyato vā dāyādato, tathārūpāsu āpadāsu bhogehi pariyodhāya vattati, sotthiɱ attānaɱ karoti. Ayaɱ tatiyo bhogānaɱ ādiyo.

Puna ca paraɱ gahapati ariyasāvako uṭṭhānaviriyādhigatehi bhogehi bāhābalaparicitehi sedāvakkhittehi dhammikehi dhammaladdhehi pañca balīkattā hoti: ñātibaliɱ, athitibaliɱ pubbapetabaliɱ, rājabaliɱ, devatābaliɱ. Ayaɱ catuttho bhogānaɱ ādiyo.

Puna ca paraɱ gahapati ariyasāvako uṭṭhānaviriyādhigatehi bhogehi bāhābalaparicitehi sedācakkhittehi dhammikehi [page 046] dhammaladdhehi ye te samaṇabrāhmaṇā madappamādā paṭiviratā khantisoracce niviṭṭhā ekamantānaɱ damenti, ekamantānaɱ samenti, ekamantānaɱ parinibbāpenti, tathārūpesu samaṇabrāhmaṇesu uddhaggikaɱ dakkhiṇaɱ patiṭṭhāpeti sovaggikaɱ sukhavipākaɱ saggasaɱvattanikaɱ. Ayaɱ pañcamo bhogānaɱ ādiyo:

Ime kho gahapati pañca bhogānaɱ ādiyā.

[BJT Page 072]
Tassa ce gahapati ariyasāvakassa ime pañca bhogānaɱ ādiye ādiyato bhogā parikkhayaɱ gacchanti, tassa evaɱ hoti: ye vata bhogānaɱ ādiyā, te cāhaɱ ādiyāmi. Bhogā ca me parikkhayaɱ gacchantī"ti. Itissa hoti avippaṭisāro. Tassa ce gahapati ariyasāvakassa ime pañca bhogānaɱ ādiye ādiyato bhogā abhivaḍḍhanti, tassa evaɱ hoti: ye vata bhogānaɱ ādiyā, te cāhaɱ ādiyāmi bhogā ca me abhivaḍḍhantī"ti itissa hoti ubhayeneva avippaṭisāroti. 1

38. Bhuttā bhogā bhatā bhaccā vitiṇṇā āpadāsu me,
Uddhato dakkhiṇā dinnā atho pañca balī katā.
Upaṭṭhitā sīlavanto saññatā brahmacārayo.

39. Yadatthaɱ bhogaɱ iccheyya paṇḍito gharamāvasaɱ,
So me attho anuppatto kataɱ ananutappiyaɱ.

40. Etaɱ anussaraɱ macco ariyadhamme ṭhito naro
Idheva naɱ pasaɱsanti pecca sagge pamodatīti. 2

5. 1. 5. 2
(Sappurisasuttaɱ)
(Sāvatthinidānaɱ)

42. Sappuriso bhikkhave kule jāyamāno bahuno janassa atthāya hitāya sukhāya hoti. Mātāpitunnaɱ3 atthāya hitāya sukhāya hoti puttadārassa atthāya hitāya sukhāya hoti. Dāsakammakaraporisassa atthāya hitāya sukhāya hoti. Mittāmaccānaɱ atthāya hitāya sukhāya hoti. Samaṇabrāhmaṇānaɱ atthāya hitāya sukhāya hoti.

Seyyathāpi bhikkhave mahāmegho sabbasassāni sampādento bahunojanassa atthāya hitāya sukhāya hoti:evameva [page 047] kho bhikkhave sappuriso kule jāyamāno bahuno janassa atthāya hitāya sukhāya hoti: mātāpitunnaɱ atthāya hitāya sukhāya hoti. Puttadārassa atthāya hitāya sukhāya hoti. Dāsakammakaraporisassa atthāya hitāya sukhāya hoti. Mittāmaccānaɱ atthāya hitāya sukhāya hoti. Samaṇabrāhmaṇānaɱ atthāya hitāya sukhāya hotīti.

41. Hito bahunnaɱ paṭipajja bhoge taɱ devatā rakkhati devaguttaɱ,
Bahussutaɱ sīlavatupapannaɱ dhamme ṭhitaɱ na vijahāti4 kitti.

42. Dhammaṭṭhaɱ sīlasampannaɱ saccavādiɱ hirīmanaɱ,
Nekkhaɱ jambonadasseva ko taɱ ninditumarahati,
Devāpi naɱ pasaɱsanti brahmunāpi pasaɱsitoti.

1. Itissa hoti avippaṭisāro syā 2. Sagge ca modatīti sīmu.
3. Mātāpitūnaɱ machasaɱ 4. Vijahati machasaɱ.

[BJT Page 074]
5. 1. 5. 3
(Pañcaiṭṭhadhammasuttaɱ)

(Sāvatthi nidānaɱ)

43. Atha kho anāthapiṇḍiko gahapati yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinnaɱ kho anāthapiṇḍikaɱ gahapatiɱ bhagavā etadavoca:
Pañcime gahapati dhammā iṭṭhā kantā manāpā dullabhā lokasmiɱ. Katame pañca?

Āyu kho gahapati iṭṭho kanto manāpo dullabho lokasmiɱ. Vaṇṇo iṭṭho kanto manāpo dullabho lokasmiɱ. Sukhaɱ iṭṭhaɱ kantaɱ manāpaɱ dullabhaɱ lokasmiɱ. Yaso iṭṭho kanto manāpo dullabho lokasmiɱ. Saggā iṭṭhā kantā manāpā dullabhā lokasmiɱ.

Ime kho gahapati pañca dhammā iṭṭhā kantā manāpā dullabhā lokasmiɱ.

Imesaɱ kho gahapati pañcannaɱ dhammānaɱ iṭṭhānaɱ kantānaɱ manāpānaɱ dullabhānaɱ lokasmiɱ. Na āyācanāhetu vā patthanāhetu vā paṭilābhaɱ vadāmi. Imesaɱ kho gahapati pañcannaɱ iṭṭhānaɱ kantānaɱ manāpānaɱ dullabhānaɱ lokasmiɱ āyācanāhetu [page 048] vā patthanāhetu vā paṭilābho abhavissa, ko idha kena hāyetha?

Na kho gahapati arahati ariyasāvako āyuɱ kāmo āyuɱ āyācituɱ vā abhinandituɱ vā āyussa vā pihetuɱ. Āyukāmena gahapati ariyasāvakena āyusaɱvattanikā paṭipadā paṭipajjitabbā. Āyusaɱvattanikā hissa paṭipadā paṭipannā āyupaṭilābhāya saɱvattati. So lābhī hoti āyussa dibbassa vā mānusassa vā.

Na kho gahapati arahati ariyasāvako vaṇṇakāmo vaṇṇaɱ āyācituɱ vā abhinandituɱ vā vaṇṇassa vā pihetuɱ. Vaṇṇakāmena gahapati ariyasāvakena vaṇṇasaɱvattanikā paṭipadā paṭipajjitabbā. Vaṇṇasaɱvattanikā hissa paṭipadā paṭipannā vaṇṇapaṭilābhāya saɱvattati. So lābhī hoti vaṇṇassa dibbassa vā mānusassa vā.
Na kho gahapati arahati ariyasāvako sukhakāmo sukhaɱ āyācituɱ vā abhinandituɱ vā sukhassa vā pihetuɱ. Sukhakāmena gahapati ariyasāvakena sukhasaɱvattanikā paṭipadā paṭipajjitabbā. Sukhasaɱvattanikā hissa paṭipadā paṭipannā sukhapaṭilābhāya saɱvattati. So lābhī hoti sukhassa dibbassa vā mānusassa vā.

[BJT Page 076]
Na kho gahapati arahati ariyasāvako yasakāmo yasaɱ āyācituɱ vā abhinandituɱ vā yasassa vā pihetuɱ. Yasakāmena gahapati ariyasāvakena yasasaɱvattanikā paṭipadā paṭipajjitabbā. Yasasaɱvattanikā hissa paṭipadā paṭipannā yasapaṭilābhāya saɱvattati. So lābhī hoti yasassa dibbassa vā mānusassa vā.

Na kho gahapati arahati ariyasāvako saggakāmo saggaɱ āyācituɱ vā abhinandituɱ vā saggānaɱ vā1 pihetuɱ. Saggakāmena gahapati ariyasāvakena saggasaɱvattanikā paṭipadā paṭipajjitabbā. Saggasaɱvattanikā hissa paṭipadā paṭipannā saggapaṭilābhāya saɱvattati. So lābhī hoti saggānanti.

43. Āyuɱ vaṇṇaɱ yasaɱ kittiɱ saggaɱ uccākulīnataɱ,
Ratiyo patthayānena uḷārā aparāparaɱ, 2

44. Appamādaɱ pasaɱsanti puññakiriyāsu paṇḍitā,
[page 049] appamatto ubho atthe adhigaṇhāti paṇḍito.

45. Diṭṭheva dhamme yo attho yo cattho samparāyiko.
Atthābhisamayā dhīro paṇḍitoti pavuccatīti.

5. 1. 5. 4
(Manāpadāyīsuttaɱ)

44. Ekaɱ samayaɱ bhagavā vesāliyaɱ viharati mahāvane kūṭāgārasālāyaɱ. Atha kho bhagavā pubbanhasamayaɱ nivāsetvā pattacīvaramādāya yena uggassa gahapatino vesālikassa nivesanaɱ nenupasaŋkami. Upasaŋkamitvā paññatte āsane nisīdi. Atha kho uggo gahapati vesāliko yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho uggo gahapati vesāliko bhagavantaɱ etadavoca:

"Sammukhā metaɱ3 bhante bhagavato sutaɱ sammukhā paṭiggahītaɱ 'manāpadāyī labhate manāpa'nti. Manāpaɱ me bhante sālapupphakaɱ khādanīyaɱ. Taɱ me bhagavā patigaṇhātu anukampaɱ upādāyā'ti. Paṭiggahesi bhagavā anukampaɱ upādāya.

"Sammukhā metaɱ bhante bhagavato sutaɱ sammukhā paṭiggahītaɱ 'manāpadāyī labhate manāpa'nti manāpaɱ me bhante sampannakolakaɱ, sampannasūkaramaɱsaɱ. 4 Taɱ me bhagavā patigaṇhātu anukampaɱ upādāyā'ti. Paṭiggahesi bhagavā anukampaɱ upādāya.

1. Saggaɱ vā sīmu. 2. Aparāparā machasaɱ
3. Sammukhā etaɱ sīmu 4. Sūkaramaɱsaɱ machasaɱ, sampannavarasūkaramaɱsaɱ syā.

[BJT Page 078]
[page 050]
"Samimukhā metaɱ bhante bhagavato sutaɱ, sammukhā paṭiggahītaɱ 'manāpadāyī labhate manāpa'nti. Manāpaɱ me bhante nibaddhatelakaɱ1 nāḷiyasākaɱ. Taɱ me bhagavā patigaṇhātu anukampaɱ upādāyā"ti. Paṭiggahesi bhagavā anukampaɱ upādāya.
"Sammukhā metaɱ bhante bhagavato sutaɱ, sammukhā paṭiggahītaɱ 'manāpadāyī labhate manāpa'nti. Manāpo me bhante sālīnaɱ odano vicitakāḷako anekasūpo anekabyañjano. Taɱ me bhagavā patigaṇhātu anukampaɱ upādāyā"ti. Paṭiggahesi bhagavā anukampaɱ upādāya.

"Sammukhā metaɱ bhante bhagavato sutaɱ, sammukhā paṭiggahītaɱ 'manāpadāyī labhate manāpa'nti. Manāpāni me bhante kāsikāni vatthāni. Tāni me bhagavā patigaṇhātu anukampaɱ upādāyā"ti. Paṭiggahesi bhagavā anukampaɱ upādāya.

"Sammukhā metaɱ bhante bhagavato sutaɱ, sammukhā paṭiggahītaɱ 'manāpadāyī labhate manāpa'nti. Manāpo me bhante pallaŋko goṇakatthato paṭikatthato paṭalikatthato kādalimigapavarapaccattharaṇo2 sauttaracchado ubhato lohitakūpadhāno. Api ca bhante mayampetaɱ jānāma'netaɱ bhagavato kappatī"ti. Idaɱ me bhante candanaphalakaɱ agghati adhikaɱ sahassaɱ. Taɱ me bhagavā patigaṇhātu anukampaɱ upādāyā"ti paṭiggahesi bhagavā anukampaɱ upādāya.

Atha kho bhagavā uggaɱ gahapatiɱ vesālikaɱ iminā anumodanīyena anumodi:

46. Manāpadāyī labhate manāpaɱ yo ujjubhūtesu dadāti chandasā,
Acchādanaɱ sayanamathannapānaɱ3 nānappakārāni ca paccayāni.

47. Cattañca muttañca anaggahītaɱ4 khettūpame arahante viditvā,
So duccajaɱ sappuriso cajitvā manāpadāyī labhate manāpanti.

Atha kho bhagavā uggaɱ gahapatiɱ vesālikaɱ iminā anumodanīyena anumoditvā uṭṭhāyāsanā pakkāmi. Atha kho uggo gahapati vesāliko aparena samayena kālamakāsi. Kālakato ca uggo gahapati vesāliko aññataraɱ manomayaɱ kāyaɱ upapajjī.

1. Nibbaṭṭatelakaɱ syā, nibbattatelakaɱ sīmu.
2. Kadalimigapavarapaccattharaṇo machasaɱ. Syā.
3. Sayana mantapānaɱ machasaɱ. 4. Anuggahītaɱ syā [PTS]

[BJT Page 080]
Tena kho pana samayena bhagavā sāvatthiyaɱ viharati jetavane anāthapiṇḍikassa ārāme atha kho uggo devaputto abhikkantāya rattiyā abhikkantavaṇṇo [page 051] kevalakappaɱ jetavanaɱ obhāsetvā yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ aṭṭhāsi. Ekamantaɱ ṭhitaɱ kho uggaɱ devaputtaɱ bhagavā etadavoca:

'Kacci te ugga yathādhippāyo'ti 'taggha me bhante yathādhippāyo'ti. Atha kho bhagavā uggaɱ devaputtaɱ gāthāhi ajjhabhāsi:

48. Manāpadāyī labhate manāpaɱ
Aggassa dātā labhate punaggaɱ,
Varassa dātā varalābhi hoti
Seṭṭhandado seṭṭhamupeti ṭhānaɱ.

49. Yo aggadāyī varadāyī seṭṭhadāyī ca yo naro,
Dīghāyu yasavā hoti yattha yatthūpapajjatī"ti.

5. 1. 5. 5
(Puññābhisandasuttaɱ)
(Sāvatthinidānaɱ:)

45. Pañcime bhikkhave puññābhisandā kusalābhisandā sukhassāhārā sovaggikā sukhavipākā saggasaɱvattanikā iṭṭhāya kantāya manāpāya hitāya sukhāya saɱvattanti. Katame pañca?

Yassa bhikkhave bhikkhu cīvaraɱ paribhuñjamāno appamāṇaɱ cetosamādhiɱ upasampajja viharati, appamāṇo tassa puññābhisando sukhassāhāro sovaggiko iṭṭhāya kantāya manāpāya hitāya sukhāya saɱvattati.

Yassa bhikkhave bhikkhu piṇḍapātaɱ paribhuñjamāno appamāṇaɱ cetosamādhiɱ upasampajja viharati, appamāṇo tassa puññāhisando sukhassāhāro sovaggiko iṭṭhāya kantāya manāpāya hitāya sukhāya saɱvattati.

Yassa bhikkhave bhikkhu vihāraɱ paribhuñjamāno appamāṇaɱ cetosamādhiɱ upasampajja viharati, appamāṇo tassa puññābhisando sukhassāhāro sovaggiko iṭṭhāya kantāya manāpāya hitāya sukhāya saɱvattati.

Yassa bhikkhave bhikkhu mañcapīṭhaɱ paribhuñjamāno appamāṇaɱ cetosamādhiɱ upasampajja viharati, appamāṇo tassa puññābhisando sukhassāhāro sovaggiko iṭṭhāya kantāya manāpāya hitāya sukhāya saɱvattati.

Yassa bhikkhave bhikkhu gilānapacchayabhesajjaparikkhāraɱ paribhuñjamāno appamāṇaɱ cetosamādhiɱ [page 052] upasampajja viharati, appamāṇo tassa puññāhisando kusalābhisando sukhassāhāro sovaggiko sukhavipāko saggasaɱvattaniko iṭṭhāya kantāya manāpāya hitāya sukhāya saɱvattati.

Ime kho bhikkhave pañca puññābhisandā kusalābhisandā sukhassāhārā sovaggikā sukhavipākā saggasaɱvattanikā iṭṭhāya kantāya manāpāya hitāya sukhāya saɱvattanti.

Imehi ca pana bhikkhave pañcahi puññāhisandehi kusalābhisandehi samannāgatassa ariyasāvakassa na sukaraɱ puññassa pamāṇaɱ gahetuɱ: "ettako puññāhisando kusalābhisando sukhassāhāro sovaggiko sukhavipāko saggasaɱvattaniko iṭṭhāya kantāya manāpāya hitāya sukhāya saɱvattatī"ti. Atha kho asaŋkheyyo appameyyo mahāpuññakkhandhotveva saŋkhaɱ gacchati.

[BJT Page 082]
Seyyathāpi bhikkhave mahasamudde na sukaraɱ udakassa pamāṇaɱ gahetuɱ 'ettakāni udakāḷhakānīti vā ettakāni udakāḷhakasatānīti vā ettakāni udakāḷhaka satasahassānī'ti vā. Atha kho asaŋkheyyo appameyyo mahāudakakkhandho tveva saŋkhaɱ gacchati. Evameva kho bhikkhave imehi pañcahi puññābhisandehi kusalābhisandehi samannāgatassa ariyasāvakassa na sukaraɱ puññassa pamāṇaɱ gahetuɱ 'ettako puññābhisando kusalābhisando sukhassāhāro sovaggiko sukhavipāko saggasaɱvattaniko iṭṭhāya kantāya manāpāya hitāya sukhāya saɱvattatī'ti. Atha kho asaŋkheyyo appameyyo mahāpuññakkhandho tveva saŋkhaɱ gacchatīti.

50. Mahodadhiɱ aparimitaɱ mahāsaraɱ
Bahubheravaɱ ratanagaṇānamālayaɱ,
Najjo yathā naragaṇa saŋghasevitā1
Puthū savantī upayanti sāgaraɱ.

51. [page 053] evaɱ naraɱ annadapānavatthadaɱ
Seyyā nisajjattharaṇassa dāyakaɱ,
Puññassa dhārā upayanti paṇḍitaɱ
Najjo yathā vārivahāva sāgaranti.

5. 1. 5. 6
(Pañcasampadāsuttaɱ)

(Sāvatthinidānaɱ)

46. Pañcimā bhikkhave sampadā. Katamā pañca? Saddhāsampadā, sīlasampadā, sutasampadā, cāgasampadā, paññāsampadā. Imā kho bhikkhave pañca sampadāti.

5. 1. 5. 7
(Pañcadhanasuttaɱ)
(Sāvatthinidānaɱ)

47. Pañcimāni bhikkhave dhanāni. Katamāni pañca? Saddhādhanaɱ, sīladhanaɱ, sutadhanaɱ, cāgadhanaɱ, paññādhanaɱ

Katamañca bhikkhave saddhādhanaɱ? Idha bhikkhave ariyasāvako saddho hoti, saddahati tathāgatassa bodhiɱ: "itipi so bhagavā arahaɱ sammā sambuddho vijjācaraṇasampanno sugato lokavidu anuttaro purisadammasārathī satthā devamanussānaɱ buddho bhagavā"ti. Idaɱ vuccati bhikkhave saddhādhanaɱ.

Katamañca bhikkhave sīladhanaɱ? Idha bhikkhave ariyasāvako pāṇātipātā paṭivirato hoti adinnādānā paṭivirato hoti kāmesu micchācārā paṭivirato hoti musāvādā paṭivirato hoti surāmerayamajjapamādaṭṭhānā paṭivirato hoti idaɱ vuccati bhikkhave sīladhanaɱ.

Katamañca bhikkhave sutadhanaɱ? Idha bhikkhave ariyasāvako bahussuto hoti. Sutadharo sutasannicayo (ye te dhammā ādikalyāṇā majjhekalyāṇā pariyosānakalyāṇā sātthaɱ savyañjanaɱ kevalaparipuṇṇaɱ brahmacariyaɱ pakāsenti. Tathārūpāssa dhammā bahussutā honti dhatā vacasā paricitā manasānupekkhitā diṭṭhiyā suppaṭividdhā. Idaɱ vuccati bhikkhave sutadhanaɱ.

1. Macchagaṇasaŋghasevitā syā
Peyyālamukhehi saŋkhittaɱ catukkanipāte uruvelavagge dutiyasutte āgatanayena veditabbaɱ (piṭṭhaŋko 46)

[BJT Page 084]
Katamañca bhikkhave cāgadhanaɱ? Idha bhikkhave ariyasāvako vigatamala maccherena cetasā agāraɱ ajjhāvasati muttacāgo payatapāṇī vossaggarato yācayogo dānasaɱvibhāgarato. Idaɱ vuccati bhikkhave cāgadhanaɱ.

Katamañca bhikkhave paññādhanaɱ? Idha bhikkhave ariyasāvako paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā. Idaɱ vuccati bhikkhave paññādhanaɱ.
Imāni kho bhikkhave pañca dhanānīti.

52. [page 054] yassa saddhā tathāgate acalā suppatiṭṭhitā,
Sīlañca yassa kalyāṇaɱ ariyakantaɱ pasaɱsitaɱ.

53. Saŋghe pasādo yassatthi ujubhūtañca dassanaɱ,
Adaliddoti taɱ āhu amoghaɱ tassa jīvitaɱ.

54. Tasmā saddhañca sīlañca pasādaɱ dhammadassanaɱ,
Anuyuñjetha medhāvī saraɱ buddhānasāsanaɱ.

5. 1. 5. 8
(Alabbhanīyaṭhānasuttaɱ)
(Sāvatthinidānaɱ)

48. Pañcimāni bhikkhave alabbhanīyāni ṭhānāni samaṇena vā brāhmaṇena vā devena vā mārena vā brahmunā vā kenaci vā lokasmiɱ. Katamāni pañca?

'Jarādhammaɱ mā jīrīti' alabbhanīyaɱ ṭhānaɱ samaṇena vā brāhmaṇena vā devena vā mārena vā brahmunā vā kenaci vā lokasmiɱ. 'Vyādhidhammaɱ mā vyādhīyī'ti alabbhanīyaɱ ṭhānaɱ samaṇena vā brāhmaṇena vā devena vā mārena vā brahmunā vā kenaci vā lokasmiɱ. 'Maraṇadhammaɱ mā mīyī, ti alabbhanīyaɱ ṭhānaɱ samaṇena vā brāhmaṇena vā devena vā mārena vā brahmunā vā kenavi vā lokasmiɱ. Khayadhammaɱ mā khīyī'ti alabbhaniyaɱ ṭhānaɱ samaṇena vā brāhmaṇena vā devena vā mārena vā brahmunā vā kenaci vā lokasmiɱ. Nassanadhammaɱ mā nassī'ti alabbhanīyaɱ ṭhānaɱ samaṇena vā brāhmaṇena vā devena vā mārena vā brahmunā vā kenaci vā lokasmiɱ.

Assutavato bhikkhave puthujjanassa jarādhammaɱ jīrati. So jarādhamme jiṇṇe na iti paṭisañcikkhati: na kho mayhamevekassa1 jarādhammaɱ jīrati. Atha kho yāvatā sattānaɱ āgati, gati, cuti, upapatti' sabbesaɱ sattānaɱ jarādhammaɱ jīrati. Ahañceva kho pana jarādhamme jiṇṇe soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāyepi dubbaṇṇiyaɱ okkameyya. Kammantāpi nappavatteyyuɱ. Amittāpi attamanā assu. Mittāpi dummanā assū' ti. So jarādhamme jiṇṇe socati, kilamati, paridevati, urattāḷiɱ kandati, sammohaɱ āpajjati. Ayaɱ vuccati bhikkhave, assutavā puthujjano viddho savisena sokasallena attānaɱ yeva paritāpeti.

1. Mayhevekassa syā, machasaɱ.

[BJT Page 086]

Puna ca paraɱ bhikkhave assutavato puthujjanassa [page 055] byādhidhammaɱ byādhīyati so byādhidhamme byādhite na iti paṭisañcikkhati: "na kho mayhamevekassa byādhidhammaɱ byādhīyati. Atha kho yāvatā sattānaɱ āgati, gati, cuti, uppatti, sabbesaɱ sattānaɱ byādhidhammaɱ byādhīyati. Ahañceva kho pana byādhidhamme byādhite soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāyepi dubbaṇṇiyaɱ okkameyya. Kammantāpi nappavatteyyuɱ. Amittāpi attamanā assu. Mittāpi dummanā assū"ti. So byādhidhamme byādhite socati, kilamati, paridevati, urattāḷiɱ kandati, sammohaɱ āpajjati. Ayaɱ vuccati
Bhikkhave assutavā puthujjano viddho savisena sokasallena attānaɱ yeva paritāpeti.

Puna ca paraɱ bhikkhave assutavato puthujjanassa maraṇadhammaɱ mīyati so maraṇadhamme mate na iti paṭisañcikkhati: "na kho mayhamevekassa maraṇadhammaɱ mīyati. Atha kho yāvatā sattānaɱ āgati, gati, cuti, upapatti, sabbesaɱ sattānaɱ maraṇadhammaɱ mīyati. Ahañceva kho pana maraṇadhamme mate soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāyepi dubbaṇṇiyaɱ okkameyya. Kammantāpi nappavatteyyuɱ. Amittāpi attamanā assu. Mittāpi dummanā assū"ti. So maraṇadhamme mate socati, kilamati, paridevati, urattāḷiɱ kandati, sammohaɱ āpajjati. Ayaɱ vuccati bhikkhave assutavā puthujjano viddho savisena sokasallena attānaɱ yeva paritāpeti.

Puna ca paraɱ bhikkhave assutavato puthujjanassa khayadhammaɱ khīyati so khayadhamme khīṇe na iti paṭisañcikkhati: "na kho mayhamevekassa khayadhammaɱ khīyati. Atha kho yāvatā sattānaɱ āgati, gati, cuti, upapatti, sabbesaɱ sattānaɱ khayadhammaɱ khīyati. Ahañceva kho pana khayadhamme khīṇe soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāyepi dubbaṇṇiyaɱ okkameyya. Kammantāpi nappavatteyyuɱ. Amittāpi attamanā assu. Mittāpi dummanā assū "ti. So khayadhamme khīṇe socati, kilamati, paridevati urattāḷiɱ kandati. Sammohaɱ āpajjati. Ayaɱ vuccati bhikkhave assutavā puthujjano viddho savisena sokasallena attānaɱ yeva paritāpeti.

Puna ca paraɱ bhikkhave assutavato puthujjanassa nassanadhammaɱ nassati. So nassanadhamme naṭṭhe na iti paṭisañcikkhati: " na kho mayhamevakassa nassanadhammaɱ nassati. Atha kho yāvatā sattānaɱ āgati, gati, cuti, upapatti, sabbesaɱ sattānaɱ nassanadhammaɱ nassati. Ahañcema kho pana nassanadhamme naṭṭhe soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāyepi dubbaṇṇiyaɱ okkameyya. Kammantāpi nappavatteyyuɱ. Amittāpi attamanā assu. Mittāpi dummanā assū"ti. So nassanadhamme naṭṭhe socati, kilamati, paridevati, urattāḷiɱ kandati, sammohaɱ āpajjati. Ayaɱ vuccati bhikkhave assutavā puthujjano viddho savisena sokasallena attānaɱ yeva paritāpeti.

Sutavato ca kho bhikkhave ariyasāvakassa jarādhammaɱ jīrati. So jarādhamme jiṇṇe iti paṭisañcikkhati: "na kho mayhamevekassa jarādhammaɱ jīrati. Atha kho yāvatā sattānaɱ āgati, gati, cuti, uppatti, sabbesaɱ sattānaɱ jarādhammaɱ jīrati. Ahañceva kho pana jarādhamme jiṇṇe soceyyaɱ. Kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāyepi dubbaṇṇiyaɱ okkameyya, kammantāpi nappavatteyyuɱ. Amittāpi attamanā assu. Mittāpi dummanā assū"ti. So jarādhamme jiṇṇe na socati, na kilamati, na paridevati, na urattāḷiɱ kandati, na sammohaɱ āpajjati. Ayaɱ vuccati bhikkhave ariyasāvako abbahī1 savisaɱ sokasallaɱ yena viddho assutavā puthujjano attānaɱ yeva paritāpeti. Asoko visallo ariyasāvako attānaɱ yeva parinibbāpeti.

Puna ca paraɱ bhikkhave sutavato ariyasāvakassa vyādhidhammaɱ vyādhīyati so vyādhidhamme vyādhite itipaṭisañcikkhati:"na kho mayhamevekassa vyādhidhammaɱ vyādhīyati. Atha kho yāvatā sattānaɱ āgati, gati, cuti, upapatti, sabbesaɱ sattānaɱ vyādhidhammaɱ vyādhīyati. Ahañceva kho pana vyādhidhamme vyādhite soceyyaɱ, kilameyyaɱ, parideveyyaɱ urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāye pi dubbaṇṇiyaɱ okkameyya. Kammantāpi nappavatteyyuɱ. Amittāpi attamanā assu. Mittāpi dummanā assū"ti. So vyādhidhamme vyādhite na socati, na kilamati na paridevati, na urattāḷiɱ kandati, na sammohaɱ āpajjati. Ayaɱ vuccati bhikkhave sutavā ariyasāvako abbahī1 savisaɱ sokasallaɱ yena viddho assutavā puthujjano attānaɱ yeva paritāpeti. Asoko visallo ariyasāvako attānaɱ yeva parinibbāpeti.

Puna ca paraɱ bhikkhave sutavato ariyasāvakassa maraṇadhammaɱ mīyati so maraṇadhamme mate itipaṭisañcikkhati:"na kho mayhamevekassa maraṇadhammaɱ mīyati. Atha kho yāvatā sattānaɱ āgati, gati, cuti, upapatti, sabbesaɱ maraṇadhammaɱ mīyati. Ahañceva kho pana maraṇadhamme mate soceyyaɱ, kilameyyaɱ, parideveyyaɱ urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāye pi dubbaṇṇiyaɱ okkameyya. Kammantāpi nappavatteyyuɱ. Amittāpi attamanā assu. Mittāpi dummanā assū"ti. So maraṇadhamme mate na socati, na kilamati na paridevati, na urattāḷiɱ kandati, na sammohaɱ āpajjati. Ayaɱ vuccati bhikkhave sutavā ariyasāvako abbahī1 savisaɱ sokasallaɱ yena viddho assutavā puthujjano attānaɱ yeva paritāpeti. Asoko visallo ariyasāvako attānaɱ yeva parinibbāpeti.

Puna ca paraɱ bhikkhave sutavato ariyasāvakassa khayadhammaɱ khīyati so khayadhamme khīṇe itipaṭisañcikkhati:"na kho mayhamevekassa khayadhammaɱ khīyati. Atha kho yāvatā sattānaɱ āgati, gati, cuti, upapatti, sabbesaɱ khayadhammaɱ [page 056] khīyati. Ahañceva kho pana khayadhamme khīṇe soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāyepi dubbaṇṇiyaɱ okkameyya. Kammantāpi nappavatteyyaɱ. Amittāpi attamanā assu. Mittāpi dummanā assū "ti. So khayadhamme khīṇe na socati. Na kilamati na paridevati, na urattāḷiɱ kandati, na sammohaɱ āpajjati. Ayaɱ vuccati bhikkhave ariyasāvako abbahī savisaɱ sokasallaɱ yena viddho assutavā puthujjano attānaɱ yeva paritāpeti. Asoko visallo ariyasāvako attānaɱ yeva parinibbāpeti.

Puna ca paraɱ bhikkhave sutavato ariyasāvakassa nassanadhammaɱ nassati. So nassanadhamme naṭṭhe iti paṭisañcikkhati: " na kho mayhamevekassa nassanadhammaɱ nassati. Atha kho yāvatā sattānaɱ āgati, gati, cuti, upapatti, sabbesaɱ nassanadhammaɱ nassati. Ahañceva kho pana nassanadhamme naṭṭhe soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāye pi dubbaṇṇiyaɱ okkameyya. Kammantāpi nappavatteyyuɱ. Amittāpi attamanā assu. Mittāpi dummanā assū"ti. So nassanadhamme naṭṭhe khīṇe na socati, na kilamati na paridevati, na urattāḷiɱ kandati, na sammohaɱ āpajjati. Ayaɱ vuccati bhikkhave sutavā ariyasāvako abbahī1 savisaɱ sokasallaɱ yena viddho assutavā puthujjano attānaɱ yeva paritāpeti. Asoko visallo ariyasāvako attānaɱ yeva parinibbāpetīti.

1. Abbuhi syā, machasaɱ

[BJT Page 088]

Imāni kho bhikkhave pañca alabbhanīyāni ṭhānāni samaṇena vā brāhmaṇena devena vā mārena vā brahmunā kenaci vā lokasminti.

55. Na socanāya na paridevanāya attho alabbho1 api appakopi,
Socantamenaɱ dukhitaɱ viditvā2 paccatthikā attamanā bhavanti.

56. Yato ca kho paṇḍito āpadāsu na vedhati attavinicchayaññū,
Paccatthikāssa dukhitā bhavanti disvā mukhaɱ avikāraɱ purāṇaɱ.

57. Jappena mantena subhāsitena anuppadānena paveṇiyā ca,
Yathā yathā yattha labhetha atthaɱ tathā tathā tattha parakkameyya.

58. Sace pajāneyya alabbhaneyyo mayā ca 3 aññena vā esa attho
Asocamāno adhivāsayeyya kammaɱ daḷhaɱ kinti karomi'dānīti. [page 057]

5. 1. 5. 9.
(Kosala suttaɱ)

49. Ekaɱ samayaɱ bhagavā sāvatthiyaɱ viharati jetavane anāthapiṇḍikassa ārāme. Atha kho rājā pasenadi kosalo yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi.

() Atha kho aññataro puriso yena rājā pasenadi kosalo tenupasaŋkami. Upasaŋkamitvā rañño pasenadissa kosalassa upakaṇṇake ārocesi. "Mallikādevī deva5 kālakatā"ti.

Evaɱ vutte rājā pasenadi kosalo dukkhī dummano pattakkhandhoadhomukho pajjhāyanto appaṭibhāno nisīdi.

Atha kho bhagavā rajānaɱ pasenadiɱ kosalaɱ dukkhiɱ dummanaɱ pattakkhandhaɱ adhomukhaɱ pajjhāyantaɱ appaṭibhānaɱ viditvā rājānaɱ pasenadiɱ kosalaɱ etadavoca:

Pañcimāni bhikkhave alabbhanīyāni ṭhānāni samaṇena vā brāhmaṇena vā devena vā mārena vā brahmunā vā kenaci vā lokasmiɱ. Katamāni pañca?

'Jarādhammaɱ mā jīrīti' alabbhanīyaɱ ṭhānaɱ samaṇena vā brāhmaṇena vā devena vā mārena vā brahmunā vā kenaci vā lokasmiɱ. 'Vyādhidhammaɱ mā vyādhīyī'ti alabbhanīyaɱ ṭhānaɱ samaṇena vā brāhmaṇena vā devena vā mārena vā brahmunā vā kenaci vā lokasmiɱ. 'Maraṇadhammaɱ mā mīyī, ti alabbhanīyaɱ ṭhānaɱ samaṇena vā brāhmaṇena vā devena vā mārena vā brahmunā vā kenavi vā lokasmiɱ. Khayadhammaɱ mā khīyī'ti alabbhaniyaɱ ṭhānaɱ samaṇena vā brāhmaṇena vā devena vā mārena vā brahmunā vā kenaci vā lokasmiɱ. Nassanadhammaɱ mā nassī'ti alabbhanīyaɱ ṭhānaɱ samaṇena vā brāhmaṇena vā devena vā mārena vā brahmunā vā kenaci vā lokasmiɱ.

Assutavato mahārāja puthujjanassa jarādhammaɱ jīrati. So jarādhamme jiṇṇe na iti paṭisañcikkhati: na kho mayhamevekassa jarādhammaɱ jīrati. Atha kho yāvatā sattānaɱ āgati, gati, cuti, upapatti' sabbesaɱ sattānaɱ jarādhammaɱ jīrati. Ahañceva kho pana jarādhamme jiṇṇe soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāyepi dubbaṇṇiyaɱ okkameyya. Kammantāpi nappavatteyyuɱ. Amittāpi attamanā assu. Mittāpi dummanā assū' ti. So jarādhamme jiṇṇe socati, kilamati, paridevati, urattāḷiɱ kandati, sammohaɱ āpajjati. Ayaɱ vuccati mahārāja, assutavā puthujjano viddho savisena sokasallena attānaɱ yeva paritāpeti.

Puna ca paraɱ mahārāja assutavato puthujjanassa byādhidhammaɱ byādhīyati so byādhidhamme byādhite na iti paṭisañcikkhati: "na kho mayhamevekassa byādhidhammaɱ byādhīyati. Atha kho yāvatā sattānaɱ āgati, gati, cuti, uppatti, sabbesaɱ sattānaɱ byādhidhammaɱ byādhīyati. Ahañceva kho pana byādhidhamme byādhite soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāyepi dubbaṇṇiyaɱ okkameyya. Kammantāpi nappavatteyyuɱ. Amittāpi attamanā assu. Mittāpi dummanā assū"ti. So byādhidhamme byādhite socati, kilamati, paridevati, urattāḷiɱ kandati, sammohaɱ āpajjati. Ayaɱ vuccati
Mahārāja, assutavā puthujjano viddho savisena sokasallena attānaɱ yeva paritāpeti.

Puna ca paraɱ mahārāja assutavato puthujjanassa maraṇadhammaɱ mīyati so maraṇadhamme mate na iti paṭisañcikkhati: "na kho mayhamevekassa maraṇadhammaɱ mīyati. Atha kho yāvatā sattānaɱ āgati, gati, cuti, upapatti, sabbesaɱ sattānaɱ maraṇadhammaɱ mīyati. Ahañceva kho pana maraṇadhamme mate soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāyepi dubbaṇṇiyaɱ okkameyya. Kammantāpi nappavatteyyuɱ. Amittāpi attamanā assu. Mittāpi dummanā assū"ti. So maraṇadhamme mate socati, kilamati, paridevati, urattāḷiɱ kandati, sammohaɱ āpajjati. Ayaɱ vuccati mahārāja, assutavā puthujjano viddho savisena sokasallena attānaɱ yeva paritāpeti.

Puna ca paraɱ mahārāja assutavato puthujjanassa khayadhammaɱ khīyati so khayadhamme khīṇe na iti paṭisañcikkhati: "na kho mayhamevekassa khayadhammaɱ khīyati. Atha kho yāvatā sattānaɱ āgati, gati, cuti, upapatti, sabbesaɱ sattānaɱ khayadhammaɱ khīyati. Ahañceva kho pana khayadhamme khīṇe soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāyepi dubbaṇṇiyaɱ okkameyya. Kammantāpi nappavatteyyuɱ. Amittāpi attamanā assu. Mittāpi dummanā assū "ti. So khayadhamme khīṇe socati, kilamati, paridevati urattāḷiɱ kandati. Sammohaɱ āpajjati. Ayaɱ vuccati mahārāja, assutavā puthujjano viddho savisena sokasallena attānaɱ yeva paritāpeti.

Puna ca paraɱ mahārāja, assutavato puthujjanassa nassanadhammaɱ nassati. So nassanadhamme naṭṭhe na iti paṭisañcikkhati: " na kho mayhamevakassa nassanadhammaɱ nassati. Atha kho yāvatā sattānaɱ āgati, gati, cuti, upapatti, sabbesaɱ sattānaɱ nassanadhammaɱ nassati. Ahañcema kho pana nassanadhamme naṭṭhe soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāyepi dubbaṇṇiyaɱ okkameyya. Kammantāpi nappavatteyyuɱ. Amittāpi attamanā assu. Mittāpi dummanā assū"ti. So nassanadhamme naṭṭhe socati, kilamati, paridevati, urattāḷiɱ kandati, sammohaɱ āpajjati. Ayaɱ vuccati mahārāja, assutavā puthujjano viddho savisena sokasallena attānaɱ yeva paritāpeti.

Sutavato ca kho mahārāja, ariyasāvakassa jarādhammaɱ jīrati. So jarādhamme jiṇṇe iti paṭisañcikkhati: "na kho mayhamevekassa jarādhammaɱ jīrati. Atha kho yāvatā sattānaɱ āgati, gati, cuti, uppatti, sabbesaɱ sattānaɱ jarādhammaɱ jīrati. Ahañceva kho pana jarādhamme jiṇṇe soceyyaɱ. Kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāyepi dubbaṇṇiyaɱ okkameyya, kammantāpi nappavatteyyuɱ. Amittāpi attamanā assu. Mittāpi dummanā assū"ti. So jarādhamme jiṇṇe na socati, na kilamati, na paridevati, na urattāḷiɱ kandati, na sammohaɱ āpajjati. Ayaɱ vuccati mahārāja, ariyasāvako abbahī1 savisaɱ sokasallaɱ yena viddho assutavā puthujjano attānaɱ yeva paritāpeti. Asoko visallo ariyasāvako attānaɱ yeva parinibbāpeti.

Puna ca paraɱ mahārāja sutavato ariyasāvakassa vyādhidhammaɱ vyādhīyati so vyādhidhamme vyādhite itipaṭisañcikkhati:"na kho mayhamevekassa vyādhidhammaɱ vyādhīyati. Atha kho yāvatā sattānaɱ āgati, gati, cuti, upapatti, sabbesaɱ sattānaɱ vyādhidhammaɱ vyādhīyati. Ahañceva kho pana vyādhidhamme vyādhite soceyyaɱ, kilameyyaɱ, parideveyyaɱ urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāye pi dubbaṇṇiyaɱ okkameyya. Kammantāpi nappavatteyyuɱ. Amittāpi attamanā assu. Mittāpi dummanā assū"ti. So vyādhidhamme vyādhite na socati, na kilamati na paridevati, na urattāḷiɱ kandati, na sammohaɱ āpajjati. Ayaɱ vuccati mahārāja, sutavā ariyasāvako abbahī savisaɱ sokasallaɱ yena viddho assutavā puthujjano attānaɱ yeva paritāpeti. Asoko visallo ariyasāvako attānaɱ yeva parinibbāpeti.

Puna ca paraɱ mahārāja sutavato ariyasāvakassa maraṇadhammaɱ mīyati so maraṇadhamme mate itipaṭisañcikkhati: "na kho mayhamevekassa maraṇadhammaɱ mīyati. Atha kho yāvatā sattānaɱ āgati, gati, cuti, upapatti, sabbesaɱ maraṇadhammaɱ mīyati. Ahañceva kho pana maraṇadhamme mate soceyyaɱ, kilameyyaɱ, parideveyyaɱ urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāye pi dubbaṇṇiyaɱ okkameyya. Kammantāpi nappavatteyyuɱ. Amittāpi attamanā assu. Mittāpi dummanā assū"ti. So maraṇadhamme mate na socati, na kilamati na paridevati, na urattāḷiɱ kandati, na sammohaɱ āpajjati. Ayaɱ vuccati mahārāja, sutavā ariyasāvako abbahī savisaɱ sokasallaɱ yena viddho assutavā puthujjano attānaɱ yeva paritāpeti. Asoko visallo ariyasāvako attānaɱ yeva parinibbāpeti.

Puna ca paraɱ mahārāja sutavato ariyasāvakassa khayadhammaɱ khīyati so khayadhamme khīṇe itipaṭisañcikkhati:"na kho mayhamevekassa khayadhammaɱ khīyati. Atha kho yāvatā sattānaɱ āgati, gati, cuti, upapatti, sabbesaɱ khayadhammaɱ khīyati. Ahañceva kho pana khayadhamme khīṇe soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāyepi dubbaṇṇiyaɱ okkameyya. Kammantāpi nappavatteyyaɱ. Amittāpi attamanā assu. Mittāpi dummanā assū "ti. So khayadhamme khīṇe na socati. Na kilamati na paridevati, na urattāḷiɱ kandati, na sammohaɱ āpajjati. Ayaɱ vuccati mahārāja, ariyasāvako abbahī savisaɱ sokasallaɱ yena viddho assutavā puthujjano attānaɱ yeva paritāpeti. Asoko visallo ariyasāvako attānaɱ yeva parinibbāpeti.

Puna ca paraɱ mahārāja sutavato ariyasāvakassa nassanadhammaɱ nassati. So nassanadhamme naṭṭhe iti paṭisañcikkhati: " na kho mayhamevekassa nassanadhammaɱ nassati. Atha kho yāvatā sattānaɱ āgati, gati, cuti, upapatti, sabbesaɱ nassanadhammaɱ nassati. Ahañceva kho pana nassanadhamme naṭṭhe soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāye pi dubbaṇṇiyaɱ okkameyya. Kammantāpi nappavatteyyuɱ. Amittāpi attamanā assu. Mittāpi dummanā assū"ti. So nassanadhamme naṭṭhe khīṇe na socati, na kilamati na paridevati, na urattāḷiɱ kandati, na sammohaɱ āpajjati. Ayaɱ vuccati mahārāja, sutavā ariyasāvako abbahī1 savisaɱ sokasallaɱ yena viddho assutavā puthujjano attānaɱ yeva paritāpeti. Asoko visallo ariyasāvako attānaɱ yeva parinibbāpetīti.

Imāni kho mahārāja, pañca alabbhanīyāni ṭhānāni samaṇena vā brāhmaṇena devena vā mārena vā brahmunā kenaci vā lokasminti.

Na socanāya na paridevanāya attho alabbho api appakopi,
Socantamenaɱ dukhitaɱ viditvā2 paccatthikā attamanā bhavanti.

Yato ca kho paṇḍito āpadāsu na vedhati attavinicchayaññū,
Paccatthikāssa dukhitā bhavanti disvā mukhaɱ avikāraɱ purāṇaɱ.

Jappena mantena subhāsitena anuppadānena paveṇiyā ca,
Yathā yathā yattha labhetha atthaɱ tathā tathā tattha parakkameyya.

Sace pajāneyya alabbhaneyyo mayā ca 3 aññena vā esa attho
Asocamāno adhivāsayeyya kammaɱ daḷhaɱ kinti karomi'dānīti.

1. Attho idha labbhati syā attho idha labbhā [PTS] atthodhalabbhā machasaɱ. 2. Dukkhitaɱ viditvā syā 3. Mayā vā syā 4. Karomi idāni machasaɱ.
() Tena kho pana samayena mallikādvi kālakatā hoti syā, machasaɱ.
5. Deva devī syā
* Idha peyyālamukhena saɱkhittaɱ sabbaɱ alabbhanīyaṭhānasutte vuttanayena veditabbaɱ.

[BJT Page 090]
5. 1. 5. 10
(Sokasallaharaṇasuttaɱ)

50. Ekaɱ samayaɱ āyasmā nārado pāṭalīputte viharati kukkuṭārāme. Tena kho pana samayena muṇḍassa rañño bhaddā devī kālakatā hoti piyā manāpā so bhaddāya deviyā kālakatāya piyāya manāpāya neva nahāyati, 1 na vilimpati, na bhattaɱ bhuñjati, na kammantaɱ payojeti. Rattindivaɱ bhaddāya deviyā sarīre ajjhomucchito. Atha kho muṇḍo rājā piyakaɱ kosārakkha2 āmantesi: tena hi samma piyaka [page 058] bhaddāya deviyā sarīraɱ āyasāya teladoṇiyā pakkhipitvā aññissā āyasāya doṇiyā paṭikujjetha3 yathā mayaɱ bhaddāya deviyā sarīraɱ cirataraɱ passeyyāmāti. Evaɱ devāti kho piyako kosārakkho muṇḍassa rañño paṭissutvā bhaddāya deviyā sariraɱ āyasāya teladoṇiyā pakkhipitvā aññissā āyasāya doṇiyā paṭikujji.

Atha kho piyakassa kosārakkhassa etadahosi: "imassa kho muṇḍassa rañño bhaddā devī kālakatā piyā manāpā. So bhaddāya deviyā kālakatāya piyāya manāpāya neva nahāyāti, na vilimpati, na bhattaɱ bhuñjati, na kammantaɱ payojeti. Rattindivaɱ bhaddāya deviyā sarīre ajjhomucchito. Kaɱ nu kho muṇḍo rājā samaṇaɱ vā brāhmaṇaɱ vā payirupāseyya yassa dhammaɱ sutvā sokasallaɱ pajaheyyā"ti.

Atha kho piyakassa kosārakkhassa etadahosi: "ayaɱ kho āyasmā nārado pāṭalīputte viharati kukkuṭārāme. Taɱ kho pana āyasmantaɱ nāradaɱ evaɱ kalyāṇo kittisaddo abbhuggato: paṇḍito vyatto medhāvī bahussuto cittakathī kalyāṇapaṭibhāno vuddho ceva arahā ca. Yaɱ nūna muṇḍo rājā āyasmantaɱ nāradaɱ payirupāseyya, appevanāma muṇḍo rājā āyasmato nāradassa dhammaɱ sutvā sokasallaɱ pajaheyyā"ti. Atha kho piyako kosārakkho yena muṇḍo rājā tenupasaŋkami. Upasaŋkamitvā muṇḍaɱ rājānaɱ etadavoca:
"Ayaɱ kho deva āyasmā nārado pāṭalīputte viharati kukkuṭārāme. Taɱ kho panāyasmantaɱ nāradaɱ evaɱ kalyāṇo kittisaddo abbhuggato: paṇḍito vyatto medhāvī kalyāṇapaṭibhāno vuddho ceva arahā ca. Yadi pana devo āyasmantaɱ nāradaɱ payirupāseyya, appevanāma devo āyasmato nāradassa dhammaɱ sutvā sokasallaɱ pajaheyyā"ti.

Tena hi samma piyaka [page 059] āyasmantaɱ nāradaɱ paṭivedehi. Kathaɱ hi nāma mādiso samaṇaɱ vā brāhmaṇaɱ vā vijite vasantaɱ pubbe appaṭisaɱvidito upasaŋkamitabbaɱ maññeyyāti.

1. Nahāyati machasaɱ 2. Sokārakkhaɱ syā 3. Paṭikujjatha syā, machasaɱ
*Nāradasutta-uddāna;machasaɱ.

[BJT Page 092.]

Evaɱ devā'ti kho piyako kosārakkho muṇḍassa rañño paṭissutvā yenāyasmā nārado tenupasaŋkami. Upasaŋkamitvā āyasmantaɱ nāradaɱ abhivādetvā ekamantaɱ nisīdi. Ekamantaɱ nisinno kho piyako kosārakkho āyasmantaɱ nāradaɱ etadavoca: imassa bhante muṇḍassa rañño bhaddā devī kālakatā piyā manāpā. So bhaddāya deviyā kālakatāya piyāya manāpāya neva nahāyati, na vilimpati, na bhattaɱ bhuñjati, na kammantaɱ payojeti. Rattindivaɱ bhaddāya deviyā sarire ajjhomucchito. Sādhu bhante āyasmā nārado muṇḍassa rañño tathā dhammaɱ desetu, yathā muṇḍo rājā āyasmato nāradassa dhammaɱ sutvā sokasallaɱ pajaheyyā'ti

'Yassadāni piyaka muṇḍo rājā kālaɱ maññatī'ti,
Atha kho piyako kosārakkho uṭṭhāyāsanā āyasmantaɱ nāradaɱ abhivadetvā padakkhiṇaɱ katvā yena muṇḍo rājā tenupasaŋkami. Upasaŋkamitvā muṇḍaɱ rājānaɱ etadavoca: katāvakāso kho deva āyasmatā nāradena, yassadāni devo kālaɱ maññatī'ti.

'Tena hi samma piyaka bhadrāni bhadrāni yānāni yojāpehī'ti

Evaɱ devā'ti kho piyako kosārakkho muṇḍassa rañño paṭissutvā bhadrāni bhadrāni yānāni yojāpetvā muṇḍaɱ rājānaɱ etadavoca: yuttāni kho te deva bhadrāni bhadrāni yānāni. Yassa'dāni devo kālaɱ maññatī'ti.

Atha kho muṇḍo rājā bhadraɱ yānaɱ1 abhirūhitvā bhadrehi yānehi2
Yena kukkuṭārāmo tena pāyāsi mahaccā rājānubhāvena āyasmannaɱ nāradaɱ dassanāya yāvatikā yānassa bhumi tāvatikaɱ yānena gantvā yānā paccorohitvā pattikova ārāmaɱ pāvisi.

Atha kho muṇḍo rājā yenāyasmā nārado tenupasaŋkami. Upasaŋkamitvā āyasmanaɱ nāradaɱ abhivādetvā ekamantaɱ nisīdi. Ekamantaɱ [page 060] nisinnaɱ kho muṇḍaɱ rājānaɱ āyasmā nārado etadavoca:

Pañcimāni mahārāja alabbhanīyāni ṭhānāni samaṇena vā brāhmaṇenavā devena vā mārena vā brahmunā vā kenaci vā lokasmiɱ. Katamāni pañca?

Jarādhammaɱ mā jīrīti alabbhanīyaɱ ṭhānaɱ samaṇena vā brāhmaṇenavā devena vā mārena vā brahmunā vā kenaci vā lokasmiɱ.

Vyādhidhammaɱ mā vyādhīyīti alabbhanīyaɱ ṭhānaɱ samaṇena vā brāhmaṇena vā devena vā mārena vā brahmunā vā kenaci vā lokasmiɱ.

Maraṇadhammaɱ mā mīyītī, alabbhaniyaɱ ṭhānaɱ samaṇena vā brāhmaṇena vā devena vā mārena vā brahmunā vā kenaci vā lokasmiɱ.

Khaya dhammaɱ mā khīyīti alabbhanīyaɱ ṭhānaɱ samaṇena vā brāhmanena vā devena vā mārena vā brahmunā vā kenaci vā lokasmiɱ.

Nassanadhammaɱ mā nassīti alabbhanīyaɱ ṭhānaɱ samaṇena vā brāhmaṇena vā devena vā mārena vā buhmunā vā kenaci vā lokasminti.

1. Bhadraɱ bhadraɱ yānaɱ machasaɱ bhadrāni bhadrāni yānāni syā
2. Bhadrehi bhadrehi yānehi syā machasaɱ.

[BJT Page 094]

Assutavato kho mahārāja puthujjanassa jarādhammaɱ jīrati. So jarādhamme jiṇṇe na iti paṭisañcikkhati: na kho mayhamevekassa1 jarādhammaɱ jīrati. Atha kho yāvatā sattānaɱ āgati gati cuti upapatti, sabbesaɱ sattānaɱ jarādhammaɱ jīrati. Ahaɱ ceva kho pana jarādhamme jiṇṇe soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāyepi dubbaṇṇiyaɱ okkameyya. Kammantāpi nappavatteyyuɱ. 2 Amittā'pi attamanā assu. Mittā'pi dummanā assū'ti. So jarādhamme jiṇṇe socati, kilamati, paridevati, urattāḷiɱ kandati, sammohaɱ āpajjati. Ayaɱ vuccati mahārāja assutavā puthujjano viddho savisena sokasallena attānaɱ yeva paritāpeti.

Puna ca paraɱ mahārāja assutavato puthujjanassa vyādhidhammaɱ vyādhīyati so vyādhidhamme vyādhite na iti paṭisañcikkhati: na kho mayhamevekassa vyādhīdhammaɱ vyādhīyati. Atha kho yāvatā sattānaɱ āgati gati cuti upapatti, sabbesaɱ sattānaɱ vyādhidhammaɱ vyādhīyati. Ahañceva kho pana vyādhidhamme vyādhite soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ. Bhattampi me nacchādeyya. Kāyepi dubbaṇṇiyaɱ okkameyya. Kammantā'pi nappavatteyyuɱ. Amittāpi attamanā assu. Mittā'pi dummanā [page 061] assū'ti. So vyādhidhamme vyādhite socati, kilamati, paridevati, urattāḷiɱ kandati, sammohaɱ āpajjati. Ayaɱ vuccati mahārāja assutavā puthujjano viddho saviseta sokasallena attānaɱ yeva paritāpetīti.

Puna ca paraɱ mahārāja assutavato puthujjanassa maraṇadhammaɱ mīyati
So maraṇadhamme mate na iti paṭisañcikkhati: na kho mayhamevekassa maraṇadhammaɱ mīyati. Atha kho yāvatā sattānaɱ āgati gati cuti upapatti, sabbesaɱ sattānaɱ maraṇadhammaɱ mīyati. Ahañceva kho pana maraṇadhamme mate soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ. Bhattampi me nacchādeyya. Kāyepi dubbaṇṇiyaɱ okkameyya. Kammantā'pi nappavatteyyuɱ. Amittāpi attamanā assu. Mittā'pi dummanā assū'ti. So maraṇadhamme mate socati, kilamati, paridevati, urattāḷiɱ kandati, sammohaɱ āpajjati. Ayaɱ vuccati mahārāja assutavā puthujjano viddho saviseta sokasallena attānaɱ yeva paritāpetīti.

Puna ca paraɱ mahārāja assutavato puthujjanassa khayadhammaɱ khīyati
So khayadhamme khīṇe na iti paṭisañcikkhati: na kho mayhamevekassa khayadhammaɱ khīyati. Atha kho yāvatā sattānaɱ āgati gati cuti upapatti, sabbesaɱ sattānaɱ khayadhammaɱ khīyati. Ahañceva kho pana khayadhamme khīṇe soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ. Bhattampi me nacchādeyya. Kāyepi dubbaṇṇiyaɱ okkameyya. Kammantā'pi nappavatteyyuɱ. Amittāpi attamanā assu. Mittā' pi dummanā assū 'ki. So khayadhamme khīṇe socati, kilamati, paridevati, urattāḷiɱ kandati, sammohaɱ āpajjati. Ayaɱ vuccati mahārāja assutavā puthujjano viddho savisena sokasallena attānaɱ yeva paritāpetī ti.

Puna ca paraɱ mahārāja assutavato puthujjanassa nassanadhammaɱ nassati. So nassanadhamme naṭṭhe na iti paṭisañcikkhati: na kho mayhamevekassa nassanadhammaɱ nassati. Atha kho yāvatā sattānaɱ āgati gati cuti upapatti, sabbesaɱ sattānaɱ nassanadhammaɱ nassati. Ahañceva kho pana nassanadhamme naṭṭhe soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ,bhattampi me nacchādeyya, kāyepi dubbaṇṇiyaɱ okkameyya. Kammantā' pi nappavatteyyuɱ. Amittā' pi attamanā assu. Mittā 'pi dummanā assū' ti. So nassanadhamme naṭṭhe socati, kilamati, paridevati, urattāḷiɱ kandati, sammohaɱ āpajjati. Ayaɱ vuccati mahārāja assutavā puthujjano viddho saviseta sokasallena attānaɱ yeva paritāpetīti.

Sutavato ca kho mahārāja ariyasāvakassa jarādhammaɱ jīrati. So jarādhamme jiṇṇe iti paṭisañcikkhati, na kho mayhamevekassa jarādhammaɱ jīrati. Atha kho yāvatā sattānaɱ āgati gati cuti upapatti, sabbesaɱ sattānaɱ jarādhammaɱ jīrati. Ahañceva kho pana jarādhamme jiṇṇe soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ. Āpajjeyyaɱ, bhattampi me nacchādeyya. Kāye'pi dubbaṇṇiyaɱ okkameyya. Kammantā'pi nappavatteyyuɱ. Amittā'pi attamanā assu. Mittā'pi dummanā assū'ti so jarādhamme jiṇṇe na socati, na kilamati, na paridevati, na urattāḷiɱ kandati, na sammohaɱ āpajjati. Ayaɱ vuccati mahārāja sutavā ariyasāvako abbahi1 savisaɱ sokasallaɱ yena viddho assutavā puthujjano attānaɱ yeva paritāpeti. Asoko visallo ariyasāvako attānaɱ yeva parinibbāpeti.

1. Mayhevekassa machasaɱ 2. Nappavatteyya machasaɱ 3. Abbūhi machasaɱ

[BJT Page 096]
Puna ca paraɱ mahārāja sutavato ariyasāvakassa vyādhidhammaɱ vyādhīyati. So vyādhidhamme vyādhite iti paṭisañcikkhati: na kho mayhamevekassa vyādhidhammaɱ vyādhīyati. Atha kho yāvatā sattānaɱ āgati gati cuti uppatti, sabbesaɱ sattānaɱ vyādhidhammaɱ vyādhīyati. Ahañcevaca kho pana vyādhidhamme vyādhite soceyyaɱ, kilameyyaɱ, parisoceyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāye'pi dubbaṇṇiyaɱ okkameyya. Kammantā'pi nappavatteyyuɱ. Amittā'pi attamanā assu. Mittā'pi dummanā assū'ti. So
Vyādhidhamme vyādhite na socati, na kilamati na paridevati, na urattāḷiɱ kandati, na sammohaɱ āpajjati. Ayaɱ vuccati. Mahārāja sutavā ariyasāvako abbahi savisaɱ sokasallaɱ yena viddho assutavā puthujjano attānaɱ yeva paritāpeti. Asoko visallo ariyasāvako attānaɱ yeva parinibbāpeti.

Puna ca paraɱ mahārāja sutavato ariyasāvakassa maraṇadhammaɱ mīyati
So maraṇadhamme mate iti paṭisañcikkhati: na kho mayhamevekassa maraṇadhammaɱ mīyati. Atha kho yāvatā sattānaɱ āgati gati cuti uppatti, sabbesaɱ sattānaɱ maraṇadhammaɱ mīyati. Ahañcevaca kho pana maraṇadhamme mate soceyyaɱ, kilameyyaɱ, parisoceyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāye'pi dubbaṇṇiyaɱ okkameyya. Kammantā'pi nappavatteyyuɱ. Amittā'pi attamanā assu. Mittā'pi dummanā assū'ti. So maraṇadhamme mate na socati, na kilamati na paridevati, na urattāḷiɱ kandati, na sammohaɱ āpajjati. Ayaɱ vuccati. Mahārāja sutavā ariyasāvako abbahi savisaɱ sokasallaɱ yena viddho assutavā puthujjano attānaɱ yeva paritāpeti. Asoko visallo ariyasāvako attānaɱ yeva parinibbāpeti.

Puna ca paraɱ mahārāja sutavato ariyasāvakassa khayadhammaɱ khīyati
So khayadhamme khīṇe iti paṭisañcikkhati: na kho mayhamevekassa khayadhammaɱ khīyati. Atha kho yāvatā sattānaɱ āgati gati cuti uppatti, sabbesaɱ sattānaɱ khayadhammaɱ khīyati. Ahañcevaca kho pana khayadhamme khīṇe soceyyaɱ, kilameyyaɱ, parisoceyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāye'pi dubbaṇṇiyaɱ okkameyya. Kammantā'pi nappavatteyyuɱ. Amittā'pi attamanā assu. Mittā 'pi dummanā assū 'ti. So khayadhamme khīṇe na socati, na kilamati, na paridevati, na urattāḷiɱ kandati, na sammohaɱ āpajjati. Ayaɱ vuccati mahārāja sutavā ariyasāvako abbahi savisaɱ sokasallaɱ yena viddho assutavā puthujjano attānaɱ yeva paritāpeti. Asoko visallo ariyasāvako attānaɱ yeva parinibbāpeti.

Puna ca paraɱ mahārāja sutavato ariyasāvakassa nassanadhammaɱ nassati. So nassanadhamme naṭṭhe iti paṭisañcikkhati: na kho mayhamevekassa nassanadhammaɱ nassati. Atha kho yāvatā sattānaɱ āgati gati cuti upapatti, sabbesaɱ sattānaɱ nassanadhammaɱ nassati. Ahañceva kho pana nassanadhamme naṭṭhe soceyyaɱ, kilameyyaɱ, parideveyyaɱ, urattāḷiɱ kandeyyaɱ, sammohaɱ āpajjeyyaɱ, bhattampi me nacchādeyya. Kāye 'pi dubbaṇṇiyaɱ okkameyya. Kammantā 'pi nappavatteyyuɱ. Amittā' pi attamanā assu. Mittā' pi dummanā assū 'ti. So nassanadhamme naṭṭhe na socati, na kilamati na paridevati, na urattāḷiɱ kandati, na sammohaɱ āpajjati. Ayaɱ vuccati. Mahārāja sutavā ariyasāvako abbahi savisaɱ sokasallaɱ yena viddho assutavā puthujjano attānaɱ yeva paritāpeti. Asoko visallo ariyasāvako attānaɱ yeva parinibbāpeti.

[page 062] imāni kho mahārāja pañca alabbhanīyāni ṭhānāni samaṇena vā brāhmaṇena vā devena vā mārena vā brahmunā vā kenaci vā lokasminti,

59. Na socanāya paridevanāya attho alabbho1 api appakopi
Socantamenaɱ dukhitaɱ viditvā paccatthikā attamanā bhavanti.

60. Yato ca kho paṇḍito āpadāsu na vedhati atthavinicchayaññū,
Paccatthikāssa dukhitā bhavanti disvā mukhaɱ avikāraɱ purāṇaɱ.

61. Jappena mantena subhāsitena anuppadānena paveṇiyā vā,
Yathā yathā yattha labhetha atthaɱ tathā tathā tattha parakkameyya.

62. Sace pajāneyya alabbhaneyyo mayā ca aññena vā esaattho
Asocamāno adhivāsayeyya kammaɱ daḷhaɱ kinti karomi'dānīti.

Evaɱ vutte muṇḍo rājā āyasmantaɱ nāradaɱ etadavoca: ko nāmo2 ayaɱ bhante dhammapariyāyo'ti?

Sokasallaharaṇo nāma ayaɱ mahārāja dhammapariyāyoti.

Taggha bhante sokasallaharaṇo, taggha bhante sokasallaharaṇo. Imaɱ hi me bhante dhammapariyāyaɱ sutvā sokasallaɱ pahīṇanti.

1. Attho'dhalabbhāmachasaɱ. 2. Ko nukho sīmu.

[BJT Page 098]

Atha kho muṇḍo rājā piyakaɱ kosārakkhaɱ āmantesi: "tenahi samma piyaka, bhaddāya deviyā sarīraɱ jhāpetha. Thūpaɱ cassā karotha. Ajjatagge" dāni
Mayaɱ nahāyissāma ceva vilimpissāma. Bhattaɱ ca bhuñjissāma. Kammante ca payojessāmā"ti.

[page 063] muṇḍarājavaggo pañcamo.

Tassuddānaɱ
Ādiyo sappuriso ca iṭṭhā manāpadāyībhisandaɱ,
Sampadāca dhanaɱ ṭhānaɱ kosalo nāradena cā'ti

Paṭhamo paṇṇāsako

[BJT Page 100]

2. Dutiyaɱ paṇṇāsakaɱ
1. Nīvaraṇavaggo
5. 2. 1. 1.

(Nīvaraṇasuttaɱ)
1. Evaɱ me sutaɱ ekaɱ samayaɱ bhagavā sāvatthiyaɱ viharati jetavane anāthapiṇḍikassa ārāme. Tatra kho bhagavā bhikkhu āmantesi bhikkhavo'ti. Bhadante'ti te bhikkhu bhagavato paccassosuɱ. Bhagavā etadavoca:

Pañcime bhikkhave āvaraṇā nīvaraṇā cetaso ajjhāruhā paññāya dubbalīkaraṇā. Katame pañca?

Kāmacchando bhikkhave āvaraṇo nīvaraṇo cetaso ajjhāruho paññāya dubbalīkaraṇo. Vyāpādo bhikkhave āvaraṇo nīvaraṇo cetaso ajjhāruho paññāya dubbalīkaraṇo. Thīnamiddhaɱ bhikkhave āvaraṇaɱ nīvaraṇaɱ cetaso ajjhāruhaɱ paññāya dubbalīkaraṇaɱ. Uddhaccakukkuccaɱ bhikkhave āvaraṇaɱ nīvaraṇaɱ cetaso ajjhāruhaɱ paññāya dubbalīkaraṇaɱ. Vicikicchā bhikkhave āvaraṇā nīvaraṇā cetaso ajjhāruhā paññāya dubbalīkaraṇā.

Ime kho bhikkhave pañca āvaraṇā nīvaraṇā cetaso ajjhāruhā paññāya dubbalīkaraṇā.
So vata bhikkhave bhikkhu, ime pañca āvaraṇe nīvaraṇe cetaso ajjhāruhe paññāya dubbalīkaraṇe appahāya abalāya paññāya dubbalāya attatthaɱ vā ñassati, [page 064] paratthaɱ vā ñassati, ubhayatthaɱ vā ñassati, uttariɱ vā1 manussadhammā alamariyañāṇadassanavisesaɱ sacchikarissatī'ti netaɱ ṭhānaɱ vijjati.

Seyyathāpi bhikkhave nadī pabbateyyā dūraŋgamā sīghasotā hārahāriṇī, tassā puriso ubhato naŋgalamukhāni vivareyya, evaɱ hi so bhikkhave majjhe nadiyā soto vikkhitto visaṭo byādinno na ceva2 dūraŋgamo assa, na sīghasoto, na hārahārī. Evameva kho bhikkhave so vata bhikkhu ime pañca āvaraṇe nivaraṇe cetaso ajjhāruhe paññāya dubbalīkaraṇe appahāya abalāya paññāya dubbalāya attatthaɱ vā ñassati, paratthaɱ vā ñassati, ubhayatthaɱ vā ñassati, uttariɱ vā manussadhammā alamariyañāṇadassanavisesaɱ sacchikarissatī'ti netaɱ ṭhānaɱ vijjati.

1. Uttari vā machasaɱ 2. Neva machasaɱ

[BJT Page 102]

So vata bhikkhave bhikkhu ime pañca āvaraṇe nīvaraṇe cetaso ajjhāruhe paññāya dubbalīkaraṇe pahāya balavatiyā paññāya attatthaɱ vā ñassati, paratthaɱ vā ñassati, ubhayatthaɱ vā ñassati, uttariɱ vā manussadhammā alamariyañāṇadassanavisesaɱ sacchikarissatī'ti ṭhānametaɱ vijjati.

Seyyathāpi bhikkhave nadī pabbateyyā dūraŋgamā sīghasotā hārahāriṇī, tassā puriso ubhato naŋgalamukhāni pidaheyya, evaɱ hi so bhikkhave majjhe nadiyā soto avikkhitto avisaṭo abyādinno dūraŋgamo ceva assa sīghasoto ca hārahārī ca. Evameva kho bhikkhave so vata bhikkhu ime pañca āvaraṇe nīvaraṇe cetaso ajjhāruhe paññāya dubbalīkaraṇe pahāya balavatiyā paññāya attatthaɱ vā ñassati, paratthaɱ vā ñassati. Ubhayatthaɱ vā ñassati, uttariɱ vā manussadhammā alamariyañāṇadassanavisesaɱ sacchikarissatī'ti ṭhānametaɱ vijjati.
[page 065]

5. 2. 1. 2.
(Akusalarāsisuttaɱ)
) Sāvatthinidānaɱ:)

2. Akusalarāsīti bhikkhave vadamāno ime* pañcanīvaraṇe sammā
Vadamāno
Vadeyya. Kevalohayaɱ1 bhikkhave akusalarāsī yadidaɱ pañcanīvaraṇā. Katame pañca?

Kāmacchandanīvaraṇaɱ, byāpādanīvaraṇaɱ thīnamiddhanīvaraṇaɱ, uddhaccakukkuccanīvaraṇaɱ,
Vicikicchānīvaraṇaɱ.

Akusalarāsīti bhikkhave vadamāno ime pañcanīvaraṇe sammā vadamāno vadeyya. Kevalohayaɱ bhikkhave akusalarāsī yadidaɱ ime pañcanīvaraṇā'ti. 2

*'Imo' iti machasaɱ potthake na dissati.
1. Kevalohāyaɱ machasaɱ, kevalocāyaɱ syā
2. Ime pañcanīvaraṇānī'ti sīmu

[BJT Page 104]
5. 2. 1. 3
(Padhāniyaŋgasuttaɱ)

(Sāvatthi nidānaɱ:)
3. Pañcimāni bhikkhave padhāniyaŋgāni. Katamāni pañca?

Idha bhikkhave bhikkhu saddho hoti saddahati tathāgatassa bodhiɱ: itipi so bhagavā arahaɱ sammāsambuddho vijjācaraṇasampanno sugato lokavidū anuttaro purisadammasārathī satthā devamanussānaɱ buddho bhagavāti. Appābādho hoti appātaŋko samavepākiniyā gahaṇiyā samannāgato nātisītāya nāccuṇhāya majjhimāya padhānakkhamāya.
Asaṭho hoti amāyāvī yathābhūtaɱ attānaɱ āvīkattā satthari vā viññūsu vā sabrahmacārīsu.
Āraddhaviriyo viharati akusalānaɱ dhammānaɱ pahāṇāya kusalānaɱ dhammānaɱ upasampadāya thāmavā daḷhaparakkamo anikkhittadhuro kusalesu dhammesu.
Paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā.
Imāni kho bhikkhave pañca padhāniyaŋgānī'ti.

5. 2. 1. 4.
(Asamaya samayasuttaɱ)
(Sāvatthinidānaɱ)

4. Pañcime bhikkhave asamayā padhānāya. Katame pañca?
[page 066]

Idha bhikkhave bhikkhu jiṇṇo hoti jarāya abhibhūto. Ayaɱ bhikkhave paṭhamo asamayo padhānāya.

Puna ca paraɱ bhikkhave bhikkhu vyādhito hoti vyādhinā abhibhūto. Ayaɱ bhikkhave dutiyo asamayo padhānāya.

Puna ca paraɱ bhikkhave dubbhikkhaɱ hoti dussassaɱ dullabhapiṇḍaɱ na sukaraɱ uñchena paggahena yāpetuɱ. Ayaɱ bhikkhave tatiyo asamayo padhānāya.

Puna ca paraɱ bhikkhave bhayaɱ hoti aṭavīsaŋkopo1 cakkasamārūḷhā jānapadā pariyāyanti. Ayaɱ bhikkhave catuttho asamayo padhānāya.

Puna ca paraɱ bhikkhave saŋgho bhinno hoti. Saŋghe kho pana bhikkhave bhinne aññamaññaɱ akkosā ca honti, aññamaññaɱ paribhāsā ca honti, aññamaññaɱ parikkhepā ca honti, aññamaññaɱ pariccajanā2 ca honti. Tattha appasantā ceva nappasīdanti. Pasannānañca ekaccānaɱ aññathattaɱ hoti. Ayaɱ bhikkhave pañcamo asamayo padhānāya.

Ime kho bhikkhave pañca asamayā padhānāyā'ti.

1. Aṭavisaŋkopo sabbattha2. 2. Pariccajā machasaɱ syā.

[BJT Page 106]

Pañcime bhikkhave samayā padhānāya. Katame pañca?

Idha bhikkhave bhikkhu daharo hoti. Yuvā susu kālakeso bhadrena yobbanena samannāgato paṭhamena vayasā. Ayaɱ bhikkhave paṭhamo samayo padhānāya.

Puna ca paraɱ bhikkhave bhikkhu appābādho hoti appātaŋko samavepākiniyā gahaṇiyā samannāgato nātisītāya nāccuṇhāya majjhimāya padhānakkhamāya. Ayaɱ bhikkhave dutiyo samayo padhānāya.

Puna ca paraɱ bhikkhave subhikkhaɱ hoti susassaɱ [page 067] sulabhapiṇḍaɱ, sukaraɱ uñjena paggahena yāpetuɱ. Ayaɱ bhikkhave tatiyo samayo padhānāya

Puna ca paraɱ bhikkhave manussā samaggā sammodamānā avivadamānā khīrodakībhūtā aññamaññaɱ piyacakkhuhi sampassantā viharanti. Ayaɱ bhikkhave catuttho samayo padhānāya.
Puna ca paraɱ bhikkhave saŋgho samaggo sammodamāno avivadamāno ekuddeso phāsu viharati. Saŋghe kho pana bhikkhave samagge na ceva aññamaññaɱ akkosā honti. Na ca aññamaññaɱ paribhāsā honti. Na ca aññamaññaɱ parikkhepā honti. Na ca aññamaññaɱ pariccajanā honti. Tattha appasannā ceva pasīdanti. Pasannānañca bhiyyobhāvo1 hoti. Ayaɱ bhikkhave pañcamo samayo padhānāya.

Ime kho bhikkhave pañca samayā padhānāyā'ti.

5. 2. 1. 5
(Mātāputtasuttaɱ)

5. Ekaɱ samayaɱ bhagavā sāvatthiyaɱ viharati jetavane anāthapiṇḍikassa ārāme. Tena kho pana samayena sāvatthiyaɱ ubho mātāputtā vassāvāsaɱ upagamiɱsu bhikkhū ca bhikkhuṇī ca.

Te aññamaññassa abhiṇhaɱ dassanakāmā ahesuɱ. Mātāpi puttassa abhiṇhaɱ dassanakāmā ahosī. Putto'pi mātaraɱ abhiṇhaɱ dassanakāmo ahosi. Tesaɱ abhiṇhaɱ dassanā saɱsaggo ahosi. Saɱsagge sati vissāso ahosi. Vissāse sati otāro ahosi. Te otiṇṇacittā sikkhaɱ apaccakkhāya dubbalyaɱ anāvīkatvā methutaɱ dhammaɱ patiseviɱsu.

Atha kho sambahulā bhikkhu yena bhagavā tenupasaŋkamiɱsu. Upasaŋkamitvā bhagavantaɱ abhivādetvā ekamantaɱ nisīdiɱsu. Ekamantaɱ nisinnā kho te bhikkhū bhagavantaɱ etadavocuɱ: 'idha bhante sāvatthiyaɱ ubho mātā puttā vassāvāsaɱ upagamiɱsu bhikkhu ca bhikkhuṇī ca. Te aññamaññassa [page 068] abhiṇhaɱ dassanakāmā ahesuɱ. Mātāpi puttassa abhiṇhaɱ dassanakāmā ahosi. Puttopi mātaraɱ abhiṇhaɱ dassanakāmo ahosi. Tesaɱ abhiṇhaɱ dassanā saɱsaggo ahosi. Saɱsagge sati vissāso ahosi. Vissāse sati otāro ahosī. Te otiṇṇacittā sikkhāɱ apaccakkhāya dubbalyaɱ anāvīkatvā methunaɱ dhammaɱ patiseviɱsu'ti.

1. Bhīyobhāvo sīmu.

[BJT Page 108.]

Kinnu so bhikkhave moghapuriso maññati na mātā putte sārajjati putto vā pana mātarī'ti.

Nāhaɱ bhikkhave aññaɱ ekarūpampi samanu passāmi yaɱ1 evaɱ rajanīyaɱ evaɱ kamanīyaɱ evaɱ madanīyaɱ evaɱ bandhanīyaɱ evaɱ mucchanīyaɱ evaɱ antarāyakaraɱ anuttarassa yogakkhemassa adhigamāya, yathayidaɱ bhikkhave itthirūpaɱ. Itthirūpe bhikkhave sattā rattā gathitā giddhā mucchitā ajjhopannā. Te dīgharattaɱ socanti itthirūpavasānugā.

Nāhaɱ bhikkhave aññaɱ ekasaddampi samanupassāmi yaɱ evaɱ rajanīyaɱ evaɱ kamanīyaɱ evaɱ madanīyaɱ evaɱ bandhanīyaɱ evaɱ mucchanīyaɱ evaɱ antarāyakaraɱ anuttarassa yogakkhemassa adhigamāya, yathayidaɱ bhikkhave itthisaddo. Itthisadde bhikkhave sattā rattā gathitā giddhā mucchitā ajjhopannā. Te dīgharattaɱ socanti itthisaddavasānugā.

Nāhaɱ bhikkhave aññaɱ ekagandhampi samanupassāmi yaɱ evaɱ rajanīyaɱ evaɱ kamanīyaɱ evaɱ madanīyaɱ evaɱ bandhanīyaɱ evaɱ mucchanīyaɱ evaɱ antarāyakaraɱ anuttarassa yogakkhemassa adhigamāya, yathayidaɱ bhikkhave itthigandho. Itthigandhe bhikkhave sattā rattā gathitā giddhā mucchitā ajjhopannā. Te dīgharattaɱ socanti itthigandhavasānugā.

Nāhaɱ bhikkhave aññaɱ ekarasampi samanupassāmi yaɱ evaɱ rajanīyaɱ evaɱ kamanīyaɱ evaɱ madanīyaɱ evaɱ bandhanīyaɱ evaɱ mucchanīyaɱ evaɱ antarāyakaraɱ anuttarassa yogakkhemassa adhigamāya, yathayidaɱ bhikkhave itthiraso. Itthirase bhikkhave sattā rattā gathitā giddhā mucchitā ajjhopannā. Te dīgharattaɱ socanti itthirāsavasānugā.

Nāhaɱ bhikkhave aññaɱ ekaphoṭṭhabbampi samanupassāmi yaɱ evaɱ rajanīyaɱ evaɱ kamanīyaɱ evaɱ madanīyaɱ evaɱ evaɱ bandhanīyaɱ evaɱ mucchanīyaɱ evaɱ antarāyakaraɱ anuttarassa yogakkhemassa adhigamāya, yathayidaɱ bhikkhave itthipoṭṭhabbo. Itthipoṭṭhabbe bhikkhave sattā rattā giddhā gathitā mucchitā ajjhopannā. Te dīgharattaɱ socanti itthipoṭṭhabbavasānugā.

Itthi bhikkhave gacchantī'pi purisassa cittaɱ pariyādāya tiṭṭhati. Ṭhitā'pi nisinnā'pi2sayānā'pi hasanti'pi bhaṇantī'pi gāyantī'pi rodantī'pi ugghānitā'pi 3 matā'pi purisassa cittaɱ pariyādāya tiṭṭhati. Yampi taɱ bhikkhave sammā vadamāno vadeyya samannapāso mārassā'ti.
[page 069]

1. Salalape asihatthena pisācenapi sallape,
Āsīvisampi āside yena daṭṭho na jīvati

2. Natveva eko ekāya mātugāmena sallape,
Muṭṭhassatiɱ tā bandhanti pekkhitena sitena ca,

3. Athopi dunnivatthena mañjunā bhaṇitena ca,
Neso jano suvāsīdo4 api ugghānito5 mato.

4. Pañcakāmaguṇā ete itthirūpasmiɱ dissare,
Rūpā saddā rasā gandhā phoṭṭhabbā ca manoramā.

5. Tesaɱ kāmoghavuḷhānaɱ kāme aparijānataɱ,
Kālaɱ gatiɱ6 bhavābhavaɱ saɱsārasmiɱ purakkhatā.

6. Ye ca kāme pariññāya caranti akutobhayā,
Te ve pāragatā loke ye pattā āsavakkhaya'nti.

1. (Yaɱ) machasaɱ natthi 2. Nipannāpi syā 3. Ugghātitāpi syā, machasaɱ 4. Svāsīsado machasaɱ svāsadedā syā, 5. Ugghātito syā machasaɱ 6. Gati machasaɱ

Piṭu aɱka:110

5. 2. 1. 6
(Upajjhāyasuttaɱ)
(Sāvatthinidānaɱ:)

6. Atha kho aññataro bhikkhu yena sako upajjhāyo tenupasaŋkami.
Upasaŋkamitvā sakaɱ upajjhāyaɱ etadavoca: 'etarahi me bhante madhurakajāto ceva kāyo. Disā ca me na pakkhāyanti. Dhammā ca maɱ nappaṭibhanti. Thīnamiddhaɱ ca me cittaɱ pariyādāya tiṭṭhati. Anabhirato ca brahmacariyaɱ carāmi. Atthi ca me dhammesu vicikicchā'ti.

Atha kho so bhikkhu taɱ saddhivihārikaɱ bhikkhuɱ ādāya yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho so bhikkhu bhagavantaɱ etadavoca:

Ayaɱ bhante bhikkhu evamāha: 'etarahi me bhante madhurakajāto veca kāyo. Disā ca me napakkhāyanti. Dhammā ca maɱ nappaṭibhanti. Thīnamiddhaɱ ca me cittaɱ pariyādāya tiṭṭhati. Anabhirato ca brahamacariyaɱ carāmi. Atthi ca me dhammesu vicikicchā'ti.
[page 070]

Evaɱ hetaɱ bhikkhu hoti indriyesu aguttadvārassa, bhojane amattaññuno, jāgariyaɱ ananuyuttassa, avipassakassa kusalānaɱ dhammānaɱ, pubbarattāpararattaɱ bodhipakkhiyānaɱ dhammānaɱ bhāvanānuyogaɱ ananuyuttassa viharato yaɱ madhurakajāto ceva kāyo hoti, disā cassa na pakkhāyanti, dhammā ca taɱ nappaṭibhanti. , Thīnamiddhaɱ cassa cittaɱ pariyādāya tiṭṭhati, anabhirato ca brahmacariyaɱ carati, hoti cassa dhammesu vicikicchā.

Tasmātiha te bhikkhu evaɱ sikkhitabbaɱ: 'indriyesu guttadvāro bhavissāmi, bhojane mattaññu, jāgariyaɱ anuyutto, vipassako kusalānaɱ dhammānaɱ, pubbarattāpararattaɱ bodhipakkhiyānaɱ dhammānaɱ bhāvanānuyogaɱ anuyutto viharissāmi'ti, " evaɱ hi te bhikkhu sikkhitabbanti,

Atha kho so bhikkhu bhagavatā iminā ovādena ovadito uṭṭhāyāsanā bhagavantaɱ abhivādetvā padakkhiṇaɱ katvā pakkāmi.

Atha kho so bhikkhu eko vupakaṭṭho appamatto ātāpī pahitatto viharanto na cirasseca yassatthāya kulaputtā sammadeva agārasmā anagāriyaɱ pabbajanti, tadanuttaraɱ brahmacariyapariyosānaɱ diṭṭheva dhamme sayaɱ abhiññā sacchikatvā upasampajja vihāsi khīṇa jāti, vusitaɱ brahmacariyaɱ, kataɱ karaṇīyaɱ, nāparaɱ itthattāyā'ti abbhaññāsi aññataro ca pana so bhikkhu arahataɱ ahosi.

Piṭu aɱka:112

Atha kho so bhikkhu arahattappatto yena sako upajjhāyo tenupasaŋkami. Upasaŋkamitvā sakaɱ upajjhāyaɱ etadavoca: 'etarahi me bhante natveva 1 madhurakajāto kāyo. Disā ca me pakkhāyanti. Dhammā ca maɱ paṭibhanti. Thīnamiddhaɱ ca me cittaɱ na pariyādāya tiṭṭhati abhirato ca brahmacariyaɱ carāmi natthi ca me dhammesu vicikicchā'ti.

Atha kho so bhikkhu taɱ saddhivihārikaɱ bhikkhuɱ ādāya yena bhagavā tenupasaŋkami. Upasaŋkamitvā [page 071] bhagavantaɱ abhivādetvā ekamantaɱ nisīdi. Ekamantaɱ nisinno kho so bhikkhu bhagavantaɱ etadavoca:

Ayaɱ bhante bhikkhu evamāha'etarahi me bhante natveva1 madhurakajāto kāyo. Disā ca me pakkhāyanti. Dhammā ca maɱ paṭibhanti. Thīnamiddhaɱ ca me cittaɱ pariyādāya na tiṭṭhati. Abhirato ca brahmacariyaɱ carāmi. Natthi ca me dhammesu vicikicchā'ti.

Evaɱ hi taɱ bhikkhu hoti indriyesu guttadvārassa, bhojane mattaññuno, jāgariyaɱ anuyuttassa, vipassakassa kusalānaɱ dhammānaɱ, pubbarattāpararattaɱ bodhipakkhiyānaɱ dhammānaɱ bhāvanānuyogaɱ anuyuttassa viharato, yaɱ na ceva madhurakajāto kāyo hoti, disā cassa pakkhāyanti, dhammā ca taɱ paṭibhanti, thīnamiddhaɱ cassa cittaɱ na pariyādāya tiṭṭhati, abhirato ca brahmacariyaɱ carati, na cassa hoti dhammesu vicikicchā.
Tasmātiha vo bhikkhave evaɱ sikkhitabbaɱ: 'indriyesu guttadvārā bhavissāma, bhojane mattaññuno, jāgariyaɱ anuyuttā, vipassakā kusalānaɱ dhammānaɱ, pubbarattāpararattaɱ bodhipakkhiyānaɱ dhammānaɱ bhāvanānuyogaɱ anuyuttā viharissāmā'ti evaɱ hi vo bhikkhave sikkhitabbanti.

5. 2. 1. 7
(Ṭhānasuttaɱ)
(Sāvatthinidānaɱ)

7. Pañcimāni bhikkhave ṭhānāni abhiṇhaɱ paccavekkhitabbāni itthiyā vā purisena vā gahaṭṭhena vā pabbajitena vā. Katamāni pañca?

Jarādhammomhi jaraɱ anatīto'ti abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā.

Vyādhidhammomhi vyādhiɱ anatīto'ti abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā.

Maraṇadhammomhi maraṇaɱ anatīto'ti abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā.

1. Na ceva syā, machasaɱ

[BJT Page 114]

'Sabbehi me piyehi manāpehi nānābhāvo vinābhāvo'ti abhiṇhaɱ paccavekkhitabbaɱ [page 072] itthiyā vā purisena vā gahaṭṭhena vā pabbajitena vā.

'Kammassakomhi kammadāyādo kammayoni kammabandhū kammapaṭisaraṇo yaɱ kammaɱ karissāmi kalyāṇaɱ vā pāpakaɱ vā tassa dāyādo bhavissāmī'ti abhiṇhaɱ paccacekkhitabbaɱ itthiyā vā purisena vā gahaṭṭhena vā pabbajitena vā.

Kiñca bhikkhave atthavasaɱ paṭicca 'jarādhammomhi jaraɱ anatīto'ti abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā. ? Atthī bhikkhave sattānaɱ yobbane yobbanamado yena madena mattā kāyena duccaritaɱ caranti vācāya duccaritaɱ caranti manasā duccaritaɱ caranti. Tassa taɱ ṭhānaɱ abhiṇhaɱ paccavekkhato yo yobbane yobbanamado so sabbaso vā pahīyati, tanu vā pana hoti. Idaɱ kho bhikkhave atthavasaɱ paṭicca 'jarādhammomhi jaraɱ anatīto'ti abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā.
Kiñca bhikkhave atthavasaɱ paṭicca'vyādhidhammomhi vyādhiɱ anatīto'ti abhiṇhaɱ paccavekkhitabbaɱ itthiyā vā vā purisena vā gahaṭṭhena vā pabbajitena vā? Atthi bhikkhave sattānaɱ ārogye ārogyamado yena madena mattā kāyena duccaritaɱ caranti vācāya duccaritaɱ caranti manasā duccaritaɱ caranti. Tassa taɱ ṭhānaɱ abhiṇhaɱ paccavekkhato yo ārogye ārogyamado so sabbaso vā pahīyati, tanu vā pana hoti. Idaɱ kho bhikkhave atthavasaɱ paṭicca 'vyādhidhammomhi vyādhiɱ anatīto'ti abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā.

Kiñca bhikkhave atthavasaɱ paṭicca 'maraṇadhammomhi maraṇaɱ anatīto'ti abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā? Atthi bhikkhave sattānaɱ jīvite jīvitamado yena madena mattā kāyena duccaritaɱ caranti vācāya [page 073] duccaritaɱ caranti manasā duccaritaɱ caranti. Tassa taɱ ṭhānaɱ abhiṇhaɱ paccavekkhato yo jīvite jīvitamado so sabbaso vā pahīyati, tanu vā pana hoti. Idaɱ kho bhikkhave atthavasaɱ paṭicca 'maraṇadhammomhi maraṇaɱ anatīto'ti abhiṇhaɱ paccavekkhitabbaɱ itthīyā vā purisena vā gahaṭṭhena vā pabbajitena vā.

[BJT Page 116]

Kiñca bhikkhave atthavasaɱ paṭicca 'sabbehi me piyehi manāpehi nānābhāvo vinābhāvo'ti abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā? Atthi bhikkhave sattānaɱ piyesu jandarāgo yena rāgena rattā kāyena duccaritaɱ caranti cāvāya duccaritaɱ caranti manasā duccaritaɱ caranti. Tassa taɱ ṭhānaɱ abhiṇhaɱ paccavekkhato yo piyesu chandarāgo so sabbaso vā pahīyati, tanu vā pana hoti. Idaɱ kho bhikkhave atthavasaɱ paṭicca 'sabbehi me piyehi manāpehi nānābhāvo vinābhāvo'ti abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā.

Kiñca bhikkhave atthavasaɱ paṭicca 'kammassakomhi kammadāyādo kammayonī kammabandhū kammapaṭisaraṇo yaɱ kammaɱ karissāmi kalyāṇaɱ vā pāpakaɱ vā tassa dāyādo bhavissāmi'ti abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā?. Atthi bhikkhave sattānaɱ kāyaduccaritaɱ vacīduccaritaɱ manoduccaritaɱ. Tassa taɱ ṭhānaɱ abhiṇhaɱ paccavekkhato sabbaso vā taɱ pahīyati, tanu vā pana hoti idaɱ kho bhikkhave atthavasaɱ paṭicca 'kammassakomhi kammadāyādo kammayonī kammabandhū kammapaṭisaraṇo yaɱ kammaɱ karissāmi kalyāṇaɱ vā pāpakaɱ vā tassa dāyādo bhavissāmi'ti abhiṇhaɱ paccavekkhitabbaɱ itthiyā vā purisena vā gahaṭṭhena vā pabbajitena vā.

Sa kho so bhikkhave ariyasāvako iti paṭisañcikkhati: [page 074] na kho ahaññeveko jarādhammo jaraɱ anatīto atha kho yāvatā sattānaɱ āgati gati cuti uppatti, sabbe sattā jarādhammā jaraɱ anatītā'ti tassa taɱ ṭhānaɱ abhiṇhaɱ paccavekkhato maggo sañjāyati. So taɱ maggaɱ āsevati, bhāveti, bahulīkaroti. Tassa taɱ maggaɱ āsevato bhāvayato bahulīkaroto saɱyojanā pahīyanti, 1 anusayā vyantīhonti.

Na kho ahaññeveko vyādhidhammo vyādhiɱ anatīto, atha kho yāvatā sattānaɱ āgati gati cuti upapatti, sabbe sattā vyādhiɱ anatītā'ti tassa taɱ ṭhānaɱ abhiṇhaɱ paccavekkhato maggo sañjāyati, so taɱ maggaɱ āsevati, bhāveti, bahulikaroti. Tassa taɱ maggaɱ āsevato bhāvayato bahulīkaroto saɱyojanā pahīyanti. 1Anusayā vyanti honti.

1. Saɱyojanāni pahīyanti syā saɱyojanāni sabbaso pahīyanti. Machasaɱ.
[BJT Page 118]

'Na kho ahaññeveko maraṇadhammo maraṇaɱ anatīto, atha kho yāvatā sattānaɱ āgati gati cuti upapatti, sabbe sattā maraṇadhammā maraṇaɱ anatītā'ti tassa taɱ ṭhānaɱ abhiṇhaɱ paccavekkhato maggo sañjāyati so taɱ maggaɱ āsevati bhāveti bahulīkaroti. Tassa taɱ maggaɱ āsevato bhāvayato bahulīkaroto saɱyojanā pahīyanti. Anusayā vyanti honti.

'Na kho mayhamevekassa sabbeheva piyehi manāpehi nānābhāvo vinābhāvo, atha kho yāvatā sattānaɱ āgati gati cuti upapatti, sabbesaɱ sattānaɱ manāpehi nānābhāvo vinābhāvo'ti tassa taɱ ṭhānaɱ abhiṇhaɱ paccavekkhato maggo sañjāyati. So taɱ maggaɱ āsevati bhāveti bahulīkaroti. Tassa taɱ maggaɱ āsevato bhāvayato bahulīkaroto saɱyojanā pahīyanti. Anusayā vyantīhonti.
'Na kho ahaññeveko kammassakomhi kammadāyādo kammayonī kammabandhū kammapaṭisaraṇo yaɱ kammaɱ karissāmi kalyāṇaɱ vā pāpakaɱ vā tassa dāyādo bhavissāmi, atha kho yāvatā sattānaɱ āgati gati cuti upapatti. Sabbe sattā kammassakā kammadāyādā kammayonī kammabandhū kammapaṭisaraṇā, yaɱ kammaɱ karissanti kalyāṇaɱ vā pāpakaɱ vā, tassa dāyādā [page 075] bhavissantī'ti tassa taɱ ṭhānaɱ abhiṇhaɱ paccavekkhato maggo sañjāyati. So taɱ maggaɱ āsevati, bhāveti, bahulīkaroti tassa taɱ maggaɱ āsevato bhāvayato bahulīkaroto saɱyojanā pahīyanti. Anusayā vyantīhontī'ti.

7. Vyādhidhammā jarādhammā atho maraṇadhammino,
Yathā dhammā tathā santā1 jigucchanti puthujjanā.

8. Ahañcetaɱ jiguccheyyaɱ evaɱ dhammesu pāṇisu,
Na metaɱ patirūpassa mama evaɱ vihārino.

9. Sohaɱ evaɱ viharanto ñatvā dhammaɱ nirūpadhiɱ,
Ārogye yobbanasmiñca jīvitasmiñca ye madā,

10. Sabbe made abhibhosmi nekkhammaɱ daṭṭhu khemato
Tassa me ahu ussāho nibbānaɱ abhipassato.

11. Nāhaɱ bhabbo etarahi kāmāni patisevituɱ,
Anivattī bhavissāmi brahmacariyaparāyaṇoti.

Sattā machasaɱ

[BJT Page 120]

5. 2. 1. 8. ( Licchavikumārasuttaɱ) 8. Ekaɱ samayaɱ bhagavā vesāliyaɱ viharati mahāvane kuṭāgārasālāyaɱ. Atha kho bhagavā pubbanhasamayaɱ nivāsetvā pattacīvaramādāya vesāliyaɱ piṇḍāya pāvisi. Vesāliyaɱ piṇḍāya caritvā pacchābhattaɱ piṇḍapātapaṭikkanto mahāvanaɱ ajjhogahetvā1 aññatarasmiɱ rukkhamūle divāvihāraɱ nisīdi.

Tena kho pana samayena sambahulā licchavikumārakā sajjāni dhanūni ādāya kukkurasaŋghaparivutā mahāvane anucaŋkamamānā anuvicaramānā addasaɱsu bhagavantaɱ aññatarasmiɱ rukkhamūle nisinnaɱ divāvihāraɱ. 2 Disvāna sajjāni dhanūni nikkhipitvā kukkurasaŋghaɱ ekamantaɱ uyyojetvā yena bhagavā tenupasaŋkamiɱsu. Upasaŋkamitvā bhagavantaɱ [page 076] abhivādetvā tuṇhībhūtā tuṇhībhūtā pañjalikā bhagavantaɱ payurupāsanti.

Tena kho pana samayena mahānāmo licchavi mahāvane jaŋghāvihāraɱ anucaŋkamamāno anuvicaramāno addasa te licchavikumārake tuṇhībhūte tuṇhībhūte pañjalike bhagavantaɱ payurupāsante. Disvā yena bhagavā tenusaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho mahānāmo licchavi udānaɱ udānesi: bhavissanti vajjī, bhavissanti vajjī'ti.

Kiɱ pana tvaɱ mahānāma evaɱ vadesi 'bhavissanti vajjī bhavissanti vajjī'ti.

"Ime bhante licchavikumārakā caṇḍā pharusā apajahā3ti. Yāni'pi tāti kulesu pahenakāni4 pahīyanti ucchūni vā badarāti vā pūvāti vā modakāti vā saŋgulikāti5 vā, tāni vilumpitvā vilumpitvā khādanti. Kulitthīnampi kulakumārīnampi pacchāliyaɱ6 khipanti. Te' dānime tuṇhībhūtā tuṇhībhūtā pañjalikā bhagavantaɱ payirupāsantī'ti.

Yassa kassaci mahānāma kulaputtassa pañcadhammā saɱvijjanti, yadi vā rañño khattiyassa muddhābhisittassa7, yadi vā raṭṭhikassa8 pettanikassa, yadi vā senāya senāpatikassa, yadi vā gāmagāmikassa9, yadi vā pūgagāmaṇikassa, ye vā pana kulesu paccekādhipaccaɱ kārenti, vuddhiyeva pāṭikaŋkhā, no parihāni. Katame pañca?

Idha mahānāma kulaputto uṭṭhānaviriyādhigatehi bhogehi bāhābala paricitehi sedāvakkhittehi dhammikehi dhammaladdhehi mātāpitaro sakkaroti garu10karoti māneti [page 077] pūjeti. Tamenaɱ mātāpitaro sakkatā garukatā mānitā pūjitā kalyāṇena manasā anukampanti: 'ciraɱ jīva, dīghamāyuɱ pālehī'ti. Mātāpitānukampitassa mahānāma kulaputtassa vuddhiyeva pāṭikaŋkhā, no parihāni.

1. Ajjhogāhetvā machasaɱ 2. 'Divāvihāraɱ machasaɱ natthi
3. Apānubhā machasaɱ apāṭubhā syā 4. Pahīṇakāni syā, pahīnakāni sīmu.
5. Saɱkulikāti machasaɱ saɱkhalikāti vā sīmu. 6. Pacchaliyaɱ katthaci.
7. Muddhāvasittassa, katthaci 8. Raṭṭhakassa sīmu.
9. Gāmagāmaṇikassa machasaɱ 10. Garuɱ machasaɱ.

[BJT Page 122]

Puna ca paraɱ mahānāma kulaputto uṭṭhānaviriyādhigatehi bhogehi bāhābalaparicitehi sedāvakkhittehi dhammikehi dhammaladdhehi puttadāradāsakammakaraporise sakkaroti, garukaroti, māneti, pūjeti. Tamenaɱ puttadāradāsakammakaraporisā sakkatā garukatā mānitā, pūjitā kalyāṇena manasā anukampanti: 'ciraɱ jīva, dighamāyuɱ pālehī'ti. Puttadāradāsakammakaraporisānukampitassa mahānāma kulaputtassa vuddhiyeva pāṭikaŋkhā, no parihāni.

Puna ca paraɱ mahānāma kulaputto uṭṭhānaviriyādhigatehi bhogehi bāhābalaparicitehi sedāvakkhittehi dhammikehi dhammaladdhehi khettakammantasāmantasaɱvohāre1 sakkaroti, garukaroti, māneni, pūjeti. Tamenaɱ khettakammantasāmantasaɱvohārā sakkatā garukatā mānitā pujitā kalyāṇena manasā anukampanti: 'ciraɱ jīva, dighamāyuɱ pālehī'ti. Khettakammantasāmantasaɱvohārānukampitassa mahānāma kulaputtassa vuddhiyeva pāṭikaŋkhā, no parihāni.

Puna ca paraɱ mahānāma, kulaputto uṭṭhānaviriyādhigatehi bhogehi bāhābalaparicitehi sedāvakkhittehi dhammikehi dhammaladdhehi yāvatā balipaṭiggāhikā devatā sakkaroti, garukaroti, māneti, pūjeti. Tametaɱ balipaṭiggāhikā devatā sakkatā garukatā mānitā pūjitā kalyāṇena manasā anukampanti:ciraɱ jīva, dīghamāyuɱ pālehī'ti. Devatānukampitassa mahānāma kulaputtassa vuddhiyeva pāṭikaŋkhā, no parihāni.
Puna ca paraɱ mahānāma kulaputto uṭṭhānaviriyādhigatehi bhogehi bāhābalaparicitehi sedāvakkhittehi dhammikehi dhammaladdhehi samaṇabrāhmaṇe sakkaroti garukaroti, māneti, pūjeti. Tamenaɱ samaṇabrāhmaṇā sakkatā garukatā mānitā pujitā kalyāṇena manasā anukampanti:'ciraɱ jīva, dīghamāyuɱ pālehī'ti. Samaṇabrāhmaṇānukampitassa [page 078] mahānāma kulaputtassa vuddhiyeva
Pāṭikaŋkhā, no parihāni.

Yassa kassaci mahānāma kulaputtassa ime pañca dhammā saɱvijjanti, yadi vā rañño khattiyassa muddhābhisittassa yadi vā raṭṭhikassa pettanikassa yadi vā senāya senāpatikassa yadi vā gāmagāmikassa yadi vā pugagāmaṇikassa, ye vā pana kulesu paccekādhipaccaɱ kārenti, vuddhiyeva pāṭikaŋkhā, no parihānī'ti,

1. Sāmattasabyehāre machasaɱ

[BJT Page 124]

12. Mātāpitukiccakaro puttadārahito sadā,
Anto janassa atthāya ye cassa upajivino,

13. Ubhinnaɱ yeva1 atthāya vadaññū hoti sīlavā,
Ñātīnaɱ pubbapetānaɱ diṭṭhadhamme ca jīvinaɱ, 2

14. Samaṇānaɱ brāhmaṇānaɱ devatānaɱ ca paṇḍito,
Vittisañjanano hoti dhammena gharamāvasaɱ.

15. So karitvāna kalyāṇaɱ pujjo hoti pasaɱsiyo.
Idha ceva naɱ3 pasaɱsanti pecca sagge ca modatī'ti4

5. 2. 1. 9
(Paṭhamabuḍḍhapabbajitasuttaɱ)
(Sāvatthinidānaɱ:)

9. Pañcahi bhikkhave dhammehi samannāgato dullabho buḍḍhapabbajito. Katamehi pañcahi?
Dullabho bhikkhave buḍḍhapabbajito nipuṇo, dullabho ākappasampanno, dullabho bahussuto, dullabho dhammakathiko, dullabho vinayadharo.

Imehi kho bhikkhave pañcahi dhammehi samannāgato dullabho buḍḍhapabbajito'ti.

5. 2. 1. 10
Dutiyabuḍḍhapabbajita suttaɱ
(Sāvatthinidānaɱ:)

10. Pañcahi bhikkhave dhammehi samannāgato dullabho buḍḍhapabbajito. Katamehi pañcahi?
Dullabho bhikkhave buḍḍhapabbajito suvaco, dullabho [page 079] suggahītaggāhī, dullabho padakkhiṇaggāhī, dullabho dhammakathiko, dullabho vinayadharo.

Imehi kho bhikkhave pañcahi dhammehi samannāgato dullabho buḍḍhapabbajito'ti.

Nīvaraṇavaggo paṭhamo.

Tassuddānaɱ

Āvaraṇaɱ rāsi aŋgāni samayaɱ mātuputtikā,
Upajjhā ṭhānaɱ kumārā licchavī apare duve'ti.

1. Ceva machasaɱ 2. Diṭṭhe dhamme ca jīvataɱ machasaɱ jīvitaɱ syā.
3. Idhevanaɱ machasaɱ 4. Sagge pamodati machasaɱ

[BJT Page 126]

2. Saññāvaggo

5. 2. 2. 1
(Paṭhamasaññāsuttaɱ)
(Sāvatthinidānaɱ:)

11. Pañcimā bhikkhave saññā bhāvitā bahulīkatā mahapphalā honti mahānisaɱsā amatogadhā amatapariyosānā. Katamā pañca?

Asubhasaññā, maraṇasaññā ādīnavasaññā, āhāre paṭikkūlasaññā, sabbaloke anabhiratasaññā. 1

Imā kho bhikkhave pañca saññā bhāvitā bahulīkatā mahapphalā hoti mahānisaɱsā amatogadhā amatapariyosānā'ti.

5. 2. 2. 2
(Dutiyasaññāsuttaɱ)
(Sāvatthinidānaɱ)

12. Pañcimā bhikkhave saññā bhāvitā bahulīkatā mahapphalā honti mahānisaɱsā amatogadhā amatapariyosānā. Katamā pañca?

Aniccasaññā, anattasaññā, maraṇasaññā, āhāre paṭikkūlasaññā, sabbaloke anabhiratasaññā. 1
[page 080] imā kho bhikkhave pañca saññā bhāvitā bahulīkatā mahapphalā honti mahānisaɱsā amatogadhā amatapariyosānā'ti.

5. 2. 2. 3.

(Paṭhamavaḍḍhīsuttaɱ)
(Sāvatthinidānaɱ)

13. Pañcahi bhikkhave vaḍḍhīhi vaḍḍhamāno ariyasāvako ariyāya vaḍḍhiyā vaḍḍhati, sārādāyī ca hoti varādāyī ca kāyassa. Katamāhi pañcahi?

Saddhāya vaḍḍhati, sīlena vaḍḍhati, sutena vaḍḍhati, cāgena vaḍḍhati, paññāya vaḍḍhati.

Imāhi kho bhikkhave pañcahi vaḍḍhīhi vaḍḍhamāno ariyasāvako ariyāya vaḍḍhiyā vaḍḍhati, sārādāyī ca hoti varādāyī ca kāyassā'ti.

16. Saddhāya sīlena ca yodha vaḍḍhati2 paññāya cāgena sutena cūbhayaɱ,
So tādiso sappuriso vicakkhaṇo ādīyati sāramidheva attano'ti.

1. Anabhirati saññā machasaɱ 2. Yo pavaḍḍhati machasaɱ.

[BJT Page 128]

5. 2. 2. 4
(Dutiyavaḍḍhīsuttaɱ)

(Sāvatthinidānaɱ)

14. Pañcahi bhikkhave vaḍḍhīhi vaḍḍhamānā ariyasāvikā ariyāya vaḍḍhiyā vaḍḍhati. Sārādāyinī ca hoti varādāyinī ca kāyassa. Katamāhi pañcahi?

Saddhāya vaḍḍhati, sīlena vaḍḍhati, sutena vaḍḍhati, cāgena vaḍḍhati, paññāya vaḍḍhati.

Imāhi kho bhikkhave pañcahi vaḍḍhīhi vaḍḍhamānā ariyasāvikā ariyāya vaḍḍhiyā vaḍḍhati. Sārādāyinī ca hoti, varādāyinī ca kāyassā'ti

17. Saddhāya sīlena ca yā'dha vaḍḍhati1 paññāya cāgena sutena cūbhayaɱ,
Sā tādisī sīlavatī upāsikā ādīyatī sāramidheva attano'tī.
[page 081]

5. 2. 2. 5.

(Alaɱsākacchasuttaɱ)
(Sāvatthinidānaɱ)

15. Pañcahi bhikkhave dhammehi samannāgato bhikkhu alaɱsākaccho sabrahmacārīnaɱ.
Katamehi pañcahi?

Idha bhikkhave bhikkhu attanā ca sīlasampanno hoti, sīlasampadāya2 kathāya ca āgataɱ pañhaɱ vyākattā hoti. Attanā ca samādhisampanno hoti, samādhisampadāya3 kathāya ca āgataɱ pañhaɱ vyākattā hoti. Attanā ca paññāsampanno hoti, paññāsampadāya4 kathāya ca āgataɱ pañhaɱ vyākattā hoti. Attanā ca vimuttisampanno hoti, vimuttisampadāya5 kathāya ca āgataɱ pañhaɱ vyākattā hoti, attanā ca vimuttiñāṇadassanasampanno hoti, vimuttiñāṇadassanasampadāya6 kathāya ca āgataɱ pañhaɱ vyākattā hoti.

Imehi kho bhikkhave pañcahi dhammehi samannāgato bhikkhu alaɱsākaccho sabrahmacārīnanti.

5. 2. 2. 6
(Alaɱsājīvasuttaɱ)
(Sāvatthinidānaɱ:)

16. Pañcahi bhikkhave dhammehi samannāgato bhikkhu alaɱsājīvo sabrahmacārīnaɱ. Katamehi pañcahi?

Idha bhikkhave bhikkhu attanā ca sīlasampanno hoti, sīlasampadāya kathāya ca kataɱ pañhaɱ vyākattā hoti. Attanā ca samādhisampanno hoti, samādhisampadāya kathāya ca kataɱ pañhaɱ vyākattā hoti. Attanā ca paññāsampanno hoti, paññāsampadāya kathāya ca kataɱ pañhaɱ vyākattā hoti. Attanā ca vimuttisampanno hoti, vimuttisampadāya kathāya ca kataɱ pañhaɱ vyākattā hoti. Attanā ca vimuttiñāṇadassana sampanno hoti, vimuttiñāṇadassanasampadāya kathāya ca kataɱ pañhaɱ vyākattā hoti.

Imehi kho bhikkhave pañcahi dhammehi samannāgato bhikkhu alaɱsājīvo sabrahmacārīnanti.
1. Yā pavaḍḍhati machasaɱ. 2. Sīlasampadā sīmu. 3. Samādhisampadā sīmu. 4. Paññāsampadā sīmu.

5. Vimuttisampadā sīmu. 6. Vimuttiñāṇadassanasampadā sīmu.
[BJT Page 130]

5. 2. 2. 7.
(Paṭhama-iddhipādasuttaɱ)
(Sāvatthinidānaɱ:)

17. Yo hi koci bhikkhave bhikkhu vā bhikkhunī vā pañca dhamme bhāveti, pañca dhamme bahulīkaroti, tassa dvinnaɱ phalānaɱ aññataraɱ [page 082] phalaɱ pāṭikaŋkhaɱ diṭṭhe vā dhamme1 aññā, sati vā upādisese anāgāmitā. Katame pañca?

Idha bhikkhave bhikkhu chandasamādhipadhānasaŋkhārasamannāgataɱ iddhipādaɱ bhāveti. Viriyasamādhi padhānasaŋkhārasamannāgataɱ iddhipādaɱ bhāveti cittasamādhipadhānasaŋkhārasamannāgataɱ iddhipādaɱ bhāveti. Vīmaɱsāsamādhipadhānasaŋkhārasamannāgataɱ iddhipādaɱ bhāveti. Ussoḷhi yeva pañcamī. 2

Yo hi koci bhikkhave bhikkhu bhikkhunī vā ime pañca dhamme bahulikaroti, tassa dvinnaɱ phalānaɱ aññataraɱ phalaɱ pāṭikaŋkhaɱ diṭṭhe vā dhamme aññā, sati vā upādisese anāgāmitā'ti.

5. 2. 2. 8.
(Dutiya-iddhipādasuttaɱ)
(Sāvatthinidānaɱ)

18. Pubbevā'haɱ bhikkhave sambodhā anabhisambuddho bodhisatto'va samāno pañca dhamme bhāvesiɱ pañca dhamme bahulīkāsiɱ3. Katame pañca?

Chandasamādhipadhānasaŋkhārasamannāgataɱ iddhipādaɱ bhāvesiɱ. Viriyasamādhipadhānasaŋkhārasamannāgataɱ iddhipādaɱ bhāvesiɱ cittasamādhipadhānasaŋkhārasamannāgataɱ iddhipādaɱ bhāvesiɱ. Vīmaɱsāsamādhipadhānasaŋkhārasamannāgataɱ iddhipādaɱ bhāvesiɱ. Ussoḷhi yeva pañcami. 2

So kho ahaɱ bhikkhave imesaɱ ussoḷhipañcamānaɱ dhammānaɱ bhāvītattā bahulīkatattā yassa yassa4 abhiññāsacchikaraṇīyassa dhammassa cittaɱ abhininnāmesiɱ abhiññāsacchikiriyāya, tatra tatreva sakkhibhabbataɱ pāpuṇiɱ sati sati āyatane.

So sace ākaŋkhiɱ anekavihitaɱ iddhividhaɱ paccanubhaveyyaɱ pe yāva brahmalokāpi kāyena vasaɱ vatteyyanti, tatra tatreva sakkhibhabbataɱ pāpuṇiɱ sati sati āyatane. Pe*

So sace ākaŋkhiɱ pe [page 083] āsavānaɱ khayā pe* sayaɱ abhiññā sacchikatvā
Upasampajja vihareyyanti, tatra tatreva sakkhibhabbataɱ pāpuṇiɱ sati sati āyatane'ti.

1. Diṭṭheva dhamme machasaɱ. 2. Ussoḷhiññeva pañcamiɱ machasaɱ
3. Bahulimakāsiɱ machasaɱ 4. Yassa sīmu.
Peyyālamukhehi saɱkhittaɱ pañcaŋgikavagge pañcaŋgikasamādhi sutte
Āgatanayena
Veditabbaɱ.

[BJT Page 132]

5. 2. 2. 9.

(Nibbidāsuttaɱ)

(Sāvatthinidānaɱ:)

19. Pañcime bhikkhave dhammā bhāvitā bahulīkatā ekantanibbidāya virāgāya nirodhāya upasamāya abhiññāya sambodhāya nibbānāya saɱvattanti. Katame pañca?

Idha bhikkhave bhikkhu asubhānupassī kāye viharati, āhāre paṭikkūlasaññī, 1 sabbaloke anabhiratasaññī2, sabbasaŋkhāresu aniccānupassī. Maraṇasaññā kho panassa ajjhattaɱ sūpaṭṭhitā hoti.

Ime kho bhikkhave pañca dhammā bhāvitā bahulīkatā ekantanibbidāya virāgāya nirodhāya upasamāya abhiññāya sambodhāya nibbānāya saɱvattantī'ti.

5. 2. 2. 10

(Āsavakkhayasuttaɱ)

(Sāvatthinidānaɱ:)

20. Pañcime bhikkhave dhammā bhāvitā bahulīkatā āsavānaɱ khayāya saɱvattanti. Katame pañca?

Idha bhikkhave bhikkhu asubhānupassī kāye viharati, āhāre paṭikkūlasaññī1, sabbaloke anabhiratasaññī, 2 sabbasaŋkhāresu aniccānupassī. Maraṇasaññā kho panassa ajjhattaɱ supaṭṭhitā hoti.

Ime kho bhikkhave pañca dhammā bhāvitā bahulīkatā āsavānaɱ khayāya saɱvattantī'ti.
Saññāvaggo dutiyo

Tassuddānaɱ

Dve ca saññā dve vaḍḍhī ca sākacchā ca sajīvatā3
Iddhipādā ca dve vuttā nibbidā cāsavakkhayā.

1. Paṭikulasaññī machasaɱ 2. Anabhirati saññi machasaɱ
3. Sākacchena ca sājīvaɱ machasaɱ

[BJT Page 134]
[page 084]

3. Anāgatabhayavaggo *

5. 2. 3. 1

(Paṭhamacetovimuttiphalasuttaɱ)

(Sāvatthinidānaɱ:)

21. Pañcime bhikkhave dhammā bhāvitā bahulīkatā cetovimuttiphalā ca honti cetovimuttiphalānisaɱsā ca. Paññāvimuttiphalā ca honti paññāvimuttiphalānisaɱsā ca. Katame pañca?

Idha bhikkhave bhikkhu asubhānupassī kāye viharati, āhāre paṭikkūlasaññī, sabbaloke anabhiratasaññī, sabbasaŋkhāresu aniccānupassī, maraṇasaññā kho panassa ajjhattaɱ sūpaṭṭhitā hoti.

Ime kho bhikkhave pañca dhammā bhāvitā bahulīkatā cetovimuttiphalā ca honti, cetovimuttiphalānisāɱsā ca. Paññāvimuttiphalā ca honti paññāvimuttiphalānisaɱsā ca.

Yato kho bhikkhave cetovimutto ca hoti paññāvimutto ca, 1 ayaɱ vuccati bhikkhave bhikkhū ukkhittapaligho itipi saŋkiṇṇaparikho itipi abbūḷhesiko itipi niraggaḷo itipi ariyo pannaddhajo pannabhāro visaɱyutto itipi.

Kathañca bhikkhave bhikkhu ukkhittapaligho hoti? Idha bhikkhave bhikkhuno avijjā pahīnā hoti ucchinnamūlā tālāvatthukatā anabhāvakatā2 āyatiɱ anuppādadhammā. Evaɱ kho bhikkhave bhikkhu ukkhittapaligho hoti.

Katañca bhikkhave bhikkhu saŋkiṇṇaparikho hoti?. Idha bhikkhave bhikkhuno ponobhaviko3 jātisaɱsāro pahīno hoti ucchinnamūlo tālāvatthukato anabhāvakato2 āyatiɱ anuppādadhammo. Evaɱ kho bhikkhave bhikkhu saŋkiṇṇaparikho hoti.
Kathañca bhikkhave bhikkhu abbūḷhesiko hoti? [page 085] idha bhikkhave bhikkhuno taṇhā pahīnā hoti ucchinnamūlā tālāvatthukatā anabhāvakatā4 āyatiɱ anuppādadhammā. Evaɱ kho bhikkhave bhikkhu abbūḷhesiko hoti.

1. Ca hoti machasaɱ. 2. Anabhāvaɱkatā machasaɱ.
3. Ponobbhaviko machasaɱ. 4. Anabhāvaɱkatā machasaɱ.
* Yodhājīvavagga sīmu. Machasaɱ.

[BJT Page 136]

Kathañca bhikkhave bhikkhu niraggaḷo hoti? Idha bhikkhave bhikkhuno pañcorambhāgiyāni saɱyojanāni pahīnāni honti ucchinnamūlāni tālāvatthukatāni
Anabhāvakatāni, 1 āyatiɱ anuppādadhammāni. Evaɱ kho bhikkhave bhikkhu niraggaḷo hoti.

Kathañca bhikkhave bhikkhu ariyo pannaddhajo pannabhāro visaɱyutto hoti? Idha bhikkhave bhikkhuno asmimāno pahīno hoti ucchinnamūlo tālāvatthukato anabhāvakato āyatiɱ anuppādadhammo. Evaɱ kho bhikkhave bhikkhu ariyo pannaddhajo pannabhāro visaɱyutto hotī'ti.

5. 2. 3. 2.

(Dutiyacetovimuttiphalasuttaɱ)

(Sāvatthinidānaɱ:)

22. Pañcime bhikkhave dhammā bhāvitā bahulīkatā cetovimuttiphalā ca honti cetovimuttiphalānisaɱsā ca. Paññāvimuttiphalā ca honti paññāvimuttiphalānisaɱsā ca. Katame pañca?

Aniccasaññā, anicce dukkhasaññā, dukkhe anattasaññā, pahānasaññā, virāgasaññā, nirodhasaññā,

Ime kho bhikkhave pañca dhammā bhāvitā bahulīkatā cetovimuttiphalā ca honti cetovimuttiphalānisaɱsā ca. Paññāvimuttiphalā ca honti paññāvimuttiphalānisaɱsā ca.
Yatoca kho bhikkhave bhikkhu cetovimutto ca hoti paññāvimutto ca, ayaɱ vuccati bhikkhave bhikkhu ukkhittapaligho itipi saŋkiṇṇaparikho itipi abbūḷhesiko itipi niraggaḷo itipi ariyo pannaddhajo pannabhāro visaɱyutto itipi.

Kathañca bhikkhave bhikkhu ukkhittapaligho hoti? Idha bhikkhave bhikkhuno avijjā pahīnā hoti ucchinnamūlā tālāvatthukatā anabhāvakatā āyatiɱ anuppādadhammā. Evaɱ kho bhikkhave bhikkhu ukkhittapaligho hoti.
Kathañca bhikkhave bhikkhu saŋkiṇaṇaparikho [page 086] hoti? Idha bhikkhave bhikkhuno ponobhaviko jātisaɱsāro pahīno hoti ucchinnamūlo tālāvatthukato anabhāvakato āyatiɱ anuppādadhammo. Evaɱ kho bhikkhave bhikkhu saŋkiṇṇaparikho hoti.

Katañca bhikkhave bhikkhu abbūḷhesiko hoti? Idha bhikkhave bhikkhuno taṇhā pahīnā hoti, ucchinnamūlā tālāvatthukatā anabhāvakatā āyatiɱ anuppādadhammā. Evaɱ kho bhikkhave bhikkhu abbūḷhesiko hoti.

1. Anabhāvaɱkatāni machasaɱ

[BJT Page 138]

Kathañca bhikkhave bhikkhu niraggaḷo hoti? Idha bhikkhave bhikkhuno pañcorambhāgiyāni saɱyojanāni pahīnāni honti ucchinnamūlāni tālāvatthukatāni anabhāvakatāni āyatiɱ anuppādadhammāni. Evaɱ kho bhikkhave bhikkhu niraggaḷo hoti.

Kathañca bhikkhave bhikkhu ariyo pannaddhajo pannabhāro visaɱyutto hoti? Idha bhikkhave bhikkhuno asmimāno pahīno hoti ucchinnamūlo tālāvatthukato anabhāvakato1 āyatiɱ anuppādadhammo. Evaɱ kho bhikkhave bhikkhu ariyo pannaddhajo pannabhāro visaɱyutto hotī'ti.

5. 2. 3. 3.

(Paṭhamadhammavihārī suttaɱ)

(Sāvatthinidānaɱ:)

23. Atha kho aññataro bhikkhu yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho so bhikkhu bhagavantaɱ etadavoca:
'Dhammavihārī dhammavihārī'ti bhante vuccati. Kittāvatā nu kho bhante bhikkhu dhammavihāri hotī'ti. ?

Idha bhikkhu, bhikkhu dhammaɱ pariyāpuṇāti. Suttaɱ geyyaɱ veyyākaraṇaɱ gāthaɱ udānaɱ itivuttakaɱ jātakaɱ abbhutadhammaɱ vedallaɱ. So tāya dhammapariyattiyā divasaɱ atināmeti. Riñcati paṭisallānaɱ. Nānuyuñjati ajjhattaɱ cetosamathaɱ. Ayaɱ vuccati bhikkhu, bhikkhu pariyattibahulo no dhammavihārī.
[page 087]

Puna ca paraɱ bhikkhu, bhikkhu yathāsutaɱ pathāpariyattaɱ dhammaɱ vitthārena paresaɱ deseti. So tāya dhammasaññattiyā2 divasaɱ atināmeti. Riñcati paṭisallānaɱ. Nānuyuñjati
Ajjhattaɱ cetosamathaɱ. Ayaɱ vuccati bhikkhu, bhikkhu saññattibahulo3 no dhammavihāri.
Puna ca paraɱ bhikkhu, bhikkhu yathāsutaɱ yathāpariyattaɱ dhammaɱ vitthārena sajjhāyaɱ karoti. So tena sajjhāyena divasaɱ atināmeti. Riñcati paṭisallānaɱ. Nānuyuñjati ajjhattaɱ cetosamathaɱ. Ayaɱ vuccati bhikkhu, bhikkhu sajjhāyabahulo no dhammavihārī.

Puna ca paraɱ bhikkhu, bhikkhu yathāsutaɱ yathāpariyattaɱ dhammaɱ cetasā anuvitakketi anuvicāreti manasānupekkhati. So tehi dhammavitakkehi divasaɱ atināmeti. Riñcati paṭisallānaɱ. Nānuyuñjati ajjhattaɱ cetosamathaɱ. Ayaɱ vuccati bhikkhu, bhikkhu vitakkabahulo no dhammavihāri.

Idha bhikkhu, bhikkhu dhammaɱ pariyāpuṇāti suttaɱ geyyaɱ veyyākaraṇaɱ gāthaɱ udānaɱ itivuttakaɱ jātakaɱ abbhutadhammaɱ vedallaɱ. So tāya dhammapariyattiyā na divasaɱ atināmeti. Nāpi riñcati paṭisallānaɱ. Anuyuñjati ajjhattaɱ cetosamathaɱ. Evaɱ kho bhikkhu, bhikkhu dhammavihārī hoti.

1. Anabhāvaɱ kato machasaɱ. 2. Dhammapaññattiyā machasaɱ.
3. Paññattibahulo machasaɱ.

[BJT Page 140]

Iti kho bhikkhu, desito mayā pariyattibahulo, desito saññattibahulo, 1
Desito sajjhāyabahulo, desito vitakkabahulo, desito dhammavihāri.

Yaɱ kho bhikkhu, satthārā karaṇīyaɱ sāvakānaɱ hitesinā anukampakena anukampaɱ upādāya, kataɱ vo taɱ mayā. Etāni bhikkhu rukkhamūlāni. Etāni suññāgārāni. Jhāyatha bhikkhu, mā pamādattha. Mā pacchā vippaṭisārino ahuvattha. Ayaɱ amhākaɱ anusāsanī'ti.
[page 088]

5. 2. 3. 4.

(Duniyadhammavihārīsuttaɱ)

(Sāvatthinidānaɱ:)

24. Atha kho aññataro bhikkhu yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho so bhikkhu bhagavantaɱ etadavoca:

'Dhammavihārī' dhammavihāri'ti bhante vuccati. Kittāvatā nu kho bhante bhikkhu dhammavihārī hotī'ti?

Idha bhikkhu, bhikkhu dhammaɱ pariyāpuṇāti: suttaɱ geyyaɱ veyyākaraṇaɱ gāthaɱ udānaɱ itivuttakaɱ jātakaɱ abbhutadhammaɱ vedallaɱ, uttariñcassa2 paññāya atthaɱ nappajānāti. Ayaɱ vuccati bhikkhu, bhikkhu pariyattibahulo no dhammavihārī.

Puna ca paraɱ bhikkhu, bhikkhu yathāsutaɱ yathāpariyattaɱ dhammaɱ vitthārena paresaɱ deseti. Uttariñcassa paññāya atthaɱ nappajānāti. Ayaɱ vuccati bhikkhu, bhikkhu saññattibahulo no dhammavihārī.

Puna ca paraɱ bhikkhu, bhikkhu yathāsutaɱ yathāpariyattaɱ dhammaɱ vitthārena sajjhāyaɱ karoti. Uttariñcassa2 paññāya atthaɱ nappajānāti. Ayaɱ vuccati bhikkhu, bhikkhu sajjhāyabahulo no dhammavihārī.

Puna ca paraɱ bhikkhu, bhikkhu yathāsutaɱ yathāpariyattaɱ dhammaɱ cetasā anuvitakketi anuvicāreti manasānupekkhati. Uttariñcassa2 paññāya atthaɱ nappajānāti. Ayaɱ vuccati bhikkhu, bhikkhu vitakkabahulo no dhammavihārī.

Idha bhikkhu, bhikkhu dhammaɱ pariyāpuṇāti suttaɱ geyyaɱ veyyākaraṇaɱ gāthaɱ udānaɱ itivuttakaɱ jātakaɱ abbhutadhammaɱ vedallaɱ. Uttariñcassa2 paññāya atthaɱ pajānāti. Evaɱ kho bhikkhu, bhikkhu dhammavihārī hoti.

1. Paññatti bahulo machasaɱ. 2. Uttarimassa machasaɱ

[BJT Page 142]

Iti kho bhikkhu desito mayā pariyattibahulo, [page 089] desito saññatti bahulo, 1 desito sajjhāyabahulo, desito vitakkabahulo, desito dhammavihārī.

Yaɱ kho bhikkhu, satthārā karaṇīyaɱ sāvakānaɱ hitesinā anukampakena anukampaɱ upādāya, kataɱ vo taɱ mayā. Etāni bhikkhu, rukkhamūlāni, etāni suññāgārāni. Jhāyatha bhikkhu, mā pamādattha. Mā pacchā vippaṭisārino ahuvattha. Ayaɱ vo amhākaɱ anusāsanīti.

5. 2. 3. 5

(Paṭhamayodhājīvūpama suttaɱ)
(Sāvatthinidānaɱ:)

25. Pañcime bhikkhave yodhājīvā santo saɱvijjamānā lokasmiɱ. Katame pañca? Idha bhikkhave, ekacco yodhājīvo rajaggaññeva2 disvā saɱsīdati, visīdati, na santhamhati, na sakkoti saŋgāmaɱ otarituɱ. Evarūpo3 bhikkhave idhekacco yodhājīvo hoti. Ayaɱ bhikkhave paṭhamo yodhājīvo santo saɱvijjamāno lokasmiɱ.

Puna ca paraɱ bhikkhave, idhekacco yodhājīvo sahati rajaggaɱ. Api ca kho dhajaggaññeva disvā saɱsīdati, visīdati, na santhambhati, na sakkoti saŋgāmaɱ otarituɱ. Evarūpo'pi kho bhikkhave, idhekacco yodhājīvo hoti. Ayaɱ bhikkhave dutiyo yodhājīvo santo saɱvijjamāno lokasmiɱ.

Puna ca paraɱ bhikkhave, idhekacco yodhājīvo sahati rajaggaɱ, sahati dhajaggaɱ, api ca kho ussādanaɱ yeva5 sutvā saɱsīdati, visīdati, na santhambhati, na sakkoti saŋgāmaɱ otarituɱ. Evarūpo'pi kho bhikkhave, idhekacco yodhājīvo hoti. Ayaɱ bhikkhave tatiyo yodhājīvo santo saɱvijjamāno lokasmiɱ.

Puna ca paraɱ bhikkhave, idhekacco yodhājīvo sahati rajaggaɱ, sahati dhajaggaɱ, sahati ussādanaɱ. 6 Api ca kho sampahāre āhaññati, 7 vyāpajjati. Evarūpo'pi kho bhikkhave idhekacco yodhājīvo hoti. Ayaɱ bhikkhave catuttho yodhājīvo santo saɱvijjamāno lokasmiɱ.

Puna ca paraɱ bhikkhave, idhekacco yodhājīvo sahati rajaggaɱ, sahati dhajaggaɱ, sahati ussādanaɱ, [page 090] sahati sampahāraɱ. So taɱ saŋgāmaɱ abhivijinitvā vijitasaŋgāmo tameva saŋgāmasīsaɱ ajjhāvasati. Evarūvapo'pi kho bhikkhave idhekacco yodhājīvo hoti. Ayaɱ bhikkhave pañcamo yodhajīvo. Santo saɱvijjamāno lokasmiɱ.
1. Paññatti bahulo machasaɱ 2. Rajaggaɱyeva sīmu
3. Evarūpo'pi machasaɱ 4. Evarūpo'pi bhikkhave machasaɱ
5. Ussāraṇaññeva machasaɱ 6. Ussāraṇaɱ machasaɱ 7. Haññati machasaɱ

[BJT Page 144]

Ime kho bhikkhave pañca yodhājīvā santo saɱvijjamānā lokasmiɱ.

Evameva kho bhikkhave, pañca1 yodhājīvūpamā puggalā santo saɱvijjamānā
Bhikkhusu. Katame pañca?

Yo idha bhikkhave, bhikkhu rajaggaññeva disvā saɱsīdati, visīdati, na santhambhati, na sakkoti brahmacariyaɱ santānetuɱ. 2 Sikkhādubbalyaɱ āvīkatvā sikkhaɱ paccakkhāya hīnāyāvattati. Kimassa rajaggasmiɱ?

Idha bhikkhave, bhikkhu suṇāti: 'asukasmiɱ 3 nāma gāme vā nigame vā itthī vā kumārī vā abhirūpā dassanīyā pāsādikā paramāya vaṇṇapokkharatāya samannāgatā'ti. So taɱ sutvā saɱsīdati, visīdati, na sakkoti brahmacariyaɱ santānetuɱ. Sikkhādubbalyaɱ āvīkatvā sikkhaɱ paccakkhāya hīnāyāvattati. Idamassa rajaggasmiɱ

Seyyathāpi so bhikkhave, yodhājīvo rajaggaɱ disvā saɱsīdati, visīdati, na santhambhati, na sakkoti saŋgāmaɱ otarituɱ, tathūpamāhaɱ bhikkhave, imaɱ puggalaɱ vadāmi. Evarūpo4 bhikkhave, idhekacco puggalo hoti. Ayaɱ bhikkhave paṭhamo yodhājīvūpamo puggalo santo saɱvijjamāno bhikkhūsu.

Puna ca paraɱ bhikkhave, bhikkhu sahati rajaggaɱ api ca kho dhajaggaññeva5 disvā saɱsīdati, visīdati. Na santhambhati, na sakkoti brahmacariyaɱ santānetuɱ. Sikkhādubbalyaɱ āvīkatvā sikkhaɱ paccakkhāya hīnāyāvattati. Kimassa dhajaggasmiɱ?

Idha bhikkhave bhikkhu na heva kho suṇāti: 'asukasamiɱ nāma gāme vā nigame vā itthī vā kumārī vā abhirūpā dassanīyā pāsādikā paramāya vaṇṇapokkharatāya samannāgatā'ti. Api ca kho sāmaɱ pasasati itthiɱ vā kumāriɱ vā abhirūpaɱ dassaniyaɱ pāsādikaɱ paramāya vaṇṇapokkharatāya samannāgataɱ. So taɱ disvā saɱsīdati, visīdati. Na santhambhati, na [page 091] sakkoti brahmacariyaɱ santānetuɱ. Sikkhādubbalyaɱ āvīkatvā sikkhaɱ paccakkhāya hīnāyāvattati. Idamassa dhajaggasmiɱ.

Seyyathāpi so bhikkhave, yodhājivo sahati rajaggaɱ, api ca kho dhajaggaññeva disvā saɱsīdati, visīdati, na santhambhati, na sakkoti saŋgāmaɱ otarituɱ. Tathūpamāhaɱ bhikkhave, imaɱ puggalaɱ vadāmi. Evarūpo'pi bhikkhave, idhekacco puggalo hoti. Ayaɱ bhikkhave, dutiyo yodhājīvūpamo puggalo santo saɱvijjamāno bhikkhūsu.
Puna ca paraɱ bhikkhave, bhikkhu sahati rajaggaɱ, sahati dhajaggaɱ api ca kho ussādanaɱ yeva sutvā saɱsīdati, visīdati, na santhambhati, na sakkoti brahmacariyaɱ santānetuɱ. Sikkhādubbalyaɱ āvīkatvā sikkhaɱ paccakkhāya hīnāyāvattati. Kimassa ussādanāya?6

1. Pañcime machasaɱ. 2. Sandhāretuɱ machasaɱ. 3. Amukasmiɱ machasaɱ 4. Evarūpopi machasaɱ 5. Dhajaggaɱyeva sīmu 6. Ussāraṇāya machasaɱ.

[BJT Page 146]

Idha bhikkhave, bhikkhuɱ araññagataɱ vā rukkhamūlagataɱ vā suññāgāragataɱ vā mātugāmo upasaŋkamitvā ūhasati1, ullapati, ujjhagghati, 2 uppaṇḍeti. So mātugāmena ūhasiyamāno3 ullapiyamāno ujjhagghiyamāno4 uppaṇḍiyamāno saɱsīdati, visīdati, na santhambhati, na sakkoti brahmacariyaɱ santānetuɱ. 5 Sikkhādubbalyaɱ āvīkatvā sikkhaɱ paccakkhāya hīnāyāvattati. Idamassa ussādanāya. 6
Seyyathāpi so bhikkhave yodhājīvo sahati rajaggaɱ, sahati dhajaggaɱ, api ca kho ussādanaɱ yeva7 sutvā saɱsīdati, visīdati, na santhambhati, na sakkoti saŋgāmaɱ otarituɱ. Tathūpamāhaɱ bhikkhave, imaɱ puggalaɱ vadāmi. Evarūpopi bhikkhave, idhekacco puggalo hoti. Ayaɱ bhikkhave, tatiyo yodhājīvūpamo puggalo santo saɱvijjamāno bhikkhūsu.

Puna ca paraɱ bhikkhave sahati rajaggaɱ, sahati dhajaggaɱ, sahati ussādanaɱ. 8 Api ca kho sampahāre āhaññati9 vyāpajjati. Kimassa sampahārasmiɱ?

Idha bhikkhave, bhikkhuɱ araññagataɱ vā rukkhamūlagataɱ [page 092] vā suññāgāragataɱ vā mātugāmo upasaŋkamitvā abhinisīdati, abhinipajjati, ajjhottarati. So mātugāmena abhinisīdiyamāno abhinipajjiyamāno ajjhottariyamāno sikkhaɱ apaccakkhāya dubbalyaɱ anāvīkatvā methunaɱ dhammaɱ patisevati. Idamassa sampahārasmiɱ.

Seyyathāpi so bhikkhave, yodhājīvo sahati rajaggaɱ, sahati dhajaggaɱ, sahati ussādanaɱ, 8 api ca kho sampahāre āhaññati, 9 vyāpajjati, tathūpamāhaɱ bhikkhave, imaɱ puggalaɱ vadāmi. Evarūpopi bhikkhave, idhekacco puggalo hoti. Ayaɱ bhikkhave, catuttho yodhājīvūpamo puggalo santo saɱvijjamāno bhikkhūsu.

Puna ca paraɱ bhikkhave, bhikkhu sahati rajaggaɱ, sahati dhajaggaɱ, sahati ussādanaɱ8, sahati sampahāraɱ. So taɱ saŋgāmaɱ abhivijinitvā vijitasaŋgāmo, tameva saŋgāmasīsaɱ ajjhāvasati. Kimassa saŋgāmavijayasmiɱ?

1. Uhasati machasaɱ. Ohasati katthaci 2. Ujjhaggeti sīmu. 3. Uhasiyamāno machasaɱ 4. Ujjhaggiyamāno sīmu. 5. Sandhāretuɱ machasaɱ 6. Ussāraṇāya machasaɱ 7. Ussāraṇaññeva, machasaɱ. 8. Ussāraṇaɱ machasaɱ. 9. Haññati, machasaɱ.
[BJT Page 148]

Idha bhikkhave bhikkhuɱ araññagataɱ vā rukkhamūlagataɱ vā suññāgāragataɱ vā mātugamo upasaŋkamitvā abhinisīdati, abhinipajjati, ajjhottarati. So mātugāmena abhinisīdiyamāno abhinipajjiyamāno ajjhottariyamāno viniveṭhetvā vinimocetvā yena kāmaɱ pakkamati.

So vivittaɱ senāsanaɱ bhajati: araññaɱ rukkhamūlaɱ pabbataɱ kandaraɱ giriguhaɱ susānaɱ vanapatthaɱ abbhokāsaɱ palālapuñjaɱ. So araññagato vā rukkhamūlagato vā suññāgāragato vā nisīdati pallaŋkaɱ ābhujitvā ujuɱ kāyaɱ paṇidhāya parimukhaɱ satiɱ upaṭṭhapetvā. So abhijjhaɱ loke pahāya vigatābhijjhena cetasā viharati, abhijjhāya cittaɱ parisodheti. Vyāpādapadosaɱ pahāya abyāpannacitto viharati sabbapāṇabhūtahitānukampī. Vyāpādapadosā cittaɱ parisodheti. Thīnamiddhaɱ pahāya vigatathīnamiddho viharati ālokasaññī sato sampajāno. Thīnamiddhāya cittaɱ parisodheti. Uddhaccakukkuccaɱ pahāya anuddhato viharati ajjhattaɱ vūpasantacitto. Uddhaccakukkuccā cittaɱ parisodheti. Vicikicchaɱ pahāya tiṇṇavicikiccho viharati [page 093] akathaɱkathī kusalesu dhammesu. Vicikicchāya cittaɱ parisodheti.

So ime pañcanīvaraṇe pahāya cetaso upakkilese paññāya dubbalīkaraṇe vivicceva kāmehi vivicca akusalehi dhammehi savitakkaɱ savicāraɱ vivekajaɱ pītisukhaɱ paṭhamaɱ jhānaɱ upasampajja viharati. Vitakkavicārānaɱ vūpasamā ajjhattaɱ sampasādanaɱ cetaso ekodibhāvaɱ avitakkaɱ avicāraɱ samādhijaɱ pītisukhaɱ dutiyaɱ jhānaɱ upasampajja viharati. Pītiyā ca virāgā upekkhako ca viharati sato ca sampajāno, sukhañca kāyena paṭisaɱvedeti, yaɱ taɱ ariyā ācikkhanti upekkhako satimā sukhavihārīti, tatiyaɱ jhānaɱ upasampajja viharati. Sukhassa ca pahānā dukkhassa ca pahānā pubbeva somanassadomanassānaɱ atthaɱgamā adukkhaɱ asukhaɱ upekkhāsatipārisuddhiɱ catutthaɱ jhānaɱ upasampajja viharati.

So evaɱ samāhite citte parisuddhe pariyodāte anaŋgaṇe vigatūpakkilese mudubhūte kammaniye ṭhite āneñjappatte āsavānaɱ khayañāṇāya cittaɱ abhininnāmeti. So idaɱ dukkhanti yathābhūtaɱ pajānāti. Ayaɱ dukkhasamudayoti yathābhūtaɱ pajānāti. Ayaɱ dukkhanirodhoti yathābhūtaɱ pajānāti. Ayaɱ dukkhanirodhagāminī paṭipadāti yathābhūtaɱ pajānāti. Ime āsavā'ti yathābhūtaɱ pajānāti. Ayaɱ āsavasamudayoti yathābhūtaɱ pajānāti. Ayaɱ āsavanirodhoti yathābhūtaɱ pajānāti. Ayaɱ āsavanirodhagāminī paṭipadāti yathābhūtaɱ pajānāti. Tassa evaɱ jānato evaɱ passato kāmāsavāpi cittaɱ vimuccati. Bhavāsavāpi cittaɱ vimuccati. Avijjāsavāpi cittaɱ vimuccati. Vimuttasmiɱ vimuttamiti ñāṇaɱ hoti. 'Khīṇā jāti, vusitaɱ brahmacariyaɱ, kataɱ karaṇīyaɱ, nāparaɱ itthattāyā'ti pajānāti. Idamassa saŋgāmavijayasmiɱ.

Seyyathāpi so bhikkhave, yodhājīvo sahati rajaggaɱ, sahati dhajaggaɱ, sahati ussādanaɱ, 2 sahati sampahāraɱ, so taɱ saŋgāmaɱ abhivijinitvā vijitasaŋgāmo tameva saŋgāmasīsaɱ ajjhāvasati. Tathūpamāhaɱ bhikkhave, imaɱ puggalaɱ vadāmi. Evarūpopi bhikkhave, idhekacco puggalo hoti. Ayaɱ, bhikkhave, pañcamo yodhājīvūpamo puggalo santo saɱvijjamāno bhikkhūsu.

Ime kho bhikkhave, pañca yodhājīvūpamā puggalā santo saɱvijjamānā bhikkhūsū'ti.
1. Ānejjappatte sīmu. 2. Ussāraṇaɱ machasaɱ

[BJT Page 150]

5. 2. 3. 6

(Dutiyayodhājīvūpama suttaɱ)

(Sāvatthinidānaɱ:)
26. Pañcime bhikkhave yodhājīvā santo saɱvijjamānā lokasmiɱ. Katame pañca?

Idha bhikkhave ekacco yodhājīvo asicammaɱ gahetvā [page 094] dhanukalāpaɱ sannayhitvā viyūḷhaɱ saɱŋgāmaɱ otarati. So tasmiɱ saŋgāme ussahati, vāyamati. Tamenaɱ ussahantaɱ vāyamantaɱ pare hananti, pariyāpādenti1 evarūpo2 bhikkhave idhekacco yodhājīvo hoti. Ayaɱ bhikkhave paṭhamo yodhājīvo sanno saɱvijjamāno lokasmiɱ.

Puna ca paraɱ bhikkhave idhekacco yodhājīvo asicammaɱ gahetvā dhanukalāpaɱ sannayhitavā viyūḷhaɱ saŋgāmaɱ otarati. So tasmiɱ saŋgāme ussahati, vāyamati. Tamenaɱ ussahantaɱ vāyamantaɱ pare upalikkhanti. Tamenaɱ apanenti. Apanetvā ñātakānaɱ nenti. So ñātakehi nīyamāno appatvāva ñātake antarā magge kālaɱ karoti. Evarūpopi bhikkhave idhekacco yodhājīvo hoti. Ayaɱ bhikkhave dutiyo yodhājīvo santo saɱvijjamāno lokasmiɱ.

Puna ca paraɱ bhikkhave idhekacco yodhājīvo asicammaɱ gahetvā dhanukalāpaɱ sannayhitvā viyūḷhaɱ saŋgāmaɱ otarati. So tasmiɱ saŋgāme ussahati, vāyamati. Tamenaɱ ussahantaɱ vāyamantaɱ pare upalikkhanti, tamenaɱ apanenti. Apanetvā ñātakānaɱ nenti. Tamenaɱ ñātakā upaṭṭhahanti, paricaranti. So ñātakehi upaṭṭhahiyamāno paricariyamāno tenevābādhena kālaɱ karoti. Evarūpopi bhikkhave idhekacco
Yodhājīvo hoti. Ayaɱ bhikkhave tatiyo yodhājīvo santo saɱvijjamāno lokasmiɱ.

Puna ca paraɱ bhikkhave idhekacco yodhājīvo asicammaɱ gahetvā dhanukalāpaɱ sannayhitvā viyūḷhaɱ saŋgāmaɱ otarati. So tasmiɱ saŋgāme ussahati, vāyamati. Tamenaɱ ussahantaɱ vāyamantaɱ pare upalikkhanti. Tamenaɱ apanenti. Apanetvā ñātakānaɱ nenti. Tamenaɱ ñātakā upaṭṭhahanti, paricaranti. So ñātakehi upaṭṭhahiyamāno paricariyamāno vuṭṭhāti tamhā ābādhā. Evarūpopi bhikkhave idhekacco yodhājīvo hoti. Ayaɱ bhikkhave catuttho yodhājīvo santo saɱvijjamāno lokasmiɱ.

Puna ca paraɱ bhikkhave idhekacco yodhājīvo asicammaɱ gahetvā dhanukalāpaɱ sannayhitvā viyūḷhaɱ saŋgāmaɱ otarati. So taɱ saŋgāmaɱ abhivijinitvā [page 095] vijitasaŋgāmo tameva saŋgāmasīsaɱ ajjhāvasati. Evarūpopi bhikkhave idhekacco yodhājīvo hoti. Ayaɱ bhikkhave pañcamo yodhājīvo santo saɱvijjamāno lokasmiɱ.

Ime kho bhikkhave pañca yodhājīvo santo saɱvijjamānā lokasmiɱ.

1. Pariyādiyanti sīmu 2. Evarūpopi machasaɱ

[BJT Page 152]

Evameva kho bhikkhave pañca1 yodhājīvūpamā puggalā santo saɱvijjamānā bhikkhūsu. Katame pañca?

Idha bhikkhave bhikkhu aññataraɱ gāmaɱ vā nigamaɱ vā upanissāya viharati. So pubbanhasamayaɱ nivāsetvā pattacīvaramādāya tameva gāmaɱ vā nigamaɱ vā piṇḍāya pavisati arakkhiteneva kāyena arakkhitāya vācāya arakkhitena cittena anupaṭṭhitāya satiyā asaɱvutehi indriyehi. So tattha pasasti mātugāmaɱ dunnivatthaɱ vā duppārutaɱ vā. Tassa taɱ mātugāmaɱ disvā dunnivatthaɱ vā duppārutaɱ vā rāgo cittaɱ anuddhaɱseti. So rāgānuddhaɱsitena2 cittena sikkhaɱ apaccakkhāya dubbalyaɱ anāvīkatvā methunaɱ dhammaɱ patisevati3.

Seyyathāpi so bhikkhave yodhājīvo asicammaɱ gahetvā dhanukalāpaɱ sannayhitvā viyūḷhaɱ saŋgāmaɱ otarati, so tasmiɱ saŋgāme ussahati, vāyamati, tamenaɱ ussahantaɱ vāyamantaɱ pare hananti. Pariyāpādenti. Tathūpamāhaɱ bhikkhave imaɱ puggalaɱ vadāmi. Evarūpo4 bhikkhave idhekacco puggalo hoti. Ayaɱ bhikkhave paṭhamo yodhājīvūpamo puggalo santo saɱvijjamāno bhikkhūsu.

Puna ca paraɱ bhikkhave bhikkhu aññataraɱ gāmaɱ vā nigamaɱ vā upanissāya viharati. So pubbanhasamayaɱ nivāsetvā pattacīvaramādāya tameva gāmaɱ vā nigamaɱ vā piṇḍāya pavisati arakkhiteneva kāyena arakkhitāya vācāya arakkhitena cittena anupaṭṭhitāya satiyā asaɱvutehi indriyehi. So tattha passati mātugāmaɱ dunnivatthaɱ vā duppārutaɱ vā. Tassa taɱ mātugāmaɱ disvā dunnivatthaɱ vā duppārutaɱ vā rāgo cittaɱ anuddhaɱseti. So rāgānuddhaɱsitena2 cittena pariḍayhateva kāyena. Pariḍayhati cetasā. Tassa evaɱ hoti: yannūnāhaɱ ārāmaɱ [page 096] gantvā bhikkhūnaɱ āroceyyaɱ rāgāyitomhi5 āvuso rāgapareto. Na sakkomhi brahmacariyaɱ santānetuɱ. 6 Sikkhādubbalyaɱ āvīkatvā sikkhaɱ paccakkhāya hīnāyāvattissāmi'ti. So ārāmaɱ gacchanto appatvāva ārāmaɱ antarāmagge sikkhādubbalyaɱ āvīkatvā sikkhaɱ paccakkhāya hīnāyāvattati.

Seyyathāpi so bhikkhave yodhājīvo asicammaɱ gahetvā dhanukalāpaɱ sannayhitvā viyūḷhaɱ saŋgāmaɱ otarati, so tasmiɱ saŋgāme ussahati, vāyamati, tamenaɱ ussahantaɱ vāyamantaɱ pare upalikkhanti, tamenaɱ apanenti, apanetvā ñātakānaɱ nenti, so ñātakehi nīyamāno appatvā va ñātake antarāmagge kālaɱ karoti, tathūpamāhaɱ bhikkhave imaɱ puggalaɱ vadāmi. Evarūpopi bhikkhave idhekacco puggalo hoti. Ayaɱ bhikkhave dutiyo yodhājīvūpamo puggalo santo saɱvijjamāno bhikkhūsu.

1. Pañcime machasaɱ. 2. Rāgānuddhastena sīmu.
3. Paṭisevati machasaɱ. 4. Evarūpopi machasaɱ.
5. Rāgapariyuṭṭhitomhi machasaɱ. 6. Sandhāretuɱ machasaɱ.

[BJT Page 154]
Puna ca paraɱ bhikkhave bhikkhu aññataraɱ gāmaɱ vā nigamaɱ vā upanissāya viharati. So pubbanhasamayaɱ nivāsetvā pattacīvaramādāya tameva gāmaɱ vā nigamaɱ vā piṇḍāya pavisati arakkhiteneva kāyena arakkhitāya vācāya arakkhitena cittena anupaṭṭhitāya satiyā asaɱvutehi indriyehi. So tattha passati mātugāmaɱ dunnivatthaɱ vā duppārutaɱ vā. Tassa taɱ mātugāmaɱ disvā dunnivatthaɱ vā duppārutaɱ vā rāgo cittaɱ anuddhaɱseti. So rāgānuddhaɱsitena1 cittena pariḍayhateva kāyena, pariḍayhati cetasā. Tassa evaɱ hoti: yannūnāhaɱ ārāmaɱ gantvā bhikkhūnaɱ āroceyyaɱ: "rāgāyitomhi āvuso rāgapareto. Na sakkomi brahmacariyaɱ santānetuɱ. 2 Sikkhādubbalyaɱ āvīkatvā sikkhaɱ paccakkhāya hīnāyāvattissāmī"ti. So ārāmaɱ gantvā bhikkhūnaɱ āroceti: rāgāyitomhi āvuso rāgapareto. Na sakkomi brahmacariyaɱ santānetuɱ. 2 Sikkhādubbalyaɱ āvīkatvā sikkhaɱ paccakkhāya hīnāyāvattissāmī"ti.

Tamenaɱ sabrahmacārī ovadanti anusāsanti: [page 097] "appassādā āvuso kāmāvuttā bhagavatā bahudukkhā bahūpāyāsā, ādīnavo ettha bhīyyo. Aṭṭhikaŋkhalūpamā kāmā vuttā bhagavatā bahudukkhā bahūpāyāsā, ādīnavo ettha bhiyyo. Maɱsapesūpamā kāmā vuttā bhagavatā bahudukkhā bahūpāyāsā, ādīnavo ettha bhiyyo. Tiṇukkūpamā kāmā vuttā bhagavatā bahudukkhā bahūpāyāsā, ādīnavo ettha bhiyyo. Aŋgārakāsūpamā kāmā vuttā bhagavatā bahudukkhā bahūpāyāsā, ādīnavo ettha bhiyyo. Supinakūpamā kāmā vuttā bhagavatā bahudukkhā bahūpāyāsā, ādīnavo ettha bhiyyo. Yācitakūpamā kāmā vuttā bhagavatā bahudukkhā bahūpāyāsā, ādinavo ettha bhiyyo. Rukkhaphalūpamā kāmā vuttā bhagavatā bahudukkhā bahūpāyāsā ādīnavo ettha bhiyyo. Asisūnūpamā kāmā vuttā bhagavatā bahudukkhā bahūpāyāsā, ādīnavo ettha bhiyyo. Sattisūlūpamā kāmā vuttā bhagavatā bahudukkhā bahūpāyāsā, ādīnavo ettha bhiyyo. Sappasirūpamā kāmā vuttā bhagavatā bahudukkhā bahūpāyāsā, ādīnavo ettha bhiyyo. Abhiramatāyasmā brahmacariyaɱ. 3 Mā āyasmā sikkhādubbalyaɱ āvīkatvā sikkhaɱ paccakkhāya hīnāyāvattī"ti. 4

1. Rāganuddhastena sīmu 2. Sajhāretuɱ machasaɱ
3. Brahmacariye machasaɱ 4. Hīnāyāvattatīti sīmu

[BJT Page 156]

So sabrahmacārīhi evaɱ ovadiyamāno evaɱ anusāsiyamāno evamāha: 'kiñcāpi āvuso 'appassādā kāmā vuttā bhagavatā bahudukkhā bahūpāyāsā, ādīnavo ettha bhiyyo', atha kho nevāhaɱ sakkomi brahmacariyaɱ santānetuɱ sikkhādubbalyaɱ āvīkatvā sikkhaɱ paccakkhāya hīnāyāvattissāmī"ti. So sikkhādubbalyaɱ āvīkatvā sikkhaɱ paccakkhāya hīnāyāvattati.

Seyyathāpi so bhikkhave yodhājīvo asicammaɱ gahetvā dhanukalāpaɱ sannayhitvā viyūḷhaɱ saŋgāmaɱ otarati, so tasmiɱ saŋgāme ussahati vāyamati, tamenaɱ ussahantaɱ vāyamantaɱ pare upalikkhanti, tamenaɱ apanenti, [page 098] apanetvā ñātakānaɱ 2 nenti, tamenaɱ ñātakā upaṭṭhahanti, paricaranti, so ñātakehi upaṭṭhahiyamāno paricariyamāno tenevābādhena kālaɱ karoti, tathūpamāhaɱ bhikkhave imaɱ puggalaɱ vadāmi. Evarūpopi bhikkhave idhekacco puggalo hoti. Ayaɱ bhikkhave tatiyo yodhājīvūpamo puggalo santo saɱvijjamāno bhikkhūsu.

Puna ca paraɱ bhikkhave bhikkhu aññataraɱ gāmaɱ vā nigamaɱ vā upanissāya viharati. So pubbanhasamayaɱ nivāsetvā pattacīvaramādāya tameva gāmaɱ vā nigamaɱ vā piṇḍāya pavisati arakkhiteneva kāyena arakkhitāya vācāya arakkhitena cittena anupaṭṭhitāya satiyā asaɱvutehi indriyehi. So tattha passati mātugāmaɱ dunnivatthaɱ vā duppārutaɱ vā tassa taɱ mātugāmaɱ disvā dunnivatthaɱ vā duppārutaɱ vā rāgo cittaɱ anuddhaɱseti. So rāgānuddhaɱsitena3 cittena pariḍayhateva kāyena, pariḍayhati cetasā. Tassa evaɱ hoti.

1. Sandhāretuɱ machasaɱ 2. Ñātīnaɱ sīmu 3. Rāgānuddhastena sīmu.

[BJT Page 158]
"Yannūnāhaɱ ārāmaɱ gantvā āroceyyaɱ: rāgāyitomhi1 āvuso rāgapareto, na sakkomi brahmacariyaɱ santānetuɱ. 2 Sikkhādubbalyaɱ āvīkatvā sikkhaɱ paccakkhāya hīnāyāvattissāmī'ti so ārāmaɱ gantvā bhikkhūnaɱ āroceti: "rāgāyitomhi1 āvuso rāgapareto, na sakkomi brahmacariyaɱ santānetuɱ. 2 Sikkhādubbalyaɱ āvīkatvā sikkhaɱ paccakkhāya hīnāyāvattissāmī"ti.

Tamenaɱ sabrahmacārī ovadanti anusāsanti: "appassādā āvuso kāmā vuttā bhagavatā bahudukkhā bahūpāyāsā, ādīnavo ettha bhiyyo. Aṭṭhikaŋkhalūpamā kāmā vuttā bhagavatā bahudukkhā bahūpāyāsā, ādīnavo ettha bhiyyo. Maɱsapesūpamākāmā vuttā bhagavatā bahudukkhā bahūpāyāsā, ādīnavo ettha bhiyyo. Tiṇukkūpamā kāmā vuttā bhagavatā bahudukkhā bahūpāyāsā, ādīnavo ettha bhiyyo. Aŋgārakāsūpamā kāmā vuttā bhagavatā bahudukkhā bahupāyāsā ādinavo ettha hiyyo. Maɱsapesūpamā kāmā vuttā
Bhagavatā bahudukkhā bahūpāyāsā, ādīnavo ettha bhiyyo. Supinakūpamā kāmā vuttā bhagavatā bahudukkhā bahūpāyāsā ādīnavo ettha bhiyyo. Yācitakūpamā kāmā vuttā bhagavatā bahudukkhā bahūpāyāsā, ādīnavo ettha bhiyyo. Rukkhaphalūpamā kāmā vuttā bhagavatā bahudukkhā bahūpāyāsā ādīnavo ettha bhiyyo. Asisūnūpamā [page 099] kāmā vuttā bhagavatā bahudukkhā bahūpāyāsā, ādīnavo ettha bhiyyo. Sattisūlūpamā kāmā vuttā bhagavatā bahudukkhā bahūpāyāsā, ādīnavo ettha bhiyyo. Sappasirūpamā kāmā vuttā bhagavatā bahudukkhā bahūpāyāsā, ādīnavo ettha bhiyyo. Abhiramatu āyasmā brahamacariyaɱ. 3 Mā āyasmā sikkhādubbalyaɱ āvīkatvā sikkhaɱ paccakkhāya hīnāyāvattī"ti. 4 So sabrahmacārīhi evaɱ ovadiyamāno evaɱ anusāsiyamāno evamāha:'ussahissāmi āvuso, dhārayissāmi5 āvuso, abhiramissāmi āvuso. Na dānāhaɱ āvuso sikkhādubbalyaɱ āvīkatvā sikkhaɱ paccakkhāya hīnāyāvattissāmī"ti.

Seyyathāpi so bhikkhave yodhājīvo asicammaɱ gahetvā dhanukalāpaɱ sannayhitvā viyūḷhaɱ saŋgāmaɱ otarati, so tasmiɱ saŋgāme ussahati, vāyamati, tamenaɱ ussahantaɱ vāyamantaɱ pare upalikkhanti, tamenaɱ apanenti, apanetvā ñātakānaɱ nenti, tamenaɱ ñātakā upaṭṭhahanti, paricaranti, so ñātakehi upaṭṭhahiyamāno paricariyamāno vuṭṭhati tamhā ābādhā, tathūpamāhaɱ bhikkhave imaɱ puggalaɱ vadāmi. Evarūpopi bhikkhave idhekacco puggalo hoti. Ayaɱ bhikkhave catuttho yodhājīvūpamo puggalo santo saɱvijjamāno bhikkhūsu.

1. Rāgapariyuṭṭhitomhi machasaɱ 2. Sandhāretuɱ machasaɱ
3. Brahmacariye machasaɱ 4. Hīnāyāvattati sīmu. 5. Vāyamissāmi machasaɱ.

[BJT Page 160]

Puna ca paraɱ bhikkhave bhikkhu aññataraɱ gāmaɱ vā nigamaɱ vā upanissāya viharati. So pubbanhasamayaɱ nivāsetvā pattacīvaramādāya tameva gāmaɱ vā nigamaɱ vā piṇḍāya pavisati rakkhitena1 kāyena rakkhitāya vācāya rakkhitena cittena upaṭṭhitāya satiyā saɱvutehi indriyehi. So cakkhunā rūpaɱ disvā na nimittaggāhī hoti nānubyañjanaggāhī. Yatvādhikaraṇa menaɱ cakkhundriyaɱ asaɱvutaɱ viharantaɱ abhijjhā domanassā pāpakā akusalā dhammā anvāssaveyyuɱ, tassa saɱvarāya paṭipajjati. Rakkhati cakkhundriyaɱ. Cakkhundriye saɱvaraɱ āpajjati. Sotena saddaɱ sutvā na nimittaggāhī hoti nānubyañjanaggāhī. Yatvādhikaraṇa menaɱ sotindriyaɱ asaɱvutaɱ viharantaɱ abhijjhā domanassā pāpakā akusalā dhammā anvāssaveyyuɱ, tassa saɱvarāya paṭipajjati, rakkhati sotindriyaɱ, sotindriye saɱvaraɱ āpajjati. Ghāṇena gandhaɱ ghāyitvā, na nimittaggāhī hoti nānubyañjanaggāhī. Yatvādhikaraṇa menaɱ ghāṇindriyaɱ asaɱvutaɱ viharantaɱ abhijjhā domanassā pāpakā akusalā dhammā anvāssaveyyuɱ, tassa saɱvarāya paṭipajjati. Rakkhati ghāṇindriyaɱ, ghāṇindriye saɱvaraɱ āpajjati. Jivhāya rasaɱ sāyitvā na nimittaggāhī hoti nānubyañjanaggāhī. Yatvādhikaraṇamenaɱ jivhindriyaɱ asaɱvutaɱ viharantaɱ abhijjhā domanassā pāpakā akusalā dhammā anvāssaveyyuɱ, tassa saɱvarāya paṭipajjati. Rakkhati jivhindriyaɱ, jivhindriye saɱvaraɱ āpajjati. [page 100] kāyena phoṭṭhabbaɱ phusitvā na nimittaggāhī hoti nānubyañjanaggāhī. Yatvādhikaraṇamenaɱ kāyindriyaɱ asaɱvutaɱ viharantaɱ abhijjhā domanassā pāpakā akusalā dhammā anvāssaveyyuɱ, tassa saɱvarāya paṭipajjati. Rakkhati kāyindriyaɱ, kāyindriye saɱvaraɱ āpajjati. Manasā dhammaɱ viññāya na nimittaggāhī hoti nānubyañjanaggāhī. Yatvādhikaraṇamenaɱ manindriyaɱ asaɱvutaɱ viharantaɱ abhijjhā domanassā pāpakā akusalā dhammā anvāssaveyyuɱ, tassa saɱvarāya paṭipajjati. Rakkhati manindriyaɱ. Manindriye saɱvaraɱ āpajjati.

So pacchābhattaɱ piṇḍapātapaṭikkanto vivittaɱ senāsanaɱ bhajati: araññaɱ rukkhamūlaɱ pabbataɱ kandaraɱ giriguhaɱ susānaɱ vanapatthaɱ abbhokāsaɱ palālapuñjaɱ. So araññagato vā rukkhamūlagato vā suññāgāragato vā nisīdati pallaŋkaɱ ābhujitvā ujuɱ kāyaɱ paṇidhāya parimukhaɱ satiɱ upaṭṭhapetvā. So abhijjhaɱ loke pahāya vigatābhijjhena cetasā viharati, abhijjhāya cittaɱ parisodheti. Vyāpādapadosaɱ pahāya abyāpannacitto viharati sabbapāṇabhūtahitānukampī. Vyāpādapadosā cittaɱ parisodheti. Thīnamiddhaɱ pahāya vigatathīnamiddho viharati ālokasaññī sato sampajāno. Thīnamiddhāya cittaɱ parisodheti. Uddhaccakukkuccaɱ pahāya anuddhato viharati ajjhattaɱ vūpasantacitto. Uddhaccakukkuccā cittaɱ parisodheti. Vicikicchaɱ pahāya tiṇṇavicikiccho viharati akathaɱkathī kusalesu dhammesu. Vicikicchāya cittaɱ parisodheti.

So ime pañca nīvaraṇe pahāya cetaso upakkilese paññāya dubbalīkaraṇe vivicceva kāmehi vivicca akusalehi dhammehi savitakkaɱ savicāraɱ vivekajaɱ pītisukhaɱ paṭhamaɱ jhānaɱ upasampajja viharati. Vitakkavicārānaɱ vūpasamā ajjhattaɱ sampasādanaɱ cetaso ekodibhāvaɱ avitakkaɱ avicāraɱ samādhijaɱ pītisukhaɱ dutiyaɱ jhānaɱ upasampajja viharati, pītiyā ca virāgā upekkhako ca viharati sato sampajāno sukhaɱ ca kāyena paṭisaɱvedeti, yantaɱ ariyā ācikkhanti upekkhako satimā sukhavihārī ti taɱ tatiyaɱ jhānaɱ upasampajja viharati. Sukhassa ca pahāṇā dukkhassa ca pahāṇā pubbeva somanassadomanassānaɱ atthaɱgamā adukkhaɱ asukhaɱ upekkhāsati pārisuddhiɱ catutthaɱ jhānaɱ2 upasampajja viharati.

So evaɱ samāhite citte parisuddhe pariyodāte anaŋgaṇe vigatupakkilese mudubhute kammaniye ṭhite āneñjappatte3 āsavānaɱ khayañāṇāya cittaɱ abhininnāmeti. So idaɱ dukkhanti yathābhūtaɱ pajānāti. Ayaɱ dukkhasamudayoti yathābhūtaɱ pajānāti. Ayaɱ dukkhanirodhoti yathābhūtaɱ pajānāti. Ayaɱ dukkhanirodhagāminī paṭipadāti yathābhūtaɱ pajānāti. Ime āsavāti yathābhūtaɱ pajānāti. Ayaɱ āsavasamudayo ti yathābhūtaɱ pajānāti. Ayaɱ āsavanirodho ti yathābhūtaɱ pajānāti. Ayaɱ āsavanirodhagāminī paṭipadā ti yathābhūtaɱ pajānāti. Tassa evaɱ jānato evaɱ passato kāmāsavāpi cittaɱ vimuccati. Bhavāsavāpi cittaɱ vimuccati. Avijjāsavāpi cittaɱ vimuccati. Vimuttasmiɱ vimuttamiti ñāṇaɱ hoti. ' Khīṇā jāti vusitaɱ brahmacariyaɱ, kataɱ karaṇīyaɱ nāparaɱ itthattāyā' ti pajānāti.

Seyyathāpi so bhikkhave yodhājīvo asicammaɱ gahetvā dhanukalāpaɱ sannayhitvā viyūḷhaɱ saŋgāmaɱ otarati, so taɱ saŋgāmaɱ abhivijinitvā vijitasaŋgāmo tameva saŋgāmasīsaɱ ajjhāvasati, tathūpamāhaɱ bhikkhave imaɱ puggalaɱ vadāmi. Evarūpopi bhikkhave idhekacco puggalo hoti. Ayaɱ bhikkhave pañcamo yodhājīvūpamo puggalo santo saɱvijjamāno bhikkhūsu.

Ime kho bhikkhave pañca yodhājīvūpamā puggalā santo saɱvijjamānā bhikkhūsūti.

1. Rakkhiteneva machasaɱ.
2. Catutthajjhānaɱ sīmu. Anejjappatte sīmu.

[BJT Page 162]

5. 2. 3. 7

(Paṭhamaanāgatabhaya suttaɱ)

(Sāvatthinidānaɱ:)

27. Pañcimāni bhikkhave anāgatabhayāni sampassamānena alameva āraññakena bhikkhunā appamattena ātāpinā [page 101] pahitattena viharituɱ appattassa pattiyā anadhigatassa adhigamāya asacchikatassa sacchikiriyāya. Katamāni pañca?

Idha bhikkhave āraññako bhikkhu iti paṭisañcikkhati: "ahaɱ kho etarahi ekakova1 araññe viharāmi. Ekakaɱ kho pana maɱ3 araññe viharantaɱ ahi vā ḍaɱseyya, vicchiko vā maɱ ḍaɱseyya, satapadī vā maɱ ḍaɱseyya. Tena me assa kālakiriyā3 so mamassa antarāyo. Handāhaɱ viriyaɱ ārabhāmi appattassa pattiyā anadhigatassa adhigamāya asacchikatassa sacchikiriyāyā"ti. Idaɱ bhikkhave paṭhamaɱ anāgatabhayaɱ sampassamānena alameva āraññakena bhikkhunā appamattena ātāpinā pahitattena viharituɱ appattassa pattiyā anadhigatassa adhigamāya asacchikatassa sacchikiriyāya.

Puna ca paraɱ bhikkhave āraññako bhikkhu iti paṭisañcikkhati: " ahaɱ kho etarahi ekako araññe viharāmi. Ekako panāhaɱ araññe viharanto upakkhalitvā papateyyaɱ, bhattaɱ vā me bhuttaɱ4 vyāpajjeyya, pittaɱ vā me kuppeyya, semhaɱ vā me kuppeyya, satthakā vā me vātā kuppeyyuɱ, tena me assa kālakiriyā3 so mamassa antarāyo. Handāhaɱ viriyaɱ ārabhāmi appattassa pattiyā anadhigatassa adhigamāya asacchikatassa sacchikiriyāyā" ti. Idaɱ bhikkhave dutiyaɱ anāgatabhayaɱ
Sampassamānena alameva āraññakena bhikkhunā appamattena ātāpinā pahitattena viharituɱ appattassa pattiyā anadhigatassa adhigamāya asacchikatassa sacchikiriyāya.

Puna ca paraɱ bhikkhave āraññako bhikkhu iti paṭisañcikkhati: " ahaɱ kho etarahi ekako araññe viharāmi. Ekako kho panāhaɱ araññe viharanto vālehi vā samāgaccheyyaɱ, sīhena vā vyagghena vā dīpinā vā acchena vā taracchena vā, te maɱ jīvitā voropeyyuɱ, tena me assa [page 102] kālakiriyā3 so mamassa antarāyo. Handā'haɱ viriyaɱ ārabhāmi appattassa pattiyā anadhigatassa adhigamāya asacchikatassa sacchikiriyāyā"ti. Idaɱ bhikkhave tatiyaɱ anāgatabhayaɱ sampassamānena alameva āraññakena bhikkhunā appamattena ātāpinā pahitattena viharituɱ appattassa pattiyā anadhigatassa adhigamāya asacchikatassa sacchikiriyāya.

1. Ekako machasaɱ 2. Ekakaɱ kho pana maɱ syā
3. Kālaɱ kiriyā machasaɱ 4. Bhattaɱ vā bhuttaɱ me machasaɱ

[BJT Page 164]

Puna ca paraɱ bhikkhave āraññako bhikkhu iti paṭisañcikkhati: " ahaɱ kho etarahi
Ekako araññe viharāmi. Ekako kho panāhaɱ araññe viharanto māṇavehi1 samāgaccheyyaɱ katakammehi vā akatakammehi vā. Te maɱ jīvitā voropeyyuɱ. Tena me assa kālakiriyā2 so mamassa antarāyo. Handāhaɱ viriyaɱ ārabhāmi appattassa pattiyā anadhigatassa adhigamāya asacchikatassa sacchikiriyāyāti. " Idaɱ bhikkhave catutthaɱ anāgatabhayaɱ sampassamānena alameva āraññakena bhikkhunā appamattena ātāpinā pahitattena viharituɱ appattassa pattiyā anadhigatassa adhigamāya asacchikatassa sacchikiriyāya.

Puna ca paraɱ bhikkhave āraññako bhikkhu iti paṭisañcikkhati: "ahaɱ kho etarahi ekako araññe viharāmi. Santi kho pana araññe3 vālā amanussā. Te maɱ jīvitā voropeyyuɱ. Tena me assa kālakiriyā. 2 So mamassa antarāyo. Handāhaɱ viriyaɱ ārabhāmi appattassa pattiyā anadhigatassa adhigamāya asacchikatassa sacchikiriyāyā"ti. Idaɱ bhikkhave pañcamaɱ anāgatabhayaɱ sampassamānena alameva āraññakena bhikkhunā appamattena ātāpinā pahitattena viharituɱ appattassa pattiyā anadhigatassa adhigamāya asacchikatassa sacchikiriyāya.

Imāni kho bhikkhave pañca anāgatabhayāni sampassamānena alameva āraññakena bhikkhunā appamattena ātāpinā pahitattena viharituɱ appattassa pattiyā anadhigatassa adhigamāya asacchikatassa sacchikiriyāyāti.
[page 103]

5. 2. 3. 8
(Dutiyaanāgatabhayasuttaɱ)
(Sāvatthinidānaɱ)

28. Pañcimāni bhikkhave anāgatabhayāni sampassamānena alameva bhikkhunā
Appamattena ātāpinā pahitattena viharituɱ appattassa pattiyā anadhigatassa adhigamāya asacchikatassa sacchikiriyāya. Katamāni pañca?

Idha bhikkhave bhikkhu iti paṭisañcikkhati: " ahaɱ kho etarahi daharo yuvā susu kāḷakeso bhadrena yobbanena samannāgato paṭhamena vayasā hoti kho pana so samayo yaɱ imaɱ kāyaɱ jarā phusati. Jiṇṇena kho pana jarāya abhibhūtena na sukaraɱ buddhānaɱ sāsanaɱ manasikātuɱ.

1. Mānavena katthaci 2. Kālaɱkiriyā machasaɱ 3. Panāraññe machasaɱ

[BJT Page 166]

Na sukarāni araññe1 vanapatthāni pantāni senāsanāni paṭisevituɱ purā maɱ so dhammo āgacchati aniṭṭho akanto amanāpo. Handāhaɱ paṭigacce va2 viriyaɱ ārabhāmi appattassa pattiyā anadhigatassa adhigamāya asacchikatassa sacchikiriyāya yenāhaɱ dhammena samannāgato jiṇṇako'pi phāsuɱ viharissāmī"ti. Idaɱ bhikkhave paṭhamaɱ anāgatabhayaɱ sampassamānena alameva bhikkhunā appamattena ātāpinā pahitattena viharituɱ appattassa pattiyā anadhigatassa adhigamāya asacchikatassa sacchikiriyāya.

Puna ca paraɱ bhikkhave bhikkhu iti paṭisañcikkhati: 'ahaɱ kho etarahi appābādho appātaŋko samavepākiniyā gahaṇiyā samannāgato nātisītāya nāccuṇhāya majjhimāya padhānakkhamāya. Hoti kho pana so samayo yaɱ imaɱ kāyaɱ vyādhi phusati. Byādhitena kho pana byādhābhibhūtena 3 na sukaraɱ buddhānaɱ sāsanaɱ manasikātuɱ. Na sukarāni araññe1 vanapatthāni pantāni senāsanāni paṭisevituɱ purā maɱ so dhammo āgacchati aniṭṭho akanto amanāpo, handāhaɱ paṭigacce va2 viriyaɱ ārabhāmi appattassa pattiyā anadhigatassa adhigamāya asacchikatassa sacchikiriyāya [page 104] yenāhaɱ dhammena samannāgato byādhitopi phāsuɱ4 viharissāmī'ti. Idaɱ bhikkhave dutiyaɱ anāgatabhayaɱ sampassamānena alameva bhikkhunā appamattena ātāpinā pahitattena viharituɱ appattassa pattiyā anadhigatassa adhigamāya asacchikatassa sacchikiriyāya.

Puna ca paraɱ bhikkhave bhikkhu iti paṭisañcikkhati:'etarahi kho subhikkhaɱ susassaɱ sulabhapiṇḍaɱ, sukaraɱ uñchena paggahena yāpetuɱ. Hoti kho pana so samayo yaɱ dubbhikkhaɱ hoti dussassaɱ dullabhapiṇḍaɱ, na sukaraɱ uñchena paggahena yāpetuɱ. Dubbhikkhena kho pana manussā yena subhikkhaɱ tena saŋkamanti tattha saŋgaṇikavihāro hoti ākiṇṇavihāro. Saŋgaṇikavihāre kho pana sati ākiṇṇavihāre na sukaraɱ buddhānaɱ sāsanaɱ manasikātuɱ. Na sukarāni araññe1 vanapatthāni pantāni senāsanāni paṭisevituɱ. Purā maɱ so dhammo āgacchati aniṭṭho akanto amanāpo handāhaɱ paṭigacceva 2 viriyaɱ ārabhāmi appattassa pattiyā anadhigatassa adhigamāya asacchikatassa sacchikiriyāyayenāhaɱ dhammena samannāgato dubbhikkhe'pi phāsuɱ viharissāmī'ti idaɱ bhikkhave tatiyaɱ anāgatabhayaɱ sampassamānena alameva bhikkhunā appamattena ātāpinā pahitattena viharituɱ appattassa pattiyā anadhigatassa adhigamāya asacchikatassa sacchikiriyāya.

1. Araññā machasaɱ 2. Paṭikacceva machasaɱ 3. Byādhinā abhibhūtena machasaɱ 4. Phāsu machasaɱ

[BJT Page 168]
Puna ca paraɱ bhikkhave bhikkhu iti paṭisañcikkhati: etarahi kho manussā samaggā sammodamānā avivadamānā khīrodakībhūtā aññamaññaɱ piyacakkhūhi sampassantā viharanti. Hoti kho pana so samayo yaɱ bhayaɱ hoti aṭavisaɱkopo. Cakkasamārūḷhā jānapadā pariyāyanti. Bhaye kho pana sati manussā yena khemaɱ tena saŋkamanti. Tattha saŋgaṇikavihāro hoti ākiṇṇavihāro [page 105] saŋgaṇikavihāre kho pana sati ākiṇṇa vihāre na sukaraɱ buddhānaɱ sāsanaɱ manasikātuɱ. Na sukarāni araññe1 vanapatthāni pantāni senāsanāni paṭisevituɱ. Purā maɱ so dhammo āgacchati aniṭṭho akanto amanāpo, handā'haɱ paṭigacceva 2 viriyaɱ ārabhāmi (appattassa pattiyā, anadhigatassa ādhigamāya, asacchikatassa*) sacchikiriyāya yenāhaɱ dhammena samannāgato bhaye'pi phāsuɱ viharissāmī'ti. Idaɱ bhikkhave catutthaɱ anāgatabhayaɱ sampassamānena alameva bhikkhunā appamattena ātāpinā pahitattena viharituɱ (appattassa pattiyā 'anadhigatassa adhigamāya asacchikatassa*) sacchikiriyāya.

Puna ca paraɱ bhikkhave bhikkhu iti paṭisañcikkhati: "etarahi kho saŋgho samaggo sammodamāno avivadamāno ekuddeso phāsuɱ3 viharati. Hoti kho pana so samayo yaɱ saŋgho bhijjati. Saŋghe kho pana bhinne na sukaraɱ buddhānaɱ sāsanaɱ manasikātuɱ. Na sukarāni araññe vanapatthāni pantāni senāsanāni paṭisevituɱ. Purā maɱ so dhammo āgacchati aniṭṭho akanto amanāpo, handā'haɱ paṭigacceva2 viriyaɱ ārabhāmi appattassa pattiyā anadhigatassa adhigamāya asacchikatassa sacchikiriyāya, yenāhaɱ dhammena samannāgato bhinne'pi saŋghe phāsuɱ3 viharissāmī"ti idaɱ bhikkhave pañcamaɱ anāgatabhayaɱ sampassamānena alameva bhikkhunā appamattena ātāpinā pahitattena viharituɱ appatassa pattiyā anadhigatassa adhigamāya asacchikatassa sacchikiriyāya.
Imāni kho bhikkhave pañca anāgatabhayāni sampassamānena alameva bhikkhunā appamattena ātāpinā pahitattena viharituɱ appattassa pattiyā anadhigatassa adhigamāya asacchikatassa sacchikiriyāyā'ti.

1. Arañña machasaɱ 2. Paṭikacceva machasaɱ
3. Phāsu machasaɱ potthekesu peyyālamukhena saɱkhittaɱ.

[BJT Page 170]
5. 2. 3. 9
(Sāvatthinidānaɱ)
(Tatiyaanāgatabhayasuttaɱ)

29. Pañcimāni bhikkhave anāgatabhayāni etarahi asamuppannāni āyatiɱ samuppajjissanti. Tāni vo paṭibujjhitabbāni. [page 106] paṭibujjhitvā ca tesaɱ pahānāya vāyamitabbaɱ. Katamāni pañca?Vāyamitabbaɱ. Katamāni pañca?

Bhavissanti bhikkhave bhikkhū anāgatamaddhānaɱ abhāvitakāyā abhāvitasīlā abhāvitacittā abhāvitapaññā. Te abhāvitakāyā samānā abhāvitasīlā abhāvitacittā abhāvitapaññā aññe upasampādessanti. Te1 na sakkhissanti vinetuɱ adhisīle adhicitte adhipaññāya. Tepi bhavissanti abhāvitakāyā abhāvitasīlā abhāvitacittā abhāvitapaññā. Te abhāvitakāyā samānā abhāvitasīlā abhāvitacittā abhāvitapaññā aññe upasampādessanti. Tepi na sakkhissanti vinetuɱ adhisīle adhicitte adhipaññāya. Tepi bhavissanti abhāvitakāyā abhāvitasīlā abhāvitacittā abhāvitapaññā. Iti kho bhikkhave dhammasandosā cinayasandoso, vinayasandosā dhammasandoso. Idaɱ bhikkhave paṭhamaɱ anāgatabhayaɱ etarahi asamuppannaɱ āyatiɱ samuppajjissati. Taɱ vo paṭibujjhitabbaɱ paṭibujjhitvā ca tassa pahānāya vāyamitabbaɱ.

Puna ca paraɱ bhikkhave bhavissanti bhikkhū anāgatamaddhānaɱ abhāvitakāyā abhāvitasīlā abhāvitacittā abhāvitapaññā. Te abhāvitakāyā samānā abhāvitasīlā abhāvitacittā abhāvitapaññā aññesaɱ nissayaɱ dassanti. Te na sakkhissanti vinetuɱ adhisīle adhicitte adhipaññāya. Tepi bhavissanti abhāvitakāyā abhāvitasīlā abhāvitacittā abhāvitapaññā. Te abhāvitakāyā samānā abhāvitasīlā abhāvitacittā abhāvitapaññā aññesaɱ nissayaɱ dassanti. Tepi na sakkhissanti vinetuɱ adhisīle adhicitte adhipaññāya. Tepi bhavissanti abhāvitasīlā abhāvitacittā abhāvitapaññā. Iti kho bhikkhave dhammasandosā vinayasandoso, vinayasandosā dhammasandoso. Idaɱ bhikkhave dutiyaɱ anāgatabhayaɱ etarahi asamuppannaɱ āyatiɱ samuppajjissati. Taɱ vo paṭibujjhitabbaɱ. Paṭibujjhitvā ca tassa pahānāya vāyamitabbaɱ.
[page 107]
Puna ca paraɱ bhikkhave bhavissanti bhikkhū anāgatamaddhānaɱ abhāvitakāyā abhāvitasīlā abhāvitacittā abhāvitapaññā. Te abhāvitakāyā samānā abhāvitasīlā abhāvitacittā abhāvitapaññā abhidhammakathaɱ vedallakathaɱ kathento kaṇhaɱ dhammaɱ1 okkamamānā na paṭibujjhissanti. 3 Iti kho bhikkhave dhammasandosā vinayasandoso, vinayasandosā dhammasandoso. Idaɱ bhikkhave tatiyaɱ anāgatabhayaɱ etarahi asamuppannaɱ āyatiɱ samuppajjissati. Taɱ vo paṭibujjhitabbaɱ. Paṭibujjhitvā ca tassa pahānāya vāyamitabbaɱ.

1. Tepi machasaɱ 2. Kaṇhadhammaɱ machasaɱ 3. Nabujjhissanti machasaɱ

[BJT Page 172]
Puna ca paraɱ bhikkhave bhavissanti bhikkhū anāgatamaddhānaɱ abhāvitakāyā abhāvita sīlā abhāvitacittā abhāvitapaññā. Te abhāvitakāyā samānā abhāvitasīlā abhāvitacittā abhāvitapaññā ye te suttantā tathāgatabhāsitā gambhīrā gambhīratthā lokuttarā suññatāpaṭisaɱyuttā, tesu bhaññamānesu na sussūsanti, 1 na sotaɱ odahissanti, na aññācittaɱ upaṭṭhapessanti. Na ca te dhamme uggahetabbaɱ pariyāpuṇitabbaɱ maññissanti. Ye pana te suttantā kavikatā2 kāveyyā cittakkharā cittabyañjanā bāhirakā sāvakabhāsitā, tesu bhaññamānesu sussūsanti3 sotaɱ odahissanti, aññācittaɱ upaṭṭhapessanti. Te ca dhamme uggahetabbaɱ pariyāpuṇitabbaɱ maññissanti. Iti kho bhikkhave dhammasandosā vīnayasandoso, vinayasandosā dhammasandoso. Idaɱ bhikkhave catutthaɱ anāgatabhayaɱ etarahi asamuppannaɱ āyatiɱ samuppajjissati. Taɱ vo paṭibujjhitabbaɱ, paṭibujjhitvā ca tassa pahānāya vāyamitabbaɱ.

Puna ca paraɱ bhikkhave bhavissanti bhikkhū anāgatamaddhānaɱ abhāvitakāyā abhāvitasīlā abhāvitacittā abhāvitapaññā. Te abhāvitakāyā samānā abhāvitasīlā abhāvitacittā [page 108] abhāvitapaññā therā bhikkhū bāhulikā bhavissanti sāthalikā okkamane pubbaŋgamā paviveke nikkhittadhurā. Na viriyaɱ ārabhissanti appattassa pattiyā anadhigatassa adhigamāya asacchikatassa sacchikiriyāya. Tesaɱ pacchimā janatā diṭṭhānugatiɱ āpajjissati. Sāpi bhavissati bāhulikā sāthalikā okkamane pubbaŋgamā paviveke nikkhittadhurā na viriyaɱ ārabhissati appattassa pattiyā anadhigatassa adhigamāya asacchikatassa sacchikiriyāya. Iti kho bhikkhave dhammasandosā vinayasandoso, vinayasandosā dhammasandoso. Idaɱ bhikkhave pañcamaɱ anāgatabhayaɱ etarahi asamuppannaɱ āyatiɱ samuppajjissati. Taɱ vo paṭibujjhitabbaɱ paṭibujjhitvā ca tassa pahānāya vāyamitabbaɱ.
Imāni kho bhikkhave pañca anāgatabhayāni etarahi asamuppannāni āyatiɱ samuppajjissanti. Tāni vo paṭibujjhitabbāni. Paṭibujjhitvā ca tesaɱ pahānāya vāyamitabbanti.
5. 2. 3. 10
(Catutthaanāgatabhaya suttaɱ)
(Sāvatthinidānaɱ)
30. Pañcimāni bhikkhave anāgatabhayāni etarahi asamuppannāni āyatiɱ samuppassajjinti. Tāni vo paṭibujjhitabbāni. Paṭibujjhitvā ca tesaɱ pahānāya vāyamitabbaɱ. Katamāni pañca?
Bhavissanti bhikkhave bhikkhū anāgatamaddhānaɱ cīvare kalyāṇakāmā. Te cīvare kalyāṇakāmā samānā riñcissanti paɱsukulikattaɱ. Riñcissanti araññe3 vanapatthāni pantāni senāsanāni. Gāmanigamarājadhānīsu osaritvā vāsaɱ kappessanti. Cīvarahetu ca anekavihitaɱ anesanaɱ appatirūpaɱ āpajjissanti. Idaɱ bhikkhave paṭhamaɱ anāgatabhayaɱ. Etarahi asamuppannaɱ āyatiɱ samuppajjissati. Taɱ vo paṭibujjhitabbaɱ. Paṭibujjhitvā tassa pahānāya vāyamitabbaɱ.

1. Sussūsissanti machasaɱ 2. Kavitā machasaɱ 3. Arañña machasaɱ

[BJT Page 174]
[page 109]
Puna ca paraɱ bhikkhave bhavissanti bhikkhū anāgatamaddhānaɱ piṇḍapāte kalyāṇakāmā. Te piṇḍapāte kalyāṇakāmā samānā riñcissanti piṇḍapātikattaɱ, riñcissanti araññe1vanapatthāni pantāni senāsanāni. Gāmanigamarājadhānisu osaritvā vāsaɱ kappessanti jivhaggena rasaggāni pariyesamānā, piṇḍapātahetucca anekavihitaɱ anesanaɱ appatirūpaɱ āpajjissanti. Idaɱ bhikkhave dutiyaɱ anāgatabhayaɱ etarahi asamuppannaɱ āyatiɱ samuppajjissati taɱ vo paṭibujjhitabbaɱ. Paṭibujjhitvā ca tassa pahānāya vāyamitabbaɱ.

Puna ca paraɱ bhikkhave bhavissanti bhikkhū anāgatamaddhānaɱ senāsane kalyāṇakāmā. Te senāsane kalyāṇakāmā samānā riñcissanti rukkhamūlikattaɱ. Riñcissanti araññe1vanapatthāni pantāni senāsanāni. Gāmanigamarājadhānisu osaritvā vāsaɱ kappessanti. Senāsanahetucca2 anekavihitaɱ anesanaɱ appatirūpaɱ āpajjissanti. Idaɱ bhikkhave tatiyaɱ anāgatabhayaɱ etarahi asamuppannaɱ āyatiɱ samuppajjissati taɱ vo paṭibujjhitabbaɱ. Paṭibujjhitvā ca tassa pahānāya vāyamitabbaɱ.

Puna ca paraɱ bhikkhave bhavissanti bhikkhū anāgatamaddhānaɱ bhikkhunīsikkhamānāsamaṇuddesehi saɱsaṭṭhā viharissanti bhikkhunīsikkhamānā samaṇuddesehi saɱsagge kho pana bhikkhave sati etaɱ pāṭikaŋkhaɱ "anabhiratā vā brahmacariyaɱ carissanti, aññataraɱ vā saɱkiliṭṭhaɱ āpattīɱ āpajjissanti, sikkhaɱ vā paccakkhāya hīnāyāvattissanti" idaɱ bhikkhave catutthaɱ anāgatabhayaɱ etarahi asamuppannaɱ āyatiɱ samuppajjissati. Taɱ vo paṭibujjhitabbaɱ paṭibujjhitvā ca tassa pahānāya vāyamitabbaɱ.

Puna ca paraɱ bhikkhave bhavissanti bhikkhū anāgatamaddhānaɱ ārāmikasamaṇuddesehi saɱsaṭṭhā viharissanti. Ārāmikasamaṇuddesehi saɱsagge kho pana bhikkhave sati etaɱ pāṭikaŋkhaɱ: "anekavihitaɱ sannidhikāraparibhogaɱ [page 110] anuyuttā viharanti. 3 Oḷārikampi nimittaɱ karissanti paṭhaviyāpi haritaggepi idaɱ bhikkhave pañcamaɱ anāgatabhayaɱ etarahi asamuppannaɱ āyatiɱ samuppajjissati. Taɱ vo paṭibujjhitabbaɱ. Paṭibujjhitvā ca tassa pahānāya vāyamitabbaɱ.
Imāni kho bhikkhave pañca anāgatabhayāni etarahi asamuppannāni āyatiɱ samuppajjissanti, tāni vo paṭibujjhitabbāni, paṭibujhitvā ca tesaɱ pahānāya vāyamitabbanti.
Anāgatabhayavaggo tatiyo
Tassuddānaɱ:
Duve ca cetovimutti4 dve ca dhammavihārino
Yodhājivā ca dve vuttā cattāro ca anāgatā'ti

1. Arañña machasaɱ 2. Senāsana hetu ca machasaɱ
3. Viharissanti machasaɱ
4. Devaceto vimutti phalā ca machasaɱ *yodhājiva vaggo sīmu machasaɱ

[BJT Page 176]
4. Theravaggo
5. 2. 4. 1
(Rajanīya suttaɱ)
(Sāvatthinidānaɱ:)
31. Pañcahi bhikkhave dhammehi samannāgato thero bhikkhu sabrahmacārīnaɱ appiyo ca hoti amanāpo ca agaru ca abhāvanīyo ca katamehi pañcahi?
Rajanīye rajjani, dussanīye1 dussati, mohanīye2 muyhati, kuppanīye3 kuppati, madanīye majjati. Imehi kho bhikkhave pañcahi dhammehi samannāgato thero bhikkhu sabrahmacārinaɱ appiyo ca hoti amanāpo ca agaru ca abhāvanīyo cā'ti.
Pañcahi bhikkhave dhammehi samannāgato thero bhikkhu sabrahmacārinaɱ piyo ca hoti manāpo ca garu ca bhāvanīyo ca. Katamehi pañcahi?
[page 111]
Rajanīye na rajjati, dussanīye1 na dussati, mohanīye2 na muyhati, kuppanīye3 na kuppati, madanīye na majjati. Imehi kho bhikkhave pañcahi dhammehi samannāgato thero bhikkhu sabrahmacārīnaɱ piyo ca hoti manāpo ca garu ca bhāvanīyo cā'ti.

5. 2. 4. 2
(Vītarāga suttaɱ)
(Sāvatthinidānaɱ)
32. Pañcahi bhikkhave dhammehi samannāgato thero bhikkhu sabrahmacārīnaɱ appiyo ca hoti amanāpo ca agaru ca abhāvanīyo ca. Katamehi pañcahi?
Avītarāgo hoti, avītadoso hoti, avītamoho hoti, makkhī ca, paḷāsī ca. Imehi kho bhikkhave pañcahi dhammehi samannāgato thero bhikkhu sabrahmacārīnaɱ appiyo ca hoti amanāpo ca agaru ca abhāvanīyo ca.
Pañcahi bhikkhave dhammehi samannāgato thero bhikkhu sabrahmacārīnaɱ piyo ca hoti manāpo ca garu ca bhāvanīyo ca. Katamehi pañcahi?
Vītarāgo hoti, vitadoso hoti. Vītamoho hoti, amakkhī ca, apaḷāsī ca. Imehi kho bhikkhave pañcahi dhammehi samannāgato thero bhikkhu sabrahmacārīnaɱ piyo ca hoti manāpo ca garu ca bhāvanīyo cāti.

1. Dusanīye sīmu 2. Muhanīyo, sīmu 3. Kupanīye, sīmu.

[BJT Page 178]
5. 2. 4. 3
(Kuhaka suttaɱ)
(Sāvatthinidānaɱ:)
33. Pañcahi bhikkhave dhammehi samannāgato thero bhikkhu sabrahmacārinaɱ appiyo ca hoti amanāpo ca agaru ca abhāvanīyo ca. Katamehi pañcahi?
Kuhako ca hoti, lapako ca, nemittiko ca, 1 nippesiko ca, lābhena lābhaɱ nijigiɱsitā2 ca. Imehi kho bhikkhave pañcahi dhammehi samannāgato thero bhikkhu sabrahmacārinaɱ appiyo ca hoti amanāpoca agaru ca abhāvanīyo cā'ti.
[page 112]
Pañcahi bhikkhave dhammehi samannāgato thero bhikkhu sabrahmacārīnaɱ piyo ca hoti manāpo ca, garu ca bhāvanīyo ca. Katamehi pañcahi?
Na ca kuhako hoti, na ca lapako, na ca nemittiko, 1 na ca nippesiko, na ca lābhena lābhaɱ nijigiɱsitā. 2 Imehi kho bhikkhave pañcahi dhammehi samannāgato thero bhikkhu sabrahmacārīnaɱ piyo ca hoti manāpo ca garu ca bhāvanīyo cāti.

5. 2. 4. 4
(Assaddhasuttaɱ)
(Sāvatthi nidānaɱ:)
34. Pañcahi bhikkhave dhammehi samannāgato thero bhikkhu sabrahmacārīnaɱ appiyo ca hoti amanāpo ca agaru ca abhāvanīyo ca katamehi pañcahi?
Assaddho hoti, ahiriko hoti, anottappī hoti, kusito hoti, duppañño hoti. Imehi kho bhikkhave pañcahi dhammehi samannāgato thero bhikkhu sabrahmacārīnaɱ appiyo ca hoti amanāpo ca, agaru ca abhāvanīyo cā'ti.
Pañcahi bhikkhave dhammehi samannāgato thero bhikkhu sabrahmacārīnaɱ piyo ca hoti manāpo ca garu ca bhāvanīyo ca katamehi pañcahi?
Saddho hoti, hirimā hoti, ottappī hoti, āraddhaviriyo hoti, paññavā hoti, imehi kho bhikkhave pañcahi dhammehi samannāgato thero bhikkhu sabrahmacārinaɱ piyo ca hoti manāpo ca garu ca bhāvanīyo cā'ti.

1. Nimittiko ca syā 2. Nijigīsitā machasaɱ

[BJT Page 180]
5. 2. 4. 5
(Akkhamasuttaɱ)

(Sāvatthinidānaɱ:)
35. Pañcahi bhikkhave dhammehi samannāgato thero bhikkhu sabrahmacārīnaɱ appiyoca hoti amanāpo ca agaru ca abhāvanīyo ca. Katamehi pañcahi?
Akkhamo hoti rūpānaɱ, akkhamo saddānaɱ, akkhamo gandhānaɱ, akkhamo rasānaɱ, akkhamo phoṭṭhabbānaɱ. [page 113] imehi kho bhikkhave pañcahi dhammehi samannāgato thero bhikkhu sabrahmacārīnaɱ appiyo ca hoti amanāpo ca agaru ca abhāvanīyo cā'ti.
Pañcahi bhikkhave dhammehi samannanāgato thero bhikkhu sabrahmacārīnaɱ piyo ca hoti manāpo ca garu ca bhāvanīyo ca. Katamehi pañcahi?
Khamo hoti rūpānaɱ, khamo saddānaɱ, khamo gandhānaɱ, khamo rasānaɱ, khamo phoṭṭhabbānaɱ. Imehi kho bhikkhave pañcahi dhammehi samannāgato thero bhikkhu sabrahmacārīnaɱ piyo ca hoti manāpo ca garu ca bhāvanīyo cā'ti.

5. 2. 4. 6
(Paṭisambhidāsuttaɱ)
(Sāvatthinidānaɱ:)
36. Pañcahi bhikkhave dhammehi samannāgato thero bhikkhu sabrahmacārīnaɱ piyo ca hoti manāpo ca garu ca bhāvanīyo ca. Katamehi pañcahi?
Atthapaṭisambhidāpatto1 hoti, dhammapaṭisamhidāpatto hoti. Niruttipaṭisamhidāpatto hoti.
Paṭibhānapaṭisamhidāpatto hoti. Yāni tāni sabrahmacārīnaɱ uccāvacāni kiɱkaraṇiyāni, tattha dakkho hoti analaso tatrūpāyāya vimaɱsāya samannāgato alaɱ kātuɱ alaɱ saɱvidhātuɱ
Imehi kho bhikkhave pañcahi dhammehi samannāgato thero bhikkhu sabrahmacārīnaɱ piyo ca hoti manāpo ca garu ca bhāvanīyo cā'ti.

1. Atthapaṭisamhidāppatto machasaɱ

[BJT Page 182]
5. 2. 4. 7
(Sīlasuttaɱ)
(Sāvatthinidānaɱ:)
37. Pañcahi bhikkhave dhammehi samannāgato thero bhikkhu sabrahmacārīnaɱ piyo ca hoti manāpo ca garu ca bhāvanīyo ca. Katamehi pañcahi:
Sīlavā hoti pātimokkhasaɱvarasaɱvuto viharati ācāragocarasampanno aṇumattesu vajjesu bhayadassāvī samādāya sikkhati sikkhāpadesu, bahussuto hoti sutadharo sutasannicayo, ye te dhammā ādikalyāṇā majjhekalyāṇā [page 114] pariyosānakalyāṇā sātthā savyañjanā kevalaparipuṇṇaɱ parisuddhaɱ brahmacāriyaɱ abhivadanti, tathārūpāssa dhammā bahussutā honti dhatā1 vacasā paricitā manasānupekkhitā diṭṭhiyā suppaṭividdhā. Kalyāṇavāco hoti kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā. Catuntaɱ jhanānaɱ ābhicetasikānaɱ diṭṭhadhammasukhavihārānaɱ nikāmalābhī hoti akicchalābhī. Akasiralābhī. Āsavānaɱ khayā anāsavaɱ cetovimuttiɱ paññāvimuttiɱ diṭṭheva dhamme sayaɱ abhiññā sacchikatvā upasampajja viharati.
Imehi kho bhikkhave pañcahi dhammehi samannāgato thero bhikkhu sabrahmacārīnaɱ piyo ca hoti manāpo ca garu ca bhāvanīyo cā'ti.

5. 2. 4. 8
(Therasuttaɱ)
(Sāvatthinidānaɱ:)
38. Pañcahi bhikkhave dhammehi samannāgato thero bhikkhu bahujanāhitāya2paṭipanno hoti, bahujanāsukhāya3 bahuno janassa anatthāya ahitāya dukkhāya devamanussānaɱ. Katamehi pañcahi:
Thero hoti rattaññu cirapabbajito. Ñāto hoti yasassī gahaṭṭhapabbajitānaɱ4bahujanaparivāro. Lābhī hoti cīvarapiṇḍapātasenāsanagilānapaccayabhesajjaparikkhārānaɱ. Bahussuto hoti sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthā savyañjanā kevalaparipuṇṇaɱ parisuddhaɱ brahmacariyaɱ abhivadanti, tathārūpāssa dhammā bahussutā honti dhatā1 vacasā paricitā manasānupekkhitā diṭṭhiyā suppaṭividdhā. 5 Micchādiṭṭhiko hoti viparītadassano. So bahujanaɱ saddhammā vuṭṭhāpetvā asaddhamme patiṭṭhāpeti. Thero bhikkhu rattaññu cirapabbajitotipissa [PTS Page 115 6]diṭṭhānugatiɱ āpajjanti. Ñāto thero bhikkhu yasassī gahaṭṭhapabbajitānaɱ. 2Bahujanaparivārotipissa6 diṭṭhānugatiɱ āpajjanti. Lābhī thero bhikkhu cīvarapiṇḍapātasenāsanagilānapaccayabhesajjaparikkhārānantipissa 6diṭṭhānugatiɱ āpajjanti. Bahussuto thero bhikkhu sutadharo sutasannicayotipissa6 diṭṭhānugatiɱ āpajjanti.
1. Dhātā machasaɱ 2. Bahujana ahitāya machasaɱ 3. Bahujana asukhāya machasaɱ 4. Sagahaṭṭhapabbajitānaɱ machasaɱ
5. Appaṭividdhā machasaɱ 6. Itipissa machasaɱ

[BJT Page 184]
Imehi kho bhikkhave pañcahi dhammehi samannāgato thero bhikkhu bahujanāhitāya paṭipanno hoti bahujanāsukhāya bahuno janassa anatthāya ahitāya dukkhāya devamanussānanti. 1

Pañcahi bhikkhave dhammehi samannāgato thero bhikkhu bahujanahitāya paṭipanno hoti bahujanasukhāya bahuno janassa atthāya hitāya sukhāya devamanussānaɱ. Katamehi pañcahi: thero hoti rattaññu cirapabbajito. Ñāto hoti yasassī gahaṭṭhapabbajitānaɱ2bahujanaparivāro. Lābhī hoti cīvarapiṇḍapātasenāsanagilānapaccayabhesajjaparikkhārānaɱ. Bahussuto hoti sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthā savyañjanā3kevalaparipuṇṇaɱ parisuddhaɱ brahmacariyaɱ abhivadanti, tathārūpāssa dhammā bahussutā honti, dhatā4 vacasā paricitā manasānupekkhitā diṭṭhiyā suppaṭividdhā. Sammādiṭṭhiko hoti aviparītadassano.
So bahujanaɱ asaddhammā vuṭṭhāpetvā saddhamme patiṭṭhāpeti. Thero bhikkhu rattaññu cirapabbajitotipissa5 diṭṭhānugatiɱ āpajjanti. Ñāto thero bhikkhu yasassī gahaṭṭhapabbajitānaɱ bahujanaparivārotipissa5 diṭṭhānugatiɱ āpajjanti. Lābhī thero bhikkhu bahujanahitāya paṭipanno hoti bahujanasukhāya bahuno janassa atthāya hitāya sukhāya devamanussānaɱ bahussuto thero bhikkhu sutadharo sutasannicayotipissa5 diṭṭhānugatiɱ āpajjanti.
Imehi kho bhikkhave pañcahi dhammehi samannāgato thero bhikkhu bahujanahitāya paṭipanno hoti bahujanasukhāya [page 116] bahuno janassa atthāya hitāya sukhāya devamanussānanti.

5. 2. 4. 9
(Paṭhamasekhasuttaɱ)
(Sāvatthinidānaɱ:)
39. Pañcime bhikkhave dhammā sekhassa bhikkhuno parihānāya saɱvattanti. Katame pañca:
Kammārāmatā, bhassārāmatā, niddārāmatā, saŋgaṇikārāmatā, yathāvimuttaɱ cittaɱ na paccavekkhati. Ime kho bhikkhave pañca dhammā sekhassa bhikkhuno parihānāya saɱvattanti.
Pañcime bhikkhave dhammā sekhassa bhikkhuno aparihānāya saɱvattanti. Katame pañca: na kammārāmatā, na bhassārāmatā, na niddārāmatā, na saŋgaṇikārāmatā, yathāvimuttaɱ cittaɱ paccavekkhati. Ime kho bhikkhave pañca dhammā sekhassa bhikkhuno aparihānāya saɱvattanti.

1. Devamanussānaɱ machasaɱ 2. Sagahaṭṭhapabbajitānaɱ machasaɱ
3. Sātthaɱ savyañjanaɱ machasaɱ 4. Dhātā machasaɱ 5. Iti pissa machasaɱ
[BJT Page 186]
5. 2. 4. 10
(Dutiyasekhasuttaɱ)
(Sāvatthinidānaɱ:)
40. Pañcime bhikkhave dhammā sekhassa bhikkhuno parihānāya saɱvattanti. Katame pañca:
Idha bhikkhave sekho bhikkhu bahukicco hoti bahukaraṇīyo vyatto kiɱkaraṇīyesu. Riñcati paṭisallānaɱ. Nānuyuñjati ajjhattaɱ cetosamathaɱ. Ayaɱ bhikkhave paṭhamo dhammo sekhassa bhikkhuno parihānāya saɱvattati.
Puna ca paraɱ bhikkhave sekho bhikkhu appamattakena kammena divasaɱ atināmeti. Riñcati paṭisallānaɱ. Nānuyuñjati ajjhattaɱ [page 117] cetosamathaɱ ayaɱ bhikkhave dutiyo dhammo sekhassa bhikkhuno parihānāya saɱvattati
Puna ca paraɱ bhikkhave sekho bhikkhu saɱsaṭṭho viharati gahaṭṭhapabbajitehi ananulomikena gihisaɱsaggena. Riñcati paṭisallānaɱ. Nānuyuñjati ajjhattaɱ cetosamathaɱ ayaɱ bhikkhave tatiyo dhammo sekhassa bhikkhuno parihānāya saɱvattati.

Puna ca paraɱ bhikkhave sekho bhikkhu atikālena1 gāmaɱ pavisati, atidivā paṭikkamati. Riñcati paṭisallānaɱ. Nānuyuñjati ajjhattaɱ cetosamathaɱ ayaɱ bhikkhave catuttho dhammo sekhassa bhikkhuno parihānāya saɱvattati.

Puna ca paraɱ bhikkhave sekho bhikkhu yāyaɱ kathā ābhisallekhikā2 cetovivaraṇasappāyā seyyathīdaɱ appicchakathā santuṭṭhikathā pavivekakathā asaɱsaggakathā viriyāramhakathā sīlakathā samādhikathā paññākathā vimuttikathā vimuttiñāṇadassanakathā, evarūpāya3 kathāya na nikāmalābhī hoti kicchalābhī 4kasiralābhī. 5 Riñcati paṭisallānaɱ. Nānuyuñjati ajjhattaɱ ceto samathaɱ. Ayaɱ bhikkhave pañcamo dhammo sekhassa bhikkhuno parihānāya saɱvattati. Ime kho bhikkhave pañca dhammā sekhassa bhikkhuno parihānāya saɱvattanti.
Pañcime bhikkhave dhammā sekhassa bhikkhuno aparihānāya saɱvattanti. Katame pañca: idha bhikkhave sekho bhikkhu na bahukicco hoti na bahukaraṇīyo viyatto kiɱ karaṇīyesu. Na riñcati paṭisallānaɱ. Anuyuñjati ajjhattaɱ cetosamathaɱ. Ayaɱ bhikkhave paṭhamo dhammo sekhassa bhikkhuno aparihānāya saɱvattati.
Puna ca paraɱ bhikkhave sekho bhikkhu na appamattakena kammena divasaɱ atināmeti, na riñcati paṭisallānaɱ. Anuyuñjati ajjhattaɱ cetosamathaɱ. Ayaɱ bhikkhave dutiyo dhammo sekhassa bhikkhuno aparihānāya saɱvattati.

1. Akālena machasaɱ 2. Abhisallekhikā syā, sīmu

3. Evarūpiyā machasaɱ, sīmu 4. Na akicchalābhī machasaɱ 5. Na akasiralābhī machasaɱ

[BJT Page 188]

Puna ca paraɱ bhikkhave sekho bhikkhu asaɱsaṭṭho viharati gahaṭṭhapabbajitehi ananulomikena gihīsaɱsaggena. Na riñcati paṭisallānaɱ. Anuyuñjati ajjhattaɱ [page 118] cetosamathaɱ. Ayaɱ bhikkhave tatiyo dhammo sekhassa bhikkhuno aparihānāya saɱvattati.

Puna ca paraɱ bhikkhave sekho nātikālena2 gāmaɱ pavisati, nātidivā paṭikkamati. Na riñcati paṭisallānaɱ. Anuyuñjati ajjhattaɱ cetosamathaɱ. Ayaɱ bhikkhave catuttho dhammo sekhassa bhikkhuno aparihānāya saɱvattati.

Puna ca paraɱ bhikkhave sekho bhikkhu yāyaɱ kathā ābhisallekhikā2cetovivaraṇasappāyā seyyathīdaɱ: appicchakathā santuṭṭhikathā paviveka kathā asaɱsaggakathā viriyāramhakathā silakathā samādhikathā paññākathā vimuttikathā vimuttiñāṇassakathā, evarūpāya3 kathāya nikāmalābhī hoti akicchalābhī akasiralābhī na riñcati paṭisallānaɱ. Anuyuñjati ajjhattaɱ cetosamathaɱ. Ayaɱ bhikkhave pañcamo dhammo sekhassa bhikkhuno aparihānāya saɱvattati.
Ime kho bhikkhave pañcadhammā sekhassa bhikkhuno aparihānāya saɱvattati.

Theravaggo catuttho
Tassuddānaɱ:
Rajanīyaɱ vītarāgā kuhako'saddha akkhamā4
Paṭisamhidā ca sīlena thero sekhā pare duveti.

1. Na atikālena machasaɱ 2. Abhisallekhikā syā, sīmu
3. Evarūpiyā machasaɱ,sīmu. 4. Rajanīyo cītarāgo kuhakāssaddha akkhamā machasaɱ

[BJT Page 190]
5. Kakudhavaggo
5. 2. 5. 1
(Paṭhamasampadāsuttaɱ)
(Sāvatthinidānaɱ)
41. Pañcimā bhikkhave sampadā. Katamā pañca?
Saddhāsampadā sīlasampadā sutasampadā cāgasampadā paññāsampadā. Imā kho bhikkhave pañca sampadāti.
[page 119]

5. 2. 5. 2. (Dutiyasampadāsuttaɱ)
(Sāvatthi nidānaɱ:)
42. Pañcimā bhikkhave sampadā. Katamā pañca?
Sīlasampadā samādhisampadā paññāsampadā vimuttisampadā. Vimuttiñāṇadassanasampadā. Imā kho bhikkhave pañca sampadāti.

5. 2. 5. 3
(Aññabyākaraṇasuttaɱ)
(Sāvatthinidānaɱ)
43. Pañcimāni bhikkhave aññabyākaraṇāni. 1 Katamāni pañca?
Mandattā momuhattā aññaɱ byākaroti, pāpiccho icchāpakato aññaɱ byākaroti, ummādā cittavikkhepā aññaɱ byākaroti, adhimānena aññaɱ byākaroti, sammadeva aññaɱ byākaroti. Imāni kho bhikkhave pañca aññabyākaraṇānīti. 2

5. 2. 5. 4
(Phāsuvihārasuttaɱ)
(Sāvatthinidānaɱ:)
44. Pañcime bhikkhave phāsuvihārā. Katame pañca?
Idha bhikkhave bhikkhu vivicceva kāmehi vivicca akusalehi dhammehi savitakkaɱ savicāraɱ vicekajaɱ pītisukhaɱ paṭhamaɱ jhānaɱ upasampajja viharati. Vitakkavicārānaɱ vupasamā ajjhattaɱ sampasādanaɱ cetaso ekodibhāvaɱ avitakkaɱ avicāraɱ samādhijaɱ pītisukhaɱ dutiyaɱ jhānaɱ upasampajja viharati. Pītiyā ca virāgā upekkhako ca viharati sato ca sampajāno, sukhañca kāyena paṭisaɱvedeti, yantaɱ ariyā ācikkhanti upakkhako satimā sukhavihārīti, tatiyaɱ jhānaɱ upasampajja viharati. Āsavānaɱ khayā anāsavaɱ cetovimuttiɱ paññāvimuttiɱ diṭṭheva dhamme sayaɱ abhiññā sacchikatvā upasampajja viharati. Ime kho bhikkhave pañca phāsuvihārāti.

1. Aññābyākaraṇāni machasaɱ sīmu. 2. Aññābyākaraṇānīti machasaɱ. Sīmu

[BJT Page 192]
5. 2. 5. 5
(Akuppasuttaɱ)
(Sāvatthinidānaɱ:)
45. Pañcahi bhikkhave dhammehi samannāgato bhikkhu na cirasseva akuppaɱ paṭivijjhati. Katamehi pañcahi:
[page 120]
Idha bhikkhave bhikkhu atthapaṭisamhidāpatto1 hoti, dhammapaṭisamhidāpatto hoti, niruttipaṭisamhidāpatto hoti, paṭibhānapaṭisamhidāpatto hoti, yathā vimuttaɱ cittaɱ paccavekkhati.
Imehi kho bhikkhave pañcahi dhammehi samannāgato bhikkhu na cirasseva akuppaɱ paṭivijjhatiti.

5. 2. 5. 6
(Dutiya akuppasuttaɱ)
(Sāvatthinidānaɱ:)
46. Pañcahi bhikkhave dhammehi samannāgato bhikkhu ānāpānasatiɱ āsevanto na cirasseva akuppaɱ paṭivijjhati. Katamehi pañcahi:
Idha bhikkhave bhikkhu appaṭṭho hoti appakicco subharo susantoso jīvitaparikkhāresu. Appāhāro hoti anodarikattaɱ anuyutto. Appamiddho hoti jāgariyaɱ anuyutto. Bahussuto hoti sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthā savyañjanā kevalaparipuṇṇaɱ parisuddhaɱ brahmacariyaɱ abhivadanti, tathārūpāssa dhammā bahussutā honti dhatā2 vavasā paricitā manasānupekkhitā diṭṭhiyā suppaṭividdhā. Yathāvimuttaɱ cittaɱ paccavekkhati.
Imehi kho bhikkhave pañcahi dhammehi samannāgato bhikkhu ānāpānasatiɱ āsevanto na cirasseva akuppaɱ paṭivijjhatiti.
5. 2. 5. 7
(Tatiya akuppasuttaɱ)
(Sāvatthinidānaɱ:)
47. Pañcahi bhikkhave dhammehi samannāgato bhikkhu ānāpānasatiɱ bhāvento na cirasseva akuppaɱ paṭivijjhati. Katamehi pañcahi:
Idha bhikkhave bhikkhu appaṭṭho hoti appakicco subharo susantoso jīvitaparikkhāresu. Appāhāro hoti anodarikattaɱ anuyutto. Appamiddho hoti jāgariyaɱ anuyutto. [page 121] yāyaɱ kathā ābhisallekhikā3cetovivaraṇasappāyā seyyathīdaɱ. ? Appicchakathā santuṭṭhīkathā pavivekathā asaɱsaggakathā viriyāramhakathā sīlakathā samādhikathā paññākathā vimuttikathā vimuttiñāṇassakathā, evarūpāya4 kathāya nikāmalābhī hoti akicchalābhī akasiralābhī. Yathāvimuttaɱ cittaɱ paccavekkhati.
Imehi kho bhikkhave pañcahi dhammehi samannāgato bhikkhu ānāpānasatiɱ bhāvento na cirasseva akuppaɱ paṭivijjhatī'ti.

1. Paṭisambhidāppatto machasaɱ (sabbattha) 2. Dhātā machasaɱ
3. Abhisallekhikā syā sīmu 4. Evarūpiyā machasā sīmu.

[BJT Page 194]

5. 2. 5. 8
(Catuttha akuppasuttaɱ)
(Sāvatthinidānaɱ)
48. Pañcahi bhikkhave, dhammehi samannāgato bhikkhu ānāpānasatiɱ bahulīkaronto na cirasseva akuppaɱ paṭivijjhati. Katamehi pañcahi?
Idha bhikkhave, bhikkhu appaṭṭho hoti appakicco subharo hoti susantoso jīvitaparikkhāresu. Appāhāro hoti ānodarikattaɱ anuyutto. Appamiddho hoti jāgariyaɱ anuyutto. Āraññako hoti. Pantasenāsano. Yathāvimuttacittaɱ paccavekkhati.
Imehi kho bhikkhave pañcahi dhammehi samannāgato bhikkhu ānāpānasatiɱ bahulīkaronto na cirasseva akuppaɱ paṭivijjhatīti.

5. 2. 5. 9
(Sīhasuttaɱ)
(Sāvatthinidānaɱ:)
49. Sīho bhikkhave migarājā sāyanhasamayaɱ āsayā nikkhamati. Āsayā nikkhamitvā vijamhati. Vijamhitvā samannā catuddisaɱ anuviloketi. Samantā catuddisaɱ anuviloketvā tikkhattuɱ sīhanādaɱ nadati. Tikkhattuɱ sīhananādaɱ naditvā gocarāya pakkamati.
So hatthissa cepi pahāraɱ deti, sakkaccaññeva pahāraɱ deti no asakkaccaɱ mahisassa1 cepi pahāraɱ deti, sakkaccaññeva pahāraɱ deti no asakkaccaɱ. Gavassa cepi pahāraɱ deti, sakkaccaññeva pahāraɱ deti no asakkaccaɱ. Dīpissa cepi pahāraɱ deti, sakkaccaññeva pahāraɱ deti no asakkaccaɱ. Khuddakānaɱ [page 122] cepi pāṇānaɱ pahāraɱ deti antamaso sasabiḷārānampi, sakkaccaññeva pahāraɱ deti no asakkaccaɱ. Taɱ kissa hetu? Mā me yoggapatho nassāti.
Sihoti kho bhikkhave, tathāgatassetaɱ adhivacanaɱ arahato sammā sambuddhassa. Yaɱ kho bhikkhave tathāgato parisāya dhammaɱ deseti, idamassa hoti sīhanādasmiɱ.
Bhikkhūnaɱ cepi bhikkhave tathāgato dhammaɱ deseti, sakkaccaññeva tathāgato dhammaɱ deseti no asakkaccaɱ. Bhikkhunīnaɱ cepi bhikkhave tathāgato dhammaɱ deseti. Sakkaccaññeva tathāgato dhammaɱ deseti no asakkaccaɱ upāsakānaɱ cepi bhikkhave tathāgato dhammaɱ deseti, sakkaccaññeva tathāgato dhammaɱ deseti no asakkaccaɱ. Upāsikānañcepi bhikkhave tathāgato dhammaɱ deseti, sakkaccaññeva tathāgato dhammaɱ deseti no asakkaccaɱ. Puthujjanānañcepi bhikkhave tathāgato dhammaɱ deseti antamaso annahāranesādānampi, sakkaccaññeva tathāgato dhammaɱ deseti no asakkaccaɱ taɱ kissa hetu? Dhammagaru bhikkhave tathāgato dhammagāravoti.

1. Mahiɱsassa machasaɱ

[BJT Page 196]
5. 2. 5. 10
(Kakudhasuttaɱ)
50. Evaɱ me sutaɱ: ekaɱ samayaɱ bhagavā kosambiyaɱ viharati ghositārāme. Tena kho pana samayena kakudho nāma koliyaputto āyasmato mahāmoggallānassa upaṭṭhāko adhunā kālakato aññataraɱ manomayaɱ kāyaɱ upapanno. Tassa evarūpo attabhāvapaṭilābho hoti: seyyathāpi nāma dve vā tīṇivā māgadhakāni gāmakkhettāni. So tena attabhāvapaṭilābhena nevattānaɱ no paraɱ vyābādheti.
Atha kho kakudho devaputto yenāyasmā mahāmoggallāno tenupasaŋkami. Upasaŋkamitvā āyasmantaɱ mahāmoggallānaɱ abhivādetvā ekamantaɱ aṭṭhāsi. Ekamantaɱ [page 123] ṭhito kho kakudho devaputto āyasmantaɱ mahāmoggallānaɱ etadavoca: devadattassa bhante evarūpaɱ icchāgataɱ uppajji "ahaɱ bhikkhusaŋghaɱ pariharissāmi " ti. Sahacittuppādā ca bhante devadatto tassā iddhiyā parihīno'ti. Idamavoca kakudho devaputto idaɱ vatvā āyasmantaɱ mahāmoggallānaɱ abhivādetvā padakkhiṇaɱ katvā tatthevantaradhāyi.

Atha kho āyasmā mahāmoggallāno yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho āyasmā mahāmoggallāno bhagavantaɱ etadavoca:

"Kakudho nāma bhante, koliyaputto mamaɱ upaṭṭhāko adhunā kālakato aññataraɱ manomayaɱ kāyaɱ upapanno. Tassa evarūpo attabhāva paṭilābho hoti: seyyathāpi nāma dve vā tīṇi vā māgadhakāni gāmakkhettāni. So tena attabhāvapaṭilābhena nevattānaɱ no paraɱ vyābādheti. Atha kho bhante kakudho devaputto yenāhaɱ tenupasaŋkami. Upasaŋkamitvā maɱ abhivādetvā ekamantaɱ aṭṭhāsi. Ekamantaɱ ṭhito kho bhante kakudho devaputto maɱ etadavoca: devadattassa bhante, evarūpaɱ icchāgataɱ uppajji 'ahaɱ bhikkhusaŋghaɱ pariharissāmi'ti sahacittuppādā ca bhante devadatto tassā iddhiyā parihīno'ti. Idamavoca bhante, kakudho devaputto. Idaɱ vatvā maɱ abhivādetvā padakkhiṇaɱ katvā tatthevantaradhāyi"ti.

Kiɱ pana te moggallāna, kakudho devaputto cetasā ceto paricca vidito. Yaɱ kiñci kakudho devaputto bhāsati, sabbaɱ taɱ tatheva hoti no aññathāti?
" Cetasā ceto paricca vidito me bhante kakudho devaputto. Yaɱ kiñci kakudho devaputto bhāsati, sabbaɱ taɱ tatheva hoti no aññathā'ti. Rakkhassetaɱ moggallāna vācaɱ. 1 Idāni so moghapuriso attanāva attānaɱ pātukarissatiti.

1. Rakkhassetaɱ moggallāna vācaɱ rakkhassetaɱ
Moggallāna vācaɱ machasaɱ vinayapiṭakepi

[BJT Page 198]
Pañcime moggallāna satthāro santo saɱvijjamānā lokasmiɱ. Katame pañca: [page 124] idha moggallāna, ekacco sattā aparisuddhasīlo samāno parisuddhasīlombhiti paṭijānāti, parisuddhaɱ me sīlaɱ pariyodātaɱ asaɱkiliṭṭhanti. Tamenaɱ sāvakā evaɱ jānanti " ayaɱ kho bhavaɱ satthā aparisuddhasīlo samāno parisuddhasīlomhīti paṭijānāti, parisuddhaɱ me sīlaɱ pariyodātaɱ asaɱkiliṭṭhanti. Mayaɱ ceva kho pana gihīnaɱ āroceyyāma, nāssassa manāpaɱ. Yaɱ kho panassa amanāpaɱ, kathannu1 mayaɱ tena samudācareyyāma. Sammannati kho pana civarapiṇḍapātasenāsanagilānappaccayabhesajjaparikkhārena. Yaɱ tumo karissati tumova tena paññāyissatī"ti. Evarūpaɱ kho pana moggallāna, satthāraɱ sāvakā sīlato rakkhananti. Evarūpo ca pana satthā sāvakehi sīlato rakkhaɱ paccāsiɱsati. (1)

Puna ca paraɱ moggallāna, idhekacco satthā aparisuddhājīvo samāno parisuddhājivomhiti paṭijānāti, parisuddho me ājīvo pariyodāto asaŋkiliṭṭhoti. Tamenaɱ sāvakā evaɱ jānanti " ayaɱ kho bhavaɱ satthā aparisuddhājīvo samāno parisuddhājīvomhiti paṭijānāti, parisuddho me ājīvo pariyodāto asaŋkiliṭṭhoti. Mayaɱ ceva kho pana gihīnaɱ āroceyyāma, nāssassa manāpaɱ. Amanāpaɱ, yaɱ kho panassa amanāpaɱ kathannu mayaɱ tena samudācareyyāma. Sammannati kho pana civarapiṇḍapātasenāsana gilānappaccayabhesajjaparikkhārena. Yaɱ tumo karissati tumova tena paññāyissati"ti. Evarūpaɱ kho moggallāna satthāraɱ sāvakā ājīvato rakkhanti. Evarūpo ca pana satthā sāvakehi ājīvato rakkhaɱ paccāsiɱsati. (2)

Puna ca paraɱ moggallāna, idhekacco satthā aparisuddhadhammadesano samāno parisuddhadhammadesanomhīti paṭijānāti, parisuddho me dhammadesanā pariyodātā asaɱkiliṭṭhāti. Tamenaɱ sāvakā evaɱ jānanti "ayaɱ kho bhavaɱ satthā aparisuddhadhammadesano samāno [page 125] parisuddhadhammadesanomhīti paṭijānāti, parisuddhā me dhammadesanā pariyodātā asaɱkiliṭṭhāti. Mayaɱ ceva kho pana gihīnaɱ āroceyyāma, nāssassa manāpaɱ. Yaɱ kho panassa amanāpaɱ, kathannu taɱ mayaɱ tena samudācareyyāma. Sammannati kho pana cīvarapiṇḍapātasenāsanagilānappaccayabhesajjaparikkhārena. Yaɱ tumo karissati, tumova tena paññāyissati"ti. Evarūpaɱ kho moggallāna satthāraɱ sāvakā dhammadesanato rakkhanti. Evarūpo ca pana satthā sāvakehi dhammadesanato rakkhaɱ paccāsiɱsati (3)

Puna ca paraɱ moggallāna, idhekacco satthā aparisuddhaveyyākaraṇo samāno parisuddhaveyyākaraṇomhīti paṭijānāti, parisuddhaɱ me veyyākaraṇaɱ paridotaɱ asaɱkiliṭṭhanti. Tamenaɱ sāvakā evaɱ jānanti "ayaɱ kho bhavaɱ satthā aparisuddhaveyyākaraṇo samāno parisuddhaveyyākaraṇomhīti paṭijānāti, parisuddhaɱ me veyyākaraṇaɱ pariyodātaɱ asaɱkiliṭṭhanti. Mayaɱ ceva kho pana gihīnaɱ āroceyyāma,

1. Kathaɱ naɱ machasaɱ

[BJT Page 200]
Nāssassa manāpaɱ. Yaɱ kho panassa amanāpaɱ kathannu taɱ mayaɱ tena samudācareyyāma. Sammannati kho pana cīvarapiṇḍapātasenāsanagilānappaccayabhesajjaparikkhārena. Yaɱ tumo karissati, tumova tena paññāyissati "ti. Evarūpaɱ kho moggallāna satthāraɱ sāvakā veyyākaraṇato rakkhanti. Evarūpo ca pana satthā sāvakehi veyyākaraṇato rakkhaɱ paccāsiɱsati. (4)

Puna ca paraɱ moggallāna, idhekacco satthā aparisuddhañāṇadassano samāno parisuddhañāṇadassanomhīti paṭijānāti, parisuddhaɱ me ñāṇadassanaɱ pariyodātaɱ asaɱkiliṭṭhanti. Tamenaɱ sāvakā evaɱ jānanti "ayaɱ kho bhavaɱ satthā aparisuddhañāṇadassano samāno parisuddhañaṇadassanomhīti paṭijānāti, parisuddhaɱ me ñāṇadassanaɱ pariyodātaɱ asaɱkiliṭṭhanti. Mayaɱ ceva kho pana gihīnaɱ āroceyyāma, nāssassa manāpaɱ. Yaɱ kho panassa amanāpaɱ, kathannu taɱ mayaɱ tena samudācareyyāma. [page 126] sammannati kho pana civarapiṇḍapātasenāsanagilānappaccayabhesajjaparikkhārena. Yaɱ tumo karissati, tumova tena paññāyissati"ti. Evarūpaɱ kho moggallāna, satthāraɱ sāvakā ñāṇadassanato rakkhanti. Evarūpo ca pana satthā sāvakehi ñāṇadassanato rakkhaɱ paccāsiɱsati (5)

Ime kho moggallāna, pañca satthāro santo saɱvijjamānā lokasmiɱ.

Ahaɱ kho pana moggallāna, parisuddhasīlo samāno parisuddhasīlomhīti paṭijānāmi, parisuddhaɱ me sīlaɱ pariyodātaɱ asaɱkiliṭṭhanti. Na ca maɱ sāvakā sīlato rakkhanti. Na cāhaɱ sāvakehi sīlato rakkhaɱ paccāsiɱsāmi.

Parisuddhājīvo samāno parisuddhājivomhīti paṭijānāmi, parisuddho me ājīvo pariyodāto asaɱkiliṭṭhoti. Na ca maɱ sāvakā ājīvato rakkhanti. Na cāhaɱ sāvakehi ājīvato rakkhaɱ paccāsiɱsāmi.
Parisuddhadhammadesano samāno parisuddhadhammadenomhīti paṭijānāmi, parisuddhā me dhammadesanā pariyodātā asaɱkiliṭṭhāti. Na ca maɱ sāvakā dhammadesanato rakkhanti. Na cāhaɱ sāvakehi dhammadesanato rakkhaɱ paccāsiɱsāmi.
Parisuddhaveyyākaraṇo samāno parisuddhaveyyākaraṇomhīti paṭijānāmi, parisuddhaɱ me veyyākaraṇaɱ pariyodātaɱ asaɱkiliṭṭhanti. Na ca maɱ sāvakā veyyākaraṇato rakkhanti. Na cāhaɱ sāvakehi veyyākaraṇato rakkhaɱ paccāsiɱsāmi.
Parisuddhañāṇadassano samāno parisuddhañāṇadassanomhīti paṭijānāmi, parisuddhaɱ me ñāṇadassanaɱ pariyodātaɱ asaɱkiliṭṭhanti. Na ca maɱ sāvakā ñāṇadassanato rakkhanti. Na cāhaɱ sāvakehi ñāṇadassanato rakkhaɱ paccāsiɱsāmīti.

Kakudhavaggo pañcamo
Tassuddānaɱ:
[page 127]
Dve sampadā viyākaraṇaɱ phāsukuppena pañcamaɱ 1
Sutaɱ katā araññena siho ca kakudho2 dasāti.
Dutiyaɱ paṇṇāsakaɱ niṭṭhītaɱ.

1. Phāsu akuppa pañcamaɱ machasaɱ 2. Sīhabuddhena dasāti sīmu

[BJT Page 202]

3. Tatiyaɱ paṇṇāsakaɱ
1. Phāsuvihāra vaggo

5. 3. 1. 1
(Sekhavesārajjasuttaɱ)
(Sāvatthinidānaɱ:)

1. Pañcime bhikkhave sekhavesārajjakaraṇā dhammā. Katame pañca:
Idha bhikkhave bhikkhu saddho hoti, sīlavā hoti, bahussuto hoti, āraddhaviriyo hoti, paññavā hoti.

Yaɱ kho bhikkhave1 assaddhassa sārajjaɱ hoti, saddhassa taɱ sārajjaɱ na hoti. Tasmāyaɱ dhammo sekhavesārajjakaraṇo.

Yaɱ bhikkhave dussīlassa sārajjaɱ hoti, sīlavato taɱ sārajjaɱ na hoti. Tasmāyaɱ dhammo sekhavesārajjakaraṇo.

Yaɱ bhikkhave appassutassa sārajjaɱ hoti, bahussutassa taɱ sārajjaɱ na hoti. Tasmāyaɱ dhammo sekhavesārajjakaraṇo.

Yaɱ bhikkhave kusītassa sārajjaɱ hoti, āraddhaviriyassa taɱ sārajjaɱ na hoti. Tasmāyaɱ dhammo sekhavesārajjakaraṇo.

Yaɱ bhikkhave duppaññassa sārajjaɱ hoti, paññavato taɱ sārajjaɱ na hoti. Tasmāyaɱ dhammo sekhavesārajjakaraṇo.

Ime kho bhikkhave pañca sekhavesārajjakaraṇā dhammāti.
[page 128]

5. 3. 1. 2
(Saŋkitasuttaɱ)
(Sāvatthinidānaɱ:)
2. Pañcahi bhikkhave dhammehi samannāgato bhikkhu ussaŋkitaparisaŋkito hoti, pāpabhikkhūti api akuppadhammo. Katamehi pañcahi:

Idha bhikkhave bhikkhu vesiyagocaro2 vā hoti, vidhavagocarovā hoti, thullakumārigocaro3vā hoti, paṇḍakagocaro vā hoti. Bhikkhunī gocaro vā hoti.

Imehi kho bhikkhave pañcahi dhammehi samannāgato bhikkhu ussaŋkita parisaŋkito hoti pāpabhikkhūti api akuppadhammoti. 4

1. Yaɱ bhikkhave machasaɱ 2. Vesiyāgocaro machasaɱ

3. Thullakumārikā machasaɱ
4. Akuppadhammopi machasaɱ

[BJT Page 204]
5. 3. 1. 3
(Mahācorasuttaɱ)
(Sāvatthinidānaɱ:)

3. Pañcahi bhikkhave, aŋgehi samannāgato mahācoro sandhimpi chindati. Nillopampi harati. Ekāgārikampi karoti. Paripanthepi tiṭṭhati. Katamehi pañcahi:

Idha bhikkhave mahācoro visamanissito ca hoti gahananissito ca balavanissito ca bhogacāgī ca ekacāri ca.
Kathañca bhikkhave, mahācoro visamanissito hoti: idha bhikkhave mahācoro nadividuggaɱ vā nissito hoti pabbatavisamaɱ vā. Evaɱ kho bhikkhave mahācoro visamanissito hoti.

Kathañca bhikkhave, mahācoro gahananissito hoti: idha bhikkhave mahācoro tiṇagahanaɱ vā nissito hoti rukkhagahanaɱ vā gedhaɱ1 vā pana vanasaṇḍaɱ. Evaɱ kho bhikkhave mahācoro gahananissito hoti.

Kathañca bhikkhave, mahācoro balavanissito hoti: idha bhikkhave mahācoro rājānaɱ vā rājamahāmattaɱ vā nissito hoti. Tassa evaɱ hoti: sace maɱ koci [page 129] kiñci vakkhati, ime me rājāno vā rājamahāmattā vā pariyodhāya atthaɱ bhaṇissantīti. Sace naɱ koci kiñci āha, tyāssa rājāno vā rājamahāmattā vā pariyodhāya atthaɱ bhaṇanti. Evaɱ kho bhikkhave mahācoro balavanissito hoti.

Kathañca bhikkhave, mahācoro bhogacāgī hoti: idha bhikkhave mahācoro aḍḍho hoti mahaddhano mahābhogo. Tassa evaɱ hoti: sace maɱ koci kiñci vakkhati, ito bhogena paṭisantharissāmiti. Sace naɱ koci kiñci āha, tato bhogena paṭisantharati. Evaɱ kho bhikkhave mahācoro bhogacāgī hoti.

Kathañca bhikkhave, mahācoro ekacāri hoti: idha bhikkhave mahācoro ekako niggahaṇāni kattā hoti. Taɱ kissa hetu: mā me guyhamantā bahiddhā sambhedaɱ agamaɱsūti. Evaɱ kho bhikkhave mahācoro ekacāri hoti.

Imehi kho bhikkhave, pañcahi aŋgehi samannāgato mahācoro sandhimpi chindati, nillopampi harati, ekāgārikampi karoti, paripanthepi tiṭṭhati.

1. Rodhaɱ machasaɱ

[BJT Page 206]

Evameva kho bhikkhave, pañcahi dhammehi samannāgato pāpabhikkhu khataɱ upahataɱ attānaɱ pariharati. Sāvajjo ca hoti sānuvajjo viññūnaɱ. Bahuñca1 apuññaɱ pasavati. Katamehi pañcahi.

Idha bhikkhave, pāpabhikkhu visamanissito ca hoti gahananissito ca balavanissito ca bhogacāhī ca ekacārī ca.

Kathañca bhikkhave, pāpabhikkhu visamanissito hoti: idha bhikkhave pāpabhikkhu visamena kāyakammena samannāgato hoti, visamena vacīkammena samannāgato hoti, visamena manokammena samannāgato hoti. Evaɱ kho bhikkhave pāpabhikkhu visamanissito hoti.

Kathañca bhikkhave, pāpabhikkhu gahananissito hoti, [page 130] idha bhikkhave pāpabhikkhu micchādiṭṭhiko hoti antaggāhikāya diṭṭhiyā samannāgato evaɱ kho bhikkhave pāpabhikkhu gahananissito hoti.

Kathañca bhikkhave, pāpabhikkhu balavanissito hoti: idha bhikkhave pāpabhikkhu rājānaɱ vā rājamahāmattaɱ vā nissito hoti. Tassa evaɱ hoti: sace maɱ koci kiñci vakkhati, ime me rājāno vā rājamahāmattā vā pariyodhāya atthaɱ bhaṇissantīti. Sace naɱ koci kiñci āha, tyāssa rājānovā rājamahāmattā vā pariyodhāya atthaɱ bhaṇanti. Evaɱ kho bhikkhave pāpabhikkhu balavanissito hoti.

Kathañca bhikkhave, pāpabhikkhu bhogacāgī hoti: idha bhikkhave pāpabhikkhu lābhī hoti cīvarapiṇḍapātasenāsanagilānappaccayabhesajjaparikkhārānaɱ. Tassa evaɱ hoti: sace maɱ koci kiñci vakkhati, ito lābhena paṭisantharissāmiti. Sace naɱ koci kiñci āha, tato lābhena paṭisantharati. Evaɱ kho bhikkhave pāpabhikkhu bhogacāgī hoti.
Kathañca bhikkhave, pāpabhikkhu ekacāri hoti: idha bhikkhave pāpabhikkhu ekako3 paccantimesu janapadesu nivāsaɱ kappeti. So tattha kulāni upasaŋkamanto lābhaɱ labhati. Evaɱ kho bhikkhave pāpabhikkhu ekacārī hoti.

Imehi kho bhikkhave, pañcahi dhammehi samannāgato pāpabhikkhu khataɱ upahataɱ attānaɱ pariharati. Sāvajjo ca hoti sānuvajjo viññūnaɱ. Bahuñca apuññaɱ pasavatiti.

1. Bahu ca sīmu. 2. Samannāgato hoti sīmu. 3. Ekako va machasaɱ.

[BJT Page 208]
5. 3. 1. 4
(Samaṇasukhumālasuttaɱ)
(Sāvatthinidānaɱ:)
4. Pañcahi bhikkhave, dhammehi samannāgato bhikkhu samaṇesu samaṇasukhumālo hoti. Katamehi pañcahi:

Idha bhikkhave, bhikkhu yācitova bahulaɱ cīvaraɱ paribhuñjati, appaɱ ayācito. Yācitova bahulaɱ piṇḍapātaɱ paribhuñjati, appaɱ ayācito. Yācitova bahulaɱ senāsanaɱ paribhuñjati, appaɱ ayācito. Yācitova bahulaɱ gilānapaccayabhesajjaparikkhāraɱ paribhuñjati,
Appaɱ ayācito.

Yehi [page 131] kho pana sabrahmacārihi saddhiɱ1 viharati, tyāssa manāpeneva bahulaɱ kāyakammena samudācaranti, appaɱ amanāpena. Manāpeneva bahulaɱ vacīkammena samudācaranti, appaɱ amanāpena. Manāpeneva bahulaɱ manokammena samudācaranti, appaɱ amanāpena, manāpaɱ yeva bahulaɱ upahāraɱ2 upaharanti, appaɱ amanāpaɱ.

Yāni kho pana tāni vedayitāni cittasamuṭṭhānāni vā semhasamuṭṭhānāni vā vātasamuṭṭhānāni vā sannipātikāni vā utuparināmajāni vā visamaparihārajāni vā opakkamikāni vā kammavipākajāni vā, tānissa na bahudeva uppajjanti. Appābādho hoti.

Catunnaɱ jhānānaɱ ābhicetasikānaɱ diṭṭhadhammasukhavihārānaɱ nikāmalābhī hoti akicchalābhī akasiralābhī.

Āsavānaɱ khayā anāsavaɱ cetovimuttiɱ paññāvimuttiɱ diṭṭhevadhamme sayaɱ abhiññā sacchikatvā upasampajja viharati.

Ime kho bhikkhave, pañcahi dhammehi samannāgato bhikkhu samaṇesu samaṇasukhumālo hoti.

Yaɱ hi taɱ bhikkhave, sammā vadamāno vadeyya, 'samaṇesu samaṇasukhumālo'ti mameva taɱ bhikkhave sammā vadamāno vadeyya, 'samaṇesu samaṇasukhumālo'ti.

Ahaɱ hi bhikkhave yācitova bahulaɱ cīvaraɱ paribhuñjāmi, appaɱ ayācito. Yācitova bahulaɱ piṇḍapātaɱ paribhuñjāmi, appaɱ ayācito. Yācitova bahulaɱ senāsanaɱ paribhuñjāmi appaɱ ayācito. Yācitova bahulaɱ gilānapaccayabhesajjaparikkhāraɱ paribhuñjāmi. Appaɱ ayācito.

1. Sabrahmacārīhi sīmu
2. Manāpaɱ yeva upahāraɱ machasaɱ, syā

[BJT Page 210]
Yehi kho pana bhikkhūhi saddhiɱ viharāmi, te maɱ manāpeneva bahulaɱ kāyakammena samudācaranti, appaɱ amanāpena. Manāpeneva bahulaɱ vacikammena samudācaranti, appaɱ amanāpena. Manāpeneva bahulaɱ manokammena samudācaranti, appaɱ amanāpena. Manāpaɱ yeva bahulaɱ upahāraɱ upaharanti, appaɱ amanāpaɱ.

Yāni kho pana tāni vedayitāni cittasamuṭṭhānāni vā semhasamuṭṭhānāni vā vātasamuṭṭhānāni vā sannipātikāni vā utuparināmajāni vā visamaparihārajāni vā opakkamikāni vā kammavipākajāni [page 132] vā, tāni me na bahudeva uppajjanti. Appābādhohamasmi.

Catunnaɱ kho panamhi1 jhānānaɱ ābhicetasikānaɱ diṭṭhadhammasukhavihārānaɱ nikāmalābhī akicchalābhī akasiralābhī.

Āsavānaɱ khayā anāsavaɱ cetovimuttiɱ paññāvimuttiɱ diṭṭhevadhamme sayaɱ abhiññā sacchikatvā upasampajja vihārāmi.

Yaɱ hi taɱ bhikkhave, sammā vadamāno vadeyya, 'samaṇesu samaṇasukhumālo'ti mame va taɱ bhikkhave sammā vadamāno vadeyya, 'samaṇesu samaṇasukhumālo'ti.

5. 3. 1. 5
(Phāsuvihāra suttaɱ)
(Sāvatthinidānaɱ)

5. Pañcime bhikkhave, phāsuvihārā. Katame pañca

Idha bhikkhave bhikkhuno mettaɱ kāyakammaɱ paccupaṭṭhitaɱ hoti sabrahmacārīsu āvī ceva raho ca. Mettaɱ vacīkammaɱ paccupaṭṭhitaɱ hoti sabrahmacārīsu āvi ceva raho ca mettaɱ manokammaɱ paccupaṭṭhitaɱ hoti sabrahmacārīsu āci ceva raho ca. Yāni tāni sīlāni akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni samādhisaɱvattanikāni, tathārūpehi sīlehi sīlasāmaññagato viharati sabrahmacārīhi āvi ceva raho ca. Yāyaɱ diṭṭhi ariyā niyyānikā niyyāti takkarassa sammā dukkhakkhayāya, tathārūpāya diṭṭhiyā diṭṭhisāmaññagato viharati sabrahmacārīhi āvī ceva raho ca.

Ime kho bhikkhave pañca phāsuvihārāti.

1. Catunnaɱ kho pana sīmu.

[BJT Page 212]
5. 3. 1. 6
Ānandasuttaɱ

6. Ekaɱ samayaɱ bhagavā kosambiyaɱ viharati ghositārāme. Atha kho āyasmā ānando yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho āyasmā ānando bhagavantaɱ etadavoca:

Kittāvatā nu kho bhante, bhikkhu saŋghe1 viharanto phāsuɱ vihareyyāti.

Yato kho ānanda, [page 133] bhikkhu attanā2sīlasampanno hoti no ca paraɱ adhisīle sampavattā. Ettāvatāpi kho ānanda bhikkhu saŋghe viharanto phāsuɱ vihareyyāti.
Siyā pana bhante, aññopi pariyāyo yathā bhikkhu saŋghe phāsuɱ vihareyyāti.

Siyā ānanda, yato kho ānanda bhikkhu attanā silasampanno hoti no ca paraɱ adhisīle sampavattā hoti. Attānupekkhī ca hoti no parānupekkhī. Ettāvatā pi kho ānanda bhikkhu saŋghe viharanto phāsuɱ vihareyyāti.

Siyā pana bhante, aññopi pariyāyo yathā bhikkhu saŋghe viharanto phāsuɱ vihareyyāti.
Siyā ānanda, yato kho ānanda bhikkhu attanā sīlasampanno hoti no ca paraɱ adhisīle sampavattā. Attānupekkhī ca no parānupekkhī hoti. Appaññāto3 ca hoti, tena ca appaññātakena no paritassati. Ettāvatāpi kho4 ānanda bhikkhu saŋghe viharanto phāsuɱ vihareyyāti.

Siyā pana bhante, aññopi pariyāyo yathā bhikkhu saŋghe viharanto phāsuɱ vihareyyāti.
Siyā ānanda, yato kho ānanda bhikkhu attanā sīlasampanno hoti, no paraɱ adhisīle sampavattā. Atatānupekkhī ca hoti no parānupekkhī. Appaññāto ca hoti. Tena ca appaññātakena no paritassati. Catunnañca jhānānaɱ ābhicetasikānaɱ diṭṭhadhammasukhavihārānaɱ nikāmalābhī hoti akicchalābhī akasiralābhī. Ettāvatāpi kho ānanda bhikkhu saŋghe viharanto phāsuɱ vihareyyati.

1. Bhikkhu saŋgho syā. 2. Attanāva sīmu.
3. Apaññāto machasaɱ,
4. Ettāvatāpi machasaɱ.

[BJT Page 214]
Siyā pana bhante, aññopi pariyāyo yathā bhikkhu saŋghe viharanto phāsuɱ vihareyyāti.

Siyā ānanda yato kho ānanda bhikkhu attanā sīlasampanno hoti, no ca paraɱ adhisīle sampavattā. Attānupekkhī ca hoti no parānupekkhī. [page 134] appaññāto ca hoti tena appaññātakena no paritassati. Catunnaɱ jhānānaɱ ābhicetasikānaɱ diṭṭhadhammasukhavihārānaɱ nikāmalābhī hoti akicchalābhī akasiralābhī. Āsavānaɱ khayā anāsavaɱ cetovimuttiɱ paññāvimuttiɱ diṭṭhevadhamme sayaɱ abhiññā sacchikatvā upasampajja viharati. Ettāvatā kho ānanda bhikkhu saŋghe viharanto phāsuɱ vihareyya.
Imamhā cāhaɱ ānanda phāsuvihārā añño phāsuvihārouttaritaro vā paṇītataro vā natthiti vadāmi'ti.

5. 3. 1. 7
(Sīlasampannasuttaɱ)
(Sāvatthinidānaɱ)

7. Pañcahi bhikkhave, dhammehi samannāgato bhikkhu āhuneyyo pāhuneyyo dakkhiṇeyyo añjalikaraṇīyo anuttaraɱ puññakkhettaɱ lokassa. Katamehi pañcahi?

Idha bhikkhave, bhikkhu sīlasampanno hoti, samādhisampanno hoti, paññāsampanno hoti, vimuttisampanno hoti, vimuttiñāṇadassanasampanno hoti.

Imehi kho bhikkhave, pañcahi dhammehi samannāgato bhikkhu āhuneyyo pāhuneyyo dakkhiṇeyyo añjalikaraṇīyo anuttaraɱ puññakkhettaɱ lokassāti.

5. 3. 1. 8
(Asekhasuttaɱ)
(Sāvatthinidānaɱ)

8. Pañcahi bhikkhave, dhammehi samannāgato bhikkhu āhuneyyo1 pāhuneyyo dakkhiṇeyyo añjalikaraṇīyo anuttaraɱ puññakkhettaɱ lokassa. Katamehi pañcahi:

Idha bhikkhave, bhikkhu asekhena sīlakkhandhena samannāgato hoti, asekhena samādhikkhandhena samannāgato hoti, asekhena paññākkhandhena samannāgato hoti, asekhena vimuttikkhandhena samannāgato hoti, asekhena vimuttiñāṇadassanakkhandhena samannāgato hoti.

Imehi kho bhikkhave, pañcahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraɱ puññakkhettaɱ lokassāti.

1. Āhuṇeyyo pāhuṇeyyo sīmu, machasaɱ

[BJT Page 216]
[page 135]
5. 3. 1. 9
(Cātuddisasuttaɱ)
(Sāvatthinidānaɱ)

9. Pañcahi bhikkhave, dhammehi samannāgato bhikkhu cātuddiso hoti. Katamehi pañcahi:
Idha bhikkhave, bhikkhu sīlavā hoti, pātimokkhasaɱvarasaɱvuto viharati ācāragocarasampanno, aṇumattesu vajjesu bhayadassāvī, samādāya sikkhati sikkhāpadesu.
Bahussuto hoti sutadharo sutasannicayo. Ye te dhammā ādikalyāṇā majjhekalyāṇā pariyosānakalyāṇā sātthā sabyañjanā1 kevalaparipuṇaṇaɱ parisuddhaɱ brahmacariyaɱ abhivadanti, tathārūpāssa dhammā bahussutā honti dhatā2 vacasā parivitā manasānupekkhitā diṭṭhiyā suppaṭividdhā.

Santuṭṭho hoti itarītaracīvarapiṇḍapātasenāsanagilānapaccayabhesajjaparikkhārena.

Catunnaɱ jhānānaɱ ābhicetasikānaɱ diṭṭhadhammasukhavihārānaɱ nikāmalābhī hoti akicchalābhī akasiralābhī.

Āsavanaɱ khayā anāsavaɱ cetovimuttiɱ paññāvimuttiɱ diṭṭhevadhamme sayaɱ abhiññā sacchikatvā upasampajja viharati.
.

Imehi kho bhikkhave, pañcahi dhammehi samannāgato bhikkhu cātuddiso hotīti.

5. 3. 1. 10
(Araññasuttaɱ)
(Sāvatthinidānaɱ)
10. Pañcahi bhikkhave, dhammehi samannāgato bhikkhu alaɱ araññe vanapatthāni pantāni senāsanāni paṭisevituɱ. Katamehi pañcahi:

Idha bhikkhave, bhikkhu sīlavā hoti pātimokkhasaɱvarasaɱvuto viharati ācāragocarasampanno, aṇumattesu vajjesu bhayadassāvī, samādāya sikkhati sikkhāpadesu.

1. Sātthaɱ sabyañjanaɱ machasaɱ. 2. Dhātā machasaɱ.

[BJT Page 218]
Bahussuto hoti sutadharo sutasannicayo. Ye te dhammā ādikalyāṇā majjhekalyāṇā pariyosānakalyāṇā sātthā sabyañjanā kevalaparipuṇṇaɱ parisuddhaɱ brahmacariyaɱ abhivadanti tathārūpāssa dhammā bahussutā honti dhatā vacasā paricitā manasānupekkhitā diṭṭhiyā suppaṭividdhā.

Āraddhaviriyo viharati akusalānaɱ dhammānaɱ pahānāya, kusalānaɱ dhammānaɱ upasampadāya, thāmavā daḷhaparakkamo anikkhittadhuro kusalesu dhammesu.

Catunnaɱ jhānānaɱ ābhicetasikānaɱ diṭṭhadhammasukhavihārānaɱ nikāmalābhī hoti. Akicchalābhī akasiralābhī.

Āsavānaɱ khayā anāsavaɱ cetovimuttiɱ [page 136] paññāvimuttiɱ diṭṭhevadhamme sayaɱ abhiññā sacchikatvā upasampajja viharati.

Imehi kho bhikkhave, pañcahi dhammehi samannāgato bhikkhu alaɱ araññe vanapatthāni pantāni senāsanāni paṭisevitunti.

Phāsuvihāravaggo paṭhamo

Tassuddānaɱ:
Sārajjaɱ saŋkito coro sukhumālaɱ phāsu pañcamaɱ1
Ānanda sīlā sekhā ca2 cātuddiso araññena cāti

1. Sukhumālaphāsu pañcamaɱ syā. 2. Ānanda sīla sekhiyā sīmu, syā.
.
[BJT Page 220]
(Kulūpagasuttaɱ)
(Sāvatthinidānaɱ)
11. Pañcahi bhikkhave, dhammehi samannāgato kulūpago bhikkhu kulesu appiyo ca hoti amanāpo ca agaru ca abhāvanīyo ca. Katamehi pañcahi:

Asanthutavissāsī1 ca hoti, anissaravikappī ca, viyatthupasevī2ca, upakaṇṇakajappī ca, atiyācanako ca.

Imehi kho bhikkhave pañcahi dhammehi samannāgato kulūpago bhikkhu kulesu appiyo ca hoti amanāpo ca agaru ca abhāvanīyo ca.

Pañcahi bhikkhave, dhammehi samannāgato kulūpago bhikkhu kulesu piyo ca hoti manāpo ca garu ca bhāvanīyo ca. Katamehi pañcahi:

Na asanthutavissāsī1 ca hoti, na anissaravikappī ca, na viyatthupasevī2 ca, na upakaṇṇakajappi ca, na atiyācanako ca.
[page 137]

Imehi kho bhikkhave, pañcahi dhammehi samannāgato kulūpago bhikkhu kulesu piyo ca hoti manāpo ca garu ca bhāvanīyo cāti.

5. 3. 2. 2
(Pacchāsamaṇasuttaɱ)
(Sāvatthinidānaɱ)
12. Pañcahi bhikkhave, dhammehi samannāgato pacchāsamaṇo na ādātabbo. Katamehi pañcahi:

Atidūre vā gacchati accāsanne vā, na pattapariyāpannaɱ gaṇhāti, āpattisāmantā bhaṇamānaɱ na nivāreti, bhaṇamānassa antarantarā kathaɱ opāteti, duppañño hoti jaḷo eḷamūgo.

Imehi kho bhikkhave, pañcahi dhammehi samannāgato pacchāsamaṇo na ādātabbo.
Pañcahi bhikkhave, dhammehi samannāgato pacchāsamaṇo ādātabbo. Katamehi pañcahi:
Nātidūre gacchati na accāsanne, pattapariyāpannaɱ gaṇhāti, āpattisāmantā bhaṇamānaɱ nivāreti, bhaṇamānassa na antarantarā kathaɱ opāteti, paññavā hoti ajaḷo aneḷamugo.

Imehi kho bhikkhave, pañcahi dhammehi samannāgato pacchāsamaṇo ādātabboti.
.

1. Asanthavavissāsī machasaɱ.
. 2. Vissaṭaṭhupasevī machasaɱ

[BJT Page 222]
5. 3. 2. 3
(Sammāsamādhisuttaɱ)
(Sāvatthinidānaɱ)
13. Pañcahi bhikkhave, dhammehi samannāgato bhikkhu abhabbo sammāsamādhiɱ upasampajja viharituɱ. Katamehi pañcahi:

Idha bhikkhave, bhikkhu akkhamo hoti rūpānaɱ, akkhamo saddānaɱ, akkhamo gandhānaɱ, akkhamo rasānaɱ, akkhamo, phoṭṭhabbānaɱ.

Imehi kho bhikkhave pañcahi dhammehi samannāgatato bhikkhu abhabbo sammāsamādhiɱ upasampajja viharituɱ.

Pañcahi bhikkhave, dhammehi samannāgato bhikkhu bhabbo sammāsamādhiɱ upasampajja viharituɱ. Katamehi pañcahi:
[page 138]

Idha bhikkhave, bhikkhu khamo hoti rūpānaɱ, khamo saddānaɱ, khamo gandhānaɱ, khamo rasānaɱ, khamo phoṭṭhabbānaɱ.

Imehi kho bhikkhave pañcahi dhammehi samannāgato bhikkhu bhabbo sammāsamādhiɱ upasampajja viharitunti.

5. 3. 2. 4
(Andhakavindasuttaɱ)
14. Ekaɱ samayaɱ bhagavā magadhesu viharati andhakavinde. Atha kho āyasmā ānando yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinnaɱ kho āyasmantaɱ ānandaɱ bhagavā etadavoca:

Ye te ānanda bhikkhū navā acirapabbajitā adhunāgatā imaɱ dhammavinayaɱ, te vo ānanda bhikkhū pañcasu dhammesu samādapetabbā, nivesetabbā, patiṭṭhāpetabbā. Katamesu pañcasu:

"Etha tumhe āvuso, sīlavā hotha pātimokkhasaɱvarasaɱvutā viharatha ācāragocarasampannā, aṇumattesu vajjesu bhayadassāvino samādāya sikkhatha sikkhāpadesuti" iti pātimokkhasaɱvare samādapetabbā, nivesetabbā, patiṭṭhāpetabbā.

"Etha tumhe āvuso, indriyesu guttadvārā viharatha ārakkhasatino nipakkasatino sārakkhitamānasā satārakkhena cetasā samannāgatāti. " Iti indriyasaɱvare samādapetabbā, nivesetabbā, patiṭṭhāpetabbā.

[BJT Page 224]
"Etha tumhe āvuso, appabhassā hotha bhasse pariyantakārinoti" iti bhassapariyante samādapetabbā, nivesetabbā, patiṭṭhāpetabbā.

"Etha tumhe āvuso, āraññakā hotha araññe vanapatthāni1pantāni senāsanāni paṭisevathā"ti iti kāyavupakāse samādapetabbā, nivesetabbā, patiṭṭhāpetabbā.

"Etha tumhe āvuso, sammādiṭṭhikā hotha sammādassanena samannāgatāti" iti sammādassane samādapetabbā, nivesetabbā, patiṭṭhāpetabbā.
[page 139]

Ye te ānanda, bhikkhū navā acirapabbajitā adhunāgatā imaɱ dhammavinayaɱ, te vo ānanda bhikkhū imesu pañcasu dhammesu samādapetabbā, nivesetabbā, patiṭṭhāpetabbāti.

5. 3. 2. 5
(Maccharīsuttaɱ)
(Sāvatthinidānaɱ)
15. Pañcahi bhikkhave, dhammehi samannāgatā bhikkhunī yathābhataɱ nikkhittā evaɱ niraye: katamehi pañcahi:

Āvāsamaccharinī hoti, kulamaccharinī hoti, lābhamaccharinī hoti, vaṇṇamaccharinī hoti, dhammamaccharinī hoti.

Imehi kho bhikkhave, pañcahi dhammehi samannāgatā bhikkhunī yathābhataɱ nikkhittā evaɱ niraye.

Pañcahi bhikkhave, dhammehi samannāgatā bhikkhunī yathabhataɱ nikkhittā evaɱ sagge. Katamehi pañcahi:

Na āvāsamaccharinī hoti, na kulamaccharinī hoti, na lābhamaccharinī hoti, na vaṇṇamaccharini hoti, na dhammamaccharinī hoti.

Imehi kho bhikkhave, pañcahi dhammehi samannāgatā bhikkhunī yathābhataɱ nikkhittā evaɱ saggeti.

5. 3. 2. 6
(Vaṇṇasuttaɱ)
(Sāvatthinidānaɱ)
16. Pañcahi bhikkhave, dhammehi samannāgatā bhikkhunī yathābhataɱ nikkhittā evaɱ niraye. Katamehi pañcahi:

Ananuvicca apariyogāhetvā avaṇṇārahassa vaṇṇaɱ bhāsati. Ananuvicca apariyogāhetvā vaṇṇārahassa avaṇṇaɱ bhāsati. Ananuvicca apariyogāhetvā appasādanīye ṭhāne pasādaɱ upadaɱseti. Ananuvicca apariyogāhetvā pasādanīye ṭhāne appasādaɱ upadaɱseti. Saddhādeyyaɱ vinipāteti.

Imehi kho bhikkhave, pañcahi dhammehi samannāgatā bhikkhunī yathābhataɱ nikkhittā evaɱ niraye.

1. Araññavanapatthāni machasaɱ.

[BJT Page 226]
Pañcahi bhikkhave dhammehi samannāgatā bhikkhunī yathābhataɱ nikkhittā evaɱ sagge. Katamehi pañcahi:

Anuvicca pariyogāhetvā avaṇṇārahassa avaṇṇaɱ bhāsati, anuvicca pariyogāhetvā vaṇṇārahassa vaṇṇaɱ bhāsati, [page 140] anuvicca pariyogāhetvā appasādanīye ṭhāne appasādaɱ upadaɱseti, anuvicca pariyogāhetvā pasādanīye ṭhāne pasādaɱ upadaɱseti, saddhādeyyaɱ na vinipāteti.

Imehi kho bhikkhave pañcahi dhammehi samannāgatā bhikkhuṇī yathābhataɱ nikkhittā evaɱ saggeti.

5. 3. 2. 7
(Issukīsuttaɱ)
(Sāvatthinidānaɱ)
17. Pañcahi bhikkhave dhammehi samannāgatā bhikkhuṇī yathābhataɱ nikkhittā evaɱ niraye. Katamehi pañcahi:
Ananuvicca apariyogāhetvā avaṇṇārahassa vaṇṇaɱ bhāsati, ananuvicca apariyogāhetvā vaṇṇārahassa avaṇṇaɱ bhāsati, issukinī ca hoti, maccharinī ca, saddhādeyyaɱ vinipāteti.
Imehi kho bhikkhave pañcahi dhammehi samannāgatā bhikkhunī yathābhataɱ nikkhittā evaɱ niraye.

Pañcahi bhikkhave dhammehi samannāgatā bhikkhunī yathābhataɱ nikkhittā evaɱ sagge. Katamehi pañcahi:

Anuvicca pariyogāhetvā avaṇṇārahassa avaṇṇaɱ bhāsati, anuvicca pariyogāhetvā vaṇṇārahassa vaṇṇaɱ bhāsati, anissukī ca hoti, amaccharinī ca, saddhādeyyaɱ na vinipāteni.

Imehi kho bhikkhave pañcahi dhammehi samannāgatā bhikkhuṇī yathābhataɱ nikkhittā evaɱ saggeti.

5. 3. 2. 8
(Micchādiṭṭhikasuttaɱ)
(Sāvatthinidānaɱ)
18. Pañcahi bhikkhave dhammehi samannāgatā bhikkhunī yathābhataɱ nikkhittā evaɱ niraye. Katamehi pañcahi:

Ananuvicca apariyogāhetvā avaṇṇārahassa vaṇṇaɱ bhāsati, ananuvicca apariyogāhetvā vaṇṇārahassa avaṇṇaɱ bhāsati, micchādiṭṭhikā ca hoti, micchāsaŋkappā ca, saddhādeyyaɱ vinipāteti.

[BJT Page 228]
Imehi kho bhikkhave pañcahi dhammehi samannāgatā bhikkhunī yathābhataɱ nikkhittā evaɱ niraye.
[page 141]

Pañcahi bhikkhave dhammehi samannāgatā bhikkhunī yathābhataɱ nikkhittā evaɱ sagge. Katamehi pañcahi:

Anuvicca pariyogāhetvā avaṇṇārahassa avaṇṇaɱ bhāsati, anuvicca pariyogāhetvā vaṇṇārahassa vaṇṇaɱ bhāsati, sammādiṭṭhikā ca hoti, sammāsaŋkappā ca, saddhādeyyaɱ na vinipāteti.

Imehi kho bhikkhave pañcahi dhammahi samannāgatā bhikkhunī yathābhataɱ nikkhittā evaɱ saggeti.

5. 3. 2. 9
(Micchāvācā suttaɱ)
(Sāvatthinidānaɱ)
19. Pañcahi bhikkhave dhammehi samannāgatā bhikkhunī yathābhataɱ nikkhittā evaɱ niraye. Katamehi pañcahi:

Ananuvicca apariyogāhetvā avaṇṇārahassa vaṇṇaɱ bhāsati, ananuvicca apariyogāhetvā vaṇṇārahassa avaṇṇaɱ bhāsati, micchāvācā ca hoti, micchākammantā ca, saddhādeyyaɱ vinipāteti.

Imehi kho bhikkhave pañcahi dhammehi samannāgatā bhikkhunī yathābhataɱ nikkhittā evaɱ niraye.

Pañcahi bhikkhave dhammehi samannāgatā bhikkhunī yathābhataɱ nikkhittā evaɱ sagge. Katamehi pañcahi:

Anuvicca pariyogāhetvā avaṇṇārahassa avaṇṇaɱ bhāsati, anuvicca pariyogāhetvā vaṇṇārahassa vaṇṇaɱ bhāsati, sammāvācā ca hoti, sammā kammantā ca, saddhādeyyaɱ na vinipāteti.

Imehi kho bhikkhave pañcahi dhammehi samannāgatā bhikkhunī yathābhataɱ nikkhittā evaɱ saggeti.

5. 3. 2. 10
(Micchāvāyāma suttaɱ)
(Sāvatthinidānaɱ)
20. Pañcahi bhikkhave dhammehi samannāgatā bhikkhunī yathābhataɱ nikkhittā evaɱ niraye. Katamehi pañcahi:

Ananuvicca apariyogāhetvā avaṇṇārahassa vaṇṇaɱ bhāsati, ananuvicca apariyogāhetvā vaṇṇārahassa avaṇṇaɱ bhāsati, micchāvāyāmā ca hoti, micchāsatinī ca, saddhādeyyaɱ vinipāteti.
[page 142]

[BJT Page 230]
Imehi kho bhikkhave pañcahi dhammehi samannāgatā bhikkhunī yathābhataɱ nikkhittā evaɱ niraye.
Pañcahi bhikkhave dhammehi samannāgatā bhikkhunī yathābhataɱ nikkhittā evaɱ sagge katamehi pañcahi:
Anuvicca pariyogāhetvā avaṇṇārahassa avaṇṇaɱ bhāsati, anuvicca pariyogāhetvā vaṇṇārahassa vaṇṇaɱ bhāsati, sammāvāyāmā ca hoti, sammāsatinī ca, saddhādeyyaɱ na vinipāteti.

Imehi kho bhikkhave pañcahi dhammehi samannāgatā bhikkhunī yathābhataɱ nikkhittā evaɱ saggeti.

Andhakavindavaggo dutiyo.

Tasasuddānaɱ:
Kulūpago, pacchāsamaṇo samādhi andhakavindaɱ
Macchari vaṇṇanā issā diṭṭhivācāya vāyāmāti. 1

1. Vāyāmo sīmu.

[BJT Page 232]
3. Gilānavaggo
5. 3. 3. 1
(Gilānasuttaɱ)
21. Ekaɱ samayaɱ bhagavā vesāliyaɱ viharati mahāvane kūṭāgārasālāyaɱ. Atha kho bhagavā sāyanhasamayaɱ patisallānā vuṭṭhito yena gilānasālā tenupasaŋkami. Addasā kho bhagavā aññataraɱ bhikkhuɱ dubbalaɱ gilānakaɱ. Disvā paññatte āsane nisīdi. Nisajja kho bhagavā bhikkhu āmantesi:
Yaɱ kañci1 bhikkhave dubbalaɱ2 gilānakaɱ pañca dhammā na vijahanti, tassetaɱ pāṭikaŋkhaɱ: na cirasseva āsavānaɱ khayā anāsavaɱ cetovimuttiɱ paññāvimuttiɱ sayaɱ abhiññā sacchikatvā upasampajja viharissatīti katamehi pañca:

Idha bhikkhave bhikkhu asubhānupassī kāye viharati, āhāre paṭikkūlasaññī, sabbaloke anabhiratasaññī, [page 143] sabbasaɱkhāresu aniccānupassī, maraṇasaññā kho panassa ajjhattaɱ sūpaṭṭhitā hoti.

Yaɱ kañci1 bhikkhave dubbalaɱ2 gilānakaɱ ime pañca dhammā na vijahanti, tassetaɱ pāṭikaŋkhaɱ: na cirasseva āsavānaɱ khayā anāsavaɱ cetovimuttiɱ paññāvimuttiɱ sayaɱ abhiññā sacchikatvā upasampajja viharissatīti.

5. 3. 3. 2
(Satisūpaṭṭhitasuttaɱ)
(Sāvatthinidānaɱ)
22. Yo hi koci bhikkhave bhikkhu vā bhikkhunī vā pañca dhamme bhāveti, pañca dhamme bahulīkaroti, tassa dvinnaɱ phalānaɱ aññataraɱ phalaɱ pāṭikaŋkhaɱ: diṭṭheva dhamme aññā, sati vā upadisese anāgāmitā. Katame pañca:

Idha bhikkhave bhikkhuno ajjhattaɱ yeva sati sūpaṭṭhitā hoti, dhammānaɱ udayatthagāminiyā paññāya asubhānupassī kāye viharati, āhāre paṭikkūlasaññi, sabbaloke anabhiratasaññī, sabbasaɱkhāresu aniccānupassī.

Yo hi koci bhikkhave bhikkhu vā bhikkhunī vā ime pañca dhamme bhāveti, ime pañca dhamme bahulīkaroti, tassa dvinnaɱ phalānaɱ aññataraɱ phalaɱ pāṭikaŋkhaɱ: diṭṭheva dhamme aññā, sati vā upādisese anāgāmitā.

1. Yaɱkiñci syā 2. Bhikkhuɱ dubbalaɱ machasaɱ.

[BJT Page 234]
5. 3. 3. 3
(Dūpaṭṭhākagilānasuttaɱ)
(Sāvatthinidānaɱ)
23. Pañcahi bhikkhave dhammehi samannāgato gilāno dūpaṭṭhāko1 hoti. Katamehi pañcahi:

Asappāyakārī hoti sappāye mattaɱ na jānāti. Bhesajjaɱ na paṭisevitā hoti. Atthakāmassa gilānūpaṭṭhākassa na yathābhūtaɱ ābādhaɱ āvīkattā hoti. Abhikkamantaɱ vā abhikkamatīti, paṭikkamantaɱ vā paṭikkamatīti ṭhitaɱ vā ṭhito'ti uppannānaɱ vā sāririkānaɱ vedanānaɱ dukkhānaɱ tippānaɱ kharānaɱ kaṭukānaɱ asātānaɱ amanāpānaɱ pāṇaharānaɱ anadhivāsakajātiko hoti.
[page 144]

Imehi kho bhikkhave pañcahi dhammehi samannāgato gilāno dūpaṭṭhāko hoti.

Pañcahi bhikkhave dhammehi samannāgato gilāno sūpaṭṭhāko hoti. Katamehi pañcahi:
Sappāyakārī hoti. Sappāye mattaɱ jānāti. Bhesajjaɱ paṭisevitā hoti. Atthakāmassa gilānūpaṭṭhākassa yathābhūtaɱ ābādhaɱ āvīkattā hoti: abhikkamantaɱ vā abhikkamatīti, paṭikkamantaɱ vā paṭikkamatīti, ṭhitaɱ vā ṭhitoti. Uppannānaɱ vā sārīrikānaɱ vedanānaɱ dukkhānaɱ tippānaɱ kharānaɱ kaṭukānaɱ asātānaɱ amanāpānaɱ pāṇaharānaɱ adhivāsakajātiko hoti.

Imehi kho bhikkhave pañcahi dhammehi samannāgato gilāno sūpaṭṭhāko hotīti.
5. 3. 3. 4
(Gilānūpaṭṭhākasuttaɱ)
(Sāvatthinidānaɱ)

24. Pañcahi bhikkhave dhammehi samannāgato gilānūpaṭṭhāko nālaɱ gilānaɱ upaṭṭhātuɱ. Katamehi pañcahi:

Na paṭibalo hoti bhesajjaɱ saɱvidhātuɱ. Sappayāsappāyaɱ na jānāti, asappāyaɱ upanāmeti, sappāyaɱ apanāmeti. Āmisantaro gilānaɱ upaṭṭhahati no mettacitto. Jegucchi hoti uccāraɱ vā passāvaɱ vā vantaɱ vā khelaɱ vā nīharituɱ na paṭibalo2 hoti gilānaɱ kālena kālaɱ dhammiyā kathāya sandassetuɱ samādapetuɱ samuttejetuɱ sampahaɱsetuɱ.

Imehi kho bhikkhave pañcahi dhammehi samannāgato gilānūpaṭṭhāko nālaɱ gilānaɱ upaṭṭhātuɱ.

1. Dupaṭṭhāko [PTS,] syā 2. Nappaṭibalo machasaɱ

[BJT Page 236]
Pañcahi bhikkhave dhammehi samannāgato gilānūpaṭṭhāko alaɱ gilānaɱ upaṭṭhātuɱ. Katamehi pañcahi:

Paṭibalo hoti bhesajjaɱ saɱvidhātuɱ. Sappāyāsappāyaɱ jānāti, asappāyaɱ apanāmeti, sappāyaɱ upanāmeti. Mettacitto gilānaɱ upaṭṭhahati no āmisantaro. Ajegucchī hoti uccāraɱ vā passāvaɱ vā vantaɱ vā khelaɱ vā nīharitūɱ. Paṭibalo hoti gilānaɱ kālena kālaɱ dhammiyā kathāya sandassetuɱ. Samādapetuɱ samuttejetuɱ sampahaɱsetuɱ.
[page 145]

Imehi kho bhikkhave pañcahi dhammehi samannāgato gilānūpaṭṭhāko alaɱ gilānaɱ upaṭṭhātunti.

5. 3. 3. 5
(Paṭhama āyussasuttaɱ)
(Sāvatthi nidānaɱ)
25. Pañcime bhikkhave dhammā anāyussā. Katame pañca:

Asappāyakāri hoti, sappāye mattaɱ na jānāti, aparinatabhojī ca hoti, akālacāri ca hoti, abrahmacārī ca. Ime kho bhikkhave pañca dhammā anāyussā.
Pañcime bhikkhave dhammā āyussā. Katame pañca:
Sappāyakārī hoti, sappāye mattaɱ jānāti, parinatabhojī ca hoti, kālacāri ca hoti, brahmacāri ca. Ime kho bhikkhave pañca dhammā āyussā ti.

5. 3. 3. 6
(Dutiya āyussasuttaɱ)
(Sāvatthinidānaɱ)
26. Pañcime bhikkhave dhammā anāyussā. Katame pañca:

Asappāyakārī hoti, sappāye mattaɱ na jānāti, aparinatabhojī ca hoti, dussīlo ca, pāpamitto ca. Ime kho bhikkhave pañca dhammā anāyussā.

Pañcime bhikkhave dhammā āyussā, katame pañca:

Sappāyakārī hoti, sappāye mattaɱ jānāti, parinatabhojī ca hoti, sīlavā ca, kalyāṇamitto ca. Ime kho bhikkhave pañca dhammā āyussā ti.

1. Apariṇatabhogīca sīmu.
.
[BJT Page 238]
5. 3. 3. 7.
(Vapakāsasuttaɱ)
(Sāvatthinidānaɱ)
27. Pañcahi bhikkhave dhammehi samannāgato bhikkhu nālaɱ saŋghamhā vapakāsituɱ. Katamehi pañcahi:

Idha bhikkhave bhikkhu asantuṭṭho hoti itarītarena cīvarena, asantuṭṭho hoti itarītarena piṇaḍapātena, asantuṭṭho hoti itaritarena senāsanena, asantuṭṭho hoti itarītarena gilānapaccayabhesajjaparikkhārena, kāmasaŋkappabahulo ca viharati.
Imehi kho bhikkhave pañcahi dhammehi samannāgato bhikkhu nālaɱ saŋghamhā vapakāsituɱ.
Pañcahi bhikkhave dhammehi samannāgato bhikkhu alaɱ saŋghamhā vapakāsituɱ. Katamehi pañcahi:
[page 146]

Idha bhikkhave bhikkhu santuṭṭho hoti itarītarena cīvarena, santuṭṭho hoti itarītarena piṇḍapātena, santuṭṭho hoti itarītarena senāsanena, santuṭṭho hoti itarītarena gilānapaccayabhesajjaparikkhārena, nekkhammasaŋkappabahulo ca viharati.

Imehi kho bhikkhave pañcahi dhammehi samannāgato bhikkhu alaɱ saŋghamhā vapakāsitunti.
5. 3. 3. 8
(Samaṇadukkha sukha suttaɱ)
(Sāvatthinidānaɱ)

28. Pañcimāni bhikkhave samaṇadukkhāni. Katamāni pañca:

Idha bhikkhave bhikkhu asantuṭṭho hoti itarītarena cīvarena, asantuṭṭho hoti itarītarena piṇḍapātena, asantuṭṭho hoti itarītarena senāsanena, asantuṭṭho hoti itarītarena gilānapaccayabhesajjaparikkhārena, anabhirato ca brahmacariyaɱ carati. Imāni kho bhikkhave pañca samaṇadukkhāni.

Pañcimāni bhikkhave samaṇasukhāni. Katamāni pañca:

Idha bhikkhave bhikkhu santuṭṭho hoti itarītarena cīvarena, santuṭṭho hoti itarītarena piṇḍapātena, santuṭṭho hoti itarītarena senāsanena, santuṭṭho hoti itarītarena gilānapaccayabhesajjaparikkhārena, abhirato ca brahmacariyaɱ carati. Imāni kho bhikkhave pañca samaṇasukhānī ti.

[BJT Page 240]
5. 3. 3. 9
(Parikuppasuttaɱ)
(Sāvatthinidānaɱ)
29. Pañcime bhikkhave āpāyikā nerayikā parikuppā atekicchā. Katame pañca:

Mātā jīvitā voropitā hoti, pitā jīvitā voropito hoti, arahaɱ1 jīvitā voropito hoti, tathāgatassa duṭṭhena cittena lohitaɱ uppaditaɱ hoti, saŋgho bhinno hoti.

Ime kho bhikkhave pañca āpāyikā nerayikā parikuppā atekicchā ti.
[page 147]

5. 3. 3. 10
(Sampadāsuttaɱ)
(Sāvatthinidānaɱ)

30. Pañcimāni bhikkhave byasanāni. Katamāni pañca:

Ñātibyasanaɱ, bhogabyasanaɱ, rogabyasanaɱ, sīlabyasanaɱ, diṭṭhibyasanaɱ. Na bhikkhave sattā ñātibyasanahetu vā bhogabyasanahetu vā rogabyasanahetu vā kāyassa bhedā parammaraṇā apāyaɱ duggatiɱ vinipātaɱ nirayaɱ upapajjanti. 2
Sīlabyasanahetu vā bhikkhave sattā diṭṭhibyasanahetu vā kāyassa bhedā parammaraṇā apāyaɱ duggatiɱ vinipātaɱ nirayaɱ upapajjanti.2
Imāni kho bhikkhave pañca byasanāni.
Pañcimā bhikkhave sampadā. Katamā pañca:
Ñātisampadā, bhogasampadā, ārogyasampadā, sīlasampadā, diṭṭhisampadā.
Na bhikkhave sattā ñātisampadāhetu vā bhogasampadāhetu vā ārogyasampadāhetu vā kāyassa bhedā parammaraṇā sugatiɱ saggaɱ lokaɱ upapajjanti.

Sīlasampadāhetu vā bhikkhave sattā diṭṭhisampadā hetu vā kāyassa bhedā parammaraṇā sugatiɱ saggaɱ lokaɱ upapajjanti.
Imā kho bhikkhave pañca sampadāti.

Gilānavaggo tatiyo.

Tassuddānaɱ:
1. Gilāno satipaṭṭhānaɱ dve upaṭṭhākā dvāyusā
Vapakāsasamaṇasukhāni parikuppo ca sampadāti.

1. Arahā syā 2. Upapajjanti sīmu.
.
[BJT Page 242]
4. Rājavaggo
5. 3. 4. 1
(Paṭhamacakkānuvattanasuttaɱ)
(Sāvatthinidānaɱ)
31. Pañcahi bhikkhave aŋgehi samannāgato rājā cakkavatti dhammeneva cakkaɱ pavatteti. 1 Taɱ hoti cakkaɱ [page 148] appativattiyaɱ2 kenaci manussabhūtena paccatthikena pāṇinā. Katamehi pañcahi:

Idha bhikkhave rājā cakkavattī atthaññū ca hoti, dhammaññū ca, mattaññū ca, kālaññū ca, parisaññū ca,

Imehi kho pañcahi aŋgehi samannāgato rājā cakkavattī dhammeneva cakkaɱ vatteti. Taɱ hoti cakkaɱ appativattiyaɱ2 kenaci manussabhutena paccatthikena pāṇinā

Evameva kho bhikkhave pañcahi dhammehi samannāgato tathāgato arahaɱ sammāsambuddho dhammeneva anuttaraɱ dhammacakkaɱ pavatteti. Taɱ hoti cakkaɱ appativattiyaɱ2 samaṇena vā brāhmaṇena vā devena vā mārena vā brahmunā vā kenaci vā lokasmiɱ. Katamehi pañcahi:

Idha bhikkhave tathāgato arahaɱ sammāsambuddho atthaññū, dhammaññū, mattaññū, kālaññū, parisaññū.

Imehi kho bhikkhave pañcahi dhammehi samannāgato tathāgato arahaɱ sammāsambuddho dhammeneva anuttaraɱ dhammavakkaɱ pavatteti. Taɱ hoti cakkaɱ appativattiyaɱ2 samaṇena vā brāhmaṇena vā devena vā mārena vā brahmunā vā kenaci vā lokasminti.
5. 3. 4. 2
(Dutiyacakkānuvattanasuttaɱ)
(Sāvatthinidānaɱ)
32. Pañcahi bhikkhave aŋgehi samannāgato rañño cakkavattissa jeṭṭho putto pitarā pavattitaɱ cakkaɱ dhammeneva anuppavatteti. Taɱ hoti cakkaɱ appativattiyaɱ2kenaci manussabhutena paccatthikena pāṇinā. Katamehi pañcahi:

Idha bhikkhave rañño cakkavattissa jeṭṭho putto atthaññū ca hoti, dhammaññū ca, mattaññū ca, kālaññū ca, parisaññū ca.

1. Vatteti sīmu. 2. Appaṭivattiyaɱ machasaɱ

[BJT Page 244]
Imehi kho bhikkhave pañcahi aŋgehi samannāgato rañño cakkavattissa jeṭṭho putto pitarā pavattitaɱ cakkaɱ dhammeneva anuppavatteti. Taɱ hoti cakkaɱ appativattiyaɱ1 kenaci manussabhutena paccatthikena pāṇinā.
[page 149]

Evameva kho bhikkhave pañcahi dhammehi samannāgato sāriputto tathāgatena pavattitaɱ anuttaraɱ dhammacakkaɱ sammadeva anuppavatteti. Taɱ hoti, cakkaɱ appativattiyaɱ samaṇena vā brāhmaṇena vā devena vā mārena vā brahmunā vā kenaci vā lokasmiɱ. Katamehi pañcahi:

Idha bhikkhave sāriputto atthaññū, dhammaññū, mattaññū, kālaññū, parisaññū.

Imehi kho bhikkhave pañcahi dhammehi samannāgato sāriputto tathāgatena anuttaraɱ dhammacakkaɱ pavattitaɱ sammadeva anuppavatteti. Taɱ hoti cakkaɱ appativattiyaɱ1samaṇena vā brāhmaṇena vā devena vā mārena vā brahmunā vā kenaci vā lokasminti.

5. 3. 4. 3
(Dhammarājasuttaɱ)
(Sāvatthinidānaɱ)
33. Yo pi kho bhikkhave rājā cakkavatti dhammiko dhammarājā so pi na arājakaɱ cakkaɱ vattetiti. Evaɱ vutte aññataro bhikkhū bhagavantaɱ etadavoca: ko pana bhante rañño cakkavattissa dhammikassa dhammarañño rājā?Ti. 'Dhammo bhikkhū'ti bhagavā avoca.

Idha bhikkhu rājā cakkavatti dhammiko dhammarājā dhammaññeva nissāya dhammaɱ sakkaronto dhammaɱ garu2karonto dhammaɱ apacāyamāno dhammaddhajo dhammaketu dhammādhipateyyo dhamimikaɱ rakkhāvaraṇaguttiɱ saɱvidahati antojanasmiɱ.

Puna ca paraɱ bhikkhu rājā cakkavatti dhammiko dhammarājā dhammaññeva nissāya dhammaɱ sakkaronto dhammaɱ garukaronto dhammaɱ apacāyamāno dhammaddhajo dhammaketu dhammādhipateyyo dhammikaɱ rakkhāvaraṇaguttiɱ saɱvidahati khattiyesu anuyuttesu3, balakāyasmiɱ, brāhmaṇagahapatikesu, negamajānapadesu, samaṇabrāhmaṇesu, migapakkhīsu.

[page 150]

Sa kho so bhikkhu rājā cakkavatti dhammiko dhammarājā dhammaɱ yeva nissāya dhammaɱ sakkarontā dhammaɱ garukaronto dhammaɱ apacāyamāno dhammaddhajo dhammaketu dhammādhipateyyo dhammikaɱ rakkhāvaraṇaguttiɱ saɱvidahitvā antojanasmiɱ, dhammikaɱ rakkhācaraṇaguttiɱ saɱvidahitvā khattiyesu anuyuttesu3, balakāyasmiɱ, brāhmaṇagahapatikesu negamajānapadesu, samaṇabrāhmaṇesu, migapakkisu, dhammeneva cakkaɱ pavatteti. Taɱ hoti cakkaɱ appativattiyaɱ1 kenaci manussabhutena paccatthikena
Pāṇinā.

1. Appaṭivattiyaɱ machasaɱ 2. Garuɱ machasaɱ 3. Anuyantesu machasaɱ.
.
[BJT Page 246]
Evameva kho bhikkhu tathāgato arahaɱ sammāsambuddho dhammiko dhammarājā dhammaɱ yeva nissāya dhammaɱ sakkaronto dhammaɱ garukaronto dhammaɱ apacāyamāno dhammaddhajo dhammaketu dhammādhipateyyo dhammikaɱ rakkhāvaraṇaguttiɱ saɱvidahati bhikkhūsu. "Evarūpaɱ kāyakammaɱ sevitabbaɱ, evarūpaɱ kāyakammaɱ na sevitabbaɱ, evarūpaɱ vacīkammaɱ sevitabbaɱ, evarūpaɱ vacīkammaɱ na sevitabbaɱ, evarūpaɱ manokammaɱ sevitabbaɱ, evarūpaɱ manokammaɱ na sevitabbaɱ, evarūpo ājīvo sevitabbo, evarūpo ājīvo na sevitabbo, evarūpo gāmanigamo sevitabbo, evarūpo gāmanigamo na sevitabbo"ti.

Puna ca paraɱ bhikkhu tathāgato arahaɱ sammāsambuddho dhamimiko dhammarājā dhammaɱ yeva nissāya dhammaɱ sakkaronto dhammaɱ garukaronto dhammaɱ apacāyamāno dhammaddhajo dhammaketu dhammādhipateyyo dhammikaɱ rakkhāvaraṇaguttiɱ saɱvidahati bhikkhunīsu evarūpaɱ kāyakammaɱ sevitabbaɱ, evarūpaɱ kāyakammaɱ na sevitabbaɱ evarūpaɱ vacikammaɱ sevitabbaɱ evarūpaɱ vacikammaɱ na sevibbaɱ evarūpaɱ manokammaɱ sevitabbaɱ, evarūpaɱ manokammaɱ na sevitabbaɱ, evarūpo ājīvo sevitabbo, evarūpo ājīvo na sevitabbo, evarūpo gāmanigamo sevitabbo, evarūpo gāmanigamo na sevitabboti.

Punacaparaɱ bhikkhu tathāgato arahaɱ sammāsambuddho dhammiko dhammarājā dhammaɱ yeva nissāya dhammaɱ sakkaronto dhammaɱ garukaronto dhammaɱ apacāyamāno dhammaddhajo dhammaketu dhammādhipateyyo dhammikaɱ rakkhāvaraṇaguttiɱ saɱvidahati upāsakesu: " evarūpaɱ kāyakammaɱ sevitabbaɱ, evarūpaɱ kāyakammaɱ na sevitabbaɱ evarūpaɱ vacīkammaɱ sevitabbaɱ evarūpaɱ vacīkammaɱ na sevitabbaɱ, evarūpaɱ manokammaɱ sevitabbaɱ, evarūpaɱ manokammaɱ na sevitabbaɱ, evarūpo ājīvo sevitabbo, evarūpo ājīvo na sevitabbo, evarūpo gāmanigamo sevitabbo, evarūpo gāmanigamo na sevitabbo ti.

Punacaparaɱ bhikkhu tathāgato arahaɱ sammāsambuddho dhammiko dhammarājā dhammaɱ yeva nissāya dhammaɱ sakkaronto dhammaɱ garukaronto dhammaɱ apacāyamāno dhammaddhajo dhammaketu dhammādhipateyyo dhammikaɱ rakkhāvaraṇaguttiɱ saɱvidahati upāsikāsu: evarūpaɱ kāyakammaɱ sevitabbaɱ evarūpaɱ kāyakammaɱ na sevitatabbaɱ, evarūpaɱ vacīkammaɱ sevitabbaɱ, evarūpaɱ vacīkammaɱ na sevitabbaɱ, evarūpaɱ manokammaɱ sevitabbaɱ, evarūpaɱ manokammaɱ na sevitabbaɱ, evarūpo ājīvo sevitabbo, evarūpo ājīvo na sevitabbo, evarūpo gāmanigamo sevitabbo, evarūpo gāmanigamo na sevitabbo" ti.

Sa kho bhikkhu tathāgato arahaɱ sammāsambuddho [page 151] dhammiko dhammarājā dhammaɱ yeva nissāya dhammaɱ sakkaronto dhammaɱ garukaronto dhammaɱ apacāyamāno dhammaddhajo dhammaketu dhammādhipateyyo dhammikaɱ rakkhāvaraṇaguttiɱ saɱvidahitvā bhikkhusu, dhammikaɱ rakkhāvaraṇaguttiɱ saɱvidahitvā bhikkhunīsu, dhammikaɱ rakkhāvaraṇaguttiɱ saɱvidahitvā upāsakesu, dhammikaɱ rakkhāvaraṇaguttiɱ saɱvidahitvā upāsikāsu, dhammeneva anuttaraɱ dhammacakkaɱ pavatteti. Taɱ hoti cakkaɱ appativattiyaɱ samaṇena vā brāhmaṇena vā devena vā mārena vā brahmunā vā kenaci vā lokasminti.

5. 3. 4. 4
(Khattiyarājasuttaɱ)
(Sāvatthinidānaɱ)
34. Pañcahi bhikkhave aŋgehi samannāgato rājā khattiyo muddhāvasitto yassaɱ yassaɱ disāyaɱ viharati sakasmiɱ yeva vijite viharati. Katamehi pañcahi:

Idha bhikkhave rājā khattiyo muddhāvasitto ubhato sujāto hoti mātito ca pitito ca, saɱsuddhagahaṇiko, yāva sattamā pitāmahayugā akkhitto anupakkuṭṭho jātivādena. Aḍḍho mahaddhano mahābhogo paripuṇṇakosakoṭṭhāgāro. Balavā kho pana hoti caturaŋginiyā senāya samannāgato assavāya ovādapatikarāya. 1 Parināyako kho

1. Ovādapaṭikarāya machasaɱ
[BJT Page 248]
Panassa hoti paṇḍito viyatto medhāvi paṭibalo atitānāgata paccuppanne atthe cintetuɱ. Tassime cattāro dhammā yasaɱ paripācenti. So iminā yasapañcamena1dhammena samannāgato yassaɱ yassaɱ disāyaɱ viharati, sakasmiɱ yeva vijite viharati. Taɱ kissa hetu: evaɱ hetaɱ bhikkhave hoti vijitāvinaɱ.

Evameva kho bhikkhave pañcahi dhammehi samannāgato bhikkhu yassaɱ yassaɱ disāyaɱ viharati vimuttacitto 2 viharati. Katamehi pañcahi:

Idha bhikkhave bhikkhu sīlavā hoti pātimokkhasaɱvarasaɱvuto viharati. Ācāragocarasampanno anumattesu vajjesu bhayadassāvī, samādāya sikkhati sikkhāpadesu. Rājā'ca [page 152] khattiyo muddhāvasitto jātisampanno.

Bahussuto hoti sutadharo sutasannicayo. Ye te dhammā ādikalyāṇā majjhekalyāṇā pariyosānakalyāṇā sātthā saɱbyañjanā kevalaparipuṇṇaɱ parisuddhaɱ brahmacariyaɱ abhivadanti, tathārūpāssa dhammā bahussutā honti dhatā3 vacasā paricitā manasānupekkhitā diṭṭhiyā suppaṭividdhā. Rājā'ca khattiyo muddhāvasitto aḍḍho mahaddhano mahābhogo paripuṇṇakosakoṭṭhāgāro.

Āraddhaviriyo viharati akusalānaɱ dhammānaɱ pahānāya kusalānaɱ dhammānaɱ upasampadāya thāmavā daḷhaparakkamo anikkhittadhuro kusalesu dhammesu. Rājā'ca khattiyo muddhāvasitto balasampanno.

Paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā. Rājā'ca khattiyo muddhāvasitto parināyakasampanno.

Tassime cattāro dhammā vimuttiɱ paripācenti. So iminā vimuttipañcamena dhammena samannāgato yassaɱ yassaɱ disāyaɱ viharati vimuttacitto2 viharati. Taɱ kissa hetu: evaɱ hetaɱ bhikkhave hoti vimuttacittānanti.

5. 3. 4. 5
Paṭhama patthanāsuttaɱ
(Sāvatthi nidānaɱ)
35. Pañcahi bhikkhave aŋgehi samannāgato rañño khattiyassa muddhāvasittassa jeṭṭho putto rajjaɱ pattheti. Katamehi pañcahi:

Idha bhikkhave rañño khattiyassa muddhāvasittassa jeṭṭho putto ubhato sujāto hoti mātito ca pitito ca, saɱsuddhagahaṇiko yāva sattamā pitāmahayugā, akkhitto anupakkuṭṭho jātivādena. Abhirūpo hoti dassanīyo pāsādiko paramāya vaṇṇapokkharatāya samannāgato mātāpitunnaɱ4 piyo hoti manāpo. Negamajānapadassa piyo hoti manāpo. Yāni tāni raññaɱ khattiyānaɱ muddhāvasittānaɱ sippaṭṭhānāni5 hatthismiɱ vā assasmiɱ vā rathasmiɱ vā dhanusmiɱ vā tharusmiɱ vā tattha sikkhito hoti anavayo.

1. Iminā pañcamena sīmu 2. Vimuttacitto va machasaɱ
3. Dhātā machasaɱ
4. Matā pitunaɱ machasaɱ 5. Sippuṭṭhānāni syā

[BJT Page 250]
[page 153]
Tassa evaɱ hoti: ahaɱ khomhi ubhato sujāto mātito ca pitito ca, saɱsuddhagahaṇiko, yāva sattamā pitāmahayugā akkhitto anupakkuṭṭho jātivādena. Kasmāhaɱ rajjaɱ na pattheyyaɱ? Ahaɱ khomhi abhirūpo dassanīyo pāsādiko paramāya vaṇṇapokkharatāya samannāgato. Kasmāhaɱ rajjaɱ na pattheyyaɱ? Ahaɱ khomhi mātāpitunnaɱ piyo manāpo. Kasmāhaɱ rajjaɱ na pattheyyaɱ? Ahaɱ khomhi negamajānapadassa piyo manāpo. Kasmāhaɱ rajjaɱ na pattheyyaɱ? Ahaɱ khomhi yāni tāni raññaɱ khattiyānaɱ muddhāvasittānaɱ sippaṭṭhānāni hatthismiɱ vā assasmiɱ vā rathasmiɱ vā dhanusmīɱ vā tharusmiɱ vā, tatthamhi sikkhito1 anavayo. Kasmāhaɱ rajjaɱ na pattheyyanti?

Imehi kho bhikkhave pañcahi aŋgehi samannāgato rañño khattiyassa muddhāvasittassa jeṭṭho putto rajjaɱ pattheti.

Evameva kho bhikkhave pañcahi dhammehi samannāgato bhikkhu āsavānaɱ khayaɱ pattheti. Kamehi pañcahi:

Idha bhikkhave bhikkhu saddho hoti saddahati tathāgatassa bodhiɱ: " itipi so bhagavā arahaɱ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaɱ buddho bhagavāti. " Appābādho hoti appātaŋko samavepākiniyā gahaṇiyā samannāgato nātisitāya nāccuṇhāya majjhimāya padhānakkhamāya. Asaṭho hoti amāyāvī yathābhūtaɱ attānaɱ2 āvīkattā 3 satthari vā viññūsu vā sabrahmacārīsu. Āraddhaviriyo viharati akusalānaɱ dhammānaɱ pahānāya, kusalānaɱ dhammānaɱ upasampadāya, thāmavā daḷhaparakkamo anikkhittadhuro kusalesu dhammesu. Paññavā hoti udayatthagāminiyā paññāya samannāgato ariyāya nibbedhikāya sammādukkhakkhayagāminiyā.

Tassa evaɱ hoti: 'ahaɱ khomhi saddho, saddahāmi tathāgatassa bodhiɱ: 'itipi so bhagavā arahaɱ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaɱ buddho bhagavāti' kasmāhaɱ [page 154] āsavānaɱ khayaɱ na pattheyyaɱ? Ahaɱ khomhi appābādho appātaŋko samavepākiniyā gahaṇiyā samannāgato nātisītāya nāccuṇhāya majjhimāya padhānakkhamāya. Kasmāhaɱ āsavānaɱ khayaɱ na pattheyyaɱ? Ahaɱ khomhi asaṭho amāyāvī yathābhūtaɱ attānaɱ āvīkattā3satthari vā viññūsu vā sabrahmacārisu. Kasmāhaɱ āsavānaɱ khayaɱ na pattheyyaɱ? Ahaɱ khomhi āraddhaviriyo viharāmi akusalānaɱ dhammānaɱ pahānāya kusalānaɱ dhammānaɱ upasampadāya, thāmavā daḷhaparakkamo anikkhittadhuro kusalesu dhammesu. Kasmāhaɱ āsavānaɱ khayaɱ na pattheyyaɱ? Ahaɱ khomhi paññavā udayatthagāminiyā paññāya samannāgato ariyāya nibbedhikāya sammā dukkhakkhayagāminiyā. Kasmāhaɱ asavānaɱ khayaɱ na pattheyyanti?'

Imehi kho bhikkhave pañcahi dhammehi samannāgato bhikkhu āsavānaɱ khayaɱ patthetīti.

1. Tattha sikkhito machasaɱ 3. Āvikattā machasaɱ, syā, sīmu
2. Yathābhūtānaɱ atthānaɱ sīmu

[BJT Page 252]
5. 3. 4. 6
(Dutiya patthanāsuttaɱ)
(Sāvatthinidānaɱ)
36. Pañcahi bhikkhave, aŋgehi samannāgato rañño khattiyassa muddhāvasittassa jeṭṭho putto oparajjaɱ pattheti. Katamehi pañcahi:

Idha bhikkhave rañño khattiyassa muddhāvasittassa jeṭṭho putto ubhato sujāto hoti mātito ca pitito ca, saɱsuddha gahaṇiko, yāva sattamā pitāmahayugā. Akkhitto anupakkuṭṭho jātivādena. Abhirūpo hoti dassaniyo pāsādiko paramāya vaṇṇapokkharatāya samannāgato mātāpitunnaɱ piyo hoti manāpo. Balakāyassa piyo hoti manāpo. Paṇḍito hoti viyatto medhāvi paṭibalo atitānāgatapaccuppanno atthe cintetuɱ.

Tassa evaɱ hoti: 'ahaɱ khomhi ubhato sujāto mātito ca pitito ca, saɱsuddhagahaṇiko, yāva sattamā pitāmahayugā akkhitto anupakkuṭṭho jātivādena. Kasmāhaɱ oparajjaɱ na pattheyyaɱ? Ahaɱ khomhi abhirūpo dassaniyo pāsādiko paramāya vaṇaṇapokkharatāya samannāgato. Kasmāhaɱ oparajjaɱ2na pattheyyaɱ? Ahaɱ khomhi mātāpitunnaɱ piyo manāpo. Kasmāhaɱ oparajjaɱ na pattheyyaɱ? [page 155] ahaɱ khomhi balakāyassa piyo manāpo. Kasmāhaɱ oparajjaɱ na pattheyyaɱ? Ahaɱ khomhi paṇḍito viyatto medhāvi paṭibalo atītānāgatapaccuppanne atthe cintetuɱ. Kasmāhaɱ oparajjaɱ na pattheyyanti?

Imehi kho bhikkhave pañcahi aŋgehi samannāgato rañño khattiyassa muddhāvasittassa jeṭṭho putto oparajjaɱ pattheti.

Evameva kho bhikkhave pañcahi dhammehi samannāgato bhikkhu āsavānaɱ khayaɱ pattheti katamehi pañcahi:

Idha bhikkhave bhikkhu sīlavā hoti pātimokkhasaɱvarasaɱvuto viharati ācāragocarasampanno, aṇumattesu vajjesu bhayadassāvi samādāya sikkhati sikkhāpadesu. Bahussuto hoti sutadharo sutasannicayo. Ye te dhammā ādikalyāṇā majjhekalyāṇā pariyosānakalyāṇā sātthā sabyañjanā kevalaparipuṇṇaɱ parisuddhaɱ brahmacariyaɱ abhivadanti, tathārūpāssa dhammā bahussutā honti dhatā vacasā paricitā manusānupekkhitā diṭṭhiyā suppaṭividdhā, catusu sati paṭṭhānesu sūpaṭṭhitacitto3 hoti. Āraddhaviriyo viharati akusalānaɱ dhammānaɱ pahānāya, kusalānaɱ dhammānaɱ upasampadāya, thāmavā daḷhaparakkamo anikkhittadhuro kusalesu dhammesu. Paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā.

1. Mātāpitunaɱ machasaɱ 2. Uparajjaɱ syā, [PTS]
3. Suppatitacitto machasaɱ 4. Supaṭṭhitacitto syā

[BJT Page 254]
Tassa evaɱ hoti: ahaɱ khomhi sīlavā pātimokkhasaɱvara saɱvuto viharāmi, ācāragocarasampanno aṇumattesu vajjesu bhayadassāvi samādāya sikkhāmi sikkhāpadesu. Kasmāhaɱ āsavānaɱ khayaɱ na pattheyyaɱ? Ahaɱ khomhi bahussuto sutadharo sutasannicayo 'ye te dhammā ādikalyāṇā, majjhekalyāṇā pariyosānakalyāṇā sātthā sabyañjanā. 1 Kevalaparipuṇaṇaɱ parisuddhaɱ brahmacariyaɱ abhivadanti, tathārūpā me dhammā bahussutā honti. 2 Dhatā 3 ca vacasā paricitā manasānupekkhitā diṭṭhiyā suppaṭividdhā. Kasmāhaɱ āsavānaɱ khayaɱ na pattheyyaɱ? Ahaɱ khomhi catusu satipaṭṭhānesu supaṭṭhitacitto. Kasmāhaɱ āsavānaɱ khayaɱ na pattheyyaɱ? Ahaɱ khomhi āraddhaviriyo viharāmi akusalānaɱ dhammānaɱ pahānāya, kusalānaɱ dhammānaɱ upasampadāya, thāmavā daḷhaparakkamo anikkhittadhuro kusalesu dhammesu. Kasmāhaɱ āsavānaɱ khayaɱ na pattheyyaɱ? Ahaɱ khomhi paññavā udayatthagāminiyā paññāya samannāgato ariyāya nibbedhikāya [page 156] sammā dukkhakkhayagāminiyā. Kasmāhaɱ āsavānaɱ khayaɱ na pattheyyanti?

Imehi kho bhikkhave pañcahi dhammehi samannāgato bhikkhu āsavānaɱ khayaɱ patthetīti.
5. 3. 4. 7
(Appaɱsupatisuttaɱ)
(Sāvatthinidānaɱ)
37. Pañcime bhikkhave appaɱ rattiyā supanti, bahuɱ jagganti. Katame pañca:

Itthi bhikkhave purisādhippāyā appaɱ rattiyā supati, bahuɱ jaggati. Puriso bhikkhave itthidhippāyo appaɱ rattiyā supati, bahuɱ jaggati. Coro bhikkhave ādānādhippāyo appaɱ rattiyā supati, bahuɱ jaggati. Rājā bhikkhave rājakaraṇiyesu yutto appaɱ rattiyā supati, bahuɱ jaggati. Bhikkhu bhikkhave visaɱyogādhippāyo appaɱ rattayā supati, bahuɱ jaggati.

Imehi kho bhikkhave pañca appaɱ rattiyā supanti, bahuɱ jaggantīti.

5. 3. 4. 8
(Bhattādakasuttaɱ)
(Sāvatthinidānaɱ)
38. Pañcahi bhikkhave aŋgehi samannāgato rañño nāgo bhattādako ca hoti okāsapharaṇo ca laṇḍasāṭano4 ca salākagāhī5 ca rañño nāgotveva saŋkhaɱ gacchati. Katamehi pañcahi:

1. Sātthaɱ savyañjanaɱ machasaɱ 2. Bahussutā sīmu 3. Dhātā machasaɱ
4. Laṇḍasāraṇo machasaɱ 5. Salākaggāhī machasaɱ

[BJT Page 256]
Idha bhikkhave rañño nāgo akkhamo hoti rūpānaɱ, akkhamo saddānaɱ, akkhamo gandhānaɱ, akkhamo rasānaɱ, akkhamo phoṭṭhabbānaɱ.

Imehi kho bhikkhave pañcahi aŋgehi samannāgato rañño nāgo bhattādako ca hoti okāsapharaṇo ca laṇḍasāṭano ca salākagāhī ca rañño nāgotveva saŋkhaɱ gacchati.

Evameva kho bhikkhave pañcahi dhammehi samannāgato bhikkhu bhattādako ca hoti okāsapharaṇo ca piṭhamaddano1 ca salakagāhī ca bhikkhutveva saŋkhaɱ gacchati. Katamehi pañcahi:
[page 157]

Idha bhikkhave bhikkhu akkhamo hoti rūpānaɱ, akkhamo saddānaɱ, akkhamo gandhānaɱ, akkhamo rasānaɱ, akkhamo phoṭṭhabbānaɱ.

Imehi kho bhikkhave, pañcahi dhammehi samannāgato bhikkhu bhattādako ca hoti okāsapharaṇo ca pīṭhamaddano ca salakagāhī ca bhikkhutveva saŋkhaɱ gacchatīti.

5. 3. 4. 9
(Akkhamasuttaɱ)
(Sāvatthinidānaɱ)
39. Pañcahi bhikkhave aŋgehi samannāgato rañño nāgo na rājāraho hoti na rājabhoggo. Na rañño aŋgantveva saŋkhaɱ gacchati. Katamehi pañcahi:

Idha bhikkhave rañño nāgo akkhamo hoti rūpānaɱ, akkhamo saddānaɱ, akkhamo gandhānaɱ, akkhamo rasānaɱ, akkhamo phoṭṭhabbānaɱ.

Kathañca bhikkhave rañño nāgo akkhamo hoti rūpānaɱ? Idha bhikkhave rañño nāgo saŋgāmagato hatthikāyaɱ vā disvā assakāyaɱ vā disvā rathakāyaɱ vā disvā pattikāyaɱ vā disvā saɱsīdati visīdati na santhamhati na sakkoti saŋgāmaɱ otarituɱ evaɱ kho bhikkhave rañño nāgo akkhamo hoti rūpānaɱ.

Kathañca bhikkhave rañño nāgo akkhamo hoti saddānaɱ? Idha bhikkhave rañño nāgo saŋgāmagato hatthisaddaɱ vā sutvā, assasaddaɱ vā sutvā rathasaddaɱ vā sutvā pattisaddaɱ vā sutvā bheripaṇava saŋkhatiṇavaninnādasaddaɱ vā sutvā saɱsīdati visīdati na santhamhati na sakkoti saŋgāmaɱ otarituɱ. Evaɱ kho bhikkhave rañño nāgo akkhamo hoti saddānaɱ.

Kathañca bhikkhave rañño nāgo akkhamo hoti gandhānaɱ? [page 158] idha bhikkhave rañño nāgo saŋgāmagato ye te rañño nāgā abhijātā saŋgāmāvacarā, tesaɱ muttakarīsassa gandhaɱ ghāyitvā saɱsīdati visīdati, na santhamhati na sakkoti saŋgāmaɱ otarituɱ. Evaɱ kho bhikkhave rañño nāgo akkhamo hoti gandhānaɱ.

1. Mañcapīṭhamaddano machasaɱ

[BJT Page 258]
Kathañca bhikkhave rañño nāgo akkhamo hoti rasānaɱ? Idha bhikkhave rañño nāgo saŋgāmagato ekissā vā tiṇodakadattiyā vimānito, 1 dvīhi vā tīhi vā catugi vā pañcahi vā tiṇodakadattī hi vimānito1 saɱsīdati, visīdati, na santhamhati, na sakkoti saŋgāmaɱ otarituɱ. Evaɱ kho bhikkhave rañño nāgo akkhamo hoti rasānaɱ.

Kathañca bhikkhave rañño nāgo akkhamo hoti phoṭṭhabbānaɱ? Idha bhikkhave rañño nāgo saŋgāmagato ekena vā saravedhena2 viddho, dvīhi vā tīhi vā catūhi vā pañcahi vā saravedhehi 2 viddho saɱsīdati, visīdati, na santhambhati, na sakkoti saŋgāmaɱ otarituɱ. Evaɱ kho bhikkhave rañño nāgo akkhamo hoti phoṭṭhabbānaɱ.

Imehi kho bhikkhave pañcahi aŋgehi samannāgato rañño nāgo na rājāraho hoti na rājabhoggo. Na rañño aŋgantveva saŋkhaɱ gacchati.

Evameva kho bhikkhave pañcahi aŋgehi samannāgato bhikkhu na āhuneyyo hoti, na pāhuneyyo, na dakkhiṇeyyo, na añjalikaraṇīyo, na anuttaraɱ puññakkhettaɱ lokassa. Katamehi pañcahi:

Idha bhikkhave bhikkhu akkhamo hoti rūpānaɱ, akkhamo saddānaɱ, akkhamo gandhānaɱ, akkhamo rasānaɱ, akkhamo phoṭṭhabbānaɱ.

Kathañca bhikkhave bhikkhu akkhamo hoti rūpānaɱ? Idha bhikkhave bhikkhu cakkhunā rūpaɱ disvā rajanīye rūpe sārajjati. Na sakkoti cittaɱ samādahituɱ evaɱ kho bhikkhave bhikkhu akkhamo hoti rūpānaɱ.

Kathañca bhikkhave bhikkhu akkhamo hoti saddānaɱ? Idha bhikkhave bhikkhu sotena saddaɱ sutvā rajanīye sadde na sārajjati. Na sakkoti cittaɱ samādahituɱ evaɱ kho bhikkhave
Bhikkhu akkhamo hoti saddānaɱ.
[page 159]

Kathañca bhikkhave bhikkhu akkhamo hoti gandhānaɱ? Idha bhikkhave bhikkhu ghānena gandhaɱ ghāyitvā rajanīye gandhe sārajjati. Na sakkoti cittaɱ samādahituɱ evaɱ kho bhikkhave
Bhikkhu akkhamo hoti gandhānaɱ.

Kathañca bhikkhave bhikkhu akkhamo hoti rasānaɱ? Idha bhikkhave bhikkhu jivhāya rasaɱ sāyitvā rajanīye rase sārajjati. Na sakkoti cittaɱ samādahituɱ evaɱ kho bhikkhave
Bhikkhu akkhamo hoti rasānaɱ.

Kathañca bhikkhave bhikkhu akkhamo hoti phoṭṭhabbānaɱ? Idha bhikkhave bhikkhu kāyena phoṭṭhabbaɱ phusitvā rajanīye phoṭṭhabbe sārajjati. Na sakkoti cittaɱ samādahituɱ evaɱ kho bhikkhave bhikkhu akkhamo hoti phoṭṭhabbānaɱ.

1. Vihanīto syā 2. Saravegena machasaɱ

[BJT Page 260]
Imehi kho bhikkhave pañcahi dhammehi samannāgato bhikkhu na āhuneyyo hoti, na pāhuneyyo, na dakkhiṇeyyo, na añjalikaraṇīyo, na anuttaraɱ puññakkhettaɱ lokassa.

Pañcahi bhikkhave aŋgehi samannāgato rañño nāgo rājāraho hoti rājabhoggo. Rañño aŋgantveva va saŋkhaɱ gacchati. Katamehi pañcahi:

Idha bhikkhave rañño nāgo khamo hoti rūpānaɱ. Khamo hoti saddānaɱ. Khamo hoti gandhānaɱ. Khamo hoti rasānaɱ. Khamo hoti phoṭṭhabbānaɱ.

Kathañca bhikkhave rañño nāgo khamo hoti rūpānaɱ? Idha bhikkhave rañño nāgo saŋgāmagato hatthikāyaɱ vā disvā assakāyaɱ vā disvā rathakāyaɱ vā disvā pattikāyaɱ vā disvā na saɱsīdati, na visīdati, santhambhati, sakkoti saŋgāmaɱ otarituɱ. Evaɱ kho bhikkhave rañño nāgo khamo hoti rūpānaɱ.

Kathañca bhikkhave rañño nāgo khamo hoti saddānaɱ? [page 160] idha bhikkhave rañño nāgo saŋgāmagato hatthisaddaɱ vā sutvā assasaddaɱ vā sutvā rathasaddaɱ vā sutvā pattisaddaɱ vā sutvā bheripaṇavasaŋkhatiṇavaninnādasaddaɱ vā sutvā na saɱsīdati, na visīdati, santhambhati, sakkoti saŋgāmaɱ otarituɱ. Evaɱ kho bhikkhave rañño nāgo khamo hoti saddānaɱ.

Kathañca bhikkhave rañño nāgo khamo hoti gandhānaɱ? Idha bhikkhave rañño nāgo saŋgāmagato ye te rañño nāgā abhijātā saŋgāmāvacarā, tesaɱ muttakarīsassa gandhaɱ ghāyitvā na saɱsīdati, na visīdati, santhamhati, sakkoti saŋgāmaɱ otarituɱ. Evaɱ kho bhikkhave rañño nāgo khamo hoti gandhānaɱ.

Kathañca bhikkhave rañño nāgo khamo hoti rasānaɱ? Idha bhikkhave rañño nāgo saŋgāmagato ekissā vā tiṇodakadattiyā vimānito, dvīhi vā tīhi vā catūhi vā pañcahi vā tiṇodakadattīhi vimānito na saɱsīdati, na visīdati, satthamhati, sakkoti saŋgāmaɱ otarituɱ. Evaɱ kho bhikkhave rañño nāgo khamo hoti rasānaɱ.
Kathañca bhikkhave rañño nāgo khamo hoti phoṭṭhabbānaɱ? Idha bhikkhave rañño nāgo saŋgāmagato ekena vā saravedhena viddho, dvīhi vā tīhi vā catūhi vā pañcahi vā saravedhehi viddho na saɱsīdati, na visīdati, santhamhati, sakkoti saŋgāmaɱ otarituɱ. Evaɱ kho bhikkhave rañño nāgo khamo hoti phoṭṭhabbānaɱ.

Imehi kho bhikkhave pañcahi aŋgehi samannāgato rañño nāgo rājāraho hoti rājabhoggo rañño aŋgantveva saŋkhaɱ gacchati.

[BJT Page 262]
Evame kho bhikkhave pañcahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraɱ puññakkhettaɱ lokassa. Katamehi pañcahi:

Idha bhikkhave bhikkhu khamo hoti rūpānaɱ. Khamo saddānaɱ, khamo gandhānaɱ, khamo rasānaɱ, khamo [page 161] phoṭṭhabbānaɱ.

Kathañca bhikkhave bhikkhu khamo hoti rūpānaɱ? Idha bhikkhave bhikkhu cakkhunā rūpaɱ disvā rajanīye rūpe na sārajjati. Sakkoti cittaɱ samādahituɱ. Evaɱ kho bhikkhave bhikkhu khamo hoti rūpānaɱ.

Kathañca bhikkhave bhikkhu khamo hoti saddānaɱ? Idha bhikkhave bhikkhu sotena saddaɱ sutvā rajanīye sadde na sārajjati. Sakkoti cittaɱ samādahituɱ. Evaɱ kho bhikkhave bhikkhu khamo hoti saddānaɱ.

Kathañca bhikkhave bhikkhu khamo hoti gandhānaɱ? Idha bhikkhave bhikkhu ghānena gandhaɱ ghāyitvā rajanīye gandhe na sārajjati. Sakkoti cittaɱ samādahituɱ. Evaɱ kho bhikkhave bhikkhu khamo hoti gandhānaɱ.

Kathañca bhikkhave bhikkhu khamo hoti rasānaɱ? Idha bhikkhave bhikkhu jivhāya rasaɱ sāyitvā rajanīye rase na sārajjati. Sakkoti cittaɱ samādahituɱ. Evaɱ kho bhikkhave bhikkhu khamo hoti rasānaɱ.

Kathañca bhikkhave bhikkhu khamo hoti phoṭṭhabbānaɱ? Idha bhikkhave bhikkhu kāyena phoṭṭhabbaɱ phusitvā rajanīye phoṭṭhabbe na sārajjati. Sakkoti cittaɱ samādahituɱ. Evaɱ kho bhikkhave bhikkhu khamo hoti phoṭṭhabbānaɱ.

Imehi kho bhikkhave pañcahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraɱ puññakkhettaɱ lokassāti.

5. 3. 4. 10
(Sotārasuttaɱ)
(Sāvatthinidānaɱ)
40. Pañcahi bhikkhave aŋgehi samannāgato rañño nāgo rājāraho hoti rājabhoggo. Rañño aŋgantveva saŋkhaɱ gacchati. Katamehi pañcahi:

Idha bhikkhave rañño nāgo sotā ca hoti, hantā ca, rakkhitā ca, khantā ca, gantā ca.

[BJT Page 264]
Kathañca bhikkhave rañño nāgo sotā hoti? Idha bhikkhave rañño nāgo yamenaɱ hatthidammasārathī kāraṇaɱ kāreti yadi vā katapubbaɱ yadi vā [page 162] akatapubbaɱ, taɱ aṭṭhikatvā 1 manasikatvā sabbacetaso 2 samannāharitvā ohitasoto suṇāti. Evaɱ kho bhikkhave rañño nāgo sotā hoti.

Kathañca bhikkhave rañño nāgo hantā hoti? Idha bhikkhave rañño nāgo saŋgāmagato hatthimpi hanti, 3 hatthāruhampi hanti. Assampi hanti, assāruhampi hanti. Rathampi hanti rathiyampi4 hanti. Pattikampi hanti. Evaɱ kho bhikkhave rañño nāgo hantā hoti.

Kathañca bhikkhave rañño nāgo rakkhitā hoti? Idha bhikkhave rañño nāgo saŋgāmagato rakkhati purimaɱ kāyaɱ, rakkhati pacchimaɱ kāyaɱ. Rakkhati purime pāde, rakkhati pacchime pāde. Rakkhati sisaɱ rakkhati kāṇe, rakkhati dante, rakkhati soṇḍaɱ, rakkhati vāladhiɱ, rakkhati hatthāruhaɱ. Evaɱ kho bhikkhave rañño nāgo rakkhitā hoti.

Kathañca bhikkhave rañño nāgo khantā hoti? Idha bhikkhave rañño nāgo khamo hoti sattippahārānaɱ, asippahārānaɱ, usuppahārānaɱ, pharasuppahārānaɱ, bheripaṇavasaŋkhatiṇavaninnādasaddānaɱ. Evaɱ kho bhikkhave rañño nāgo khantā hoti.

Kathañca bhikkhave rañño nāgo gantā hoti? Idha bhikkhave rañño nāgo yamenaɱ hatthidammasārathī disaɱ peseti yadivā gatapubbaɱ yadivā agatapubbaɱ, taɱ khippaɱ eva5 gantā hoti. Evaɱ kho bhikkhave rañño nāgo gantā hoti.

Imehi kho bhikkhave pañcahi aŋgehi samannāgato rañño nāgo rājāraho hoti rājabhoggo. Rañño aŋgantveva saŋkhaɱ gacchati.

Evameva kho bhikkhave pañcahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraɱ puññakkhettaɱ lokassa. Katamehi pañcahi:

Idha bhikkhave bhikkhu sotā ca hoti, hantā ca, [page 163] rakkhitā ca, khantā ca, gantā ca.
Kathañca bhikkhave bhikkhu sotā hoti? Idha bhikkhave bhikkhu tathāgatappavedite dhammavinaye desiyamāne aṭṭhīkatvā6 manasikatvā sabbacetaso samannāharitvā ohitasoto dhammaɱ suṇāti. Evaɱ kho bhikkhave bhikkhu sotā hoti.

Kathañca bhikkhave bhikkhu hantā hoti? Idha bhikkhave bhikkhu uppannaɱ kāmavikkaɱ nādhivāseti pajahati vinodeti byantīkaroti anabhāvaɱ gameti. Uppannaɱ vyāpādavitakkaɱ nādhivāseti pajahati vinodeti byantikaroti anabhāvaɱ gāmeti. Uppannaɱ vihiɱsāvitakkaɱ nādhivāseti pajahati vinodeti byantīkaroti anabhāvaɱ gameti. Uppannuppanne pāpake akusale dhamme nādhivāseti pajahati vinodeti byantikaroti anabhāvaɱ gameti. Evaɱ kho bhikkhave bhikkhu hantā hoti.

1. Aṭaṭhīɱ katvā machasaɱ 2. Sabbaɱ cetasā sīmu, sabbacetasā machasaɱ
3. Hanti machasaɱ syā 4. Rathikampi machasaɱ syā. 5. Khippameva machasaɱ 6. Aṭṭhiɱ katvā machasaɱ
[BJT Page 266]
Kathañca bhikkhave bhikkhu rakkhitā hoti? Idha bhikkhave bhikkhu cakkhunā rūpaɱ disvā na nimittaggāhī nānubyañjanaggāhī. Yatvādhikaraṇametaɱ cakkhundriyaɱ asaɱvutaɱ viharantaɱ abhijjhādomanassā pāpakā akusalā dhammā anvāssaveyyuɱ, tassa saɱvarāya paṭipajjati. Rakkhati cakkhundriyaɱ, cakkhundriye saɱvaraɱ āpajjati. Sotena saddaɱ sutvā na nimittaggāhī hoti nānubyañjanaggāhī. Yatvādhikaraṇametaɱ sotinduyaɱ asaɱvutaɱ viharantaɱ abhijjhādomanassā pāpakā akusalā dhammā anvāssaveyyuɱ, tassa saɱvarāya paṭipajjati. Rakkhati sotindriyaɱ, sotindriye saɱvaraɱ āpajjati. Ghānena gandhaɱ ghāyitvā na nimittaggāhī hoti nānubyañjanaggāhī. Yatvādhikaraṇametaɱ ghānindriyaɱ asaɱvutaɱ viharantaɱ abhijjhādomanassā pāpakā akusalā dhammā anvāssaveyyuɱ, tassa saɱvarāya paṭipajjati. Rakkhati ghānindriyaɱ, ghānindriye saɱvaraɱ āpajjati. Jivhāya rasaɱ sāyitvā na nimittaggāhī hoti nānubyañjanaggāhī. Yatvādhikaraṇametaɱ jivhindriyaɱ asaɱvutaɱ viharantaɱ abhijjhādomanassā pāpakā akusalā dhammā anvāssaveyyuɱ, tassa saɱvarāya paṭipajjati. Rakkhati jivhindriyaɱ jivhindriye saɱvaraɱ āpajjati. Kāyena phoṭṭhabbaɱ phusitvā na nimittaggāhī hoti nānubyañjanaggāhī. Yatvādhikaraṇametaɱ kāyindriyaɱ asaɱvutaɱ viharantaɱ abhijjhādomanassā pāpakā akusalā dhammā anvāssaveyyuɱ, tassa saɱvarāya paṭipajjati. Rakkhati kāyindriyaɱ, kāyindriye saɱvaraɱ āpajjati. Manasā dhammaɱ viññāya na nimittaggāhī hoti nānubyañjanaggāhī. Yatvādhikaraṇametaɱ manindriyaɱ asaɱvutaɱ viharantaɱ abhijjhādomanassā pāpakā akusalā dhammā anvāssaveyyuɱ, tassa saɱvaraya paṭipajjati. Rakkhati manindriyaɱ, manindriye saɱvaraɱ āpajjati. Evaɱ kho bhikkhave bhikkhu rakkhitā hoti.

Kathañca bhikkhave bhikkhu khantā hoti? Idha bhikkhave bhikkhu khamo hoti sītassa uṇhassa jighacchāya pipāsāya ḍaɱsamakasavātātapasiriɱsapasamphassānaɱ, duruttānaɱ durāgatānaɱ vacanapathānaɱ. Uppannānaɱ sāririkānaɱ vedanānaɱ dukkhānaɱ tippānaɱ kharānaɱ kaṭukānaɱ asātānaɱ amanāpānaɱ pāṇaharānaɱ adhivāsakajātiko hoti. Evaɱ kho bhikkhave bhikkhu khantā hoti.

Kathañca bhikkhave bhikkhu gantā hoti? [page 164] idha bhikkhave bhikkhu yā sā disā agatapubbā iminā dīghena addhunā yadidaɱ sabbasaɱkhārasamatho sabbupadhipaṭinissaggo taṇhakkhayo virāgo nirodho nibbānaɱ, taɱ khippaññeva gantā hoti. Evaɱ kho bhikkhave bhikkhu gantā hoti.

Imehi kho bhikkhave pañcahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraɱ puññakkhettaɱ lokassāti.

Rājavaggo catuttho.

Tassuddānaɱ:
Cakkānuvattanā rājā yassaɱ disaɱ ceva patthanā
Appaɱ supati bhattādā akkhamo sotāro cāti.

[BJT Page 268]
5. Tikaṇḍakīvaggo
5. 3. 5. 1
(Avajānāti suttaɱ)
(Sāvatthinidānaɱ)
41. Pañcime bhikkhave puggalā santo saɱvijjamānā lokasmiɱ. Katame pañca:
Datvā avajānāni, saɱvāsena avajānāti, ādiyyamukho1 hoti, lolo hoti. Mando hoti momuho. 2

Kathañca bhikkhave puggalo datvā avajānāti? Idha bhikkhave puggalo puggalassa deti cīvarapiṇḍapātasenāsanagilānapaccayabhesajjaparikkhāraɱ. Tassa evaɱ hoti: 'ahaɱ demi, ayaɱ patigaṇhāti'ti. 3 Tamenaɱ datvā avajānāti. Evaɱ kho bhikkhave puggalo datvā avajānāti.

Kathañca bhikkhave puggalo saɱvāsena avajānāti? [page 165] idha bhikkhave puggalo puggalena saddhiɱ saɱvasati dve vā tiṇi vā vassāni. Tamenaɱ saɱvāsena avajānāti. Evaɱ kho bhikkhave puggalo saɱvāsena avajānāti.

Kathañca bhikkhave puggalo ādiyyamukho* hoti? Idha bhikkhave ekacco puggalo parassa vaṇeṇa vā avaṇeṇa vā bhāsiyamāne taɱ khippaññeva adhimuccitā 4 hoti. Evaɱ kho bhikkhave puggalo ādiyyamukho hoti.

Kathañca bhikkhave puggalo lolo hoti? Idha bhikkhave ekacco puggalo ittarasaddho hoti. Ittarabhatti ittarapemo ittarappasādo. Evaɱ kho bhikkhave puggalo lolo hoti.

Kathañca bhikkhave puggalo mando hoti? Momūho idha bhikkhave ekacco puggalo kusalākusale dhamme na jānāti, sāvajjānavajje dhamme na jānāti, hīnappaṇite dhamme na jānāti, kaṇhasukkasappaṭibhāge dhamme na jānāti. Evaɱ kho bhikkhave
Puggalo mando hoti momūho.

Ime kho bhikkhave pañca puggalā santo saɱvijjamānā lokasminti.

5. 3. 5. 2
(Ārambhatisuttaɱ)
(Sāvatthinidānaɱ)
42. Pañcime bhikkhave puggalā santo saɱvijjamānā lokasmiɱ katame pañca:

Idha bhikkhave ekacco puggalo āramhati1 ca vippaṭisāri ca hoti. Taɱ ca cetovimuttiɱ paññāvimuttiɱ yathābhūtaɱ nappajānāti yatthassu te uppannā pāpakā akusalā dhammā aparisesā nirujjhanti.

1. Ādheyyamukho machasaɱ, ādeyyamukho syā, adiyamukho 'ādhiyyamukho'ti porāṇa pāṭho. Aṭṭhakathāyapi pāliyā attho niddiṭṭho
2. Mando momubho hoti machasaɱ, syā
3. Paṭiggaṇhātī'ti machasaɱ
4. Adhimuccito syā

[BJT Page 270]
Idha pana bhikkhave ekacco puggalo ārambhati, na vippaṭisāri hoti. Taɱ ca cetovimuttiɱ paññāvimuttiɱ yathābhūtaɱ nappajānāti yatthassu te uppannā pāpakā akusalā dhammā aparisesā nirujjhanti.

Idha pana bhikkhave ekacco puggalo nārambhati, [page 166] vippaṭisāri hoti. Taɱ ca cetovimuttiɱ paññāvimuttiɱ yathābhūtaɱ nappajānāti yatthassu te uppannā pāpakā akusalā dhammā aparisesā nirujjhanti.

Idha pana bhikkhaveva ekacco puggalo nārambhati, na vippaṭisāri hoti. Taɱ ca cetovimuttiɱ paññāvimuttiɱ yathābhūtaɱ nappajānāti yatthassu te uppannā pāpakā akusalā dhammā aparisesā nirujjhanti.

Idha pana bhikkhave ekacco puggalo nārambhati, na vippaṭisārī hoti. Taɱ ca cetovimuttiɱ paññāvimuttiɱ yathābhūtaɱ nappajānāti yatthassu te uppannā pāpakā akusalā dhammā aparisesā nirujjhanti.

Tatra bhikkhave yvāyaɱ puggalo ārambhati ca, vippaṭisāri ca hoti, taɱ ca cetovimuttiɱ paññāvimuttiɱ yathābhūtaɱ nappajānāti yatthassu te uppannā pāpakā akusalā dhammā aparisesā nirujjhanti, so evamassa vacanīyo: 'āyasmato kho ārambhajā āsavā saɱvijjanti. Vippaṭisārajā āsavā pavaḍḍhanti. Sādhu vatāyasmā ārambhaje āsave pahāya vippaṭisāraje āsave paṭivinodetvā cittaɱ paññaɱ ca bhāvetu. Evamāyasmā amunā pañcamena puggalena samasamo bhavissatī'ti.

Tatra bhikkhave yvāyaɱ puggalo ārambhati, na vippaṭisāri hoti, taɱ ca cetovimuttiɱ paññāvimuttiɱ yathābhūtaɱ nappajānāti yatthassu te uppannā pāpakā akusalā dhammā aparisesā nirujjhanti, so evamassa vacanīyo: 'āyasmato kho ārambhajā āsavā saɱvijjanti. Vippaṭisārajā āsavā nappavaḍḍhanti. Sādhu vatāyasmā ārambhaje āsave pahāya cittaɱ paññaɱ ca ca bhāvetu. Evamāyasmā amunā pañcamena puggalena samasamo bhavissatī'ti.

Tatra bhikkhave yvāyaɱ puggalo nārambhati, vippaṭisāri hoti, taɱ ca cetovimuttiɱ paññāvimuttiɱ yathābhūtaɱ nappajānāti yatthassu te uppannā pāpakā akusalā dhammā aparisesā nirujjhanti, so evamassa vacanīyo: [PTS Page 167 ']āyasmato kho ārambhajā āsavā na saɱvijjanti. Vippaṭisārajā āsavā pavaḍḍhanti. Sādhu vatāyasmā vippaṭisāraje āsave paṭivinodetvā cittaɱ paññaɱ ca bhāvetu. Evamāyasmā amunā pañcamena
Puggalena samasamo bhavissatī'ti.

1. Ārabhati sīmu, machasaɱ

[BJT Page 272]

Tatra bhikkhave yvāyaɱ puggalo nārambhati, na vippaṭisāri hoti, taɱ ca cetovimuttiɱ paññāvimuttiɱ yathābhūtaɱ nappajānāti yatthassu te uppannā pāpakā akusalā dhammā aparisesā nirujjhanti, so evamassa vacanīyo: 'āyasmato kho ārambhajā āsavā na saɱvijjanti. Vippaṭisārajā āsavā nappavaḍḍhanti. Sādhu vatāyasmā cittaɱ paññaɱ ca bhāvetu. Evamāyasmā amunā pañcamena
Puggalena samasamo bhavissatī'ti.

Iti kho bhikkhave ime cattāro puggalā amunā pañcamena puggalena evaɱ ovadiyamānā evaɱ anusāsiyamānā anupubbena āsavānaɱ khayaɱ pāpuṇantī'ti.

5. 3. 5. 3
(Sārandada suttaɱ)
43. Ekaɱ samayaɱ bhagavā vesāliyaɱ viharati mahāvane kūṭāgārasālāyaɱ. Atha kho bhagavā pubbanhasamayaɱ nivāsetvā pattacīvaramādāya vesāliɱ piṇḍāya pāvisi.

Tena kho pana samayena pañcamattānaɱ licchavīsatānaɱ sārandadecetiye sannisinnānaɱ sannipatitānaɱ ayamantarā kathā udapādi: 'pañcannaɱ ratanānaɱ pātubhāvo dullabho lokasmiɱ. Katamesaɱ pañcannaɱ: hatthiratanassa pātubhāvo dullabho lokasmiɱ. Assaratanassa pātubhāvo: dullabho lokasmiɱ. Maṇiratanassa pātubhāvo dullabho lokasmiɱ, itthiratanassa pātubhāvo dullabho lokasmiɱ gahapatiratanassa pātubhāvo dullabho lokasmiɱ imesaɱ pañcannaɱ ratanānaɱ pātubhāvo dullabho lokasminti. '
[page 168]
Atha kho te licchavī magge purisaɱ ṭhapesuɱ, 'yadā tvaɱ1ambho purisa passeyyāsi bhagavantaɱ āgacchantaɱ, atha ambhākaɱ āroceyyāsī'ti. Addasā kho so puriso bhagavantaɱ dūratova āgacchantaɱ. Disvāna yena te licchavī tenupasaŋkami. Upasaŋkamitvā te licchavī etadavoca: 'ayaɱ so bhonto2bhagavā āgacchati 3arahaɱ sammāsambuddho, yassadāni kālaɱ maññathā'ti.

Atha kho te licchavi yena bhagavā tenupasaŋkamiɱsu. Upasaŋkamitvā bhagavantaɱ abhivādetvā ekamantaɱ aṭṭhaɱsu. Ekamantaɱ ṭhitā kho te licchavī
Bhagavantaɱ etadavocuɱ: 'sādhu bhante bhagavā yena sārandadaɱ4cetiyaɱ tenupasaŋkamatu anukampaɱ upādāyā'ti. Adhivāsesi bhagavā tuṇhībhāvena. Atha kho bhagavā yena sārandadaɱ cetiyaɱ tenupasaŋkami. Upasaŋkamitvā paññatte āsane nisīdi. Nisajja kho bhagavā te licchavī etadavoca:

1. Yathā tvaɱ sīmu, [PTS 3.] Gacchati machasaɱ
2. Bhante sīmu 4. Sādhu bhante yena sārandadaɱ machasaɱ

[BJT Page 274]
"Kāyanuttha licchavi, etarahi kathāya sannisinnā? Kā ca pana vo antarā kathā vippakatā"ti?
Idha bhante amhākaɱ sannisinnānaɱ sannipatinānaɱ ayamantarā kathā udapādi: pañcannaɱ ratanānaɱ pātubhāvo dullabho lokasmiɱ. Katamesaɱ pañcannaɱ: hatthiratanassa pātubhāvo dullabho lokasmiɱ. Assaratanassa pātubhāvo dullabho lokasmiɱ. Maṇiratanassa pātubhāvo dullabho lokasmiɱ. Itthiratanassa pātubhāvo dullabho lokasmiɱ gahapatiratanassa pātubhāvo dullabho lokasmiɱ. Imesaɱ pañcannaɱ ratanānaɱ pātubhāvo dullabho lokasminti.

Kāmādhimuttānaɱ vata vo1 licchavīnaɱ kāmaññeva arabbha antarā kathā udapādi.

Pañcannaɱ licchavī, ratanānaɱ pātubhāvo dullabho lokasmiɱ. Katamesaɱ pañcannaɱ:
Tathāgatassa arahato sammāsambuddhassa pātubhāvo dullabho lokasmiɱ. Tathāgatappaveditassa dhammavinayassa [page 169] desetā puggalo dullabho lokasmiɱ. Tathāgatappaveditassa dhammavinayassa desitassa viññātā puggalo dullabho lokasmiɱ. Tathāgatappaveditassa dhammavinayassa desitassa viññātassa dhammānudhammapaṭipanno puggalo dullabho lokasmiɱ. Kataññū katavedi puggalo dullabho lokasmiɱ.

Imesaɱ kho licchavī, pañcannaɱ ratanānaɱ pātubhāvo dullabho lokasminti.

5. 3. 5. 4
(Tikaṇḍakīsuttaɱ)
41. Ekaɱ samayaɱ bhagavā sākete viharati tikaṇḍakīvane. 2 Tatra kho bhagavā bhikkhu āmantesi bhikkhavoti. Bhadanteti te bhikkhu bhagavato paccassosuɱ. Bhagavā etadavoca:
Sādhu bhikkhave bhikkhu kālena kālaɱ appaṭikkūle paṭikkūlasaññī3 vihareyya.

Sādhu bhikkhave bhikkhu kālena kālaɱ paṭikkūle appaṭikkūlasaññī vihareyya.

Sādhu bhikkhave bhikkhu kālena kālaɱ appaṭikkūle ca paṭikkūle ca paṭikkūlasaññī vihareyya.

Sādhu bhikkhave bhikkhu kālena kālaɱ paṭikkūle ca appaṭikkūle ca appaṭikkūlasaññī vihareyya.

1. Vata bho machasaɱ 2tikandakīvane sīmu
3. Appaṭikūle paṭikūlasaññī machasaɱ

[BJT Page 276]
Sādhu bhikkhave bhikkhu kālena kālaɱ appaṭikkūlaɱ ca paṭikkūlaɱ ca tadubhayaɱ abhinivajjetvā upekkhako vihareyya sato sampajāno.

Kiñca bhikkhave bhikkhu atthavasaɱ paṭicca appaṭikkūle paṭikkūlasaññī vihareyya? "Mā me rajanīyesu dhammesu rāgo udapādī"ti. Idaɱ kho bhikkhave bhikkhu atthavasaɱ paṭicca appaṭikkūle paṭikkūlasaññī vihareyya.

Kiñca bhikkhave bhikkhu atthavasaɱ paṭicca paṭikkūle appaṭikkūlasaññī vihareyya? "Mā me dosanīyesu dhammesu doso udapādī"ti. Idaɱ kho bhikkhave bhikkhu atthavasaɱ paṭicca paṭikkūle appaṭikkūlasaññī vihareyya.

Kiñca bhikkhave bhikkhu atthavasaɱ paṭicca appaṭikkūle ca paṭikkūle ca paṭikkūlasaññī vihareyya? "Mā me rajanīyesu dhammesu rāgo udapādī"ti, "mā me dosanīyesu dhammesu doso udapādī"ti. Idaɱ kho bhikkhave, bhikkhu [page 170] atthavasaɱ paṭicca appaṭikkūle ca
Paṭikkūle ca paṭikkūlasaññī vihareyya.

Kiñca bhikkhave bhikkhu atthavasaɱ paṭicca paṭikkūle ca appaṭikkūle ca appaṭikkūlasaññī vihareyya? "Mā me dosanīyesu dhammesu doso udapādī, mā me rajaniyesu dhammesu rāgo udapādī"ti. Idaɱ kho bhikkhave, bhikkhu atthavasaɱ paṭicca paṭikkūle ca appaṭikkūle ca appaṭikkūlasaññī vihareyya.

Kiñca bhikkhave bhikkhu atthavasaɱ paṭicca appaṭikkūlaɱ ca paṭikkūlaɱ ca tadubhayaɱ abhinivajjetvā upekkhako vihareyya sato sampajāno? "Mā me kvacini 1 katthaci kiñcana 2 rajanīyesu dhammesu rāgo udapādi, mā me kvacini 1 katthaci kiñcana 2 dosanīyesu dhammesu doso udapādi, mā me kvacini1 katthaci kiñcana2 mohanīyesu dhammesu moho udapādī"ti. Idaɱ kho bhikkhave bhikkhu atthavasaɱ paṭicca appaṭikkūlaɱ ca paṭikkūlaɱ ca tadubhayaɱ abhinivajjetvā upakkhako vihareyya sato sampajānoti.

5. 3. 5. 5
(Nirayasuttaɱ)
(Sāvatthinidānaɱ)
45. Pañcahi bhikkhave dhammehi samannāgato yathābhataɱ nikkhitto evaɱ niraye. Katamehi pañcahi:

Pāṇātipātī hoti, adinnādāyī hoti, kāmesu micchācārī hoti, musāvādī hoti, surāmerayamajjapamādaṭṭhāyī hoti.

1. Kvacani machasaɱ 2. Kiñcanaɱ machasaɱ

[BJT Page 278]
Imehi kho bhikkhave pañcahi dhammehi samannāgato yathābhataɱ nikkhitto evaɱ niraye. [page 171]

Pañcahi bhikkhave dhammehi samannāgato yathābhataɱ nikkhitto evaɱ sagge. Katamehi pañcahi:

Pāṇātipātā paṭivirato hoti, adinnādānā paṭivirato hoti, kāmesu micchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti.

Imehi kho bhikkhave pañcahi dhammehi samannāgato yathābhataɱ nikkhitto evaɱ sagge.
5. 3. 5. 6
(Bhikkhumitta suttaɱ)
(Sāvatthinidānaɱ)
46. Pañcahi bhikkhave dhammamehi samannāgato bhikkhumitto na sevitabbo. Katamehi pañcahi:

Kammantaɱ kāreti, adhikaraṇaɱ adhikaraṇaɱ ādiyati, pāmokkhesu bhikkhūsu paṭiviruddho hoti, dīghacārikaɱ anavatthitacārikaɱ 1 anuyutto viharati, na paṭibalo hoti kālena kālaɱ dhammiyā kathāya sandassetuɱ samādapetuɱ samuttejetuɱ sampahaɱsetuɱ.

Imehi kho bhikkhave pañcahi dhammehi samannāgato bhikkhumitto na sevitabbo.

Pañcahi bhikkhave dhammehi samannāgato bhikkhumitto, sevitabbo. Katamehi pañcahi:
Na kammantaɱ kāreti, na adhikaraṇaɱ ādiyati, na pāmokkhesu bhikkhusu paṭiviruddho hoti, na dīghacārikaɱ anavatthitacārikaɱ anuyutto viharati, paṭibalo hoti kālena kālaɱ dhammiyā kathāya sandassetuɱ samādapetuɱ samuttejetuɱ sampahaɱsetuɱ.

Imehi kho bhikkhave pañcahi dhammehi samannāgato bhikkhumitto sevitabboti.

5. 3. 5. 7
(Asappurisadānasuttaɱ)
(Sāvatthinidānaɱ)
47. Pañcimāni bhikkhave asappurisadānāni. Katamāni pañca:

Asakkaccaɱ deti, acittīkatvā deti, asahatthā deti, apaviddhaɱ deti, anāgamanadiṭṭhiko deti.

Imāni kho bhikkhave pañca asappurisadānāni.

1. Anavatthacārikaɱ machasaɱ, syā.

[BJT Page 280]
[page 172]
Pañcimāni bhikkhave sappurisadānāni. Katamāni pañca:

Sakkaccaɱ deti, cittīkatvā deti, sahatthā deti, anapaviddhaɱ deti, āgamanadiṭṭhiko deti.

Imāni kho bhikkhave pañca sappurisadānānīti.

5. 3. 5. 8
(Sappurisadāna suttaɱ)
(Sāvatthinidānaɱ)
48. Pañcimāni bhikkhave sappurisadānāni. Katamāni pañca:

Saddhāya dānaɱ deti, sakkaccaɱ dānaɱ deti, kālena dānaɱ deti, anaggahitacitto 1dānaɱ deti, attānaɱ ca paraɱ ca anupabhacca dānaɱ deti.

Saddhāya kho pana bhikkhave dānaɱ datvā yattha yattha tassa dānassa vipāko nibbattati, aḍḍho ca hoti mahaddhano mahābhogo. Abhirūpo ca hoti dassanīyo pāsādiko paramāya vaṇṇapokkharatāya samannāgato.

Sakkaccaɱ kho pana bhikkhave dānaɱ datvā yattha yattha tassa dānassa vipāko nibbattati, aḍḍho ca hoti mahaddhano mahābhogo. Yepissa te honti puttāti vā dārāti vā dāsāti vā pessāti vā kammakarāti vā, tepi sussūsanti, sotaɱ odahanti, aññā cittaɱ upaṭṭhapenti.

Kālena kho pana bhikkhave dānaɱ datvā yattha yattha tassa dānassa vipāko nibbattati, aḍḍho ca hoti mahaddhano mahābhogo. Kālāgatā cassa atthā pacurā honti.
Anaggahitacitto kho1 pana bhikkhave dānaɱ datvā yattha yattha tassa dānassa vipāko nibbattati, aḍḍho ca hoti mahaddhano mahābhogo. Uḷāresu ca pañcasu kāmaguṇesu bhogāya cittaɱ namati.
[page 173]

Attānañca parañca anupahacca kho pana bhikkhave dānaɱ datvā yattha yattha tassa dānassa vipāko nibbattati, aḍḍho ca hoti mahaddhano mahābhogo. Na cassa kutoci bhogānaɱ upaghāto āgacchati aggito vā udakato vā rājato vā corato vā appiyadāyādato vā. 2

Imāni kho bhikkhave pañca sappurisadānānīti.

5. 3. 5. 9
(Paṭhama samayavimutta suttaɱ)
(Sāvatthinidānaɱ)
49. Pañcime bhikkhave dhammā samayavimuttassa bhikkhuno parihānāya saɱvattanti. Katame pañca:

Kammārāmatā, bhassārāmatā, niddārāmatā, saŋgaṇikārāmatā, yathāvimuttaɱ cittaɱ na paccavekkhati.

1. Anaggatacitto machasaɱ, syā
2. Appiyato vā dāyādato machasaɱ, appiyato vā dāyādato vā syā,

[BJT Page 282]

Ime kho bhikkhave pañca dhammā samayavimuttassa bhikkhuno parihānāya saɱvattanti.

Pañcime bhikkhave dhammā samayavimuttassa bhikkhuno aparihānāya saɱvattanti. Katame pañca:
Na kammārāmatā, na bhassārāmatā, na niddārāmatā, na saŋgaṇikārāmatā, yathāvimuttaɱ cittaɱ paccavekkhati.

Ime kho bhikkhave pañca dhammā samayavimuttassa bhikkhuno aparihānāya saɱvattantīti.
5. 3. 5. 10
(Dutiyasamayavimutta suttaɱ)
(Sāvatthinidānaɱ)
59. Pañcime bhikkhave dhammā samayavimuttassa bhikkhuno parihānāya saɱvattanti. Katame pañca:

Kammārāmatā, bhassārāmatā, niddārāmatā, indriyesu aguttadvāratā, bhojane amattaññutā.

Ime kho bhikkhave pañca dhammā samayavimuttassa bhikkhuno parihānāya saɱvattanti.

Pañcime bhikkhave dhammā samayavimuttassa bhikkhuno aparihānāya saɱvattanti. Katame pañca:

Na kammārāmatā, na bhassārāmatā, na niddārāmatā, indriyesu guttadvāratā, bhojane mattaññutā.
[page 174]

Ime kho bhikkhave pañca dhammā samayavimuttassa bhikkhuno aparihānāya saɱvattantīti.

Tikaṇaḍakīvaggo pañcamo

Tassuddānaɱ:
Datvā avajānāti ārambhati ca sārandada tikaṇḍakī nirayena ca.
Mitto asappurisasappurisena samayavimuttaɱ apare dveti.
Tatiyo paṇṇāsako samatto
[BJT Page 284]

1. Saddhammavaggo
5. 4. 1. 1
(Paṭhama sammattaniyāmasuttaɱ)
(Sāvatthinidānaɱ)
1. Pañcahi bhikkhave, dhammehi samannāgato suṇantopi saddhammaɱ abhabbo niyāmaɱ okkamituɱ kusalesu dhammesu sammattaɱ. Katamehi pañcahi:

Kathaɱ paribhoti. Kathikaɱ paribhoti. Attānaɱ paribhoti. Vikkhittacitto dhammaɱ suṇāti anekaggacitto. Ayoniso ca manasikaroti

Imehi kho bhikkhave pañcahi dhammehi samannāgato suṇantopi saddhammaɱ abhabbo niyāmaɱ okkamituɱ kusalesu dhammesu sammattaɱ.

Pañcahi bhikkhave dhammehi samannāgato suṇanto [page 175] saddhammaɱ bhabbo niyāmaɱ okkamituɱ kusalesu dhammesu sammattaɱ. Katamehi pañcahi:

Na kathaɱ paribhoti. Na kathikaɱ paribhoti. Na attānaɱ paribhoti. Avikkhittacitto dhammaɱ suṇāti ekaggacitto. Yoniso ca manasikaroti.

Imehi kho bhikkhave, pañcahi dhammehi samannāgato suṇanto saddhammaɱ bhabbo niyamaɱ okkamituɱ kusalesu dhammesu sammattanti.

5. 4. 1. 2
(Dutiya sammattaniyāmasuttaɱ)
(Sāvatthinidānaɱ)
2. Pañcahi bhikkhave, dhammehi samannāgato suṇannopi saddhammaɱ abhabbo niyāmaɱ okkamituɱ kusalesu dhammesu sammattaɱ. Katamehi pañcahi:

Kathaɱ paribhoti. Kathikaɱ paribhoti. Attānaɱ paribhoti. Duppañño hoti jaḷo eḷamugo. Anaññāte aññātamānī hoti.

Imehi kho bhikkhave pañcahi dhammehi samannāgato suṇantopi saddhammaɱ abhabbo niyāmaɱ okkamituɱ kusalesu dhammesu sammattaɱ.

Pañcahi bhikkhave, dhammehi samannāgato suṇanno saddhammaɱ bhabbo niyāmaɱ
Okkamituɱ kusalesu dhammesu sammattaɱ. Katamehi pañcahi:

Na kathaɱ paribhoti. Na kathikaɱ paribhoti. Na attānaɱ paribhoti. Paññavā hoti ajaḷo aneḷamūgo na anaññāte aññātamāni hoti.

Imehi kho bhikkhave, pañcahi dhammehi samannāgato suṇanto saddhammaɱ bhabbo niyāmaɱ okkamituɱ kusalesu dhammesu sammattanti.

[BJT Page 286]
5. 4. 1. 3.
(Tatiya sammattaniyāma suttaɱ)
(Sāvatthinidānaɱ)
3. Pañcahi bhikkhave, dhammehi samannāgato suṇantopi saddhammaɱ abhabbo niyāmaɱ okkamituɱ kusalesu dhammesu sammattaɱ. Katamehi pañcahi:

Makkhī dhammaɱ suṇāti makkhapariyuṭṭhito. Upārambhacitto dhammaɱ suṇāti randhagavesī. [page 176] dhammadesake āhatacitto hoti khilajāto. Duppañño hoti jaḷo raḷamugo. Anaññāte aññātamānī hoti.

Imehi kho bhikkhave pañcahi dhammehi samannāgato suṇantopi saddhammaɱ abhabbo niyāmaɱ okkamituɱ kusalesu dhammesu sammattaɱ.

Pañcahi bhikkhave, dhammehi samannāgato suṇanto saddhammaɱ bhabbo niyāmaɱ okkamituɱ kusalesu dhammesu sammattaɱ. Katamehi pañcahi:

Amakkhī dhammaɱ suṇāti na makkhapariyuṭṭhito. Anupārambhacitto dhammaɱ suṇāti na randhagavesī. Dhammadesake anāhatacitto hoti akhilajāto. Paññavā hoti ajaḷo aneḷamūgo. Na anaññāte aññātamānī hoti.

Imehi kho bhikkhave, pañcahi dhammehi samannāgato suṇanto saddhammaɱ bhabbo niyāmaɱ okkamituɱ kusalesu dhammesu sammattanti.

5. 4. 1. 4
(Paṭhama saddhammasammosasuttaɱ)
(Sāvatthinidānaɱ)
4. Pañcime bhikkhave, dhammā saddhammassa sammosāya antaradhānāya saɱvattanti. Katame pañca:

Idha bhikkhave bhikkhu na sakkaccaɱ dhammaɱ suṇanti. Na sakkaccaɱ dhammaɱ pariyāpuṇanti. Na sakkaccaɱ dhammaɱ dhārenti. Na sakkaccaɱ dhatānaɱ dhammānaɱ atthaɱ upparikkhanti. Na sakkaccaɱ atthamaññāya dhammamaññāya dhammānudhammaɱ paṭipajjanti.

Ime kho bhikkhave, pañca dhammā saddhammassa sammosāya antaradhānāya saɱvattanti.

[BJT Page 288]
Pañcime bhikkhave, dhammā saddhammassa ṭhitiyā asammosāya anantaradhānāya saɱvattanti. Katame pañca:

Idha bhikkhave bhikkhu sakkaccaɱ dhammaɱ suṇanti. Sakkaccaɱ dhammaɱ pariyāpuṇanti. Sakkaccaɱ dhammaɱ dhārenti. Sakkaccaɱ dhatānaɱ1dhammānaɱ atthaɱ upaparikkhanti. Sakkaccaɱ atthamaññāya dhammamaññāya dhammānudhammaɱ paṭipajjanti.
[page 177]

Ime kho bhikkhave pañca dhammā saddhammassa ṭhitiyā asammosāya anantaradhānāya saɱvattantīti.

5. 4. 1. 5
(Dutiya saddhammasammosa suttaɱ)
(Sāvatthinidānaɱ)
5. Pañcime bhikkhave dhammā saddhammassa sammosāya antaradhānāya saɱvattanti. Katame pañca:

Idha bhikkhave bhikkhu dhammaɱ na pariyāpuṇanti suttaɱ geyyaɱ veyyākaraṇaɱ gāthaɱ udānaɱ itivuttakaɱ jātakaɱ abbhutadhammaɱ vedallaɱ. Ayaɱ bhikkhave, paṭhamo dhammo saddhammassa sammosāya antaradhānāya saɱvattati.

Puna ca paraɱ bhikkhave, bhikkhu yathāsutaɱ yathāpariyattaɱ dhammaɱ na vitthārena paresaɱ2desenti. Ayaɱ bhikkhave, dutiyo dhammo saddhammassa sammosāya antaradhānāya saɱvattati.

Puna ca paraɱ bhikkhave, bhikkhu yathāsutaɱ yathāpariyattaɱ dhammaɱ na vitthārena paresaɱ vācenti. Ayaɱ bhikkhave, tatiyo dhammo saddhammassa sammosāya antaradhānāya saɱvattati.

Puna ca paraɱ bhikkhave, bhikkhu yathāsutaɱ yathāpariyattaɱ dhammaɱ na vitthārena sajjhāyaɱ karonti. Ayaɱ bhikkhave, catuttho dhammo saddhammassa sammosāya antaradhānāya saɱvattati.

Puna ca paraɱ bhikkhave, bhikkhu yathāsutaɱ yathāpariyattaɱ dhammaɱ na cetasā anuvitakkenti, anuvicārenti, manasānupekkhanti. Ayaɱ bhikkhave, pañcamo dhammo saddhammassa sammosāya antaradhānāya saɱvattati.

Ime kho bhikkhave, pañca dhammā saddhammassa sammosāya antaradhānāya saɱvattanti.
Pañcime bhikkhave, dhammā saddhammassa ṭhitiyā asammosāya anantaradhānāya saɱvattanti. Katame pañca:
Idha bhikkhave bhikkhu dhammaɱ pariyāpuṇanti suttaɱ geyyaɱ veyyākaraṇaɱ gāthaɱ udānaɱ itivuttakaɱ jātakaɱ abbhutadhammaɱ vedallaɱ. Ayaɱ bhikkhave, [page 178] paṭhamo dhammo saddhammassa ṭhitiyā asammosāya anantaradhānāya saɱvattati.

1. Dhātānaɱ machasaɱ, 2. Paraɱ machasaɱ

[BJT Page 290]

Puna ca paraɱ bhikkhave, bhikkhu yathāsutaɱ yathāpariyattaɱ dhammaɱ vitthārena paresaɱ
Desenti, ayaɱ bhikkhave, dutiyo dhammo saddhammassa ṭhitiyā asammosāya anantaradhānāya saɱvattati.

Puna ca paraɱ bhikkhave, bhikkhu yathāsutaɱ yathāpariyattaɱ dhammaɱ vitthārena paresaɱ
Vācenti, ayaɱ bhikkhave, tatiyo dhammo saddhammassa ṭhitiyā asammosāya anantaradhānāya saɱvattati.

Puna ca paraɱ bhikkhave, bhikkhu yathāsutaɱ yathāpariyattaɱ dhammaɱ vitthārena sajjhāyaɱ karonti. Ayaɱ bhikkhave, catuttho dhammo saddhammassa ṭhitiyā asammosāya
Anantaradhānāya saɱvattati.

Puna ca paraɱ bhikkhave, bhikkhu yathāsutaɱ yathāpariyattaɱ dhammaɱ cetasā anuvitakkenti
Anuvicārenti manasānupekkhanti. Ayaɱ bhikkhave, pañcamo dhammo saddhammassa ṭhitiyā asammosāya anantaradhānāya saɱvattati.

Ime kho bhikkhave, pañca dhammā saddhammassa ṭhitiyā asammosāya anantaradhānāya saɱvattantīti.

5. 4. 1. 6
(Tatiyasaddhammasammosasuttaɱ)
(Sāvatthinidānaɱ)
6. Pañcime bhikkhave, dhammā saddhammassa antaradhānāya saɱvattanti. Katame pañca:

Idha bhikkhave bhikkhu duggahitaɱ suttantaɱ pariyāpuṇanti duntikkhittehi padabyañjanehi. Dunnikkhittassa bhikkhave padabyañjanassa atthopi dunnayo hoti. Ayaɱ bhikkhave, paṭhamo dhammo saddhammassa sammosāya antaradhānāya saɱvattati.

Puna ca paraɱ bhikkhave, bhikkhu dubbacā honti dovacassakaraṇehi dhammehi samannāgatā, akkhamā appadakkhiṇaggāhino anusāsaniɱ. Ayaɱ bhikkhave, dutiyo dhammo saddhammassa sammosāya
Antaradhānāya saɱvattati.
[page 179]

Puna ca paraɱ bhikkhave, ye te bhikkhū bahussutā āgatāgamā dhammadharā vinayadharā mātikādharā, te na sakkaccaɱ suttantaɱ paraɱ vācenti. Tesaɱ accayena chinnamūlako suttanto hoti appaṭisaraṇo. Ayaɱ bhikkhave, tatiyo dhammo saddhammassa sammosāya antaradhānāya saɱvattati.

[BJT Page 292]

Puna ca paraɱ bhikkhave, therā bhikkhu bāhulikā honti sāthalikā okkamane pubbaŋgamā paviveke nikkhittadhurā. Na viriyaɱ ārabhanti appattassa pattiyā anadhigatassa adhigamāya asacchikatassa sacchikiriyāya. Tesaɱ pacchimā janatā diṭṭhānugatiɱ āpajjati. Sāpi hoti bāhulikā sāthalikā okkamane pubbaŋgamā paviveke nikkhittadhurā. Na viriyaɱ ārabhati appattassa pattiyā anadhigatassa adhigamāya asacchikatassa sacchikiriyāya. Ayaɱ bhikkhave, catuttho dhammo saddhammassa sammosāya antaradhānāya saɱvattati.
Puna ca paraɱ bhikkhave, saŋgho bhinno hoti. Saŋghe kho pana bhikkhave. Bhinne aññamaññaɱ akkosā ca honti, aññamaññaɱ paribhāsā ca honti, aññamaññaɱ parikkhepā ca honti, aññamaññaɱ pariccajanā ca honti. Tattha appattassa ceva nappasīdanti, passannānaɱ ca ekaccānaɱ aññathattaɱ
Hoti. Ayaɱ bhikkhave pañcamo dhammo saddhammassa sammosāya antaradhānāya saɱvattati.

Ime kho bhikkhave, pañca dhammā saddhammassa sammosāya antaradhānāya saɱvattanti.

Pañcime bhikkhave dhammā saddhammassa ṭhitiyā asammosāya anantaradhānāya saɱvattanti. Katame pañca:

Idha bhikkhave bhikkhu suggahitaɱ suttantaɱ pariyāpuṇanti sunikkhittehi padabyañjanehi. Sunikkhittassa bhikkhave padabyañjanassa atthopi sunayo hoti. Ayaɱ bhikkhave paṭhamo dhammo saddhammassa ṭhitiyā asammosāya anantaradhānāya saɱvattati.
[page 180]

Puna ca paraɱ bhikkhave, bhikkhu subbacā honti sovacassakaraṇehi dhammehi samannāgatā. Khamā padakkhiṇaggāhino anusāsaniɱ.
Ayaɱ bhikkhave dutiyo dhammo saddhammassa ṭhitiyā asammosāya anantaradhānāya saɱvattati.

Puna ca paraɱ bhikkhave, ye te bhikkhu bahussutā āgatāgamā dhammadharā vinayadharā mātikādharā, te sakkaccaɱ paraɱ vācenti. Tesaɱ accayena na chinnamūlako suttanto hoti sappaṭisaraṇo. Ayaɱ bhikkhave, tatiyo dhammo saddhammassa ṭhitiyā asammosāya anantaradhānāya saɱvattati.

[BJT Page 294]

Puna ca paraɱ bhikkhave, therā bhikkhu na bāhulikā honti na sāthalikā okkamane nikkhittadhurā paviveke pubbaŋgamā. Viriyaɱ ārabhanti appattassa pattiyā anadhigatassa adhigamāya asacchikatassa sacchikiriyāya. Tesaɱ pacchimā janatā diṭṭhānugatiɱ āpajjati. Sāpi hoti na bāhulikā na sāthalikā okkamane nikkhittadhurā paviveke pubbaŋgamā. Viriyaɱ ārabhati appattassa pattiyā anadhigatassa adhigamāya asacchikatassa sacchikiriyāya. Ayaɱ bhikkhave, catuttho dhammo saddhammassaṭhitiyā asammosāya anantaradhānāya saɱvattati.

Puna ca paraɱ bhikkhave, saŋgho samaggo sammodamāno avivadamāno ekuddeso phāsuɱ viharati. 1 Saŋghe kho pana bhikkhave, samagge na ceva aññamaññaɱ
Akkosā honti. Na ca aññamaññaɱ paribhāsā honti. Na ca aññamaññaɱ parikkhepā honti. Na ca aññamaññaɱ pariccajanā honti. Tattha appasannā ceva pasīdanti. Passannānaɱ ca bhiyyobhāvo hoti. Ayaɱ bhikkhave, pañcamo dhammo saddhammassa ṭhitiyā asammosāya anantaradhānāya saɱvattati.

Ime kho bhikkhave, pañca dhammā saddhammassa ṭhitiyā asammosāya anantaradhānāya
Saɱvattantīti.
[page 181]

5. 4. 1. 7
(Dukkathāsuttaɱ)
(Sāvatthinidānaɱ)
7. Pañcannaɱ bhikkhave, puggalānaɱ kathā dukkathā puggalaɱ puggalaɱ 2 upanidhāya. Katamesaɱ pañcannaɱ:
Assaddhassa bhikkhave, saddhākathā dukkathā, dussīlassa sīlakathā dukkathā, appassutassa bāhusaccakathā dukkathā, macchariyassa cāgakathā dukkathā, duppaññassa paññākathā dukkathā.

Kasmā ca bhikkhave, assaddhassa saddhākathā dukkathā? Assaddho bhikkhave, saddhākathāya kacchamānāya abhisajjati, kuppati, vyāpajjati, patitthīyati, kopañca dosañca appaccayaɱ ca pātukaroti. Taɱ kissa hetu? Taɱ hi so bhikkhave saddhāsampadaɱ attani na sampassati. Na ca labhati tato nidānaɱ pītipāmujjaɱ. Tasmā assaddhassa saddhākathā dukkathā.

Kasmā ca bhikkhave, dussīlassa sīlakathā dukkathā? Dussīlo bhikkhave, sīlakathāya kacchamānāya abhisajjati, kuppati, vyāpajjati, patitthīyati, kopañca dosañca appaccayaɱ ca pātukaroti. Taɱ kissa hetu? Taɱ hi so bhikkhave, silasampadaɱ attani na sampassati, 3 na ca labhati tato nidānaɱ pītipāmujjaɱ. Tasmā dussīlassa silakathā dukkathā.

1. Phāsu viharati sīmu 2. Puggale puggalaɱ machasaɱ, 3. Na samanupassati machasaɱ
[BJT Page 296]

Kasmā ca bhikkhave, appassutassa bāhusaccakathā dukkathā? Appassuto bhikkhave, bāhusaccakathāya kacchamānāya abhisajjati kuppati, vyāpajjati patitthīyati, kopañca dosañca appaccayaɱ ca pātukaroti. Taɱ kissa hetu? Taɱ hi so bhikkhave, sutasampadaɱ attani na sampassati. Na ca labhati tato nidānaɱ pītipāmujjaɱ. Tasmā appassutassa bāhusaccakathā dukkathā.

Kasmā ca bhikkhave, macchariyassa cāgakathā dukkathā? Maccharī bhikkhave cāgakathāya kacchamānāya abhisajjati kuppati, vyāpajjati patitthīyati, kopañca ca dosañca ca appaccayaɱ ca pātukaroti. Taɱ kissa hetu? Taɱ hi so bhikkhave, cāgasampadaɱ attani na sampassati. 1 Na ca [page 182] labhati tato nidānaɱ pītipāmujjaɱ. Tasmā macchariyassa cāgakathā dukkathā.

Kasmā ca bhikkhave, duppaññassa paññākathā dukkathā? Duppañño bhikkhave paññākathāya kacchamānāya abhisajjati kuppati, vyāpajjati patitthīyati, kopañca ca dosañca ca appaccayaɱ ca pātukaroti. Taɱ kissa hetu? Taɱ hi so bhikkhave, paññāsampadaɱ attani na sampassati. 1 Na ca labhati tato nidānaɱ pītipāmujjaɱ. Tasmā duppaññassa paññākathā dukkathā.

Imesaɱ kho bhikkhave pañcannaɱ puggalānaɱ kathā dukkathā puggalaɱ puggalaɱ 2 upanidhāya. Pañcannaɱ bhikkhave puggalānaɱ kathā sukathā puggalaɱ puggalaɱ 2upanidhāya. Katamesaɱ pañcannaɱ?

Saddhassa bhikkhave saddhākathā sukathā, silavato silakathā sukathā, bahussutassa bāhusaccakathā sukathā, cāgavato cāgakathā sukathā, paññavato paññākathā sukathā.

Kasmā ca bhikkhave, saddhassa saddhākathā sukathā? Saddho bhikkhave, saddhākathāya kacchamānāya nābhisajjati na kuppati na vyāpajjati na patitthīyati, na kopañca ca dosañca ca
Appaccayaɱ ca pātukaroti. Taɱ kissa hetu? Taɱ hi so bhikkhave, saddhāsampadaɱ attani sampassati. Labhati ca tato nidānaɱ pītipāmujjaɱ. Tasmā saddhassa saddhākathā sukathā.
Kasmā ca bhikkhave, sīlavato sīlakathā sukathā? Sīlavā bhikkhave, sīlakathāya kacchamānāya nābhisajjati na kuppati na vyāpajjati na patitthīyati, na kopañca ca dosañca ca appaccayaɱ ca pātukaroti. Taɱ kissa hetu? Taɱ hi so bhikkhave,
Sīlasampadaɱ attani sampassati. 1 Labhati ca tato nidānaɱ pītipāmujjaɱ. Tasmā silavato sīlakathā sukathā.

1. Na samanupassati machasaɱ
2. Puggale puggalaɱ machasaɱ

[BJT Page 298]

Kasmā ca bhikkhave, bahussutassa bāhusaccakathā sukathā? Bahussuto bhikkhave, bāhusaccakathāya kacchamānāya
Nābhisajjati na kuppati na vyāpajjati na [page 183] patitthīyati, na kopañca ca dosañca ca appaccayaɱ ca pātukaroti. Taɱ kissa hetu? Taɱ hi so bhikkhave, sutasampadaɱ attani sampassati. Labhati ca tato nidānaɱ pītipāmujjaɱ. Tasmā bahussutassa bāhusaccakathā sukathā.

Kasmā ca bhikkhave, cāgavato cāgakathā sukathā? Cāgavā bhikkhave, cāgakathāya kacchamānāya nābhisajjati na kuppati na vyāpajjati na patitthīyati, na kopañca ca dosañca ca appaccayaɱ ca pātukaroti. Taɱ kissa hetu? Taɱ hi so bhikkhave, vāgasampadaɱ attani sampassati. Labhati ca tato nidānaɱ pītipāmujjaɱ. Tasmā cāgavato cāgakathāsukathā.

Kasmā ca bhikkhave, paññavato paññākathā sukathā? Paññavā bhikkhave, paññākathāya kacchamānāya nābhisajjati na kuppati na vyāpajjati na patitthīyati, na kopañca ca dosañca ca appaccayaɱ ca pātukaroti. Taɱ kissa hetu? Taɱ hi so bhikkhave, paññāsampadaɱ attani sampassati. Labhati ca tato nidānaɱ pītipāmujjaɱ. Tasmā
Paññāvato paññākathā sukathā.

Imesaɱ kho bhikkhave pañcannaɱ puggalānaɱ kathā sukathā puggalaɱ puggalaɱ upanidhāyāti.
5. 4. 1. 8
(Sārajja suttaɱ)
(Sāvatthinidānaɱ)
8. Pañcahi bhikkhave dhammehi samannāgato bhikkhu sārajjaɱ okkanto hoti. Katamehi pañcahi:

Idha bhikkhave bhikkhu assaddho hoti, dussīlo hoti, appassuto hoti, kusīto hoti, duppañño hoti.

Imehi kho bhikkhave pañcahi dhammehi samannāgato bhikkhu sārajjaɱ okkanto hoti.
Pañcahi bhikkhave dhammehi samannāgato bhikkhu visārado hoti. Katamehi pañcahi:

Idha bhikkhave bhikkhu saddho hoti, sīlavā hoti, bahussuto hoti, āraddhaviriyo hoti, paññavā hotīti.
[page 184]
Imehi kho bhikkhave pañcahi dhammehi samannāgato bhikkhu visārado hotīti.

[BJT Page 300]

5. 4. 1. 9
(Udāyīsuttaɱ)
9. Evaɱ me sutaɱ: ekaɱ samayaɱ bhagavā kosambiyaɱ viharati ghositārāme. Tena kho pana samayena āyasmā udāyī mahatiyā gihīparisāya parivuto dhammaɱ desento nisinno hoti. Addasā kho āyasmā ānando āyasmantaɱ udāyiɱ mahatiyā gihīparisāya parivutaɱ dhammaɱ desentaɱ nisinnaɱ. Disvāna 1 yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho āyasmā ānando bhagavantaɱ etadavoca: āyasmā bhante udāyī mahatiyā gihīparisāya parivuto dhammaɱ desetīti.

Na kho ānanda sukaraɱ paresaɱ dhammaɱ desetuɱ. Paresaɱ ānanda dhammaɱ desentena pañca dhamme ajjhattaɱ upaṭṭhapetvā paresaɱ dhammo desetabbo. Katame pañca:

Ānupubbīkathaɱ 2 kathessāmīti paresaɱ dhammo desetabbo. Pariyāyadassāvī kathaɱ kathessāmīti paresaɱ dhammo desetabbā. Anuddayataɱ paṭicca kathaɱ kathessāmīti paresaɱ dhammo desetabbo. Na āmisantaro kathaɱ kathessāmīti paresaɱ dhammo desetabbo. Attānaɱ ca paraɱ ca anupahacca kathaɱ kathessāmīti paresaɱ dhammo desetabbo.

Na kho ānanda sukaraɱ paresaɱ dhammaɱ desetuɱ. Paresaɱ ānanda dhammaɱ desentena ime pañca dhamme ajjhattaɱ upaṭṭhapetvā paresaɱ dhammo desetabboti.

5. 4. 1. 10
(Duppaṭivinodayasuttaɱ)
(Sāvatthinidānaɱ)
10. Pañcime bhikkhave uppannā duppaṭivinodayā. Katame pañca:
[page 185]

Uppanno rāgo duppaṭivinodayo. Uppanno doso duppaṭivinodayo. Uppanno moho duppaṭivinodayo. Uppannaɱ paṭibhāṇaɱ duppaṭivinodayaɱ. Uppannaɱ gamikacittaɱ duppaṭivinodayaɱ.

Ime kho bhikkhave pañca uppannā duppaṭivinodayāti.

Saddhammavaggo paṭhamo
Tassuddānaɱ:
Tayo saddhamma niyāmā tayo saddhamma sammosā
Dukkathā sārajjaɱ ceva 3 udāyī dubbinodaye.

1. Disvā machasaɱ 2. Ānupubbiɱ kathaɱ machasaɱ 3. Dukkathā ceva sārajjaɱ machasaɱ

[BJT Page 302]

2. Āghātavaggo
5. 4. 2. 1
(Paṭhama āghātapaṭivinayasuttaɱ)
(Sāvatthinidānaɱ)
11. Pañcime bhikkhave. Āghātapaṭivinayā yattha bhikkhuno uppanno āghāto sabbaso paṭivinetabbo. Katame pañca:

Yasmiɱ bhikkhave, puggale āghāto jāyetha, mettā tasmiɱ puggale bhāvetabbā. Evaɱ tasmiɱ puggale āghāto paṭivinetabbo.

Yasmiɱ bhikkhave, puggale āghāto jāyetha, karuṇā tasmiɱ puggale bhāvetabbā. Evaɱ tasmiɱ puggale āghāto paṭivinetabbo.

Yasmiɱ bhikkhave, puggale āghāto jāyetha, upekkhā tasmiɱ puggale bhāvetabbā. Evaɱ tasmiɱ puggale āghāto paṭivinetabbo.

[page 186]

Yasmiɱ bhikkhave, puggale āghāto jāyetha, asati amanisikāro tasmiɱ puggale āpajjitabbā. Evaɱ tasmiɱ puggale āghāto paṭivinetabbo.

Yasmiɱ bhikkhave, puggale āghāto jāyetha, kammassakatā tasmiɱ puggale adhiṭṭhātabbā: "kammassako ayamāyasmā1 kammadāyādo kammayonī kammabandhū kammapaṭisaraṇo. Yaɱ kammaɱ karissati kalyāṇaɱ vā pāpakaɱ vā, tassa dāyādo bhavissatī"ti. Evaɱ tasmiɱ puggale āghāto paṭivinetabbo.

Ime kho bhikkhave, pañca āghātapaṭivinayā yattha bhikkhuno uppanno āghāto sabbaso paṭivinetabboti.
5.4.2.2.
(Dutiya āghātapaṭivinayasuttaɱ)
(Sāvatthinidānaɱ)
12. Tatra kho āyasmā sāriputto bhikkhū āmantehi āvuso bhikkhavoti. 2 Āvusoti kho te bhikkhū āyasmato sāriputtassa paccassosuɱ. Āyasmā sāriputto etadavoca:

1. Ayaɱ āyasmā sīmu 2. Bhikkhaveti machasaɱ

[BJT Page 304]

Pañcime āvuso, āghātapaṭivinayā yattha bhikkhuno uppanno āghāto sabbaso paṭivinetabbo. Katame pañca:

Idhāvuso, ekacco puggalo aparisuddhakāyasamācāro hoti parisuddhavacīsamācāro. Evarūpepi āvuso, puggale āghāto paṭivinetabbo.

Idha pana āvuso, ekacco puggalo aparisuddhavacīsamācāro hoti parisuddhakāyasamācāro. Evarūpepi āvuso, puggale āghāto paṭivinetabbo.
Idha pana āvuso, ekacco puggalo aparisuddhakāyasamācāro hoti aparisuddhavacīsamācāro, labhati ca kālena kālaɱ cetaso vivaraɱ, cetaso pasādaɱ. Evarūpepi āvuso, puggale āghāto paṭivinetabbo.

Idha pana āvuso, ekacco puggalo aparisuddhakāyasamācāro hoti aparisuddhavacīsamācāro, na ca labhati [page 187] kālena kālaɱ cetaso vivaraɱ, cetaso pasādaɱ. Evarūpepi āvuso puggale āghāto paṭivinetabbo.

Idha pana āvuso, ekacco puggalo parisuddhakāyasamācāro hoti parisuddhavacīsamācāro, labhati ca kālena kālaɱ cetaso vivaraɱ, cetaso pasādaɱ. Evarūpepi āvuso, puggale āghāto paṭivinetabbo.

Tatrāvuso, yvāyaɱ puggalo aparisuddhakāyasamācāro parisuddhavacīsamācāro, kathaɱ tasmiɱ puggale āghāto paṭivinetabbo?

Seyyathāpi āvuso, bhikkhu paɱsukūliko rathiyāya nantakaɱ disvā vāmena pādena niggahetvā 1 dakkhiṇena pādena vitthāretvā 2 yo tattha sāro taɱ paripāṭetvā 3 ādāya pakkameyya; evameva kho āvuso, 4 yvāyaɱ puggalo aparisuddhakāyasamācāro parisuddhavacīsamācāro, yāssa aparisuddhakāyasamācāratā, na sāssa tasmiɱ samaye manasikātabbā. Yā ca khvāssa parisuddhavacīsamācāratā, sāssa tasmiɱ samaye manasikātabbā. Evaɱ tasmiɱ puggale āghāto paṭivinetabbo.

Tatrāvuso, yvāyaɱ puggalo aparisuddhavacīsamācāro parisuddhakāyasamācāro, kathaɱ tasmiɱ puggale āghāto paṭivinetabbo?

Seyyathāpi āvuso, pokkharaṇī sevālapaṇakapariyonaddhā, atha puriso āgaccheyya ghammābhitatto ghammapareto kilanto tasito pipāsito. So taɱ pokkharaṇiɱ ogāhetvā ubhohi hatthehi iticitica sevālapaṇakaɱ apabyūhitvā 5 añjalinā pivitvā pakkameyya, evameva kho [page 188] āvuso yvāyaɱ puggalo aparisuddhavacīsamācāro parisuddhakāyasamācāro, yāssa aparisuddhavacīsamācāratā, na sāssa tasmiɱ samaye manasikātabbā. Yā ca khvāssa parisuddhakāyasamācāratā, sāssa
Tasmiɱ samaye manasikātabbā. Evaɱ tasmiɱ puggale āghāto paṭivinetabbo.

1. Niggaṇhitvā machasaɱ 2. Pattharitvā machasaɱ, syā. 3. Paripātetvā machasaɱ, syā. 4. Khvāvuso machasaɱ
5. Apaviyūhitvā machasaɱ, syā. Apabbuhitvātipi pāṭho. [BJT Page 306]
Tatrāvuso, yvāyaɱ puggalo aparisuddhakāyasamācāro aparisuddhavacīsamācāro, labhati ca kālena kālaɱ cetaso vivaraɱ cetaso pasādaɱ, kathaɱ tasmiɱ puggale āghāto paṭivinetabbo?

Seyyathāpi āvuso parittaɱ gopadake 1 udakaɱ, atha puriso āgaccheyya ghammābhitatto ghammapareto kilanto tasito pipāsito. Tassa evamassa: "idaɱ kho parittaɱ gopadake udakaɱ, svāhaɱ añjalinā vā pivissāmi bhājanena vā, khobhessāmīpi taɱ, loḷessāmīpi taɱ, apeyyampi taɱ karissāmi. Yannūnāhaɱ catuguṇḍiko 2 nipatitvā gopītakaɱ pivitvā pakkameyyanti. So catuguṇḍiko nipatitvā gopītakaɱ pivitvā pakkameyya. Evameva kho āvuso, yvāyaɱ puggalo aparisuddhakāyasamācāro, aparisuddhavacīsamācāro, labhati ca kālena kālaɱ cetaso vivaraɱ cetaso pasādaɱ, yāssa aparisuddhakāyasamācāratā, na sāssa tasmiɱ samaye manasikātabbā. Yāpissa aparisuddhavacīsamācāratā, na sāpissa tasmiɱ samaye manasikātabbā. Yaɱ ca kho so labhati kālena kālaɱ cetaso [page 189] vivaraɱ cetaso pasādaɱ, tadevassa 3 tasmiɱ samaye manasikātabbaɱ. Evaɱ tasmiɱ puggale āghāto paṭivinetabbo.

Tatrāvuso, yvāyaɱ puggalo aparisuddhakāyasamācāro aparisuddhavacīsamācāro, labhati ca kālena kālaɱ cetaso vivaraɱ cetaso pasādaɱ, kathaɱ tasmiɱ puggale āghāto paṭivinetabbo?

Seyyathāpi āvuso, puriso ābādhiko dukkhito bāḷhagilāno addhānamaggapaṭipanno, tassa purato pissa dūre gāmo, pacchato pissa dūre gāmo, so na labheyya sappāyāni bhojanāni, na labheyya sappāyāni bhesajjāni, na labheyya patirūpaɱ upaṭṭhākaɱ, na labheyya gāmantanāyakaɱ. Tamenaɱ aññataro puriso passeyya addhānamaggapaṭipanno. So tasmiɱ purise kāruññaɱ yeva upaṭṭhāpeyya, anuddayaɱ yeva upaṭṭhāpeyya, anukampaɱyeva upaṭṭhāpeyya: " ahovatāyaɱ puriso labheyya sappāyāni bhojanāni, labheyya sappāyāni bhesajjāni, labheyya patirūpaɱ upaṭṭhākaɱ, labheyya gāmantanāyakaɱ. Taɱ kissa hetu? Māyaɱ puriso idheva anayavyasanaɱ āpajjati 4 evameva kho āvuso yvāyaɱ puggalo aparisuddhakāyasamācāro aparisuddhavacīsamācāro, na ca labhati kālena kālaɱ cetaso vivaraɱ cetaso pasādaɱ, evarūpepi āvuso, puggale kāruññaɱ eva upaṭṭhāpetabbaɱ, anuddayāyeva upaṭṭhāpetabbā, anukampāyeva upaṭṭhāpetabbā. " Ahovatāyaɱ āyasmā 5kāyaduccaritaɱ pahāya kāyasucaritaɱ bhāveyya, vaciduccaritaɱ pahāya vacisucaritaɱ bhāveyya, manoduccaritaɱ pahāya manosuvaritaɱ bhāveyya, taɱ kissa hetu? Māyaɱ āyasmā kāyassa bhedā parammaraṇā apāyaɱ duggatiɱ vinipātaɱ nirayaɱ upapajjī "ti. Evaɱ tasmiɱ puggale āghāto paṭivinetabbo.

1. Gopade machasaɱ 2. Catukkuṇḍiko machasaɱ catukuṇḍiko syā
Catukuṇḍakaɱ [PTS 3.] Tamevassa machasaɱ 4. Āpajjatīti simu
5. Ahovata ayamāyasmā machasaɱ 6. Upapajjatīti sīmu

[BJT Page 308]
[page 190]

Tatrāvuso, yvāyaɱ puggalo parisuddhakāyasamācāro parisuddhavavīsamācāro, labhati ca kālena kālaɱ cetaso vivaraɱ cetaso pasādaɱ, kathaɱ tasmiɱ pugale āghāto paṭivinetabbo?

Seyyathāpi āvuso, pokkharaṇī acchodikā sātodikā sītodikā setakā supatitthā ramaṇīyā nānārukkhehi sañchannā, atha puriso āgaccheyya ghammābhitatto ghammapareto kilanto tasito pipāsito so taɱ pokkharaṇiɱ ogāhetvā nahātvā ca pivitvā ca paccuttaritvā tattheva rukkhacchāyāya nisīdeyya vā nipajjeyya vā, evameva kho āvuso, yvāyaɱ puggalo parisuddhakāyasamācāro parisuddhavacīsamācāro, labhati ca kālena kālaɱ cetaso vivaraɱ cetaso pasādaɱ, yāpissa parisuddhakāyasamācāratā, sāpissa tasmiɱ samaye manasikātabbā. Yāpissa parisuddhavacīsamācāratā sāpissa tasmiɱ samaye manasikātabbā. Yampi so labhati kālena kālaɱ cetaso vivaraɱ cetaso pasādaɱ, tampissa tasmiɱ samaye manasikātabbaɱ. Evaɱ tasmiɱ puggale āghāto paṭivinetabbo. Samantapāsādikaɱ āvuso puggalaɱ āgamma cittaɱ pasīdati.

Ime kho āvuso pañca āghātapaṭivinayā yattha bhikkhuno uppanno āghāto sabbaso paṭivinetabboti.

5. 4. 2. 3
(Sākacchāsuttaɱ)
(Sāvatthinidānaɱ)
13. Tatra kho āyasmā sāriputto bhikkhū āmantesi: 'āvuso bhikkhavo'ti. 'Āvuso'ti. Kho te bhikkhū āyasamato sāriputtassa paccassosuɱ. Āyasmā sāriputto etadavoca:
[page 191]

Pañcahāvuso dhammehi samannāgato bhikkhu alaɱsākaccho sabrahmacārīnaɱ. Katamehi pañcahi:

Idhāvuso, bhikkhu attanā ca silasampanno hoti, sīlasampadākathāya ca āgataɱ pañhaɱ vyākattā hoti. Attanā ca samādhisampanno hoti, samādhisampadākathāya ca āgataɱ pañhaɱ vyākattā hoti. Attanā ca paññāsampanno hoti, paññāsampadākathāya ca āgataɱ pañhaɱ vyākattā hoti. Attanā ca vimuttisampanno hoti. Vimuttisampadākathāya ca āgataɱ pañhaɱ vyākattā hoti. Attanā ca vimuttiñāṇadassanasampanno hoti, vimuttiñāṇadassanasampadākathāya ca āgataɱ pañhaɱ vyākattā hoti.

Imehi kho āvuso pañcahi dhammehi samannāgato bhikkhu alaɱsākaccho sabrahmacārīnanti.

[BJT Page 310]
5. 4. 2. 4
(Sājīvasuttaɱ)
(Sāvatthinidānaɱ)
14. Tatra kho āyasmā sāriputto bhikkhu āmantesi: 'āvuso bhikkhavo'ti. 'Āvuso'ti. Kho te bhikkhū āyasmato sāriputtassa paccassosuɱ. Āyasmā sāriputto etadavoca:

Pañcahi āvuso dhammehi samannāgato bhikkhu alaɱsājīvo sabrahmacārīnaɱ. Katamehi pañcahi:

Idhāvuso, bhikkhu attanā ca sīlasampanno hoti, sīlasampadākathāya ca kataɱ pañhaɱ1vyākattā hoti. Attanā ca samādhisampanno hoti, samādhisampadākathāya ca kataɱ pañhaɱ vyākattā hoti. Attanā ca paññāsampanno hoti, paññāsampadākathāya ca kataɱ pañhaɱ vyākattā hoti. Attanā ca vimuttisampanno hoti. Vimuttisampadākathāya ca kataɱ pañhaɱ1vyākattā hoti. Attanā ca
Vimuttiñāṇadassanasampanno hoti, vimuttiñāṇadassanasampadākathāya ca kataɱ pañhaɱ
Vyākattā hoti.

Imehi kho āvuso pañcahi dhammehi samannāgato bhikkhu alaɱsākaccho sabrahmacārīnanti.

5. 4. 2. 5.
(Pañhapucchāsuttaɱ)
(Sāvatthinidānaɱ)
15. Tatra kho āyasmā sāriputto bhikkhu āmantesi: 'āvuso bhikkhavo'ti. 'Āvuso'ti. Kho te bhikkhū āyasmato sāriputtassa paccassosuɱ. Āyasmā sāriputto etadavoca:

Yo hi koci āvuso, paraɱ pañhaɱ pucchati. Sabbo so pañcahi ṭhānehi, etesaɱ vā aññatarena. Katamehi pañcahi:

Mandattā momuhattā paraɱ pañhaɱ pucchati. Pāpiccho icchāpakato paraɱ pañhaɱ pucchati. Paribhavaɱ [page 192] paraɱ pañhaɱ pucchati. Aññātukāmo 2 paraɱ pañhaɱ pucchati. Athavā panevaɱcitto 3 paraɱ pañhaɱ pucchati: " sace me pañhaɱ puṭṭho sammadeva vyākarissati, iccetaɱ kusalaɱ, no ce 4 me pañhaɱ puṭṭho sammadeva vyākarissati, ahamassa sammadeva vyākarissāmī" ti.

Yo hi koci āvuso, paraɱ pañhaɱ pucchati. Sabbo so imehi pañcahi ṭhānehi, etesaɱ vā aññatarena.

Ahaɱ kho panāvuso, evaɱ citto paraɱ pañhaɱ pucchāmi: " sace me pañhaɱ puṭṭho sammadeva vyākarissati, iccetaɱ kusalaɱ. No ce me pañhaɱ puṭṭho sammadeva vyākarissati, ahamassa sammadeva vyākarissāmī" ti.

1. Āgataɱ pañhaɱ machasaɱ 2. Ñātukāmo syā 3. Athavā pakuppanto sīmu [PTS 4.] No ca syā

[BJT Page 312]
5. 4. 2. 6
(Nirodhasuttaɱ)
(Sāvatthinidānaɱ)

14. Tatra kho āyasmā sāriputto bhikkhū āmantesi: 'āvuso bhikkhavo'ti. 'Āvuso'ti. Kho te bhikkhū āyasamato sāriputtassa paccassosuɱ. Āyasmā sāriputto etadavoca:

Idhāvuso, bhikkhu sīlasampanno samādhisampanno paññāsampanno saññāvedayitanirodhaɱ samāpajjeyya 2 pi vuṭṭhaheyya' pi atthetaɱ ṭhānaɱ. No ce diṭṭheva dhamme aññaɱ ārādheyya, atikkammeva kabaliŋkārāhārabhakkhānaɱ 1devānaɱ sahavyataɱ aññataraɱ manomayaɱ kāyaɱ upapanno saññāvedayitanirodhaɱ samāpajjeyya'pi vuṭṭhaheyya'pi atthetaɱ ṭhānanti.

Evaɱ vutte āyasmā udāyī āyasmantaɱ sāriputtaɱ etadavoca: " aṭṭhānaɱ kho etaɱ āvuso, sāriputta, anavakāso yaɱ so bhikkhu atikkammeva kabaliŋkārāhārabhakkhānaɱ devānaɱ sahavyataɱ aññataraɱ manomayaɱ kāyaɱ upapanno saññāvedayitanirodhaɱ samāpajjeyyapi vuṭṭhaheyyapi 2 natthetaɱ ṭhānanti. "

Dutiyampi kho āyasmā sāriputto bhikkhu āmantesi: " idhāvuso, bhikkhu sīlasampanno samādhisampanno paññāsampanno saññāvedayitanirodhaɱ samāpajjeyyapi vuṭṭhaheyyapi atthetaɱ ṭhānaɱ. No ce diṭṭheva dhamme aññaɱ ārādheyya, atikkammeva kabaliŋkārāhārabhakkhānaɱ devānaɱ sahavyataɱ aññataraɱ manomayaɱ kāyaɱ upapanno saññāvedayitanirodhaɱ samāpajjeyyapi vuṭṭhaheyyapi atthetaɱ ṭhānanti. ".

Tatiyampi kho [page 193] āyasmā sāriputto bhikkhū āmantesi: "idhāvuso, bhikkhū sīlasampanno samādhisampanno paññāsampanno saññāvedayitanirodhaɱ samāpajjeyyapi vuṭṭhaheyyapi atthetaɱ ṭhānaɱ. No ce diṭṭheva dhamme aññaɱ ārādheyya, atikkammeva kabaliŋkārāhārabhakkhānaɱ devānaɱ sahavyataɱ aññataraɱ manomayaɱ kāyaɱ upapanno saññāvedayitanirodhaɱ samāpajjeyyapi vuṭṭhaheyyapi atthetaɱ ṭhānanti".
(Dutiyampi kho āyasmā udāyī āyasmantaɱ sāriputtaɱ etadavoca:"aṭṭhānaɱ kho etaɱ āvuso, sāriputta, anavakāso yaɱ so bhikkhu atikkammeva kabaliŋkārāhārabhakkhānaɱ devānaɱ sahavyataɱ aññataraɱ manomayaɱ kāyaɱ upapanno saññāvedayitanirodhaɱ samāpajjeyyapi vuṭṭhaheyyapi natthetaɱ ṭhānanti". Tatiyampi kho āyasmā udāyī āyasmantaɱ sāriputtaɱ etadavoca: "aṭṭhānaɱ kho etaɱ āvuso, sāriputta, anavakāso yaɱ so bhikkhu atikkammeva
Kabaliŋkārāhārabhakkhānaɱ devānaɱ sahavyataɱ aññataraɱ manomayaɱ kāyaɱ upapanno saññāvedayitanirodhaɱ samāpajjeyyapi vuṭṭhaheyyapi natthetaɱ ṭhānanti. ".

Atha kho āyasmato sāriputtassa etadahosi: yāva tatiyampi kho me āyasmā udāyī paṭikkosati, na ca me koci bhikkhu anumodati. Yannūnāhaɱ yena bhagavā tenupasaŋkameyyanti. Atha kho āyasmā sāriputto yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdī . Ekamantaɱ nisinno kho āyasmā sāriputto bhikkhū āmantesi:

1. Kabalīkārāhārabhakkhānaɱ machasaɱ
2. Samāpajjeyyāpi vuṭṭhaheyyāpi machasaɱ

[BJT Page 314]

"Idhāvuso, bhikkhu sīlasampanno samādhisampanno paññāsampanno saññāvedayitanirodhaɱ samāpajjeyyapi vuṭṭhaheyyapi1 atthetaɱ ṭhānaɱ. No ce diṭṭheva dhamme aññaɱ ārādheyya, atikkammeva kabaliŋkārāhārabhakkhānaɱ 2devānaɱ sahavyataɱ aññataraɱ manomayaɱ kāyaɱ upapanno saññāvedayitanirodhaɱ samāpajjeyyapi vuṭṭhabheyyapi1 atthetaɱ ṭhānanti.

Evaɱ vutte āyasmā udāyī āyasmantaɱ sāriputtaɱ etadavoca: " aṭṭhānaɱ kho etaɱ āvuso, sāriputta, anavakāso yaɱ so bhikkhu atikkammeva kabaliŋkārāhārabhakkhānaɱ devānaɱ sahavyataɱ aññataraɱ manomayaɱ kāyaɱ upapanno saññāvedayitanirodhaɱ samāpajjeyyapi vuṭṭhaheyyapi natthetaɱ ṭhānanti. "

Dutiyampi kho āyasmā sāriputto bhikkhu āmantesi: " idhāvuso, bhikkhu sīlasampanno samādhisampanno paññāsampanno saññāvedayitanirodhaɱ samāpajjeyyapi
Vuṭṭhaheyyapi atthetaɱ ṭhānaɱ. No ce diṭṭheva dhamme aññaɱ ārādheyya, atikkammeva kabaliŋkārāhārabhakkhānaɱ devānaɱ sahavyataɱ aññataraɱ manomayaɱ kāyaɱ upapanno saññāvedayitanirodhaɱ samāpajjeyyapi vuṭṭhaheyyapi atthetaɱ ṭhānanti. ".

Tatiyampi kho āyasmā sāriputto bhikkhu āmantesi: "idhāvuso, bhikkhu sīlasampanno samādhisampanno paññāsampanno [page 194] saññāvedayitanirodhaɱ samāpajjeyyapi vuṭṭhaheyyapi atthetaɱ ṭhānaɱ. No ce diṭṭheva dhamme aññaɱ ārādheyya, atikkammeva kabaliŋkārāhārabhakkhānaɱ devānaɱ sahavyataɱ aññataraɱ manomayaɱ kāyaɱ upapanno saññāvedayitanirodhaɱ samāpajjeyyapi vuṭṭhaheyyapi atthetaɱ ṭhānanti. "

Dutiyampi kho āyasmā udāyī āyasmantaɱ sāriputtaɱ etadavoca:"aṭṭhānaɱ kho etaɱ āvuso, sāriputta, anavakāso yaɱ so bhikkhu atikkammeva kabaliŋkārāhārabhakkhānaɱ devānaɱ sahavyataɱ aññataraɱ manomayaɱ kāyaɱ upapanno saññāvedayitanirodhaɱ samāpajjeyyapi vuṭṭhaheyyapi natthetaɱ ṭhānanti".

Tatiyampi kho āyasmā udāyī āyasmantaɱ sāriputtaɱ etadavoca: "aṭṭhānaɱ kho etaɱ āvuso, sāriputta, anavakāso yaɱ so bhikkhu atikkammeva
Kabaliŋkārāhārabhakkhānaɱ devānaɱ sahavyataɱ aññataraɱ manomayaɱ kāyaɱ uppanno
Saññāvedayitanirodhaɱ samāpajjeyyapi vuṭṭhaheyyapi natthetaɱ ṭhānanti. "

Atha kho ayasmato sāriputtassa etadahosi: bhagavatopi kho me sammukhā āyasmā udāyī yāvatatiyakaɱ paṭikkosati, na ca me koci bhikkhu anumodati. Yannūnāhaɱ tuṇhi assanni. Atha kho
Āyasmā sāriputto tuṇhī ahosi:

Atha kho bhagavā ayasmantaɱ udāyiɱ āmantesi: kaɱ pana tvaɱ udāyī, manomayaɱ kāyaɱ paccesī?Ti. Ye te bhante devā arūpino saññāmayāti. Kinnu kho kuyhaɱ udāyī bālassa avyattassa bhaṇitena? Tvaɱ pi nāma bhaṇitabbaɱ maññasī?Ti.

Atha kho bhagavā āyasmantaɱ ānandaɱ āmantesi: atthi nāma ānanda, theraɱ bhikkhuɱ vihesiyamānaɱ ajjhupekkhissatha. Na hi nāma ānanda, kāruññampi bhavissati theramhi3 bhikkhumhi vihesiyamānamhī? Ti.

1. Samāpajjeyyāpi vuṭṭhaheyyāpi machasaɱ 2. Kabalīkārāhārabhakkhānaɱ machasaɱ
3. Byattamhi syā

[BJT Page 316]
Atha kho bhagavā bhikkhu āmantesi: idha bhikkhave, bhikkhu sīlasampanno samādhisampanno paññāsampanno saññāvedayitanirodhaɱ samāpajjeyyapi vuṭṭhaheyyapi atthetaɱ ṭhānaɱ. No ce diṭṭheva dhamme aññaɱ ārādheyya, atikkammeva kabaliŋkārāhārabhakkhānaɱ devānaɱ sahavyataɱ aññataraɱ manomayaɱ kāyaɱ upapanno saññāvedayitanirodhaɱ samāpajjeyyapi vuṭṭhaheyyapi atthetaɱ ṭhānanti. Idamavoca bhagavā, idaɱ vatvā sugato uṭṭhāyāsanā vihāraɱ pāvisi.
[page 195]

Atha kho āyasmā ānando avirapakkantassa bhagavato yenāyasmā upavāno tenupasaŋkami. Upasaŋkamitvā āyasmantaɱ upavānaɱ etadavoca: " idhāvuso upavāna, aññe there bhikkhu vihesenti. Mayaɱ te na pucchāma. * Anacchariyaɱ kho panetaɱ āvuso upavāna yaɱ bhagavā sāyanhasamayaɱ patisallānā vuṭṭhito etadeva ārabbha udāhareyya. Yathā āyasmantaɱ yevettha upavānaɱ paṭibhāseyya. Idāneva amhākaɱ sārajjaɱ okkantanti. "
Atha kho bhagavā sāyanhasamayaɱ patisallanā vuṭṭhito yena upaṭṭhānasālā tenupasaŋkami. Upasaŋkamitvā paññatte āsane nisīdi. Nisajja kho bhagavā āyasmantaɱ upavānaɱ etadavoca:

Katīhi nu kho upavāna, dhammehi samannāgato thero bhikkhu sabrahmacārīnaɱ piyo ca hoti manāpo ca garu ca bhāvanīyocā?Ti.
Pañcahi bhante, dhammehi samannāgato thero bhikkhu sabrahmacārīnaɱ piyo ca hoti manāpo ca garu ca bhāvanīyo ca. Katamehi pañcahi:

Idha bhante, thero bhikkhu sīlavā hoti pātimokkha saɱvara saɱvuto viharati ācāragocarasampanno aṇumattesu vajjesu bhayadassāvī samādāya sikkhati sikkhāpadesu. Bahussuto hoti sutadharo sutasannicayo ye te dhammā ādikalyāṇā majjhe kalyāṇā pariyosānakalyāṇā sātthā savyañjanā kevalaparipuṇṇā parisuddhaɱ brahmacariyaɱ abhivadanti. Tathārūpāssa dhammā bahussutā honti dhatā vacasā paricitā manasānupekkhitā diṭṭhiyā suppaṭividdho. Kalyāṇavāco hoti kalyāṇavākkaraṇo poriyā vācāya samannāgato vissaṭṭhāya aneḷagalāya1atthassa viññāpaniyā. Catunnaɱ jhānānaɱ ābhicetasikānaɱ diṭṭhadhammasukhavihārānaɱ nikāmalābhī hoti akicchalābhī akasiralābhī. Āsavānaɱ khayā anāsavaɱ cetovimuttiɱ paññāvimuttiɱ diṭṭheva dhamme sayaɱ abhiññā sacchikatvā upasampajja viharati.

Imehi kho bhante pañcahi dhammehi samannāgato thero bhikkhu sabrahmacārīnaɱ piyo ca hoti manāpo ca garu ca bhāvanīyo cāti.
[page 196]

Sādhu! Sādhu! Upavāna, imehi kho upavāna, pañcahi dhammehi samannāgato thero bhikkhu sabrahmacārīnaɱ piyo ca hoti manāpo ca garu ca bhāvanīyo ca. Ime ce upavāna, pañca dhammā therassa bhikkhuno na saɱvijjeyyuɱ, kena naɱ sabrahmacārī sakkareyyuɱ garu kareyyuɱ māneyyuɱ pūjeyyuɱ 2 khaṇḍiccena pāliccena valittacatāya? 3 Yasmā ca kho upavāna, ime pañca dhammā therassa bhikkhuno saɱvijjanti, tasmā naɱ sabrahmacārī sakkaronti garukaronti4 mānenti pujentīti.

*Tena na pucchāma machasaɱ
1. Anelagaḷāya syā. , Anelagalāya sīmu machasaɱ.
2. Taɱ sabrahmacārī na sakkareyyuɱ na garuɱkareyuɱ na māneyyuɱ na pujeyyuɱ machasaɱ 3. Valittacatāya syā.
4. Garuɱkaronti machasaɱ,

[BJT Page 318]
5. 4. 2. 7
(Codanāsuttaɱ)
(Sāvatthinidānaɱ)
17. Tatra kho āyasmā sāriputto bhikkhu āmantesi: 'āvuso bhikkhavo'ti. 'Āvuso'ti kho te bhikkhū āyasmato sāriputtassa paccassosuɱ. Āyasmā sāriputto etadavoca:

Codakena āvuso, bhikkhunā paraɱ codetukāmena pañca dhamme ajjhattaɱ upaṭṭhapetvā paro codetabbo. Katame pañca:

Kālena vakkhāmi no akālena, bhūtena vakkhāmi no abhūtena, saṇhena vakkhāmi no pharusena, atthasaɱhitena vakkhāmi no anatthasaɱhitena, mettacittena vakkhāmi no dosantarena. 1

Codakena āvuso, bhikkhunā paraɱ codetukāmena pañca dhamme ajjhattaɱ upaṭṭhapetvā paro codetabbo.

Idhāhaɱ āvuso, ekaccaɱ puggalaɱ passāmi akālena codiyamānaɱ no kālena kupitaɱ, abhūtena codiyamānaɱ no bhūtena kupitaɱ, pharusena codiyamānaɱ no saṇhena kupitaɱ, anatthasaɱhitena codiyamānaɱ no atthasaɱhitena kupitaɱ, dosantarena codiyamānaɱ no mettacittena kupitaɱ.

Adhammacuditassa āvuso, bhikkhuno pañcahākārehi avippaṭisāro upadahitabbo. 2
Akālenāyasmā cudito no [page 197] kālena, alaɱ te avippaṭisārāya. Abhutenāyasmā cudito no bhūtena, alaɱ te avippaṭisārāya. Pharusenāyasmā cudito no saṇhena, alaɱ te avippaṭisārāya. Anatthasaɱhitenāyasmā cudito no atthasaɱhitena, alaɱ te avippaṭisārāya. Dosantarenāyasmā cudito no mettacittena, alaɱ te avippaṭisārāyāti.

Adhammacuditassa āvuso, bhikkhuno imehi pañcahākārehi avippaṭisāro upadahitabbo2

Adhammacodakassa āvuso, bhikkhuno pañcahākārehi vippaṭisāro upadahitabbo:

Akālena te āvuso cudito no kālena, alaɱ te vippaṭisārāya. Abhūtena te āvuso cudito no bhūtena, alaɱ te vippaṭisārāya. Pharusena te āvuso cudito no saṇhena, alaɱ te vippaṭisārāya. Anatthasaɱhitena te āvuso, cudito no atthasaɱhitena, alaɱ te vippaṭisārāya. Dosantarena te āvuso, cudito no
Mettacittena, alaɱ te vippaṭisārāyāti.

Adhammacodakassa āvuso, bhikkhuno imehi pañcahākārehi vippaṭisāro upadahitabbo. Taɱ kissa hetu? Yathā na aññopi bhikkhu abhūtena codetabbaɱ maññeyyāti.

1. Mettacitto vakkhāmi no dosantaro machasaɱ
2. Upadahātabbo machasaɱ.

[BJT Page 320]
Idha panāhaɱ āvuso, ekaccaɱ puggalaɱ passāmi kālena codiyamānaɱ no akālena kupitaɱ, bhūtena codiyamānaɱ no abhūtena kupitaɱ, saṇhena codiyamānaɱ no pharusena kupitaɱ, atthasaɱhitena codiyamānaɱ no anatthasaɱhitena kupitaɱ, mettacittena codiyamānaɱ no dosantarena kupitaɱ.

Dhammacuditassa āvuso, bhikkhuno pañcahākārehi vippaṭisāro upadahitabbo:

Kālenāyasmā cudiko no akālena, alaɱ te vippaṭisārāya. Bhutenāyasamā cudito no abhūtena, alaɱ te vippaṭisārāya. Saṇhenāyasmā cudito no pharusena, alaɱ te vippaṭisārāya. Atthasaɱhitenāyasmā cudito, no anatthasaɱhitena, alaɱ te vippaṭisārāya. Mettacittenāyasmā cudito no dosantarena, alaɱ te vippaṭisārāyāti.
[page 198]

Dhammacuditassa āvuso, bhikkhuno imehi pañcahākārehi vippaṭisāro upadahitabbo:
Dhammacodakassa āvuso, bhikkhuno pañcahākārehi avippaṭisāro upadahitabbo:
Kālena te āvuso, cudito1 no akālena, alaɱ te avippaṭisārāya. Bhūtena te āvuso, cudito no abhūtena, alaɱ te avippaṭisārāya. Saṇhena te āvuso, cudito no
Pharusena, alaɱ te avippaṭisārāya. Atthasaɱhitena te āvuso, cudito, no
Anatthasaɱhitena alaɱ te avippaṭisārāya. Mettacittena te āvuso, cudito no dosantarena, alaɱ te avippaṭisārāyāti.
Dhammacodakassa āvuso, bhikkhuno imehi pañcahākārehi avippaṭisāro upadahitabbo. Taɱ kissa hetu? Yathā aññopi bhikkhu bhūtena codetabbaɱ maññeyyāti.

Cuditena āvuso, puggalena dvīsu dhammesu patiṭṭhātabbaɱ sacce ca akuppe ca. Maɱ cepi āvuso, pare codeyyuɱ kālena vā akālena vā, bhūtena vā abhuttena vā, saṇhena vā pharusena vā, atthasaɱhitena vā anatthasaɱhitena vā, mettacittena vā dosantarena vā, ahampi dvīsu yeva dhammesu patiṭṭhaheyyaɱ sacce ca akuppe ca.
Sace jāneyyaɱ attheso mayi dhammoti, atthīti naɱ vadeyyaɱ saɱvijjateso mayi dhammoti. Sace jāneyyaɱ nattheso mayi dhammoti, natthiti naɱ vadeyyaɱ neso dhammo mayi saɱvijjatīti.

Evampi kho te sāriputta, vuccamānā atha ca pana idhekacce moghapurisā na padakkhiṇaɱ gaṇhantīti.

1. Codito machasaɱ
[BJT Page 322]
Ye te bhante, puggalā assaddhā jīvikatthā na [page 199] saddhā agārasmā anagāriyaɱ pabbajitā, saṭhā māyāvino keṭubhino 1 uddhatā unnaḷā capalā mukharā vikiṇṇavācā indriyesu aguttadvārā bhojane amattaññuno jāgariyaɱ ananuyuttā sāmaññe anapekkhavanto sikkhāya na tibbagāravā, bāhulikā sāthalikā okkamane pubbaŋgamā paviveke nikkhittadhurā kusītā hīnaviriyā muṭṭhassatino asampajānā asamāhitā vibhantacittā duppaññā eḷamūgā, te mayā evaɱ vuccamānā na padakkhiṇaɱ gaṇhanti.

Ye pana te bhante, kulaputtā saddhā agārasmā anagāriyaɱ pabbajitā, asaṭhā amāyāvino akeṭubhino 2 anuddhatā anunnalā acapalā amukharā avikiṇṇavācā indriyesu guttadvārā bhojane mattaññuno jāgariyaɱ anuyuttā sāmaññe apekkhavanto sikkhāya tibbagāravā, na bāhulikā na sāthalikā okkamane nikkhittadhurā paviveke pubbaŋgamā āraddhaviriyā pahitattā upaṭṭhitasatino sampajānā samāhitā ekaggacittā paññavanto aneḷamūgā, te mayā evaɱ vuccamānā padakkhiṇaɱ gaṇhantīti.

Ye te sāriputta, puggalā assaddhā jīvikatthā na saddhā agārasmā anagāriyaɱ pabbajitā, saṭhā māyāvino keṭubhino uddhatā unnaḷā capalā mukharā vikiṇṇavācā indriyesu aguttadvārā bhojane amattaññuno jāgariyaɱ ananuyuttā sāmaññe anapekkhavanto sikkhāya na tibbagāravā, bāhulikā sāthalikā okkamane pubbaŋgamā paviveke nikkhittadhurā kusītā hīnaviriyā muṭṭhassatino asampajānā asamāhitā vibbhantacittā duppaññā eḷamūgā, tiṭṭhantu te.

Ye pana te sāriputta, kulaputtā saddhā agārasmā anagāriyaɱ pabbajitā, asaṭhā amāyāvino akeṭubhino anuddhatā anunnalā acapalā amukharā avikiṇṇavācā indriyesu guttadvārā bhojane mattaññuno jāgariyaɱ anuyuttā sāmaññe apekkhavanto sikkhāya tibbagāravā, na bāhulikā na sāthalikā okkamane nikkhittadhurā paviveke pubbaŋgamā āraddhaviriyā pahitattā upaṭṭhitasatino sampajānā samāhitā ekaggacittā paññavanto aneḷamūgā, te tvaɱ sāriputta, vadeyyāsi. [page 200] ovada sāriputta, sabrahmacārī, anusāsa sāriputta, sabrahmacārī, "asaddhammā vuṭṭhāpetvā saddhamme patiṭṭhāpessāmi sabrahmacāri"ti. Evañhi te sāriputta, sikkhitabbanti.

1. Ketabino machasaɱ 2. Aketabino machasaɱ

[BJT Page 324]
5. 4. 2. 8
(Sīlasuttaɱ)
(Sāvatthinidānaɱ)
18. Tatra kho āyasmā sāriputto bhikkhū āmantesi: 'āvuso bhikkhavo'ti 'āvuso' ti kho te bhikkhu āyasmato sāriputtassa paccassosuɱ. Ayasmā sāriputto etadavoca: dussīlassa āvuso, sīlavipannassa hatūpaniso hoti sammāsamādhi. Sammāsamādhimhi asati sammāsamādhivipannassa hatūpanisaɱ hoti yathābhūtañāṇadassanaɱ. Yathābhūtañāṇadassane asati yathābhūtañāṇadassanavipannassa hatūpaniso hoti nibbidāvirāgo. Nibbidāvirāge asati nibbidāvirāgavipannassa hatūpanisaɱ hoti vimuttiñāṇadassanaɱ.

Seyyathāpi āvuso, rukkho sākhāpalāsavipanno, tassa papaṭikāpi na pāripūriɱ gacchati, tacopi pheggupi sāropi na pāripūriɱ gacchati. Evameva kho āvuso, dussīlassa sīlavipannassa hatūpaniso hoti sammāsamādhi. Sammāsamādhimhi asati sammāsamādhivipannassa hatūpanisaɱ hoti yathābhūtañāṇadassanaɱ. Yathābhūtañāṇadassane asati yathābhūtañāṇadassana vipannassa hatūpaniso hoti nibbidāvirāgo. Nibbidāvirāge asati nibbidāvirāgavipannassa hatūpanisaɱ hoti vimuttiñāṇadassanaɱ.

Sīlavato āvuso sīlasampannassa upanisasampanno hoti sammāsamādhi. Sammāsamādhimhi sati sammāsamādhisampannassa upanisasampannaɱ hoti yathābhūtañāṇadassanaɱ. Yathābhūtañāṇadassane sati yathābhūtañāṇadassanasampannassa upanisasampanno hoti nibbidāvirāgo. Nibbidāvirāge sati nibbidāvirāgasampannassa upanisasampannaɱ hoti vimuttiñāṇadassanaɱ.

Seyyathāpi āvuso, rukkho sākhāpalāsasampanno, tassa papaṭikāpi pāripūriɱ gacchati, tacopi pheggupi sāropi [page 201] pāripūriɱ gacchati. Evameva kho āvuso, sīlavato silasampannassa upanisasampanno hoti sammāsamādhi. Sammāsamādhimhi sati sammāsamādhisampannassa upanisasampannaɱ hoti
Yathābhūtañāṇadassanaɱ. Yathābhūtañāṇadassane sati yathābhūtañāṇadassanasampannassa upanisasampanno hoti nibbidāvirāgo. Nibbidāvirāge sati nibbidāvirāgasampannassa upanisasampannaɱ hoti vimuttiñāṇadassananti.

5. 4. 2. 9
(Khippanisantisuttaɱ)
(Sāvatthinidānaɱ)
19. Atha kho āyasmā ānando yenāyasmā sāriputto tenupasaŋkami. Upasaŋkamitvā āyasmatā sāriputtena saddhiɱ sammodi. Sammodanīyaɱ kathaɱ sārāṇīyaɱ vītisāretvā ekamantaɱ nisīdi. Ekamantaɱ nisinno kho āyasmā ānando āyasmantaɱ sāriputtaɱ etadavoca:

[BJT Page 326]
Kittāvatā nu kho āvuso sāriputta, bhikkhu khippanisantī ca hoti kusalesu dhammesu, suggahitagāhī ca, bahuɱ ca gaṇhāti, gahitaɱ cassa nappamussatī?Ti.
Āyasmā kho ānando bahussuto, paṭibhātu āyasmantaññeva ānandanti. Tenahāvuso sāriputta, suṇāhi, sādhukaɱ manasikarohi, bhāsissāmīti.

Evamāvusoti kho āyasmā sāriputto āyasmato ānandassa paccassosi. Āyasmā ānando etadavoca:

Idhāvuso, sāriputta, bhikkhu atthakusalo ca hoti dhammakusalo ca niruttikusalo ca vyañjanakusalo ca pubbāparakusalo ca.

Ettāvatā kho āvuso, sāriputta, bhikkhu khippanisantī ca hoti kusalesu dhammesu, suggahitagāhī ca, bahuɱ ca gaṇhāti, gahitaɱ cassa nappamussatīti.

Acchariyaɱ āvuso, abbhutaɱ āvuso, yāva subhāsitaɱ cidaɱ āyasmatā ānandena. Imehi ca mayaɱ pañcahi dhammehi samannāgataɱ āyasmantaɱ ānandaɱ dhārema: āyasmā ānando atthakusalo dhammakusalo niruttikusalo vyañjanakusalo pubbāparakusalo'ti.
[page 202]

5. 4. 2. 10
(Bhaddajisuttaɱ)
20. Ekaɱ samayaɱ āyasmā ānando kosambiyaɱ viharati ghositārāme. Atha kho āyasmā bhaddaji yenāyasmā ānando tenupasaŋkami. Upasaŋkamitvā āyasmatā ānandena saddhiɱ sammodi. Sammodanīyaɱ kathaɱ sārāṇiyaɱ vītisāretvā ekamantaɱ nisīdi. Ekamantaɱ nisinnaɱ kho āyasmantaɱ bhaddajiɱ āyasmā ānando etadavoca:
Kinnu kho āvuso bhaddaji, dassanānaɱ aggaɱ? Kiɱ savaṇānaɱ aggaɱ? Kiɱ sukhānaɱ aggaɱ? Kiɱ saññānaɱ aggaɱ? Kiɱ bhavānaɱ agganti?

Atthāvuso, brahmā abhibhū anabhibhūto aññadatthu daso vasavattī, yo taɱ brahmānaɱ passati, idaɱ dassanānaɱ aggaɱ.

Atthāvuso ābhassarā nāma devā sukhena abhisannā parisannā. Te kadāci karahaci udānaɱ udānenti: " aho sukhaɱ, aho sukhanti. " Yo taɱ saddaɱ suṇāti, idaɱ savaṇānaɱ aggaɱ.

[BJT Page 328]
Atthāvuso subhakiṇhakā nāma devā. Te santaññeva sukhitā sukhaɱ paṭisaɱvedenti. Idaɱ sukhānaɱ aggaɱ.

Atthāvuso, ākiñcaññāyatanūpagā devā. Idaɱ saññānaɱ aggaɱ.

Atthāvuso nevasaññānāsaññāyatanūpagā devā. Idaɱ bhavānaɱ agganti.

Sameti kho idaɱ āyasmato bhaddajissa yadidaɱ bahujanenāti. 1

Āyasmā kho ānando bahussuto. Paṭibhātu āyasmantaññeva ānandanti.

Tena hi āvuso, bhaddaji, suṇāhi sādhukaɱ manasi karohi, bhāsissāmiti. Evamāvusoti kho āyasmā bhaddaji āyasmato ānandassa paccassosi.Āyasmā ānando etadavoca:

Yathā passato kho āvuso, anantarā āsavānaɱ khayo hoti, idaɱ dassanānaɱ aggaɱ. Yathā suṇato anantarā āsavānaɱ khayo hoti, idaɱ savaṇānaɱ aggaɱ. Yathā sukhitassa anantarā āsavānaɱ khayo hoti. Idaɱ sukhānaɱ aggaɱ. Yathā saññissa anantarā āsavānaɱ khayo hoti, idaɱ saññānaɱ aggaɱ. Yathābhūtassa anantarā āsavānaɱ khayo hoti, idaɱ bhavānaɱ agganti.
[page 203]

Āghātavaggo dutiyo

Tassuddānaɱ:
Dve āghātavinayā sākacchā sājivato pañhaɱ
Pucchā nirodho codanā sīlaɱ nisanti bhaddajīti.

1. Bahunā janenāti machasaɱ

[BJT Page 330]
3. Upāsakavaggo
5. 4. 3. 1
(Sārajjasuttaɱ)
21. Ekaɱ samayaɱ bhagavā sāvatthiyaɱ viharati jetavane anāthapiṇḍikassa ārāme. Tatra kho bhagavā bhikkhū āmantesi bhikkhavoti. Bhadanteti te bhikkhu bhagavato paccassosuɱ. Bhagavā etadavoca:

Pañcahi bhikkhave, dhammehi samannāgato upāsako sārajjaɱ okkanto hoti. Katamehi pañcahi:

Pāṇātipātī hoti, adinnādāyī hoti, kāmesu micchācārī hoti, musāvādī hoti, surāmerayamajjapamādaṭṭhāyī hoti.

Imehi kho bhikkhave pañcahi dhammehi samannāgato upāsako sārajjaɱ okkanto hoti.

Pañcahi bhikkhave, dhammehi samannāgato upāsako visārado hoti. Katamehi pañcahi:

Pāṇātipātā paṭivirato hoti, adinnādānā paṭivirato hoti, kāmesu micchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti.

Imehi kho bhikkhave pañcahi dhammehi samannāgato upāsako visārado hoti.
5. 4. 3. 2
(Visāradasuttaɱ)
(Sāvatthinidānaɱ)

22. Pañcahi bhikkhave, dhammehi samannāgato upāsako avisārado agāraɱ ajjhāvasati. Katamehi pañcahi:
[page 204]

Pāṇātipātī hoti, adinnādāyī hoti, kāmesu micchācārī hoti, musāvādī hoti, surāmerayamajjapamādaṭṭhāyi hoti.

Imehi kho bhikkhave, pañcahi dhammehi samannāgato upāsako avisārado agāraɱ ajjhāvasati.

Pañcahi bhikkhave, dhammehi samannāgato upāsako visārado agāraɱ ajjhāvasati. Katamehi pañcahi:

Pāṇātipātā paṭivirato hoti, adinnādānā paṭivirato hoti, kāmesu micchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti.

Imehi kho bhikkhave, pañcahi dhammehi samannāgato upāsako visārado agāraɱ ajjhāvasatīti.

[BJT Page 332]
5. 4. 3. 3
(Nirayasuttaɱ)
(Sāvatthinidānaɱ)

23. Pañcahi bhikkhave, dhammehi samannāgato upāsako yathābhataɱ nikkhitto evaɱ niraye. Katamehi pañcahi:

Pāṇātipātī hoti, adinnādāyī hoti, kāmesu micchācārī hoti, musāvādī hoti, surāmerayamajjapamādaṭṭhāyi hoti.

Imehi kho bhikkhave, pañcahi dhammehi samannāgato upāsako yathābhataɱ nikkhitto evaɱ niraye.

Pañcahi bhikkhave, dhammehi samannāgato upāsako yathābhataɱ nikkhitto evaɱ sagge. Katamehi pañcahi:

Pāṇātipātā paṭivirato hoti, adinnādānā paṭivirato hoti, kāmesu micchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti.

Imehi kho bhikkhave, pañcahi dhammehi samannāgato upāsako yathābhataɱ nikkhitto evaɱ saggeti.
5. 4. 3. 4
(Verasuttaɱ)
(Sāvatthinidānaɱ)
24. Atha kho anāthapiṇḍiko gahapati yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinnaɱ kho anāthapiṇḍikaɱ gahapatiɱ bhagavā etadavoca:

Pañca gahapati, bhayāni verāni appahāya dussīlo iti vuccati. Nirayaɱ ca upapajjati. Katamāni pañca:

Pāṇātipātaɱ, adinnādānaɱ, kāmesu micchācāraɱ, musāvādaɱ, surāmerayamajjapamādaṭṭhānaɱ.
[page 205]

Imāni kho gahapati, pañca bhayāni verāni appahāya dussīlo iti vuccati. Nirayaɱ ca upapajjati.

Pañca gahapati, bhayāni verāni pahāya sīlavā iti vuccati, sugatiɱ ca upapajjati. Katamāni pañca:

Paṇātipātaɱ, adinnādānaɱ, kāmesu micchācāraɱ, musāvādaɱ, surāmerayamajjapamādaṭṭhānaɱ.

Imāni kho gahapati, pañca bhayāni verāni pahāya sīlavā iti vuccati. Sugatiɱ ca upapajjatīti.

[BJT Page 334]
Yaɱ gahapati, pāṇātipātī pāṇātipātapaccayā diṭṭhadhammikampi bhayaɱ veraɱ pasavati, samparāyikampi bhayaɱ veraɱ pasavati, cetasikampi dukkhaɱ domanassaɱ paṭisaɱvedeti. Pāṇātipātā paṭivirato neva diṭṭhadhammikaɱ bhayaɱ veraɱ pasavati, na samparāyikaɱ bhayaɱ veraɱ pasavati, na cetasikaɱ dukkhaɱ domanassaɱ paṭisaɱvedeti. Pāṇātipātā paṭiviratassa evaɱ taɱ bhayaɱ veraɱ vūpasantaɱ hoti.
Yaɱ gahapati, adinnādāyī adinnādānapaccayā diṭṭhadhammikampi bhayaɱ veraɱ pasavati, samparāyikampi bhayaɱ veraɱ pasavati, cetasikampi dukkhaɱ domanassaɱ paṭisaɱvedeti. Adinnādānā paṭivirato neva diṭṭhadhammikaɱ bhayaɱ veraɱ pasavati, na samparāyikaɱ bhayaɱ veraɱ pasavati, na cetasikaɱ dukkhaɱ domanassaɱ paṭisaɱvedeti. Adinnādānā paṭiviratassa evaɱ taɱ bhayaɱ veraɱ vūpasantaɱ hoti.
Yaɱ gahapati, kāmesu micchācārī kāmesu micchācārapaccayā diṭṭhadhammikampi bhayaɱ veraɱ pasavati, samparāyikampi bhayaɱ veraɱ pasavati, cetasikampi dukkhaɱ domanassaɱ paṭisaɱvedeti. Kāmesu micchācārā paṭivirato neva diṭṭhadhammikaɱ bhayaɱ veraɱ pasavati, na samparāyikaɱ bhayaɱ veraɱ pasavati, na cetasikaɱ dukkhaɱ domanassaɱ paṭisaɱvedeti. Kāme sumicchācārā paṭiviratassa evaɱ taɱ bhayaɱ veraɱ vūpasantaɱ hoti.
Yaɱ gahapati, musāvādī musāvādapaccayā diṭṭhadhammikampi bhayaɱ veraɱ pasavati, samparāyikampi bhayaɱ veraɱ pasavati, cetasikampi dukkhaɱ domanassaɱ paṭisaɱvedeti. Musāvādā paṭivirato neva diṭṭhadhammikaɱ bhayaɱ veraɱ pasavati, na samparāyikaɱ bhayaɱ veraɱ pasavati, na cetasikaɱ dukkhaɱ domanassaɱ paṭisaɱvedeti. Musāvādā paṭiviratassa evaɱ taɱ bhayaɱ veraɱ vūpasantaɱ hoti. Yaɱ gahapati, surāmerayamajjapamādaṭṭhāyī surāmerayamajjapamādaṭṭhānapaccayā diṭṭhadhammikampi bhayaɱ veraɱ pasavati, samparāyikampi bhayaɱ veraɱ pasavati, cetasikampi dukkhaɱ domanassaɱ paṭisaɱvedeti. Surāmeraya majjapamādaṭṭhānā paṭivirato neva diṭṭhadhammikaɱ bhayaɱ veraɱ pasavati, na samparāyikaɱ bhayaɱ veraɱ pasavati, na cetasikaɱ dukkhaɱdomanassaɱ paṭisaɱvedeti. Surāmerayamajjapamādaṭṭhānā paṭiviratassa evaɱ taɱ bhayaɱ veraɱ vūpasantaɱ hotīti.

80. Yo pāṇamatipāteti 1 musāvādañca bhāsati,
Loke adinnaɱ ādiyati paradārañca gacchati,
Surāmerayapānaɱ ca yo naro anuyuñjati;

81. Appahāya pañca verāni dussīlo iti vuccati,
Kāyassa bhedā duppañño nirayaɱ sopapajjati
[page 206]

82. Yo pāṇaɱ nātipāteti musāvādaɱ na bhāsati,
Loke adinnaɱ nādiyati paradāraɱ na gacchati,
Surāmeraya pānaɱ ca yo naro nānuyuñjati;

83. Pahāya pañca verāni sīlavā iti vuccati,
Kāyassa bhedā sappañño sugatiɱ sopapajjati.

5. 4. 3. 5
(Upāsakacaṇḍālasuttaɱ)
(Sāvatthi nidānaɱ:)
25. Pañcahi bhikkhave, dhammehi samannāgato upāsako upāsakacaṇḍālo ca hoti upāsakamalañca upāsakapatikiṭṭho ca. Katamehi pañcahi?

Assaddho hoti, dussīlo hoti, kotuhalamaŋgaliko hoti, maŋgalaɱ pacceti no kammaɱ. Ito ca bahiddhā dakkhiṇeyyaɱ gavesati. Tattha ca pubbakāraɱ karoti.

Imehi kho bhikkhave, pañcahi dhammehi samannāgato upāsako upāsakacaṇḍālo ca hoti upāsakamalañca upāsakapatikiṭṭho ca. 2

Pañcahi bhikkhave, dhammehi samannāgato upāsako upāsakaratanañca hoti upāsakapadumañca upāsakapuṇḍarīkañca: katamehi pañcahi:

1. Pāṇaɱ atipāteti sīmu 2. Patikuṭṭho ca machasaɱ

[BJT Page 336]
Saddho hoti, sīlavā hoti, akotuhalamaŋgaliko hoti, kammaɱ pacceti no maŋgalaɱ, na ito bahiddhā dakkhiṇeyyaɱ gavesati, idha ca pubbakāraɱ karoti.

Imehi kho bhikkhave, pañcahi dhammehi samannāgato upāsako upāsakaratanañca hoti upāsakapadumañca upāsakapuṇḍarīkañcāti. 1

5. 4. 3. 6
(Pītisuttaɱ)
(Sāvatthinidānaɱ)
26. Atha kho anāthapiṇḍiko gahapati pañcamattehi upāsakasatehi parivuto yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinnaɱ kho anāthapiṇḍikaɱ gahapatiɱ bhagavā etadavoca:

Tumhepi kho gahapati, bhikkhusaŋghaɱ paccupaṭṭhitā cīvarapiṇḍapātasenāsanagilānapaccayabhesajjaparikkhārena. Na kho gahapati, tāvatakeneva tuṭṭhi karaṇīyā: 'mayaɱ bhikkhusaŋghaɱ paccupaṭṭhitā cīvarapiṇḍapātasenāsanagilānapaccayabhesajjaparikkhārenā'ti.

Tasmātiha gahapati, evaɱ sikkhitabbaɱ: [PTS Page 207 "] kinti mayaɱ kālena kālaɱ pavivekaɱ pītiɱ upasampajja vihareyyāmā"ti. Evaɱ hi vo gahapati sikkhitabbanti.

Evaɱ vutte āyasmā sāriputto bhagavantaɱ etadavoca: acchariyaɱ bhante! Abbhutaɱ bhante!! Yāva subhāsitañcidaɱ bhante, bhagavatā:

"Tumhepi kho gahapati, bhikkhusaŋghaɱ paccupaṭṭhitā cīvarapiṇḍapātasenāsanagilānapaccayabhesajjaparikkhārena, na kho gahapati, tāvatakeneva tuṭṭhi karaṇīyā: 'mayaɱ bhikkhusaŋghaɱ paccupaṭṭhitā cīvarapiṇḍapātasenasanagilānapaccayabhesajjaparikkhārenā'ti. Tasmātiha gahapati, evaɱ sikkhitabbaɱ: "kinti mayaɱ kālena kālaɱ pavivekaɱ pītiɱ upasampajja vihareyyāmā'ti. Evaɱ hi vo gahapati, sikkhitabbanti. "

Yasmiɱ bhante, samaye ariyasāvako pavivekaɱ pītiɱ upasampajja viharati. Pañcassa ṭhānāni tasmiɱ samaye na honti:

Yampissa kāmūpasaɱhitaɱ dukkhaɱ domanassaɱ, tampissa tasmiɱ samaye na hoti. Yampissa kāmūpasaɱhitaɱ sukhaɱ somanassaɱ, tampissa tasmiɱ samaye na hoti. Yampissa akusalūpasaɱhitaɱ dukkhaɱ domanassaɱ, tampissa tasmiɱ samaye na hoti. Yampissa akusalūpasaɱhitaɱ sukhaɱ somanassaɱ, tampissa tasmiɱ samaye na hoti. Yampissa kusalūpasaɱhitaɱ dukkhaɱ domanassaɱ, tampissa tasmiɱ samaye na hoti.

Yasmiɱ bhante, samaye ariyasāvako pavivekaɱ pītiɱ upasampajja viharati. Imānissa 2pañca ṭhānāni tasmiɱ samaye na hontīti.

1. Upāsakapuṇaḍariko ca [PTS 2.] Imāni pañcassa ṭhānāni syā

[BJT Page 338]
Sādhu! Sādhu!! Sāriputta. Yasmiɱ samaye [page 208] sāriputta, ariyasāvako pavivekaɱ pītiɱ upasampajja viharati, pañcassa ṭhānāni tasmiɱ samaye na honti:

Yampissa kāmūpasaɱhitaɱ dukkhaɱ domanassaɱ, tampissa tasmiɱ samaye na hoti. Yampissa kāmūpasaɱhitaɱ sukhaɱ somanassaɱ, tampissa tasmiɱ samaye na hoti. Yampissa akusalūpasaɱhitaɱ dukkhaɱ domanassaɱ, tampissa tasmiɱ samaye na hoti. Yampissa akusalūpasaɱhitaɱ sukhaɱ somanassaɱ, tampissa tasmiɱ samaye na hoti. Yampissa kusalūpasaɱhitaɱ dukkhaɱ domanassaɱ, tampissa tasmiɱ samaye na hoti.

Yasmiɱ samaye sāriputta, ariyasāvako pavivekaɱ pītiɱ upasampajja viharati, imānissa pañca ṭhānāni 1 tasmiɱ samaye na hontīti.

5. 4. 3. 7
(Vaṇijjāsuttaɱ)
(Sāvatthi nidānaɱ:)
27. Pañcimā bhikkhave, vaṇijjā upāsakena akaraṇīyā. Katamā pañca:

Satthavaṇijjā, sattavaṇijjā, maɱsavaṇijjā, majjavaṇijjā, visavaṇijjā.

Imā kho bhikkhave, pañca vaṇijjā upāsakena akaraṇīyāti.

5. 4. 3. 8
(Rājasuttaɱ)
(Sāvatthinidānaɱ)
28. Taɱ kiɱ maññatha bhikkhave? Api nu tumhehi, diṭṭhaɱ vā sutaɱ vā: "ayaɱ puriso pāṇātipātaɱ pahāya pāṇātipātā paṭivirato hotīti, 2 tamenaɱ rājāno gahetvā pāṇātipātā veramaṇīhetu hananti vā bandhanti vā pabbājenti vā yathāpaccayaɱ vā karontī?Ti no hetaɱ bhante. Sādhu bhikkhave, mayāpi kho etaɱ bhikkhave, neva diṭṭhaɱ na sutaɱ: 'ayaɱ puriso pāṇātipātaɱ pahāya pāṇātipātā paṭivirato hotī'ti. 2 Tamenaɱ rājāno gahetvā pāṇātipātā veramaṇīhetu
Hananti vā bandhanti vā pabbājenti vā yathāpaccayaɱ vā karontī"ti.

Api ca khvāssa tatheva3 [page 209] pāpakaɱ kammaɱ pavedayanti:4 "ayaɱ puriso itthiɱ vā purisaɱ vā jīvitā voropesī"ti.5 Tamenaɱ rājāno gahetvā pāṇātipātahetu hananti vā bandhanti vā pabbājenti vā yathāpaccayaɱ vā karonti. Api nu tumhehi evarūpaɱ diṭṭhaɱ vā sutaɱ vāti? Diṭṭhaɱ ca no bhante sutañca sūyissati cāti. 6

1. Imānettha pañca ṭhānāni simu. Imāni pañcassa ṭhānāni syā 2. Paṭiviratoti machasaɱ. Paṭivirato hoti syā, [PTS 3.] Tameva machasaɱ, tadeva syā
4. Pāpakammaɱ pavedenti machasaɱ, pāpakammaɱ pavedeti syā
5. Voropetīti syā 6. Sūyissati cāti machasaɱ
[BJT Page 340]

Taɱ kiɱ maññatha bhikkhave? Api nu tumhehi, diṭṭhaɱ vā sutaɱ vā: "ayaɱ puriso adinnādānaɱ pahāya adinnādānā paṭivirato1hotī'ti, tamenaɱ rājāno gahetvā adinnādānā veramaṇihetu hananti vā bandhanti vā pabbājenti vā yathāpaccayaɱ vā karontī? Ti no hetaɱ bhante. Sādhu bhikkhave, mayāpi kho etaɱ bhikkhave, neva diṭṭhaɱ na sutaɱ: 'ayaɱ puriso adinnādānaɱ pahāya adinnādānā paṭivirato hotī'ti. Tamenaɱ rājāno gahetvā adinnādānā veramaṇihetu hananti vā bandhanti vā pabbājenti vā yathāpaccayaɱ vā karontī"ti.

Api ca khvāssa tatheva2 pāpakaɱ kammaɱ pavedayanti:3 "ayaɱ puriso gāmā vā araññā vā adinnaɱ theyyasaɱkhātaɱ ādiyī" ti tamenaɱ rājāno gahetvā adinnādānahetu hananti vā khandhanti vā pabbājenti vā yathāpaccayaɱ vā karonti. Api nu tumhehi evarūpaɱ diṭṭhaɱ vā sutaɱ vā?Ti. Diṭṭhaɱ ca no bhante, sutaɱ ca sūyissati cāti.

Taɱ kiɱ maññatha bhikkhave, api nu tumhehi, diṭṭhaɱ vā sutaɱ vā: "ayaɱ puriso kāmesu micchācāraɱ pahāya kāmesu micchācārā paṭivirato hotī'ti tamenaɱ rājāno gahetvā kāmesu micchācārā veramaṇihetu hananti vā bandhanti vā pabbājenti vā yathāpaccayaɱ vā karontī?Ti no hetaɱ bhante. Sādhu bhikkhave, mayāpi kho etaɱ bhikkhave, neva diṭṭhaɱ na sutaɱ: ayaɱ puriso kamesu micchāraɱ pahāya kāmesu micchācārā paṭivirato hotī'ti. Tamenaɱ rājāno gahetvā kāmesu micchācārā veramaṇi hetu [page 210] hananti vā bandhanti vā pabbājenti vā yathāpaccayaɱ vā karontī"ti.

Api ca khvāssa tatheva pāpakaɱ kammaɱ pavedayanti:3 "ayaɱ puriso paritthīsu parakumārīsu cārittaɱ āpajjatī'ti. 4 Tamenaɱ rājāno gahetvā kāmesu micchācārahetu hananti vā khandhanti vā pabbājenti vā yathāpaccayaɱ vā karonti.
Api nu tumhehi evarūpaɱ diṭṭhaɱ vā sutaɱ vā?Ti. Diṭṭhaɱ ca no bhante, sutaɱ ca sūyissati cāti.

Taɱ kiɱ maññatha bhikkhave, api nu tumhehi, diṭṭhaɱ vā sutaɱ vā: "ayaɱ puriso
Musāvādaɱ pahāya musāvādā paṭivirato hotī'ti tamenaɱ rājāno gahetvā musāvādā veramaṇi hetu hananti vā bandhanti vā pabbājenti vā yathāpaccayaɱ vā karontī?Ti no hetaɱ bhante. Sādhu bhikkhave, mayāpi kho etaɱ bhikkhave, neva diṭṭhaɱ na sutaɱ: ayaɱ puriso musāvādaɱ pahāya musāvādā paṭivirato hotī'ti. Tamenaɱ rājāno gahetvā musāvādā veramaṇihetu hananti vā bandhanti vā pabbājenti vā yathāpaccayaɱ vā karontī"ti.
1. Paṭiviratomachasaɱ, paṭivirato hotisyā, [pts]
2. Tamevamachasaɱ, tadevasyā. 3. Pavedentimachasaɱ.
4. Āpajjatisyā, āpajjatītisīmu.

[BJT Page 342]

Api ca khvāssa tatheva1 pāpakaɱ kammaɱ pavedayanti:2 "ayaɱ puriso gahapatissa vā gahapatiputtassa vā musāvādena atthaɱ bhañjī"ti. 3 Tamenaɱ rājāno gahetvā musāvādahetu hananti vā bandhanti vā pabbājenti vā yathāpaccayaɱ vā karonti. Api nu tumhehi evarūpaɱ diṭṭhaɱ vā sutaɱ vā?Ti. Diṭṭhaɱ ca no bhante, sutaɱ ca sūyissati cāti.

Taɱ kiɱ maññatha bhikkhave, api nu tumhehi, diṭṭhaɱ vā sutaɱ vā:"ayaɱ puriso surāmerayamajjapamādaṭṭhānaɱ pahāya surāmerayamajjapamādaṭṭhānā paṭivirato hotī'ti tamenaɱ rājāno gahetvā surāmerayamajjapamādaṭṭhānā veramaṇihetu hananti vā bandhanti vā pabbājenti vā yathāpaccayaɱ vā karontī? Ti no hetaɱ bhante. Sādhu bhikkhave, mayāpi kho etaɱ bhikkhave, neva diṭṭhaɱ na sutaɱ: "ayaɱ puriso surāmerayamajjapamādaṭṭhānaɱ pahāya surāmerayamajjapamādaṭṭhānā [page 211] paṭivirato hotī'ti. Tamenaɱ rājāno gahetvā
Surāmerayamajjapamādaṭṭhānā veramaṇihetu hananti vā bandhanti vā pabbājenti vā yathāpaccayaɱ vā karontī"ti.

Api ca khvāssa tatheva1 pāpakaɱ kammaɱ pavedayanti:2 "ayaɱ puriso surāmerayamajjapamādaṭṭhānaɱ anuyutto itthiɱ vā purisaɱ vā jīvitā voropesi. Ayaɱ puriso surāmerayamajjapamādaṭṭhānaɱ anuyutto gāmā vā araññā vā adinnaɱ theyyasaɱkhātaɱ ādiyī. 4 Ayaɱ puriso surāmerayamajjapamādaṭṭhānaɱ anuyutto paritthīsu parakumārīsu cārittaɱ āpajji. 5 Ayaɱ puriso surāmerayamajjapamādaṭṭhānaɱ anuyutto gahapatissa vā gahapatiputtassa vā musāvādena atthaɱ bhañjī"ti. 3 Tamenaɱ rājāno gahetvā surāmerayamajjapamādaṭṭhānahetu hananti vā bandhanti vā pabbājenti vā yathāpaccayaɱ vā karonti. Api nu tumhehi evarūpaɱ diṭṭhaɱ vā sutaɱ vā?Ti. Diṭṭhaɱ ca no bhante, sutaɱ ca sūyissati cāti.

5. 4. 3. 9
(Gihīsuttaɱ)
(Sāvatthinidānaɱ)
29. Atha kho anāthapiṇḍiko gahapati pañcamattehi upāsakasatehi parivuto yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Atha kho bhagavā āyasmantaɱ sāriputtaɱ āmantesi:

1. Tameva machasaɱ, tadeva syā 2. Pavedenti machasaɱ, 3. Bhañjatīti sīmu, pabhañjīti machasaɱ, [PTS 4.] Ādiyi machasaɱ, 5. Āppajjati sīmu.

[BJT Page 344]
Yaɱ kiñci 1 sāriputta, jāneyyātha gihiɱ odātavasanaɱ pañcasu sikkhāpadesu saɱvutakammantaɱ, catunnañca2 ābhicetasikānaɱ diṭṭhadhamma sukhavihārānaɱ nikāmalābhiɱ akicchalābhiɱ akasiralābhiɱ, so ākaŋkamāno attanāva attānaɱ vyākareyya: "khīṇanirayomhi khīṇatiracchānayoniyo 3 khīṇapettivisayo khīṇāpāyaduggativinipāto sotāpannohamasmi avinipātadhammo niyato sambodhiparāyano" ti.

Katamesu pañcasu sikkhāpadesu saɱvutakammanto hoti?
[page 212]

Idha sāriputta, ariyasāvako pāṇātipātā paṭivirato hoti. Adinnādānā paṭivirato hoti. Kāmesu micchācārā paṭivirato hoti. Musāvādā paṭivirato hoti. Surāmerayamajjapamādaṭṭhānā paṭivirato hoti.

Imesu pañcasu sikkhāpadesu saɱvutakammanto hoti.

Katamesaɱ catunnaɱ ābhicetasikānaɱ diṭṭhadhammasukhavihārānaɱ nikāmalābhī hoti akicchalābhī akasiralābhī?

Idha sāriputta, ariyasāvako buddhe aveccappasādena samannāgato hoti: "itipi so bhagavā arahaɱ sammāsambuddho vijjācaraṇasampanno sugato lokavidū anuttaro purisadammasārathī satthā devamanumassānaɱ buddho bhagavāti"ti. Ayamassa paṭhamo ābhicetasiko diṭṭhadhammasukhavihāro adhigato hoti avisuddhassa cittassa visuddhiyā apariyodātassa cittassa pariyodapanāya.

Puna ca paraɱ sāriputta, ariyasāvako dhamme aveccappasādena samannāgato hoti: " svākkhāto bhagavatā dhammo sandiṭṭhiko akāliko ehipassiko opanayiko paccattaɱ veditabbo viññūhī"ti. Ayamassa dutiyo ābhicetasiko diṭṭhadhammasukhavihāro adhigato hoti avisuddhassa cittassa visuddhiyā apariyodātassa cittassa pariyodapanāya.

Puna ca paraɱ sāriputta, ariyasāvako saŋghe aveccappasādena samannāgato hoti: " supaṭipanno bhagavato sāvakasaŋgho, ujupaṭipanno bhagavato sāvakasaŋgho, ñāyapaṭipanno bhagavato sāvakasaŋgho, sāmīcipaṭipanno bhagavato sāvakasaŋgho, yadidaɱ cattāri purisayugāni aṭṭha purisapuggalā, esa bhagavato sāvakasaŋgho āhuneyyo pāhuneyyo dakkhiṇeyyo añjalikaraṇīyo anuttaraɱ puññakkhettaɱ lokassā" ti. Ayamassa tatiyo ābhicetasiko diṭṭhadhammasukhavihāro adhigato [page 213] hoti avisuddhassa cittassa visuddhiyā apariyodātassa cittassa pariyodapanāya.

Yaɱ kañci machasaɱ, syā 2. Catunnaɱ machasaɱ 3. Khīṇatiracchānayoni machasaɱ

[BJT Page 346]

Puna ca paraɱ sāriputta, ariyasāvako ariyakantehi sīlehi samannāgato hoti akhaṇḍehi acchiddehi asabalehi akammāsehi bhujissehi viññuppasatthehi aparāmaṭṭhehi samādhisaɱvattanikehi. Ayamassa catuttho ābhicetasiko diṭṭhadhammasukhavihāro adhigato hoti avisuddhassa cittassa visuddhiyā apariyodātassa cittassa pariyodapanāya.

Imesaɱ catunnaɱ ābhicetasikānaɱ diṭṭhadhammasukhavihārānaɱ nikāmalābhī akicchalābhī akasiralābhī.

Yaɱ kiñci 1 sāriputta, jāneyyātha gihiɱ odātavasanaɱ pañcasu sikkhāpadesu saɱvutakammantaɱ, imesañca catunnaɱ ābhicetasikānaɱ diṭṭhadhammasukhavihārānaɱ nikamalābhiɱ akicchalābhiɱ akasiralābhiɱ, so ākaŋkhamāno attanāva attānaɱ vyākareyya: khīṇanirayomhi khīṇatiracchānayoniyo 2 khīṇapettivisayo khīṇāpāyaduggativinipāto sotāpannohamasmi avinipātadhammo niyato sambodhiparāyano" ti.

84. Nirayesu bhayaɱ disvā pāpāni parivajjaye,
Ariyadhammaɱ samādāya paṇḍito parivajjaye.

85. Na hiɱse pāṇabhūtāni vijjamāne parakkame,
Musā ca na bhaṇe jānaɱ adinnaɱ na parāmase.

86. Sehi dārehi santuṭṭho paradāraɱ ca nārame3
Merayaɱ vāruṇiɱ jantu na pive cittamohaniɱ.

87. Anussareyya sambuddhaɱ dhammaɱ cānuvitakkaye,
Avyāpajjhaɱ hitaɱ cittaɱ devalokāya bhāvaye.

88. Upaṭṭhite deyyadhamme puññatthassa jigiɱsato, 4
Santesu paṭhamaɱ dinnā vipulā hoti dakkhiṇā.
[page 214]

89. Santo bhave pavakkhāmi, sāriputta, suṇāhi me,
Iti kaṇhāyu setāsu rohiṇīsu harīsu vā.

90. Kammāsāsu sarūpāsu gosu pārevatāsu vā.
Yāsu kāsu ca etāsu danto jāyati puŋgavo.

91. Dhorayho balasampanno kalyāṇajavanikkamo,
Tameva bhāre yuñjanti nāssavaṇṇaɱ parikkhare.

1. Yaɱ kañci machasaɱ 2. Khīṇatiracchānayoni machasaɱ 3. Ārame machasaɱ,
4. Jigīsato machasaɱ.
.
[BJT Page 348]

92. Evameva manussesu yasmiɱ kasmiñci1 jātiye,
Khattiye brāhmaṇe vesse sudde caṇḍālapukkuse.

93. Yāsu kāsu ca2 etāsu danto jāyati subbato,
Dhammaṭṭho sīlasampanno saccavādi hirīmano.

94. Pahīnajātimaraṇo brahmacariyassa kevalī,
Pannabhāro visaɱyutto katakicco anāsavo.

95. Pāragu sabbadhammānaɱ anupādāya nibbuto,
Tasmiɱ ca viraje khette vipulā hoti dakkhiṇā.

96. Bālāva3 avijānantā dummedhā assutāvino,
Bahiddhā denti4 dānāni na hi sante upāsare.

97. Ye ca sante upāsenti5 sappaññe dhīrasammate,
Saddhā ca nesaɱ sugate mūlajātā patiṭṭhitā.

98. Devalokaɱ ca te yanti kule vā idha jāyare,
Anupubbena nibbānaɱ adhigacchanti paṇḍitāti.

5. 4. 3. 10
(Gavesīsuttaɱ)
30. Ekaɱ samayaɱ bhagavā kosalesu cārikaɱ carati mahatā bhikkhusaŋghena saddhiɱ. Addasā kho bhagavā addhānamaggapaṭipanno aññatarasmiɱ padese mahantaɱ sālavanaɱ. Disvā maggā okkamma yena taɱ sālavanaɱ tenupasaŋkami. Upasaŋkamitvā taɱ sālavanaɱ ajjhogahetvā aññatarasmiɱ padese sitaɱ pātvākāsi.

Atha kho āyasmato ānandassa etadahosi: "ko nu kho hetu ko paccayo bhagavato sitassa pātukammāya? Na akāraṇena tathāgatā sitaɱ pātukarontī"ti.
Atha kho āyasmā ānando [page 215] bhagavantaɱ etadavoca: "ko nu kho bhante hetu ko paccayo bhagavato sitassa pātukammāya? Na akāraṇena tathāgatā sitaɱ pātukarontī"ti.
Bhūtapubbaɱ ānanda imasmiɱ padese nagaraɱ ahosi iddhañceva phītañca bahujanaɱ ākiṇṇamanussaɱ. Taɱ kho pana ānanda, nagaraɱ kassapo bhagavā arahaɱ sammāsambuddho upanissāya vihāsi.

Kassapassa kho pana ānanda, bhagavato arahato sammāsambudadhassa gavesī nāma upāsako ahosi sīlesu aparipūrakārī. Gavesinā kho ānanda, upāsakena pañcamattāni upāsakasatāni paṭidesitāni samādapitāni ahesuɱ sīlesu aparipūrakārino.
1. Kismiñci machasaɱ 2. Yāsu kāsuci machasaɱ 3. Bālā ca machasaɱ
4. Dadanti machasaɱ upāsanti machasaɱ.
.
[BJT Page 350]
Atha kho ānanda gavesissa upāsakassa etadahosi: " ahaɱ kho imesaɱ pañcannaɱ upāsakasatānaɱ bahukāro 1pubbaŋgamo samādapetā. Ahañcamhi sīlesu aparipūrakārī. Imāni ca pañca upāsakasatāni sīlesu aparipūrakārino. Iccetaɱ samasamaɱ, natthi kiñci atirekaɱ. Handāhaɱ atirekāyā "ti.

Atha kho ānanda, gavesī upāsako yena tāni pañca upāsakasatāni tenupasaŋkami. Upasaŋkamitvā tāni pañca upasakasatāni etadavoca: " ajjatagge maɱ āyasmanto sīlesu paripūrakāriɱ dhārethā"ti. (1)

Atha kho ānanda, tesaɱ pañcannaɱ upāsakasatānaɱ etadahosi: " ayyo kho gavesī amhākaɱ bahukāro pubbaŋgamo samādapetā, ayyo hi nāma gavesī sīlesu paripūrakārī bhavissati. Kimaŋga2 pana na mayaɱ"ti.

Atha kho ānanda, tāni pañca upāsakasatāni yena gavesī upāsako tenupasaŋkamiɱsu. Upasaŋkamitvā gavesiɱ upāsakaɱ etadavocuɱ: " ajjatagge ayyo gavesī,
Imāni3 pañca upāsakasatāni sīlesu paripūrakārino dhāretu"ti.

Atha kho ānanda, gavesissa upāsakassa etadahosi: " ahaɱ kho imesaɱ pañcannaɱ upāsakasatānaɱ bahukāro pubbaŋgamo samādapetā. Ahañcamhi sīlesu paripūrakāri. Imāni ca 3pañca-upāsakasatāni sīlesu [page 216] paripūrakārino. Iccetaɱ samasamaɱ, natthi kiñci atirekaɱ. Handāhaɱ atirekāyā " ti.

Atha kho ānanda gavesī upāsako yena tāni pañca upāsakasatāni tenupasaŋkami. Upasaŋkamitvā tāni pañca upāsakasatāni etadavoca: " ajjatagge maɱ āyasmanto brahmacāriɱ dhāretha ārācāriɱ 4 virataɱ methunā gāmadhammā"ti. (2)
Atha kho ānanda, tesaɱ pañcannaɱ upāsakasatānaɱ etadahosi: " ayyo kho gavesī amhākaɱ bahukāro pubbaŋgamo samādapetā. Ayyo hi nāma gavesī brahmacāri bhavissati. Ārācāri virato methunā gāmadhammā. Kimaŋga2 pana na mayanti";

Atha kho ānanda, tāni pañca upāsakasatāni yena gavesī
Upāsako tenupasaŋkamisuɱ. Upasaŋkamitvā gavesiɱ upāsakaɱ etadavocuɱ: ajjatagge. Ayyo gavesī
Imāni pañca upāsakasatāni brahmacārino dhāretu ārācārino viratā methunā gāmadhammā"ti.

Atha kho ānanda, gavesissa upāsakassa etadahosi: " ahaɱ kho imesaɱ pañcannaɱ upāsakasatānaɱ bahukāro pubbaŋgamo samādapetā. Ahañcamhi sīlesu paripūrakāri. Imāni ca pañca upāsakasatāni sīlesu paripūrakārino. Ahañcamhi brahmacārī ārācārī virato methunā gāma dhammā. Imāni ca pañca upāsakasatāni brahmacārino ārācārino viratā methunā gāmadhammā. Iccetaɱ samasamaɱ, natthi kiñci atirekaɱ. Handāhaɱ atirekāyā'ti.

1. Bahupakāro machasaɱ, 2. Kimaŋgaɱ machasaɱ 3. Imānipi machasaɱ
4. Anācāriɱ [PTS]

[BJT Page 352]

Atha kho ānanda, gavesī upāsako yena tāni pañca upāsakasatāni tenupasaŋkami. Upasaŋkamitvā tāni pañca upāsakasatāni etadavoca: " ajjatagge maɱ āyasmanto ekabhattikaɱ dhāretha rattuparataɱ virataɱ vikālabhojanā'ti. (3)

Atha kho ānanda, tesaɱ pañcannaɱ upāsakasatānaɱ etadahosi: " ayyo kho gavesī amhākaɱ bahukāro pubbaŋgamo samādapetā. Ayyo hi nāma gavesī ekabhattiko bhavissati rattuparato virato vikālabhojanā. Kimaŋga2 pana na mayaɱ"ti.

Atha kho ānanda, tāni pañca upāsakasatāni yena gavesī
Upāsako tenupasaŋkamiɱsu. Upasaŋkamitvā gavesiɱ upāsakaɱ [page 217] etadavocuɱ: ajjatagge ayyo gavesī imāni pañca upāsakasatāni ekabhattike dhāretu rattuparate virate vikālabhojanā"ti.

Atha kho ānanda, gavesissa upāsakassa etadahosi: " ahaɱ kho imesaɱ pañcannaɱ
Upāsakasatānaɱ bahukāro1pubbaŋgamo samādapetā. Ahañcamhi sīlesu paripūrakārī. Imāni ca pañca upāsakasatāni sīlesu paripūrakārino. Ahañcamhi brahmacārī ārācārī virato methunā gāmadhammā. Imāni ca pañca upāsakasatāni brahmacārino ārācārino viratā methunā gāmadhammā

Ahañcamhi ekabhattiko rattuparato virato vikālabhojanā imāni ca pañca upāsakasatāni ekabhattikā rattuparatā viratā vikālabhojanā. (3) Iccetaɱ samasamaɱ, natthi kiñci atirekaɱ. Handāhaɱ atirekāyā' ti.

Atha kho ānanda, gavesī upāsako yena kassapo bhagavā arahaɱ sammāsambuddho tenupasaŋkami.
Upasaŋkamitvā kassapaɱ bhagavantaɱ arahantaɱ sammāsambuddhaɱ etadavoca: "labheyyāhaɱ bhante, bhagavato, santike pabbajjaɱ. Labheyyaɱ upasampadaɱ "ti.
Alattha kho ānanda, gavesī upāsako kassapassa bhagavato arahato sammāsambuddhassa santike pabbajjaɱ (4) alattha upasampadaɱ. (5)

Acirūpasampanno kho pana ānanda, gavesī bhikkhū eko vūpakaṭṭho appamatto ātāpī pahitatto viharanto na cirasseva yassatthāya kulaputtā sammadeva agārasmā anagāriyaɱ pabbajanti. Tadanuttaraɱ brahmacariyapariyosānaɱ diṭṭheva dhamme sayaɱ abhiññā sacchikatvā upasampajja vihāsi. " Khīṇājāti, vusitaɱ brahmacariyaɱ, kataɱ karaṇīyaɱ, nāparaɱ itthattāyā" ti. Abbhaññāsi. Aññataro ca pana ānanda, gavesī bhikkhu arahataɱ ahosi.

Bahūpakāro machasaɱ 2. Kimaŋgaɱ machasaɱ.
.
[BJT Page 354]
Atha kho ānanda, tesaɱ pañcannaɱ upāsakasatānaɱ etadahosi: " ayyo kho gavesī amhākaɱ bahukāro pubbaŋgamo samādapetā. Ayyo hi nāma gavesī kesamassuɱ ohāretvā kāsāyāni vatthāni acchādetvā agārasmā anagāriyaɱ pabbajissati. Kimaŋga pana 1 na mayaɱ" ti.
Atha kho ānanda, tāni pañca upāsakasatāni yena kassapo bhagavā arahaɱ sammāsambuddho [page 218] tenupasaŋkamiɱsu. Upasaŋkamitvā kassapaɱ bhagavantaɱ arahantaɱ
Sammāsambuddhaɱ etadavocuɱ"labheyyāma mayaɱ bhante, bhagavato santike pabbajjaɱ, labheyyāma upasampadaɱ" ti. Alabhiɱsu kho ānanda, tāni pañca upāsakasatāni kassapassa bhagavato arahato sammāsambuddhassa santike pabbajjaɱ, alabhiɱsu upasampadaɱ.
Atha kho ānanda gavesissa bhikkhuno etadahosi: " ahaɱ kho imassa anuttarassa vimuttisukhassa nikāmalābhī 2 akicchalābhī akasiralābhī. Aho vatimānipi pañca bhikkhusatāni imassa anuttarassa vimuttisukhassa nikāmalābhino assu akicchalābhino akasiralābhino'ti.
Atha kho ānanda, tāni pañca bhikkhusatāni vūpakaṭṭhā appamattā ātāpino pahitattā viharantā nacirasseva, yassatthāya kulaputtā sammadeva agārasmā anagāriyaɱ pabbajanti, tadanuttaraɱ brahmacariya pariyosānaɱ diṭṭheva dhamme sayaɱ abhiññā sacchikatvā upasampajja vihariɱsu. " Khiṇā jāti, vusitaɱ brahmacariyaɱ, kataɱ karaṇīyaɱ, nāparaɱ itthattāyā"ti abhaññiɱsu.

Iti kho ānanda, tāni pañca bhikkhusatāni gavesīpamukhāni uttaruttariɱ 3 paṇītapaṇītaɱ vāyamamānā anuttaraɱ vimuttisukhaɱsacchākaɱsu.

Tasmātiha ānanda, evaɱ sikkhitabbaɱ: 'uttaruttariɱ paṇītapaṇītaɱ vāyamamānā anuttaraɱ vimuttisukhaɱ 4 sacchikarissāmā'ti. Evaɱ hi vo ānanda, sikkhitabbanti.

Upāsakavaggo tatiyo
[page 219]

Tassuddānaɱ:
Sārajjaɱ visārado nirayaɱ veraɱ caṇaḍālapañcamaɱ,
Pītivaṇijjā rājāno gihī ceva gavesināti.

1. Kimaŋga machasaɱ 2. Nikāmalābhī homi machasaɱ
3. Uttaruttari machasaɱ 4. Vimuttiɱ machasaɱ
[BJT Page 356]
4. Āraññakavaggo
5. 4. 4. 1
(Āraññaka suttaɱ)
31. Pañcime bhikkhave āraññakā. Katame pañca:
Mandattā momuhattā āraññako hoti. Pāpiccho icchāpakato āraññako1 hoti. Ummādā cittakkhepā āraññako hoti. Vaṇṇitaɱ buddhehi buddhasāvakehiti araññako hoti. Appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva2 nissāya āraññako hoti. Ime kho bhikkhave pañca āraññakā.

Imesaɱ kho bhikkhave pañcannaɱ āraññakānaɱ yvāyaɱ āraññako appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya, āraññako hoti, ayaɱ imesaɱ pañcannaɱ, āraññakānaɱ aggo ca seṭṭho ca mokkho ca uttamo ca pavaro ca.

Seyyathāpi bhikkhave, gavā khīraɱ, khīramhā dadhi, dadhimhā navanītaɱ, navanitamhā sappi, sappimhā sappimaṇḍo tattha aggamakkhāyati; evameva kho bhikkhave imesaɱ pañcannaɱ āraññakānaɱ yvāyaɱ āraññako appicchataɱ yeva nissāya, santuṭṭhiɱ yeva nissāya sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya āraññako hoti, ayaɱ imesaɱ pañcannaɱ āraññakānaɱ aggo ca seṭṭho ca mokkho ca uttamo ca pavaro cāti.

5. 4. 4. 2
(Paɱsukūlika suttaɱ)
(Sāvatthinidānaɱ)
32. Pañcime bhikkhave paɱsukulikā katame pañca:
Mandattā momuhattā paɱsukūliko hoti. Pāpiccho icchāpakato paɱsukūliko hoti. Ummādā cittakkhepā paɱsukūliko hoti. Vaṇṇitaɱ buddhehi buddhasāvakehiti paɱsukūliko hoti. Appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva2 nissāya paɱsukūliko hoti. Ime kho bhikkhave pañca paɱsukūlikā.

Imesaɱ kho bhikkhave pañcannaɱ paɱsukūlikānaɱ yvāyaɱ paɱsukūliko appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya, paɱsukūliko hoti, ayaɱ imesaɱ pañcannaɱ, paɱsukūlikānaɱ aggo ca seṭṭho ca mokkho ca uttamo ca pavaro ca.

Seyyathāpi bhikkhave, gavā khīraɱ, khīramhā dadhi, dadhimhā navanītaɱ, navanītamhā sappi, sappimhā sappimaṇḍo tattha aggamakkhāyati, evameva kho bhikkhave imesaɱ pañcannaɱ paɱsukūlikānaɱ yvāyaɱ paɱsakūliko appicchataɱ yeva nissāya, santuṭṭhiɱ yeva nissāya sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya paɱsukūliko hoti, ayaɱ imesaɱ pañcannaɱ paɱsukūlikānaɱ aggo ca seṭṭho ca mokkho ca uttamo ca pavaro cāti.
[page 220]

5. 4. 4. 3
(Piṇḍapātika suttaɱ)
(Sāvatthinidānaɱ)

33. Pañcime bhikkhave piṇḍapātikā katame pañca:

Mandattā momuhattā piṇḍapātiko hoti. Pāpiccho icchāpakato piṇḍapātiko hoti. Ummādā cittakkhepā piṇḍapātiko hoti. Vaṇṇitaɱ buddhehi buddhasāvakehiti piṇḍapātiko hoti. Appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva2 nissāya piṇḍapātiko hoti. Ime kho bhikkhave pañca piṇḍapātikā.

Imesaɱ kho bhikkhave pañcannaɱ piṇḍapātikānaɱ yvāyaɱ piṇḍapātiko appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya, piṇḍapātiko hoti, ayaɱ imesaɱ pañcannaɱ, piṇḍapātikānaɱ aggo ca seṭṭho ca mokkho ca uttamo ca pavaro ca.

Seyyathāpi bhikkhave, gavā khīraɱ, khīramhā dadhi, dadhimhā navanītaɱ, navanītamhā sappi, sappimhā sappimaṇḍo tattha aggamakkhāyati, evameva kho bhikkhave imesaɱ pañcannaɱ piṇḍapātikānaɱ yvāyaɱ piṇḍapātiko appicchataɱ yeva nissāya, santuṭṭhiɱ yeva nissāya sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya piṇḍapātiko hoti, ayaɱ imesaɱ pañcannaɱ piṇḍapātikānaɱ aggo ca seṭṭho ca mokkho ca uttamo ca pavaro cāti.

5. 4. 4. 4
(Rukkhamūlika suttaɱ)
(Sāvatthinidānaɱ)
34. Pañcime bhikkhave rukkhamūlikā katame pañca:
Mandattā momuhattā rukkhamūliko hoti. Pāpiccho icchāpakato rukkhamūliko hoti. Ummādā cittakkhepā rukkhamūliko hoti. Vaṇṇitaɱ buddhehi buddhasāvakehiti rukkhamūliko hoti. Appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva2 nissāya rukkhamūliko hoti. Ime kho bhikkhave pañca rukkhamūlikā.

Imesaɱ kho bhikkhave pañcannaɱ rukkhamūlikānaɱ yvāyaɱ rukkhamūliko appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya, rukkhamūliko hoti, ayaɱ imesaɱ pañcannaɱ, rukkhamūlikānaɱ aggo ca seṭṭho ca mokkho ca uttamo ca pavaro ca.

Seyyathāpi bhikkhave, gavā khīraɱ, khīramhā dadhi, dadhimhā navanītaɱ, navanītamhā sappi, sappimhā sappimaṇḍo tattha aggamakkhāyati, evameva kho bhikkhave imesaɱ pañcannaɱ rukkhamūlikānaɱ yvāyaɱ rukkhamūliko appicchataɱ yeva nissāya, santuṭṭhiɱ yeva nissāya sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya rukkhamūliko hoti, ayaɱ imesaɱ pañcannaɱ rukkhamūlikānaɱ aggo ca seṭṭho ca mokkho ca uttamo ca pavaro cāti.

1. Āraññikā machasaɱ 2. Idamatthitaɱeva machasaɱ

[BJT Page 358]

5. 4. 4. 5
(Sosānika suttaɱ)
(Sāvatthinidānaɱ)
35. Pañcime bhikkhave sosānikā katame pañca:
Mandattā momuhattā sosāniko hoti. Pāpiccho icchāpakato sosāniko hoti. Ummādā cittakkhepā sosāniko hoti. Vaṇṇitaɱ buddhehi buddhasāvakehiti sosāniko hoti. Appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya sosāniko hoti. Ime kho bhikkhave pañca sosānikā.

Imesaɱ kho bhikkhave pañcannaɱ sosānikānaɱ yvāyaɱ sosāniko appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya, sosāniko hoti, ayaɱ imesaɱ pañcannaɱ, sosānikānaɱ aggo ca seṭṭho ca mokkho ca uttamo ca pavaro ca.

Seyyathāpi bhikkhave, gavā khīraɱ, khīramhā dadhi, dadhimhā navanītaɱ, navanītamhā sappi, sappimhā sappimaṇḍo tattha aggamakkhāyati, evameva kho bhikkhave imesaɱ pañcannaɱ sosānikānaɱ yvāyaɱ sosāniko appicchataɱ yeva nissāya, santuṭṭhiɱ yeva nissāya sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya sosāniko hoti, ayaɱ imesaɱ pañcannaɱ sosānikānaɱ aggo ca seṭṭho ca mokkho ca uttamo ca pavaro cāti.

5. 4. 4. 6
(Abbhokāsika suttaɱ)
(Sāvatthinidānaɱ)
36. Pañcime bhikkhave abbhokāsikā katame pañca:
Mandattā momuhattā abbhokāsiko hoti. Pāpiccho icchāpakato abbhokāsiko hoti. Ummādā cittakkhepā abbhokāsiko hoti. Vaṇṇitaɱ buddhehi buddhasāvakehiti abbhokāsiko hoti. Appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya abbhokāsiko hoti. Ime kho bhikkhave pañca abbhokāsikā.

Imesaɱ kho bhikkhave pañcannaɱ abbhokāsikānaɱ yvāyaɱ abbhokāsiko appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya, abbhokāsiko hoti, ayaɱ imesaɱ pañcannaɱ, abbhokāsikānaɱ aggo ca seṭṭho ca mokkho ca uttamo ca pavaro ca.

Seyyathāpi bhikkhave, gavā khīraɱ, khīramhā dadhi, dadhimhā navanītaɱ, navanītamhā sappi, sappimhā sappimaṇḍo tattha aggamakkhāyati, evameva kho bhikkhave imesaɱ pañcannaɱ abbhokāsikānaɱ yvāyaɱ abbhokāsiko appicchataɱ yeva nissāya, santuṭṭhiɱ yeva nissāya sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya abbhokāsiko hoti, ayaɱ imesaɱ pañcannaɱ abbhokāsikānaɱ aggo ca seṭṭho ca mokkho ca
Uttamo ca pavaro cāti.

5. 4. 4. 7
(Nesajjika suttaɱ)
(Sāvatthinidānaɱ)
37. Pañcime bhikkhave nesajjikā katame pañca:
Mandattā momuhattā nesajjiko hoti. Pāpiccho icchāpakato nesajjiko hoti. Ummādā cittakkhepā nesajjiko hoti. Vaṇṇitaɱ buddhehi buddhasāvakehiti nesajjiko hoti. Appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya nesajjiko hoti. Ime kho bhikkhave pañca nesajjikā.

Imesaɱ kho bhikkhave pañcannaɱ nesajjikānaɱ yvāyaɱ nesajjiko appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya, nesajjiko hoti, ayaɱ imesaɱ pañcannaɱ, nesajjikānaɱ aggo ca seṭṭho ca mokkho ca uttamo ca pavaro ca.

Seyyathāpi bhikkhave, gavā khīraɱ, khīramhā dadhi, dadhimhā navanītaɱ, navanitamhā sappi, sappimhā sappimaṇḍo tattha aggamakkhāyati, evameva kho bhikkhave imesaɱ pañcannaɱ nesajjikānaɱ yvāyaɱ nesajjiko appicchataɱ yeva nissāya, santuṭṭhiɱ yeva nissāya sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya nesajjiko hoti, ayaɱ imesaɱ pañcannaɱ nesajjikānaɱ aggo ca seṭṭho ca mokkho ca uttamo ca pavaro cāti.

5. 4. 4. 8
(Yathāsanthatika suttaɱ)
(Sāvatthinidānaɱ)
38. Pañcime bhikkhave yathāsanthatikā katame pañca:
Mandattā momuhattā yathāsanthatiko hoti. Pāpiccho icchāpakato yathāsanthatiko hoti. Ummādā cittakkhepā yathāsanthatiko hoti. Vaṇṇitaɱ buddhehi buddhasāvakehiti yathāsanthatiko hoti. Appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya yathāsanthatiko hoti. Ime kho bhikkhave pañca yathāsanthatikā.

Imesaɱ kho bhikkhave pañcannaɱ yathāsanthatikānaɱ yvāyaɱ yathāsanthatiko appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya, yathāsanthatiko hoti, ayaɱ imesaɱ pañcannaɱ, yathāsanthatikānaɱ aggo ca seṭṭho ca mokkho ca uttamo ca pavaro ca.

Seyyathāpi bhikkhave, gavā khīraɱ, khīramhā dadhi, dadhimhā navanītaɱ, navanītamhā sappi, sappimhā sappimaṇḍo tattha aggamakkhāyati, evameva kho bhikkhave imesaɱ pañcannaɱ yathāsanthatikānaɱ yvāyaɱ yathāsanthatiko appicchataɱ yeva nissāya, santuṭṭhiɱ yeva nissāya sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya yathāsanthatiko hoti, ayaɱ imesaɱ pañcannaɱ yathāsanthatikānaɱ aggo ca seṭṭho ca mokkho ca uttamo ca pavaro cāti.

5. 4. 4. 9
(Ekāsanika suttaɱ)
(Sāvatthinidānaɱ)
39. Pañcime bhikkhave ekāsanikā katame pañca:
Mandattā momuhattā ekāsaniko hoti. Pāpiccho icchāpakato ekāsaniko hoti. Ummādā cittakkhepā ekāsaniko hoti. Vaṇṇitaɱ buddhehi
Buddhasāvakehiti ekāsaniko hoti. Appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya ekāsaniko hoti. Ime kho bhikkhave pañca ekāsanikā.

Imesaɱ kho bhikkhave pañcannaɱ ekāsanikānaɱ yvāyaɱ ekāsaniko appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya, ekāsaniko hoti, ayaɱ imesaɱ pañcannaɱ, ekāsanikānaɱ aggo ca seṭṭho ca mokkho ca uttamo ca pavaro ca.

Seyyathāpi bhikkhave, gavā khīraɱ, khīramhā dadhi, dadhimhā navanītaɱ, navanītamhā sappi, sappimhā sappimaṇḍo tattha aggamakkhāyati, evameva kho bhikkhave imesaɱ pañcannaɱ ekāsanikānaɱ yvāyaɱ ekāsaniko appicchataɱ yeva nissāya, santuṭṭhiɱ yeva nissāya sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya ekāsaniko hoti, ayaɱ imesaɱ pañcannaɱ ekāsanikānaɱ aggo ca seṭṭho ca mokkho ca uttamo ca pavaro cāti.

5. 4. 4. 10
(Khalupacchābhattika suttaɱ)
(Sāvatthinidānaɱ)
40. Pañcime bhikkhave khalupacchābhattikā katame pañca:
Mandattā momuhattā khalupacchābhattiko hoti. Pāpiccho icchāpakato khalupacchābhattiko hoti. Ummādā cittakkhepā khalupacchābhattiko hoti. Vaṇṇitaɱ buddhehi buddhasāvakehiti khalupacchābhattiko hoti. Appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya khalupacchābhattiko hoti. Ime kho bhikkhave pañca khalupacchābhattikā.
Imesaɱ kho bhikkhave pañcannaɱ khalupacchābhattikānaɱ yvāyaɱ khalupacchābhattiko appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya, khalupacchābhattiko hoti, ayaɱ
Imesaɱ pañcannaɱ, khalupacchābhattikānaɱ aggo ca seṭṭho ca mokkho ca uttamo ca pavaro ca.

Seyyathāpi bhikkhave, gavā khīraɱ, khīramhā dadhi, dadhimhā navanītaɱ, navanītamhā sappi, sappimhā sappimaṇḍo tattha aggamakkhāyati, evameva kho bhikkhave imesaɱ pañcannaɱ khalupacchābhattikānaɱ yvāyaɱ khalupacchābhattiko appicchataɱ yeva nissāya, santuṭṭhiɱ yeva nissāya sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya khalupacchābhattiko hoti, ayaɱ imesaɱ pañcannaɱ khalupacchābhattikānaɱ aggo ca seṭṭho ca mokkho ca uttamo ca pavaro cāti.

[BJT Page 360]
5. 4. 4. 11
(Pattapiṇḍika suttaɱ)
(Sāvatthinidānaɱ)
41. Pañcime bhikkhave pattapiṇḍikā. Katame pañca:

Mandattā momuhattā pattapiṇḍiko hoti. Pāpiccho icchāpakato pattapiṇḍiko hoti. Ummādā cittakkhepā pattapiṇḍiko hoti. Vaṇṇitaɱ buddhehi buddhasāvakehiti pattapiṇḍiko hoti. Appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva1 nissāya, pattapiṇḍiko hoti. Ime kho bhikkhave pañca pattapiṇḍikā.

Imesaɱ kho bhikkhave pañcannaɱ pattapiṇḍikānaɱ yvāyaɱ pattapiṇḍiko appicchataɱ yeva nissāya, santuṭṭhiɱ yeva nissāya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya, pattapiṇḍiko hoti. Ayaɱ imesaɱ pañcannaɱ pattapiṇḍikānaɱ aggo ca seṭṭho ca mokkho ca uttamo ca pavaro ca.

Seyyāthāpi bhikkhave gavā khīraɱ khīramhā dadhi, dadhimhā navanītaɱ, navanītamhā sappi, sappimhā sappimaṇḍo tattha aggamakkhāyati, evameva kho bhikkhave imesaɱ pañcannaɱ pattapiṇḍikānaɱ yvāyaɱ pattapiṇḍiko [page 221] appicchataɱ yeva nissāya, santuṭṭhiɱ yeva nissāyaya, sallekhaɱ yeva nissāya, pavivekaɱ yeva nissāya, idamaṭṭhitaɱ yeva nissāya pattapiṇḍiko hoti, ayaɱ imesaɱ pañcannaɱ pattapiṇḍikānaɱ aggo ca seṭṭho ca mokkho ca uttamo ca pavaro cāti.

Āraññakavaggo catuttho

Tassuddānaɱ:
Āraññaɱ paɱsupiṇḍaɱ ca rukkhasusānena abbhokāsikaɱ
Nesajjaɱ santhataɱ ekāsanikaɱ khalupacchāpiṇḍikena cāti. 2

1. Idamatthitaɱ yeva machasaɱ.
2. Araññaɱ civaraɱ rukkha susānaɱ abbhokāsikaɱ
Nesajjaɱ satthataɱ ekāsanikaɱ khalupacchāpiṇḍikena cāti machasaɱ.

[BJT Page 362]
5. Soṇavaggo
5. 4. 5. 1
(Soṇa suttaɱ)
(Sāvatthinidānaɱ)
42. Pañcime bhikkhave porāṇā brāhmaṇadhammā etarahi sunakhesu sandissanti no brāhmaṇesu. Katame pañca:

Pubbe sudaɱ bhikkhave brāhmaṇā brāhmaṇiɱ yeva gacchanti, 1no abrāhmaṇiɱ. Etarahi bhikkhave brāhmaṇā brāhmaṇimpi gacchanti. Abrāhmaṇimpi gacchanti. Etarahi bhikkhave sunakhā sunakhiɱ yeva gacchanti, no asunakhiɱ. Ayaɱ bhikkhave paṭhamo porāṇo brāhmaṇadhammo etarahi sunakhesu sandissati, no brāhmaṇesu.

Pubbe sudaɱ bhikkhave brāhmaṇā brāhmaṇiɱ utuniɱ yeva gacchanti, no anutuniɱ. Etarahi bhikkhave [page 222] brāhmaṇā brāhmaṇiɱ utunimpi gacchanti, anutunimpi gacchanti, etarahi bhikkhave sunakhā sunakhiɱ utuniɱ yeva gacchanti, no anutuniɱ. Ayaɱ bhikkhave dutiyo porāṇo brahmaṇa dhammo etarahi sunakhesu sandissati, no brāhmaṇesu.

Pubbe sudaɱ bhikkhave brāhmaṇā brahmaṇiɱ neva kiṇanti, 2 no vikkiṇanti. 3Sampiyeneva saɱvāsaɱ saɱsaggatthāya4sampavattenti. Etarahi bhikkhave brāhmaṇā brāhmaṇiɱ kiṇantipi, vikkiṇantipi. Sampiyenapi saɱvāsaɱ saɱsaggatthāya
Sampavattenti. Asampiyenapi saɱvāsaɱ saɱsaggatthāya sampavattenti. Etarahi bhikkhave sunakhā sunakhiɱ neva kiṇanti, no vikkiṇanti. Sampiyeneva saɱvāsaɱ saɱsaggatthāya sampavattenti. Ayaɱ bhikkhave tatiyo porāṇo brāhmaṇadhammo etarahi sunakhesu sandissati, no brāhmaṇesu.

Pubbe sudaɱ bhikkhave brāhmaṇā sannidhiɱ na karonti dhanassapi dhaññassapi rajatassapi jātarūpassapi. Etarahi bhikkhave brāhmaṇā sannidhiɱ karonti dhanassapi dhaññassapi rajatassapi jātarūpassapi. Etarahi bhikkhave sunakhā sannidhiɱ na karonti dhanassapi dhaññassapi rajatassapi jātarūpassapi. Ayaɱ bhikkhave catuttho porāṇo brāhmaṇadhammo etarahi sunakhesu sandissati, no brāhmaṇesu.

Pubbe sudaɱ bhikkhave brāhmaṇā sāyaɱ sāyamāsāya, pāto pātarāsāya bhikkhaɱ pariyesanti. Etarahi bhikkhave brāhmaṇā yāvadatthaɱ udarāvadehakaɱ 5 bhuñjitvā avasesaɱ ādāya pakkamanti. Etarahi bhikkhave sunakhā sāyaɱ sāyamāsāya, pāto pātarāsāya bhikkhaɱ pariyesanti. Ayaɱ bhikkhave pañcamo porāṇo brāhmaṇadhammo etarahi sunakhesu sandissanti, no brāhmaṇesu.

Ime kho bhikkhave pañca porāṇā brāhmaṇadhammā etarahi sunakhesu sandissanti, no brāhmaṇesūti.

1. Brāhmaṇiɱ gacchanti syā 2. Kīṇanti syā 3. Vikkīṇanti syā
4. Saɱbandhāya machasaɱ, syā 5. Udarāvadehaɱ machasaɱ

[BJT Page 364]
[page 223]

5. 4. 5. 2
(Doṇa suttaɱ)
(Sāvatthinidānaɱ)
43. Atha kho doṇo brāhmaṇo yena bhagavā tenupasaŋkami. Upasaŋkamitvā bhagavatā saddhiɱ sammodi. Sammodanīyaɱ kathaɱ sārāṇīyaɱ vītisāretvā ekamantaɱ nisīdi. Ekamantaɱ nisinno kho doṇo brāhmaṇo bhagavantaɱ etadavoca:

Sutaɱ metaɱ bho gotama: " na samaṇo gotamo brāhmaṇe jiṇṇe vuddhe mahallake addhagate vayo anuppatte abhivādeti vā paccuṭṭheti vā āsanena vā nimanteti"ti. Tayidaɱ bho gotama tatheva, na hi bhavaɱ gotamo brāhmaṇe jiṇṇe vuddhe mahallake addhagate vayo anuppatte abhivādeti vā paccuṭṭheti vā āsanena vā nimantetīti. Tayidaɱ bho gotama na sampannamevāti.

(Bhagavā:)
"Tvampi no doṇa, brāhmaṇo1 paṭijānāsī?"Ti.

Yaɱ hi taɱ bho gotama sammā vadamāno vadeyya: "brāhmaṇo ubhato sujāto mātito ca pitito ca, saɱsuddhagahaṇiko yāva sattamā pitāmahayugā, akkhitto anupakkuṭṭho jātivādena, ajjhāyako mantadharo, tiṇṇaɱ vedānaɱ pāragu sanighaṇḍukeṭubhānaɱ sākkharappabhedānaɱ itihāsapañcamānaɱ, padako veyyākaraṇo, lokāyatamahāpurisalakkhaṇesu anavayo"ti mameva taɱ bho gotama sammā vadamāno vadeyya.

Ahaɱ hi bho gotama brāhmaṇo ubhato sujāto mātito ca pitito ca, saɱsuddhagahaṇiko yāva sattamā pitāmahayugā, akkhitto anupakkuṭṭho jātivādena. Ajjhāyako mantadharo, tiṇṇaɱ vedānaɱ pāragu sanighaṇḍukeṭubhānaɱ sākkharappabhedānaɱ itihāsapañcamānaɱ, padako veyyākaraṇo, lokāyata mahāpurisalakkhaṇesu anavayoti.
1. Brāhmaṇo'ti sīmu

[BJT Page 366]
Ye kho te doṇa, brāhmaṇānaɱ pubbakā [page 224] isayo mantānaɱ kattāro mantānaɱ pavattāro, yesañcidaɱ etarahi brāhmaṇā porāṇaɱ mantapadaɱ gītaɱ pavuttaɱ samīhitaɱ tadanugāyanti, tadanubhāsanti, bhāsitamanubhāsanti, sajjhāyitamanusajjhāyanti, * vācitamanuvācenti, seyyathīdaɱ: aṭṭako vāmako vāmadevo vessāmitto yamataggi aŋgīraso bhāradvājo vāseṭṭho kassapo bhagu. Tyāssume pañca brāhmaṇe paññāpenti: brahmasamaɱ, devasamaɱ, mariyādaɱ, sambhinnamariyādaɱ, brāhmaṇacaṇḍālaɱ yeva pañcamaɱ. Tesaɱ tvaɱ doṇa katamo?Ti.

Na kho mayaɱ bho gotama, ime pañca brāhmaṇe jānāma. Atha kho mayaɱ brāhmaṇātveva jānāma. Sādhu me bhavaɱ gotamo tathā dhammaɱ desetu yathā ahaɱ ime pañca brāhmaṇe jāneyyanti.

Tena hi brāhmaṇa suṇohi, sādhukaɱ manasikarohi, bhāsissāmīti. Evaɱ bhoti kho doṇo brāhmaṇo bhagavato paccassosi. Bhagavā etadavoca:

Kathañca doṇa, brāhmaṇo brahmasamo hoti?

Idha doṇa brāhmaṇo ubhato sujāto hoti mātito ca pitito ca, saɱsuddhagahaṇiko yāva sattamā pitāmahayugā, akkhitto anupakkuṭṭho jātivādena. So aṭṭhacattāḷīsa vassāni komārabrahmacariyaɱ carati mante adhīyamāno aṭṭhacattāḷīsa vassāni komārabrahmacariyaɱ caritvā mante adhīyitvā ācariyassa ācariyadhanaɱ pariyesati dhammeneva, no adhammena. Tattha ca doṇa ko dhammo? [page 225] neva kasiyā, na vaṇijjāya, na gorakkhena, na issatthena na rājaporisena na sippaññatarena, kevalaɱ bhikkhācariyāya kapālaɱ anatimaññamāno. So ācariyassa ācariya dhanaɱ niyyādetvā kesamassuɱ ohāretvā kāsāyāni vatthāni acchādetvā agārasmā anagāriyaɱ pabbajati. So evaɱ pabbajito samāno mettāsahagatena cetasā ekaɱ disaɱ pharitvā viharati. Tathā dutiyaɱ tathā tatiyaɱ tathā catutthiɱ iti uddhamadho tiriyaɱ sabbadhī sabbattatāya 1 sabbāvantaɱ lokaɱ mettāsahagatena cetasā vipulena mahaggatena appamāṇena averena avyāpajjhena pharitvā viharati. Karuṇā sahagatena cetasā ekaɱ disaɱ pharitvā viharati. Tathā dutiyaɱ tathā tatiyaɱ tathā catutthiɱ iti uddhamadho tiriyaɱ sabbadhi sabbattatāya sabbāvantaɱ lokaɱ karuṇāsahagatena cetasā vipulena mahaggatena appamāṇena averena avyāpajjhena pharitvā viharati. Muditā sahagatena cetasā ekaɱ disaɱ pharitvā viharati. Tathā dutiyaɱ tathā tatiyaɱ tathā catutthiɱ iti uddhamadho tiriyaɱ sabbadhi sabbattatāya sabbāvantaɱ lokaɱ muditāsahagatena cetasā vipulena mahaggatena appamaṇena averena avyāpajjhena pharitvā viharati. Upekkhāsahagatena cetasā ekaɱ disaɱ pharitvā viharati. Tathā dutiyaɱ tathā tatiyaɱ tathā catutthiɱ iti uddhamadho tiriyaɱ sabbadhī sabbattatāya 1sabbāvantaɱ lokaɱ upakkhāsahagatena cetasā vipulena mahaggatena appamāṇena averena avyāpajjhena pharitvā viharati. So ime cattāro brahmavihāre bhāvetvā kāyassa bhedā parammaraṇā sugatiɱ brahmalokaɱ uppajjati.

Evaɱ kho doṇa brāhmaṇo brahmasamo hoti.

1. Sabbatthatāya sīmu
* 'Sajjhāyitamanusajjhāyanti" ayaɱ pāṭho dīghanikāye na dissate.
[BJT Page 368]
Katañca doṇa brāhmaṇo devasamo hoti?

Idha doṇa brāhmaṇo ubhato sujāto hoti mātito ca pitito ca, saɱsuddhagahaṇiko yāva sattamā pitāmahayugā, akkhitto anupakkuṭṭho jātivādena. So aṭṭhacattāḷīsa vassāni komāraɱ brahmacariyaɱ carati mante adhīyamāno. Aṭṭhacattāḷīsa vassāni komārabrahmacariyaɱ caritvā mante adhīyitvā ācariyassa ācariyadhanaɱ pariyesati dhammeneva no adhammena. Tattha ca doṇa ko dhammo? Neva kasiyā, na vaṇijjāya, na gorakkhena, na issatthena, na rājaporisena, na sippaññatarena, kevalaɱ bhikkhācariyāya [page 226] kapālaɱ anatimaññamāno. So ācariyassa ācariyadhanaɱ nīyādetvā dāraɱ pariyesati dhammeneva no adhammena. Tattha ca doṇa ko dhammo? Neva kayena, na vikkayena, brāhmaṇiɱ yeva udakūpassaṭṭhaɱ. So brāhmaṇiɱ yeva gacchati. Na khattiyiɱ. Na vessiɱ, na suddiɱ, na caṇḍāliɱ, na nesādiɱ, na veṇiɱ, , na rathakāriɱ, na pukkusiɱ gacchati. Na gabbhiniɱ gacchati, na pāyamānaɱ gacchati, na anutuniɱ gacchati. Kasmā ca doṇa brāhmaṇo na gabbhiniɱ gacchati: sace doṇa brāhmaṇo gabhiniɱ gacchati, atimīḷhajo nāma so hoti māṇavako vā māṇavikā vā. Tasmā doṇa brāhmaṇo na gabbhiniɱ gacchati. Kasmā ca doṇa brāhmaṇo na pāyamānaɱ gacchati: sace doṇa brāhmaṇo pāyamānaɱ gacchati, asuci paṭipīto nāma so hoti māṇavako vā māṇavikā vā. Tasmā doṇa brāhmaṇo na pāyamānaɱ gacchati. Kasmā ca doṇa brāhmaṇo na anutuniɱ gacchati: sace doṇa brāhmaṇo anutuniɱ gacchati tassa sā hoti brāhmaṇī neva kāmatthā na davatthā na ratatthā, pajatthāva brāhmaṇassa brāhmaṇī hoti. So mithunaɱ 1 uppādetvā kesamassuɱ ohāretvā kāsāyāni vatthāni acchādetvā agārasmā anagāriyaɱ pabbajati. So evaɱ pabbajito samāno vivicceva kāmehi vivicca akusalehi dhammehi savitakkaɱ savicāraɱ vivekajaɱ pītisukhaɱ paṭhamaɱ jhānaɱ upasampajja viharati. So ime cattāro jhāne bhāvetvā kāyassa [page 227] bhedā parammaraṇā sugatiɱ saggaɱ lokaɱ uppajjati.

Evaɱ kho doṇa brāhmaṇo devasamo hoti.

1. Methunaɱ machasaɱ

[BJT Page 370]
Kathañca doṇa, brāhmaṇo mariyādo hoti?

Idha doṇa brāhmaṇo ubhato sujāto hoti mātito ca pitito ca, saɱsuddhagahaṇiko yāva sattamā pitāmahayugā, akkhitto anupakkuṭṭho jātivādena. So aṭṭhacattāḷīsavassāni komāraɱ brahmacariyaɱ carati mante adhīyamāno. Aṭṭhacattāḷīsa vassāni komāraɱ brahmacariyaɱ caritvā mante adhīyitvā ācariyassa ācariyadhanaɱ pariyesati dhammeneva no adhammena. Tattha ca doṇa ko dhammo? Neva kasiyā, na vaṇijjāya, na gorakkhena, na issatthena, na rājaporisena, na sippaññatarena, kevalaɱ bhikkhācariyāya kapālaɱ anatimaññamāno. So ācariyassa ācariyadhanaɱ nīyādetvā dāraɱ pariyesati dhammeneva no adhammena tattha ca doṇa ko dhammo? Neva kayena, na vikkayena, brāhmaṇiɱ yeva udakupassaṭṭhaɱ. So brāhmaṇiɱ yeva gacchati, na khattiyiɱ, na vessiɱ, na suddiɱ na caṇḍāliɱ, na nesādiɱ, na veṇiɱ, na rathakāriɱ, na pukkusīɱ gacchati. Na gabbhiniɱ gacchati. Na pāyamānaɱ gacchati na anutuniɱ gacchati. Kasmā ca doṇa brāhmaṇo na gabbhiniɱ gacchati? Sace doṇa brāhmaṇo gabbhiniɱ gacchati tassa sā hoti brāhmaṇī neva kāmatthā na davatthā na ratatthā, pajatthāva brāhmaṇassa brāhmaṇi hoti. So mithunaɱ uppādetvā tameva puttassādaɱ nikāmayamāno kuṭumbaɱ ajjhāvasati, na agārasmā anagāriyaɱ pabbajati yāva porāṇānaɱ brāhmaṇānaɱ mariyādā, tattha tiṭṭhati, taɱ na vītikkamati 'yāva porāṇānaɱ brāhmaṇānaɱ mariyādo tattha brāhmaṇo ṭhito taɱ na vītikkamatī' ti kho doṇa tasmā "brāhmaṇo mariyādo" ti vuccati.

Evaɱ kho doṇa brāhmaṇo mariyādo hoti.

Kathañca doṇa, brāhmaṇo sambhinnamariyādo hoti?
[page 228]
Idha doṇa brāhmaṇo ubhato sujāto hoti mātito ca pitito ca, saɱsuddhagahaṇiko yāva sattamā pitāmahayugā, akkhitto anupakkuṭṭho jātivādena. So aṭṭhacattāḷīsa vassāni komāraɱ brahmacariyaɱ carati mante adhīyamāno. Aṭṭhacattāḷīsa vassāni komāraɱ brahmacariyaɱ caritvā mante adhīyitvā ācariyassa ācariyadhanaɱ pariyesati, dhammeneva no adhammena. Tattha ca doṇa ko dhammo? Neva kasiyā, na vaṇijjāya, na gorakkhena, na issatthena, na rājaporisena, na sippaññatarena, kevalaɱ bhikkhācariyāya kapālaɱ anatimaññamāno. So ācariyassa ācariyadhanaɱ nīyādetvā dāraɱ pariyesati dhammena' pi adhammena' pi kayena ' pi vikkayena' pi brāhmaṇimpi udakūpassaṭṭhaɱ. So brāhmaṇimpi gacchati, khattiyimpi gacchati, vessimpi gacchati, suddimpi gacchati, caṇḍālimpi gacchati, nesādimpi gacchati, veṇimpi gacchati, rathakārimpi gacchati, pukkusimpi gacchati, gabhinimpi gacchati, pāyamānampi gacchati, utunimpi gacchati, anutunimpi gacchati, tassa sā hoti brāhmaṇi kāmatthāpi davatthāpi ratatthāpi. Na pajatthāva1 brāhmaṇassa brāhmaṇī hoti. Yāva porāṇānaɱ brahmaṇānaɱ 2 mariyādā, 3 tattha na tiṭṭhati, taɱ vītikkamati. 'Yāva porāṇānaɱ brāhmaṇānaɱ mariyādā3 tattha brāhmaṇo na ṭhito taɱ vītikkamatī'ti kho doṇa tasmā "brāhmaṇo sambhinnamariyādo" ti. Vuccati.
.
Evaɱ kho doṇa brāhmaṇo sambhinnamariyādo hoti.

1. Pajatthāpi sīmu, machasaɱ syā 2. Ettha brāhamaṇimapi'ti padaɱ machasaɱ sīmu, potthakesu adhikaɱ, 3. Mariyādo machasaɱ, syā

[BJT Page 372]

Kathañca doṇa, brāhmaṇo brāhmaṇa caṇḍālo hoti?

Idha doṇa brāhmaṇo ubhato sujāto hoti mātito ca pitito ca, saɱsuddhagahaṇiko yāva sattamā pitāmahayugā, akkhitto anupakkuṭṭho jātivādena. So aṭṭhacattāḷīsa vassāni [page 229] komāraɱ brahmacariyaɱ carati mante adhīyamāno. Aṭṭhacattāḷīsa vassāni komāraɱ brahmacariyaɱ caritvā mante adhīyitvā ācariyassa ācariyadhanaɱ pariyesati dhammena'pi adhammena'pi kasiyā'pi vaṇijjāya'pi gorakkhena' pi issatthena' pi rājaporisena' pi
Sippaññatarena'pi kevalampi bhikkhācariyāya kapālaɱ anatimaññamāno. So ācariyassa ācariyadhanaɱ nīyādetvā dāraɱ pariyesati dhammena'pi adhammena'pi kayena'pi vikkayena'pi 1 udakupassaṭṭhaɱ. So brāhmaṇimpi gacchati, khattiyimpi gacchati, vessimpi gacchati, suddimpi gacchati, caṇḍālimpi gacchati, nesādimpi gacchati, veṇimpi gacchati rathakārimpi gacchati, pukkusimpi gacchati,
Gabhinimpi gacchati, pāyamānampi gacchati, utunimpi gacchati, anutunimpi gacchati tassa sā hoti brāhmaṇī kāmatthāpi davatthāpi ratatthāpi, na pajatthāva2 brāhmaṇassa brāhmaṇī hoti. So sabbakammehi jīvikaɱ kappeti, kamenaɱ brāhmaṇā evamāhaɱsu: "kasmā bhavaɱ brāhmaṇo paṭijānamāno sabbakammehi jīvikaɱ kappeti? Ti. So evamāha: "seyyathāpi bho aggi sucimpi dahati, asucimpi dahati na ca tena aggi upalippati, evameva kho bho sabbakammehi cepi brāhmaṇo jīvikaɱ kappeti, na ca tena brāhmaṇo upalippati" sabbakammehi jīvikaɱ kappetīti kho doṇa tasmā brāhmaṇo "brāhmaṇa caṇḍālo" ti vuccati.
Evaɱ kho doṇa brāhmaṇo brāhmaṇacaṇḍālo hoti.

Ye kho doṇa brāhmaṇānaɱ pubbakā isayo mantānaɱ kattāro mantānaɱ pavattāro, yesyañcidaɱ etarahi brāhmaṇā porāṇaɱ mantapadaɱ gītaɱ pavuttaɱ samihitaɱ tadanugāyanti, tadanubhāsanti, bhāsitamanubhāsanti, sajjhāyitamanusajjhāyanti, vācitamanuvācenti, seyyathīdaɱ: aṭṭako vāmako vāmadevo vessāmitto yamataggi aŋgīraso bhāradvājo [page 230] vāseṭṭho kassapo bhagu. Tyāssume pañca brāhmaṇe paññāpenti: brahmasamaɱ, devasamaɱ, mariyādaɱ, samhinnamariyādaɱ, brāhmaṇacaṇḍālaɱyeva pañcamaɱ. Tesaɱ tvaɱ doṇa katamo?Ti. Evaɱ sante mayaɱ bho gotama brāhmaṇacaṇḍālampi na purema.

Abhikkantaɱ bho gotama abhikkantaɱ bho gotama, seyyathāpi bho gotama nikkujjitaɱ vā ukkujjeyya, paṭicchannaɱ vā vivareyya, mūḷhassa vā maggaɱ ācikkheyya, andhakāre vā tela pajjotaɱ dhāreyya, 'cakkhumanto rūpāni dakkhintī' ti. Evamevaɱ bhotā gotamena anekapariyāyena dhammo pakāsito. Esāhaɱ bhavantaɱ gotamaɱ saraṇaɱ gacchāmi dhammañca bhikkhusaŋghañca: upāsakaɱ maɱ bhavaɱ gotamo dhāretu ajjatagge pāṇupetaɱ saraṇaɱ gatanti.

1. Ettha "brāhmaṇimapī" ti padaɱ machasaɱ adhikaɱ 2. Pajatthāpi sīmu, machasaɱ, syā

[BJT Page 374]
5. 4. 5. 3
(Saŋgāravasuttaɱ)
(Sāvatthinidānaɱ)
44. Atha kho saŋgāravo brāhmaṇo yena bhagavā tenupasaŋkami. Upasaŋkamitvā bhagavatā saddhiɱ sammodi. Sammodanīyaɱ kathaɱ sārāṇiyaɱ vitisāretvā ekamantaɱ nisīdi. Ekamantaɱ nisinno kho saŋgāravo brāhmaṇo bhagavantaɱ etadavoca:

Ko nu kho bho gotama hetu? Ko paccayo? Yenekadā1 dīgharattaɱ sajjhāyakatā'pi mantā nappaṭibhanti, pageva asajjhāyakatā. Ko pana bho gotama hetu? Ko paccayo? Yenekadā dīgharattaɱ asajjhāyakatā' pi mantā paṭibhanti, pageva sajjhāyakatā' ti.

Yasmiɱ brāhmaṇa, samaye kāmarāgapariyuṭṭhitena cetasā viharati kāmarāgaparetena, uppannassa ca kāmarāgassa nissaraṇaɱ yathābhūtaɱ nappajānāti, attatthampi tasmiɱ samaye yathābhūtaɱ nappajānāti, na passati. Paratthampi tasmiɱ samaye yathābhūtaɱ nappajānāti, na passati. Ubhayatthampi tasmiɱ samaye yathābhūtaɱ nappajānāti, na passati. Dīgharattaɱ sajjhāyakatā' pi mantā nappaṭibhanti, pageva asajjhāyakatā. Seyyathāpi brāhmaṇa. Udapatto saɱsaṭṭho lākhāya vā haḷiddiyā vā nīliyā vā mañjiṭṭhāya vā, tattha cakkhumā puriso [page 231] sakaɱ mukhanimittaɱ paccavekkhamāno yathābhūtaɱ nappajāneyya na passeyya, evameva kho brāhmaṇa, yasmiɱ samaye kāmarāgapariyuṭṭhitena cetasā viharati kāmarāgaparetena, uppannassa ca kāmarāgassa nissaraṇaɱ yathābhūtaɱ nappajānāti. Attatthampi tasmiɱ samaye yathābhūtaɱ nappajānāti, na passati. Paratthampi tasmiɱ samaye yathābhūtaɱ nappajānāti, na passati. Ubhayatthampi tasmiɱ samaye yathābhūtaɱ nappajānāti, na passati. Dīgharattaɱ sajjhāyakatā' pi mantā nappaṭibhanti, pageva asajjhāyakatā.

Puna ca paraɱ brāhmaṇa, yasmiɱ samaye vyāpādapariyuṭṭhitena cetasā viharati vyāpādaparetena, uppannassa ca vyāpādassa nissaraṇaɱ yathābhūtaɱ nappajānāti. Attatthampi tasmiɱ samaye yathābhūtaɱ nappajānāti, na passati. Paratthampi tasmiɱ samaye yathābhūtaɱ nappajānāti, na passati. Ubhayatthampi tasmiɱ samaye yathābhūtaɱ nappajānāti, na passati. Dīgharattaɱ sajjhāyakatā' pi mantā nappaṭibhanti, pageva asajjhāyakatā. Seyyathāpi brāhmaṇa, udapatto agginā santatto ukkaṭṭhito2ussadakajāto, 3tattha cakkhumā puriso sakaɱ mukhanimittaɱ paccavekkhamāno yathābhūtaɱ nappajāneyya, na passeyya, evameva kho brāhmaṇa, yasmiɱ samaye vyāpādapariyuṭṭhitena cetasā viharati vyāpādaparetena, uppannassa ca vyāpādassa nissaraṇaɱ yathābhūtaɱ nappajānāti, attatthampi tasmiɱ samaye yathābhūtaɱ nappajānāti, na passati. Paratthampi tasmiɱ samaye yathābhūtaɱ nappajānāti, na passati. Ubhayatthampi tasmiɱ samaye yathābhūtaɱ nappajānāti, na passati. Dīgharattaɱ sajjhāyakatā' pi mantā nappaṭibhanti, pageva asajjhāyakatā.
1. Yena kadāci machasaɱ 2. Ukkaṭito sīmu, ukkuṭito machasaɱ, ukkuṭṭhito syā
3. Usuṭakajāto machasaɱ.

[BJT Page 376]

Puna ca paraɱ brāhmaṇa, yasmiɱ samaye thīnamiddhapariyuṭṭhitena cetasā viharati thīnamiddhaparetena, uppannassa ca thīnamiddhassa nissaraṇaɱ yathābhūtaɱ nappajānāti. Attatthampi tasmiɱ samaye yathābhūtaɱ nappajānāti, na passati. Paratthampi tasmiɱ samaye yathābhūtaɱ nappajānāti, na passati. Ubhayatthampi tasmiɱ samaye yathābhūtaɱ [page 232] nappajānāti, na passati. Dīgharattaɱ sajjhāyakatā' pi mantā nappaṭibhanti, pageva asajjhāyakatā. Seyyathāpi brāhmaṇa, udapatto sevālapaṇakapariyonaddho, tattha cakkhumā puriso sakaɱ mukhanimittaɱ paccavekkhamāno yathābhūtaɱ nappajāneyya,
Napasseyya, evameva kho brāhmaṇa, yasmiɱ samaye thīnamiddhapariyuṭṭhitena cetasā viharati thīnamiddhaparetena, uppannassa ca thīnamiddhassa nissaraṇaɱ yathābhūtaɱ nappajānāti, attatthampi tasmiɱ samaye yathābhūtaɱ nappajānāti, na passati. Paratthampi tasmiɱ samaye yathābhūtaɱ nappajānāti, na passati. Ubhayatthampi tasmiɱ samaye yathābhūtaɱ nappajānāti, na passati. Dīgharattaɱ sajjhāyakatā' pi mantā nappaṭibhanti, pageva asajjhāyakatā.

Puna ca paraɱ brāhmaṇa, yasmiɱ samaye uddhaccakukkuccapariyuṭṭhitena cetasā viharati uddhaccakukkuccaparetena, uppannassa ca uddhaccakukkuccassa nissaraṇaɱ yathābhūtaɱ nappajānāti. Attatthampi tasmiɱ samaye yathābhūtaɱ nappajānāti, na passati. Paratthampi tasmiɱ samaye yathābhūtaɱ nappajānāti, na passati. Ubhayatthampi tasmiɱ samaye yathābhūtaɱ nappajānāti, na passati. Dīgharattaɱ sajjhāyakatā' pi mantā nappaṭibhanti, pageva asajjhāyakatā.
Seyyathāpi brāhmaṇa, udapatto vāterito calito bhanto ūmijāto, tattha cakkhumā puriso sakaɱ mukhanimittaɱ paccavekkhamāno yathābhūtaɱ nappajāneyya, na passeyya, evameva kho brāhmaṇa, yasmiɱ samaye uddhaccakukkuccapariyuṭṭhitena cetasā viharati uddhaccakukkuccaparetena, uppannassa ca uddhaccakukkuccassa nissaraṇaɱ yathābhūtaɱ nappajānāti, attatthampi tasmiɱ samaye yathābhūtaɱ nappajānāti, na passati. Paratthampi tasmiɱ samaye yathābhūtaɱ nappajānāti, na passati. Ubhayatthampi tasmiɱ samaye yathābhūtaɱ nappajānāti, na passati. Dīgharattaɱ [page 233] sajjhāyakatāpi mantā nappaṭibhanti, pageva asajjhāyakatā.

Puna ca paraɱ brāhmaṇa, yasmiɱ samaye vicikicchāpariyuṭṭhitena cetasā viharati vicikicchāparetena, uppannassa ca vicikicchāya nissaraṇaɱ yathābhūtaɱ nappajānāti. Attatthampi tasmiɱ samaye yathābhūtaɱ nappajānāti, na passati. Paratthampi tasmiɱ samaye yathābhūtaɱ nappajānāti, na passati. Ubhayatthampi tasmiɱ samaye yathābhūtaɱ nappajānāti, na passati. Dīgharattaɱ sajjhāyakatā' pi mantā nappaṭibhanti, pageva asajjhāyakatā. Seyyathāpi brāhmaṇa, udapatto āvilo luḷito kalalībhuto andhakāre nikkhitto, tattha cakkhumā puriso sakaɱ mukhanimittaɱ paccavekkhamāno yathābhūtaɱ nappajāneyya, napasseyya, evameva kho brāhmaṇa, yasmiɱ samaye vicikicchāpariyuṭṭhitena cetasā viharati vicikicchāparetena, uppannassa ca vicikicchāya nissaraṇaɱ yathābhūtaɱ nappajānāti, attatthampi tasmiɱ samaye yathābhūtaɱ nappajānāti, na passati. Paratthampi tasmiɱ samaye yathābhūtaɱ nappajānāti, na passati. Ubhayatthampi tasmiɱ samaye yathābhūtaɱ nappajānāti, na passati. Dīgharattaɱ sajjhāyakatāpi mantā nappaṭibhanti, pageva asajjhāyakatā.

[BJT Page 378]
Yasmiñca kho brāhmaṇa, samaye na kāmarāgapariyuṭṭhitena cetasā viharati na kāmarāgaparetena, uppannassa ca kāmarāgassa nissaraṇaɱ yathābhūtaɱ pajānāti, attatthampi tasmiɱ samaye yathābhūtaɱ pajānāti, passati. Paratthampi tasmiɱ samaye yathābhūtaɱ pajānāti. Passati ubhayatthampi tasmiɱ samaye yathābhūtaɱ pajānāti. Passati. Dīgharattaɱ asajjhāyakatāpi mantā paṭibhanti, pageva sajjhāyakatā. Seyyathāpi brāhmaṇa udapatto asaɱsaṭṭho lākhāya vā haḷiddiyā vā nīliyā vā [page 234] mañjiṭṭhāya vā, tattha cakkhumā puriso sakaɱ mukhanimittaɱ paccavekkhamāno yathābhūtaɱ pajāneyya passeyya, evameva kho brāhmaṇa yasmiɱ samaye na kāmarāgapariyuṭṭhitena cetasā viharati na kāmarāgaparetena, uppannassa ca kāmarāgassa nissaraṇaɱ yathābhūtaɱ pajānāti, attatthampi tasmiɱ samaye yathābhūtaɱ pajānāti, passati paratthampi tasmiɱ samaye yathābhūtaɱ pajānāti, passati ubhayatthampi tasmiɱ samaye yathābhūtaɱ pajānāti, passati. Dīgharattaɱ asajjhāyakatāpi mantā paṭibhanti, pageva sajjhāyakatā.

Puna ca paraɱ brāhmaṇa, samaye na vyāpādapariyuṭṭhitena cetasā viharati na vyāpādaparetena, uppannassa ca vyāpādassa nissaraṇaɱ yathābhūtaɱ pajānāti, attatthampi tasmiɱ samaye yathābhūtaɱ pajānāti, passati. Paratthampi tasmiɱ samaye yathābhūtaɱ pajānāti. Passati ubhayatthampi tasmiɱ samaye yathābhūtaɱ pajānāti. Passati. Dīgharattaɱ asajjhāyakatāpi mantā paṭibhanti, pageva sajjhāyakatā. Seyyathāpi brāhmaṇa, udapatto agginā asantatto anukkaṭṭhito1 anussadakajāto, 2 tattha cakkhumā puriso sakaɱ mukhanimittaɱ paccavekkhamāno yathābhūtaɱ pajāneyya passeyya, evameva kho brāhmaṇa, yasmiɱ samaye na vyāpādapariyuṭṭhitena cetasā viharati na vyāpādaparetena, uppannassa ca vyāpādassa nissaraṇaɱ yathābhūtaɱ pajānāti, attatthampi tasmiɱ samaye yathābhūtaɱ pajānāti, paratthampi tasmiɱ samaye yathābhūtaɱ pajānāti, passati ubhayatthampi tasmiɱ samaye yathābhūtaɱ pajānāti, passati. Dīgharattaɱ asajjhāyakatāpi mantā paṭibhanti, pageva sajjhāyakatā.

Puna ca paraɱ brāhmaṇa, yasmiɱ samaye na thīnamiddhapariyuṭṭhitena cetasā viharati thīnamiddhaparetena, uppannassa ca thīnamiddhassa nissaraṇaɱ yathābhūtaɱ pajānāti. Attatthampi tasmiɱ samaye yathābhūtaɱ pajānāti, passati. Paratthampi tasmiɱ samaye yathābhūtaɱ pajānāti, passati. Ubhayatthampi tasmiɱ samaye yathābhūtaɱ pajānāti, passati. Dīgharattaɱ asajjhāyakatāpi pi mantā paṭibhanti, [page 235] pageva sajjhāyakatā. Seyyathāpi brāhmaṇa, udapatto na sevālapaṇakapariyonaddho, tattha cakkhumā puriso sakaɱ mukhanimittaɱ paccavekkhamāno yathābhūtaɱ pajāneyya, passeyya, evameva kho brāhmaṇa, yasmiɱ samaye na thīnamiddhapariyuṭṭhitena cetasā viharati thīnamiddhaparetena, uppannassa ca thīnamiddhassa nissaraṇaɱ yathābhūtaɱ pajānāti, attatthampi tasmiɱ samaye yathābhūtaɱ pajānāti, passati. Paratthampi tasmiɱ samaye yathābhūtaɱ pajānāti, passati. Ubhayatthampi tasmiɱ samaye yathābhūtaɱ pajānāti, passati. Dīgharattaɱ asajjhāyakatāpi mantā paṭibhanti, pageva sajjhāyakatā.

1. Anukkucito machasaɱ, anukkaṭhito sīmu 2. Anusumakajāto machasaɱ.
.
[BJT Page 380]
Puna ca paraɱ brāhmaṇa, yasmiɱ samaye na uddhaccakukkuccapariyuṭṭhitena, cetasā viharati uddhaccakukkuccaparetena, uppannassa ca uddhaccakukkuccassa nissaraṇaɱ yathābhūtaɱ pajānāti. Attatthampi tasmiɱ samaye yathābhūtaɱ pajānāti, passati. Paratthampi tasmiɱ samaye yathābhūtaɱ pajānāti, passati. Ubhayatthampi tasmiɱ samaye yathābhūtaɱ pajānāti, passati. Dīgharattaɱ asajjhāyakatāpi mantā paṭibhanti, pageva sajjhāyakatā. Seyyathāpi brāhmaṇa, udapatto na vāterito na calito na bhanto na ūmijāto, tattha cakkhumā puriso sakaɱ mukhanimittaɱ paccavekkhamāno yathābhūtaɱ pajāneyya, passeyya, evameva kho brāhmaṇa, yasmiɱ samaye na uddhaccakukkuccapariyuṭṭhitena cetasā viharati na uddhaccakukkucca paretena, uppannassa ca uddhaccakukkuccassa nissaraṇaɱ yathābhūtaɱ pajānāti, attatthampi tasmiɱ samaye yathābhūtaɱ pajānāti, passati. Paratthampi tasmiɱ samaye yathābhūtaɱ pajānāti, passati. Ubhayatthampi tasmiɱ samaye yathābhūtaɱ pajānāti, passati. Dīgharattaɱ
Asajjhāyakatāpi mantā paṭibhanti, pageva sajjhāyakatā.

Puna ca paraɱ brāhmaṇa, yasmiɱ samaye na vicikicchāpariyuṭṭhitena cetasā viharati na vicikicchāparetena, uppannāya ca vicikicchāya nissaraṇaɱ yathābhūtaɱ [page 236] pajānāti. Attatthampi tasmiɱ samaye yathābhūtaɱ pajānāti, passati. Paratthampi tasmiɱ samaye yathābhūtaɱ pajānāti, passati. Ubhayatthampi tasmiɱ samaye yathābhūtaɱ pajānāti, passati dīgharattaɱ asajjhāyakatāpi mantā paṭibhanti, pageva sajjhāyakatā. Seyyathāpi brāhmaṇa, udapatto accho vippasanno anāvilo āloke nikkhitto, tattha cakkhumā puriso sakaɱ mukhanimittaɱ paccavekkhamāno yathābhūtaɱ pajāneyya, passeyya, evameva kho brāhmaṇa, yasmiɱ samaye na vicikicchāpariyuṭṭhitena cetasā viharati na vicikicchā paretena, uppannāya ca vicikicchāya nissaraṇaɱ yathābhūtaɱ pajānāti, attatthampi tasmiɱ samaye yathābhūtaɱ pajānāti, passati. Paratthampi tasmiɱ samaye yathābhūtaɱ pajānāti, passati. Ubhayatthampi tasmiɱ samaye yathābhūtaɱ pajānāti, passati. Dīgharattaɱ asajjhāyakatāpi mantā paṭibhanti, pageva sajjhāyakatā.

Ayaɱ kho brāhmaṇa hetu, ayaɱ paccayo, yenekadā dīgharattaɱ sajjhāyakatāpi mantā nappaṭibhanti, pageva asajjhāyakatā. Ayaɱ pana brāhmaṇa hetu ayaɱ paccayo, yenekadā1 dīgharattaɱ asajjhāyakatāpi mantā paṭihanti, pageva sajjhāyakatāti.

Abhikkantaɱ bho gotama, abhikkantaɱ bho gotama, seyyathāpi bho gotama, nikkujjitaɱ vā ukkujjeyya, paṭicchannaɱ vā vivareyya, mūḷhassa vā maggaɱ ācikkheyya' andhakāre vā telapajjotaɱ dhāreyya, 'cakkhumanto rūpāni dakkhintī"ti, evamevaɱ bhotā gotamena anekapariyāyena dhammo pakāsito. Esāhaɱ bhavantaɱ gotamaɱ saraṇaɱ gacchāmi dhammañca bhikkhusaŋghañca. Upāsakaɱ maɱ bhavaɱ gotamo dhāretu ajjatagge pāṇupetaɱ saraṇaɱ gatanti.

1. Yena kadāci machasaɱ

[BJT Page 382]
5. 4. 5. 4
(Kāraṇapāli suttaɱ)
45. Ekaɱ samayaɱ bhagavā vesāliyaɱ viharati mahāvane kūṭāgārasālāyaɱ. Tena kho pana samayena kāraṇapālī brāhmaṇo licchavīnaɱ kammantaɱ kāreti.

Addasā kho kāraṇapālī brāhmaṇo piŋgiyāniɱ brāhmaṇaɱ dūratova [page 237] āgacchantaɱ. Disvāna1 piŋgiyāniɱ brāhmaṇaɱ etadavoca:

Handa kuto nu bhavaɱ piŋgiyānī āgacchati divādivassāti.

Itohaɱ bho āgacchāmi, samaṇassa gotamassa santikāti.

Taɱ kiɱ maññati bhavaɱ piŋgiyānī samaṇassa gotamassa paññāveyyattiyaɱ, paṇḍito maññeti?

Ko cā haɱ bho, ko ca samaṇassa gotamassa paññāveyyattiyaɱ jānissāmi. Sopi nūnassa tādisova yo samaṇassa gotamassa paññāveyyattiyaɱ jāneyyāti.

Uḷārāya khalu bhavaɱ piŋgiyānī samaṇaɱ gotamaɱ pasaɱsāya pasaɱsatīti.

Ko cāhaɱ bho, ko ca samaṇaɱ gotamaɱ pasaɱsissāmi, pasattha pasatthova2 so bhavaɱ gotamo seṭṭho devamanussānanti.

Kiɱ pana bhavaɱ piŋgiyānī atthavasaɱ sampassamāno samaṇe gotame evaɱ abhippasanno?Ti.

Seyyathāpi bho puriso aggarasaparititto na aññesaɱ hīnānaɱ rasānaɱ piheti, evameva kho bho, yato yato tassa bhoto gotamassa dhammaɱ suṇāti: yadi suttaso yadi geyyaso yadi veyyākaraṇaso yadi abbhūtadhammaso, tato tato na aññesaɱ puthusamaṇa brāhmaṇappavādānaɱ piheti. (1)

Seyyathāpi bho puriso jighacchādubbalyapareto madhupiṇḍikaɱ adhigaccheyya, so yato yato sāyetha, labhateva sādhurasaɱ asecanakaɱ, evameva kho bho, yato yato tassa bhoto gotamassa dhammaɱ suṇāti. Yadi suttaso yadi geyyaso yadi veyyākaraṇaso yadi abbhūtadhammaso, tato tato labhateva attamanataɱ, labhati cetaso pasādaɱ. (2)
Seyyathāpi bho puriso candanaghaṭikaɱ adhigaccheyya haricandanassa vā lohitacandanassa vā, so yato yato ghāyetha, yadi mūlato yadi majjhato yadi aggato, adhigacchateva surabhigandhaɱ asecanakaɱ, evameva kho bho, yato yato tassa bhoto gotamassa dhammaɱ suṇāti. Yadi suttaso yadi geyyaso yadi veyyākaraṇaso yadi abbhūtadhammaso, tato tato adhigacchati pāmojjaɱ, adhigacchati somanassaɱ. (3)
Seyyathāpi bho puriso ābādhiko dukkhito bāḷhagilāno, tassa kusalo bhisakko ṭhānaso ābādhaɱ nīhareyya, evameva kho bho, yato yato tassa bhoto gotamassa dhammaɱ suṇāti: yadi suttaso yadi geyyaso yadi veyyākaraṇaso yadi abbhūtadhammaso, tato tato sokaparidevadukkhadomanassupāyāsā abbhatthaɱ gacchanti. (4)

1. Disvā machasaɱ 2. Pasatthapapasatthova machasaɱ

[BJT Page 384]
Seyyathāpi bho pokkharaṇi acchodakā sātodakā sītodakā setakā supatitthā ramaṇīyā, atha puriso āgaccheyya ghammābhitatto ghammapareto kilanto tasito pipāsito, so taɱ pokkharaṇaɱ ogāhetvā nahātvā ca1 pītvā ca2sabbadarathakilamathapariḷāhaɱ paṭippassambheyya. Evameva kho bho, yato yato tassa bhoto gotamassa dhammaɱ suṇāti yadi suttaso yadi geyyaso yadi veyyākaraṇaso yadi abbhūtadhammaso, tato tato sabbadarathakilamathapariḷāhā paṭippassambhantī'ti. (5)
Evaɱ vutte kāraṇapālī brāhmaṇo uṭṭhāyāsanā ekaɱsaɱ uttarāsaŋgaɱ karitvā dakkhiṇajāṇumaṇḍalaɱ paṭhaviyaɱ nihantvā yena bhagavā tenañjaliɱ paṇāmetvā tikkhattuɱ udānaɱ udānesi: "namo tassa bhagavato arahato sammāsambuddhassa, namo tassa bhagavato arahato sammāsambuddhassa, namo tassa bhagavato arahato sammāsambuddhassā"ti.

Abhikkantaɱ bho piŋgiyānī, abhikkantaɱ bho piŋgiyānī. Seyyathāpi bho piŋgiyānī, nikkujjitaɱ vā ukkujjeyya, paṭicchannaɱ vā vivareyya, mūlhassa vā maggaɱ ācikkheyya, [page 239] andhakāre vā telapajjotaɱ dhāreyya 'cakkhumanto rūpāni dakkhintī' ti, evamevaɱ bhotā piŋgiyāninā anekapariyāyena dhammo pakāsito, esāhaɱ bho piŋgiyānī taɱ bhavantaɱ gotamaɱ saraṇaɱ gacchāmi, dhammaɱ ca bhikkhusaɱghañca. Upāsakaɱ maɱ bhavaɱ piŋgiyānī dhāretu ajjatagge pāṇupetaɱ saraṇaɱ gatanti.

5. 4. 5. 5
(Piŋgiyānī suttaɱ)
46. Ekaɱ samayaɱ bhagavā vesāliyaɱ viharati, mahāvane kūṭāgārasālāyaɱ. Tena kho pana samayena pañcamattāni licchavīsatāni bhagavantaɱ payirupāsanti. Appekacce licchavī nīlā honti nīlavaṇṇā nīlavatthā nīlālaŋkārā. Appekacce licchavī pītā honti pītavaṇṇā pītavatthā pītālaŋkārā. Appekacce licchavī lohitakā honti lohitakavaṇṇā lohitakavatthā lohitakālaŋkārā. Appekacce licchavī odātā honti odātavaṇṇā odātavatthā odātālaŋkārā. Tyāssudaɱ bhagavā atirocati vaṇṇena ce va yasasā ca.

Atha kho piŋgiyānī brāhmaṇo uṭṭhāyāsanā ekaɱsaɱ uttarāsaŋgaɱ karitvā yena bhagavā tenañjaliɱ paṇāmetvā bhagavantaɱ etadavoca: paṭibhāti maɱ bhagavā, paṭibhāti maɱ sugatāti.

1. Nhātvā ca machasaɱ 2. Pivitvā ca machasaɱ

[BJT Page 386]
Atha kho piŋgiyānī brāhmaṇo bhagavato sammukhā sāruppāya gāthāya abhitthavi:

99. Padumaɱ 1 yathā kokanadaɱ 2 sugandhaɱ
Pāto siyā phullamavītagandhaɱ,
Aŋgīrasaɱ passa virocamānaɱ
Tapantamādiccamivantalikkheti.

Atha kho te licchavī pañcahi uttarāsaŋgasatehi piŋgiyāniɱ brāhmaṇaɱ acchādesuɱ. Atha kho piŋgiyānī brāhmaṇo tehi pañcahi uttarāsaŋgasatehi bhagavantaɱ acchādesi.
[page 240]
Atha kho bhagavā te licchavī etadavoca:

Pañcannaɱ licchavī, ratanānaɱ pātubhāvo dullabho lokasmiɱ. Katamesaɱ pañcannaɱ:
Tathāgatassa arahato sammā sambuddhassa pātubhāvo dullabho lokasmiɱ. Tathāgatappaveditassa dhammavinayassa desetā puggalo dullabho lokasmiɱ. Tathāgatappaveditassa dhammavinayassa desitassa viññātā puggalo dullabho lokasmiɱ. Tathāgatappaveditassa dhammavinayassa desitassa viññatā dhammānudhammapaṭipanno puggalo dullabho lokasmiɱ. Kataññū katavedī puggalo dullabho lokasmiɱ.

Imesaɱ kho licchavī pañcannaɱ ratanānaɱ pātubhāvo dullabho lokasminti.

5. 4. 5. 6
(Mahāsupina suttaɱ)
(Sāvatthinidānaɱ)
46. Tathāgatassa bhikkhave, arahato sammā sambuddhassa pubbeva sambodhā anabhisambuddhassa bodhisattasseva sato pañca mahāsupinā pāturahesuɱ. Katame pañca.
Tathāgatassa bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato ayaɱ mahāpaṭhavi mahāsayanaɱ ahosi. Himavā pabbatarājā bimbohanaɱ 3ahosi. Puratthime samudde vāmo hattho ohito ahosi. Pacchime samudde dakkhiṇo hattho ohito ahosi. Dakkhiṇe samudde ubho pādā ohitā ahesuɱ. Tathāgatassa bhikkhave arahato sammāsambuddhassa pubbeva sambodhā anabhisambuddhassa bodhīsattasseva sato ayaɱ paṭhamo mahāsupino pāturahosi.

Puna ca paraɱ bhikkhave tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato tiriyā nāma tiṇajāti nābhiyā uggantvā nabhaɱ āhacca ṭhitā ahosi. Tathāgatassa [page 241] bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato ayaɱ dutiyo mahāsupino pāturahosi.

Puna ca paraɱ bhikkhave tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato setā kimī kaṇhasīsā pādehi ussakkitvā yāva jāṇumaṇḍalaɱ paṭicchādesuɱ. Tathāgatassa bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato ayaɱ tatiyo mahāsupino pāturahosi.

1. Padamaɱ syā 2. Kokanudaɱ syā 3. Bibbohanaɱ machasaɱ.

[BJT Page 388]

Puna ca paraɱ bhikkhave tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato cattāro sakuṇā nānāvaṇṇā catūhi disāhi āgantvā pādamūle nipatitvā sabbasetā sampajjiɱsu. Tathāgatassa bhikkhave, arahato sammāsambuddhassa pubbeva sambodhā anabhisambuddhassa bodhisattasseva sato ayaɱ catuttho mahāsupino pāturahosi.

Puna ca paraɱ bhikkhave tathāgatassa arahaɱ sammāsambuddhassa pubbeva sambodhā anabhisambuddho bodhisattova samāno mahato mīḷhapabbatassa uparūparicaŋkamati alippamāno 1 mīḷhena. Tathāgatassa bhikkhave, arahato sammāsambuddhassa
Pubbeva sambodhā anabhisambuddhassa bodhisattasseva sato ayaɱ pañcamo mahāsupino pāturahosi.

Yampi bhikkhave, tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato ayaɱ mahāpaṭhavī mahāsayanaɱ ahosi, himavā pabbatarājā bimbohanaɱ ahosi, puratthime samudde vāmo hattho ohito ahosi, pacchime samudde dakkhiṇe hattho ohito ahosi, dakkhiṇe samudde ubho pādā ohitā ahesuɱ, tathāgatena bhikkhave, arahatā sammāsambuddhena anuttarā sammāsambodhi abhisambuddhā, tassā abhisambodhāya ayaɱ paṭhamo mahāsupino pāturahosi.
[page 242]
Yampi bhikkhave, tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato tiriyā nāma tiṇa jāti nābhiyā uggantvā nabhaɱ āhacca ṭhitā ahosi, tathāgatena bhikkhave, arahatā sammāsambuddhena ariyo aṭṭhaŋgiko maggo abhisambujjhitvā yāva devamanussehi suppakāsito, tassa abhisambodhāya ayaɱ
Dutiyo mahāsupino pāturahosi.

Yampi bhikkhave, tathāgatassa arahato sammā sambuddhassa pubbeva sambodhā anabhisambuddhassa bodhisattasseva sato setā kimī kaṇhasīsā pādehi ussakkitvā yāva jāṇumaṇḍalā paṭicchādesuɱ, bahū bhikkhave, gihī odātavasanā tathāgataɱ pāṇupetaɱ saraṇaɱ gatā, tassa abhisambodhāya ayaɱ tatiyo mahāsupino pāturahosi.
Yampi bhikkhave, tathāgatassa arahato sammāsambuddhassa pubbeva sambodhā anabhisambuddhassa bodhisattasseva sato cattāro sakuṇā nānāvaṇṇā catūhi disāhi āgantvā pādamūle nipatitvā sabbasetā sampajjiɱsu, cattāro me bhikkhave, vaṇṇā: khattiyā brāhmaṇā vessā suddā, te tathāgatappavedite dhammavinaye agārasmā anagāriyaɱ pabbajitvā anuttaraɱ vimuttiɱ sacchikaronti, tassa abhisambodhāya ayaɱ catuttho mahāsupino pāturahosi.

1. Alimpamāno sabbattha.

[BJT Page 390]

Yampi bhikkhave, tathāgatassa arahaɱ sammāsambuddho pubbeva sambodhā anabhisambuddho bodhisattova samāno mahato mīḷhapabbatassa uparūpari caŋkamati alippamāno mīḷhena, lābhi bhikkhave, tathāgatassa
Civarapiṇḍapātasenāsanagilānappaccayabhesajjaparikkhārānaɱ, tattha ca tathāgato agathito1amucchito anajjhopanno ādīnavadassāvī nissaraṇapañño paribhuñjati, tassa
Abhisambodhāya ayaɱ pañcamo mahā supino pāturahosi.

Tathāgatassa bhikkhave arahato sammāsambuddhassa pubbeva sambodhā anabhisambuddhassa bodhisattasseva sato ime pañca mahā supinā pāturahesunti.
[page 243]

5. 4. 5. 7
(Vassantarāyasuttaɱ)
(Sāvatthinidānaɱ)
47. Pañcime bhikkhave, vassassa antarāyā, yaɱ nemittā na jānanti, yattha nemittānaɱ cakkhuɱ na kamati. 2 Katame pañca:

Upari bhikkhave, ākāse tejodhātu pakuppati, tena uppannā meghā paṭivigacchanti. Ayaɱ bhikkhave, paṭhamo vassassa antarāyo yaɱ nemittā na jānanti, yattha nemittānaɱ cakkhuɱ na kamati.

Puna ca paraɱ bhikkhave, upari ākāse vāyodhātu pakuppati tena uppannā meghā paṭivigacchanti. Ayaɱ bhikkhave, dutiyo vassassa antarāyo, yaɱ nemittā na jānanti, yattha nemittānaɱ cakkhuɱ na kamati.

Puna ca paraɱ bhikkhave, rāhu asurindo pāṇinā udakaɱ sampaṭicchitvā 3mahāsamudde chaḍḍeti. Ayaɱ bhikkhave, tatiyo vassassa antarāyo, yaɱ nemittā na jānanti, yattha nemittānaɱ cakkhuɱ na kamati.

Puna ca paraɱ bhikkhave, vassavalāhakā devā pamattā honti. Ayaɱ bhikkhave, catuttho vassassa antarāyo, yaɱ nemittā na jānanti, yattha nemittānaɱ cakkhuɱ na kamati.

Puna ca paraɱ bhikkhave, manussā adhammikā honti. Ayaɱ bhikkhave, pañcamo vassassa antarāyo, yaɱ nemittā na jānanti, yattha nemittānaɱ cakkhuɱ na kamati.
Ime kho bhikkhave, pañca vassassa antarāyā, yaɱ nemittā na jānanti, yattha nemittānaɱ cakkhuɱ na kamatīti.

1. Agadhito syā, [PTS 2.] Cakkhu nakkhamati sīmu, cakkhu na kamati machasaɱ,
Cakkhuɱ nakkamati syā, 3. Paṭicchitvā sīmu.
.
[BJT Page 392]
5. 4. 5. 8
(Subhāsitavācā suttaɱ)
(Sāvatthinidānaɱ)
48. Pañcahi bhikkhave, aŋgehi samannāgatā vācā subhāsitā hoti, no dubbhāsitā, anavajjā ca ananuvajjā ca viññūnaɱ. Katamehi pañcahi:
[page 244]

Kālena ca bhāsitā hoti. Saccā ca bhāsitā hoti, saṇhā ca bhāsitā hoti, atthasaɱhitā ca bhāsitā hoti, mettacittena ca bhāsitā hoti.

Imehi kho bhikkhave pañcahi aŋgehi samannāgatā vācā subhāsitā hoti no dubbhāsitā, anavajjā ca ananuvajjā ca viññūnanti.

5. 4. 5. 9
(Kulasuttaɱ)
(Sāvatthinidānaɱ)
49. Yasmiɱ bhikkhave, samaye sīlavanto pabbajitā kulaɱ 1upasaŋkamanti, tattha manussā pañcahi ṭhānehi bahuɱ puññaɱ pasavanti. Katamehi pañcahi:

Yasmiɱ bhikkhave, samaye sīlavante pabbajite kulaɱ upasaŋkamante manussā disvā cittāni pasādenti, 2 saggasaɱvattanikaɱ bhikkhave, taɱ kulaɱ tasmiɱ samaye paṭipadaɱ paṭipannaɱ hoti.

Yasmiɱ bhikkhave, samaye sīlavante pabbajite kulaɱ upasaŋkamante manussā paccuṭṭhenti, abhivādenti, āsanaɱ denti, uccākulīnasaɱvattanikaɱ bhikkhave, taɱ kulaɱ tasmiɱ samaye paṭipadaɱ paṭipannaɱ hoti.

Yasmiɱ bhikkhave, samaye sīlavante pabbajite kulaɱ upasaŋkamante manussā maccheramalaɱ paṭivinodenti, 3 mahesakkhasaɱvattanikaɱ bhikkhave, taɱ kulaɱ tasmiɱ samaye paṭipadaɱ paṭipannaɱ hoti.

Yasmiɱ bhikkhave, samaye sīlavante pabbajite kulaɱ upasaŋkamante manussā yathāsatti yathābalaɱ saɱvibhajanti, mahābhogasaɱvattanikaɱ bhikkhave, taɱ kulaɱ tasmiɱ samaye paṭipadaɱ paṭipannaɱ hoti.

Yasmiɱ bhikkhave, samaye sīlavante pabbajite kulaɱ upasaŋkamante manussā paripucchanti, paripañhanti, dhammaɱ suṇanti, mahā paññasaɱvattanikaɱ bhikkhave, taɱ kulaɱ tasmiɱ samaye paṭipadaɱ paṭipannaɱ hoti.
[page 245]

Yasmiɱ bhikkhave, samaye sīlavante pabbajite kulaɱ upasaŋkamanti, tattha manussā imehi pañcahi ṭhānehi bahuɱ puññaɱ pasavantīti.

1. Sīlavante kulaɱ machasaɱ 2. Pasīdanti syā
3. Paṭivinenti machasaɱ

[BJT Page 394]
5. 4. 5. 10
(Nissāraṇīya suttaɱ)
(Sāvatthinidānaɱ)
50. Pañcimā bhikkhave, nissāraṇīyā1 dhātuyo. Katamā pañca:

Idha bhikkhave bhikkhuno kāme manasikaroto kāmesu cittaɱ na pakkhandati. Nappasīdati, na saɱtiṭṭhati, na vimuccati. Nekkhammaɱ kho panassa manasikaroto nekkhamme cittaɱ pakkhandati, pasīdati, santiṭṭhati. Vimuccati. Tassa taɱ cittaɱ sugataɱ2 subhāvitaɱ suvuṭṭhitaɱ suvimuttaɱ suvisaɱyuttaɱ kāmehi. Ye ca kāmapaccayā uppajjanti āsavā vighātapariḷāhā, mutto so tehi. Na so taɱ vedanaɱ vediyati. Idamakkhātaɱ kāmānaɱ nissaraṇaɱ.

Puna ca paraɱ bhikkhave, bhikkhuno vyāpādaɱ manasikaroto vyāpāde cittaɱ na pakkhandati, nappasīdati, na santiṭṭhati, na vimuccati. Avyāpādaɱ kho panassa manasikaroto avyāpāde cittaɱ pakkhandati, pasīdati, santiṭṭhati, vimuccati. Tassa taɱ cittaɱ sugataɱ2 subhāvitaɱ suvuṭṭhitaɱ suvimuttaɱ suvisaɱyuttaɱ vyāpādena. Ye ca vyāpādapaccayā uppajjanti āsavā vighātapariḷāhā, mutto so tehi. Na so taɱ vedanaɱ vediyati. Idamakkhātaɱ vyāpādassa nissaraṇaɱ.

Puna ca paraɱ bhikkhave, bhikkhuno vihesaɱ manasikaroto vihesāya cittaɱ na pakkhandati, nappasīdati, na santiṭṭhati, na vimuccati. Avihesaɱ kho panassa manasikaroto avihesāya cittaɱ pakkhandati, pasīdati, santiṭṭhati, vimuccati. Tassa taɱ cittaɱ sugataɱ subhāvitaɱ suvuṭṭhitaɱ suvimuttaɱ suvisaɱyuttaɱ vihesāya. Ye ca vihesāpaccayā uppajjanti āsavā vighātapariḷāhā, mutto so tehi. Na so taɱ vedanaɱ vediyati. Idamakkhātaɱ vihesāya nissaraṇaɱ.
[page 246]

Puna ca paraɱ bhikkhave, bhikkhuno rūpaɱ manasikaroto rūpe cittaɱ na
Pakkhandati, nappasīdati, na santiṭṭhati, na vimuccati. Arūpaɱ kho panassa manasikaroto arūpe cittaɱ pakkhandati, pasīdati, santiṭṭhati, vimuccati. Tassa taɱ cittaɱ sugataɱ subhāvitaɱ suvuṭṭhitaɱ suvimuttaɱ suvisaɱyuttaɱ rūpehi. Ye ca
Rūpapaccayā uppajjanti āsavā vighātapariḷāhā, mutto so tehi. Na so taɱ vedanaɱ vediyati. Idamakkhātaɱ rūpānaɱ nissaraṇaɱ.

1. Nissaraṇiyā [PTS 2.] Sukataɱ [PTS]

[BJT Page 396]

Puna ca paraɱ bhikkhave, bhikkhuno sakkāyaɱ manasikaroto sakkāye cittaɱ na pakkhandati, nappasīdati, na santiṭṭhati, na vimuccati. Sakkāyanirodhaɱ kho panassa manasikaroto sakkāyanirodhe cittaɱ pakkhandati, pasīdati, santiṭṭhati, vimuccati. Tassa taɱ cittaɱ sugataɱ subhāvitaɱ suvuṭṭhitaɱ suvimuttaɱ suvisaɱyuttaɱ sakkāyena. Ye ca sakkāyapaccayā uppajjanti āsavā vighātapariḷāhā, mutto so tehi. Na so taɱ vedanaɱ vediyati. Idamakkhātaɱ sakkāyassa nissaraṇaɱ.

Tassa kāmanandipi nānuseti, vyāpādanandipi nānuseti, vihesānandipi nānuseti, rūpanandipi nānuseti, sakkāyanandipi nānuseti. So kāmanandiyāpi ananusayā, vyāpādanandiyāpi ananusayā vihesā nandiyāpi ananusayā, rūpanandiyāpi ananusayā, sakkāyanandiyāpi ananusayā. Ayaɱ vuccati bhikkhave, bhikkhu niranusayo acchecchi taṇhaɱ, vāvattayi 1 saɱyojanaɱ, sammā mānābhisamayā antamakāsi dukkhassa.

Imā kho bhikkhave, pañca nissāraṇīyā dhātuyoti.

Soṇavaggo pañcamo
[page 247]

Tassuddānaɱ:
Soṇo doṇo saŋgāravo kāraṇapālī ca piŋgiyānī.
Supinā ca vassā vācā kulaɱ nissāraṇīyena cāti.

Catuttho paṇṇāsako samatto.

1. Vivattayi machasaɱ, vivaṭṭayi syā,
[BJT Page 398]
Pañcamapaṇṇāsakaɱ
1. Kimbilavaggo
5. 5. 1. 1
(Kimbilasuttaɱ)
(Sāvatthinidānaɱ)
1. Ekaɱ samayaɱ bhagavā kimbilāyaɱ 1 viharati, niceluvane. 2Atha kho āyasmā kimbilo3 yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho āyasmā kimbilo3 bhagavantaɱ etadavoca:

'Ko nu kho bhante hetu ko paccayo, yena tathāgate parinibbute saddhammo na ciraṭṭhitiko hotīti'.

Idha kimbila, 4 tathāgate parinibbute bhikkhu bhikkhuniyo upāsakā upāsikāyo satthari agāravā viharanti appatissā. Dhamme agāravā viharanti appatissā, saŋghe agāravā viharanti
Appatissā, sikkhāya agāravā viharanti appatissā, aññamaññaɱ agāravā viharanti appatissā. Ayaɱ kho kimbila, hetu ayaɱ paccayo, yena tathāgate parinibbute saddhammo na ciraṭṭhitiko hotīti.

Ko pana bhante, hetu ko paccayo, yena tathāgate parinibbute saddhammo ciraṭṭhitiko hotīti.

Idha kimbila, tathāgate parinibbute bhikkhu bhikkhuniyo upāsakā upāsikāyo satthari sagāravā viharanti sappatissā. Dhamme sagāravā viharanti sappatissā, saŋghe sagāravā viharanti sappatissā, sikkhāya sagāravā viharanti sappatissā,
Aññamaññaɱ sagāravā viharanti sappatissā. Ayaɱ kho kimbila, hetu ayaɱ paccayo, yena tathāgate parinibbute saddhammo ciraṭṭhitiko hotī'ti.
[page 248]

5. 5. 1. 2
(Dhammasavaṇa suttaɱ)
(Sāvatthinidānaɱ)
2. Pañcime bhikkhave, ānisaɱsā dhammasavaṇe. Katame pañca:

Assutaɱ suṇāti, sutaɱ pariyodapeti, kaŋkhaɱ vitarati, diṭṭhiɱ ujuɱ karoti, cittamassa pasīdati. Ime kho bhikkhave, pañca ānisaɱsā dhammasavaṇeti.

1. Kimilāyaɱ machasaɱ, syā, 2. Veluvane machasaɱ syā 3. Kimilo machasaɱ
4. Kimila machasaɱ

[BJT Page 400]
5. 5. 1. 3
(Ājānīyasuttaɱ)
(Sāvatthinidānaɱ)
3. Pañcahi bhikkhave, aŋgehi samannāgato rañño bhadro assājānīyo rājāraho hoti, rājabhoggo, rañño aŋgantveva saŋkhaɱ gacchati. Katamehi pañcahi:

Ajjavena, javena, maddavena, khantiyā, soraccena. Imehi kho bhikkhave, pañcahi aŋgehi samannāgato rañño bhadro assājānīyo rājāraho hoti, rājabhoggo, rañño aŋgantveva saŋkhaɱ gacchati.

Evameva kho bhikkhave, pañcahi dhammehi samannāgato bhikkhu āhuneyyo pāhuneyyo dakkhiṇeyyo añjalikaraṇīyo anuttaraɱ puññakkhettaɱ lokassa. Kamehi pañcahi:

Ajjavena, javena, maddavena, khantiyā, soraccena. Imehi kho bhikkhave, pañcahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraɱ puññakkhettaɱ lokassāti.

5. 5. 1. 4
(Balasuttaɱ)
(Sāvatthinidānaɱ)
4. Pañcimāni bhikkhave, balāni. Katamāni pañca:

Saddhābalaɱ, hiribalaɱ, ottappabalaɱ, viriyabalaɱ, paññābalaɱ. Imāni kho bhikkhave, pañca balānīti.

5. 5. 1. 5
(Cetokhilasuttaɱ)
(Sāvatthinidānaɱ)
5. Pañcime bhikkhave, cetokhilā. Katame pañca:

Idha bhikkhave, bhikkhu satthari kaŋkhati vicikicchati [page 249] nādhimuccati na sampasīdati. Yo so bhikkhave, bhikkhu satthari kaŋkhati vicikicchati nādhimuccati na sampasīdati, tassa cittaɱ na namati ātappāya anuyogāya sātaccāya padhānāya. Yassa cittaɱ na namati ātappāya anuyogāya sātaccāya padhānāya, ayaɱ paṭhamo cetokhilo.

Puna ca paraɱ bhikkhave, bhikkhu dhamme kaŋkhati vicikicchati nādhimuccati na sampasīdati. Yo so bhikkhave, bhikkhu dhamme kaŋkhati vicikicchati nādhimuccati na sampasīdati, tassa cittaɱ na namati ātappāya anuyogāya sātaccāya padhānāya. Yassa cittaɱ na namati ātappāya anuyogāya sātaccāya padhānāya, ayaɱ dutiyo cetokhilo.

Puna ca paraɱ bhikkhave, bhikkhu saŋghe kaŋkhati vicikicchati nādhimuccati na sampasīdati. Yo so bhikkhave, bha bhikkhu saŋghe kaŋkhati vicikicchati nādhimuccati na sampasīdati, tassa cittaɱ na namati ātappāya anuyogāya sātaccāya padhānāya. Yassa cittaɱ na namati ātappāya anuyogāya sātaccāya padhānāya, ayaɱ tatiyo cetokhilo.

Puna ca paraɱ bhikkhave bhikkhu sikkhāya kaŋkhati vicikicchati nādhimuccati na sampasīdati, yo so bhikkhave bhikkhu sikkhāya kaŋkhati vicikicchati nādhimuccati na sampasīdati, tassa cittaɱ na namati ātappāya anuyogāya sātaccāya padhānāya. Yassa cittaɱ na namati ātappāya anuyogāya sātacācaya padhānāya, ayaɱ catuttho cetokhilo.

Puna ca paraɱ bhikkhave bhikkhu sabrahmacārīsu kupito hoti anattamano āhatacitto khilajāto, yo so bhikkhave, bhikkhu sabrahmacārīsu kupito hoti anattamano āhatacitto khilajāto, tassa cittaɱ na namati ātappāya anuyogāya sātaccāya padhānāya. Yassa cittaɱ na namati ātappāya anuyogāya sātaccāya padhānāya, ayaɱ pañcamo cetokhilo.

Ime kho bhikkhave, pañca cetokhilāti.

[BJT Page 402]
5. 5. 1. 6
(Vinibandhasuttaɱ)
(Sāvatthinidānaɱ)
6. Pañcime bhikkhave, cetaso vinibandhā katame pañca:

Idha bhikkhave, bhikkhu kāmesu1 avigatarāgo2 hoti, avigatachando avigatapemo avigatapipāso avigatapariḷāho avigatataṇho. Yo so bhikkhave, bhikkhu kāmesu avigatarāgo hoti, avigatachando avigatapemo avigatapipāso avigatapariḷāho avigatataṇho, tassa cittaɱ na namati ātappāya anuyogāya sātaccāya padhānāya. Yassa cittaɱ na namati ātappāya anuyogāya sātaccāya padhānāya, ayaɱ paṭhamo cetaso vinibandho.

Puna ca paraɱ bhikkhave, bhikkhu kāye avigatarāgo hoti, avigatachando avigatapemo avigatapipāso avigatapariḷāho avigatataṇho. Yo so bhikkhave, bhikkhu kāye avigatarāgo hoti, avigatachando avigatapemo avigatapipāso avigatapariḷāho avigatataṇho, tassa cittaɱ na namati ātappāya anuyogāya sātaccāya padhānāya. Yassa cittaɱ na namati ātappāya anuyogāya sātaccāya padhānāya, ayaɱ dutiyo cetaso vinibandho.

Puna ca paraɱ bhikkhave, bhikkhu rūpe avigatarāgo hoti, avigatachando avigatapemo avigatapipāso avigatapariḷāho avigatataṇho. Yo so bhikkhave, bhikkhu rūpe avigatarāgo hoti, avigatachando avigatapemo avigatapipāso avigatapariḷāho avigatataṇho, tassa cittaɱ na namati ātappāya anuyogāya sātaccāya padhānāya. Yassa cittaɱ na namati ātappāya anuyogāya sātaccāya padhānāya, ayaɱ tatiyo cetaso vinibandho.
Puna ca paraɱ bhikkhave bhikkhu yāvadatthaɱ udarāvadehakaɱ bhuñjitvā seyyasukhaɱ passasukhaɱ middhasukhaɱ anuyutto viharati yo so bhikkhave, bhikkhu yāvadatthaɱ udarāvadehakaɱ bhuñjitvā seyyasukhaɱ passasukhaɱ middhasukhaɱ anuyutto viharati, tassa cittaɱ na namati ātappāya anuyogāya sātaccāya padhānāya. Yassa cittaɱ na namati ātappāya anuyogāya sātaccāya padhānāya, ayaɱ catuttho cetaso vinibandho.

Puna ca paraɱ bhikkhave bhikkhu aññataraɱ devanikāyaɱ paṇidhāya brahmacariyaɱ carati: ' imināhaɱ sīlena vā vatena vā tapena vā brahmacariyena vā devo vā bhavissāmi devaññataro vā'ti yo so bhikkhave, bhikkhu aññataraɱ devanikāyaɱ [page 250] paṇidhāya brahmacariyaɱ carati. ' Imināhaɱ sīlena vā vatena vā tapenavā brahmacariyena vā devo vā bhavissāmi devaññataro vā 'ti tassa cittaɱ na namati ātappāya anuyogāya sātaccāya padhānāya. Yassa cittaɱ na namati ātappāya anuyogāya sātaccāya padhānāya, ayaɱ pañcamo cetaso vinibandho.

Ime kho bhikkhave, pañca cetaso vinibandhāti.
5. 5. 1. 7
(Yāgusuttaɱ)
(Sāvatthinidānaɱ)
7. Pañcime bhikkhave, ānisaɱsā yāguyā. Katame pañca:

Khudaɱ paṭihanti, 5 pipāsaɱ paṭivineti. Vātaɱ anulometi, vatthiɱ sodheti, āmāvasesaɱ pāceti.

Ime kho bhikkhave, pañca ānisaɱsā yāguyāti.

5. 5. 1. 8
(Dantakaṭṭhasuttaɱ)
(Sāvatthinidānaɱ)
8. Pañcime bhikkhave, ādīnavā dantakaṭṭhassa akhādane. Katame pañca:

Acakkhussaɱ, mukhaɱ duggandhaɱ hoti, rasaharaṇiyo na visujjhantī,
Pittaɱ semhaɱ bhattaɱ pariyonandhati, bhattamassa nacchādeti.

Ime kho bhikkhave, pañca ādinavā dantakaṭṭhassa akhādano.

1. Kāme syā 2. Avītarāgo machasaɱ, syā, kāme avītarāgo syā
3. Udarāvadehaɱ sīmu 4. Phassasukhaɱ sīmu 5. Khuddaɱ paṭibhanti machasaɱ, syā

[BJT Page 404]
Pañcime bhikkhave ānisaɱsā dantakaṭṭhassa khādane. Katame pañca:

Cakkhussaɱ, mukhaɱ na duggandhaɱ hoti, rasaharaṇiyo visujjhanti, pittaɱ semhaɱ bhattaɱ na pariyonandhati, bhattamassa chādeti.

Ime kho bhikkhave pañca ānisaɱsā dantakaṭṭhassa khādaneti.
[page 251]

5. 5. 1. 9
(Gītassarasuttaɱ)
(Sāvatthinidānaɱ)
9. Pañcime bhikkhave ādinavā āyatakena gītassarena dhammaɱ bhaṇantassa. Katame pañca:
Attanāpi tasmiɱ sare sārajjati, parepi tasmiɱ sare sārajjanti, gahapatikāpi ujjhāyanti: 'yatheva mayaɱ gāyāma, evameva ime samaṇā sakkiyaputtiyā gāyantī' ti, sarakuttimpi nikāmayamānassa samādhissa bhaŋgo hoti, pacchimā janatā diṭṭhānugatiɱ āpajjati.

Ime kho bhikkhave pañca ādīnavā āyatakena gītassarena dhammaɱ bhaṇantassāti.

5. 5. 1. 10
(Muṭṭhassati suttaɱ)
(Sāvatthinidānaɱ)
10. Pañcime bhikkhave ādīnavā muṭṭhassatissa asampajānassa niddaɱ okkamato. Katame pañca:

Dukkhaɱ supati, dukkhaɱ paṭibujjhati, pāpakaɱ supinaɱ passati, devatā na rakkhanti, asuci muccati.

Ime kho bhikkhave pañca ādīnavā muṭṭhassatissa asampajānassa niddaɱ okkamato.

Pañcime bhikkhave ānisaɱsā upaṭṭhitasatissa1sampajānassa niddaɱ okkamato. Katame pañca:

Sukhaɱ supati, sukhaɱ paṭibujjhati, na pāpakaɱ supinaɱ passati, devatā rakkhanti, asuci na muccati.

Ime kho bhikkhave pañca ānisaɱsā upaṭṭhitasatissa 1sampajānassa niddaɱ okkamatoti.
Kimbilavaggo paṭhamo

Tassuddānaɱ:
Kimbilo2 dhammasavaṇaɱ3 ājānīyo4 balaɱ khilaɱ
Vinibandhaɱ yāgu kaṭṭhaɱ gītaɱ muṭṭhassatinā cāti.

1. Upaṭṭhitassatissa machasaɱ 2. Kimilo,
3. Dhammassavaṇaɱ machasaɱ 4. Ājānīca machasaɱ, sīmu

[BJT Page 406]
[page 252]
Akkosakavaggo

5. 5. 2. 1
(Akkosakasuttaɱ)
(Sāvatthinidānaɱ)
11. Yo so bhikkhave bhikkhu akkosakaparibhāsako ariyūpavādi sabrahmacārīnaɱ, tassa pañca ādīnavā pāṭikaŋkhā. Katame pañca:

Pārājiko vā hoti chinnaparipantho, aññataraɱ vā saŋkiliṭṭhaɱ āpattiɱ āpajjati, bāḷhaɱ vā rogātaŋkaɱ phusati, sammūḷho kālaɱ karoti, kāyassa bhedā parammaraṇā apāyaɱ duggatiɱ vinipātaɱ nirayaɱ upapajjati.

Yo so bhikkhave bhikkhu akkosakaparibhāsako ariyūpavādī sabrahmacārīnaɱ, tassa ime pañca ādīnavā pāṭikaŋkhāti.

5. 5. 2. 2
(Bhaṇḍanakāraka suttaɱ)
(Sāvatthinidānaɱ)
12. Yo so bhikkhave bhikkhu bhaṇḍanakārako kalahakārako vivādakārako bhassakārako saŋghe adhikaraṇakārako, tassa pañca ādīnavā pāṭikaŋkhā. Katame pañca:

Anadhigataɱ nādhigacchati, adhigataɱ1 parihāyati, pāpako kittisaddo abbhuggacchati, sammūḷho kālaɱ karoti, kāyassa bhedā parammaraṇā apāyaɱ duggatiɱ vinipātaɱ nirayaɱ upapajjati.

Yo so bhikkhave bhikkhu bhāṇḍanakārako kalahakārako vivādakārako bhassakārako saŋghe adhikaraṇakārako, tassa ime pañca ādīnavā pāṭikaŋkhāti.

5. 5. 2. 3
(Sīla suttaɱ)
(Sāvatthinidānaɱ)
13. Pañcime bhikkhave ādīnavā dussīlassa sīlavipattiyā. Katame pañca:

Idha bhikkhave dussīlo sīlavipanno pamādādhikaraṇaɱ mahatiɱ bhogajāniɱ nigacchati, ayaɱ bhikkhave paṭhamo ādīnavo dussīlassa sīlavipattiyā.

Puna ca paraɱ bhikkhave dussīlassa sīlavipannassa pāpako kittisaddo abbhuggacchati. Ayaɱ bhikkhave dutiyo ādīnavo dussīlassa sīlavipattiyā

1. Adhigatā machasaɱ

[BJT Page 408]
[page 253]

Puna ca paraɱ bhikkhave dussīlo sīlavipanno yaññadeva parisaɱ upasaŋkamati: yadi khattiyaparisaɱ yadi brāhmaṇaparisaɱ yadi gahapatiparisaɱ yadi samaṇaparisaɱ, avisārado upasaŋkamati. Maŋkubhuto. Ayaɱ bhikkhave tatiyo ādīnavo dussīlassa sīlavipattiyā.

Puna ca paraɱ bhikkhave dussīlo sīlavipanno sammūḷho kālaɱ karoti.
Ayaɱ bhikkhave catuttho ādīnavo dussīlassa sīla vipattiyā.

Puna ca paraɱ bhikkhave dussīlo sīlavipanno kāyassa bhedā parammaraṇā apāyaɱ duggatiɱ vinipātaɱ nirayaɱ upapajjati ayaɱ bhikkhave pañcamo ādīnavo dussīlassa sīlavipattiyā.

Ime kho bhikkhave pañca ādīnavā dussīlassa sīlavippattiyā.

Pañcime bhikkhave ānisaɱsā sīlavato sīlasampadāya. Katame pañca:

Idha bhikkhave sīlavā sīlasampanno appamādādhikaraṇaɱ mahantaɱ bhogakkhandhaɱ adhigacchati. Ayaɱ bhikkhave paṭhamo ānisaɱso sīlavato sīlasampadāya.

Puna ca paraɱ bhikkhave sīlavato sīlasampannassa kalyāṇo kittisaddo abbhuggacchati. Ayaɱ bhikkhave dutiyo ānisaɱso sīlavato sīlasampadāya.

Puna ca paraɱ bhikkhave sīlavā sīlasampanno yaññadeva parisaɱ upasaŋkamati yadi khattiyaparisaɱ yadi brāhmaṇaparisaɱ yadi gahapatiparisaɱ yadi samaṇaparisaɱ, visārado upasaŋkamati, amaŋkubhūto ayaɱ bhikkhave tatiyo ānisaɱso sīlavato sīlasampadāya.
Puna ca paraɱ bhikkhave sīlavā sīlasampanno asammūḷho kālaɱ karoti.
Ayaɱ bhikkhave catuttho ānisaɱso sīlavato sīlasampadāya.
Puna ca paraɱ bhikkhave sīlavā sīlasampanno kāyassa bhedā parammaraṇā sugatiɱ saggaɱ lokaɱ upapajjati. Ayaɱ bhikkhave pañcamo ānisaɱso sīlavato sīlasampadāya.

Ime kho bhikkhave pañca ānisaɱsā sīlavato silasampadāyāti.
[page 254]

5. 5. 2. 4
(Bahubhāṇi suttaɱ)
(Sāvatthinidānaɱ)
14. Pañcime bhikkhave ādīnavā bahubhāṇiyasmiɱ puggale. Katame pañca.

Musā bhaṇati. Pisunaɱ bhaṇati, pharusaɱ bhaṇati, samphappalāpaɱ bhaṇati, kāyassa bhedā parammaraṇā apāyaɱ duggatiɱ vinipātaɱ nirayaɱ uppajjati.

Ime kho bhikkhave pañca ādīnavā bahubhāṇismiɱ puggale.
.
Pañcime bhikkhave ānisaɱsā mantabhāṇismiɱ puggale. Katame pañca:

[BJT Page 410]
Na musā bhaṇati, na pisunaɱ bhaṇati, na pharusaɱ bhaṇati, na samphappalāpaɱ bhaṇati. Kāyassa bhedā parammaraṇā sugatiɱ saggaɱ lokaɱ upapajjati. Ime kho bhikkhave pañca ānisaɱsā mantabhāṇismīɱ puggaleti.

5. 5. 2. 5
(Paṭhama akkhantisuttaɱ)
(Sāvatthinidānaɱ)
15. Pañcime bhikkhave ādīnavā akkhantiyā. Katame pañca:

Bahuno janassa appiyo hoti amanāpo. Verabahulo ca hoti, vajjabahulo ca, sammūḷho kālaɱ karoti, kāyassa bhedā parammaraṇā apāyaɱ duggatiɱ vinipātaɱ nirayaɱ upapajjati.

Ime kho bhikkhave pañca ādīnavā akkhantiyā.

Pañcime bhikkhave ānisaɱsā khantiyā. Katame pañca:

Bahuno janassa piyo hoti manāpo, na verabahulo hoti, na vajjabahulo, asammūḷho kālaɱ karoti, kāyassa bhedā parammaraṇā sugatiɱ saggaɱ lokaɱ uppajjati.
Ime kho bhikkhave pañca ānisaɱsā khantiyāti.
[page 255]

5. 5. 2. 6
(Dutiya akkhantisuttaɱ)
(Sāvatthinidānaɱ)
16. Pañcime bhikkhave ādinavā akkhantiyā. Katame pañca:

Bahuno janassa appiyo hoti amanāpo, luddo ca hoti, vippaṭisārī ca, sammūḷho kālaɱ karoti, kāyassa bhedā parammaraṇā apāyaɱ duggatiɱ vinipātaɱ nirayaɱ upapajjati.

Ime kho bhikkhave pañca ādīnavā akkhantiyā.

Pañcime bhikkhave ānisaɱsā khantiyā. Katame pañca.

Bahuno janassa piyo hoti manāpo, aluddo ca hoti, avippaṭisāri ca, asammūḷho kālaɱ karoti, kāyassa bhedā parammaraṇā sugatiɱ saggaɱ lokaɱ upapajjati.

Ime kho bhikkhave pañca ānisaɱsā khantiyāti.

[BJT Page 412.]
5. 5. 2. 7
(Paṭhamaapāsādika suttaɱ)
(Sāvatthinidānaɱ)
17. Pañcime bhikkhave ādinavā apāsādike. Katame pañca:

Attāpi attānaɱ upavadati, anuvicca viññū garahanti, pāpako kittisaddo abbhuggacchati, sammūḷho kālaɱ karoti, kāyassa bhedā parammaraṇā apāyaɱ duggatiɱ vinipātaɱ nirayaɱ upapajjati.

Ime kho bhikkhave pañca ādīnavā apāsādike

Pañcime bhikkhave pañca ādīnavā pāsādike katame pañca:

Attāpi attānaɱ na upavadati, anuvicca viññū pasaɱsanti, kalyāṇo kittisaddo abbhuggacchati, asammūḷho kālaɱ karoti, kāyassa bhedā parammaraṇā sugatiɱ saggaɱ
Lokaɱ upapajjati.

Ime kho bhikkhave pañca ānisaɱsā pāsādiketi.

5. 5. 2. 8
(Dutiyaapāsādikasuttaɱ)
(Sāvatthinidānaɱ)

18. Pañcime bhikkhave ādīnavā apāsādike. Katame pañca:
[page 256]

Appasannā nappasīdanti, pasannānañca ekaccānaɱ aññathattaɱ hoti, satthusāsanaɱ akataɱ hoti, pacchimā janatā diṭṭhānugatiɱ āpajjati, cittamassa nappasīdati.

Ime kho bhikkhave pañca ādīnavā apāsādike.

Pañcime bhikkhave ānisaɱsā pāsādike. Katame pañca:

Appasannā pasīdanti, pasannānañca bhīyyo bhāvo hoti, satthu sāsanaɱ kataɱ hoti, pacchimā janatā diṭṭhānugatiɱ āpajjati, cittamassa pasīdati.

Ime kho bhikkhave pañca ānisaɱsā pāsādiketi.

[BJT Page 414.]
5. 5. 2. 9
(Aggisuttaɱ)
(Sāvatthinidānaɱ)
19. Pañcime bhikkhave ādīnavā aggismiɱ. Katame pañca:

Acakkhusso, dubbaṇṇakaraṇo, dubbalakaraṇo, saŋgaṇikāpavaddhano, tiracchānakathāpavattaniko. 1

Ime bhikkhave pañca: ādīnavā aggisminti.

5. 5. 2. 10
(Madhurāsuttaɱ)
(Sāvatthinidānaɱ)
20. Pañcime bhikkhave ādīnavā madhurāyaɱ. Katame pañca:

Visamā, bahurajā, caṇḍasunakhā, vāḷayakkhā, dullabhapiṇḍā.

Ime kho bhikkhave pañca ādīnavā madhurāyanti.

Akkosakavaggo dutiyo
[page 257]
Tassuddānaɱ:
Akkosabhaṇḍanasīlaɱ bahubhāṇī dve akkhantiyo
Apāsādikā dve vuttā aggismiɱ madhurāya2 cā'ti.

1. Tiracchānakathā pattatiko hoti machasaɱ
2. Maḍurena sīmu.
.
[BJT Page 416]
3. Dīghacārika vaggo
5. 5. 3. 1
(Paṭhamadīghacārika suttaɱ)
(Sāvatthinidānaɱ)
21. Pañcime bhikkhave ādīnavā dīghacārikaɱ anavattha cārikaɱ1anuyuttassa viharato. Katame pañca:

Assutaɱ na suṇāti, sutaɱ na pariyodapeti, sutenekaccena avisārado hoti, bāḷhaɱ rogātaŋkaɱ phusati, na ca mittavā hoti.

Ime kho bhikkhave pañca ādīnavā dīghacārikaɱ anavattha cārikaɱ1anuyuttassa viharato.
Pañcime bhikkhave ānisaɱsā samavatthacāre. Katame pañca:

Assutaɱ suṇāti, sutaɱ pariyodapeti, sutenekaccena visārado hoti, na bāḷhaɱ2 rogātaŋkaɱ phusati, mittavā ca hoti.

Ime kho bhikkhave pañca ānisaɱsā samavatthacāreti.

5. 5. 3. 2
(Dutiyadīghacārika suttaɱ)
(Sāvatthinidānaɱ)
22. Pañcime bhikkhave ādīnavā dīghacārikaɱ anavattha cārikaɱ1anuyuttassa viharato. Katame pañca:

Anadhigataɱ nādhigacchati adhigataɱ parihāyati, adhigatenekaccena avisārado hoti bāḷhaɱ2 rogātaŋkaɱ phusati, na ca mittavā hoti.

Ime kho bhikkhave pañca ādīnavā dīghacārikaɱ anavattha cārikaɱ1anuyuttassa viharato.
Pañcime bhikkhave ānisaɱsā samavatthacāre. Katame pañca:

Anadhigataɱ adhigacchati, adhigataɱ na parihāyati, adhigatenekaccena visārado hoti, na bāḷhaɱ 2 rogātaŋkaɱ phusati, mittavā ca hoti.

Ime kho bhikkhave pañca ānisaɱsā samavatthacāreti.

1. Anavatthita cārikaɱ sīmu, machasaɱ, anavaṭṭhita cārikaɱ syā
2. Gāḷhaɱ sīmu, machasaɱ [PTS]

[BJT Page 418]
[page 258]

5. 5. 3. 3
(Paṭhamaatinivāsa suttaɱ)
(Sāvatthinidānaɱ)

23. Pañcime bhikkhave ādīnavā atinivāse 1 katame pañca:

Bahubhaṇḍo hoti bahubhaṇḍasannicayo, bahubhesajjo hoti bahubhesajjasannicayo, bahukicco hoti bahukaraṇiyo vyatto kiŋkaraṇīyesu, saɱsaṭṭho viharati gahaṭṭhapabbajitehi ananulomikena gihīsaɱsaggena, tamhā ca āvāsā pakkamanto sāpekkho pakkamati.

Ime kho bhikkhave, pañca ādīnavā atinivāse.

Pañcime bhikkhave, ānisaɱsā samavatthavāse. Katame pañca:

Na bahubhaṇḍo hoti na bahubhaṇḍasannicayo, na bahubhesajjo hoti na bahubhesajjasannicayo, na bahukicco hoti na bahukaraṇiyo na vyatto kiŋkaraṇīyesu, asaɱsaṭṭho viharati gahaṭṭhapabbajitehi ananulomikena gihīsaɱsaggena, tamhā ca āvāsā pakkamanto anapekkho pakkamati.

Ime kho bhikkhave, pañca ānisaɱsā samavatthavāseti.

5. 5. 3. 4
(Dutiya atinivāsa suttaɱ)
(Sāvatthinidānaɱ)
24. Pañcime bhikkhave ādīnavā atinivāse1 katame pañca:

Āvāsamaccharī hoti, kulamaccharī hoti, lābhamaccharī hoti, vaṇṇamaccharī hoti, dhammamaccharī hoti.

Ime kho bhikkhave, pañca ādinavā atinivāse.

Pañcime bhikkhave, ānisaɱsā samavatthavāse. Katame pañca:

Na āvāsamaccharī hoti, na dhammamaccharī hoti, na lābhamaccharī hoti. Na vaṇṇamaccharī hoti, na dhammamaccharī hoti.

Ime kho bhikkhave, pañca ānisaɱsā samavatthavāseti.

1. Abhinivāse syā

[BJT Page 420]
5. 5. 3. 5
(Paṭhamakulūpaga suttaɱ)
(Sāvatthinidānaɱ)

25. Pañcime bhikkhave ādīnavā kulūpage. Katame pañca:
[page 259]

Anāmantacāre āpajjati, raho nisajjāya āpajjati, paṭicchanne āsane āpajjati, mātugāmassa uttariɱ chappañca vācāhi dhammaɱ desento āpajjati, kāmasaŋkappabahulo viharati.

Ime kho bhikkhave pañca ādīnavā kulūpage'ti.

5. 5. 3. 6
(Dutiyakulūpaga suttaɱ)
(Sāvatthinidānaɱ)
26. Pañcime bhikkhave ādīnavā kulūpagassa bhikkhuno ativelaɱ kulesu saɱsaṭṭhassa viharato. Katame pañca:

Mātugāmassa abhiṇhadassanaɱ, dassane sati saɱsaggo, saɱsagge sati vissāso, vissāse sati otāro, otiṇṇacittassetaɱ pāṭikaŋkhaɱ: anabhirato vā brahmacariyaɱ carissati, aññataraɱ vā saŋkiliṭṭhaɱ āpattiɱ āpajjissati, sikkhaɱ vā paccakkhāya hīnayāvattissati.

Ime kho bhikkhave pañca ādīnavā kulūpagassa bhikkhuno ativelaɱ kulesu saɱsaṭṭhassa viharatoti.

5. 5. 3. 7
(Bhogasuttaɱ)
(Sāvatthinidānaɱ)
27. Pañcime bhikkhave ādīnavā bhogesu katame pañca:

Aggisādhāraṇā bhogā, udakasādhāraṇā bhogā, rājasādhāraṇā bhogā, corasādhāraṇā bhogā, appiyehi dāyādehi sādhāraṇā bhogā.

Ime kho bhikkhave pañca ādīnavā bhogesu.

Pañcime bhikkhave ānisaɱsā bhogesu. Katame pañca:

Bhoge nissāya attānaɱ sukheti pīṇeti sammā sukhaɱ pariharati, mātāpitaro sukheti pīṇoti sammā sukhaɱ pariharati, puttadāradāsakammakaraporise sukheti pīṇeti sammā sukhaɱ pariharati, mittāmacce sukheti pīṇeti sammā sukhaɱ pariharati, samaṇabrāhmaṇesu uddhaggikaɱ dakkhiṇaɱ patiṭṭhāpeti sovaggikaɱ sukhavipākaɱ saggasaɱvattanikaɱ.

Ime kho bhikkhave pañca ānisaɱsā bhogesū'ti.

[BJT Page 422]
[page 260]

5. 5. 3. 8
(Ussūrabhattasuttaɱ)
(Sāvatthinidānaɱ)
28. Pañcime bhikkhave ādīnavā ussūrabhatte kule katame pañca:

Ye te atithi pāhunā te na kālena paṭipūjenti, yā tā balipaṭiggāhikā 1 devatā tā na kālena paṭipūjenti, ye te samaṇabrāhmaṇā ekabhattikā rattuparatā viratā vikālabhojanā te na kālena paṭipūjenti, dāsakammakaraporisā vimukhā kammaɱ karonti, tāvatakaɱ yeva asamayena bhuttaɱ anojavantaɱ hoti.

Ime kho bhikkhave pañca ādinavā ussūrabhatte kule.

Pañcime bhikkhave ānisaɱsā samayabhatte kule. Katame pañca:

Ye te atithi pāhunā te kālena paṭipūjenti, yā tā balipaṭiggāhikā 1 devatā tā kālena paṭipūjenti, ye te samaṇabrāhmaṇā ekabhattikā rattuparatā viratā vikālabhojanā te kālena paṭipūjenti, dāsakammakaraporisā avimukhā kammaɱ karonti, tāvatakaɱ ye va samayena bhuttaɱ ojavantaɱ hoti.

Ime kho bhikkhave pañca ānisaɱsā samayabhatte kuleti.

5. 5. 3. 9
(Paṭhamakaṇhasappasuttaɱ)
(Sāvatthinidānaɱ)
29. Pañcime bhikkhave ādīnavā kaṇhasappe. Katame pañca:

Asucī, duggandho, sabhīru, sappaṭibhayo, mittadubhī2 ime kho bhikkhave pañca ādīnavā kaṇhasappe.

Evameva kho bhikkhave pañcime ādīnavā mātugāme. Katame pañca:

Asucī dugagandho, sabhīru, sappaṭibhayo, mittadubhi. 3 Ime kho bhikkhave pañca ādīnavā mātugāmeti.

1. Balipaṭiggāhakā sīmu.
2. Mittadubbhī machasaɱ.

[BJT Page 424]
5. 5. 3. 10
(Dutiyakaṇhasappasuttaɱ)
(Sāvatthinidānaɱ)
30. Pañcime bhikkhave ādīnavā kaṇhasappe. Katame pañca:

Kodhano, upanāhī, ghoraviso, dujīvho, mittadubhī1 [page 261]
Ime kho bhikkhave pañca ādinavā kaṇhasappe.

Evameva kho bhikkhave pañca ādīnavā mātugāme. Katame pañca:

Kodhano, upanāhī, ghoraviso, dujīvho, mittadubhī.

Tatiradaɱ2 bhikkhave mātugāmassa ghoravisatā:3 yebhuyyena bhikkhave mātugāmo tibbarāgo. Tatiradaɱ bhikkhave mātugāmassa dujīvhatā: yebhuyyena bhikkhave mātugāmo pisunāvāco. Tatiradaɱ bhikkhave mātugāmassa mittadubhitā: yebhuyyena bhikkhave mātugāmo aticārinī.
Ime kho bhikkhave pañca ādīnavā mātugāmeti.

Dīghacārikavaggo tatiyo.

Tassuddānaɱ:
Dīghacārikaɱ dve vuttā atinivāsamacchare,
Dve ca kulūpagā bhogā bhattaɱ sappāpare duveti.

1. Mīttadubhī machasaɱ.
2. Tatīradaɱ machasaɱ.
3. Ghoravisaɱ sīmu.

[BJT Page 426]
4. Āvāsikavaggo
5. 5. 4. 1
(Abhāvanīya suttaɱ)
31. Pañcahi bhikkhave dhammehi samannāgato āvāsiko bhikkhu abhāvanīyo hoti. Katamehi pañcahi:

Na ākappasampanno hoti na vattasampanno, na bahussuto hoti na sutadharo, na paṭisallekhitā hoti na paṭisallāṇārāmo,* na kalyāṇavāco hoti na kalyāṇavākkaraṇo, duppañño hoti jaḷo elamūgo.

Imehi kho bhikkhave pañcahi dhammehi samannāgato āvāsiko bhikkhu abhāvanīyo hoti.
Pañcahi bhikkhave dhammehi samannāgato āvāsiko bhikkhu bhāvanīyo hoti. Katamehi pañcahi:
[page 262]

Ākappa sampanno hoti vattasampanno, bahussuto hoti sutadharo, paṭisallekhitā hoti paṭisallāṇārāmo, kalyāṇavāco hoti kalyāṇavākkaraṇo, paññavā hoti ajaḷo aneḷamūgo.

Imehi kho bhikkhave pañcahi dhammehi samannāgato āvāsiko bhikkhu bhāvanīyo hotīti.

5. 5. 4. 2
(Piyasuttaɱ)
(Sāvatthinidānaɱ)
32. Pañcahi bhikkhave dhammehi samannāgato āvāsiko bhikkhu sabrahmacārīnaɱ piyo ca hoti manāpo ca garu ca bhāvanīyo ca. Katamehi pañcahi:

Sīlavā hoti, pātimokkhasaɱvarasaɱvuto viharati, ācāragocarasampanno aṇumattesu vajjesu bhayadassāvī samādāya sikkhati sikkhāpadesu. Bahussuto hoti sutadharo sutasannicayo ye te dhammā ādikalyāṇā majjhekalyāṇā pariyosānakalyāṇā sātthā savyañjanā1 kevalaparipuṇṇaɱ parisuddhaɱ brahmacariyaɱ abhivadanti, tathārūpāssa dhammā bahussutā honti, dhatā 2vacasā paricitā manasānupekkhitā diṭṭhiyā suppaṭividdhā. Kalyāṇavāco hoti kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā. Catunnaɱ jhānānaɱ ābhicetasikānaɱ diṭṭhadhammasukhavihārānaɱ nikāmalābhī hoti akicchalābhī. Āsavānaɱ khayā anāsavaɱ cetovimuttiɱ paññāvimuttiɱ diṭṭheva dhamme sayaɱ abhiññā sacchikatvā upasampajja viharati.

Imehi kho bhikkhave pañcahi dhammehi samannāgato āvāsiko bhikkhu sabrahmacārīnaɱ piyo ca hoti manāpo ca garu ca bhāvanīyo cāti.

*Na kalyāṇarāmo, syāmapotthake adhikaɱ,
1. Sātthaɱ savyañjanaɱ machasaɱ syā, 2. Dhātā machasaɱ

[BJT Page 428]
5. 5. 4. 3
(Sobhanasuttaɱ)
(Sāvatthinidānaɱ)

33. Pañcahi bhikkhave dhammehi samannāgato āvāsiko bhikkhu āvāsaɱ sobheti. Katamehi pañcahi:
[page 263]

Sīlavā hoti, pātimokkhasaɱvarasaɱvuto viharati, ācāragocarasampanno aṇumattesu vajjesu bhayadassāvī samādāya sikkhati sikkhāpadesu. Bahussuto hoti sutadharo sutasannicayo ye te dhammā ādikalyāṇā majjhekalyāṇā pariyosānakalyāṇā sātthā savyañjanā kevalaparipuṇṇaɱ parisuddhaɱ brahmacariyaɱ abhivadanti, tathārūpāssa dhammā bahussutā honti, dhatā vacasā paricitā manasānupekkhitā diṭṭhiyā suppaṭividdhā kalyāṇavāco hoti kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā. Paṭibalo hoti upasaŋkamante dhammiyā kathāya sandassetuɱ samādapetuɱ samuttejetuɱ sampahaɱsetuɱ. Catunnaɱ jhānānaɱ ābhicetasikānaɱ diṭṭhadhammasukhavihārānaɱ nikamalābhī hoti akicchalābhī akasiralābhī.

Imehi kho bhikkhave, pañcahi dhammehi samannāgato āvāsiko bhikkhu āvāsaɱ sobhetīti.
5. 5. 4. 4
(Bahūpakārasuttaɱ)
(Sāvatthinidānaɱ)

34. Pañcahi bhikkhave dhammehi samannāgato āvāsiko bhikkhu āvāsassa bahūpakāro hoti. Katamehi pañcahi:

Sīlavā hoti, pātimokkhasaɱvarasaɱvuto viharati, ācāragocarasampanno aṇumattesu vajjesu bhayadassāvī samādāya sikkhati sikkhāpadesu. Bahussuto hoti sutadharo sutasannicayo ye te dhammā ādikalyāṇā majjhekalyāṇā pariyosānakalyāṇā sātthā savyañjanā kevalaparipuṇṇaɱ parisuddhaɱ brahmacariyaɱ abhivadanti, tathārūpāssa dhammā bahussutā honti, dhatā vacasā paricitā manasānupekkhitā diṭṭhiyā suppaṭividdhā
Khaṇḍaphullaɱ paṭisaŋkharoti. Mahā kho pana bhikkhusaŋgho abhikkanto, nānāverajjakā bhikkhū gihīnaɱ upasaŋkamitvā āroceti: " mahā kho āvuso, bhikkhusaŋgho abhikkanto, nānāverajjakā bhikkhu, karotha puññāni, samayo puññāni kātunti" catunnaɱ jhānānaɱ ābhicetasikānaɱ diṭṭhadhammasukhavihārānaɱ nikamalābhī hoti akicchalābhī akasiralābhī.

Imehi kho bhikkhave, pañcahi dhammehi samannāgato āvāsiko bhikkhu āvāsassa bahūpakāro hotī'ti.

5. 5. 4. 5
(Anukampakasuttaɱ)
(Sāvatthinidānaɱ)
35. Pañcahi bhikkhave, dhammehi samannāgato āvāsiko bhikkhu gihīnaɱ anukampati. Katamehi pañcahi:

Adhisīle samādapeti, dhammadassane niveseti, gilānake upasaŋkamitvā satiɱ uppādeti: 'arahaggataɱ [page 264] āyasmanto satiɱ upaṭṭhāpethā'ti mahā kho pana bhikkhusaŋgho abhikkanto nānāverajjakā bhikkhū, gihīnaɱ upasaŋkamitvā āroceti: "mahā kho āvuso, bhikkhusaŋgho abhikkanto, nānāverajjakā bhikkhū, tarotha puññāni, samayo puññāni kātunti. " Yaɱ kho panassa bhojanaɱ denti lūkhaɱ vā paṇītaɱ vā taɱ attanā paribhuñjati, saddhādeyyaɱ na vinipāteti.

Imehi kho bhikkhave, pañcahi dhammehi samannāgato āvāsiko bhikkhu gihīnaɱ anukampatīti.

[BJT Page 430]
5. 5. 4. 6
(Paṭhamaavaṇṇārahasuttaɱ)
(Sāvatthinidānaɱ)
36. Pañcahi bhikkhave, dhammehi samannāgato āvāsiko bhikkhu yathābhataɱ nikkhitto evaɱ niraye. Katamehi pañcahi:

Ananuvicca apariyogāhetvā vaṇṇārahassa avaṇṇaɱ bhāsati, ananuvicca apariyogāhetvā avaṇṇārahassa vaṇṇaɱ bhāsati, ananuvicca apariyogāhetvā appasādanīye ṭhāne pasādaɱ upadaɱseti, ananuvicca apariyogāhetvā pasādanīye ṭhāne appasādaɱ upadaɱseti, saddhādeyyaɱ vinipāteti.

Imehi kho bhikkhave, pañcahi dhammehi samannāgato āvāsiko bhikkhu yathābhataɱ nikkhitto evaɱ niraye.

Pañcahi bhikkhave dhammehi samannāgato āvāsiko bhikkhu yathābhataɱ nikkhitto evaɱ sagge. Katamehi pañcahi:

Anuvicca pariyogāhetvā avaṇṇārahassa avaṇṇaɱ bhāsati, anuvicca pariyogāhetvā vaṇṇārahassa vaṇṇaɱ bhāsati, anuvicca pariyogāhetvā appasādanīye ṭhāne appasādaɱ upadaɱseti, anuvicca pariyogāhetvā pāsādanīye ṭhāne pasādaɱ upadaɱseti, saddhādeyyaɱ na vinipāteti.

Imehi kho bhikkhave pañcahi dhammehi samannāgato āvāsiko bhikkhu yathābhataɱ nikkhitto evaɱ saggeti.
[page 265]

5. 5. 4. 7
(Dutiyaavaṇṇārahasuttaɱ)
(Sāvatthinidānaɱ)

37. Pañcahi bhikkhave, dhammehi samannāgato āvāsiko bhikkhu yathābhataɱ nikkhitto evaɱ niraye. Katamehi pañcahi:

Ananuvicca apariyogāhetvā avaṇṇārahassa vaṇṇaɱ bhāsati, ananuvicca apariyogāhetvā vaṇṇārahassa avaṇṇaɱ bhāsati. Āvāsamaccharī hoti āvāsapaligedhī, kulamaccharī hoti kulapaligedhī, saddhādeyyaɱ vinipāteti.

Imehi kho bhikkhave pañcahi dhammehi samannāgato āvāsiko bhikkhu yathābhataɱ nikkhitto evaɱ niraye

[BJT Page 432.]

Pañcahi bhikkhave dhammehi samannāgato āvāsiko bhikkhu yathābhataɱ nikkhitto evaɱ sagge. Katamehi pañcahi:

Anuvicca pariyogāhetvā avaṇṇārahassa avaṇṇaɱ bhāsati, anuvicca pariyogāhetvā vaṇṇārahassa vaṇṇaɱ bhasati, na āvāsamaccharī hoti na āvāsapaligedhī, na kulamaccharī hoti na kulapaligedhī, saddhādeyyaɱ na vinipāteti.

Imehi kho bhikkhave pañcahi dhammehi samannāgato āvāsiko bhikkhu yathābhataɱ nikkhitto evaɱ saggeti.

5. 5. 4. 8
(Tatiyaavaṇṇārahasuttaɱ)
(Sāvatthinidānaɱ)

38. Pañcahi bhikkhave, dhammehi samannāgato āvāsiko bhikkhu yathābhataɱ nikkhitto evaɱ niraye. Katamehi pañcahi:

Ananuvicca apariyogāhetvā avaṇṇārahassa vaṇṇaɱ bhāsati, ananuvicca apariyogāhetvā vaṇṇārahassa avaṇṇaɱ bhāsati. Āvāsamaccharī hoti kulamaccharī hoti lābhamacchari hoti.

Imehi kho bhikkhave pañcahi dhammehi samannāgato āvāsiko bhikkhu yathābhataɱ nikkhitto evaɱ niraye.

Pañcahi bhikkhave dhammehi samannāgato āvāsiko bhikkhu yathābhataɱ nikkhitto evaɱ sagge. Katamehi pañcahi:

Anuvicca pariyogāhetvā avaṇṇārahassa avaṇṇaɱ bhāsati, anuvicca pariyogāhetvā vaṇṇārahassa vaṇṇaɱ [page 266] bhasati, na āvāsamaccharī hoti na kulamaccharī hoti na lābhamaccharī hoti.

Imehi kho bhikkhave pañcahi dhammehi samannāgato āvāsiko bhikkhu yathābhataɱ nikkhitto evaɱ saggeti.

5. 5. 4. 9
(Paṭhamacchariyasuttaɱ)
(Sāvatthinidānaɱ)

39. Pañcahi bhikkhave, dhammehi samannāgato āvāsiko bhikkhu yathābhataɱ nikkhitto evaɱ niraye. Katamehi pañcahi:

Āvāsamaccharī hoti, kulamacchari hoti lābhamaccharī hoti vaṇṇamaccharī hoti, saddhādeyyaɱ vinipāteti.

Imehi kho bhikkhave pañcahi dhammehi samannāgato āvāsiko bhikkhu yathābhataɱ nikkhitto evaɱ niraye.

[BJT Page 434]

Pañcahi bhikkhave dhammehi samannāgato āvāsiko bhikkhu yathābhataɱ nikkhitto evaɱ sagge. Katamehi pañcahi:

Na āvāsamaccharī hoti, na kulamaccharī hoti, na lābhamaccharī hoti, na vaṇṇamaccharī hoti, saddhādeyyaɱ na vinipāteti.

Imehi kho bhikkhave pañcahi dhammehi samannāgato āvāsiko bhikkhu yathābhataɱ nikkhitto evaɱ saggeti.

5. 5. 4. 10
(Dutiya macchariyasuttaɱ)
(Sāvatthinidānaɱ)

40. Pañcahi bhikkhave, dhammehi samannāgato āvāsiko bhikkhu yathābhataɱ nikkhitto evaɱ niraye. Katamehi pañcahi:

Āvāsamaccharī hoti, kulamaccharī hoti, lābhamaccharī hoti vaṇṇamaccharī hoti, dhammamaccharī hoti.

Imehi kho bhikkhave pañcahi dhammehi samannāgato āvāsiko bhikkhu yathābhataɱ nikkhitto evaɱ niraye.

Pañcahi bhikkhave dhammehi samannāgato āvāsiko bhikkhu yathābhataɱ nikkhitto evaɱ sagge. Katamehi pañcahi:

Na āvāsamaccharī hoti, na kulamaccharī hoti, na [page 267] lābhamaccharī hoti, na vaṇṇamaccharī hoti, na dhammamaccharī hoti.

Imehi kho bhikkhave pañcahi dhammehi samannāgato āvāsiko bhikkhu yathābhataɱ nikkhitto evaɱ saggeti.

Āvāsikavaggo catuttho

Tassuddānaɱ:
Abhāvanīyo piyasobhanā ca1 bahūpakāro anukampako ca
Yathābhataɱ cādi tayo avaṇṇārahā duve macchariyā ca vuttā2

1. Āvāsiko appiya sobhanāca sīmu.
2. Yathābhataɱ cāpi avaṇṇagedhā, catukkamacchera pañcamena cāpi sīmu
Āvāsiko piyo ca sobhamānā machasaɱ

[BJT Page 436]
5. Du-c-carita vaggo
5. 5. 5. 1
(Du-c-caritasuttaɱ)
(Sāvatthinidānaɱ)
41. Pañcime bhikkhave ādīnavā duccarite katame pañca:

Attāpi attānaɱ upavadati, anuvicca viññū garahanti, pāpako kittisaddo abbhuggacchati, sammūḷho kālaɱ karoti, kāyassa bhedā parammaraṇā apāyaɱ duggatiɱ vinipātaɱ nirayaɱ upapajjati.

Ime kho bhikkhave pañca ādīnavā duccarite.

Pañcime bhikkhave ānisaɱsā sucarite. Katame pañca:

Attāpi attānaɱ na upavadati, anuvicca viññū pasaɱsanti, kalyāṇo kittisaddo abbhuggacchati, asammūḷho kālaɱ karoti, kāyassa bhedā parammaraṇā sugatiɱ saggaɱ lokaɱ upapajjati.

Ime kho bhikkhave pañca ānisaɱsā sucarite'ti.

5. 5. 5. 2
(Kāyaduccaritasuttaɱ)
(Sāvatthinidānaɱ)
42. Pañcime bhikkhave ādīnavā kāyaduccarite katame pañca:

Attāpi attānaɱ upavadati, anuvicca viññū garahanti, pāpako kittisaddo abbhuggacchati, sammūḷho kālaɱ karoti, kāyassa bhedā parammaraṇā apāyaɱ duggatiɱ vinipātaɱ nirayaɱ upapajjati.

Ime kho bhikkhave pañca ādīnavā kāyaduccarite.

Pañcime bhikkhave ānisaɱsā kāyasucarite. Katame pañca:

Attāpi attānaɱ na upavadati, anuvicca viññū pasaɱsanti, kalyāṇo kittisaddo abbhuggacchati, asammūḷho kālaɱ karoti, kāyassa bhedā parammaraṇā sugatiɱ saggaɱ lokaɱ upapajjati.

Ime kho bhikkhave pañca ānisaɱsā kāyasucarite'ti.

5. 5. 5. 3
(Vacīduccaritasuttaɱ)
(Sāvatthinidānaɱ)
43. Pañcime bhikkhave ādīnavā vacīduccarite katame pañca:

Attāpi attānaɱ upavadati, anuvicca viññū garahanti, pāpako kittisaddo abbhuggacchati, sammūḷho kālaɱ karoti, kāyassa bhedā parammaraṇā apāyaɱ duggatiɱ vinipātaɱ nirayaɱ upapajjati.

Ime kho bhikkhave pañca ādīnavā vacīduccarite.

Pañcime bhikkhave ānisaɱsā vacīsucarite. Katame pañca:

Attāpi attānaɱ na upavadati, anuvicca viññū pasaɱsanti, kalyāṇo kittisaddo abbhuggacchati, asammūḷho kālaɱ karoti, kāyassa bhedā parammaraṇā sugatiɱ saggaɱ lokaɱ upapajjati.

Ime kho bhikkhave pañca ānisaɱsā vacīsucarite'ti.

5. 5. 5. 4
(Manoduccaritasuttaɱ)
(Sāvatthinidānaɱ)
44. Pañcime bhikkhave ādīnavā manoduccarite katame pañca:

Attāpi attānaɱ upavadati, anuvicca viññū garahanti, pāpako kittisaddo abbhuggacchati, sammūḷho kālaɱ karoti, kāyassa bhedā parammaraṇā apāyaɱ duggatiɱ vinipātaɱ nirayaɱ upapajjati.

Ime kho bhikkhave pañca ādīnavā manoduccarite.

Pañcime bhikkhave ānisaɱsā manosucarite. Katame pañca:

Attāpi attānaɱ na upavadati, anuvicca viññū pasaɱsanti, kalyāṇo kittisaddo abbhuggacchati, asammūḷho kālaɱ karoti, kāyassa bhedā parammaraṇā sugatiɱ saggaɱ lokaɱ upapajjati.

Ime kho bhikkhave pañca ānisaɱsā manosucarite'ti.

[BJT Page 438]
5. 5. 5. 5
(Aparaduccaritasuttaɱ)
(Sāvatthinidānaɱ)

45. Pañcime bhikkhave ādīnavā duccarite katame pañca:

Attāpi attānaɱ upavadati, anuvicca viññū garahanti, pāpako kittisaddo abbhuggacchati, saddhammā vuṭṭhāti, asaddhamme patiṭṭhāti.

Ime kho bhikkhave pañca ādīnavā duccarite.

Pañcime bhikkhave ānisaɱsā sucarite. Katame pañca:
[page 268]

Attāpi attānaɱ na upavadati, anuvicca viññū pasaɱsanti, kalyāṇo kittisaddo abbhuggacchati, asaddhammā vuṭṭhāti, saddhamme patiṭṭhāti.

Ime kho bhikkhave pañca ānisaɱsā sucarite'ti.

5. 5. 5. 6
(Aparakāyaduccaritasuttaɱ)
(Sāvatthinidānaɱ)

46. Pañcime bhikkhave ādīnavā kāyaduccarite katame pañca:

Attāpi attānaɱ upavadati, anuvicca viññū garahanti, pāpako kittisaddo abbhuggacchati, saddhammā vuṭṭhāti, asaddhamme patiṭṭhāti.

Ime kho bhikkhave pañca ādīnavā kāyaduccarite.

Pañcime bhikkhave ānisaɱsā kāyasucarite. Katame pañca:

Attāpi attānaɱ na upavadati, anuvicca viññū pasaɱsanti, kalyāṇo kittisaddo abbhuggacchati, asaddhammā vuṭṭhāti, saddhamme patiṭṭhāti.

Ime kho bhikkhave pañca ānisaɱsā kāyasucarite'ti.

5. 5. 5. 7
(Aparavacīduccaritasuttaɱ)
(Sāvatthinidānaɱ)

47. Pañcime bhikkhave ādīnavā vacīduccarite katame pañca:

Attāpi attānaɱ upavadati, anuvicca viññū garahanti, pāpako kittisaddo abbhuggacchati, saddhammā vuṭṭhāti, asaddhamme patiṭṭhāti.

Ime kho bhikkhave pañca ādīnavā vacīduccarite.

Pañcime bhikkhave ānisaɱsā vacīsucarite. Katame pañca:

Attāpi attānaɱ na upavadati, anuvicca viññū pasaɱsanti, kalyāṇo kittisaddo abbhuggacchati, asaddhammā vuṭṭhāti, saddhamme patiṭṭhāti.

Ime kho bhikkhave pañca ānisaɱsā vacīsucarite'ti.

5. 5. 5. 8
(Aparamanoduccaritasuttaɱ)
(Sāvatthinidānaɱ)

48. Pañcime bhikkhave ādīnavā manoduccarite katame pañca:

Attāpi attānaɱ upavadati, anuvicca viññū garahanti, pāpako kittisaddo abbhuggacchati, saddhammā vuṭṭhāti, asaddhamme patiṭṭhāti.

Ime kho bhikkhave pañca ādīnavā manoduccarite.

Pañcime bhikkhave ānisaɱsā manosucarite. Katame pañca:

Attāpi attānaɱ na upavadati, anuvicca viññū pasaɱsanti, kalyāṇo kittisaddo abbhuggacchati, asaddhammā vuṭṭhāti, saddhamme patiṭṭhāti.

Ime kho bhikkhave pañca ānisaɱsā mano sucarite'ti.

[BJT Page 440]
5. 5. 5. 9
(Sīvathikāsuttaɱ)
(Sāvatthinidānaɱ)
49. Pañcime bhikkhave ādīnavā sīvathikāya. Katame pañca:

Asuci, duggandhā, sappaṭibhayā, vāḷānaɱ amanussānaɱ āvāso, bahuno janassa ārodanā.

Ime kho bhikkhave pañca ādīnavā sīvathikāya.

Evameva kho bhikkhave pañcime ādīnavā sīvathikūpame puggale. Katame pañca:
[page 269]

Idha bhikkhave ekacco puggalo asucinā kāyakammena samannāgato hoti, asucinā vacīkammena samannāgato hoti, asucinā manokammena samannāgato, hoti, idamassa asucitāya vadāmi. Seyyathāpi sā bhikkhave, sīvathikā asuci, tathūpamāhaɱ bhikkhave imaɱ puggalaɱ vadāmi.

Tassa asucinā kāyakammena samannāgatassa asucinā vacīkammena samannāgatassa asucinā manokammena samannāgatassa pāpako kittisaddo abbhuggacchati, idamassa duggandhatāya vadāmi. Seyyathāpi sā bhikkhave sīvathikā duggandhā, tathūpamāhaɱ bhikkhave imaɱ puggalaɱ vadāmi.

Tamenaɱ asucinā kāyakammena samannāgataɱ asucinā vacīkammena samannāgataɱ asucinā manokammena samannāgataɱ pesalā sabrahmacāri ārakā parivajjenti. 1 Idamassa sappaṭibhayasmiɱ vadāmi. Seyyathāpi sā bhikkhave sīvathikā sappaṭibhayā, tathūpamāhaɱ bhikkhave imaɱ puggalaɱ vadāmi.

So asucinā kāyakammena samannāgato asucinā vacīkammena samannāgato asucinā manokammena samannāgato sabhāgehi puggalehi saddhiɱ saɱvasati. Idamassa vāḷāvāsasmiɱ vadāmi. Seyyathāpi sā bhikkhave sīvathikā vāḷānaɱ amanussānaɱ
Āvāso, tathūpamāhaɱ bhikkhave imaɱ puggalaɱ vadāmi.

Tamenaɱ asucinā kāyakammena samannāgataɱ asucinā vacīkammena samannāgataɱ asucinā manokammena samannāgataɱ pesalā sabrahmacāri disvā khīyanadhammaɱ āpajjanti. 'Aho vata no dukkhaɱ ye mayaɱ evarūpehi puggalehi saddhiɱ saɱvasāmā'ti, idamassa ārodanāya vadāmi. Seyyathāpi sā bhikkhave sīvathikā bahuno janassa ārodanā, tathūpamāhaɱ bhikkhave imaɱ puggalaɱ vadāmi.

Ime kho bhikkhave pañca ādīnavā sīvathikūpame puggale'ti.

1. Parivajjanti ma. Cha. Saɱ. 2. Khīyadhammaɱ machasaɱ

[BJT Page 442]
[page 270]
5. 5. 5. 10
(Puggalappasādasuttaɱ)
(Sāvatthinidānaɱ)
50. Pañcime bhikkhave ādīnavā puggalappasāde. Katame pañca:

Yasmiɱ bhikkhave puggale puggalo abhippasanno hoti, so tathārūpaɱ āpattiɱ āpanno hoti, yathārūpāya āpattiyā saŋgho ukkhipati. Tassa evaɱ hoti: "yo kho myāyaɱ puggalo piyo manāpo, so saŋghena ukkhitto"ti bhikkhūsu appasādabahulo hoti. Bhikkhūsu appasādabahulo samāno aññe bhikkhū na bhajati, aññe bhikkhū na bhajanto saddhammaɱ na suṇāti, saddhammaɱ asuṇanto saddhammā parihāyati. Ayaɱ bhikkhave paṭhamo ādīnavo puggalappasāde.

Puna ca paraɱ bhikkhave yasmiɱ puggale puggalo abhippasanno hoti, so tathārūpaɱ āpattiɱ āpanno hoti, yathārūpāya āpattiyā saŋgho ante nisīdāpeti. Tassa evaɱ hoti: "yo kho myāyaɱ puggalo piyo manāpo, so saŋghena ante nisīdāpito"ti bhikkhūsu appasāda bahulo hoti. Bhikkhūsu appasādabahulo samāno aññe bhikkhū na bhajati, aññe bhikkhū na bhajanto1 saddhammaɱ na suṇāti, saddhammaɱ asuṇanto saddhammaɱ parihāyati. Ayaɱ bhikkhave dutiyo ādīnavo
Puggalappasāde.

Puna ca paraɱ bhikkhave yasmiɱ puggale puggalo abhippasanno hoti, so disā pakkanto hoti, tassa evaɱ hoti: "yo kho myāyaɱ puggalo piyo manāpo, so disā pakkanto'ti bhikkhūsu appasāda bahulo hoti. Bhikkhūsu appasādabahulo samāno aññe bhikkhū na bhajati, aññe bhikkhū na bhajanto saddhammaɱ na suṇāti, saddhammaɱ asuṇanto saddhammaɱ parihāyati. Ayaɱ bhikkhave tatiyo ādīnavo puggalappasāde.

Puna ca paraɱ bhikkhave yasmiɱ puggale puggalo so vibbhanno hoti, tassa evaɱ hoti: "yo kho myāyaɱ puggalo piyo manāpo, so vibbhanto'ti bhikkhūsu appasāda bahulo hoti. Bhikkhūsu appasādabahulo samāno aññe bhikkhū na bhajati, aññe bhikkhū na bhajanto saddhammaɱ na suṇāti, saddhammaɱ asuṇanto saddhammaɱ parihāyati. Ayaɱ bhikkhave catuttho ādīnavo puggalappasāde.

Puna ca paraɱ bhikkhave yasmiɱ puggale puggalo so kālaɱkato hoti, tassa evaɱ hoti. "Yo kho myāyaɱ puggalo piyo manāpo, so kālakato'ti, bhikkhūsu appasāda bahulo hoti. Bhikkhūsu appasādabahulo samāno aññe bhikkhū na bhajati, aññe bhikkhū na bhajanto saddhammaɱ na suṇāti, saddhammaɱ asuṇanto saddhammaɱ parihāyati. Ayaɱ bhikkhave pañcamo ādīnavo puggalappasāde.

Ime kho bhikkhave pañca ādīnavā puggalappasāde'ti.

Du-c-caritavaggo pañcamo
[page 271]

Tassuddānaɱ:
Du-c-caritaɱ kāyaduccaritaɱ vacīduccaritaɱ manoduccaritaɱ
Catūhi pare dve sīvathikā puggalappasādena cāti

Pañcamaɱ paṇṇāsakaɱ.

1. Abhajanto machasaɱ

[BJT Page 444]
Chaṭṭhapaṇṇāsakaɱ
1. Upasampadāvaggo
5. 6. 1. 1
(Upasampādetabbasuttaɱ)
(Sāvatthinidānaɱ)
1. Pañcahi bhikkhave dhammehi samannāgatena bhikkhunā upasampādetabbaɱ. Katamehi pañcahi:
Idha bhikkhave bhikkhu asekhena sīlakkhandhena samannāgato hoti, asekhena samādhikkhandhena samannāgato hoti, asekhena paññākkhandhena samannāgato hoti, asekhena vimuttikkhandhena samannāgato hoti, asekhena vimuttiñāṇadassanakkhandhena samannāgato hoti.

Imehi kho bhikkhave pañcahi dhammehi samannāgatena bhikkhunā upasampādetabbanti.

5. 6. 1. 2
(Nissayasuttaɱ)
(Sāvatthinidānaɱ)
2. Pañcahi bhikkhave dhammehi samannāgatena bhikkhunā nissayo dātabbo. Katamehi pañcahi:
Idha bhikkhave bhikkhu asekhena sīlakkhandhena samannāgato hoti, asekhena samādhikkhandhena samannāgato hoti, asekhena paññākkhandhena samannāgato hoti, asekhena vimuttikkhandhena samannāgato hoti, asekhena vimuttiñāṇadassanakkhandhena samannāgato hoti.

Imehi kho bhikkhave pañcahi dhammehi samannāgatena bhikkhunā nissayo dātabboti.

5. 6. 1. 3
(Sāmaṇerasuttaɱ)
(Sāvatthinidānaɱ)
3. Pañcahi bhikkhave aŋgehi samannāgatena bhikkhunā sāmaṇero upaṭṭhāpetabbo. Katamehi pañcahi:

Idha bhikkhave bhikkhu asekhena sīlakkhandhena samannāgato hoti, asekhena samādhikkhandhena samannāgato hoti, asekhena paññākkhandhena samannāgato hoti, asekhena vimuttikkhandhena samannāgato hoti, asekhena vimuttiñāṇadassanakkhandhena samannāgato hoti.

Imehi kho bhikkhave, pañcahi dhammehi samannāgatena bhikkhunā sāmaṇero upaṭṭhāpetabboti.

[BJT Page 446]
[page 272]

5. 6. 1. 4
(Macchariyasuttaɱ)
(Sāvatthinidānaɱ)
4. Pañcimāni bhikkhave macchariyāni. Katamāni pañca:

Āvāsamacchariyaɱ kulamacchariyaɱ lābhamacchariyaɱ vaṇṇamacchariyaɱ dhammamacchariyaɱ.

Imāni kho bhikkhave, pañca macchariyāni.

Imesaɱ kho bhikkhave pañcannaɱ macchariyānaɱ etaɱ patikiṭṭhaɱ 1yadidaɱ dhammamacchariyanti.
5. 6. 1. 5
(Macchariyapahānasuttaɱ)
(Sāvatthinidānaɱ)
5. Pañcannaɱ bhikkhave macchariyānaɱ pahānāya samucchedāya brahmacariyaɱ vussati. Katamesaɱ pañcannaɱ:

Āvāsamacchariyassa pahānāya samucchedāya brahmacariyaɱ vussati. Kulamacchariyassa pahānāya samucchedāya brahmacariyaɱ vussati lābhamacchariyassa pahānāya samucchedāya brahmacariyaɱ vussati vaṇṇamacchariyassa pahānāya samucchedāya brahmacariyaɱ vussati. Dhammamacchariyassa pahānāya samucchedāya brahmacariyaɱ vussati.

Imesaɱ kho bhikkhave, pañcannaɱ macchariyānaɱ pahānāya samucchedāya brahmacariyaɱ vussatīti.

5. 6. 1. 6
(Paṭhamajjhānasuttaɱ)
(Sāvatthinidānaɱ)
6. Pañcime bhikkhave dhamme appahāya abhabbo paṭhamaɱ jhānaɱ upasampajja viharituɱ. Katame pañca:

Āvāsamacchariyaɱ kulamacchariyaɱ, lābhamacchariyaɱ, vaṇṇamacchariyaɱ, dhammamacchariyaɱ.

Ime kho bhikkhave pañca dhamme appahāya abhabbo paṭhamaɱ jhānaɱ upasampajja viharituɱ.
Pañcime bhikkhave, dhamme pahāya bhabbo paṭhamaɱ jhānaɱ upasampajja viharituɱ. Katame pañca:

Āvāsamacchariyaɱ, kulamacchariyaɱ, lābhamacchariyaɱ, vaṇṇamacchariyaɱ, dhammamacchariyaɱ.

Ime kho bhikkhave, pañca dhamme pahāya bhabbo paṭhamaɱ jhānaɱ upasampajja viharitunti.

1. Paṭikuṭṭhaɱ machasaɱ, patikkiṭṭhaɱ syā

[BJT Page 448]
5. 6. 1. 7.
(Dutiyajjhānasuttaɱ)
(Sāvatthinidānaɱ)
7. Pañcime bhikkhave, dhamme appahāya abhabbo dutiyaɱ jhānaɱ upasampajja viharituɱ. Katame pañca.

Āvāsamacchariyaɱ, kulamacchariyaɱ, lābhamacchariyaɱ, vaṇṇamacchariyaɱ, dhammamacchariyaɱ,

Ime kho bhikkhave pañca dhamme appahāya abhabbo dutiyaɱ jhānaɱ upasampajja viharituɱ.
Pañcime bhikkhave, dhamme pahāya bhabbo dutiyaɱ jhānaɱ upampajja viharituɱ. Katame pañca.

Āvāsamacchariyaɱ kulamacchariyaɱ, lābhamacchariyaɱ, vaṇṇamacchariyaɱ, dhammamacchariyaɱ.

Ime kho bhikkhave. Pañca dhamme pahāya bhabbo dutiyaɱ jhānaɱ upasampajja viharituɱ.
5. 6. 1. 8
(Tatiyajjhānasuttaɱ)
(Sāvatthinidānaɱ)
8. Pañcime bhikkhave, dhamme appahāya abhabbo tatiyaɱ jhānaɱ upasampajja viharituɱ. Katame pañca.

Āvāsamacchariyaɱ, kulamacchariyaɱ, lābhamacchariyaɱ, vaṇṇamacchariyaɱ, dhammamacchariyaɱ,

Ime kho bhikkhave pañca dhamme appahāya abhabbo tatiyaɱ jhānaɱ upasampajja viharituɱ.
Pañcime bhikkhave, dhamme pahāya bhabbo tatiyaɱ jhānaɱ upampajja viharituɱ. Katame pañca.

Āvāsamacchariyaɱ kulamacchariyaɱ, lābhamacchariyaɱ, vaṇṇamacchariyaɱ, dhammamacchariyaɱ.

Ime kho bhikkhave. Pañca dhamme pahāya bhabbo tatiyaɱ jhānaɱ upasampajja viharituɱ.
5. 6. 1. 9
(Catutthajjhinasuttaɱ)
(Sāvatthinidānaɱ)
9. Pañcime bhikkhave, dhamme appahāya abhabbo catutthaɱ jhānaɱ upasampajja viharituɱ. Katame pañca.

Āvāsamacchariyaɱ, kulamacchariyaɱ, lābhamacchariyaɱ, vaṇṇamacchariyaɱ, dhammamacchariyaɱ,

Ime kho bhikkhave pañca dhamme appahāya abhabbo catutthaɱ jhānaɱ upasampajja viharituɱ.
Pañcime bhikkhave, dhamme pahāya bhabbo catutthaɱ jhānaɱ upampajja viharituɱ. Katame pañca.

Āvāsamacchariyaɱ kulamacchariyaɱ, lābhamacchariyaɱ, vaṇṇamacchariyaɱ, dhammamacchariyaɱ.

Ime kho bhikkhave. Pañca dhamme pahāya bhabbo catutthaɱ jhānaɱ upasampajja viharituɱ.
5. 6. 1. 10
(Aparapaṭhamajjhānasuttaɱ)
(Sāvatthinidānaɱ)
10. Pañcime1 bhikkhave, dhamme appahāya abhabbo paṭhamaɱ jhānaɱ upasampajja viharituɱ. Katame pañca.

Āvāsamacchariyaɱ, kulamacchariyaɱ, lābhamacchariyaɱ, vaṇṇamacchariyaɱ, akataññutaɱ akataveditaɱ.
Ime kho bhikkhave, pañca dhamme appahāya abhabbo paṭhamaɱ jhānaɱ upasampajja viharituɱ.
Pañcime bhikkhave, dhamme pahāya bhabbo paṭhamaɱ jhānaɱ upasampajja viharituɱ. Katame pañca.

Āvāsamacchariyaɱ kulamacchariyaɱ, lābhamacchariyaɱ, vaṇṇamacchariyaɱ, kataññutaɱ kataveditaɱ

Ime kho bhikkhave. Pañca dhamme pahāya bhabbo paṭhamaɱ jhānaɱ upasampajja viharitunti.
1. Pañca syā
* Ettha dutiyaɱ jhānanti padato paṭṭhāya yāva anāgāmi phalanti padāni 'machasaɱ' potthake duntikkhittāni pubbapeyyāleneva saŋgahītattā.

[BJT Page 450]

5. 6. 1. 11
(Aparadutiyajjhānasuttaɱ)
(Sāvatthinidānaɱ)
11. Pañcime bhikkhave, dhamme appahāya abhabbo dutiyaɱ jhānaɱ upasampajja viharituɱ. Katame pañca.

Āvāsamacchariyaɱ, kulamacchariyaɱ, lābhamacchariyaɱ, vaṇṇamacchariyaɱ, akataññutaɱ akataveditaɱ.
Ime kho bhikkhave, pañca dhamme appahāya abhabbo dutiyaɱ jhānaɱ upasampajja viharituɱ.
Pañcime bhikkhave, dhamme pahāya bhabbo dutiyaɱ jhānaɱ upasampajja viharituɱ. Katame pañca.

Āvāsamacchariyaɱ kulamacchariyaɱ, lābhamacchariyaɱ, vaṇṇamacchariyaɱ, akataññutaɱ akataveditaɱ
Ime kho bhikkhave. Pañca dhamme pahāya bhabbo dutiyaɱ jhānaɱ upasampajja viharituɱ.
5. 6. 1. 12
(Aparatatiyajjhānasuttaɱ)
(Sāvatthinidānaɱ)
12. Pañcime bhikkhave, dhamme appahāya abhabbo tatiyaɱ jhānaɱ upasampajja viharituɱ. Katame pañca.

Āvāsamacchariyaɱ, kulamacchariyaɱ, lābhamacchariyaɱ, vaṇṇamacchariyaɱ, akataññutaɱ akataveditaɱ.
Ime kho bhikkhave, pañca dhamme appahāya abhabbo tatiyaɱ jhānaɱ upasampajja viharituɱ.
Pañcime bhikkhave, dhamme pahāya bhabbo tatiyaɱ jhānaɱ upasampajja viharituɱ. Katame pañca.

Āvāsamacchariyaɱ kulamacchariyaɱ, lābhamacchariyaɱ, vaṇṇamacchariyaɱ, akataññutaɱ akataveditaɱ
Ime kho bhikkhave. Pañca dhamme pahāya bhabbo tatiyaɱ jhānaɱ upasampajja viharituɱ.
5. 6. 1. 13
(Aparacatutthajjhānasuttaɱ)
(Sāvatthinidānaɱ)
13. Pañcime bhikkhave, dhamme appahāya abhabbo catutthaɱ jhānaɱ upasampajja viharituɱ. Katame pañca.

Āvāsamacchariyaɱ, kulamacchariyaɱ, lābhamacchariyaɱ, vaṇṇamacchariyaɱ, akataññutaɱ akataveditaɱ.
Ime kho bhikkhave, pañca dhamme appahāya abhabbo catutthaɱ jhānaɱ upasampajja viharituɱ.
Pañcime bhikkhave, dhamme pahāya bhabbo catutthaɱ jhānaɱ upasampajja viharituɱ. Katame pañca.

Āvāsamacchariyaɱ kulamacchariyaɱ, lābhamacchariyaɱ, vaṇṇamacchariyaɱ, akataññutaɱ akataveditaɱ
Ime kho bhikkhave. Pañca dhamme pahāya bhabbo catutthaɱ jhānaɱ upasampajja viharituɱ.
5. 6. 1. 14
(Sotāpattiphalasacchikiriyā suttaɱ)
(Sāvatthinidānaɱ)
14. Pañcime bhikkhave, dhamme appahāya abhabbo sotāpattiphalaɱ sacchikātuɱ
Katame pañca.

Āvāsamacchariyaɱ, kulamacchariyaɱ, lābhamacchariyaɱ, vaṇṇamacchariyaɱ, dhammamacchariyaɱ.

Ime kho bhikkhave, pañca dhamme appahāya abhabbo sotāpattiphalaɱ sacchikātuɱ.

Pañcime bhikkhave, dhamme pahāya bhabbo sotāpattiphalaɱ sacchikātuɱ. Katame pañca.
Āvāsamacchariyaɱ kulamacchariyaɱ, lābhamacchariyaɱ, vaṇṇamacchariyaɱ, dhammacchariyaɱ.

Ime kho bhikkhave. Pañca dhamme pahāya bhabbo sotāpattiphalaɱ sacchikātunti.

5. 6. 1. 15
(Sakadāgāmiphalasacchikiriyā suttaɱ)
(Sāvatthinidānaɱ)
15. Pañcime bhikkhave, dhamme appahāya abhabbo sakadāgāmiphalaɱ sacchikātuɱ
Katame pañca.

Āvāsamacchariyaɱ, kulamacchariyaɱ, lābhamacchariyaɱ, vaṇṇamacchariyaɱ, dhammamacchariyaɱ.

Ime kho bhikkhave, pañca dhamme appahāya abhabbo sakadāgāmiphalaɱ sacchikātuɱ.

Pañcime bhikkhave, dhamme pahāya bhabbo sakadāgāmiphalaɱ sacchikātuɱ. Katame pañca.
Āvāsamacchariyaɱ kulamacchariyaɱ, lābhamacchariyaɱ, vaṇṇamacchariyaɱ, dhammacchariyaɱ.

Ime kho bhikkhave. Pañca dhamme pahāya bhabbo sakadāgāmiphalaɱ sacchikātunti.

5. 6. 1. 16
(Anāgāmiphalasacchikiriyā suttaɱ)
(Sāvatthinidānaɱ)
16. Pañcime bhikkhave, dhamme appahāya abhabbo anāgāmiphalaɱ sacchikātuɱ
Katame pañca.

Āvāsamacchariyaɱ, kulamacchariyaɱ, lābhamacchariyaɱ, vaṇṇamacchariyaɱ, dhammamacchariyaɱ.

Ime kho bhikkhave, pañca dhamme appahāya abhabbo anāgāmiphalaɱ sacchikātuɱ.

Pañcime bhikkhave, dhamme pahāya bhabbo anāgāmiphalaɱ sacchikātuɱ. Katame pañca.
Āvāsamacchariyaɱ kulamacchariyaɱ, lābhamacchariyaɱ, vaṇṇamacchariyaɱ, dhammacchariyaɱ.

Ime kho bhikkhave. Pañca dhamme pahāya bhabbo anāgāmiphalaɱ sacchikātunti.

5. 6. 1. 17
(Arahattaphalasacchikiriyā suttaɱ)
(Sāvatthinidānaɱ)
17. Pañcime bhikkhave, dhamme appahāya abhabbo arahattaphalaɱ sacchikātuɱ
Katame pañca.

Āvāsamacchariyaɱ, kulamacchariyaɱ, lābhamacchariyaɱ, vaṇṇamacchariyaɱ, dhammamacchariyaɱ.

Ime kho bhikkhave, pañca dhamme appahāya abhabbo arahattaphalaɱ sacchikātuɱ.

Pañcime bhikkhave, dhamme pahāya bhabbo arahattaphalaɱ sacchikātuɱ. Katame pañca.
Āvāsamacchariyaɱ kulamacchariyaɱ, lābhamacchariyaɱ, vaṇṇamacchariyaɱ, dhammacchariyaɱ.

Ime kho bhikkhave. Pañca dhamme pahāya bhabbo arahattaphalaɱ sacchikātunti.

* Potthakesu pana imāni sotāpattiphalādini suttāni jhāna suttehi saddhiɱ peyyālamukhena ghaṭitāni duntikkhittāni dissanti.

[BJT Page 452]

5. 6. 1. 18
(Aparasotāpattiphala sacchikiriyā suttaɱ)
(Sāvatthinidānaɱ)
18. Pañcime bhikkhave, dhamme appahāya abhabbo sotāpattiphalaɱ sacchikātuɱ
Katame pañca.

Āvāsamacchariyaɱ, kulamacchariyaɱ, lābhamacchariyaɱ, vaṇṇamacchariyaɱ, akataññutaɱ akataveditaɱ.
Ime kho bhikkhave, pañca dhamme appahāya abhabbo sotāpattiphalaɱ sacchikātuɱ.

Pañcime bhikkhave, dhamme pahāya bhabbo sotāpattiphalaɱ sacchikātuɱ. Katame pañca.
Āvāsamacchariyaɱ kulamacchariyaɱ, lābhamacchariyaɱ, vaṇṇamacchariyaɱ, dhammamacchariyaɱ.

Ime kho bhikkhave. Pañca dhamme pahāya bhabbo sotāpattiphalaɱ sacchikātunti.

5. 6. 1. 19
(Aparasakadāgāmiphala sacchikiriyā suttaɱ)
(Sāvatthinidānaɱ)
19. Pañcime bhikkhave, dhamme appahāya abhabbo sakadāgāmiphalaɱ sacchikātuɱ
Katame pañca.

Āvāsamacchariyaɱ, kulamacchariyaɱ, lābhamacchariyaɱ, vaṇṇamacchariyaɱ, akataññutaɱ akataveditaɱ.
Ime kho bhikkhave, pañca dhamme appahāya abhabbo sakadāgāmiphalaɱ sacchikātuɱ.

Pañcime bhikkhave, dhamme pahāya bhabbo sakadāgāmiphalaɱ sacchikātuɱ. Katame pañca.
Āvāsamacchariyaɱ kulamacchariyaɱ, lābhamacchariyaɱ, vaṇṇamacchariyaɱ, dhammamacchariyaɱ.

Ime kho bhikkhave. Pañca dhamme pahāya bhabbo sakadāgāmiphalaɱ sacchikātunti.

5. 6. 1. 20
(Aparaanāgāmiphala sacchikiriyā suttaɱ)
(Sāvatthinidānaɱ)
20. Pañcime bhikkhave, dhamme appahāya abhabbo anāgāmiphalaɱ sacchikātuɱ
Katame pañca.

Āvāsamacchariyaɱ, kulamacchariyaɱ, lābhamacchariyaɱ, vaṇṇamacchariyaɱ, akataññutaɱ akataveditaɱ.
Ime kho bhikkhave, pañca dhamme appahāya abhabbo anāgāmiphalaɱ sacchikātuɱ.

Pañcime bhikkhave, dhamme pahāya bhabbo anāgāmiphalaɱ sacchikātuɱ. Katame pañca.
Āvāsamacchariyaɱ kulamacchariyaɱ, lābhamacchariyaɱ, vaṇṇamacchariyaɱ, dhammamacchariyaɱ.

Ime kho bhikkhave. Pañca dhamme pahāya bhabbo anāgāmiphalaɱ sacchikātunti.

5. 6. 1. 21
(Aparaarahattaphala sacchikiriyā suttaɱ)
(Sāvatthinidānaɱ)
21. Pañcime bhikkhave, dhamme appahāya abhabbo arahattaphalaɱ sacchikātuɱ
Katame pañca.

Āvāsamacchariyaɱ, kulamacchariyaɱ, lābhamacchariyaɱ, vaṇṇamacchariyaɱ, akataññutaɱ akataveditaɱ.
Ime kho bhikkhave, pañca dhamme appahāya abhabbo arahattaphalaɱ sacchikātuɱ.

Pañcime bhikkhave, dhamme pahāya bhabbo arahattaphalaɱ sacchikātuɱ. Katame pañca.
Āvāsamacchariyaɱ kulamacchariyaɱ, lābhamacchariyaɱ, vaṇṇamacchariyaɱ, dhammamacchariyaɱ.

Ime kho bhikkhave. Pañca dhamme pahāya bhabbo arahattaphalaɱ sacchikātunti.

Upasampadāvaggo paṭhamo

[BJT Page 454]
[page 274]
Vaggātireka suttāni
(Bhattuddesaka suttaɱ)
(Sāvatthinidānaɱ)
1. Pañcahi bhikkhave, dhammehi samannāgato bhattuddesako na sammannitabbo. Katamehi pañcahi:

Jandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, uddiṭṭhānuddiṭṭhaɱ na jānāti.

Imehi kho bhikkhave, pañcahi dhammehi samannāgato bhattuddesako na sammannitabbo.

Pañcahi bhikkhave, dhammehi samannāgato bhattuddesako sammannitabbo. Katamehi pañcahi:

Na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, uddiṭṭhānuddiṭṭhaɱ jānāti.

Imehi kho bhikkhave, pañcahi dhammehi samannāgato bhattuddesako sammannitabbo'ti.
(Dutiyabhattuddesakasuttaɱ)
(Sāvatthinidānaɱ)

2. Pañcahi bhikkhave, dhammehi samannāgato bhattuddesako na sammannitabbo. Sammatopi 1 na pesetabbo. Katamehi pañcahi: jandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, uddiṭṭhānuddiṭṭhaɱ na jānāti.
Imehi kho bhikkhave, pañcahi dhammehi samannāgato bhattuddesako na sammannitabbo.

Pañcahi bhikkhave, dhammehi samannāgato bhattuddesako sammannitabbo. Sammatopi pesetabbo. Katamehi pañcahi: na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, uddiṭṭhānuddiṭṭhaɱ jānāti.
Imehi kho bhikkhave pañcahi dhammehi samannāgato bhattuddesako sammannitabbo'ti.

3. Pañcahi bhikkhave, dhammehi samannāgato bhattuddesako bāloveditabbo. Katamehi pañcahi:chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, uddiṭṭhānuddiṭṭhaɱ na jānāti. Imehi kho bhikkhave, pañcahi dhammehi samannāgato bhattuddesako bālo veditabbo.

Pañcahi bhikkhave, dhammehi samannāgato bhattuddesako paṇḍito veditabbo. Katamehi pañcahi:

Na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, uddiṭṭhānuddiṭṭhaɱ jānāti.

Imehi kho bhikkhave, pañcahi dhammehi samannāgato bhattuddesako paṇḍito veditabbo.

4. Pañcahi bhikkhave, dhammehi samannāgato bhattuddesako khataɱ upahataɱ attānaɱ pariharati. Katamehi pañcahi:

Chandāgatiɱ gacchatiɱ, dosāgatiɱ gacchati, mohāgatiɱ gacchati, bhayāgatiɱ gacchati, uddānuddiṭṭhaɱ na jānāti.

Imehi kho bhikkhave pañcahi dhammehi samannāgato bhattuddesako khataɱ upahataɱ attānaɱ pariharati.

Pañcahi bhikkhave, dhammehi samannāgato bhattuddesako akkhataɱ anupahataɱ attānaɱ pariharati. Katamehi pañcahi: na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, uddiṭṭhānuddiṭṭhaɱ jānāti. Imehi kho bhikkhave pañcahi dhammehi samannāgato bhattuddesako akkhataɱ anupahataɱ attānaɱ pariharati.

1. Bhattuddesako sammato machasaɱ
[BJT Page 456]

5. Pañcahi bhikkhave, dhammehi samannāgato bhattuddesako yathābhataɱ nikkhitto evaɱ niraye katamehi pañcahi:

Chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, uddiṭṭhānuddiṭṭhaɱ jānāti.

Pañcahi bhikkhave, dhammehi samannāgato bhattuddesako yathābhataɱ nikkhitto evaɱ sagge. Katamehi pañcahi:

Na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, uddiṭṭhānuddiṭṭhaɱ jānāti.

Imehi kho bhikkhave pañcahi dhammehi samannāgato bhattuddesako yathābhataɱ nikkhitto evaɱ sagge'ti.

(Senāsana paññāpakādi suttāni)
(Sāvatthinidānāni)
6. Pañcahi bhikkhave dhammehi samannāgato senāsanapaññāpako na sammannitabbo. Katamehi pañcahi:

Chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, paññattāpaññattaɱ na jānāti.

Imehi kho bhikkhave pañcahi dhammehi samannāgato senāsanapaññāpako na sammannitabbo.

Pañcahi bhikkhave, dhammehi samannāgato senāsanapaññāpako sammannitabbo. Katamehi pañcahi:

Na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, paññattāpaññattaɱ jānāti

Imehi kho bhikkhave pañcahi dhammehi samannāgato senāsanapaññāpako sammannitabbo'ti.

7. Pañcahi bhikkhave, dhammehi samannāgato senāsanagāhāpako na sammannitabbo. Katamehi pañcahi:

Chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, gahitāgahitaɱ na jānāti

Imehi kho bhikkhave, pañcahi dhammehi samannāgato senāsanagāhāpako na sammannitabbo.

Pañcahi bhikkhave dhammehi samannāgato senāsanagāhāpako sammannitabbo. Katamehi pañcahi:

Na chandāgatiɱ gacchati na dosāgatiɱ gacchati, na mohāgatiɱ gacchati, na bhayāgatiɱ gacchati, gahitāgahitaɱ jānāti.

Ime kho bhikkhave pañcahi dhammehi samannāgato senāsanagāhāpako sammannitabboti.

8. Pañcahi bhikkhave dhammehi samannāgato bhaṇḍāgāriko na sammannitabbo. Katamehi pañcahi:

Chandāgatiɱ gacchati dosāgatiɱ gacchati, mohāgatiɱ gacchati, bhayāgatiɱ gacchati, guttāguttaɱ na jānāti.

Imehi kho bhikkhave pañcahi dhammehi samannāgato bhaṇḍāgāriko na sammannitabbo.

Pañcahi bhikkhave dhammehi samannāgato bhaṇḍāgāriko sammannitabbo. Katamehi pañcahi:

Na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, guttāguttaɱ jānāti.

Imehi kho bhikkhave pañcahi dhammehi samannāgato bhaṇḍāgāriko sammannitabbo.

9. Pañcahi bhikkhave, dhammehi samannāgato cīvarapaṭiggāhako na sammannitabbo. Katamehi pañcahi:

Chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, gahitāgahitaɱ na jānāti.

Imehi kho bhikkhave pañcahi dhammehi samannāgato cīvarapaṭiggāhako na sammannitabbo'ti.

Pañcahi bhikkhave dhammehi samannāgato cīvarapaṭiggahako sammannitabbo. Katamehi pañcahi:

Na chandāgatiɱ gacchati na dosāgatiɱ gacchati, na mohāgatiɱ gacchati, na bhayāgatiɱ gacchati, gahitāgahitaɱ jānāti.

Imehi kho bhikkhave pañcahi dhammehi samannāgato cīvarapaṭiggāhako sammannitabbo'ti.

1. Paññattāpaññattaɱ sīmu, syā

[BJT Page 458]

10. Pañcahi bhikkhave, dhammehi samannāgato cīvarabhājako na sammannitabbo. Katamehi pañcahi:

Chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, bhājitābhājitaɱ na jānāti

Imehi kho bhikkhave pañcahi dhammehi samannāgato cīvarabhājako na sammannitabbo'

Pañcahi bhikkhave, dhammehi samannāgato cīvarabhājako sammannitabbo. Katamehi pañcahi:

Na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, bhājitābhājitaɱ jānāti

Imehi kho bhikkhave pañcahi dhammehi samannāgato cīvarabhājako sammannitabbo'

11. Pañcahi bhikkhave dhammehi samannāgato yāgubhājako na sammannitabbo. Katamehi pañcahi:

Chandāgatiɱ gacchati, dosāgatiɱ gacchati, mohāgatiɱ bhayāgatiɱ gacchati, bhājitābhājitaɱ na jānāti.

Imehi kho bhikkhave pañcahi dhammehi samannāgato yāgubhājako na sammannitabbo.

Pañcahi bhikkhave dhammehi samannāgato yāgubhājako sammannitabbo. Katamehi pañcahi:

Na chandāgatiɱ gacchati, na dosāgatiɱ gacchati, na mohāgatiɱ gacchati,na bhayāgatiɱ gacchati, bhājitābhājitaɱ jānāti.

Imehi kho bhikkhave pañcahi dhammehi samannāgato yāgubhājako sammannitabbo.

12. Pañcahi bhikkhave, dhammehi samannāgato phalabhājako na sammannitabbo. Katamehi pañcahi:

Chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, bhājitābhājitaɱ na jānāti

Imehi kho bhikkhave pañcahi dhammehi samannāgato phalabhājako na sammannitabbo'

Pañcahi bhikkhave, dhammehi samannāgato phalabhājako sammannitabbo. Katamehi pañcahi:

Na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, bhājitābhājitaɱ jānāti

Imehi kho bhikkhave pañcahi dhammehi samannāgato phalabhājako sammannitabbo'

13. Pañcahi bhikkhave, dhammehi samannāgato khajjakabhājako na sammannitabbo. Katamehi pañcahi:

Chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, bhājitābhājitaɱ na jānāti

Imehi kho bhikkhave pañcahi dhammehi samannāgato khajjakabhājako na sammannitabbo'

Pañcahi bhikkhave, dhammehi samannāgato khajjakabhājako sammannitabbo. Katamehi pañcahi:

Na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, bhājitābhājitaɱ jānāti

Imehi kho bhikkhave pañcahi dhammehi samannāgato khajjakabhājako sammannitabbo'ti.

14. Pañcahi bhikkhave, dhammehi samannāgato appamattakavissajjako na sammannitabbo. Katamehi
Pañcahi:

Chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, vissajjitāvissajjitaɱ na jānāti

Imehi kho bhikkhave pañcahi dhammehi samannāgato appamattakavissajjako na sammannitabbo'ti.

Pañcahi bhikkhave, dhammehi samannāgato appamattakavissajjajako sammannitabbo. Katamehi pañcahi:

Na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, vissajjitāvissajjitaɱ jānāti

Imehi kho bhikkhave pañcahi dhammehi samannāgato appamattakavissajjako sammannitabbo'

15. Pañcahi bhikkhave, dhammehi samannāgato sāṭikagāhāpako na sammannitabbo. Katamehi pañcahi:
Chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, gahitāgahitaɱ na jānāti

Imehi kho bhikkhave pañcahi dhammehi samannāgato sāṭikagāhāpako na sammannitabbo'

Pañcahi bhikkhave, dhammehi samannāgato sāṭikagāhāpako sammannitabbo. Katamehi pañcahi:

Na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, gahitāgahitaɱ jānāti

Imehi kho bhikkhave pañcahi dhammehi samannāgato sāṭikagāhāpako sammannitabbo'

16. Pañcahi bhikkhave, dhammehi samannāgato pattagāhāpako na sammannitabbo.
Chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, gahitāgahitaɱ na jānāti

Imehi kho bhikkhave pañcahi dhammehi samannāgato pattagāhāpako na sammannitabbo'

Pañcahi bhikkhave, dhammehi samannāgato pattagāhāpako sammannitabbo. Katamehi pañcahi:

Na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, gahitāgahitaɱ jānāti

Imehi kho bhikkhave pañcahi dhammehi samannāgato pattagāhāpako sammannitabbo'

17. Pañcahi bhikkhave, dhammehi samannāgato ārāmikapesako na sammannitabbo. Katamehi pañcahi:
Chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, pesitāpesitaɱ na jānāti

Imehi kho bhikkhave pañcahi dhammehi samannāgato ārāmikapesako na sammannitabbo'

Pañcahi bhikkhave, dhammehi samannāgato ārāmikapesako sammannitabbo. Katamehi pañcahi:

Na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, pesitāpesitaɱ jānāti

Imehi kho bhikkhave pañcahi dhammehi samannāgato ārāmikapesako sammannitabbo'

18. Pañcahi bhikkhave, dhammehi samannāgato sāmaṇerapesako na sammannitabbo.
Chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, pesitāpesitaɱ na jānāti

Imehi kho bhikkhave pañcahi dhammehi samannāgato sāmaṇerapesako na sammannitabbo'

Pañcahi bhikkhave, dhammehi samannāgato sāmaṇerapesako sammannitabbo. Katamehi pañcahi:

Na chandāgatiɱ gacchati, na dosāgatiɱ gacchati, na mohāgatiɱ gacchati, na bhayāgatiɱ gacchati, pesitāpesitaɱ jānāti

Imehi kho bhikkhave pañcahi dhammehi samannāgato sāmaṇerapesako sammannitabbo'

[BJT Page 460]
19. Pañcahi bhikkhave, dhammehi samannāgato sāmaṇerapesako na sammannitabbo. Sammato'pi na pesetabbo. Katamehi pañcahi:

Chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, paññattāpaññattaɱ na jānāti.

Imehi kho bhikkhave pañcahi dhammehi samannāgato sāmaṇerapesako na sammannitabbo

Pañcahi bhikkhave. Dhammehi samannāgato sāmaṇerapesako sammannitabbo, sammato pesetabbo. Katamehi pañcahi:

Na chandāgatiɱ gacchati, na dosāgatiɱ gacchati, na mohāgatiɱ gacchati na bhayāgatiɱ gacchati, paññattāpaññattaɱ jānāti.

Imehi kho bhikkhave, pañcahi dhammehi samannāgato sāmaṇerapesako sammannitabbo'ti.

20. Pañcahi bhikkhave, dhammehi samannāgato sāmaṇera pesako bālo veditabbo. Sammato'pi na pesetabbo

Chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, pesitāpesitaɱ na jānāti.

Imehi kho bhikkhave pañcahi dhammehi samannāgato sāmaṇerapesako na sammannitabbo

Pañcahi bhikkhave. Dhammehi samannāgato sāmaṇerapesako paṇḍito veditabbo. Katamehi pañcahi:

Na chandāgatiɱ gacchati, na dosāgatiɱ gacchati, na mohāgatiɱ gacchati na bhayāgatiɱ gacchati, pesitāpesitaɱ jānāti.

Imehi kho bhikkhave, pañcahi dhammehi samannāgato sāmaṇerapesako sammannitabbo'ti.

21. Pañcahi bhikkhave, dhammehi samannāgato sāmaṇerapesako khataɱ upahataɱ attānaɱ pariharati katamehi pañcahi:
Chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, pesitāpesitaɱ na jānāti.

Imehi kho bhikkhave pañcahi dhammehi samannāgato sāmaṇerapesako na sammannitabbo

Pañcahi bhikkhave, dhammehi samannāgato sāmaṇera pesako akkhataɱ anupahataɱ attānaɱ pariharati katamehi pañcahi:

Na chandāgatiɱ gacchati, na dosāgatiɱ gacchati, na mohāgatiɱ gacchati na bhayāgatiɱ gacchati, pesitāpesitaɱ jānāti.

Imehi kho bhikkhave, pañcahi dhammehi samannāgato sāmaṇerapesako sammannitabbo'ti.

22. Pañcahi bhikkhave, dhammehi samannāgato sāmaṇera pesako yathābhataɱ nikkhitto evaɱ niraye. Katamehi pañcahi:

Chandāgatiɱ gacchati, dosāgatiɱ gacchati, mohāgatiɱ gacchati, bhayāgatiɱ gacchati, pesitāpesitaɱ na jānāti.

Imehi kho bhikkhave pañcahi dhammehi samannāgato sāmaṇerapesako na sammannitabbo

Pañcahi bhikkhave. Dhammehi samannāgato sāmaṇera pesako yathābhataɱ nikkhitto evaɱ sagge. Katamehi pañcahi:

Na chandāgatiɱ gacchati, na dosāgatiɱ gacchati, na mohāgatiɱ gacchati na bhayāgatiɱ gacchati, pesitāpesitaɱ jānāti.

Imehi kho bhikkhave, pañcahi dhammehi samannāgato sāmaṇerapesako yathābhataɱ nikkhitto evaɱ sagge'ti.

(Bhikkhusuttaɱ)
(Sāvatthinidānaɱ)

1. Pañcahi bhikkhave, dhammehi samannāgato bhikkhu yathābhataɱ nikkhitto evaɱ niraye. Katamehi pañcahi:

Pāṇātipātī hoti, adinnādāyī hoti, abrahmacārī hoti, musāvādī hoti, surāmerayamajjapamādaṭṭhāyī hoti.

Imehi kho bhikkhave pañcahi dhammehi samannāgato bhikkhu yathābhataɱ nikkhitto evaɱ niraye.

() Ayaɱ peyyālo potthattakesu na dissate.

[BJT Page 462]

Pañcahi bhikkhave, dhammehi samannāgato bhikkhu yathābhataɱ nikkhitto evaɱ sagge. Katamehi pañcahi:

Pāṇātipātā paṭivirato hoti, adinnādānā paṭivirato hoti, abrahmacariyā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti.

Imehi kho bhikkhave pañcahi dhammehi samannāgato bhikkhu yathābhataɱ nikkhitto evaɱ sagge'ti.

(Bhikkhunī suttaɱ)
(Sāvatthinidānaɱ)

2. Pañcahi bhikkhave, dhammehi samannāgatā bhikkhunī yathābhataɱ nikkhittā evaɱ niraye katamehi pañcahi:

Pāṇātipātinī hoti, adinnādāyinī hoti, kāmesu micchācāriṇi hoti, musāvādīnī hoti, surāmerayamajjapamādaṭṭhāyinī hoti.

Imehi kho bhikkhave pañcahi dhammehi samannāgatā bhikkhunī yathābhataɱ nikkhittā evaɱ niraye.

Pañcahi bhikkhave dhammehi samannāgatā bhikkhunī yathābhataɱ nikkhitto evaɱ sagge katamehi pañcahi:

Pāṇātipātā paṭiviratā hoti, adinnādānā paṭiviratā hoti, kāmesu micchācārā paṭiviratā hoti, musāvādā paṭiviratā hoti, surāmerayamajjapamādaṭṭhānā paṭiviratā hoti.

Imehi kho bhikkhave, pañcahi dhammehi samannāgatā bhikkhunī yathābhataɱ nikkhittā evaɱ sagge'ti.

(Sikkhamānāsuttaɱ)
(Sāvatthinidānaɱ)

3. Pañcahi bhikkhave, dhammehi samannāgatā sikkhamānā yathābhataɱ nikkhittā evaɱ niraye. Katamehi pañcahi:

Pāṇātipātī hoti, adinnādāyī hoti, abrahmacārī hoti, musāvādī hoti, surāmerayamajjapamādaṭṭhāyinī hoti.

Imehi kho bhikkhave pañcahi dhammehi samannāgatā sikkhamānā yathābhataɱ nikkhittā evaɱ niraye.

Pañcahi bhikkhave, dhammehi samannāgatā sikkhamānā yathābhataɱ nikkhittā evaɱ sagge. Katamehi pañcahi:

Pāṇātipātā paṭiviratā hoti, adinnādānā paṭiviratā hoti, kāmesu micchācārā paṭiviratā hoti, musāvādā paṭiviratā hoti, surāmerayamajjapamādaṭṭhānā paṭiviratā hoti.

Imehi kho bhikkhave pañcahi dhammehi samannāgatā sikkhamānā yathābhataɱ nikkhittā evaɱ sagge'ti.

(Sāmaṇera suttaɱ)
(Sāvatthinidānaɱ)

4. Pañcahi bhikkhave, dhammehi samannāgato sāmaṇero yathābhataɱ nikkhitto evaɱ niraye katamehi pañcahi:

Pāṇātipātī hoti, adinnādāyī hoti, kāmesu micchācāri hoti, musāvādī hoti, surāmerayamajjapamādaṭṭhāyī hoti.

Imehi kho bhikkhave pañcahi dhammehi samannāgato sāmaṇero yathābhataɱ nikkhitto evaɱ niraye.

Pañcahi bhikkhave dhammehi samannāgato sāmaṇero yathābhataɱ evaɱ sagge katamehi pañcahi:

Pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti.

Imehi kho bhikkhave, pañcahi dhammehi samannāgato sāmaṇero yathābhataɱ nikkhitto evaɱ sagge'ti.

(Sāmaṇerī suttaɱ)
(Sāvatthinidānaɱ)

5. Pañcahi bhikkhave, dhammehi samannāgatā sāmaṇerī yathābhataɱ nikkhittā evaɱ niraye katamehi pañcahi:

Pāṇātipātinī hoti, adinnādāyinī hoti, kāmesu micchācāriṇi hoti, musāvādīnī hoti, surāmerayamajjapamādaṭṭhāyinī hoti.

Imehi kho bhikkhave pañcahi dhammehi samannāgato sāmaṇerī yathābhataɱ nikkhittā evaɱ niraye.

Pañcahi bhikkhave dhammehi samannāgatā sāmaṇeri yathābhataɱ nikkhittā evaɱ sagge katamehi pañcahi:

Pāṇātipātā paṭivirato hoti, adinnādānā paṭivirato hoti, kāmesu micchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti.

Imehi kho bhikkhave pañcahi dhammehi samannāgatā sāmaṇerī yathābhataɱ nikkhittā evaɱ sagge'ti.

(Upāsaka suttaɱ)
(Sāvatthinidānaɱ)

6. Pañcahi bhikkhave dhammehi samannāgato upāsako yathābhataɱ nikkhitto evaɱ niraye katamehi pañcahi:

Pāṇātipātī hoti, adinnādāyī hoti, kāmesu micchācāri hoti, musāvādī hoti, surāmerayamajjapamādaṭṭhāyī hoti.

Imehi kho bhikkhave pañcahi dhammehi samannāgato upāsako yathābhataɱ nikkhitto evaɱ niraye.

Pañcahi bhikkhave dhammehi samannāgato upāsako yathābhataɱ nikkhitto evaɱ sagge katamehi pañcahi:

Pāṇātipātā paṭivirato hoti, adinnādānā paṭivirato hoti, kāmesu micchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti.

Imehi kho bhikkhave pañcahi dhammehi samannāgato upāsako yathābhataɱ nikkhitto evaɱ sagge'ti.

(Upāsikā suttaɱ)
(Sāvatthinidānaɱ)

7. Pañcahi bhikkhave, dhammehi samannāgatā upāsikā yathābhataɱ nikkhittā evaɱ niraye katamehi pañcahi:

Pāṇātipātinī hoti, adinnādāyinī hoti, kāmesu micchācāriṇī hoti, musāvādīnī hoti, surāmerayamajjapamādaṭṭhāyinī hoti.

Imehi kho bhikkhave pañcahi dhammehi samannāgatā upāsikā yathābhataɱ nikkhittā evaɱ niraye.

Pañcahi bhikkhave dhammehi samannāgatā upāsikā yathābhataɱ nikkhittā evaɱ sagge katamehi pañcahi:

Pāṇātipātā paṭiviratā hoti, adinnādānā paṭiviratā hoti, kāmesu micchācārā paṭiviratā hoti, musāvādā paṭiviratā hoti, surāmerayamajjapamādaṭṭhānā paṭiviratā hoti.

Imehi kho bhikkhave, pañcahi dhammehi samannāgatā upāsikā yathābhataɱ nikkhittā evaɱ sagge'ti.

(Ājīvaka suttaɱ)
(Sāvatthinidānaɱ)

8. Pañcahi bhikkhave, dhammehi samannāgato ājivako1yathābhataɱ nikkhitto evaɱ niraye. Katamehi pañcahi:

Pāṇātipātī hoti, adinnādāyī hoti, abrahmacārī hoti, musāvādī hoti, surāmerayamajjapamādaṭṭhāyī hoti.

Imehi kho bhikkhave, pañcahi dhammehi samannāgato ājivako1yathābhataɱ nikkhitto evaɱ niraye'ti.

1. Ājivīko sīmu.

[BJT Page 464]

(Nigaṇṭhasuttaɱ)
(Sāvatthinidānaɱ)

9. Pañcahi bhikkhave dhammehi samannāgato nigaṇṭho yathābhataɱ nikkhitto evaɱ niraye. Katamehi pañcahi:

Pāṇātipātī hoti, adinnādāyī hoti, abrahmacārī hoti, musāvādī hoti, surāmerayamajjapamādaṭṭhāyī hoti.

Imehi kho bhikkhave pañcahi dhammehi samannāgato nigaṇṭho yathābhataɱ nikkhitto evaɱ niraye'ti.

(Muṇḍasāvakasuttaɱ)
(Sāvatthinidānaɱ)

10. Pañcahi bhikkhave dhammehi samannāgato muṇḍasāvako1 yathābhataɱ nikkhitto evaɱ niraye. Katamehi pañcahi:

Pāṇātipātī hoti, adinnādāyī hoti, abrahmacārī hoti, musāvādī hoti, surāmerayamajjapamādaṭṭhāyī hoti.

Imehi kho bhikkhave pañcahi dhammehi samannāgato muṇḍasāvako yathābhataɱ nikkhitto evaɱ niraye'ti.

(Jaṭilakasuttaɱ)
(Sāvatthinidānaɱ)

11. Pañcahi bhikkhave dhammehi samannāgato jaṭilako yathābhataɱ nikkhitto evaɱ niraye. Katamehi pañcahi:

Pāṇātipātī hoti, adinnādāyī hoti, abrahmacārī hoti, musāvādī hoti, surāmerayamajjapamādaṭṭhāyī hoti.

Imehi kho bhikkhave pañcahi dhammehi samannāgato jaṭilako yathābhataɱ nikkhitto evaɱ niraye'ti.

(Paribbājakasuttaɱ)
(Sāvatthinidānaɱ)

12. Pañcahi bhikkhave dhammehi samannāgato paribbājako yathābhataɱ nikkhitto evaɱ niraye. Katamehi pañcahi:

Pāṇātipātī hoti, adinnādāyī hoti, abrahmacārī hoti, musāvādī hoti, surāmerayamajjapamādaṭṭhāyī hoti.

Imehi kho bhikkhave pañcahi dhammehi samannāgato paribbājako yathābhataɱ nikkhitto evaɱ niraye'ti.

(Māgandikasuttaɱ)
(Sāvatthinidānaɱ)

13. Pañcahi bhikkhave dhammehi samannāgato māgandiko yathābhataɱ nikkhitto evaɱ niraye. Katamehi pañcahi:

Pāṇātipātī hoti, adinnādāyī hoti, abrahmacārī hoti, musāvādī hoti, surāmerayamajjapamādaṭṭhāyī hoti.

Imehi kho bhikkhave pañcahi dhammehi samannāgato māgandiko yathābhataɱ nikkhitto evaɱ niraye'ti.

(Tedaṇḍikasuttaɱ)
(Sāvatthinidānaɱ)

14. Pañcahi bhikkhave dhammehi samannāgato tedaṇḍiko yathābhataɱ nikkhitto evaɱ niraye. Katamehi pañcahi:

Pāṇātipātī hoti, adinnādāyī hoti, abrahmacārī hoti, musāvādī hoti, surāmerayamajjapamādaṭṭhāyī hoti.

Imehi kho bhikkhave pañcahi dhammehi samannāgato tedaṇḍiko yathābhataɱ nikkhitto evaɱ niraye'ti.

(Āruddhakasuttaɱ)
(Sāvatthinidānaɱ)

15. Pañcahi bhikkhave dhammehi samannāgato āruddhako yathābhataɱ nikkhitto evaɱ niraye. Katamehi pañcahi:

Pāṇātipātī hoti, adinnādāyī hoti, abrahmacārī hoti, musāvādī hoti, surāmerayamajjapamādaṭṭhāyī hoti.

Imehi kho bhikkhave pañcahi dhammehi samannāgato āruddhako yathābhataɱ nikkhitto evaɱ niraye'ti.

(Gotamakasuttaɱ)
(Sāvatthinidānaɱ)

16. Pañcahi bhikkhave dhammehi samannāgato gotamako yathābhataɱ nikkhitto evaɱ niraye. Katamehi pañcahi:

Pāṇātipātī hoti, adinnādāyī hoti, abrahmacārī hoti, musāvādī hoti, surāmerayamajjapamādaṭṭhāyī hoti.

Imehi kho bhikkhave pañcahi dhammehi samannāgato gotamako yathābhataɱ nikkhitto evaɱ niraye'ti.

(Devadhammika suttaɱ)
(Sāvatthinidānaɱ)
17. Pañcahi bhikkhave dhammehi samannāgato devadhammiko yathābhataɱ nikkhitto evaɱ niraye. Katamehi pañcahi:

Pāṇātipātī hoti, adinnādāyī hoti, abrahmacārī hoti, musāvādī hoti, surāmerayamajjapamādaṭṭhāyī hoti.

Imehi kho bhikkhave pañcahi dhammehi samannāgato devadhammiko yathābhataɱ nikkhitto evaɱ niraye'ti.

1. Buḍḍhasāvako machasaɱ, sīmu 2. Māgaṇḍiko machasaɱ, syā

[BJT Page 466]

Rāgādipeyyālaɱ
(Rāgapeyyālasuttāni)
(Sāvatthinidānaɱ)

1. Rāgassa bhikkhave abhiññāya pañca dhammā bhāvetabbā. Katame pañca:

Asubhasaññā, maraṇasaññā, ādīnavasaññā, āhāre paṭikkūlasaññā, sabbaloke anabhiratasaññā.

Rāgassa bhikkhave abhiññāya ime pañca dhammā bhāvetabbā'ti.

2. Rāgassa bhikkhave abhiññāya pañca dhammā bhāvetabbā. Katame pañca:

Aniccasaññā, anattasaññā, maraṇasaññā, āhāre paṭikkūlasaññā, sabbaloke anabhiratasaññā.

Rāgassa bhikkhave abhiññāya ime pañca dhammā bhāvetabbā'ti.

3. Rāgassa bhikkhave abhiññāya pañca dhammā bhāvetabbā. Katame pañca:

Aniccasaññā, anicce dukkhasaññā, dukkhe anattasaññā, pahānasaññā, virāgasaññā

Rāgassa bhikkhave abhiññāya ime pañca dhammā bhāvetabbā'ti.

4. Rāgassa bhikkhave abhiññāya pañca dhammā bhāvetabbā. Katame pañca:

Saddhindriyaɱ, viriyindriyaɱ, satindriyaɱ, samādhindriyaɱ, paññindriyaɱ.

Rāgassa bhikkhave abhiññāya ime pañca dhammā bhāvetabbā'ti.

5. Rāgassa bhikkhave abhiññāya pañca dhammā bhāvetabbā. Katame pañca:

Saddhābalaɱ, viriyabalaɱ, satibalaɱ, samādhibalaɱ, paññābalaɱ.
Rāgassa bhikkhave abhiññāya ime pañca dhammā bhāvetabbā'ti.

[BJT Page 468]
(Rāgādipeyyālaɱ)
(Sāvatthinidānāni)
6 850. Rāgassa bhikkhave pariññāya pe parikkhayāya pe pahānāya pe khayāya pe vayāya pe virāgāya pe nirodhāya pe cāgāya pe paṭinissaggāya pañcadhammā bhāvetabbā katame pañca:
Asubhasaññā pe ime pañca dhammā bhāvetabbā ' ti.

Dosassa pe mohassa pe kodhassa pe upanāhassa pe makkhasasa pe paḷāsassa pe issāya pe macchariyassa pe māyāya pe sāṭheyyassa pe thambhassa pe sārambhassa pe mānassa pe atimānassa pe madassa pe ( abhiññāya pe )

Pamādassa bhikkhave abhiññāya pe pariññāya pe parikkhayāya pe pahānāya pe khayāya pe vayāya pe virāgāya pe nirodhāya pe cāgāya pe paṭinissaggāya pañcadhammā bhāvetabbā katame pañca:
Asubhasaññā pe ime pañca dhammā bhāvetabbā. Katame pañca :

Saddhābalaɱ, viriyabalaɱ, satibalaɱ, samādhibalaɱ, paññābalaɱ.

Pamādassa bhikkhave paṭinissaggāya ime pañca dhammā bhāvetabbā ' ti.

Rāgādipeyyālaɱ niṭṭhitaɱ

Tassuddānaɱ:

Abhiññāya pariññāya parikkhayāya
Pahānāya khayāya vasena ca
Virāganirodhā cāgañca
Paṭinissaggo ime dasā ' ti.*

Tatridaɱ vagguddānaɱ:

Sekhabalaɱ balañceva pañcaŋgikañca sumanaɱ
Muṇḍanīvaraṇasaññā ca yodhājīvañca aṭṭhamaɱ

Theraɱ kakudhaphāsukañca andhakavindena dvādasa gilānarājatikaṇḍaɱ saddhammaghātupāsakaɱ

Araññaɱ brāhmaṇañceva kimbilakkosakaɱ tathā
Dīghacārāvāsikañca duccaritūpasampadanti.

Pañcakanipāto samatto.

* Idha rāgādipeyyāle rāgapadato paṭṭhāya pamādapadapariyantesu sattarasa peyyālesu ekamekaɱ abhiññādī dasa atthapadehi yojetvā " pañcadhammā bhāvetabbā" ti niddiṭṭha pañcadhammapañcakena ghaṭitāni suttāni paṇṇāsādhikāni aṭṭhasatāni bhavanti.

[BJT Vol A - 4] [\z A /] [\w IV /]
[BJT Page 002]
Suttantapiṭake
Aŋguttaranikāyo
Catuttho bhāgo
Chakkanipāto
1. Paṭhamo paṇṇāsako
1. Āhuneyyavaggo
Namo tassa bhagavato arahato sammāsambuddhassa.

6. 1. 1. 1.
Paṭhamāhuneyyasuttaɱ
1. [page 279] evaɱ me sutaɱ; ekaɱ samayaɱ bhagavā sāvatthiyaɱ viharati jetavane anāthapiṇḍikassa ārāme. Tatra kho bhagavā bhikkhū āmantesi bhikkhavoti. Bhadanteti te bhikkhū bhagavato paccassosuɱ. Bhagavā etadavoca:

Chahi bhikkhave dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraɱ puññakkhettaɱ lokassa. Katamehi chahi:

Idha bhikkhave bhikkhu cakkhunā rūpaɱ disvā neva sumano hoti na dummano. Upekkhako viharati sato sampajāno.

Sotena saddaɱ sutvā neva sumano hoti na dummano. Upekkhako viharati sato sampajāno. Ghānena gandhaɱ ghāyitvā neva sumano hoti na dummano. Upekkhako viharati sato sampajāno. Jivhāya rasaɱ sāyitvā neva sumano hoti na dummano. Upekkhako viharati sato sampajāno. Kāyena phoṭṭhabbaɱ phusitvā neva sumano hoti na dummano. Upekkhako viharati sato sampajāno. Manasā dhammaɱ viññāya neva sumano hoti na dummano. Upekkhako viharati sato sampajāno.

Imehi kho bhikkhave chahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraɱ puññakkhettaɱ lokassāti.

Idamavoca bhagavā. Attamanā te bhikkhū bhagavato bhāsitaɱ abhinandunti.

[page 280]
[BJT Page 004]
6. 1. 1. 2

Dutiyāhuneyyasuttaɱ
( Sāvatthinidānaɱ)
2. Chahi bhikkhave dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraɱ puññakkhettaɱ lokassa. Katamehi chahi:

(1) Idha bhikkhave bhikkhu anekavihitaɱ iddhividhaɱ paccanubhoti: eko, pi hutvā bahudhā hoti, bahudhā'pi hutvā eko hoti, āvībhāvaɱ tirobhāvaɱ tirokuḍḍaɱ tiropākāraɱ tiropabbataɱ asajjamāno gacchati seyyathāpi ākāse. Paṭhaviyāpi ummujjanimujjaɱ karoti seyyathāpi udake. Udakepi abhejjamāne1 gacchati seyyathāpi paṭhaviyaɱ2. Ākāsepi pallaŋkena kamati seyyathāpi pakkhīsakuṇo. Imepi candimasuriye evaɱ mahiddhike evaɱ mahānubhāve pāṇinā parāmasati3 parimajjati. Yāva brahmalokā, pi kāyena vasaɱ vatteti.

(2) Dibbāya sotadhātuyā visuddhāya atikkantamānusakāya ubho sadde suṇāti dibbe ca mānuse ca ye ca dure santike ca

(3) Parasattānaɱ parapuggalānaɱ cetasā ceto paricca pajānāti: "sarāgaɱ vā cittaɱ sarāgaɱ cittanti pajānāti, vītarāgaɱ vā cittaɱ vītarāgaɱ cittanti pajānāti. Sadosaɱ vā cittaɱ sadosaɱ cittanti pajānāti. Vītadosaɱ vā cittaɱ vītadosaɱ cittanti pajānāti. Samohaɱ vā cittaɱ samohaɱ cittanti pajānāti, vītamohaɱ vā cittaɱ vītamohaɱ cittanti pajānāti. Saŋkhittaɱ vā cittaɱ saŋkhittaɱ cittanti pajānāti, vikkhittaɱ vā cittaɱ vikkhittaɱ cittanti pajānāti, mahaggataɱ vā cittaɱ mahaggataɱ cittanti pajānāti, amahaggataɱ vā cittaɱ amahaggataɱ cittanti pajānāti, sauttaraɱ vā cittaɱ sauttaraɱ cittanti pajānāti. Anuttaraɱ vā cittaɱ anuttaraɱ cittanti pajānāti, samāhitaɱ vā cittaɱ samāhitaɱ cittanti pajānāti, asamāhitaɱ vā cittaɱ asamāhitaɱ cittanti pajānāti, vimuttaɱ vā cittaɱ vimuttaɱ cittanti pajānāti, avimuttaɱ vā cittaɱ avimuttaɱ cittanti pajānāti.

(4) Anekavihitaɱ pubbenivāsaɱ anussarati. Seyyathīdaɱ: ekampi jātiɱ dve, pi jātiyo tisso, pi jātiyo catasso, pi jātiyo pañca, pi jātiyo dasa, pi jātiyo vīsampi jātiyo tiɱsampi jātiyo cattālīsampi jātiyo paññāsampi [page 281] jātiyo, jāti satampi jāti sahassampi jātisatasahassampi, anekepi saɱvaṭṭakappe, anekepi vivaṭṭakappe, anekepi saɱvaṭṭavivaṭṭakappe: amutrāsiɱ evannāmo) evaɱgotto evaɱvaṇṇo evamāhāro evaɱ subadukkhapaṭisaɱvedī evamāyupariyanto. So tato cuto amutra upapādiɱ. Tatrāpāsiɱ evaɱnāmo evaɱgotto evaɱvaṇṇo evamāhāro evaɱ sukhadukkhapaṭisaɱvedī evamāyu pariyanto. So tato cuto idhupapannā, ti iti sākāraɱ sauddesaɱ anekavihitaɱ pubbenivāsaɱ anussarati.

1 Abhijjamāno machasaɱ 2. Paṭhaviyā machasaɱ 3. Parīmasati sīmu,

[BJT Page 006]
(5) Dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate yathākammupage satte pajānāti:"ime vata bhonto sattā kāyaduccaritena samannāgatā vavīduccaritena samannāgatā manoduccaritena samannāgatā ariyānaɱ upavādakā micchādiṭṭhikā micchādiṭṭhikammasamādānā, te kāyassa bhedā parammaraṇā apāyaɱ duggatiɱ vinipātaɱ nirayaɱ upapannā. "Ime vā pana bhonto sattā kāya sucaritena samannāgatā vavīsucaritena samannāgatā manosucaritena samannāgatā ariyānaɱ anupavādakā sammādiṭṭhikā sammādiṭṭhikammasamādānā, te kāyassa bhedā parammaraṇā sugatiɱ saggaɱ lokaɱ upapannāti" iti dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānāti.
(6) Āsavānaɱ khayā anāsavaɱ cetovimuttiɱ paññāvimuttiɱ diṭṭheva dhamme sayaɱ abhiññā sacchikatvā upasampajja viharati.

Imehi kho bhikkhave chahi dhammehi samannāgato bhikkhu āhuneyyo hoti, pāhuneyyo dakkhiṇeyyo añjalikaraṇīyo anuttaraɱ puññakkhettaɱ lokassāti.
6. 1. 1. 3
(Indriyasuttaɱ)
(Sāvatthinidānaɱ)

3. Chahi bhikkhave dhammehi samannāgato bhikkhu āhuneyyo hoti pāhuneyyo hoti dakkhiṇeyyo aɱjalikaraṇīyo anuttaraɱ puññakkhettaɱ lokassa. Katame chahi:

[page 282] saddhindriyena viriyindriyena satindriyena samādhindriyena paññindriyena, āsavānaɱ khayā
Anāsavaɱ ceto vimuttiɱ paññāvimuttiɱ diṭṭheva dhamme sayaɱ abhiññā sacchikatvā
Upasampajja viharati.

Imehi kho bhikkhave chabhi dhammehi samannāgato bhikkhu āhuneyyo hoti pāhuneyyā dakkhiṇeyyo aɱjalikaraṇīyo anuttaraɱ puññakkhettaɱ lokassāti.
6. 1. 1. 4
(Balasuttaɱ)
(Sāvatthinidānaɱ)

4. Chahi bhikkhave dhammehi samannāgato bhikkhu āhuneyyo hoti pāhuneyyo dakkhiṇeyyo aɱjalikaraṇīyo anuttaraɱ puññakkhettaɱ lokassa. Katamehi chabhi: saddhābalena viriyabalena satibalena samādhibalena paññābalena, āsavānaɱ khayā anāsavaɱ cetovimuttiɱ paññāvimuttiɱ diṭṭheva dhamme sayaɱ abhiññā sacchikatvā upasampajja viharati.
Imehi kho bhikkhave chahi dhammehi samannāgato bhikkhu āhuneyyo hoti pāhuneyyo dakkhiṇeyyo aɱjalikaraṇīyo anuttaraɱ puññakkhettaɱ lokassāti.
[BJT Page 008]
6. 1. 1. 5
(Paṭhamājānīyasuttaɱ)
(Sāvatthinidānaɱ)

5. Chahi bhikkhave aŋgehi samannāgato rañño bhadro assājānīyo rājāraho hoti rājabhoggo, rañño aŋgantveva saŋkhaɱ gacchati. Katamehi chahi.

Idha bhikkhave rañño bhadro assājānīyo khamo hoti rūpānaɱ, khamo saddānaɱ, khamo gandhānaɱ, khamo rasānaɱ, khamo phoṭṭhabbānaɱ, vaṇṇasampanno ca hoti.
Imehi kho bhikkhave chahi aŋgehi samannāgato rañño bhadro assājānīyo rājāraho hoti rājahoggo, rañño aŋgantveva saŋkhaɱ gacchati.

Evameva kho bhikkhave chahi dhammehi samannāgato bhikkhu āhuneyyo hoti pāhuneyyo dakkhiṇeyyo aɱjalikaraṇīyo anuttaraɱ puññakkhettaɱ lokassa. Katamehi chahi:
[page 283] idha bhikkhave bhikkhu khamo hoti rūpānaɱ, khamo saddānaɱ, khamo gandhānaɱ, khamo rasānaɱ, khamo phoṭṭhabbānaɱ, khamo dhammānaɱ.

Imehi kho bhikkhave chahi dhammehi samannāgato bhikkhu āhuneyyo hoti pāhuneyyā dakkhiṇeyyo aɱjalikaraṇīyo anuttaraɱ puññakkhettaɱ lokassāti.

6. 1. 1. 6
(Dutiyājānīyasuttaɱ)
(Sāvatthinidānaɱ)

6. Chahi bhikkhave aŋgehi samannāgato rañño bhadro assājānīyo rājāraho hoti rājabhoggo, rañño aŋgantveva saŋkhaɱ gacchati. Katamehi chahi:

Idha bhikkhave rañño bhadro assājānīyo khamo hoti rūpānaɱ, khamo saddānaɱ, khamo gandhānaɱ khamo rasānaɱ, khamo phoṭṭhabbānaɱ, balasampanno ca hoti.

Imehi kho bhikkhave chahi aŋgehi samannāgato rañño bhadro assājānīyo rājāraho hoti rājabhoggo, rañño aŋgantveva saŋkhaɱ gacchati.

Evameva kho bhikkhave chahi dhammehi samannāgato bhikkhu āhuneyyo hoti pāhuneyyo dakkhiṇeyyo aɱjalikaraṇīyo anuttaraɱ puññakkhettaɱ lokassa. Katamehi chahi.
Idha bhikkhave bhikkhu khamo hoti rūpānaɱ, khamo saddānaɱ, khamo gandhānaɱ. Khamo rasānaɱ, khamo poṭṭhabbānaɱ, khamo dhammānaɱ.

Imehi kho bhikkhave chahi dhammehi samannāgato bhikkhu āhuneyyo hoti pāhuneyyo dakkhiṇeyyo aɱjalikaraṇīyo anuttaraɱ puññakkhettaɱ lokassāti.

[BJT Page 010]
6. 1. 1. 7
(Tatiyājānīyasuttaɱ)

(Sāvatthinidānaɱ. )
7. Chahi bhikkhave aŋgehi samannāgato rañño bhadro assājānīyo rājāraho hoti rājabhoggo, rañño aŋgantveva saŋkhaɱ gacchati. Katamehi chahi:

Idha bhikkhave rañño bhadro assājānīyo khamo hoti rūpānaɱ, khamo saddānaɱ, khamo gandhānaɱ, khamo rasānaɱ, khamo phoṭṭhabbānaɱ, javasampanno ca hoti.

[page 284]
Imehi kho bhikkhave chahi aŋgehi samannāgato rañño bhadro assājānīyo rājāraho hoti rājabhoggo, rañño aŋgantveva saŋkhaɱ gacchati.

Evameva kho bhikkhave chahi dhammehi samannāgato bhikkhu āhuneyyo hoti pāhuneyyo dakkhiṇeyyo aɱjalikaraṇīyo anuttaraɱ puññakkhettaɱ lokassa. Katamehi chahi. Idha bhikkhave bhikkhu khamo hoti rūpānaɱ khamo saddānaɱ, khamo gandhānaɱ khamo rasānaɱ, khamo phoṭṭhabbānaɱ khamo dhammānaɱ.
Imehi kho bhikkhave chahi dhammehi samannāgato bhikkhu āhuneyyo hoti pāhuneyyo dakkhiṇeyyo aɱjalikaraṇīyo anuttaraɱ puññakkhettaɱ lokassāti.
6. 1. 1. 8
(Anuttariyasuttaɱ)
(Sāvatthinidānaɱ)

8. Chayimāni bhikkhave anuttariyāni. Katamāni cha:
Dassanānuttariyaɱ, savaṇānuttariyaɱ, lābhānuttariyaɱ, sikkhānuttariyaɱ, pāricariyānuttariyaɱ, anussatānuttariyaɱ.

Imāni kho bhikkhave cha anuttariyānīti.

6. 1. 1. 9
(Anussatiṭṭhānasuttaɱ) (sāvatthinidānaɱ)

9. Chayimāni bhikkhave anussatiṭṭhānāni. Katamāni cha:
Buddhānussati, dhammānussati, saŋghānussati, sīlānussati, cāgānussati, devatānussati.
Imāni kho bhikkhave cha anussatiṭṭhānāni, ti.
[BJT Page 012]
6. 1. 1. 10
(Mahānāmasuttaɱ)
10. Ekaɱ samayaɱ bhagavā sakkesu viharati kapilavatthusmiɱ nigrodhārāme. Atha kho mahānāmo sakko yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho mahānāmo sakko bhagavantaɱ etadavoca:
"Yo so bhante ariyasāvako āgataphalo viññātasāsano, so katamena vihārena bahulaɱ viharatī"ti.

Yo so mahānāma ariyasāvako āgataphalo viññātasāsano, so iminā vihārena bahulaɱ viharati:

(1) Idha mahānāma ariyasāvako tathāgataɱ anussarati: "itipi so bhagavā arahaɱ sammāsambuddho vijjācaraṇasampanno sugato lokavidu anuttaro purisadammasārathi satthā devamanussānaɱ buddho bhagavā"ti. Yasmiɱ mahānāma samaye ariyasāvako tathāgataɱ anussarati, nevassa tasmiɱ samaye rāgapariyuṭṭhitaɱ cittaɱ hoti, na dosapariyuṭṭhitaɱ cittaɱ hoti, na mohapariyuṭṭhitaɱ cittaɱ hoti, ujugatamevassa tasmiɱ samaye cittaɱ hoti tathāgataɱ ārabbha. Ujugatacitto kho pana mahānāma ariyasāvako labhati atthavedaɱ, labhati dhammavedaɱ, labhati dhammūpasaɱhitaɱ pāmujjaɱ. Pamuditassa pīti jāyati, pītimanassa kāyo passambhati, passaddhakāyo sukhaɱ vediyati, sukhino cittaɱ samādhiyati. Ayaɱ vuccati mahānāma ariyasāvako visamagatāya pajāya samappatto viharati. Sabyāpajjhāya pajāya abyāpajjho viharati. Dhammasotaɱ samāpanno buddhānussatiɱ bhāveti. Dhammasotaɱ samāpanno buddhānussatiɱ bhāveti.

(2) Puna ca paraɱ mahānāma ariyasāvako dhammaɱ anussarati: " svākkhāto bhagavatā dhammo sandiṭṭhiko akāliko ehipassiko opanayiko1 paccattaɱ veditabbo viññuhī"tī. Yasmiɱ mahānāma samaye ariyasāvako dhammaɱ anussarati, nevassa tasmiɱ samaye rāgapariyuṭṭhitaɱ cittaɱ hoti, na dosapariyuṭṭhitaɱ cittaɱ hoti, na mohapariyuṭṭhitaɱ cittaɱ hoti. Ujugatamevassa tasmiɱ samaye cittaɱ hoti dhammaɱ ārabbha. Ujugatacitto kho pana mahānāma ariyasāvako labhati. Atthavedaɱ, labhati dhammavedaɱ, labhati dhammūpasaɱhitaɱ pāmujjaɱ. 2 Pamuditassa pīti jāyati, pītimanassa kāyo passambhati, passaddhakāyo sukhaɱ vediyati, sukhino cittaɱ samādhiyati. Ayaɱ vuccati mahānāma ariyasāvako visamagatāya pajāya samappatto viharati. Sabyāpajjhāya pajāya abyāpajjho [page 286] viharati. Dhammasotaɱ samāpanno dhammānussatiɱ bhāveti.

1. Opaṇeyyako: machasaɱ 2. Pāmojjaɱ machasaɱ

[BJT Page 014]
(3) Puna ca paraɱ mahānāma ariyasāvako saŋghaɱ anussarati: " supaṭipanno1 bhagavato sāvakasaŋgho ujupaṭipanno bhagavato sāvakasaŋgho, ñāyapaṭipanno bhagavato sāvakasaŋgho, sāmīcipaṭipanno bhagavato sāvakasaŋgho, yadidaɱ cattāri purisayugāni aṭṭhapurisapuggalā, esa bhagavato sāvakasaŋgho āhuneyyo, pāhuneyyo, dakkhiṇeyyo, añjalikaraṇīyo, anuttaraɱ puññakkhettaɱ lokassā"ti. Yasmiɱ mahānāma samaye ariyasāvako saŋghaɱ anussarati, nevassa tasmiɱ samaye rāgapariyuṭṭhitaɱ cittaɱ hoti, na dosapariyuṭṭhitaɱ cittaɱ hoti, na mohapariyuṭṭhitaɱ cittaɱ hoti. Ujugatamevassa tasmiɱ samaye cittaɱ hoti saŋghaɱ ārabbha. Ujugatacitto kho pana mahānāma ariyasāvako labhati atthavedaɱ, labhati dhammavedaɱ, labhati dhammūpasaɱhitaɱ pāmujjaɱ. Pamuditassa pīti jāyati, pītimanassa kāyo
Passamhati, passaddhakāyo sukhaɱ vediyati, sukhino cittaɱ samādhiyati. Ayaɱ vuccati mahānāma ariyasāvako visamagatāya pajāya samappatto viharati, sabyāpajjhāya pajāya abyāpajjho viharati, dhammasotaɱ samāpanno saŋghānussatiɱ bhāveti.

(4) Puna ca paraɱ mahānāma ariyasāvako attano silāni anussarati: akhaṇḍāni acchiddāni asabalāni akammāsāni bhūjissāni viññuppasatthāni aparāmaṭṭhāni samādhisaɱvattanikāni. Yasmiɱ mahānāma samaye ariyasāvako sīlaɱ anussarati, nevassa tasmi, samaye rāgapariyuṭṭhitaɱ cittaɱ hoti, na dosapariyuṭṭhitaɱ cittaɱ hoti, na mohapariyuṭṭhitaɱ cittaɱ hoti, ujugatamevassa tasmiɱ samaye cittaɱ hoti sīlaɱ ārabbha. Ujugatacitto kho pana mahānāma ariyasāvako labhati atthavedaɱ, labhati dhammavedaɱ, labhati dhammūpasaɱhitaɱ pāmujjaɱ. Pamuditassa pīti jāyati, pītimanassa kāyo passamhati, passaddhakāyo sukhaɱ vediyati, sukhino cittaɱ samādhiyati. [page 287] ayaɱ vuccati mahānāma ariyasāvako visamagatāya pajāya samappatto viharati, sabyāpajjhāya pajāya abyāpajjho viharati, dhammasotaɱ samāpanno sīlānussatiɱ bhāveti.

(5) Puna ca paraɱ mahānāma ariyasāvako attano cāgaɱ anussarati: "lābhā vata me, suladdhaɱ vata me, yohaɱ maccheramalapariyuṭṭhitāya pajāya vigatamalamaccherena cetasā agāraɱ ajjhāvasāmi muttacāgo payatapāṇī vossaggarato yācayogo dānasaɱvibhāgaratoti. Yasmiɱ mahānāma samaye ariyasāvako cāgaɱ anussarati, nevassa tasmiɱ samaye rāgapariyuṭṭhitaɱ cittaɱ hoti, na dosapariyuṭṭhitaɱ cittaɱ hoti, na mohapariyuṭṭhitaɱ cittaɱ hoti, ujugatamevassa tasmiɱ samaye cittaɱ hoti cāgaɱ ārabbha. Ujugatacitto kho pana mahānāma ariyasāvako labhati atthavedaɱ, labhati dhammavedaɱ, labhati dhammupasaɱhitaɱ pāmujjaɱ, pamuditassa pīti jāyati, pītimanassa kāyo passamhati, passaddhakāyo sukhaɱ vediyati, sukhino cittaɱ samādhiyati. Ayaɱ vuccati mahānāma ariyasāvako visamagatāya pajāya samappatto viharati, sabyāpajjhāya pajāya abyāpajjho viharati, dhammasotaɱ samāpanno cāgānussatiɱ bhāveti.

1. Suppaṭipanno machasaɱ

[BJT Page 016]
(6) Puna ca paraɱ mahānāma ariyasāvako devatānussatiɱ bhāveti: "santi devā cātummahārājikā, santi devā tāvatiɱsā, santi devā yāmā, santi devā tusitā, santi devā nimmānaratino, santi devā paranimmitavasavattino, santi devā brahmakāyikā, santi devā taduttariɱ. Yathārūpāya saddhāya samannāgatā tā devatā ito cutā tattha uppannā, 1 mayhampi tathārūpā saddhā saɱvijjati, yathārūpena sīlena samannāgatā tā devatā ito cutā tattha uppannā, 2 mayhampi tathārūpaɱ sīlaɱ saɱvijjati. Yathārūpena sutena samannāgatā tā devatā ito cutā tattha uppannā, mayhampi tathārūpaɱ sutaɱ saɱvijjati. Yathārūpena cāgena samannāgatā tā devatā ito cutā tattha uppannā, mayhampi tathārūpo cāgo saɱvijjati. Yathārūpāya paññāya samannāgatā tā devatā ito cutā tattha uppannā, mayhampi tathārūpā paññā saɱvijjatī"ti. Yasmiɱ [page 288] mahānāma, samaye ariyasāvako attano ca tāsaɱca devatānaɱ saddhaɱca sīlaɱ ca sutaɱ ca cāgaɱca paññaɱ ca anussarati, nevassa tasmiɱ samaye rāgapariyuṭṭhitaɱ cittaɱ hoti, na dosapariyuṭṭhitaɱ cittaɱ hoti, na mohapariyuṭṭhitaɱ cittaɱ hoti, ujugatamevassa tasmiɱ samaye cittaɱ hoti tā devatā ārabbha ujugatacitto kho pana mahānāma ariyasāvako labhati atthavedaɱ, labhati dhammavedaɱ, labhati dhammūpasaɱhitaɱ pāmujjaɱ pamuditassa pīti jāyati, pītimanassa kāyo passambhati, passaddhakāyo sukhaɱ vediyati, sukhino cittaɱ samādhiyati. Ayaɱ vuccati mahānāma ariyasāvako visamagatāya pajāya samappatto viharati, sabyāpajjhāya pajāya abyāpajjho viharati. Dhammasotaɱ samāpanno devatānussatiɱ bhāveti. Yo so mahānāma ariyasāvako āgataphalo viññātasāsano,
So iminā vihārena bahulaɱ viharatī, ti.

Āhuneyyavaggo paṭhamo.

Tassuddānaɱ:
Dve āhuneyyā indriyabalā tayo ājānīyā3
Anuttariyaɱ anussatā4 mahānāmena te dasāti.

1. Yattha uppannāmachasaɱ 2. Tattha upapannā machasaɱ
3. Dve āhuṇeyyā indriyabalāni tayo ājāniyā machasaɱ
4. Anuttariya anussati machasaɱ

[BJT Page 018]
2 Sārāṇīyavaggo
6, 1. 2. 1
(Paṭhama sārāṇīyasuttaɱ)
(Sāvatthinidānaɱ)

11. Chayime bhikkhave dhammā sārāṇīyā. 1 Katame cha:
(1) Idha bhikkhave bhikkhuno mettaɱ kāyakammaɱ paccupaṭṭhitaɱ hoti sabrahmacārīsu āvī ceva raho ca. Ayampi dhammo sārāṇīyo. 2

(2) Puna ca paraɱ bhikkhave bhikkhūno mettaɱ vacīkammaɱ paccupaṭṭhitaɱ hoti sabrahmacārīsu āvī ceva raho ca. Ayampi dhammo sārāṇīyo.

(3) Puna ca paraɱ bhikkhave bhikkhuno mettaɱ manokammaɱ paccupaṭṭhitaɱ hoti sabrahmacārīsu āvī ceva raho ca. Ayampi dhammo sārāṇīyo.

[page 289] (4) puna ca paraɱ bhikkhave bhikkhu ye te lābhā dhammikā dhammaladdhā antamaso pattapariyāpannamattampi, tathārūpehi lābhehi appaṭivibhattabhogī hoti, sīlavantehi sabrahmacārīhi sādhāraṇabhogī. Ayampi dhammo sārāṇīyo.

(5) Puna ca paraɱ bhikkhave bhikkhu yāni tānī sīlāni akhaṇḍāni acchiddāni asabalāni akammāsāni bhūjissāni viññuppasatthāni aparāmaṭṭhāni samādhisaɱvattanikāni, tathārūpehi sīlehi sīlasāmaññagato viharati sabrahmacārīsu āvī ceva raho ca. Ayampi dhammo sārāṇīyo

(6) Puna ca paraɱ bhikkhave bhikkhu yāyaɱ diṭṭhi ariyā nīyyāṇikā nīyāti takkarassa sammādukkhakkhayāya. Tathārūpāya diṭṭhiyā diṭṭhisāmaññagato viharati sabrahmacārīsu
Āvī ceva raho ca. Ayampi dhammo sārāṇīyo.
Ime kho bhikkhave cha dhammā sārāṇīyāti.
6. 1. 2. 2.
( Dutiya sārāṇīyasuttaɱ)
(Sāvatthinidānaɱ)
12. Chayime bhikkhave dhammā sārāṇīyā piyakaraṇā garukaraṇā saŋgahāya avivādāya sāmaggiyā eki bhāvāya saɱvattanti. Katame cha:

(1) Idha bhikkhave bhikkhuno mettaɱ kāyakammaɱ paccupaṭṭhitaɱ hoti sabrahmacārisu āvī ceva raho ca. Ayampi dhammo sārāṇīyo piyakaraṇo garukaraṇo saŋgahāya avivādāya sāmaggiyā ekībhāvāya saɱvattati,

1. Sāraṇīyā machasaɱ 2. Sāraṇīyo machasaɱ 3. Sabrahmacārīhi machasaɱ

[BJT Page 020]

(2) Puna ca paraɱ bhikkhave bhikkhuno mettaɱ vacīkammaɱ paccupaṭṭhitaɱ hoti sabrahmacārīsu āvī ceva raho ca. Ayampi dhammo sārāṇīyo2.

(3) ( Puna ca paraɱ bhikkhave bhikkhuno) mettaɱ manokammaɱ paccupaṭṭhitaɱ hoti sabrahmacārisu āvī ceva raho ca. Ayampi dhammo sārāṇiyo piyakaraṇo garukaraṇo saŋgahāya avivādāya sāmaggiyā ekībhāvāya saɱvattati.

(4) Puna ca paraɱ bhikkhave bhikkhu ye te lābhā dhammikā dhammaladdhā antamaso pattapariyāpannamattampi tathārūpehi lābhehi appaṭivibhattabhogī hoti [page 290] sīlavantehi sabrahmacārihī sādhāraṇabhogī. Ayampi dhammo sārāṇiyo piyakaraṇo garu karaṇo saŋgahāya avivādāya sāmaggiyā ekībhāvāya saɱvattati.

(5) Puna ca paraɱ bhikkhave bhikkhu yāni tāni sīlāni akhaṇḍāni acchiddāni asabalāni akammāsāni bhūjissāni viññuppasatthāni aparāmaṭṭhāni samādhisaɱvattanikāni, tathārūpehi sīlehi sīlasāmaññagato viharati sabrahmacārīsu āvī ceva raho ca. Ayampi dhammo sārāṇīyo piyakaraṇo garukaraṇo saŋgahāya avivādāya sāmaggiyā ekībhāvāya saɱvattati.

(6) Puna ca paraɱ bhikkhave bhikkhu yāyaɱ diṭṭhi ariyā niyyāṇikā nīyāti takkarassa sammādukkhakkhāya, tathārūpāya diṭṭhiyā diṭṭhisāmaññagato viharati sabrahmacārīsu āvī ceva raho ca, ayampi dhammo sārāṇīyo piyakaraṇo garukaraṇo saŋgahāya avivādāya sāmaggiyā ekībhāvāya saɱvattati.

Ime kho bhikkhave cha dhammā sārāṇiyā piyakaraṇā garukaraṇā saŋgahāya avivādāya sāmaggiyā ekībhāvāya saɱvattantīti.

6. 1. 2. 3.
(Nissāraṇīyasuttaɱ)
(Sāvatthinidānaɱ)

13. Chayimā bhikkhave nissāraṇīyā dhātuyo. Katamā cha:
(1) Idha bhikkhave bhikkhu evaɱ vadeyya "mettā hi kho me ceto vimutti bhāvitā bahulīkatā yānīkatā vatthukatā anuṭṭhitā paricitā susamāraddhā, atha ca pana me byāpādo cittaɱ pariyādāya tiṭṭhatī"ti. So mā hevantissa vacanīyo: "māyasmā evaɱ avaca, mā bhagavantaɱ abbhācikkhi. Na hi sādhu bhagavato abbhakkhānaɱ. Na hi bhagavā evaɱ vadeyya. Aṭṭhānametaɱ āvuso anavakāso yaɱ mettāya cetovimuttiyā bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya, atha ca [page 291] panassa byāpādo cittaɱ pariyādāya ṭhassatīti netaɱ ṭhānaɱ vijjati, nissaraṇaɱ hetaɱ āvuso vyāpādassa yadidaɱ mettācetovimutti"ti.

[BJT Page 022]

(2) Idha pana bhikkhave bhikkhū evaɱ vadeyya: " karuṇā hi kho me cetovimutti bhāvitā bahulīkatā yānīkatā vatthukatā anuṭṭhitā paricitā susamāraddhā, atha va pana me vihesā cittaɱ pariyādāya tiṭṭhatī"tī. So mā hevantissa vacanīyo: " mā āyasmā evaɱ avaca. Mā bhagavantaɱ abbhācikkhi, na hi sādhu bhagavato abbhakkhānaɱ, na hi bhagavā evaɱ vadeyya. Aṭṭhānametaɱ āvuso anavakāso yaɱ karuṇāya cetovimuttiyā bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya, atha ca panassa vihesā cittaɱ pariyādāya ṭhassati, ti netaɱ ṭhānaɱ vijjati, nissaraṇaɱ hetaɱ āvuso vihesā, yadidaɱ karuṇā cetovimutti"ti.

(3) Idha pana bhikkhave bhikkhu evaɱ vadeyya:" muditā hi kho me cetovimutti bhāvitā bahulīkatā yānīkatā vatthukatā anuṭṭhitā paricitā susamāraddhā, atha ca pana me arati cittaɱ pariyādāya tiṭṭhatī"tī. So mā hevantissa vacanīyo, " mā āyasmā evaɱ avaca, mā bhagavantaɱ abbhācikkhi, na hi sādhu bhagavato abbhakkhānaɱ, na hi bhagavā evaɱ vadeyya. Aṭṭhānametaɱ āvuso anavakāso yaɱ muditāya cetovimuttiyā bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya, atha ca panassa arati cittaɱ pariyādāya ṭhassati, ti netaɱ ṭhānaɱ vijjati. Nissaraṇaɱ hetaɱ āvuso aratiyā yadidaɱ muditā cetovimuttī"ti.

(4) Idha pana bhikkhu evaɱ vadeyya: "upekkhā hi kho me cetovimutti bhāvitā bahulīkatā yānīkatā vatthukatā anuṭṭhitā paricitā susamāraddhā, atha ca pana me rāgo cittaɱ pariyādāya tiṭṭhatī"tī. So mā hevantissa vacanīyo: " mā āyasmā evaɱ avaca, mā bhagavantaɱ abbhācikkhi, na hi sādhu bhagavato abbhakkhānaɱ, na hi bhagavā evaɱ vadeyya. Aṭṭhānametaɱ āvuso anavakāso yaɱ upekkhāya cetovimuttiyā bhāvitāya bahulīkatāya yānīkatāya vatthukatāya anuṭṭhitāya paricitāya [page 292] susamāraddhāya, atha ca panassa rāgo cittaɱ pariyādāya ṭhassatī, tī netaɱ ṭhānaɱ vijjati. Nissaraṇaɱ hetaɱ āvuso rāgassa yadidaɱ upekkhācetovimuttī"tī.

[BJT Page 024]

(5) Idha pana bhikkhave bhikkhū evaɱ vadeyya. " Animittā hi kho me cetovimutti bhāvitā bahulīkatā yānīkatā vatthukatā anuṭṭhitā paricitā susamāraddhā, atha ca pana me nimittānusārī viññāṇaɱ hotī"ti. So mā hevantissa vacanīyo: "mā āyasmā evaɱ avaca mā bhagavantaɱ abbhācikkhi. Na hi sādhu bhagavato abbhakkhānaɱ, na hi bhagavā evaɱ vadeyya. Aṭṭhānametaɱ āvuso anavakāso yaɱ animittāya cetovimuttiyā bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya, atha ca panassa nimittānusārī viññāṇaɱ bhavissatī, tī netaɱ ṭhānaɱ vijjati. Nissaraṇaɱ hetaɱ āvuso sabbanimittānaɱ yadidaɱ animittā cetovimuttī"ti.

(6) Idha pana bhikkhave bhikkhū evaɱ vadeyya: " asmīti kho me vigataɱ, ayamahamasmīti ca na samanupassāmi, atha ca pana me vicikicchākathaɱ kathāsallaɱ cittaɱ pariyādāya tiṭṭhatī"ti. So mā hevantissa vacanīyo: "mā āyasmā evaɱ avaca, mā bhagavantaɱ abbhācikkhi, na hi sādhu bhagavato abbhakkhānaɱ, na hi bhagavā evaɱ vadeyya. Aṭṭhāna metaɱ āvuso anavakāso yaɱ asmīti vigate ayamahamasmīti ca na samanupassato, atha ca panassa vicikicchākathaɱkathāsallaɱ cittaɱ pariyādāya ṭhassatī, ti netaɱ ṭhānaɱ vijjati. Nissaraṇaɱ hetaɱ āvuso vicikicchākathaɱ kathāsallassa yadidaɱ asmītimānasamugghāto"ti.

Ime kho bhikkhave cha nissāraṇīyā dhātuyo'ti.

6. 1. 2. 4.
(Bhaddaka suttaɱ)
(Sāvatthīnidānaɱ)

14. Tatra kho āyasmā sāriputto bhikkhū āmantesi, "āvuso bhikkhavo"ti. "Āvuso"ti, kho te bhikkhu āyasmato [page 293] sāriputtassa paccassosuɱ. Āyasmā sāriputto etadavoca:

Tathā tathā āvuso bhikkhu vihāraɱ kappeti, yathā yathāssa vihāraɱ kappayato na bhaddakaɱ maraṇaɱ hoti na bhaddikā kālakiriyā 1. Kathañcāvuso bhikkhu tathā tathā vihāraɱ kappeti. Yathā yathāssa vihāraɱ kappayato na
Bhaddakaɱ maraṇaɱ hoti na bhaddikā kālakiriyā1.
Idhāvuso bhikkhu kammārāmo hoti kammarato kammārāmataɱ anuyutto, bhassārāmo hoti bhassarato bhassārāmataɱ anuyutto, niddārāmo hoti niddārato niddārāmataɱ anuyutto, saŋgaṇikārāmo hoti saŋgaṇikārato saŋgaṇikārāmataɱ anuyutto, saɱsaggārāmo hoti saɱsaggarato saɱsaggārāmataɱ anuyutto, papañcārāmo hoti papañcarato papañcārāmataɱ anuyutto.

1 Kālaɱkiriyā machasaɱ

[BJT Page 026]

Evaɱ kho āvuso bhikkhu tathā tathā vihāraɱ kappeti, yathā yathā'ssa vihāraɱ kappayato na bhaddakaɱ maraṇaɱ hoti na bhaddikā kālakiriyā. Ayaɱ vuccatāvuso bhikkhū sakkāyābhirato na pahāsi1 sakkāyaɱ sammā dukkhassa antakiriyāya.

Tathā tathāvuso bhikkhu vihāraɱ kappeti yathā yathāssa vihāraɱ kappayato bhaddakaɱ maraṇaɱ hoti, bhaddikā kālakiriyā. Kathañcāvuso bhikkhu tathā tathā vihāraɱ kappeti, yathā yathāssa vihāraɱ kappayato bhaddakaɱ maraṇaɱ hoti bhaddikā kālakiriyā.

Idhāvuso bhikkhu na kammārāmo hoti na kammarato na kammārāmataɱ anuyutto, na bhassāramo hoti na bhassarato na bhassāramataɱ anuyutto, na niddārāmo hoti, na niddārato na niddārāmataɱ anuyutto, na saŋgaṇikārāmo hoti na saŋgaṇikārato na saŋgaṇikārāmataɱ anuyutto, na saɱsaggārāmo hoti na saɱsaggarato na saɱsaggārāmataɱ anuyutto, na papañcārāmo hoti na papañcarato na papañcārāmataɱ anuyutto.

Evaɱ kho āvuso bhikkhu [page 294] tathā tathāssa vihāraɱ kappeti yathā yathāssa vihāraɱ kappayato bhaddakaɱ maraṇaɱ hoti bhaddikā kālakiriyā. Ayaɱ vuccatāvuso bhikkhu nibbānābhirato pahāsi2 sakkāyaɱ sammādukkhassa antakiriyāyāti.

1. Yo papañcamanuyutto papañcābhirato mago
Virādhayī so nibbānaɱ yogakkhemaɱ anuttaraɱ.

2. Yo ca papañcaɱ hitvāna nippapañcapade rato
Ārādhayī so nibbānaɱ yogakkhemaɱ anuttaraɱ

6. 1. 2. 5.
(Anutappasuttaɱ)
(Sāvatthinidānaɱ)

15. Tatra kho āyasmā sāriputto bhikkhu āmantesi. " Āvuso bhikkhavo"ti. "Āvuso"ti, kho te bhikkhu āyasmato sāriputtassa paccassosuɱ. Āyasmā sāriputto etadavoca: tathā tathā āvuso bhikkhu vihāraɱ kappeti yathā yathāssa vihāraɱ kappayato kālakiriyā anutappā hoti.

Kathañcāvuso bhikkhu tathā tathā vihāraɱ kappeti, yathā yathāssa vihāraɱ kappayato kālakiriyā anutappā hoti.

Idhāvuso bhikkhu kammārāmo hoti kammarato kammārāmataɱ anuyutto,

Idhāvuso bhikkhu bhassārāmo hoti. Bhassarato bhassārāmataɱ anuyutto,

Idhāvuso bhikkhu niddārāmo hoti. Niddārato niddārāmataɱ anuyutto.

Idhāvuso bhikkhu saŋgaṇikārāmo hoti saŋgaṇikārato saŋgaṇikārāmataɱ anuyutto.

Idhāvuso bhikkhu saɱsaggārāmo hoti saɱsaggarato saɱsaggārāmataɱ anuyutto,
Idhāvuso bhikkhu papañcārāmo hoti papañcarato papañcārāmataɱ anuyutto.

1. Nappajahāti machasaɱ
2. Pajahāni machasaɱ
[BJT Page 028]

Evaɱ kho āvuso bhikkhu tathā tathā vihāraɱ kappeti, yathā yathāssa vihāraɱ kappayato kālakiriyā anutappā hoti. Ayaɱ vuccatāvuso bhikkhu sakkāyābhirato na pahāsi sakkāyaɱ sammādukkhassa antakiriyāya.

Tathā tathā āvuso bhikkhu vihāraɱ kappeti yathā yathāssa vihāraɱ kappayato kālakiriyā ananutappā hoti:
Kathañcāvuso bhikkhu tathā tathā vihāraɱ kappeti yathā yathāssa vihāraɱ kappayato kālakiriyā ananutappā hoti:

Idhāvuso bhikkhu na kammārāmo hoti na kammarato na kammārāmataɱ anuyutto,
Na bhassārāmo hoti bhassarato na bhassārāmataɱ anuyutto,
[page 295] na niddārāmo hoti na niddārato na niddārāmataɱ anuyutto, na saɱgaṇikārāmo hoti na saɱgaṇikārato na saɱgaṇikārāmataɱ anuyutto, na saɱsaggarāmo hoti saɱsaggarato na saɱsaggārāmataɱ anuyutto, na papañcārāmo hoti na papañcarato na papañcārāmataɱ anuyutto.

Evaɱ kho āvuso bhikkhu tathā tathā vihāraɱ kappeti yathā yathāssa vihāraɱ kappayato kālakiriyā ananutappā hoti. Ayaɱ vuccatāvuso bhikkhū nibbānābhirato pahāsi sakkāyaɱ sammādukkhassa antakiriyāyāti.

3. Yo papañcamanuyutto papañcāhirato mago
Virādhayi so nibbānaɱ yogakkhemaɱ anuttaraɱ

4. Yo ca papañcaɱ hitvāna nippapañcapade rato
Ārādhayī so nibbānaɱ yogakkhemaɱ anuttaranti.

6. 1. 2. 6.
(Nakulapitusuttaɱ)

16. Ekaɱ samayaɱ bhagavā bhaggesu viharati suɱsumāragire bhesakalāvane migadāye. Tena kho pana samayena nakulapitā gahapati ābādhiko hoti dukkhito bāḷhagilāno. Atha kho nakulamātā gahapatānī nakulapitaraɱ gahapatiɱ etadavoca:
Mā kho tvaɱ gahapati sāpekkho kālamakāsi. Dukkhā gahapati sāpekkhassa kālakiriyā. 1 Garahitā ca bhagavatā sāpekkhassa kālakiriyā. Siyā kho pana te gahapati evamassa. "Na nakulamātā gahapatāni mamaccayena sakkhissati dārake posetuɱ gharāvāsaɱ sattharitunti"2 na kho panenaɱ gahapati evaɱ daṭṭhabbaɱ. Kusalāhaɱ gahapati kappāsaɱ kantituɱ, ceṇīɱ olikhituɱ. Sakkomahaɱ gahapati tavaccayena dārake posetuɱ gharāvāsaɱ sattharituɱ. 3 Tasmātiha tvaɱ gahapati mā sāpekkho kālamakāsi. Dukkhā gahapati sāpekkhassa kālakiriyā. Garahitā ca bhagavatā sāpekkhassa kālakiriyā. 1 1 Kālaɱkiriyā machasaɱ 2 samaharitunti machayaɱ 3 samaharituɱmachasaɱ

[BJT Page 030]

(2) Siyā kho pana te gahapati evamassa:" nakulamātā gahapatānī mamaccayena aññaɱ varaɱ1 gamissatī"ti. Na kho panetaɱ gahapani evaɱ daṭṭhabbaɱ. Tvaɱ ceva kho gahapati jānāsi ahaɱ ca, yadā no2 soḷasa vassāni gahaṭṭhakaɱ brahmacariyaɱ samādinnaɱ. Tasmātiha tvaɱ gahapati mā sāpekkho kālamakāsi. Dukkhā gahapati sāpekkhassa kālakiriyā. Garahitā ca bhagavatā sāpekkhassa kālakiriyā.

(3) Siyā kho pana te gahapati evamassa: " nakulamātā gahapatānī mamaccayena na dassanakāmā bhavissati bhagavato, na dassanakāmā bhikkhusaŋghassā"ti. Na kho panetaɱ gahapati evaɱ daṭṭhabbaɱ. Ahaɱ hi gahapati tavaccayena dassanakāmatarā ceva bhavissāmi bhagavato, dassanakāmatarā ca bhikkhusaŋghassa. Tasmātiha tavaɱ gahapati mā sāpekkho kālamakāsi. Dukkhā gahapati sāpekkhassa kālakiriyā. Garahitā ca bhagavatā sāpekkhassa kālakiriyā.

(4) Siyā kho pana te gahapati evamassa: " na nakulamātā gahapatānī mamaccayena sīlesu paripūrakāriṇī"ti. Na kho panetaɱ gahapati evaɱ daṭṭhabbaɱ. Yāvatā kho gahapati tassa bhagavato sāvikā gihī odātavasanā sīlesu paripūrakāriṇiyo, ahaɱ tāsaɱ aññatarā. Yassa kho panassa kaŋkhā vā vimati vā, ayaɱ so bhagavā arahaɱ sammāsambuddho bhaggesu viharati suɱsumāragire bhesakalāvane migadāye, taɱ bhagavantaɱ upasaŋkamitvā pucchatu. Tasmātiha tvaɱ gahapati mā sāpekkho [page 297] kālamakāsi. Dukkhā gahapati sāpekkhassa kālakiriyā. Garahitā ca bhagavatā sāpekkhassa kālakiriyā.

(5) Siyā kho pana te gahapati evamassa: " na nakulamātā gahapatānī lābhinī ajjhattaɱ cetosamathassā "ti. Na kho panetaɱ gahapati evaɱ daṭaṭhababaɱ. Yāvatā kho gahapati tassa bhagavato sāvikā gihī odātavasanā lābhiniyo ajjhattaɱ cetosamathassa, ahaɱ tāsaɱ aññatarā. Yassa kho panassa kaŋkhā vā vimati vā, ayaɱ so bhagavā arahaɱ sammā sambuddho bhaggesu viharati suɱsumāragire bhesakalāvane migadāye. Taɱ bhagavantaɱ upasaŋkamitvā pucchatu. Tasmātīha tvaɱ gahapati mā sāpekkho kālamakāsi. Dukkhā gahapati sāpekkhassa kālakiriyā. Garahitā ca bhagavatā sāpekkhassa kālakiriyā.

1 Gharaɱ machasaɱ, vīraɱ sīmu, aṭṭhathā. 2 Yaɱnomachasaɱ, yadāte sīmu,

[BJT Page 032]
(6) Siyā kho pana te gahapati evamassa: " na nakulamātā gahapatānī imasmiɱ dhammavinaye ogādhappattā patigādhappattā assāsappattā tiṇṇavicikicchā vigatakathaɱkathā vesārajjappattā aparappaccayā satthusāsane viharatī"ti. Na kho panetaɱ gahapati evaɱ daṭṭhabbaɱ. Yāvatā kho gahapati tassa bhagavato sāvikā gihī odātavasanā imasmiɱ dhammavinaye ogādhappattā patigādhappattā assāsappattā tiṇṇavicikicchā vigatakathaɱkatā vesārajjappattā aparappaccayā satthusāsane viharanti, ahaɱ tāsaɱ aññatarā. Yassa kho panassa kaŋkhā vā vimati vā, ayaɱ so bhagavā arahaɱ sammā sambuddho bhaggesu viharati suɱsumāragire bhesakalāvane migadāye. Taɱ bhagavantaɱ upasaŋkamitvā pucchatu. Tasmātiha tvaɱ gahapati mā sāpekkho kālamakāsi. Dukkhā gahapati sāpekkhassa kālakiriyā. Garahitā ca bhagavatā sāpekkhassa kālakiriyāti.

Atha kho nakulapituno gahapatissa nakulamātāya [page 298] gahapatāniyā iminā ovādena ovadiyamānassa so ābādho ṭhānaso paṭippassamhī. Vuṭṭhāhi ca nakulapitā gahapati tamhā ābādhā, tathā pahīno ca pana nakulapituno gahapatissa so ābādho ahosi.

Atha kho nakulapitā gahapati gilānā vuṭṭhito aciravuṭṭhito gelaññā, daṇḍamolubbha yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ
Nisīdi. Ekamantaɱ nisinnaɱ kho nakulapitaraɱ gahapatiɱ bhagavā etadavoca:
Lābhā te gahapati, suladdhaɱ te gahapati, yassa te nakulamātā gahapatānī anukampikā atthakāmā ovādikā anusāsikā.

Yāvatā kho gahapati mama sāvikā gihī odātavasanā sīlesu paripūrakāriṇiyo, nakulamātā gahapatānī tāsaɱ aññatarā. Yāvatā kho gahapati mama sāvikā gihī odātavasanā lābhiniyo ajjhattaɱ cetosamathassa, nakulamātā gahapatāni tāsaɱ aññatarā. Yāvatā kho gahapati mama sāvikā gihī odātavasanā imasmiɱ dhammavinaye ogādhappattā patigādhappattā assāsappattā. Tiṇṇavicikicchā vigatakathaŋkathā vesārajjappattā aparappaccayā satthusāsane viharantiyo, nakulamātā gahapatānī tāsaɱ aññatarā.

Lābhā te gahapati, suladdhaɱ te gahapati, yassa te nakulamātā gahapatāni anukampikā atthakāmā ovādikā anusāsikāti.

[BJT Page 034]
6. 1. 2. 7.
(Kusalasuttaɱ)

17. Ekaɱ samayaɱ bhagavā sāvatthiyaɱ viharati jetavane anāthapiṇḍikassa ārāme. Atha kho bhagavā sāyanhasamayaɱ patisallānā vuṭṭhito yenupaṭṭhānasālā tenupasaŋkami. Upasaŋkamitvā paññatte āsane nisīdi.

Āyasmāpi kho sāriputto sāyanhasamayaɱ patisallānā vuṭṭhito yenupaṭṭhānasālā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Āyasmāpi kho mahāmoggallāno sāyanhasamayaɱ patisallānā vuṭṭhito yenupaṭṭhānasālā tenupasaŋkami. Upasaɱkamitvā bhagavantaɱ [page 299] abhivādetvā ekamantaɱ nisīdī. Āyasmāpi kho mahākaccāyano sayanhasamayaɱ patisallānā vuṭṭhito yenupaṭṭhānasālā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdī. Āyasmāpi kho mahākoṭṭhito sāyanhasamayaɱ patisallānā vuṭṭhito yenupaṭṭhānasālā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Āyasmāpi kho mahācundo sāyanhasamayaɱ patisallānā vuṭṭhito yenupaṭṭhānasālā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdī. Āyasmāpi kho mahākappino sāyanhasamayaɱ patisallānā vuṭṭhito yenupaṭṭhānasālā tenupasaŋkami upasaŋkamitvā bhagavantaɱ abhivādetvā ekamantaɱ nisīdi. Āyasmāpi kho anuruddho sāyanhasamayaɱ patisallānā vuṭṭhito yenupaṭṭhānasālā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdī. Āyasmāpi kho revato sāyanhasamayaɱ patisallānā vuṭṭhito yenupaṭṭhānasālā tenupasaŋkamī. Upasaŋkamitvā bhagavantaɱ abhivādetvā ekamantaɱ nisīdi. Āyasmāpi kho ānando sāyanhasamayaɱ patisallānā vuṭṭhito yenupaṭṭhānasālā tenupasaŋkami. Upasaɱkamitvā bhagavantaɱ abhivādetvā ekamantaɱ nisīdī.

Atha kho bhagavā bahudeva rattiɱ nisajjāya vītināmetvā uṭṭhāyāsanā vihāraɱ pāvisi. Tepi kho āyasmanto acirapakkantassa bhagavato uṭṭhāyāsanā yathāvihāraɱ agamaɱsu.
Ye pana tattha bhikkhū navā acirapabbajitā ādhunāgatā imaɱ dhammavinayaɱ, te yāva suriyuggamanā kākacchamānā supiɱsu. Addasā kho bhagavā dibbena cakkhunā visuddhena atikkantamānusakena te bhikkhū yāva suriyuggamanā kākacchamāne supante. Disvā yenupaṭṭhānasālā tenupasaŋkamī. Upasaŋkamitvā paññatte āsane nisīdi. Nisajja kho bhagavā te bhikkhū āmantesi:

Kahaɱ nu kho bhikkhave sāriputto, kahaɱ mahāmoggallāno, kahaɱ mahākassapo, kahaɱ mahā kaccāyano, kahaɱ mahākoṭṭhito, kahaɱ mahācundo, kahaɱ mahākappino, kahaɱ anuruddho, kahaɱ revato, kahaɱ ānando, kahaɱ nu kho te bhikkhave therā sāvakā gatāti?

Tepi kho bhante āyasmanto acirapakkantassa bhagavato uṭṭhāyāsanā yathāvihāraɱ agamaɱsūti.

Kena no tumhe hikkhave therā bhikkhū gatā, ti navā1 yāva suriyassuggamanā2 kākacchamānā supatha.

Taɱ kiɱ maññatha bhikkhave api nu tumhehi diṭṭhaɱ vā sutaɱ vā " rājā khattiyo muddhāvasitto yāvadatthaɱ [page 300] seyyasukhaɱ phassasukhaɱ middhasukhaɱ anuyutto viharanto yāvajīvaɱ rajjaɱ kārento janapadassa vā piyo manāpo"ti.

Nohetaɱ bhante.

1Nāgatāti machasaɱ 2 yāvasuriyuggamanā machasaɱ

[BJT Page 036]
Sādhu bhikkhave, mayā pi kho etaɱ bhikkhave neva diṭṭhaɱ na sutaɱ " rājā khattiyo muddhāvasitto
Yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajivaɱ rajjaɱ kārento janapadassa vā piyo manāpo"ti.

Taɱ kiɱ maññatha bhikkhave apinu tumhehi diṭṭhaɱ vā sutaɱ vā"raṭṭhiko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajivaɱ raṭṭhaɱ kārento raṭṭhassa piyo manāpo?"Ti.
No hetaɱ bhante,

Sādhu bhikkhave, mayā pi kho etaɱ bhikkhave, neva diṭṭhaɱ na sutaɱ raṭṭhiko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajīvaɱ raṭṭhassa vā piyomanāpo'ti
Taɱ kiɱ maññatha bhikkhave, apinu tumhehi diṭṭhaɱ vā sutaɱ vā"pettaniko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajīvaɱ pettanikaɱ kārento piyo manāpo?"Ti.

No hetaɱ bhante,

Sādhu bhikkhave, mayā pi kho etaɱ bhikkhave neva diṭṭhaɱ na sutaɱ pettaniko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajīvaɱ pituno vā piyo manāpo'ti.

Taɱ kiɱ mañña, bhikkhave, apinu tumhehi diṭṭhaɱ vā sutaɱ vā"senāpatiko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajivaɱ senāpatikattaɱ kārento senāpatikassa piyo manāpo?"Ti.

No hetaɱ bhante,
Sādhu bhikkhave mayā pi kho etaɱ bhikkhave, neva diṭṭhaɱ na sutaɱ senāpatiko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajīvaɱ senāya vā piyo manāpo'ti.

Taɱ kiɱ maññatha bhikkhave apinu tumhehi diṭṭhaɱ vā sutaɱ vā"gāmagāmaṇiko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajivaɱ gāmagāmaṇikattaɱ kārento
Gāmassa vā piyo manāpo"?Ti.

No hetaɱ bhante,

Sādhu bhikkhave mayā pi kho etaɱ bhikkhave, neva diṭṭhaɱ na sutaɱ gāmagāmaṇiko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajīvaɱ gāmassa vā piyo manāpo'ti.
Taɱ kiɱ maññatha bhikkhave, apinu tumhehi diṭṭhaɱ vā sutaɱ vā"pūgagāmaṇiko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajivaɱ pūgagāmaṇikattaɱ kārento
Pūgassa vā piyo manāpo"?Ti.

No hetaɱ bhante

% Sādhu bhikkhave, mayāpi kho etaɱ bhikkhave neva diṭṭhaɱ na sutaɱ "pugagāmaṇiko yāvadatthaɱ seyyasukhaɱ phassasukhaɱ middhasukhaɱ anuyutto viharanto yāvajīvaɱ pugagāmaṇikattaɱ kārento pūgassa vā piyo manāpo"ti.

Taɱ kiɱ maññatha bhikkhave apinu tumhehi diṭṭhaɱ vā sutaɱ vā "samaṇo vā brāhmaṇo vā yāvadatthaɱ seyyasukhaɱ phassasukhaɱ middhasukhaɱ anuyutto indriyesu aguttadvāro bhojane amattaññū jāgariyaɱ ananuyutto avipassako kusalānaɱ dhammānaɱ pubbarattāpararattaɱ bodhapakkhiyānaɱ1 dhammānaɱ bhāvanānuyogaɱ ananuyutto āsavānaɱ khayā anāsavaɱ cetovimuttiɱ paññāvimuttiɱ diṭṭheva dhamme sayaɱ abhiññā sacchikatvā upasampajja viharanto?"Ti.

No hetaɱ bhante.

Sādhu bhikkhave, mayāpi kho etaɱ bhikkhave neva diṭṭhaɱ na [page 301] sutaɱ " samaṇo vā brāhmaṇo vā yāvadatthaɱ seyyasukhaɱ phassasukhaɱ middhasukhaɱ anuyutto indriyesu aguttadvāro bhojane amattaññū jāgariyaɱ ananuyutto avipassako kusalānaɱ dhammānaɱ pubbarattāpararattaɱ bodhapakkhiyānaɱ1 dhammānaɱ bhāvanānuyogaɱ ananuyutto āsavānaɱ khayā anāsavaɱ cetovimuttiɱ paññāvimuttiɱ diṭṭheva dhamme sayaɱ abhiññā sacchikatvā upasampajja viharanto"ti.

Tasmātiha bhikkhave evaɱ sikkhitabbaɱ: " indriyesu guttadvārā bhavissāma bhojane mattaññuno jāgariyaɱ anuyuttā vipassakā kusalānaɱ dhammānaɱ pubbarattāpararattaɱ bodhapakkhiyānaɱ1 dhammānaɱ bhāvanānuyogaɱ anuyuttā viharissāmā"ti.

Evaɱ hi vo bhikkhave sikkhitabbanti.

1. Bodhipakkhiyānaɱ machasaɱ syā

[BJT Page 038]
6. 1. 2. 8.
(Macchika suttaɱ)

18. Ekaɱ samayaɱ bhagavā kosalesu cārikaɱ carati mahatā bhikkhu saŋghena saddhiɱ. Addasā kho bhagavā addhāna maggapaṭipanno aññatarasmiɱ padese macchikaɱ macchabandhaɱ macche vadhitvā vadhitvā vikkiṇamānaɱ. Disvā maggā okkamma aññatarasmiɱ rukkhamūle paññatte āsane nisīdi. Nisajja kho bhagavā bhikkhū āmantesi:

"Passatha, no tumhe bhikkhave amuɱ macchikaɱ macchabandhaɱ macche vadhitvā vadhitvā vikkiṇamānanti"

Evaɱ bhante.
Taɱ kiɱ maññatha bhikkhave apinu tumhehi diṭṭhaɱ vā sunaɱvā " macchiko macchabandho macche vadhitvā [page 302] vadhitvā vikkiṇamāno tena kammena tena ājīvena hatthiyāyī vā assayāyī vā rathayāyīvā yānayāyī vā bhoga bhogī vā mahantaɱ vā hogakkhandhaɱ ajjhāvasanto?Tī.

No hetaɱ bhante.

Sādhu bhikkhave, mayāpi kho etaɱ bhikkhave neva diṭṭhaɱ, na sutaɱ "macchiko macchabandho macche vadhitvā vadhitvā vikkiṇamāno tena kammena tena ājīvena hatthiyāyī vā assayāyī vā rathayāyī vā yānayāyī vā bhogabhogīvā mahantaɱ vā bhogakkhandhaɱ ajjhāvasanto"ti.

Taɱ kissa hetu:

Te hi so bhikkhave macche vajjhe vadhāyopanīte1 pāpakena manasānupekkhati. Tasmā so neva hatthiyāyī hoti, na assayāyī, na rathayāyī, na yānayāyī, na bhogabhogī, na mahantaɱ bhogakkhandhaɱ ajjhāvasati.

Taɱ kiɱ maññatha bhikkhave apinu tumhehi diṭṭhaɱ vā sutaɱ vā "goghātako gāvo vadhitvā vadhitvā vikkiṇamāno tena kammena tena ājīvena hatthiyāyī vā assayāyī vā rathayāyī vā yānayāyi vā bhogabhogī vā mahantaɱ vā bhogakkhandhaɱ
Ajjhāvasanto?"Ti

No hetaɱ bhante
Sādhu bhikkhave, mayāpi kho etaɱ bhikkhave neva diṭṭhaɱ, na sutaɱ: "goghātako gāvo vadhitvā vadhitvā vikkiṇamāno tena kammena tena ājīvena hatthiyāyī vā assayāyī vā rathayāyī vā yānayāyī vā bhogabhogī vā mahantaɱ bhogakkhandhaɱ ajjhāvasanto"ti.
Taɱ kissa hetu:
1Vadhāyupanite sīmu. Vadhāyānītesyā, vadhāyanīte vadhāyanunīte katthaci

[BJT Page 040]
Te hi so bhikkhave gāvo vajjhe vadhāyopanīte1 pāpakena manasānupekkhati. Tasmā so neva hatthiyāyī hoti na assayāyī na rathayāyī na yānayāyī na bhogabhogī na mahantaɱ bhogakkhandhaɱ ajjhāvasati.
Taɱ kiɱ maññatha bhikkhave apinu tumhehi diṭṭhaɱ [page 303] vā sutaɱ vā " orabbhiko orambhe vadhitvā vadhitvā vikkiṇamāno tena kammena tena ājīvena hatthiyāyī vā assayāyī vā rathayāyī vā yānayāyī vā bhogabhogī vā mahantaɱ vā hogakkhandhaɱ ajjhāvasanto?"Ti.

Taɱ kiɱ maññatha bhikkhave apinu tumhehi diṭṭhaɱ vā sutaɱ vā " sūkariko sūkare vadhitvā vadhitvā vikkiṇamāno tena kammena tena ājīvena hatthiyāyī vā assayāyī vā rathayāyī vā yānayāyī vā bhogabhogī vā mahantaɱ vā hogakkhandhaɱ ajjhāvasanto?"Ti
Taɱ kiɱ maññatha bhikkhave apinu tumhehi diṭṭhaɱ vā sutaɱ vā "sākuntiko sākunte
Vadhitvā vadhitvā vikkiṇamāno tena kammena tena ājīvena hatthiyāyī vā assayāyī vā rathayāyī vā yānayāyī vā bhogabhogī vā mahantaɱ vā bhogakkhandhaɱ ajjhāvasanto?"Ti.

Taɱ kiɱ maññatha bhikkhave apinu tumhehi diṭṭhaɱ vā sutaɱ vā "māgaviko mage3
Vadhitvā vadhitvā vikkiṇamāno tena kammena tena ājīvena hatthiyāyī vā assayāyī vā rathayāyī vā yānayāyī vā bhogabhogī vā mahantaɱ vā bhogakkhandhaɱ ajjhāvasanto?"Ti.

No hetaɱ bhante.

Sādhu bhikkhave, mayāpi kho etaɱ bhikkhave neva diṭṭhaɱ, na sutaɱ: " māgaviko mage vadhītvā vadhītvā vikkiṇamāno tena kammena tena ājīvena hatthiyāyī vā assayāyī vā rathayāyī vā yānayāyī vā bhogabhogī vā mahantaɱ vā bhogakkhandhaɱ ajjhāvasanto"ti.
Taɱ kissa hetu:

Te hi so bhikkhave mage vajjhe vadhāyopanīte1 pāpakena manasānupekkhati. Tasmā so neva hatthiyāyī hoti, na assayāyi, na rathayāyī, na yānayāyī, na bhogabhogī, na mahantaɱ bhogakkhandhaɱ ajjhāvasati.

Te hi so bhikkhave tiracchānagate pāṇe vajjhe vadhāyopanīte1 pāpakena manasānupekkhamāno neva hatthiyāyī bhavissati, na assayāyī, na rathayāyī, na yānayāyī, na bhogabhogī, na mahantaɱ bhogakkhandhaɱ ajjhāvasissati. Ko pana vādo yaɱ manussabhūtaɱ vajjhaɱ vadhāyopanītaɱ4pāpakena manasānupekkhatī. Taɱ hi tassa bhikkhave hoti dīgharattaɱ ahitāya dukkhāya. Kāyassa bhedā parammaraṇā apāyaɱ duggatiɱ vinipātaɱ nirayaɱ upapajjatīti. 5

6. 1. 2. 9.
(Paṭhama maraṇasati suttaɱ)
19. Ekaɱ samayaɱ bhagavā nādike6 viharati giñjakāvasathe. Tatra kho bhagavā bhikkhū āmantesi bhikkhavoti. [page 304] bhadanteti te bhikkhū bhagavato paccassosuɱ. Bhagavā etadavoca:

Maraṇasati7 bhikkhave bhāvitā bahulīkatā mahapphalā hoti mahānisaɱsā amatogadhā amatapariyosānā. Bhāvetha no tumhe bhikkhave maraṇasatinti?8

1 Vadhāyānīte syā vadhāyanīte katthaci vadhāyupanīte sīmu
2 Sokarikosyā 3 migesyā 4 vadhāyupanītaɱsīmu
5 Uppajjatī sīmu 6 nātike machasaɱ 7 maraṇassati machasaɱ
8 Maraṇassatiɱ machasaɱ.

[BJT Page 042]
(1) Evaɱ vutte aññataro bhikkhū bhagavantaɱ etadavoca: " ahaɱ kho bhante bhāvemi maraṇasatinti. "
Yathā kathaɱ pana tvaɱ bhikkhu bhāvesi maraṇasatinti?
Idha mayhaɱ bhante evaɱ hoti: " aho vatāhaɱ rattindivaɱ jīveyyaɱ, bhagavato sāsanaɱ manasi kareyyaɱ, bahuɱ vata me kataɱ assā"ti. Evaɱ kho ahaɱ bhante bhāvemi maraṇasatinti.
(2) Aññataropi kho bhikkhu bhagavantaɱ etadavoca: ahampi kho bhante bhāvemi maraṇasatinti.
Yathā kathaɱ pana tvaɱ bhikkhu bhāvesi maraṇasatinti?
Idha mayhaɱ bhante evaɱ hoti: " aho vatāhaɱ divasaɱ jīveyyaɱ bhagavato sāsanaɱ manasi kareyyaɱ, bahuɱ vata me kataɱ assā"ti. Evaɱ kho ahaɱ bhante bhāvemi maraṇasatinti.
(3) Aññataropi kho bhikkhu bhagavantaɱ etadavoca. Ahampi kho bhante bhāvemi maraṇasatinti.
Yathā kathampana tvaɱ bhikkhu bhāvesi maraṇasatinti?
Idha mayhaɱ bhante evaɱ hoti: " aho vatāhaɱ tadantaraɱ jīveyyaɱ yadantaraɱ ekapiṇḍapātaɱ bhuñjāmi, bhagavato sāsanaɱ manasi kareyyaɱ, bahuɱ vata me kataɱ assā"ti. Evaɱ kho ahaɱ bhante bhāvemi maraṇasatinti.
(4) Aññataropi kho bhikkhu bhagavantaɱ etadavoca: ahampi kho bhante bhāvemi maraṇasatinti.
Yathā kathaɱ pana tvaɱ bhikkhu bhāvesi maraṇasatinti?
Idha mayhaɱ bhante evaɱ hoti: " aho vatāhaɱ tadantaraɱ jīveyyaɱ, yadantaraɱ cattāro pañca ālope saŋkhāditvā ajjhoharāmi, bhagavato sāsanaɱ manasi kareyyaɱ, bahuɱ vata me kataɱ assā"ti. Evaɱ kho ahaɱ bhante bhāvemi maraṇasatinti.
(5) Aññataropi kho bhikkhu bhagavantaɱ etadavoca: ahampi kho bhante bhāvemi maraṇasatinti.
Yathā kathaɱ pana tvaɱ bhikkhu bhāvesi maraṇasatinti?
Idha mayhaɱ bhante evaɱ hoti: " aho vatāhaɱ tadantaraɱ jīveyyaɱ, yadantaraɱ ekaɱ ālopaɱ saŋkhāditvā ajjhoharāmi, bhagavato sāsanaɱ manasi kareyyaɱ, bahuɱ [page 305] vata me kataɱ assā"ti evaɱ kho ahaɱ bhante bhāvemi maraṇasatinti.

[BJT Page 044]
(6) Aññataropi kho bhikkhu bhagavantaɱ etadavoca: ahaɱpi kho bhante bhāvemi maraṇasatinti.
Yathā kathaɱ pana tvaɱ bhikkhu bhāvesi maraṇasatinti?
Idha mayhaɱ bhante evaɱ hoti " aho vatāhaɱ tadantaraɱ jīveyyaɱ, yadantaraɱ assasitvā vā passasāmi, passasitvā vā assasāmi. Bhagavato sāsanaɱ manasi kareyyaɱ, bahuɱ vata me kataɱ assā"ti. Evaɱ kho ahaɱ bhante bhāvemi maraṇasatinti.
Evaɱ vutte bhagavā te bhikkhū etadavoca:
(1) Yo cāyaɱ bhikkhave bhikkhū evaɱ maraṇasatiɱ bhāveti: aho vatāhaɱ rattindivaɱ jīveyyaɱ, bhagavato sāsanaɱ manasi kareyyaɱ, bahuɱ vata me kataɱ assā, ti
(2) "Yo cāyaɱ bhikkhave bhikkhu evaɱ maraṇasatiɱ bhāveti: aho vatāhaɱ divasaɱ jīveyyaɱ, bhagavato sāsanaɱ manasi kareyyaɱ, bahuɱ vata me kataɱ assā, ti.

(3) "Yo cāyaɱ bhikkhave bhikkhū evaɱ maraṇasatiɱ bhāveti: aho vatāhaɱ tadantaraɱ jīveyyaɱ, yadantaraɱ ekaɱ piṇḍapātaɱ1 bhuñjāmi, bhagavato sāsanaɱ manasi kareyyaɱ, bahuɱ vata me kataɱ assā, ti

(4) "Yo cāyaɱ bhikkhave bhikkhū evaɱ maraṇasatiɱ bhāveti: aho vatāhaɱ tadantaraɱ jīveyyaɱ, yadantaraɱ cattāro pañca ālope saŋkhāditvā ajjhoharāmi, bhagavato sāsanaɱ manasi kareyyaɱ, bahuɱ vata me kataɱ assā, ti
(1, 2, 3, 4) [page 306] "ime vuccanti bhikkhave bhikkhū pamattā viharanti, dandhaɱ maraṇasatiɱ bhāventi āsavānaɱ khayāya.

(5) "Yo cāyaɱ bhikkhave bhikkhū evaɱ maraṇasatiɱ bhāveti: aho vatāhaɱ tadantaraɱ jīveyyaɱ, yadantaraɱ ekaɱ ālopaɱ ajjhoharāmi, bhagavato sāsanaɱ manasi kareyyaɱ, bahuɱ vata me kataɱ assā, ti

(6) "Yo cāyaɱ bhikkhave bhikkhū evaɱ maraṇasatiɱ bhāveti: aho vatāhaɱ tadantaraɱ jīveyyaɱ, yadantaraɱ assasitvā vā passasāmi. Passasitvā vā assasāmi, bhagavato sāsanaɱ manasi kareyyaɱ, bahuɱ vata me kataɱ assā, ti

(5, 6) Ime vuccanti bhikkhave bhikkhū appamattā viharanti tikkhaɱ maraṇasatiɱ bhāventi āsavānaɱ khayāya.

Tasmātiha bhikkhave evaɱ sikkhitabbaɱ: appamattā viharissāma, tikkhaɱ maraṇasatiɱ bhāvessāma āsavānaɱ khayāyāti. Evaɱ hi vo bhikkhave sikkhitabbanti.
[BJT Page 046]
6. 1. 2. 10.
(Dutiya maraṇasati suttaɱ)

20. Ekaɱ samayaɱ bhagavā nādike viharati giñjakāvasathe. Tatra kho bhagavā bhikkhu āmantesi: maraṇasati bhikkhave bhāvitā bahulīkatā mahapphalā hoti mahānisaɱsā amatogadhā amatapariyosānāti.

Kathaɱ bhāvitā ca bhikkhave maraṇasati kathaɱ bahulīkatā mahapphalā hoti mahānisaɱsā amatogadhā amatapariyosānā?

(1) Idha bhikkhave bhikkhu divase nikkhante rattiyā patihitāya1 iti paṭisañcikkhati: "bahukā kho me paccayā maraṇassa: ahi vā maɱ ḍaseyya, vicchiko vā maɱ ḍaseyya, satapadī vā maɱ ḍaseyya, tena me assa kālakiriyā2 so mamassa antarāyo. Upakkhalitvāvāhaɱ papateyyaɱ, bhattaɱ vāpi me3 bhuttaɱ byāpajjeyya, pittaɱ vā me [page 307] kuppeyya, semhaɱ vā me kuppeyya, satthakā vā me vātā kuppeyyuɱ, tena me assa kālakiriyā. So mamassa antarāyo"ti.

(2) Tena bhikkhave bhikkhunā iti paṭisañcikkhitabbaɱ: " atthi nu kho me pāpakā akusalā dhammā appahīnā ye me assu rattiɱ kālaɱ karontassa antarāyāyā"ti. Sace bhikkhave bhikkhu paccavekkhamāno evaɱ jānāti: " atthi me pāpakā akusalā dhammā appahīnā ye me assu rattiɱ kālaɱkarontassa antarāyāyā"ti, tena bhikkhave bhikkhunā tesaɱyeva pāpakānaɱ akusalānaɱ dhammānaɱ pahānāya adhimatto chando ca vāyāmo ca ussāho ca ussoḷhi ca appaṭivāni ca sati ca sampajaññañca karaṇiyyāva. Seyyathāpi bhikkhave ādittacelo vā ādittasīso vā tasseva celassa vā sīsassa vā nibbāpanāya adhimattaɱ chandañca vāyāmañca ussāhañca ussoḷhīñca appaṭivāniñca satiñca sampajaññañca kareyya, evameva kho bhikkhave tena bhikkhunā tesaɱ yeva pāpakānaɱ akusalānaɱ dhammānaɱ pahānāya adhimatto chando ca vāyāmo ca ussāho ca ussoḷhī ca appaṭivāni ca sati ca sampajaññañca karaṇīyā.

(3) Sace pana bhikkhave bhikkhu paccavekkhamāno evaɱ jānāti: " natthi me pāpakā akusalā dhammā appahīnā ye me assu rattiɱ kālaɱ karontassa antarāyāyā"ti, tena bhikkhave bhikkhunā teneva pītipāmojjena vihātabbaɱ ahorattānusikkhinā kusalesu dhammesu.

(4) Idha pana bhikkhave bhikkhu rattiyā nikkhantāya divase patihite4 iti paṭisañcikkhati: " bahukā me paccayā maraṇassa: ahi vā maɱ ḍaseyya, vicchiko vā maɱ ḍaseyya, satapadī vā maɱ ḍaseyya, tena me assa kālakiriyā, so mamassa antarāyo. Upakkhilitvā vāhaɱ papateyyaɱ bhattaɱ vā me bhuttaɱ byāpajjeyya, pittaɱ vā me kuppeyya, semhaɱ vā me kuppeyya, satthakā me vātā kuppeyyuɱ, tena me assa kālakiriyā, so mamassa antarāyo"
1 Patigatāva machasaɱ 2 kālaɱkiriyā machasaɱ 3 bhattaɱ vā me machasaɱ 4 patigate machasaɱ

[BJT Page 048]
(5) Tena bhikkhave bhikkhunā iti paṭisañcikkhitabbaɱ: " [page 308] atthi nu kho me pāpakā akusalā dhammā appahīnā, ye me assu divā kālaɱ karontassa antarāyāyā"ti,

Sace bhikkhave bhikkhu paccavekkhamāno evaɱ jānāti: "atthi me pāpakā akusalā dhammā appahīnā, ye me assu divā kālaɱ karontassa antarāyāyā"ti, tena bhikkhave bhikkhunā tesaññeva pāpakānaɱ akusalānaɱ dhammānaɱ pahānāya adhimatto chando ca vāyāmo ca ussāho ca ussoḷhi ca appaṭivāni ca sati ca sampajaññañca karaṇīyyā. Seyyathāpi bhikkhave ādittacelo vā ādittasīso vā tasseva celassa vā sīsassa vā nibbāpanāya adhimattaɱ chandañca vāyāmañca ussāhañca ussoḷhiñca appaṭivāniñca satiñca sampajaññañca kareyya, evameva kho bhikkhave tena bhikkhunā tesaɱyeva pāpakānaɱ akusalānaɱ dhammānaɱ pahānāya adhimatto chando ca vāyāmo ca ussāho ca ussoḷhi ca appaṭivāni ca sati ca sampajaññañca karaṇīyā.

(6) Save pana bhikkhave bhikkhu paccavekkhamāno evaɱ jānāti: "natthi me pāpakā akusalā dhammā appahīnā ye me assu divā kālaɱ karontassa antarāyāyā"ti, tena bhikkhave bhikkhunā teneva pītipāmojjena vihātabbaɱ ahorattānusikkhinā kusalesu dhammesu.
Evaɱ bhāvitā kho bhikkhave maraṇasati evaɱ bahulīkatā mahapphalā hoti mahānisaɱsā amatogadhā amatapariyosānāti.

Sārāṇīya vaggo dutiyo

Tassuddānaɱ

Dve sārāṇīya nissāraṇīyaɱ 1 bhaddakaɱ anutappiyaɱ
Nakulakusalā macchaɱ dve ca honti maraṇasatinā dasāti. 2
1Deva sārāṇīyo mettaɱsīmu. 2 Nakulaɱ soppamacchā ca dve honti maraṇassatītī machasaɱ.

[BJT Page 050]
3. Anuttariya vaggo
6. 1. 3. 1.
(Sāmagāmaka suttaɱ)
21. [page 309] ekaɱ samayaɱ bhagavā sakkesu viharati sāmagāmake pokkharaṇīyāyaɱ.
Atha kho aññatarā devatā abhikkantāya rattiyā abhikkantavaṇṇā kevalakappaɱ
Pokkharaṇīyaɱ obhāsetvā yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ aṭṭhāsi. Ekamantaɱ ṭhitā kho sā devatā bhagavantaɱ etadavoca:
Tayome bhante dhammā bhikkhuno parihānāya saɱvattanti. Katame tayo:
Kammārāmatā, bhassārāmatā, niddārāmatā ime kho bhante tayo dhammā bhikkhuno parihānāya saɱvattantīti.
Idamavoca sā devatā. Samanuñño satthā ahosi. Atha kho sā devatā samanuñño me satthāti bhagavantaɱ abhivādetvā padakkhiṇaɱ katvā tatthevantaradhāyī.

Atha kho bhagavā tassā ratatiyā accayena bhikkhū āmantesi. Imaɱ bhikkhave rattiɱ aññatarā devatā abhikkantāya rattiyā abhikkantavaṇṇā kevalakappaɱ pokkharaṇīyaɱ obhāsetvā yenāhaɱ tenupasaŋkami. Upasaŋkamitvā maɱ abhivādetvā ekamantaɱ aṭṭhāsi, ekamantaɱ ṭhitā kho bhikkhave sā devatā maɱ etadavoca.

"Tayome bhante dhammā bhikkhuno parihānāya saɱvattanti. Katame tayo: kammārāmatā, bhassārāmatā, niddārāmatā. Ime kho bhante tayo dhammā bhikkhuno parihānāya saɱvattantī"ti.

Idamavoca bhikkhave sā devatā. Idaɱ vatvā maɱ abhivādetvā padakkhiṇaɱ katvā tatthevantaradhāyi.

Tesaɱ vo bhikkhave alābhā tesaɱ vo dulladdhā1 ye vo devatāpi jānanti kusalehi dhammehi parihānāya2 saɱvattamāne.

Aparepi bhikkhave tayo parihāniye dhamme desissāmi taɱ suṇātha sādhukaɱ manasikarotha bhāsissāmiti evaɱ bhanteti kho te bhikkhu bhagavato paccassosuɱ. Bhagavā etadavoca:
[page 310] katame ca bhikkhave tayo parihāniyā dhammā: saɱgaṇikārāmatā, dovacassatā, pāpamittatā.
Ime kho bhikkhave tayo parihāniyā dhammā.

Ye hi keci bhikkhave atītamaddhānaɱ parihāyiɱsu kusalehi dhammehi, sabbe te imeheva chahi dhammehi parihāyiɱsu kusalehi dhammehi. Yehi keci bhikkhave anāgatamaddhānaɱ parihāyissanni kusalehi dhammahi. Sabbe te imeheva chahi dhammehi parihāyissanti kusalehi dhammehi.
Yehi keci bhikkhave etarahi parihāyanti kusalehi dhammehi, sabbe te imeheva chahi dhammehi parihāyanti kusalehi dhammehiti. 1 Tesaɱ dulladdhaɱ machasaɱ 2 parihāyamāne machasaɱ.

[BJT Page 052]
6. 1. 3. 2.
(Aparihānīyadhamma suttaɱ)
(Sāvatthinidānaɱ)

22. Chayime bhikkhave aparihāniye dhamme desissāmi, taɱ suṇātha sādhukaɱ manasikarotha bhāsissāmiti, evaɱ bhanteti kho te bhikkhu bhagavato paccassosuɱ. Bhagavā etadavoca: katame ca te bhikkhave cha aparihāniyā dhammā

Na kammārāmatā, na bhassārāmatā, na niddārāmatā, na saŋgaṇikārāmatā, sovacassatā, kalyāṇamittatā. Ime kho bhikkhave cha aparihāniyā dhammā.

Ye hi keci bhikkhave atītamaddhānaɱ na parihāyiɱsu kusalehi dhammehi, sabbe te imeheva chahi dhammehi na parihāyiɱsu kusalehi dhammehi. Ye hi keci bhikkhave anāgatamaddhānaɱ na parihāyissanti kusalehi dhammehi, sabbe te imeheva chahi dhammehi na parihāyissanti. Kusalehi dhammehi, ye hi keci bhikkhave etarahi na parihāyanti kusalehi dhammehi, sabbe te imeheva chahi dhammehi na parihāyanti kusalehi dhammehī, ti.

6. 1. 3. 3.
(Bhaya suttaɱ)
(Sāvatthinidānaɱ)

23. Bhayanti bhikkhave kāmānametaɱ adhivacanaɱ, dukkhanti bhikkhave kāmānametaɱ adhivacanaɱ. Rogoti bhikkhave kāmānametaɱ adhivacanaɱ. Gaṇḍoti [page 311] bhikkhave kāmānametaɱ adhivacanaɱ. Saŋgoti bhikkhave kāmānametaɱ adhivacanaɱ. Paŋkoti bhikkhave kāmānametaɱ adhivacanaɱ.
Kasmā ca bhikkhave bhayanti kāmānametaɱ adhivacanaɱ? Kāmarāgarattāyaɱ bhikkhave chandarāgavinibaddho diṭṭhadhammikāpi bhayā na parimuccati, samparāyikāpi bhayā na parimuccati. Tasmā bhayanti kāmānametaɱ adhivacanaɱ. Kasmā ca bhikkhave dukkhanti kāmānametaɱ adhivacanaɱ. Rogoti bhikkhave kāmānametaɱ adhivacanaɱ. Gaṇḍoti bhikkhave kāmānametaɱ adhivacanaɱ, saŋgoti bhikkhave kāmānametaɱ adhivacanaɱ. Paŋkoti kāmānametaɱ adhivacanaɱ. ?Kāmarāgarattāyaɱ bhikkhave chandarāgavinibaddho diṭṭhadhammikāpi paŋkā na parimuccati, samparāyikāpi paŋkā na parimuccati. Tasmā paŋkoti kāmānametaɱ adhivacananti.

5. Bhayaɱ dukkhaɱ ca rogo ca gaṇḍo saŋgo paŋko ca ubhayaɱ
Ete kāmā pavuccanti yattha satto puthujjano.

6. Upādāne bhayaɱ disvā jātimaraṇasambhave
Anupādā vimuccanti jātimaraṇa saŋkhaye.

7. Te khemappattā sukhino diṭṭhadhammābhinibbutā
Sabbaverabhayātītā1 sabbadukkhaɱ upaccagunti.
1Sabbe vera bhayātītā syā.

[BJT Page 054]
6. 1. 3. 4
(Himavanta suttaɱ)
(Sāvatthinidānaɱ)
24. Chahi bhikkhave dhammehi samantāgato bhikkhu himavantaɱ pabbata rājaɱ padāleyya, ko pana vādo chavāya avijjāya.
Katamehi chahi.
Idha bhikkhave bhikkhū samādhissa samāpattikusalo hoti. Samādhissa ṭhitikusalo hoti. Samādhissa vuṭṭhānakusalo hoti. Samādhissa kallatā kusalo1 hoti. Samādhissa gocarakusalo hoti. Samādhissa abhinīhārakusalo hoti.

[page 312] imehi kho bhikkhave chahi dhammehi samannāgato bhikkhu himavantaɱ pabbatarājaɱ padāleyya. Ko pana vādo chavāya avijjāyāti.

6. 1. 3. 5.
(Anussatiṭṭhāna suttaɱ)
(Sāvatthinidānaɱ)

25. Chayimāni bhikkhave anussati ṭhānāni.
Katamāni cha.
(1). Idha bhikkhave ariyasāvako tathāgataɱ anussarati:"itipi so bhagavā arahaɱ sammā sambuddho vijjācaraṇasampanno sugato lokavidu anuttaro purisadammasārathī satthā devamanussānaɱ buddho bhagavāti.

Yasmiɱ bhikkhave samaye ariyasāvako tathāgataɱ anussarati, nevassa tasmiɱ samaye
Rāgapariyuṭṭhitaɱ cittaɱ hoti. Na dosapariyuṭṭhitaɱ cittaɱ hoti. Na mohapariyuṭṭhitaɱ cittaɱ hoti. Ujugatamevassa tasmiɱ samaye cittaɱ hoti. Nikkhantaɱ muttaɱ vuṭṭhitaɱ gedhamhā. Gedhoti kho bhikkhave pañcannetaɱ kāmaguṇānaɱ adhivacanaɱ. Idampi kho bhikkhave ārammaṇaɱ karitvā evamidhekacce sattā visujjhanti.

(2) Puna ca paraɱ bhikkhave ariyasāvako dhammaɱ anussarati: "svākkhāto bhagavatā dhammo sandiṭṭhiko akāliko ehi passiko opanayiko paccattaɱ veditabbo viññuhīti. "
Yasmiɱ bhikkhave samaye ariyasāvako dhammaɱ anussarati. Nevassa tasmiɱ samaye rāgapariyuṭṭhitaɱ cittaɱ hoti, na dosapariyuṭṭhitaɱ cittaɱ hoti, na mohapariyuṭṭhitaɱ cittaɱ hoti, ujugatamevassa tasmiɱ samaye cittaɱ hoti, nikkhantaɱ muttaɱ vuṭṭhitaɱ gedhamhā. Gedhoti kho bhikkhave pañcannetaɱ kāmaguṇānaɱ adhivacanaɱ. Idampi kho bhikkhave āramamaṇaɱ karitvā evamidhekacce sattā visujjhanti.

1Kalalita kusalo hoti sīmu.

[BJT Page 056]
Puna ca paraɱ bhikkhave ariyasāvako saŋghaɱ anussarati: "supaṭipanno bhagavato sāvakasaŋgho ujupaṭipanno bhagavato sāvaka saŋgho ñāyapaṭipanno bhagavato sāvaka saŋgho sāmīcipaṭipanno bhagavato sāvaka saŋgho yadidaɱcattārī purisa yugāni aṭṭha purisapuggalā esa bhagavato sāvaka saŋgho āhuneyyo pāhuneyyo dakkhiṇeyyo aɱjali karaṇīyo anuttaraɱ puññakkhettaɱ lokassāti". Yasmiɱ bhikkhave samaye ariyasāvako saŋghaɱ anussarati, nevassa tasmiɱ samaye rāgapariyuṭṭhitaɱ cittaɱ hoti. Na dosapariyuṭṭhitaɱ cittaɱ hoti, na mohapariyuṭṭhitaɱ cittaɱ hoti, ujugatamevassa tasmiɱ samaye citataɱ hoti, nikkhantaɱ muttaɱ vuṭṭhitaɱ gedhamhā. Gedhoti kho bhikkhave pañcannetaɱ kāmaguṇānaɱ adhivacanaɱ. Idampi kho bhikkhave ārammaṇaɱ karitvā evamidhekacce sattā visujjhanti.

Puna ca paraɱ bhikkhave ariyasāvako attano sīlāni anussarati: akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni samādhisaɱvattanikāni. Yasmiɱ bhikkhave samaye ariyasāvako sīlaɱ anussarati. Nevassa tasmiɱ samaye rāgapariyuṭṭhitaɱ cittaɱ hoti, na dosapariyuṭṭhitaɱ cittaɱ hoti , na mohapariyuṭṭhitaɱ cittaɱ hoti. Ujugatamevassa tasmiɱ samaye citataɱ hoti, nikkhantaɱ muttaɱ vuṭṭhitaɱ gedhamhā. Gedhoti kho bhikkhave pañcannetaɱ kāmaguṇānaɱ adhivacanaɱ.
Idampi kho bhikkhave ārammaṇaɱ karitvā evamidhekacce sattā visujjhanti.

Puna ca paraɱ bhikkhave ariyasāvako attano cāgaɱ anussarati: " lābhā vata me suladdhaɱ vata me yohaɱ macceramala pariyuṭhitāya pajāya vigatamalamaccherena cetasā viharāmi muttacāgo payatapāṇī vossaggarato yācayogo dānasaɱvibhāgarato"ti. Yasmiɱ bhikkhave samaye ariyasāvako cāgaɱ anussarati. Nevassa tasmiɱ samaye rāgapariyuṭṭhitaɱ cittaɱ hoti, na dosapariyuṭṭhitaɱ cittaɱ hoti, na mohapariyuṭṭhitaɱ cittaɱ hoti. Ujugatamevassa
Tasmiɱ samaye cittaɱ hoti, nikkhantaɱ muttaɱ vuṭṭhitaɱ gedhamhā. Gedhoti kho bhikkhave pañcannetaɱ kāmaguṇānaɱ adhivacanaɱ. Idampi kho bhikkhave ārammaṇaɱ karitvā evamidhekacce sattā visujjhanti.

Puna ca paraɱ bhikkhave ariyasāvako devatā anussarati: santi devā cātummahārājikā, santi devā tāvatiɱsā, santi devā yāmā, santi devā tusitā, santi devā nimmāṇaratino, santi devā paranimmitavasavattino, santi devā [page 314] brahmakāyikā, santi devā tatuttariɱ yathārūpāya saddhāya samannāgatā tā devatā ito cutā tattha uppannā, mayhampi tathārūpā saddhā saɱvijjati, yathārūpena sīlena yathārūpena sutena yathārūpena cāgena yathārūpāya paññāya samannāgatā tā devatā ito cutā tattha uppannā, mayhampi tathā rūpā paññā saɱvijjati"ti. Yasmiɱ bhikkhave samaye ariyasāvako attano ca tāsaɱ ca devatānaɱ saddhañca sutañca cāgañca paññañca anussarati, nevassa tasmiɱ samaye rāgapariyuṭṭhitaɱ cittaɱ hoti, na dosapariyuṭṭhitaɱ cittaɱ hoti, na mohapariyuṭṭhitaɱ cittaɱ hoti, ujugatamevassa tasmiɱ samaye cittaɱ hoti, nikkhantaɱ muttaɱ vuṭṭhitaɱ gedhamhā. Gedhoti kho bhikkhave pañcantetaɱ kāmaguṇānaɱ adhivacanaɱ. Idampi kho bhikkhave ārammaṇaɱ karitvā evamidhekacce sattā visujjhanti. Imāni kho bhikkhave cha anussati ṭhānānīti,
[BJT Page 058]
6. 1. 3. 6
(Mahākaccāna suttaɱ)
(Sāvatthinidānaɱ)
26. Tatra kho āyasmā mahā kaccāno bhikkhu āmantesi, āvuso bhikkhavoti. Āvusoti kho te bhikkhu āyasmato mahā kaccānassa paccassosuɱ. Āyasmā mahā kaccāno etadavoca:
Acchariyaɱ āvuso abbhūtaɱ āvuso yāva subhāsitaɱ cidaɱ1 tena bhagavatā jānatā passatā arahatā sammāsambuddhena sambādhe okāsādhigamo anubuddho sattānaɱ visuddhiyā sokapariddavānaɱ samatikkamāya dukkhadomanassānaɱ atthaŋgamāya ñāyassa adhigamāya. Nibbānassa sacchikiriyāya yadidaɱ cha anussatiṭṭhānāni katamāni cha.

(1) Idhāvuso ariyasāvako tathāgataɱ anussarati " itipi so bhagavā arahaɱ sammā sambuddho vijjācaraṇasampanno sugato lokavidu anuttaro purisa damma sārathī satthā dve manussānaɱ buddho bhagavā"ti, yasmiɱ āvuso samaye ariyasāvako tathāgataɱ anussarati nevassa tasmiɱ samaye rāgapariyuṭṭhitaɱ cittaɱ hoti, na dosapariyuṭṭhitaɱ cittaɱ hoti, na [page 315] mohapariyuṭṭhitaɱ cittaɱ hoti, ujugatamevassa tasmiɱ samaye cittaɱ hoti, nikkhantaɱ muttaɱ vuṭṭhitaɱ gedhamhā " gedho, ti kho āvuso pañcannetaɱ kāmaguṇānaɱ adhivacanaɱ. Sa kho so āvuso ariyasāvako sabbaso ākāsasamena cetasā viharati, vipulena mahaggatena appamāṇena averena abyāpajjhena2. Idampi kho āvuso ārammaṇaɱ karitvā evamidhekacce sattā visuddhidhammā bhavanti.

(2) Puna ca paraɱ āvuso ariyasāvako dhammaɱ anussarati: " svākkhāto bhagavatā dhammo sandiṭṭhiko akāliko ehi passikho opanayikho paccattaɱ veditabbo viññuhī"tī. Yasmiɱ āvuso samaye ariyasāvako dhammaɱ anussarati, nevassa tasmiɱ samaye rāgapariyuṭṭhitaɱ cittaɱ hoti, na dosapariyuṭṭhitaɱ cittaɱ hoti, na mohapariyuṭṭhitaɱ cittaɱ hoti, ujugatamevassa tasmiɱ samaye citataɱ hoti, nikkhantaɱ muttaɱ vuṭṭhitaɱ gedhamhā. "Gedho, ti kho āvuso pañcannetaɱ kāmaguṇānaɱ adhivacanaɱ. Sa kho so āvuso ariyasāvako sabbaso ākāsasamena cetasā viharati vipulena mahaggatena appamāṇena averena abyāpajjhena. Idampi kho āvuso ārammaṇaɱ karitvā evamidhekacce sattā visuddhidhammā bhavanti.

1 Yāvañcidaɱ machasaɱ 2 avyāpajjena katthaci,
[BJT Page 060]
(3) Puna ca paraɱ āvuso ariyasāvako saŋghaɱ anussarati. " Supaṭipanno bhagavato sāvakasaŋgho, ujupaṭipanno bhagavato sāvakasaŋgho, ñāyapaṭipanno bhagavato sāvakasaŋgho, sāmīcipaṭipanno bhagavato sāvakasaŋgho yadidaɱ cattāri purisayugāni aṭṭhapurisapuggalā, esa bhagavato sāvakasaŋgho āhuneyyo, pāhuneyyo, dakkhiṇeyyo, añjalikaraṇīyo, anuttaraɱ puññakkhettaɱ lokassā"ti. Yasmiɱ āvuso samaye ariyasāvako saŋghaɱ anussarati nevassa tasmiɱ samaye rāgapariyuṭṭhitaɱ cittaɱ hoti, na dosapariyaṭṭhitaɱ cittaɱ hoti, na mohapariyuṭṭhitaɱ cittaɱ hoti. Ujugatamevassa tasmiɱ samaye cittaɱ hoti, nikkhantaɱ muttaɱ vuṭṭhitaɱ gedhamhā. "Gedho, ti kho āvuso pañcannetaɱ kāmaguṇānaɱ adhivacanaɱ. Sa kho so āvuso ariyasāvako sabbaso ākāsasamena cetasā viharati vipulena mahaggatena appamāṇena averena abyāpajjhena. Idampi kho āvuso [page 316] ārammaṇaɱ karitvā evamidhekacce sattā visuddhidhammā bhavanti.
Puna ca paraɱ āvuso ariyasāvako attano sīlāni anussarati akhaṇḍāni acchiddāni asabalāni akammāsāni samādhisaɱvattanikāni. Yasmiɱ āvuso samaye ariyasāvako attano sīlaɱ anussarati. Nevassa tasmiɱ samaye rāgapariyuṭṭhitaɱ cittaɱ hoti, na dosapariyuṭṭhitaɱ citataɱ hoti, na mohapariyuṭṭhitaɱ cittaɱ hoti. Ujugatamevessa tasmiɱ samaye citataɱ hoti nikkhantaɱ muttaɱ vuṭṭhitaɱ gedhamhā. "Gedho, ti kho āvuso pañcannetaɱ kāmaguṇānaɱ adhivacanaɱ. Sa kho so āvuso ariyasāvako sabbaso akāsasamena cetasā viharati vipulena mahaggatena appamāṇena averena abyāpajjhena. Idampi kho āvuso ārammaṇaɱ karitvā evamidhekacce sattā visuddhidhammā bhavanti.

(5) Puna ca paraɱ āvuso ariyasāvako attano cāgaɱ anussarati: " lābhā vata me, suladdhaɱ vata me, yohaɱ maccheramalapariyuṭhitāya pajāya vigata malamaccherena cetasā viharāmi muttacāgo payatapāṇī vossaggarato yācayogo dānasaɱvibhāgarato"ti. Yasmiɱ āvuso samaye ariyasāvako attano cāgaɱ anussarati, nevassa tasmiɱ samaye rāgapariyuṭṭhitaɱ cittaɱ hoti, na dosapariyuṭṭhitaɱ cittaɱ hoti. Na mohapariyuṭṭhitaɱ cittaɱ hoti. Ujugatamevassa tasmiɱ samaye cittaɱ hoti. Nikkhantaɱ muttaɱ vuṭṭhitaɱ gedhamhā. "Gedhoti" kho āvuso pañcannetaɱ kāmaguṇānaɱ adhivacanaɱ. Sa kho so āvuso ariyasāvako sabbaso ākāsasamena cetasā viharati vipulena mahaggatena appamānena averena abyāpajjhena. Idampi kho āvuso ārammaṇaɱ karitvā evamidhekacce sattā visuddhidhammā bhavanti.

(6) Puna ca paraɱ āvuso ariyasāvako devatā anussarati: " santi devā cātummahārājikā, santi devā tāvatiɱsā, santi devā yāmā, santi devā tusitā, santi devā nimmāṇaratino, santi devā paranimmitavasavattino, santi devā brahmakāyikā, santi devā tatuttariɱ, yathā rūpāya saddhāya samannāgatā tā devatā ito cutā tattha uppannā, mayhampi tathārūpā saddhā saɱvijjati. Yathārūpena sīlena [page 317] yathārūpena sutena yathārūpena cāgena yathārūpāya paññāya samannāgatā tā devatā ito cutā tattha uppannā, mayhampi tathārūpā paññā saɱvijjatīti. Yasmiɱ āvuso samaye āriyasāvako attano ca tāsañca devatānaɱ saddhañca sīlañca sutañca cāgañca paññañca anussarati, nevassa tasmiɱ samaye rāgapariyuṭṭhitaɱ cittaɱ hoti, na dosapariyuṭṭhitaɱ cittaɱ hoti, na mohapariyuṭṭhitaɱ cittaɱ hoti. Ujugatamevassa tasmiɱ samaye cittaɱ hoti. Nikkhantaɱ muttaɱ vuṭṭhitaɱ gedhamhā. "Gedho, ti kho āvuso pañcannetaɱ kāmaguṇānaɱ adhivacanaɱ. Sa kho so āvuso ariyasāvako sabbaso ākāsasamena cetasā viharati vipulena mahaggatena appamāṇena averena abyāpajjhena. Idampi kho āvuso ārammaṇaɱ karitvā evamidhekacce sattā visuddhidhammā bhavanti

[BJT Page 062]

Acchariyaɱ āvuso abbhūtaɱ āvuso yāvañcidaɱ tena bhagavatā jānatā passatā arahatā sammāsambuddhena sambādhe okāsādhigamo anubuddho sattānaɱ visuddhiyā sokapariddavānaɱ samatikkamāya dukkhadomanassānaɱ atthagamāya ñāyassa adhigamāya nibbānassa sacchikiriyāya yadidaɱ imāni cha anussati ṭhānānīti.

6. 1. 3. 7.
(Paṭhamasamaya suttaɱ)
(Sāvatthinidānaɱ)

27. Atha kho aññataro bhikkhu yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho so bhikkhu bhagavantaɱ etadavoca: kati nu kho bhante samayā manobhāvanīyassa bhikkhuno dassanāya upasaŋkamituɱ.

Chayime bhikkhu samayā manobhāvanīyassa bhikkhuno dassanāya upasaɱkamituɱ. Katame cha:

(1) Idha bhikkhu yasmiɱ samaye bhikkhu kāmarāgapariyuṭṭhitena cetasā viharati, kāmarāgaparetena, uppannassa ca [page 318] kāmarāgassa nissaraṇaɱ yathābhūtaɱ nappajānāti, tasmiɱ samaye manobhāvanīyo bhikkhū upasaŋkamitvā evamassa vacanīyo: " ahaɱ pakhā āvuso kāmarāgapariyuṭṭhitena cetasā viharāmi kāmarāgaparetena. Uppannassa ca kāmarāgassa nissaraṇaɱ yathābhūtaɱ nappajānāmi. Sādhu vata me āyasmā kāmarāgassa pahānāya dhammaɱ desetū"ti. Tassa manobhāvanīyo bhikkhu kāmarāgassa pahānāya dhammaɱ deseti. Ayaɱ bhikkhu paṭhamo samayo manobhāvanīyassa bhikkhuno dassanāya upasaŋkamituɱ.
(2) Puna ca paraɱ bhikkhū, yasmiɱ samaye bhikkhu vyāpādapariyuṭṭhitena cetasā viharati vyāpādaparetena, uppannassa ca vyāpādassa nissaraṇaɱ yathābhūtaɱ nappajānāti, tasmiɱ samaye manobhāvanīyo bhikkhu upasaŋkamitvā evamassa vacanīyo: " ahaɱ kho āvuso vyāpādapariyuṭṭhitena cetasā viharāmi vyāpādaparetena. Uppannassa ca vyāpādassa nissaraṇaɱ yathābhūtaɱ nappajānāmi. Sādhu vata me āyasmā vyāpādassa pahānāya dhammaɱ desetū"tī. Tassa manobhāvanīyo bhikkhū vyāpādassa pahānāya dhammaɱ deseti. Ayaɱ bhikkhu dutiyo samayo manobhāvanīyassa bhikkhuno dassanāya upasakamituɱ.
[BJT Page 064]
(3) Puna ca paraɱ bhikkhu, yasmiɱ samaye bhikkhu thinamiddhapariyuṭṭhitena cetasā viharati thinamiddhaparetena, uppannassa ca thīnamiddhassa nissaraṇaɱ yathābhūtaɱ nappajānāti, tasmiɱ samaye manobhāvanīyo bhikkhu upasaŋkamitvā evamassa vacanīyo: " ahaɱ kho āvuso thīnamiddhapariyuṭṭhitena cetasā viharāmi thīnamiddhaparetena. Uppanassa ca thīnamiddhassa nissaraṇaɱ yathābhūtaɱ nappajānāmi. Sādhu vata me āyasmā thīnamiddhassa pahānāya dhammaɱ desetu"ti. Tassa manobhāvanīyo bhikkhu thīnamiddhassa pahānāya dhammaɱ deseti. Ayaɱ bhikkhū tatiyo samayo manobhāvanīyassa bhikkhuno dassanāya upasaŋkamituɱ.

(4) Puna ca paraɱ bhikkhu, yasmiɱ samaye bhikkhu uddhaccakukkucca pariyuṭṭhitena cetasā viharati uddhaccakukkuccaparetena, uppannassa ca uddhaccakukkucassa nissaraṇaɱ yathābhūtaɱ nappajānāti, tasmiɱ
Samaye manobhāvanīyo bhikkhu upasaŋkamitvā evamassa vacanīyo: " ahaɱ kho āvuso uddhaccakukkuccapariyuṭṭhitena cetasā viharāmi uddhaccakukkucca paretena. Uppanassa ca [page 319] uddhaccakukkuccassa nissaraṇaɱ yathābhūtaɱ nappajānāmi. Sādhu vata me āyasmā uddhaccakukkuccassa pahānāya dhammaɱ desetu"ti. Tassa manobhāvanīyo bhikkhu uddhaccakukkuccassa pahānāya dhammaɱ deseti. Ayaɱ bhikkhū catuttho samayo manobhāvanīyassa bhikkhuno dassanāya upasaŋkamituɱ.

(5) Puna ca paraɱ bhikkhu, yasmiɱ samaye bhikkhu vicikicchāpariyuṭṭhitena cetasā viharati, vicikicchāparetena, uppannāya, vicikicchāya nissaraṇaɱ yathābhūtaɱ nappajānāti, tasmiɱ samaye manobhāvanīyo bhikkhu upasaŋkamitvā evamassa vacanīyo:"ahaɱ kho āvuso vicikicchāpariyuṭṭhitena cetasā viharāmi, vicikicchāparetena. Uppannāya ca vicikicchāya nissaraṇaɱ yathābhūtaɱ nappajānāmi. Sādhu vata me āyasmā vicikicchāya pahānāya dhammaɱ desetū "ti. Tassa manobhāvanīyo bhikkhū vicikicchāya pahānāya dhammaɱ deseti. Ayaɱ bhikkhu pañcamo samayo manobhāvanīyassa bhikkhuno dassanāya upasaŋkamituɱ.
(6) Puna ca paraɱ bhikkhu, yasmiɱ samaye bhikkhu yannimittaɱ āgamma yaɱ nimittaɱ manasikaroto anantarā1 āsavānaɱ khayo hoti, taɱ nimittaɱ na jānāti, na passati, tasmiɱ samaye manobhāvanīyo bhikkhu upasaŋkamitvā evamassa vacanīyo: "ahaɱ kho āvuso yaɱ nimittaɱ āgamma yaɱ nimittaɱ manasikaroto anantarā āsavānaɱ khayo hoti, taɱ nimittaɱ na jānāmi, na passāmi. Sādhu vata me āyasmā āsavānaɱ khayāya dhammaɱ desetu"ti. Tassa manobhāvanīyo bhikkhu āsavānaɱ khayāya dhammaɱ deseti. Ayaɱ bhikkhu chaṭṭho samayo manobhāvanīyassa bhikkhuno dassanāya upasaŋkamituɱ. Ime kho bhikkhu cha samayā manobhāvanīyassa bhikkhuno dassanāya upasaŋkamitunti.

1Antarā sīmu

[BJT Page 066]
6. 1. 3. 8.
(Dutiyasamaya suttaɱ)
28. [page 320] ekaɱ samayaɱ sambulā therā bhikkhu bārāṇasiyaɱ viharanti isipatane migadāye. Atha kho tesaɱ therānaɱ bhikkhūnaɱ pacchābhattaɱ piṇḍapātapaṭikkantānaɱ maṇḍalamāle sannipatitānaɱ sannisinnānaɱ ayamantarā kathā udapādi: " ko nu kho āvuso samayo manobhāvanīyassa bhikkhuno dassanāya upasaŋkamitunti"

Evaɱ vutte aññataro bhikkhu te bhikkhu etadavoca: yasmiɱ āvuso samaye manobhāvanīyo bhikkhū pacchābhattaɱ piṇḍapātapaṭikkanto pāde pakkhāletvā nisinno hoti. Pallaŋkaɱ ābhujitvā ujuɱ kāyaɱ paṇidhāya parimukhaɱ satiɱ upaṭṭhapetvā, so samayo manobhāvanīyassa bhikkhūno dassanāya upasaŋkamitunti.

Evaɱ vutte aññataro bhikkhū taɱ bhikkhuɱ etadavoca: na kho āvuso so samayo manobhāvanīyassa bhikkhuno dassanāya upasaŋkamituɱ. Yasmiɱ āvuso samaye manobhāvanīyo bhikkhu pacchābhattaɱ piṇḍapātapaṭikkanto pāde pakkhāletvā nisinno hoti pallaŋkaɱ ābhūjitvā ujuɱ kāyaɱ paṇīdhāya parimukhaɱ satiɱ upaṭṭhapetvā, cārittakilamathopissa tasmiɱ samaye appaṭippassaddho hoti, bhattakilamathopissa tasmiɱ samaye appaṭippassaddho hoti. Tasmā na kho so asamayo manobhāvanīyassa bhikkhuno dassanāya upasaŋkamituɱ. Yasmiɱ āvuso samaye [page 321] manobhāvanīyo bhikkhū sāyanhasamayaɱ patisallānā vuṭṭhito vihārapacchāyāyaɱ nisinno hoti pallaŋkaɱ ābhūjitvā ujuɱ kāyaɱ paṇidhāya parimukhaɱ satiɱ upaṭṭhapetvā, so samayo manobhāvanīyassa bhikkhuno dassanāya upasaŋkamitunti.

Evaɱ vutte aññataro bhikkhu taɱ bhikkhuɱ etadavoca: na kho āvuso so samayo manobhāvanīyassa bhikkhuno dassanāya upasaŋkamituɱ. Yasmiɱ āvuso samaye manobhāvanīyo bhikkhu sāyanahasamayaɱ patisallānā vuṭṭhito vihārapacchāyāyaɱ nisinno hoti pallaŋkaɱ ābhūjitvā ujuɱ kāyaɱ paṇidhāya parimukhaɱ satiɱ upaṭṭhapetvā, yadevassa divā samādhi nimittaɱ manasikataɱ hoti, tadevassa tasmiɱ samaye samudācarati. Tasmā na kho so samayo manobhāvanīyassa bhikkhuno dassanāya upasaŋkamituɱ. Yasmiɱ āvuso samaye manobhāvanīyo bhikkhu rattiyā paccusasamayaɱ paccuṭṭhāya nisinno hoti pallaŋkaɱ ābhujitvā ujuɱ kāyaɱ paṇidhāya parimukhaɱ satiɱ upaṭṭhapetvā, so samayo manobhāvanīyassa bhikkhuno dassanāya upasaŋkamitunti.

Evaɱ vutte aññataro bhikkhu taɱ bhikkhuɱ etadavoca: na kho āvuso so samayo manobhāvanīyassa bhikkhuno dassanāya upasaŋkamituɱ. Yasmiɱ āvuso samaye manobhāvanīyo bhikkhu rattiyā paccusasamayaɱ paccuṭṭhāya nisinno hoti pallaŋkaɱ ābhujitvā ujuɱ kāyaɱ paṇidhāya parimukhaɱ satiɱ upaṭṭhapetvā, ojaṭṭhāyissa tasmiɱ samaye kāyeɱ hoti. Phāsussa hoti buddhānaɱ sāsanaɱ manasikātuɱ. Tasmā so samayo manobhāvanīyassa bhikkhuno dassanāya upasaŋkamitunti.
[BJT Page 068]
Evaɱ vutte āyasmā mahākaccāno there bhikkhū etadavoca: "sammukhā metaɱ āvuso bhagavato sutaɱ, sammukhā paṭiggahītaɱ"
"Chayime bhikkhū, samayā manobhāvanīyassa bhikkhuno dassanāya upasaŋkamituɱ. Katame cha:
(1) Idha bhikkhu, yasmiɱ samaye bhikkhu sāmarāgapariyuṭṭhitena cetasā viharati kāmarāgaparetena, uppannassa ca kāmarāgassa nissaraṇaɱ yathābhūtaɱ nappajānāti. Tasmiɱ samaye manobhāvanīyo bhikkhu upasaŋkamitvā evamassa vacaniyo: ahaɱ kho āvuso kāmarāgapariyuṭṭhitena cetasā viharāmi kāmarāgaparetena, uppannassa ca kāmarāgassa nissaraṇaɱ yathābhūtaɱ nappajānāmi. Sādhu [page 322] vata me āyasmā kāmarāgassa pahānāya dhammaɱ desetūti. Tassa manobhāvanīyo bhikkhu kāmarāgassa pahānāya dhammaɱ deseti. Ayaɱ bhikkhū, paṭhamo samayo manobhāvanīyassa bhikkhuno dassanāya upasaŋkamituɱ.

(2) Puna ca paraɱ bhikkhu, yasmiɱ samaye bhikkhu vyāpādapariyuṭṭhitena cetasā viharati vyāpādaparetena, puna ca paraɱ bhikkhu, yasmiɱ samaye bhikkhu thīnamiddhapariyuṭṭhitena cetasā viharati thīnamiddhaparetena, puna ca paraɱ bhikkhu, yasmiɱ samaye bhikkhu uddhaccakukkucca pariyuṭṭhitena cetasā viharati puna ca paraɱ bhikkhu, yasmiɱ samaye bhikkhu vicikicchāpariyuṭṭhitena cetasā viharati vicikicchā paretena, yaɱ nimittaɱ āgamma yaɱ nimittaɱ manasikaroto anantarā āsavānaɱ khayo hoti, taɱ nimittaɱ na jānāti, na passati. Tasmiɱ samaye manobhāvanīyo bhikkhu upasaŋkamitvā evamassa vacanīyo: ahaɱ ko āvuso yaɱ nimittaɱ āgamma yaɱ nimittaɱ manasikaroto anantarā āsavānaɱ khayo hoti, taɱ nimittaɱ na jānāmi, na passāmi. Sādhu vata me āyasmā āsavānaɱ khayāya dhammaɱ desetūti. Kassa manobhāvanīyo bhikkhu āsavānaɱ khayāya dhammaɱ deseti. Ayaɱ bhikkhu chaṭṭho samayo manobhāvanīyassa bhikkhuno dassanāya upasaŋkamituɱ.

Sammukhā metaɱ āvuso bhagavato sutaɱ, sammukhā paṭiggahītaɱ: ime kho bhikkhu, cha samayā manobhāvanīyassa bhikkhuno dassanāya upasaŋkamitunti.

6. 1. 3. 9
(Udāyi suttaɱ)
(Sāvatthinidānaɱ)
29. Atha kho bhagavā āyasmantaɱ udāyiɱ āmantesi:
" Kati nu kho udāyi, anussatiṭṭhānānī?" Ti evaɱ vutte āyasmā udāyi tuṇhī ahosi. Dutiyampi kho bhagavā āyasmantaɱ udāyiɱ āmantesi. " Kati nu kho udāyi, anussatiṭṭhānānī?"Ti. Dutiyampi kho āyasmā udāyi tuṇhī ahosi. Tatiyampi kho bhagavā āyasmantaɱ udāyiɱ āmantesi. " Kati nu kho udāyi, anussatiṭṭhānānī?"Ti. Tatiyampi kho āyasmā udāyi tuṇhī ahosi.

[BJT Page 070]
Atha kho āyasmā ānando āyasmantaɱ udāyiɱ etadavoca: "satthā taɱ āvuso udāyi, āmantetī"ti. Suṇomahaɱ1 āvuso ānanda, bhagavato.

[page 323] "idha bhante bhikkhu anekavihitaɱ pubbenivāsaɱ anussarati, seyyathīdaɱ: ekampi jātiɱ, dve'pi jātiyo tisso'pi jātiyo vatasso'pi jātiyo pañca'pi jātiyo dasa'pi jātiyo vīsampi jātiyo tiɱsampi jātiyo cattālīsampi jātiyo paññāsampi jātiyo, jātisatampi jātisahassampi jātisatasahassampi, anekepi saɱvaṭṭakappe, anekepi vivaṭṭakappe, anekepi saɱvaṭṭavivaṭṭakappe: "amutrāsiɱ evannāmo, evaŋgotto evaɱvaṇṇo evamāhāro evaɱsukhadukkhapaṭisaɱvedī evamāyupariyanto. So tato cuto amutra upapādiɱ. Tatrāpāsiɱ evannāmo evaŋgotto evaɱvaṇṇo evamāhāro evaɱsukhadukkhapaṭisaɱvedī evamāyupariyanto. So tato vuto idhūpapanno'ti. Iti sākāraɱ sauddesaɱ anekavihitaɱ pubbenivāsaɱ anussarati. Idaɱ bhante anussatiṭṭhānanti. "

Atha kho bhagavā āyasmantaɱ ānandaɱ āmantesi: "aññāsiɱ kho ahaɱ ānanda, nevāyaɱ udāyi moghapuriso adhicittamanuyutto viharatī"ti.

Kati nu kho ānanda, anussatiṭṭhānānī'ti.

Pañca bhante anussatiṭṭhānāni'ti. Katamāni pañca:

(1) Idha bhante, bhikkhu vivicceva kāmehi vivicca akusalehi dhammehi savitakkaɱ savicāraɱ vivekajaɱ pītisukhaɱ paṭhamaɱ jhānaɱ upasampajja viharati. Citakka vicārānaɱ vupasamā ajjhattaɱ sampasādanaɱ cetaso ekodibhāvaɱ avitakkaɱ avicāraɱ samādhijaɱ pītisukhaɱ dutiyaɱ jhānaɱ upasampajja viharati, pītiyā ca virāgā upekkhako ca viharati sato ca sampajāno, sukhañca kāyena paṭisaɱvedeti, yaɱ taɱ ariyā ācikkhanti upekkhako satimā sukhavihāri'ti, tatiyaɱ jhānaɱ upasampajja viharati.
Idaɱ bhante anussatiṭṭhānaɱ evaɱ bhāvitaɱ evaɱ bahūlīkataɱ diṭṭha dhammasukhavihārāya saɱvattati.
(2) Puna ca paraɱ bhante, bhikkhu ālokasaññaɱ manasikaroti, divāsaññaɱ adhiṭṭhāti. Yathā divā tathā rattiɱ, yathā rattiɱ tathā divā, iti vivaṭena cetasā apariyonaddhena sappabhāsaɱ citataɱ bhāveti.

Idaɱ bhante anussatiṭṭhānaɱ evaɱ bhāvitaɱ evaɱ bahulīkataɱ ñāṇadassanapaṭilābhāya saɱvattati.

(3) Puna ca paraɱ bhante, bhikkhu imameva kāyaɱ uddhaɱ pādatalā adhokesamatthakā tacapariyantaɱ pūraɱ nānappakārassa asucino paccavekkhati: atthi imasmiɱ kāye kesā lomā nakhā dantā taco maɱsaɱ nahāru aṭṭhī aṭṭhimiñjaɱ2 vakkaɱ hadayaɱ yakanaɱ kilomakaɱ pihakaɱ papphāsaɱ antaɱ antaguṇaɱ udariyaɱ karīsaɱ pittaɱ semhaɱ pubbo lohitaɱ sedo medo assu vasā kheḷo siŋghānikā lasikā muttanti.

Idaɱ bhante anussatiṭṭhānaɱ evaɱ bhāvitaɱ evaɱ bahūlikataɱ kāmarāgassa pahānāya saɱvattati.

(4) Puna ca paraɱ bhante bhikkhu seyyathāpi passeyya sarīraɱ sīvathikāya chaḍḍitaɱ ekāhamataɱ vā dvīhamataɱ vā [page 324] tīhamataɱ vā uddhumātakaɱ vinīlakaɱ vipubbakajātaɱ. So imameva kāyaɱ evaɱ upasaɱharati: " ayampi kho kāyo evaɱ dhammo evambhāvi etaɱ anatīto"tī. 3

1 Suṇāmahaɱsīmu. 2 Aṭṭhimiñjā machasaɱ, syā 3 evaɱ anatīto machasaɱ

[BJT Page 072]
Seyyathāpi vā pana passeyya sarīraɱ sivathikāya chaḍḍitaɱ kākehi vā khajjamānaɱ kulalehi vā khajjamānaɱ gijjhehi vā khajjamānaɱ suvānehi1 vā khajjamānaɱ sigālehi vā khajjamānaɱ2 vividhehi vā pāṇakajātehi khajjamānaɱ, so imameva kāyaɱ evaɱ upasaɱharati: " ayampi kho kāyo evaɱ dhammo evaɱ bhāvī etaɱ anatīto"tī.

Seyyathāpi vā pana passeyya sarīraɱ sīvathikāya chaḍḍitaɱ aṭṭhisaŋkhalikaɱ samaɱsalohitaɱ nahārusambandhaɱ seyyathāpi vā pana passeyya sarīraɱ sīvathikāya chaḍḍitaɱ aṭṭhikasaŋkhalikaɱ nimmaɱsalohita makkhittaɱ 3 nahārusambandhaɱ seyyathāpi vā pana passeyya sarīraɱ sīvathikāya chaḍḍitaɱ aṭṭhikasaŋkhalikaɱ apagatamaɱsalohitaɱ nahārusambandhaɱ. Seyyathāpi vā pana passeyya sarīraɱ sīvathikāya chaḍḍitaɱ aṭṭhikāni apagatasambandhāni disāvidisāsu vikkhittāni:4 aññena hatthaṭṭhikaɱ aññena pādaṭṭhikaɱ aññena jaŋghaṭṭhikaɱ aññena ūraṭṭhikaɱ aññena kaṭaṭṭhikaɱ piṭṭhikaṇṭakaɱ6 aññena sīsakaṭāhaɱ. 7 So imameva kāyaɱ evaɱ upasaɱharati: " ayampi kho kāyo evaɱ dhammo evaɱ bhāvī etaɱ anatīto"ti.

Seyyathāpi vā pana passeyya sarīraɱ sīvathikāya chaḍḍitaɱ, aṭṭhikāni setāni saŋkhavaṇṇupanihāni8 seyyathāpi vā pana passeyya sarīraɱ sīvathikāya chaḍḍhitaɱ aṭṭhikāni puñjakitāni. Seyyathāpi vā pana passeyya sarīraɱ sīvathikāya chaḍḍitaɱ, terovassikāni9 seyyathāpi vā pana passeyya sarīraɱ sīvathikāya chaḍḍitaɱ, aṭṭhikāni pūtīni10 cuṇṇakajātāni. So imameva kāyaɱ evaɱ upasaɱharati: [page 325] "ayampi kho kāyo evaɱdhammo evambhāvi etaɱ anatīto"ti.

Idambhante anussatiṭṭhānaɱ evaɱ bhāvitaɱ evaɱ bahulīkataɱ asmimānasamugghātāya saɱvattati.
(5) Puna ca paraɱ bhante bhikkhu sukhassa ca pahānā dukkhassa ca pahānā pubbeva somanassadomanassānaɱ atthaŋgamā adukkhaɱ asukhaɱ upekkhāsatipārisuddhiɱ catutthaɱ jhānaɱ upasampajja viharati.
Idaɱ bhante anussatiṭṭhānaɱ evaɱ bhāvitaɱ evaɱ bahulīkataɱ. Anekadhātu paṭivedhāya saɱvattatī.
Imāni kho bhante pañca anussatiṭṭhānānīti.
Sādhu sādhu ānanda, tena hi tvaɱ ānanda idampi chaṭṭhaɱ anussatiṭṭhānaɱ dhārehi:
(6) Idhānanda bhikkhu satova abhikkamati, satova paṭikkamati, satova tiṭṭhati, satova nisīdati, satova seyyaɱ kappeti, satova kammaɱ adhiṭṭhāti. Idaɱ ānanda anussatiṭṭhānaɱ evaɱbhāvitaɱ evaɱ bahulīkataɱ satisampajaññāya saɱvattatīti.
6. 1. 3. 10
(Anuttariya suttaɱ)
(Sāvatthinidānaɱ)
30. Cha imāni bhikkhave anuttariyāni. Katamāni cha:
Dassanānuttariyaɱ savaṇānuttarīyaɱ lābhānuttariyaɱ
Sikyaɱ sikkhānuttariyaɱ pāricariyānuttariyaɱ anussatānuttariyaɱ
1. Supānesīmu. 2. Gijjhehi vā khajjamānaɱ kaŋkehi vā khajjamānaɱ sunakhehi vā khajjamānaɱ byagghehi vā khajjamānaɱ dīpīhi vā khajjamānaɱ sigālehi vā khajjamānaɱ machasaɱ 3. Nimmaɱsalohitamakkhitaɱ machasaɱ. [Pts 4.] Disāvidisā vikkhittāni machasaɱ. 5. Kaṭiṭṭhikaɱmachasaɱ. 6. Piṭaṭhiṭṭhikaɱmachasaɱ 7. Aññena pādaṭṭhikaɱ aññena gopaekaṭṭhikaɱ aññena jaŋghaṭṭhikaɱ aññena ūruṭṭhikaɱ aññena kaṭiṭṭhikaɱ aññena phāsukaṭṭhikaɱ aññena khandhaṭṭhikaɱ aññena givaṭṭhitaɱ aññena hanukaṭṭhikaɱ aññena dantaṭṭhikaɱ aññena sīsakaṭāhaɱ machasaɱ. 8. Saŋkhavaṇṇa paṭibhāgāni machasaɱ 9. Therevassikāni [pts] aṭṭhikāni puñjanikāni terovassikāni sīmu. 10. Putikāni [pts.]

[BJT Page 074]
(1) Katamañca bhikkhave dassanānuttarīyaɱ: idha bhikkhave ekacco hatthiratanampi dassanāya gacchati, assaratanampi dassanāya gacchati. Maṇiratanampi dassanāya gacchati. Uccāvacaɱ vā pana dassanāya gacchati. Samaṇaɱ vā brāhmaṇaɱ vā micchādiṭṭhikaɱ micchāpaṭipannaɱ dassanāya gacchati. Atthetaɱ bhikkhave dassanaɱ, netaɱ natthītī vadāmi. Tañca kho etaɱ bhikkhave dassanaɱ hīnaɱ gammaɱ pothujjanikaɱ anariyaɱ anatthasaɱhitaɱ, na nibbidāya na virāgāya na nirodhāya na upasamāya na abhiññāya na sambodhāya na [page 326] nibbānāya saɱvattatī. Yo ca kho bhikkhave tathāgataɱ vā tathāgatasāvakaɱ vā dassanāya gacchati niviṭṭhasaddho niviṭṭhapemo ekantagato abhippasanno. Etadānuttariyaɱ bhikkhave dassanānaɱ sattānaɱ visuddhiyā soka pariddavānaɱ samatikkamāya dukkhadomanassānaɱ atthagamāya ñāyassa adhigamāya nibbānassa sacchikiriyāya, yadidaɱ tathāgataɱ vā tathāgatasāvakaɱ vā dassanāya gacchati niviṭṭasaddho niviṭṭhapemo ekantagato abhippasanno. Idaɱ vuccati bhikkhave dassanānuttariyaɱ. Iti dassanānuttariyaɱ.
(2) Savaṇānutatariyañca kathaɱ hoti: idha bhikkhave ekacco bheri saddampi savaṇāya gacchati, vīṇāddampi vaṇāya gacchati, gītaddampi vaṇāya gacchati, uccāvacaɱ vā pana savaṇāya gacchati. Samaṇassa vā brāhmaṇassa vā micchādiṭṭhikassa micchāpaṭipannassa dhammasavaṇāya gacchati. Atthetaɱ bhikkhave savaṇaɱ. Netaɱ natthiti vadāmi. Tañca kho etaɱ bhikkhave savaṇaɱ hīnaɱ gammaɱ pothujjanikaɱ anariyaɱ anatthasaɱhitaɱ, na nibbidāya na cirāgāya na nirodhāya na upasamāya na abhiññāya na sambodhāya na nibbānāya saɱvattati. Yo ca kho bhikkhave tathāgatassa vā tathāgatasāvakassa vā dhammavaṇāya savaṇāya gacchati niviṭṭhasaddho niviṭṭhapemo ekantagato abhippasanno. Etadānuttariyaɱ bhikkhave savaṇānaɱ sattānaɱ visuddhiyā sokapariddavānaɱ samatikkamāya dukkhadomanassānaɱ atthagamāya1 ñāyassa adhigamāya nibbānassa sacchikiriyāya, yadidaɱ tathāgatassa vā tathāgatasāvakassa vā dhammasavaṇāya gacchati niviṭṭhasaddho niviṭṭhapemo ekantagato abhippasanno. Idaɱ vuccati bhikkhave savaṇānuttariyaɱ.

Iti dassanānuttariyaɱ, iti savaṇānuttariyaɱ2

1 Atthaɱgamāya machasaɱ 2 savaṇānuttariyaɱ machasaɱ.

[BJT Page 076]
(3) Lābhānuttariyaɱca kathaɱ hoti: idha bhikkhave ekacco puttalābhampi labhati, dāralābhampagi labhati, dhanalābhampi labhati. Uccāvacaɱ vā [page 327] pana lābhaɱ labhati. Samaṇe vā pana brāhmaṇe vā micchadiṭṭhike micchāpaṭipanne saddhaɱ paṭilabhati. Attheso bhikkhave lābho. Na so1 natthīti vadāmi. So ca kho bhikkhave2 lābho hīno gammo pothujjaniko anariyo anatthasaɱhito, na nibbidāya na virāgāya na nirodhāya na upasamāya na abhiññāya na sambodhāya na nibbānāya saɱvattati. Yo ca kho bhikkhave tathāgate vā tathāgatasāvake vā saddhaɱ paṭilabhati niviṭṭasaddho niviṭṭhapemo ekantagato abhippasanno. Etadānuttariyaɱ bhikkhave lābhānaɱ sattānaɱ visuddhiyā sokapariddavānaɱ samatikkamāya dukkhadomanassānaɱ atthagamāya ñāyassa adhigamāya nibbānassa sacchikiriyāya, yadidaɱ tathāgate vā tathāgatasāvake vā saddhaɱ paṭilabhati niviṭṭhasaddho niviṭṭhapemo ekantagato abhippasanno. Idaɱ vuccati bhikkhave lābhānuttariyaɱ.

Iti dassanānuttariyaɱ, savaṇānuttariyaɱ, lābhānuttariyaɱ

(4) Sikkhānuttariyaɱ ca kathaɱ hoti: idha bhikkhave ekacco hatthismimpi sikkhati, assasmimpi sikkhati, rathasmimpi sikkhati, dhanusmimpi sikkhati, tharusmimpi sikkhati, uccāvacaɱ vā pana sikkhati. Samaṇassa vā pana brāhmaṇassa vā micchādiṭṭhikassa micchāpaṭipannassa sikkhati. Atthesā bhikkhave sikkhā, nesā natthīti vadāmi. Sā ca kho esā bhikkhave sikkhā hīnā gammā pothujjanikā anariyā anatthasaɱhitā, na nibbidāya na virāgāya na nirodhāya na upasamāya na abhiññāya na sambodhāya na nibbānāya saɱvattati. Yo ca kho bhikkhave tathāgatappavedite dhammavinaye adhisīlampi sikkhati, adhicittampi sikkhati, adhipaññampi sikkhati, niviṭṭhasaddho niviṭṭhapemo ekantagato abhippasanno. Etadānuttariyaɱ bhikkhave sikkhānaɱ sattānaɱvisuddhiyā sokapariddavānaɱ samatikkamāya dukkhadomanassānaɱ atthagamāya ñāyassa adhigamāya nibbānassa [page 328] sacchikiriyāya, yadidaɱ tathāgatappavedite dhammavinaye adhisīlampi sikkhati. Adhicittampi sikkhati, adhipaññampi sikkhati, niviṭṭhasaddho niviṭṭhapemo ekantagato abhippasanno. Idaɱ vuccati bhikkhave sikkhānuttariyaɱ.

Iti danānuttariyaɱ, savaṇānuttariyaɱ, lābhānuttariyaɱ, sikkhānuttariyaɱ

1 Neso machasaɱ 2 esobhikkhave machasaɱ.

[BJT Page 078]
(5) Pāricariyānuttariyaɱ ca kathaɱ hoti? Idha bhikkhave ekacco khattiyampi paricarati, brāhmaṇampi paricarati, gahapatimpi parivarati, uccāvacaɱ vā pana paricarati. Samaṇaɱ vā brāhmaṇaɱ vā micchādiṭṭhikaɱ micchāpaṭipannaɱ paricarati. Atthesā bhikkhave pāricariyā. Nesā natthīti vadāmi. Sā ca kho esā bhikkhave pāricariyā hīnā gammā pothujjanikā anariyā anatthasaɱhitā, na nibbidāya na virāgāya na nirodhāya na upasamāya na abhiññāya na sambodhāya na nibbānāya saɱvattati. Yo ca kho bhikkhave tathāgataɱ vā tathāgatasāvakaɱ vā paricarati niviṭṭhasaddho niviṭṭhapemo ekantagato abhippasanno. Etadānuttariyaɱ bhikkhave pārivariyānaɱ sattānaɱ visuddhiyā sokapariddavānaɱ samatikkamāya dukkhadomanassānaɱ atthagamāya ñāyassaadhigamāya nibbānassa sacchikiriyāya, yadidaɱ tathāgataɱ vā tathāgatasāvakaɱ vā paricarati niviṭṭhasaddho niviṭṭhapemo ekantagato abhippasanno. Idaɱ vuccati bhikkhave pāricariyānuttariyaɱ.

Iti dassanānuttariyaɱ, savaṇānuttariyaɱ, lābhānuttariyaɱ, sikkhānuttariyaɱ, pāricariyānuttariyaɱ.
(6) Anussatānuttariyaɱ ca kathaɱ hoti? Idha bhikkhave ekacco puttalābhampi anussarati, dāralābhampi anussarati, dhanalābhampi anussarati, uccāvacaɱ vā lābhaɱ pana1 anussarati. Samaṇā vā brāhmaṇaɱ vā micchādiṭṭhikaɱ vā micchāpaṭipannaɱ anussarati. Atthesā bhikkhave anussati. Nesā natthiti vadāmi. Sā ca kho esā bhikkhave anussati hīnā gammā pothujjanikā anariyā anatthasaɱhitā, na nibbidāya na virāgāya na nirodhāya na upasamāya na abhiññāya na sambodhāya na nibbānāya saɱvattati. Yo ca kho bhikkhave tathāgataɱ vā [page 329] tathāgatasāvakaɱ vā anussarati niviṭṭhasaddho niviṭṭhapemo ekantagato abhippasanno. Etadānuttariyaɱ bhikkhave anussatīnaɱ satatānaɱ visuddhiyā sokapariddavānaɱ samatikkamāya dukkhadomanassānaɱ atthagamāya ñāyassa adhigamāya nibbānassa sacchikiriyāya, yadidaɱ tathāgataɱ vā. Tathāgatasāvakaɱ vā anussarati niviṭṭhasaddho niviṭṭhapemo ekantagato abhippasanno. Idaɱ vuccati bhikkhave anussatānuttariyaɱ. ( Iti anussatānuttariyaɱ)

Imāni kho bhikkhave cha anuttariyānī, tī.

1Pana lābhaɱ machasaɱ
[BJT Page 080]
9. Ye dassanavaraɱ laddhā1 savaṇañca anuttaraɱ
Lābhānuttariyaɱ laddhā sikkhānuttariye ratā,

10. Upaṭṭhitā pāricariye2 bhāvayanti anussatiɱ
Vivekapaṭisaɱyuttaɱ khemaɱ amatagāminiɱ,

11. Appamāde pamoditā3 nipakā sīlasaɱvutā
Te me kālena paccenti yattha dukkhaɱ nirujjhatīti.
Anuttariyavaggo dutiyo.
Tassuddānaɱ:

Sāvako aparihāniyo bhayaɱ himavānussati
Kaccāno dve ca samayā udāyi anuttariyenātī.

1Ye dassanānuttariyaɱ laddhā machasaɱ 2 pāricariyā machasaɱ 3 pamuditā sīmu

[BJT Page 082]
4. Devatā vaggo.
6. 5. 4. 1
(Sekha suttaɱ)
(Sāvatthinidānaɱ)
31. Chayime bhikkhave dhammā sekhassa bhikkhuno parihānāya saɱvattanti:

Katame cha: [page 330] kammārāmatā, bhassārāmatā, niddārāmatā, saŋgaṇikārāmatā, indriyesu aguttadvāratā, bhojane amattaññutā. Ime kho bhikkhave cha dhammā sekhassa bhikkhuno parihānāya saɱvattanti.
Chayime bhikkhave dhammā sekhassa bhikkhuno aparihānāya saɱvattanti.
Katame cha: na kammārāmatā, na bhassārāmatā na niddārāmatā, na saŋgaṇikārāmatā, indriyesu guttadvāratā, bhojane mattaññutā. Ime kho bhikkhave cha dhammā sekhassa bhikkhuno aparihānāya saɱvattantiti.

6. 1. 4. 2
(Paṭhama aparihāna suttaɱ )
(Sāvatthinidānaɱ)
32. Atha kho aññatarā devatā abhikkantāya rattiyā abhikkantavaṇṇā kevalakappaɱ jetavanaɱ obhāsetvā yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ aṭṭhāsi. Ekamantaɱ ṭhitā kho sā devatā bhagavantaɱ etadavoca:
" Chayime bhante dhammā bhikkhuno aparihānāya saɱvattanti.

Katame cha: satthugāravatā, dhammagāravatā, saŋghagāravatā, sikkhāgāravatā, appamādagāravatā, paṭisanthāragāravatā. Ime kho bhante cha dhammā bhikkhuno aparihānāya saɱvattanti. "

Idamavoca sā devatā. Samanuñño satthā ahosi. Atha kho sā devatā, samanuñño me satthā, ti bhagavantaɱ abhivādetvā padakkhiṇaɱ katvā tatthevantaradhāyī.

Atha kho bhagavā tassā rattiyā accayena bhikkhū āmantesi: imaɱ bhikkhave rattiɱ aññatarā devatā abhikkantāya rattiyā abhikkanta vaṇṇā kevalakappaɱ jetavanaɱ obhāsetvā yenāhaɱ tenupasaŋkami. Upasaŋkamitvā maɱ abhivādetvā ekamantaɱ aṭṭhāsi. Ekamantaɱ ṭhitā kho bhikkhave sā devatā maɱ etadavoca:

[BJT Page 084]
"Chayime bhante dhammā bhikkhuno aparihānāya saɱvattanti. Katame cha: satthugāravatā, dhammagāravatā, saŋghagāravatā, sikkhāgāravatā, appamādagāravatā, paṭisanthāragāravatā. [page 331] ime kho bhante cha dhammā bhikkhuno aparihānāya saɱvattantiti. "

Idamavoca bhikkhave sā devatā, idaɱ vatvā maɱ abhivādetvā padakkhiṇaɱ katvā tatthevantaradhāyīti.

12. Satthu garu dhammagaru saŋghe ca tibbagāravo,
Appamāda garu bhikkhu paṭisanthāragāravo,
Abhabbo parihānāya nibbānasseva santiketi.
6. 1. 4. 3.
(Dutiya aparihāna suttaɱ)
(Sāvatthinidānaɱ)
33. Imaɱ bhikkhave rattiɱ aññatarā devatā abhikkantāya ratatiyā abhikkantavaṇṇā kevalakappaɱ jetavanaɱ obhāsetvā yenāhaɱ tenupasaŋkami. Upasaŋkamitvā maɱ abhivādetvā ekamantaɱ aṭṭhāsi. Ekamantaɱ ṭhitā kho bhikkhave sā devatā maɱ etadavoca:

"Chayime bhante dhammā bhikkhuno aparihānāya saɱvattanti.
Katame cha: satthugāravatā, dhammagāravatā, saŋghagāravatā, sikkhāgāravatā, hirigāravatā, ottappagāravatā. Ime kho bhante cha dhammā bhikkhuno aparihānāya saɱvattantīti. "
Idamavoca bhikkhave sā devatā idaɱ vatvā maɱ abhivādetvā padakkhiṇaɱ katvā tatvevantaradhāyīti.
13. Satthugaru dhammagaru saŋghe ca nibabagāravo
Hiriottappasampanno sappatisso sagāravo
Abhabbo parihānāya nibbānasseva santiketi.
6. 1. 4. 4.
(Moggallāna suttaɱ)
34. Ekaɱ samayaɱ bhagavā sāvatthiyaɱ viharati jetavane anāthapiṇḍikassa ārāme. Atha kho āyasmato mahāmoggallānassa rahogatassa patisallinassa evaɱ cetaso parivitakko udapādi: katamesānaɱ devānaɱ evaɱ ñāṇaɱ hoti " sotāpannamhā1 avinipātadhammā niyatā sambodhiparāyaṇā"ti.
[page 332] tena kho pana samayena tisso nāma bhikkhu adhunā kālakato aññataraɱ brahmalokaɱ upapanno hoti. Tatrapi naɱ evaɱ jānanti: " tisso brahmā mahiddhiko mahānubhāvo" ti.

1Sotāpannā nāma. Machasaɱ.

[BJT Page 086]
Atha kho āyasmā mahāmoggallāno seyyathāpi nāma balavā puriso sammiñjitaɱ vā bāhaɱ pasāreyya, pasāritaɱ vā bāhaɱ sammiñjeyya, eva meva jetavane antarahito tasmiɱ brahmaloke pāturahosi. Addasā kho tisso brahmā āyasmantaɱ mahāmoggallānaɱ dūratova āgacchantaɱ disvāna āyasmantaɱ mahāmoggallānaɱ etadavoca:

"Ehi kho mārisa moggallāna, sāgataɱ mārisa moggallāna, cirassaɱ kho mārisa moggallāna, imaɱ pariyāyamakāsi yadidaɱ idhāgamanāya. Nisīda mārisa, moggallāna, idamāsanaɱ paññattanti. " Nisīdi kho āyasmā mahā moggallāno paññatte āsane.
Tissopi kho brahmā āyasmantaɱ mahā moggallānaɱ abhivādetvā ekamantaɱ nisīdi. Ekamantaɱ nisinnaɱ kho tissaɱ brahmānaɱ āyasmā mahāmoggallāno etadavoca:
" Katamesānaɱ kho tissa, devānaɱ evaɱ ñāṇaɱ hoti: sotāpannamhā avinipātadhammā niyatā sambodhiparāyaṇā?"Ti.

Cātummahārāchikānaɱ kho mārisa moggallāna, devānaɱ evaɱ ñāṇaɱ hoti: " sotāpannamhā avinipātadhammā niyatā sambodhiparāyaṇāti. "

Sabbesaññeva nu kho tissa cātummahārājikānaɱ devānaɱ evaɱ ñāṇaɱ hoti: " sotāpannamhā avinipātadhammā niyatā sambodhiparāyaṇā?Ti.

Na kho mārisa moggallāna, sabbesaɱ cātummahārājikānaɱ devānaɱ evaɱ ñāṇaɱ hoti: "sotāpannamhā avinipātadhammā niyatā sambodhiparāyaṇā"ti. Ye kho te mārisa moggallāna, cātummahārājikā devā buddhe aveccappasādena asamannāgatā dhamme aveccappasādena asamannāgatā saŋghe aveccappasādena asamannāgatā ariyakantehi sīlehi asamannāgatā, na tesaɱ devānaɱ evaɱ ñāṇaɱ hoti: "sotāpannamhā avinipātadhammā niyatā sambodhiparāyaṇā"ti. Yeva kho te mārisa moggallāna, cātummahārājikā devā buddhe aveccappasādena samannāgatā dhamme aveccappasādena samannāgatā saŋghe aveccappasādena samannāgatā ariyakantehi silehi samannāgatā, tesaɱ evaɱ [page 333] ñāṇaɱ hoti: " sotāpannamhā avinipātadhammā niyatā sambodhiparāyaṇā"ti.

[BJT Page 088]

Cātummahārājikānaññeva nu kho tissa, devānaɱ evaɱ ñāṇaɱ hoti: " sotāpannamhā avinipātadhammā niyatā sambodhiparāyaṇā"ti udāhu tāvatiɱsānampi devānaɱ evaɱ ñāṇaɱ hoti: "sotāpannamhā avinipātadhammā niyatā sambodhiparāyaṇā"ti udāhu yāmānampi devānaɱ evaɱ ñāṇaɱ hoti: "sotāpannamhā avinipātadhammā niyatā sambodhiparāyaṇā"ti udāhu tusitānampi devānaɱ evaɱ ñāṇaɱ hoti: "sotāpannamhā avinipātadhammā niyatā sambodhiparāyaṇā"ti udāhu nimmāṇaratīnampi devānaɱ evaɱ ñāṇaɱ hoti: "sotāpannamhā avinipātadhammā niyatā sambodhiparāyaṇā"ti paranimmitavasavattinampi devānaɱ evaɱ ñāṇaɱ hoti: "sotāpannamhā avinipātadhammā niyatā sambodhiparāyaṇā?"Ti.

Cātummahārājikānaññeva nu kho mārisa, devānaɱ evaɱ ñāṇaɱ hoti: " sotāpannambhā avinipātadhammā niyatā sambodhiparāyaṇā"ti udāhu tāvatiɱsānampi mārisa, moggallāna, devānaɱ evaɱ ñāṇaɱ hoti: " sotāpannambhā avinipātadhammā niyatā sambodhiparāyaṇā"ti. Yāmānampi kho mārisa, moggallāna, devānaɱ evaɱ ñāṇaɱ hoti: " sotāpannambhā avinipātadhammā niyatā sambodhiparāyaṇā"ti. Tusitānampi kho mārisa, moggallāna, devānaɱ evaɱ ñāṇaɱ hoti: " sotāpannamhā avinipātadhammā niyatā sambodhi parāyaṇā"ti nimmāṇaratīnampi mārisa, moggallāna, devānaɱ evaɱ ñāṇāɱ hoti: " sotāpannamhā avinipātadhammā niyatā sambodhiparāyaṇā?"Ti. Paranimmitavasavattinampi kho mārisa, moggallāna, devānaɱ evaɱ ñāṇaɱ hoti: "sotāpannamhā avinipātadhammā niyatā sambodhiparāyaṇā"ti

Sabbesaññeva nu kho tissa, paranimmitavasavattīnaɱ devānaɱ evaɱ ñāṇaɱ hoti: "sotāpannamhā avinipātadhammā niyatā sambodhiparāyaṇā?"Ti.

Na kho mārisa, moggallāna, sabbesaññeva1 paranimmitavasavattīnaɱ devānaɱ evaɱ ñāṇaɱ hoti: " sotāpannamhā avinipātadhammā niyatā sambodhiparāyaṇā"ti. Ye kho te mārisa, moggallāna, paranimmitavasavatti devā buddhe aveccappasādena asamannāgatā dhamme aveccappasādena asamannāgatā saŋghe aveccappasādena asamannāgatā ariyakantehi sīlehi asamannāgatā, na tesaɱ devānaɱ evaɱ ñāṇaɱ hoti:"sotāpannamhā avinipātadhammā niyatā sambodhiparāyaṇā"ti. Ye ca kho te mārisa moggallāna, paranimmitavasavatti devā buddhe aveccappasādena samannāgatā dhamme aveccappasādena samannāgatā saŋghe aveccappasādena samannāgatā ariyakantehi sīlehi samannāgatā, tesaɱ evaɱ ñāṇaɱ hoti: " sotāpannamhā avinipātadhammā niyatā sambodhiparāyaṇā"ti.

Atha kho āyasmā mahā moggallāno tissassa brahmuno bhāsitaɱ abhinanditvā anumoditvā seyyathāpi nāma [page 334] balavā puriso sammiñjitaɱ vā bāhaɱ pasāreyya, pasāritaɱ vā bāhaɱ sammiñjeyya, evameva brahmaloke antarahito jetavane pāturahosīti.

6. 1. 4. 5.
(Vijjābhāgiya suttaɱ)
(Sāvatthinidānaɱ)
35. Chayime bhikkhave dhammā vijjābhāgiyā. Katame cha:
Aniccasaññā, anicce dukkhasaññā, dukkhe anattasaññā, pahānasaññā, virāgasaññā, nirodhasaññā.
Ime kho bhikkhave cha dhammā vijjābhāgiyāti. 1Sabbesaɱmachasaɱ.
[BJT Page 090]
6. 1. 4. 6
(Vivādamūla suttaɱ)
(Sāvatthinidānaɱ)
36. Chayimāni bhikkhave vivādamulāni. Katamāni cha:
(1) Idha bhikkhave bhikkhu kodhano hoti upanāhī. Yo so bhikkhave bhikkhu kodhano hoti upanāhī, so satthari agāravo viharati appatisso, dhammepi agāravo viharati appatisso, saŋghepi agāravo viharati appatisso, sikkhāyapi na paripūrakārī, hoti. Yo so bhikkhave bhikkhu satthari agāravo viharati appatisso, dhamme agāravo viharati appatisso, saŋghe agāravo viharati appatisso, sikkhāya na paripūrakāri, so saŋghe vivādaɱ janeti, yo hoti vivādo bahujanāhitāya bahujanāsukhāya bahuno janassa anatthāya ahitāya dukkhāya devamanussānaɱ. Evarūpaɱ ce tumhe bhikkhave vivādamūlaɱ ajjhattaɱ vā bahiddhā vā samanupasseyyātha, tatra tumhe bhikkhave tasseva pāpakassa vivādamūlassa pahānāya vāyameyyātha. Evarūpaɱ ce tumhe bhikkhave vivādamūlaɱ ajjhattaɱ vā bahiddhā vā na samanupasseyyatha, tatra tumhe bhikkhave tasseva pāpakassa vivādamūlassa āyatiɱ anavassavāya [page 335] paṭipajjeyyātha. Evametassa pāpakassa vivādamūlassa pahānaɱ hoti. Evametassa pāpakassa vivādamūlassa āyatiɱ anavassavo hoti. (2) Puna ca paraɱ bhikkhave bhikkhū makkhī hoti palāsī yo so bhikkhave bhikkhu makkhī hoti palāsī, so satthari agāravo viharati appatisso, dhammepi agāravo viharati appatisso, saŋghepi agāravo viharati appatisso, sikkhāyapi na paripūrakāri hoti. Yo so bhikkhave bhikkhu satthari agāravo viharati appatisso, dhamme agāravo
Viharati appatisso, saŋghe agāravo viharati appatisso, sikkhāya na paripūrakārī, so saŋghe vivādaɱ janeti, yo hoti vivādo bahujanāhitāya bahujanāsukhāya bahuno janassa anatthāya ahitāya dukkhāya devamanussānaɱ. Evarūpaɱ ce tumhe bhikkhave vivādamūlaɱ ajjhattaɱ vā bahiddhā vā samanupasseyyātha, tatra tumhe bhikkhave tasseva pāpakassa vivādamūlassa pahānāya vāyameyyātha. Evarūpaɱ ce tumhe bhikkhave vivādamūlaɱ ajjhattaɱ vā bahiddhā vā na samanupasseyyatha, tatra tumhe bhikkhave tasseva pāpakassa vivādamūlassa āyatiɱ anavassavāya paṭipajjeyyātha. Evametassa pāpakassa vivādamūlassa pahānaɱ hoti. Evametassa pāpakassa vivādamūlassa āyatiɱ anavassavo voti.

(3) Puna caparaɱ bhikkhave bhikkhū issukī hoti maccharī. Yo so bhikkhave bhikkhu issukī hoti maccharī, so satthari agāravo viharati appatisso, dhammepi agāravo viharati
Appatisso, saŋghepi agāravo viharati appatisso, sikkhāyapi na paripūrakārī hoti. Yo so bhikkhave bhikkhu satthari agāravo viharati appatisso, dhamme agāravo viharati appatisso, saŋghe agāravo viharati appatisso, sikkhāya na paripūrakārī, so saŋghe vivādaɱ janeti, yo hoti vivādo bahujanāhitāya bahujanāsukhāya bahuno janassa anatthāya ahitāya dukkhāya devamanussānaɱ. Evarūpaɱ ce tumhe bhikkhave vivādamūlaɱ ajjhattaɱ vā bahiddhā vā samanupasseyyātha, tatra tumhe bhikkhave tasseva pāpakassa vivādamūlassa pahānāya vāyameyyātha. Evarūpaɱ ce tumhe bhikkhave vivādamulaɱ ajjhattaɱ vā bahiddhā vā na samanupasseyyātha, tatra tumhe bhikkhave tasseva pāpakassa vivādamūlassa āyatiɱ anavassavāya paṭipajjeyyātha. Evametassa pāpakassa vivādamūlassa pahānaɱ hoti. Evametassa pāpakassa vivādamūlassa āyatiɱ anavassavo hoti.

(4) Puna ca paraɱ bhikkhave bhikkhū saṭho hoti māyāvī. Yo so bhikkhave bhikkhu saṭho hoti māyāvī, so satthari agāravo viharati appatisso, dhammepi agāravo viharati
Appatisso, saŋghepi agāravo viharati appatisso, sikkhāyapi na paripūrakārī hoti. Yo so bhikkhave bhikkhu satthari agāravo viharati appatisso, dhamme agāravo viharati appatisso, saŋghe agāravo viharati appatisso, sikkhāya na paripūrakārī, so saŋghe vivādaɱ janeti, yo hoti vivādo bahujanāhitāya bahujanāsukhāya bahuno janassa anatthāya ahitāya dukkhāya devamanussānaɱ. Evarūpaɱ ce tumhe bhikkhave vivādamūlaɱ ajjhattaɱ vā bahiddhā vā samanupasseyyātha, tatra tumhe bhikkhave tasseva pāpakassa vivādamūlassa pahānāya vāyameyyātha. Evarūpaɱ ce tumhe bhikkhave vivādamulaɱ ajjhattaɱ vā bahiddhā vā na samanupasseyyātha, tatra tumhe bhikkhave tasseva pāpakassa vivādamūlassa āyatiɱ anavassavāya paṭipajjeyyātha. Evametassa pāpakassa vivādamūlassa pahānaɱ hoti. Evametassa pāpakassa vivādamūlassa āyatiɱ anavassavo hoti.

(5) Puna ca paraɱ bhikkhave bhikkhū pāpiccho hoti micchādiṭṭhī. Yo so bhikkhave bhikkhu pāpiccho hoti micchādiṭṭhī, so satthari agāravo viharati appatisso, dhammepi agāravo viharati
Appatisso, saŋghepi agāravo viharati appatisso, sikkhāyapi na paripūrakārī hoti. Yo so bhikkhave bhikkhu satthari agāravo viharati appatisso, dhamme agāravo viharati appatisso, saŋghe agāravo viharati appatisso, sikkhāya na paripūrakārī, so saŋghe vivādaɱ janeti, yo hoti vivādo bahujanāhitāya bahujanāsukhāya bahuno janassa anatthāya ahitāya dukkhāya devamanussānaɱ. Evarūpaɱ ce tumhe bhikkhave vivādamūlaɱ ajjhattaɱ vā bahiddhā vā samanupasseyyātha, tatra tumhe bhikkhave tasseva pāpakassa vivādamūlassa pahānāya vāyameyyātha. Evarūpaɱ ce tumhe bhikkhave vivādamulaɱ ajjhattaɱ vā bahiddhā vā na samanupasseyyātha, tatra tumhe bhikkhave tasseva pāpakassa vivādamūlassa āyatiɱ anavassavāya paṭipajjeyyātha. Evametassa pāpakassa vivādamūlassa pahānaɱ hoti. Evametassa pāpakassa vivādamūlassa āyatiɱ anavassavo hoti.

(6) Puna ca paraɱ bhikkhave bhikkhū sandiṭṭhīparāmāsī hoti ādhānagāhī duppaṭinissaggī. Yo so bhikkhave bhikkhu sandiṭṭhīparāmāsī hoti ādhānagāhī duppaṭinissaggī, so satthari agāravo viharati appatisso, dhammepi agāravo viharati
Appatisso, saŋghepi agāravo viharati appatisso, sikkhāyapi na paripūrakārī hoti. Yo so bhikkhave bhikkhu satthari agāravo viharati appatisso, dhamme agāravo viharati appatisso, saŋghe agāravo viharati appatisso, sikkhāya na paripūrakārī, so saŋghe vivādaɱ janeti, yo hoti vivādo bahujanāhitāya bahujanāsukhāya bahuno janassa anatthāya ahitāya dukkhāya devamanussānaɱ. Evarūpaɱ ce tumhe bhikkhave vivādamūlaɱ ajjhattaɱ vā bahiddhā vā samanupasseyyātha, tatra tumhe bhikkhave tasseva pāpakassa vivādamūlassa pahānāya vāyameyyātha. Evarūpaɱ ce tumhe bhikkhave vivādamulaɱ ajjhattaɱ vā bahiddhā vā na samanupasseyyātha, tatra tumhe bhikkhave tasseva pāpakassa vivādamūlassa āyatiɱ anavassavāya paṭipajjeyyātha. Evametassa pāpakassa vivādamūlassa pahānaɱ hoti. Evametassa pāpakassa vivādamūlassa āyatiɱ anavassavo hoti.

Imāni kho bhikkhave cha vivādamūlānī'ti.
[BJT Page 092]
(Jaḷaŋgadāna suttaɱ)
37. [page 336] ekaɱ samayaɱ bhagavā sāvatthiyaɱ viharati jetavane anāthapiṇḍikassa ārāme. Tena kho pana samayena veḷukaṇṭakī nandamātā upāsikā sāriputtamoggallāna pamukhe bhikkhusaŋghe chaḷaŋgasamannāgataɱ dakkhiṇaɱ patiṭṭhapeti.

Addasā kho bhagavā dibbena cakkhunā visuddhena atikkantamānusakena veḷukaṇṭakiɱ nandamātaraɱ upāsikaɱ sāriputtamoggallāna pamukhe bhikkhusaŋghe chaḷaŋgasamannāgataɱ dakkhiṇaɱ patiṭṭhāpentiɱ. Disvā bhikkhū āmantesi:

"Esā bhikkhave veḷukaṇṭakī nandamātā upāsikā sāriputtamoggallānapamukhe bhikkhusaŋghe jaḷaŋgasamannāgataɱ dakkhiṇaɱ patiṭṭhāpeti. "
Kathañca bhikkhave chaḷaŋgasamannāgatā dakkhiṇā hoti:
Idha bhikkhave dāyakassa tīṇaŋgāni honti. Paṭiggāhakānaɱ tīṇaŋgāni.
Katamāni dāyakassa tīṇaŋgāni?
Idha bhikkhave dāyako pubbeva dānā sumano hoti, dadaɱ cittaɱ pasādeti, datvā attamano hoti. Imāni dāyakassa tīṇaŋgāni.

Katamāni paṭiggāhakānaɱ tīṇaŋgāni?

Idha bhikkhave paṭiggāhakā vītarāgā vā honti rāgavinayāya vā paṭipannā. Vītadosā vā honti dosavinayāya vā paṭipannā. Vītamohā vā honti mohavinayāya vā paṭipannā. Imāni paṭiggāhakānaɱ tīṇaŋgāni.

Iti dāyakassa tīṇaŋgāni, paṭiggākānaɱ tīṇaŋgāni. Evaɱ kho bhikkhave chaḷaŋgasamannāgatā dakkhiṇā hoti.

Evaɱ chaḷaŋgasamannāgatāya bhikkhave dakkhiṇāya na sukaraɱ puññassa pamāṇaɱ gahetuɱ " ettako puññābhisando kusalābhisando sukhassāhāro sovaggiko sukhavipāko saggasaɱvattaniko iṭṭhāya kantāya manāpāya hitāya sukhāya saɱvattatī"ti. Atha kho asaŋkheyyo appameyyo mahā puññakkhandhotveva saŋkhaɱ gacchati.

Seyyathāpi bhikkhave mahāsamudde na sukaraɱ udakassa pamāṇaɱ [page 337] gahetuɱ. "Ettakāni udakāḷhakānī, ti vā, ettakāni udakāḷhakasatānī, ti vā, ettakāni udakāḷhakasahassānī, ti vā ettakāni udakāḷhakasatasahassānī"ti vā. Atha kho asaŋkheyyo appameyyo mahāudakakkhandhotveva saŋkhaɱ gacchati.

[BJT Page 094]
Evameva kho bhikkhave evaɱ chaḷaŋgasamannāgatāya dakkhiṇāya na sukaraɱ puññassa pamāṇaɱ gahetuɱ: "ettako puññābhisando kusalābhisando sukhassāhāro sovaggiko sukhavipāko saggasaɱvattaniko iṭṭhāya kantāya manāpāya hitāya sukhāya saɱvattatī"ti. Atha kho asaŋkheyyo appameyyo mahāpuññakkhandhotveva saŋkhaɱ gacchatīti.

14. Pubbeva dānā sumano dadaɱ cittaɱ pasādaye,
Datvā attamano hoti esā yaññassa sampadā

15. Vītarāgā vītadosā vītamohā anāsavā,
Khettaɱ yaññassa sampannaɱ saññatā brahmacārino. 1

16. Sayaɱ ācamayitvāna datvā sakehi pāṇīhi,
Attato parato ceso yañño hoti mahapphalo.

17. Evaɱ yajitvā medhāvī saddho muttena cetasā,
Abyāpajjhaɱ sukhaɱ lokaɱ paṇḍito upapajjatī' ti. .

6. 1. 4. 8
(Attakāra suttaɱ)
(Sāvatthinidānaɱ)
38. Atha kho aññataro brāhmaṇo yena bhagavā tenupasaŋkami. Upasaŋkamitvā bhagavatā saddhiɱ sammodi. Sammodanīyaɱ kathaɱ sārāṇīyaɱ vītisāretvā ekamantaɱ nisīdi. Ekamantaɱ nisinno kho so brāhmaṇo bhagavantaɱ etadacoca:

" Ahaɱ hi bho gotama evaɱvādi evaɱdiṭṭhi: " natthi attakāro, natthi parakāroti" māhaɱ brāhmaṇa, evaɱvādiɱ evaɱdiṭṭhiɱ addasaɱ vā assosiɱ vā. Kathaɱ hi [page 338] nāma sayaɱ abhikkamanto sayaɱ paṭikkamanto evaɱ vakkhati: " natthi attakāro, natti parakāro"ti.

Taɱ kiɱ maññasi brāhmaṇa, atthi ārambhadhātūti?
Evambho
Ārambhadhātuyā sati ārambhavanto sattā paññāyantī?Ti.
Evaɱ bho.
Yaɱ kho brāhmaṇa ārambhadhātuyā sati ārambhavanto sattā paññāyantī, ti ayaɱ sattānaɱ attakāro, ayaɱ parakāroti.

Brahmacārayo machasaɱ.
[BJT Page 096]

Taɱ kiɱ maññasi brāhmaṇa atthi nikkhamadhātū? Ti.
Evaɱ bho,

Nikkhamadhātuyā sati nikkhamavanto sattā paññāyantī? Ti.

Evaɱ bho,

Yaɱ kho brāhmaṇa nikkhamadhātuyā sati nikkhamavanto sattā paññāyantī'ti ayaɱ sattānaɱ attakāro, ayaɱ parakāro'ti.

Taɱ kiɱ maññasi brāhmaṇa atthi parakkamadhātū?Ti.

Evaɱ bho,
Parakkamadhātuyā sati parakkamavanto sattā paññāyantī?Ti.
Evaɱ bho,
Yaɱ kho brāhmaṇa, parakkamadhātuyā sati parakkamavanto sattā paññāyantī'ti ayaɱ sattānaɱ attakāro, ayaɱ parakāro'ti.

Taɱ kiɱ maññasi brāhmaṇa atthi thamadhātū?Ti.
Evaɱ bho,

Thāmadhātuyā sati thamavanto sattā paññāyantī?Ti.
Evaɱ bho,
Yaɱ kho brāhmaṇa, thāmadhātuyā sati thāmavanto sattā paññāyantī'ti ayaɱ sattānaɱ attakāro, ayaɱ parakāro'ti.

Taɱ kiɱ maññasi brāhmaṇa atthi ṭhitidhātū?Ti.
Evaɱ bho,

Ṭhitidhātuyā sati tiṭṭhanto satti paññāyantī?Ti.
Evaɱ bho
Yaɱ kho brāhmaṇa, ṭhitidhātuyā sati tiṭṭhanto sattā paññāyantī'ti ayaɱ sattānaɱ attakāro, ayaɱ parakāro'ti.

Taɱ kiɱ maññasi brāhmaṇa atthi upakkamadhātū?Ti.

Evaɱ bho

Upakkamadhātuyā sati upakkamavanto sattā paññāyantī?Ti.

Evaɱ bho,
Yaɱ kho brāhmaṇa, upakkamadhātuyā sati upakkamavanto sattā paññāyantī'ti ayaɱ sattānaɱ attakāro, ayaɱ parakāro'ti.
Māhaɱ brāhmaṇa, evaɱvādiɱ evaɱdiṭṭhiɱ addasaɱ vā assosiɱ vā. Kathaɱ hi nāma sayaɱ abhikkamanto paṭikkamanto evaɱ vakkhati "natthi attakāro, natthi parakāro"ti.

Abhikkantaɱ bho gotama, abhikkantaɱ bho gotama, seyyathāpi bho gotama, nikkujjitaɱ vā ukkujjeyya paṭicchantaɱ vā vivareyya mūḷhassa vā maggaɱ ācikkheyya andhakāre vā telapajjotaɱ dhāreyya cakkhūmanto rūpāni dakkhintīti. Evamevaɱ bhotā gotamena anekapariyāyena dhammo pakāsito. Esāhaɱ bhagavantaɱ gotamaɱ saraṇaɱ gacchāmi, dhammañca bhikkhusaŋghañca. Upāsakaɱ maɱ bhavaɱ gotamo dhāretu ajjatagge pāṇupetaɱ saraṇaɱ gatanti.

6. 1. 4. 9
(Kammanidānasuttaɱ)
(Sāvatthinidānaɱ)
39. Tīṇimāni bhikkhave nidānāni kammānaɱ samudayāya.
Katamāni tīṇi:
Lobho nidānaɱ kammānaɱ samudayāya. Doso nidānaɱ kammānaɱ samudayāya. Moho nidānaɱ kammānaɱ samudayāya.

Na bhikkhave lobhā alobho samudeti. Atha kho bhikkhave lobhā lobhova samudeti. Na bhikkhave dosā adoso samudeti. Atha kho bhikkhave dosā dosova samudeti. Na bhikkhave mohā amoho samudeti. Atha kho bhikkhave mohā mohova samudeti.

Na bhikkhave lobhajena [page 339] kammena dosajena kammena mohajena kammena devā paññāyanti, na manussā paññayanti, yā vā panaññāpi kāci sugatiyo.

Atha kho bhikkhave lobhajena kammena dosajena kammena mohajena kammena nirayo paññāyati, tiracchānayoni paññāyati, pettivisayo paññāyati, yā vā panaññāpi kāci duggatiyo.
Imāni kho bhikkhave tīṇī nidānāni kammānaɱ samudayāyāti.

[BJT Page 098]
Tīṇimāni bhikkhave nidānāni kammānaɱ samudayāya. Katamāni tīṇi:
Alobho nidānaɱ kammānaɱ samudayāya. Adoso nidānaɱ kammānaɱ samudayāya. Amoho nidānaɱ kammānaɱ samudayāya.

Na bhikkhave alobhā lobho samudeti, atha kho bhikkhave alobhā alobhova samudeti. Na bhikkhave adosā doso samudeti, atha kho bhikkhave adosā adosova samudeti. Na bhikkhave amohā moho samudeti, atha kho bhikkhave amohā amohova samudeti.

Na bhikkhave alobhajena kammena adosajena kammena amoha jena kammena nirayopaññāyati. Tiracchānayoni paññāyati. Pettivisayo paññāyati yā vā panaññāpi kāci duggatiyo. Atha kho bhikkhave alobhajena kammena adosajena kammena amohajena kammena devā paññāyanti, manussā paññāyanti, yā vā panaññāpi kāci sugatiyo.

Imāni kho bhikkhave tīṇi nidānāni kammānaɱ samudayāyāti.

6. 1. 4. 10
(Kimbila suttaɱ)
40. Evammesutaɱ ekaɱ samayaɱ bhagavā kimbilāyaɱ viharati niculavate1 atha kho āyasmā kimbilo yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho āyasmā kimbilo bhagavantaɱ etadavoca:

" [page 340] ko nu kho bhante hetu, ko paccayo, yena tathāgate parinibbute saddhammo na ciraṭṭhitiko hotī"ti?

Idha kimbila, tathāgate parinibbute bhikkhu bhikkhuṇiyo upāsakā upāsikāyo satthari agāravā viharanti appatissā. Dhamme agāravā viharanti appatissā. Saŋghe agāravā viharanti appatissā. Sikkhāya āgāravā viharanti appatissā. Appamāde agāravā viharanti appatissā. Paṭisānthāre agāravā viharanti appatissā.

Ayaɱ kho kimbila hetu, ayaɱ paccayo yena tathāgate parinibbute saddhammo na ciraṭṭhitiko hoti.
Ko pana bhante hetu, ko paccayo, yena tathāgate parinibbute saddhammo ciraṭṭhitiko hotīti?.
1Veḷuvane machasaɱ

[BJT Page 100]
Idha kimbila tathāgate parinibbute bhikkhū bhikkhuṇiyo upāsakā upāsikāyo satthari sagāravā viharanti sappatissā, dhamme sagāravā viharanti sappatissā, saŋghe sagāravā viharanti sappatissā, sikkhāya sagāravā viharanti sappatissā, appamāde sagāravā viharanti sappatissā, paṭisanthāre sagāravā viharanti sappatissā.
Ayaɱ kho kimbila, hetu ayaɱ paccayo, yena tathāgate parinibbute saddhammo ciraṭṭhitiko hotīti.

6. 1. 4. 11
(Dārukkhandha suttaɱ)
41. Evammesutaɱ ekaɱ samayaɱ āyasmā sāriputto rājagahe viharati gijjhakūṭe pabbate.
Atha kho āyasmā sāriputto pubbanhasamayaɱ nivāsetvā pattacīvaramādāya sambahulehi bhikkhūhi saddhiɱ gijjhakūṭā pabbatā orohanto addasa aññatarasmiɱ padese mahantaɱ dārukkhandhaɱ. Disvā bhikkhū āmantesi: " passatha no tumhe āvuso amuɱ mahantaɱ dārukkhandhanti"
Eva māvusoti.
Ākaŋkhamāno āvuso bhikkhu iddhimā cetovasippatto amuɱ dārukkhandhaɱ paṭhavītveva adhimucceyya. Taɱ [page 341] kissa hetu: atthi āvuso amumhi dārukkhandhe paṭhavīdhātu, yaɱ nissāya bhikkhu iddhimā cetovasippatto amuɱ dārukkhandhaɱ paṭhavītveva adhimucceyya.

Ākaŋkhamāno āvuso bhikkhu iddhimā cetovasippatto amuɱ dārukkhandhaɱ āpotveva
Adhimucceyya ākaŋkhamāno āvuso bhikkhu iddhimācetovasippatto amuɱ dārukkhandhaɱ tejotveva adhimucceyya ākaŋkhamāno āvuso bhikkhu iddhimā cetovasippatto amuɱ dārukkhandhaɱ vāyotveva adhimucceyya ākaŋkhamāno āvuso bhikkhu iddhimā cetovasippatto amuɱ dārukkhandhaɱ subhantveva adhimucceyya ākaŋkhamāno āvuso bhikkhu iddhimā cetovasippatto amuɱ dārukkhandhaɱ asubhantveva adhimucceyya. Taɱ kissa hetu. Atthi āvuso amumhi dārukkhandhe asubhadhātu, yaɱ nissāya bhikkhu iddhimā cetovasippatto amuɱ dārukkhandhaɱ asubhantveva adhimucceyyāti.

9. 1. 4. 12
(Nāgita suttaɱ)
42. Evaɱ me sutaɱ ekaɱ samayaɱ bhagavā kosalesu cārikaɱ caramāno mahatā bhikkhusaŋghena saddhiɱ yena icchānaŋgalaɱ nāma kosalānaɱ brāhmaṇagāmo, tadavasari. Tatra sudaɱ bhagavā icchānaŋgale viharati icchānaŋgalavanasaṇḍe.

[BJT Page 102]
Assosuɱ kho icchānaŋgalikā brāhmaṇagahapatikā " samaṇo khalu bho gotamo sakyaputto sakyakulā pabbajito icchānaŋgalaɱ anuppatto icchānaŋgale viharati icchānaŋgalavanasaṇḍe. Taɱ kho pana bhavantaɱ gotamaɱ evaɱ kalyāṇo kittisaddo abbhuggato" itipi so bhagavā arahaɱ sammāsambuddho vijjācaraṇasampanno sugato lokavidu anuttaro purisadammasārathī satthā devamanussānaɱ buddho bhagavā"ti. So imaɱ lokaɱ sadevakaɱ samārakaɱ sabrahmakaɱ sassamaṇabrāhmaṇīɱ pajaɱ sadevamanussaɱ sayaɱ abhiññā sacchikatvā pavedeti. So dhammaɱ deseti ādikalyāṇaɱ majjhekalyāṇaɱ pariyosānakalyāṇaɱ sātthaɱ savyañjanaɱ kevalaparipuṇṇaɱ parisuddhaɱ, brahmacariyaɱ pakāseti. ( Sādhu kho pana tathārūpānaɱ) arahataɱ dassanaɱ hotī"ti.

Atha kho icchānaŋgalikā brāhmaṇagahapatikā tassā rattiyā accayena pahūtaɱ khādanīyaɱ bhojanīyaɱ ādāya yena icchānaŋgalavanasaṇḍaɱ tenupasaŋkamiɱsu. Upasaŋkamitvā bahidvārakoṭṭhake aṭṭhaɱsu uccāsaddā mahāsaddā.

Tena kho pana samayena āyasmā nāgito bhagavato upaṭṭhāko hoti. Atha kho bhagavā āyasmantaɱ nāgitaɱ [page 342] āmantesi: ke pana te nāgita uccāsaddā mahāsaddā kevaṭṭā maññe macchavilopeti.

Ete bhante icchānaŋgalikā brāhmaṇagahapatikā pahutaɱ khādanīyaɱ hojanīyaɱ ādāya bahidvārakoṭṭhake ṭhitā bhagavantaɱyeva uddissa bhikkhusaŋghaɱ cāti.

Māhaɱ nāgita, yasena samāgamaɱ. Mā ca mayā yaso. Yo kho nāgita, nayimassa nekkhammasukhassa
Pavivekasukhassa upasamasukhassa sambodhasukhassa nikāmalābhī assa akicchalābhī akasiralābhī, yassāhaɱ nekkhammasukhassa pavivekasukhassa upasamasukhassa sambodhasukhassa nikāmalābhī
Akicchalābhī akasiralābhī, so taɱ mīḷhasukhaɱ middhasukhaɱ lābhasakkārasilokasukhaɱ sādiyeyyāti.
Adhivāsetudāni bhante bhagavā, adhivāsetu sugato. Adhivāsana kālodāni bhante bhagavato. Yena yenevadāni bhante bhagavā gamissati, tanninnāva bhavissanti brāhmaṇagahapatikā, ne gamā ce va jānapadā ca. Seyyathāpi bhante thullaphusitake deve vassante yathāninnaɱ udakāni pavattanti, eva meva kho bhante yena yenevadāni bhagavā gamissati, tanninnāva bhavissanti brāhmaṇagahapatikā negamā ceva jānapadā ca. Taɱ kissa hetu: tathā hi bhante bhagavato silapaññaṇanti.

Māhaɱ nāgita, yasena samāgamaɱ. Mā ca mayā saso. Yo kho nāgita, nayimassa nekkhammasukhassa pavivekasukhassa upasamasukhassa sambodhasukhassa nikāmalābhī assa akicchalābhī akasiralābhī, yassāhaɱ nekkhammasukhassa pavivekasukhassa upasamasukhassa sambodhasukhassa nikāmalābhī akicchalābhī akasiralābhī, so taɱ mīḷhasukhaɱ middhasukhaɱ lābhasakkāra silokasukhaɱ sādiyeyya.

[BJT Page 104]

(1) Idāhaɱ nāgita, bhikkhuɱ passāmi gāmantavihāriɱ [page 343] samāhitaɱ nisinnaɱ. Tassa mayhaɱ nāgita, evaɱ hoti: " idānimaɱ āyasmantaɱ ārāmiko vā samaṇuddeso vā sahadhammiko vā tamhā samādhimhā cāvessatī"ti. Tenāhaɱ nāgita, tassa bhikkhuno na attamano homi gāmantavihārena.

(2) Idha panāhaɱ nāgita, bhikkhuɱ passāmi āraññakaɱ araññe pacalāyamānaɱ nisinnaɱ. Tassa mayhaɱ nāgita, evaɱ hoti: "idāni ayamāyasmā imaɱ niddākilamathaɱ paṭivinodetvā araññasaññaɱ yeva manasi karissati ekattanti. Tenāhaɱ nāgita, tassa bhikkhuno attamano homi araññavihārena.

(3) Idha panāhaɱ nāgita, bhikkhuɱ passāmi araññakaɱ araññe asamāhitaɱ nisinnaɱ. Tassa mayhaɱ nāgita, evaɱ hoti: "idāni ayamāyasmā asamāhitaɱ vā cittaɱ samādahissati samāhitaɱ vā cittaɱ anurakkhissati"ti. Tenāhaɱ nāgita, tassa bhikkhuno attamano homi araññavihārena
(4) Idha panāhaɱ nāgita, bhikkhuɱ passāmi āraññakaɱ araññe samāhitaɱ nisinnaɱ. Tassa mayhaɱ nāgita, evaɱ hoti: idāni ayamāyasmā avimuttaɱ vā cittaɱ vimocessati, vimuttaɱ vā cittaɱ anurakkhissatī"ti. Tenāhaɱ nāgita, tassa bhikkhuno attamano homi araññavihārena
(5) Idha panāhaɱ nāgita, bhikkhuɱ passāmi gāmantavihāriɱ lābhiɱ cīvarapiṇḍapātasenāsanagilānapaccayabhesajjaparikkhārānaɱ. So taɱ lābhasakkārasilokaɱ nikāmayamāno riñcati paṭisallānaɱ, riñcati araññe vanapatthāni pantāni [page 344] senāsanāni, gāminigamarājadhāniɱ osaritvā vāsaɱ kappeti. Tenāhaɱ nāgita, tassa bhikkhuno na attamano homi gāmantavihārena.
(6) Idha panāhaɱ nāgita, bhikkhuɱ passāmi āraññakaɱ lābhiɱ cīvarapiṇḍapātasenāsanagilānapaccayabhesajjaparikkhārānaɱ. So taɱ lābhasakkārasilokaɱ paṭipaṇāmetvā na riñcati paṭisallānaɱ, na riñcati araññevanapatthāni pantāni senāsanāni. Tenāhaɱ nāgita, tassa bhikkhuno attamano homi araññavihārena.

Yasmāhaɱ nāgita, samaye addhānamaggapaṭipanno na kañci passāmi purato vā pacchato vā, phāsu me nāgita, tasmiɱ samaye hoti antamaso uccārapassāvakammāyāti.

Devatā vaggo catuttho.

Tassuddānaɱ:
Sekkhā dve aparihāni moggallāna vijjābhāgiyā vivāda dānattakāri nidānaɱ kimbiladārukkhandhena nāgitoti.

[BJT Page 106]
5. Dhammika vaggo
6. 1. 5. 1.
(Nāga suttaɱ)
43. Ekaɱ samayaɱ bhagavā sāvatthiyaɱ viharati jetavane anāthapiṇḍikassa ārāme. Atha kho bhagavā pubbanhasamayaɱ nivāsetvā patta cīvaramādāya sāvatthiyaɱ piṇḍāya pāvisi. Sāvatthiyaɱ piṇḍāya caritvā pacchābhattaɱ piṇḍapātapaṭikkanto āyasmantaɱ ānandaɱ āmantesi: " āyāmānanda, yena pubbārāmo migāramātupāsādo [page 345] tenupasaŋkamissāma divāvihārāyā"ti. "Evaɱ bhante"ti kho āyasmā ānando bhagavato paccassosi.
Atha kho bhagavā āyasmatā ānandena saddhiɱ yena pubbārāmo migāramātupāsādo tenupasaŋkami.

Atha kho bhagavā sāyanhasamayaɱ patisallānā vuṭṭhito āyasmantaɱ ānandaɱ āmantesi:
"Āyāmānanda, yena pubbakoṭṭhako tenupasaŋkamissāma gattāni parisiñcituɱ"ti.

"Evaɱ bhante", ti kho āyasmā ānando bhagavato paccassosi".

Atha kho bhagavā āyasmatā ānandena saddhiɱ yena pubbakoṭṭhako tenupasaŋkami gattāni parisiñcituɱ. Pubbakoṭṭhake gattāni parisiñcitvā paccuttaritvā ekacīvaro aṭṭhāsi gattatāni pubbāpayamāno.

Tena kho pana samayena rañño pasenadissa kosalassa "seto" nāma nāgo mahāturiyatālitavāditena pubbakoṭṭhakā paccuttarati. Apissu taɱ jano disvā evamāha:

" Abhirūpo vata bho1 rañño nāgo, dassanīyo vata bho rañño nāgo, pāsādiko vata bho rañño nāgo, kāyūpapanno vata bho rañño nāgo"ti.

Evaɱ vutte āyasmā udāyi bhagavantaɱ etadavoca: "hatthimeva nu kho bhante mahantaɱ brūhantaɱ kāyūpapannaɱ jano disvā evamāha: nāgo vata bho nāgoti: udāhu aññampi kañci mahantaɱ brūhantaɱ kāyūpapannaɱ jano disvā evamāha: nāgo vata bho nāgoti?"

1 Abhirūpo vatāyaɱ sīmu.

[BJT Page 108]
Hatthimpi kho udāyi, mahantaɱ brūhantaɱ kāyūpapannaɱ jano disvā evamāha:" nāgo vata bho nāgo"ti. Assampi kho udāyi, mahantaɱ brūhantaɱ kāyupapannaɱ jano disvā evamāha: "nāgo vata bho nāgo"ti. Goṇampi kho udāyi, mahantaɱ brūhantaɱ kāyupapannaɱ jano disvā evamāha: "nāgo vata bho nāgo"ti. Uragampi kho udāyi, mahantaɱ brūhantaɱ kāyupapannaɱ jano disvā evamāha: " nāgo vata ho nāgo"ti. Rukkhampi [page 346] kho udāyi, mahantaɱ brūhantaɱ kāyupapannaɱ jano disvā evamāha: "nāgo vata bho nāgo"ti. Manussampi kho udāyi, mahantaɱ brūhantaɱ1 kāyupapannaɱ jano disvā evamāha:"nāgo vata bho nāgo"ti. Api ca udāyi, yo sadevake loke samārake sabrahmake, sassamaṇabrāhmaṇiyā pajāya sadeva manussāya" āguɱ na karoti kāyena vācāya manasā, tamahaɱ nāgo"ti brūmiti.

Acchariyaɱ bhante, abbhūtaɱ bhante, yāva subhāsitamidaɱ bhante, bhagavatā2 "api ca udāyi, yo sadevake loke samārake sabrahmake, sassamaṇabrāhmaṇiyā pajāya sadevamanussāya, āguɱ na karoti kāyena vācāya manasā, tamahaɱ nāgoti brūmi"ti.

Idañca panāhaɱ bhante, bhagavato subhāsitaɱ imāhi gāthāhi anumodāmi:

18. Manussabhūtaɱ sambuddhaɱ attadantaɱ samāhitaɱ
Irīyamānaɱ brahmapathe cittassupasame rataɱ.

19. Yaɱ manussā namassanti sabbadhammāna pāraguɱ,
Devāpi naɱ3 namassanti iti me arahato sutaɱ.

20. Sabbasaññojanātītaɱ vanā nibbānamāgataɱ
Kāmehi nekkhammarataɱ muttaɱ selāva kañcanaɱ.

21. Sabbe accarucī nāgo himavā vaññe4 siluccaye
Sabbesaɱ nāganāmānaɱ saccanāmo anuttaro.

22. Nāgaɱ vo kittayissāmi nahī āguɱ karoti so
Soraccaɱ avihiɱsā ca pādā nāgassa te duve.

23. Tapo ca brahmacariyaɱ caraṇā nāgassa tyāpare
Saddhāhattho mahānāgo upekkhāsetadantavā.

24. Sati gīvā siro paññā vīmaɱsā dhammacittanā
Dhammakūcchisamāvāpo5 viveko tassa vāladhi.

25. So jhāyī assāsarato ajjhattaɱ susamāhito
Gacchaɱ samāhito nāgo ṭhito nāgo samāhito.

1. Brahantaɱ machasaɱ 2. Bhagavatātī sīmu 3. Taɱ machasaɱ
4. Himavāññe machasaɱ. 5. Tapo machasaɱ

[BJT Page 110]
26. Seyyaɱ samāhito nāgo nisinnopi samāhito
[page 347]
Sabbattha saɱvuto nāgo esā nāgassa sampadā

27. Bhūñjati anavajjāni sāvajjāni na bhūñjati
Ghāsaɱ acchādanaɱ1 laddhā sannidhiɱ parivajjaye2.

28. Saññojanaɱ aṇuɱ thūlaɱ sabbaɱ chetvāna bandhanaɱ
Yena yeneva gacchati anapekkho'va gacchati.

29. Yathāpi udake jātaɱ puṇḍarīkaɱ pavaḍḍhati
Nūpalippati3 toyena sucigandhaɱ manoramaɱ.

30. Tatheva loke sujāto buddho loke virajjati4
Nūpalippati3 lokena toyena padumaɱ yathā.

31. Mahagginī pajjalito5anāhārūpasammati
Saŋkhāresūpasantesu nibbutoti pavuccati.

32. Atthassāyaɱ viññāpanī upamā viññuhi desitā
Viññassanti mahānāgā nāgaɱ nāgena desitaɱ.

33. Vītarāgo vītadoso vitamoho anāsavo
Sarīraɱ vijahaɱ nāgo parinibbissati anāsavoti.
6. 1. 5. 2.
(Migasālāsuttaɱ)
(Sāvatthinidānaɱ)
44. Atha kho āyasmā ānando pubbanhasamayaɱ nivāsetvā pattacīvaramādāya yena migasālāya upāsikāya nivesanaɱ tenupasaŋkami. Upasaŋkamitvā paññatte āsane nisīdi. Atha kho migasālā upāsikā yenāyasmā ānando, tenupasaŋkami. Upasaŋkamitvā āyasmantaɱ ānandaɱ abhivādetvā ekamantaɱ nisīdī. Ekamantaɱ nisinnā kho migasālā upāsikā āyasmantaɱ ānandaɱ etadavoca:

Kathaɱ kathaɱ nāmāyaɱ bhante ānanda, bhagavatā dhammo desito aññeyyo, yatra hi nāma brahmacārī ca 6 abrahmacārī ca ubho samasamagatikā bhavissanti abhisamparāyaɱ?
[page 348]

Pitā me bhante purāṇo brahmacārī ahosi ārācārī virato methunā gāmadhammā. So kālakato. 7 Bhagavatā vyākato. " Sakadāgāmi satto8 tusitaɱ kāyaɱ upapannoti. " Petteyyopi 9 me bhante isidatto abrahmacārī ahosi sadārasantuṭṭho. Sopi kālakato. 7 Bhagavatā vyākato: " sakadāgāmi satto 8 tusitaɱ kāyaɱ upapanno"ti.

1. Ghāsamacchādanaɱ machasaɱ 2. Parivajjayaɱ machasaɱ 3. Navupalippati sīmu.
4. Viharati machasaɱ 5 mahāginīvajalito machasaɱ mahaggini pajjalito syā
6. Brahmacārī sīmu 7. Kālaɱkato machasaɱ 8. Sakadāgāmi patto machasaɱ. 9. Pettyeyopiyo simū, [pts.] Pitupiyo syā, kaɱ

[BJT Page 112]

Kathaɱ kathaɱ nāmāyaɱ bhante ānanda, bhagavatā dhammo desito aññeyyo, yatra hi nāma brahmacārī ca abrahmacāri ca ubho samasamagatikā bhavissanti abhisamparāyanti?

Evaɱ kho panetaɱ bhagini bhagavatā vyākatanti.
Atha kho āyasmā ānando migasālāya upāsikāya nivesane piṇḍapātaɱ gahetvā uṭṭhāyāsanā pakkāmi. Atha kho āyasmā ānando pacchābhattaɱ piṇḍapātapaṭikkanto yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho āyasmā ānando bhagavantaɱ etadavoca:

Idhāhaɱ bhante pubbanhasamayaɱ nivāsetvā pattacīvaramādāya yena migasālāya upāsikāya nivesanaɱ, tenupasaŋkamiɱ. Upasaŋkamitvā paññatte āsane nisīdiɱ. Atha kho bhante migasālā upāsikā yenāhaɱ tenupasaŋkami. Upasaŋkamitvā maɱ abhivādetvā ekamantaɱ nisīdi. Ekamantaɱ nisinnā kho bhante migasālā upāsikā maɱ etadavoca:

Kathaɱ kathaɱ nāmāya bhante ānanda, bhagavatā dhammo desito aññeyyo, yatra hi nāma brahmacārī ca abrahmacārī ca ubho samasamagatikā bhavissanti abhisamparāyaɱ. Pitā me bhante purāṇo brahmacārī ahosi ārācārī virato methunā gāmadhammā. So kālakato1. Bhagavatā vyākato: sakadāgāmi [page 349] satto2 tusitaɱ kāyaɱ upapannoti. Petteyyopi3 me bhante isidatto abrahmacāri ahosi sadārasantuṭṭho. Sopi kālakato. Bhagavatā vyākato: sakadāgāmi satto2 tusitaɱ kāyaɱ upapannoti. Kathaɱ kathaɱ nāmāyaɱ bhante ānanda, bhagavatā dhammo desito aññeyyo, yatra hi nāma brahmacārīca abrahmacārī ca ubho samasamagatikā bhavissanti abhisamparāyanti?

Evaɱ vutte ahaɱ bhante migasālaɱ upāsikaɱ etadavocaɱ: evaɱ kho panetaɱ bhagini bhagavatā byākatanti.

Kā cānanda migasālā upāsikā bālā abyattā ambakā ambakapaññā?4 Ke ca purisapuggalaparoparīyañāṇe?

Chayime ānanda puggalā santo saɱvijjamānā lokasmiɱ katame cha?

Idhānanda ekacco puggalo sorato hoti sukhasaɱvāso. Abhinandanti sabrahmacārī ekattavāsena. Tassa savaṇenapi akataɱ hoti, bāhusaccenapi akataɱ hoti, diṭṭhiyāpi appaṭividdhaɱ hoti, sāmayikampi5 vimuttiɱ na labhati. So kāyassa bhedā paraɱ maraṇā hānāya pareti no visesāya, hānagāmīyeva6 hoti no visesagāmi. (1)

1. Kālaɱkato machasaɱ 2. Patto machasaɱ 3. Pettyeyopiyo sīmu. 4. Ammakā, ammakasaññā machasaɱ, ambakā ambakasaññā, syā,
5Sāmāyikamapi machasaɱ, aṭṭhakathā. 6. Hānagāmireva aṭṭhakathā.

[BJT Page 114]
Idhānanda ekacco puggalo sorato hoti sukhasaɱvāso. Abhinandanti sabrahmacārī ekattavāsena. Tassa savaṇenapi kataɱ hoti. Bāhusaccenapi kataɱ hoti. Diṭṭhiyāpī suppaṭividdhaɱ1. Hoti sāmayikampi vimuttiɱ labhati. So kāyassa bhedā paraɱ maraṇā visesāya pareti no hānāya. Visesagāmīyeva2 hoti no hānagāmi. (2)

Tatrānanda pamāṇakā3 pamiṇanti: imassapi teva dhammā, aparassapi teva dhammā. Kasmā tesaɱ eko hīno, eko paṇītoti. Taɱ hi tesaɱ ānanda hoti dīgharattaɱ ahitāya dukkhāya.

Tatrānanda yvāyaɱ puggalo sorato4. Hoti sukhasaɱvāso. Abhinandanti sabrahmacāri ekattavāsena. Tassa savaṇenapi kataɱ hoti. Bāhusaccenapi kataɱ hoti. Diṭṭhiyāpi suppaṭividdhaɱ1 hoti. Sāmayikampi vimuttiɱ labhati. Ayampi [page 350] ānanda puggalo amunā purimena puggalena abhikkantataro ca paṇītataro ca. Taɱ kissa hetu? Imaɱ hānanda puggalaɱ dhammasoto nibbahati. Tadantaraɱ ko jāneyya aññatra tathāgatena?

Tasmātiha ānanda mā puggalesu pamāṇakā3 ahuvattha. Mā puggalesu pamāṇaɱ gaṇhittha. Khaññati hānanda puggalesu pamāṇaɱ gaṇhanto.

Ahaɱ vā ānanda puggalesu pamāṇaɱ gaṇheyyaɱ yo vā panassa mādiso.

Idha panānanda ekaccassa puggalassa kodhamāno adhigato hoti samayena samayañcassa lobhadhammā uppajjanti. Tassa savaṇenapi akataɱ hoti. Bāhusaccenapi akataɱ hoti. Diṭṭhiyāpi appaṭividdhaɱ hoti. Sāmayikampi vimuttiɱ na labhati. So kāyassa bhedā parammaraṇā hānāya pareti, no visesāya, hānagāmiyeva hoti, no visesagāmī. (3)

Idha panānanda ekaccassa puggalassa kodhamāno adhigato hoti samayena. Samayañcassa lobhadhammā uppajjanti. Tassa savaṇenapi kataɱ hoti. Bāhusaccenapi kataɱ hoti. Diṭṭhiyāpi appaṭividdhaɱ hoti. Sāmayikampi vimuttiɱ na labhati. So kāyassa bhedā parammaraṇā hānāya pareti, no visesāya, hānagāmīyeva hoti, no hānagāmi. (4)

Tatrānanda pamāṇakā pamiṇanti yvāyaɱ puggalo sorato4. Hoti sukhasaɱvāso. Abhinandanti sabrahmacārī ekattavāsena. Tassa savaṇenapi kataɱ hoti. Bāhusaccenapi kataɱ hoti. Diṭṭhiyāpi suppaṭividdhaɱ1 hoti. Sāmayikampi vimuttīɱ labhati. Ayampi ānanda puggalo amunā purimena puggalena abhikkantataro ca paṇītataro ca. Taɱ kissa hetu? Imaɱ hānanda puggalaɱ dhammasoto nibbahati. Tadantaraɱ ko jāneyya aññatra tathāgatena?

Tasmātiha ānanda mā puggalesu pamāṇakā3 ahuvattha. Mā puggalesu pamāṇaɱ gaṇahittha. Khaññati hānanda puggalesu pamāṇaɱ gaṇhanto.

Ahaɱ vā ānanda puggalesu pamāṇaɱ gaṇaheyyaɱ yo vā panassa mādiso.

Idha panānanda ekaccassa puggalassa kodhamāno adhigato hoti. Samayena samayañcassa vacīsaɱsārā5 uppajjanti. Tassa savaṇenapi akataɱ hoti. Bāhusaccenapi akataɱ hoti. Diṭṭhiyāpi appaṭividdhaɱ hoti. Sāmayikampi vimuttiɱ na labhati. So kāyassabhedā parammaraṇā hānāya pareti no visesāya, hānagāmīyeva hoti no visesagāmi. (5)

1. Paṭividdhaɱ machasaɱ 2 visesagāmireva sīmu. 3. Pamāṇikā machasaɱ sīmu 4. Surato sīmu. 5. Vacisaŋkhārā machasaɱ

[BJT Page 116]
Idha panānanda ekaccassa puggalassa kodhamāno adhigato hoti. Samayena samayañcassa vavīsaɱsārā1 uppajjanti. Tassa savaṇenapi kataɱ hoti bāhusaccenapi kataɱ hoti. Diṭṭhiyāpi paṭividdhaɱ hoti. Sāmayikampi vimuttiɱ labhati. So kāyassa bhedā parammaraṇā visesāya [page 351] pareti no hānāya. Visesagāmīyeva hoti, no hānagāmi. (6)

Tatrānanda pamānakā pamiṇananti: imassapi teva dhammā, aparassapi teva dhammā. Kasmā tesaɱ eko hīno, eko paṇītoti? Taɱ hi tesaɱ ānanda hoti dīgharattaɱ ahitāya dukkhāya.

Tatrānanda yassa puggalassa kodhamāno adhigato hoti. Samayena samayañcassa vavīsaɱsārā uppajjantī. Tassa savaṇenapi kataɱ hoti bāhusaccenapi kataɱ hoti. Diṭṭhiyāpi suppaṭividdhaɱ hoti. Sāmayikampi vimuttiɱ labhati. Ayaɱ ānanda puggalo amunā purimena puggalena abhikkantataro ca paṇītataro ca. Taɱ kissa hetu: imaɱ hānanda puggalaɱ dhammasoto nibbahati. Tadantaraɱ ko jāneyya aññatra tathāgatena?
Tasmātiha ānanda mā puggalesu pamāṇakā ahuvattha, mā puggalesu pamāṇaɱ gaṇahittha. Khaññati hānanda puggalesu pamāṇaɱ gaṇhanto.

Ahaɱ vā ānanda puggalesu pamāṇaɱ gaṇheyyaɱ, yo vā panassa mādiso.

Kā cānanda migasālā upāsikā bālā avyattā ambakā ambakapaññā? Ke ca purisapuggalaparopariyañāṇe?

Yathārūpena ānanda sīlena purāṇo samannāgato ahosi, tathārūpena sīlena isidatto samannāgato abhavissa, nayidha purāṇo isidattassa gatimpi aññassa. Yathārūpāya ca ānanda paññaya isidatto samannāgato ahosi. Tathārūpāya paññāya purāṇo samannāgato abhavissa, nayidha isidatto purāṇassa gatimpi aññassa. Iti kho ānanda ime puggalā ubho ekaŋgahīnāti.

1Vacīsaɱkhārā machasaɱ

[BJT Page 118]
6. 1. 5. 3.
(Iṇa suttaɱ)
(Sāvatthinidānaɱ)
(1) 45. Dāḷiddiyaɱ bhikkhave dukkhaɱ lokasmiɱ kāmabhoginoti? Evaɱ bhante.
(2) Yampi bhikkhave daḷiddo [page 352] assako anāḷhiyo1 iṇaɱ ādiyati. Itādānampi bhikkhave dukkhaɱ lokasmiɱ kāmabhoginoti?
Evaɱ bhante.
(3) Yampi bhikkhave daḷiddo assako anāḷhiyo iṇaɱ ādiyitvā vaḍḍhiɱ paṭisuṇāti. 2 Vaḍḍhipi bhikkhave dukkhā lokasmiɱ sāmabhoginoti?
Evaɱ bhante.
(4) Yampi bhikkhave daḷiddo assako anāḷhiyo vaḍḍhiɱ paṭisuṇitvā kālābhataɱ vaḍḍhiɱ na deti. Codentipi naɱ codanāpi bhikkhave dukkhā lokasmiɱ kāmabhoginoti? Evaɱ bhante.
(5) Yampi bhikkhave daḷiddo assako anāḷhiyo codiyamāno na deti. Anucarantipi naɱ. Anucariyāpi bhikkhave dukkhā lokasmiɱ kāmabhoginoti?
Evaɱ bhante.
(6) Yampi bhikkhave daḷiddo assako anāḷhiyo anucariyamāno na deti. Bandhantipi naɱ. Bandhanampi bhikkhave dukkhaɱ lokasmiɱ kāmabhoginoti?
Evaɱ bhante.

Iti kho bhikkhave dāḷiddiyampi dukkhaɱ lokasmiɱ kāmabhogino. Iṇādānampi dukkhaɱ lokasmiɱ kāmabhogino. Vaḍḍhīpi dukkhā lokasmiɱ kāmabhogino, codanāpi dukkhā lokasmiɱ kāmabhogino. Anucariyāpi dukkhā lokasmiɱ kāmabhogino. Bandhanampi dukkhaɱ lokasmiɱ kāmabhogino.

Evameva kho bhikkhave yassa kassaci saddhā natthi kusalesu dhammesu, hiri natthi kusalesu dhammesu, ottappaɱ natthi kusalesu dhammesu, viriyaɱ natthi kusalesu dhammesu, paññā natthi kusalesu dhammesu, 1 ayaɱ vuccati bhikkhave ariyassa vinaye daḷiddo assako anāḷhiyo. Sa kho so bhikkhave dasiddo assako anāḷhiyo, saddhāya asati kusalesu dhammesu, hiriyā asati kusalesu dhammesu, ottappe asati kusalesu dhammesu, viriye asati kusalesu dhammesu, paññāya asati kusalesu dhammesu, kāyena duccaritaɱ carati. Vācāya duccaritaɱ carati. Manasā duccaritaɱ carati. Idamassa iṇādānasmiɱ vadāmi.
1. Anāḷhiko machasaɱ, anaddhiko syā anāḷiko sīmu passuṇāti machasaɱ

[BJT Page 120]

So tassa kāyaduccaritassa paṭicchādanahetu pāpikaɱ icchaɱ paṇidahati: mā maɱ jaññāti icchati, mā maɱ jaññāti [page 353] saŋkappeti, mā maɱ jaññāti vācaɱ bhāsati, mā maɱ jaññāti kāyena parakkamati. So tassa vacīduccaritassa paṭicchādanahetu pāpikaɱ icchaɱ paṇidahati: mā maɱ chaññāti icchati, mā maɱ jaññāti saŋkappeti, mā maɱ jaññāti vācaɱ bhāsati, mā maɱ jaññāti kāyena parakkamati. So tassa manoduccaritassa paṭicchādanahetu pāpikaɱ icchaɱ paṇidahati: mā maɱ jaññāti icchati, mā maɱ jaññāti saŋkappeti, mā maɱ jaññāti vācaɱ bhāsati. Mā maɱ jaññāti kāyena parakkamati. Idamassa vaḍḍhiyā vadāmi.

Tamenaɱ pesalā sabrahmavārī evamāhaɱsu: " ayañca so āyasmā evaɱkārī evaɱ samācāro"ti. Idamassa codanāya vadāmi.

Tamenaɱ araññagataɱ vā rukkhamūlagataɱ vā sūññāgāragataɱ vā vippaṭisārasahagatā pāpakā akusalavitakkā samudācaranti. Idamassa anucariyāya vadāmi.

Sa kho so bhikkhave daḷiddo assako anāḷhiyo kāyena duccaritaɱ caritvā vācāya duccaritaɱ caritvā manasā duccaritaɱ caritvā kāyassa bhedā parammaraṇā nirayabandhane vā bajjhati, tiracchānayonibandhane vā. *

Nāhaɱ bhikkhave aññaɱ ekadhammampi samanupassāmi evaɱdāruṇaɱ emaɱ kaṭukaɱ evaɱ antarāyakaraɱ anuttarassa yogakkhemassa adhigamāya yathayidaɱ bhikkhave nirayabandhanaɱ vā tiracchānayonibandhanaɱ vā, ti.

34. Dāḷiddiyaɱ dukkhaɱ loke iṇādānaɱ ca vuccati,
Daḷiddo iṇamādāya bhuñjamāno vihaññati.

35. Tato anucarantī naɱ bandhanampi nigacchati.
Etaɱ hi bandhanaɱ dukkhaɱ kāmalābhābhijappinaɱ.

36. Tatheva ariyavinaye saddhā yassa na vijjati, [page 354]
Ahiriko anottappi pāpakammāvinicchayo1

37. Kāyaduccaritaɱ katvā vacīduccaritāni ca,
Manoduccataɱ katvā mā maɱ jaññāti2 icchati.

38. So saɱsappati kāyena vācāya udacetasā,
Pāpakammā pavaḍḍhento tattha tattha punappunaɱ

39. So pāpakammo dummedho jānaɱ dukkaṭamattano,
Daḷiddo iṇamādāya bhuñjamāno vihaññati,

40. Tato anucarantī naɱ saŋkappā mānasā dukhā,
Gāme vā yadi vā raññe yassa vippaṭisārajā.

1. Pāpakammavinibbayo machasaɱ, pāpakammavinicchayo sīmu, pāpakammaɱ vinibbayo syā. 2. Chaññutī machasaɱ
*Ettha"idamassa bandhanasamiɱ vadāmi" iti bhavitabbanti khāyati tathāpi taɱ potthakesu nadissate.

[BJT Page 122]
41. So pāpakammo dummedho jānaɱ dukkaṭamattano,
Yonimaññataraɱ gantvā niraye cāpi bajjhati.
Etaɱ hi bandhanaɱ dukkhaɱ yamhā dhīro pamuccati.

42. Dhammaladdhehi bhogehi dadaɱ cittaɱ pasādayaɱ
Ubhayattha kaṭaggāho saddhassa gharamesino.

43. Diṭṭhadhammahitatthāya samparāya sukhāya ca
Evametaɱ gahaṭṭhānaɱ cāgo puññaɱ pavaḍḍhati.

44. Tatheva ariyavinaye saddhā yassa patiṭṭhitā
Hirimano ca ottappī paññavā sīlasaɱvuto.

45. Eso kho ariyavinaye sukhaɱjīvīti1 vuccati
Nirāmisaɱ sukhaɱ laddhā upekhaɱ adhitiṭṭhati.

46. Pañcanīvaraṇe hitvā niccaɱ āraddhavīriyo
Jhānāni upasampajja ekodinipako sato.

47. Evaɱ ñatvā yathābhūtaɱ sabbasaññojanakkhaye
Sabbaso anupādāya sammācittaɱ vimuccati.

48. Tassa sammā vimuttassa ñāṇaɱ ca hoti tādino
Akuppā me vimuttīti bhavasaññojanakkhaye.

49. Etaɱ kho paramaɱ ñāṇaɱ etaɱ sukhamanuttaraɱ
Asokaɱ virajaɱ khemaɱ etamānaṇyamuttamanti. [page 355]
6. 1. 5. 4.
(Mahācunda suttaɱ)
46. Evaɱ me sutaɱ ekaɱ samayaɱ āyasmā mahācundo cetīsu viharati sahajātiyaɱ. 2 Tatra kho āyasmā mahācundo bhikkhū āmantesi: "āvuso bhikkhavo"ti. 3 "Āvuso"ti kho te bhikkhū āyasmato mahā cundassa paccassosuɱ. Āyasmā mahācundo etadavoca:

(1) Idhāvuso dhammayogā bhikkhū jhāyībhikkhū apasādenti: ime pana"jhāyinomhā jhāyinombhā, ti jhāyanti, pajjhāyanti, 4 kiɱ hime jhāyanti, 5 kintime jhāyanti, kathaɱ hime6 jhāyantī"ti. Tattha dhammayogā ca bhikkhū nappasīdanti, jhāyī ca bhikkhū nappasīdanti, na ca bahujanahitāya paṭipannā honti bahujanasukhāya, bahuno janassa atthāya hitāya sukhāya devamanussānaɱ.

1. Sukhajīviti machasaɱ 2. Sayaɱjātiyaɱ machasaɱ, sañjātiyaɱ syā 3. Bhikkhaveti machasaɱ 4. Nijjhāyanti avajjhāyanti machasaɱ 5. Kimimejhāyanti machasaɱ. 6. Kathaɱ ime machasaɱ.

[BJT Page 124]
(2) Idha panāvuso jhāyī bhikkhu dhammayoge bhikkhu apasādenti: ime pana " dhammayogamhā dhammayogamhā"ti uddhatā unnalā capalā mukharā vikiṇṇavācā muṭṭhassatī asampajānā asamāhitā vibbhantacittā pākatindriyā. Kiɱ hime dhammayogā, kintime dhammeyogā, kathaɱ hime1 dhammayogāti? Tattha jhāyī ca bhikkhū nappasīdanti, dhammayogā ca bhikkhū nappasīdanti, na ca bahujanahitāya paṭipannā honti bahujanasukhāya, bahuno janassa atthāya hitāya sukhāya devamanussānaɱ.

(3) Idha panāvuso dhammayogā bhikkhū dhammayogānaɱyeva bhikkhūnaɱ vaṇṇaɱ bhāsanti, no jhāyīnaɱ bhikkhūnaɱ vaṇṇaɱ bhāsanti. Tattha dhammayogā ca [page 356] bhikkhū nappasīdanti, jhāyi ca bhikkhū nappasīdanti, na ca bahujanahitāya paṭipannā honti bahujanasukhāya, bahuno janassa atthāya hitāya sukhāya devamanussānaɱ.

(4) Idha panāvuso jhāyī bhikkhū jhāyīnaɱ yeva bhikkhūnaɱ vaṇṇaɱ bhāsanti no dhammayogānaɱ bhikkhūnaɱ vaṇṇaɱ bhāsanti. Tattha jhāyī ca bhikkhū nappasīdanti, dhammayogā ca bhikkhū nappasīdanti, na ca bahujanahitāya paṭipaṭipannā honti bahujanasukhāya, sukhāya, bahuno janassa atthāya hitāya sukhāya devamanussānaɱ.

(5) Tasmātihāvuso evaɱ sikkhitabbaɱ: dhammayogā samānā jhāyīnaɱ bhikkhūnaɱ vaṇṇaɱ bhāsissāmāti. Evaɱ hi vo āvuso sikkhitabbaɱ. Taɱ kissa hetu. Acchariyā hete āvuso puggalā dullabhā lokasmiɱ, ye amataɱ dhātuɱ kāyena phūsitvā2 viharanti.

(6) Tasmātihāvuso evaɱ sikkhitabbaɱ: jhāyī samānā dhammayogānaɱ bhikkhūnaɱ vaṇṇaɱ bhāsissāmāti. Evaɱ hi vo āvuso sikkhitabbaɱ. Taɱ kissa hetu: acchariyā hete āvuso puggalā dullabhā lokasmiɱ, ye gambhīraɱ atthapadaɱ paññāya ativijjha passantīti.
6. 1. 5. 5
(Paṭhamasandiṭṭhika suttaɱ)
(Sāvatthinidānaɱ)
47. Atha kho moliyasīvako paribbājako yena bhagavā tenupasaŋkami. Upasaŋkamitvā bhagavatā saddhiɱ sammodi. Sammodanīyaɱ kathaɱ sārāṇīyaɱ vitīsāretvā ekamantaɱ nisīdi. Ekamantaɱ nisinno kho moliyasīvako paribbājako bhagavantaɱ etadavoca:

"Sandiṭṭhiko dhammo, sandiṭṭhiko dhammo, ti bhante vuccati. Kittāvatā nu kho bhante sandiṭṭhiko dhammo hoti, akāliko ehipassiko opanayiko paccattaɱ veditabbo viñuhitī?. [page 357]

1. Kathaɱime machasaɱ
2. Passitvā katthami.

[BJT Page. 126]
Tena hi sivaka taññevettha paṭipucchissāmi. 1 Yathā te khameyya tathā naɱ vyākareyyāsi. Taɱ kiɱ maññasi sīvaka santaɱ vā ajjhattaɱ lobhaɱ " atthi me ajjhattaɱ lobhoti" pajānāsi, asantaɱ vā ajjhattaɱ lobhaɱ " natthi me ajjhattaɱ lobhoti" pajānāsīti.

Evaɱ bhante.
Yaɱ kho tvaɱ sīvaka santaɱ vā ajjhattaɱ lobhaɱ " atthi me ajjhattaɱ lobhoti" pajānāsi.
Asantaɱ vā ajjhattaɱ lobhaɱ "natthi me ajjhattaɱ lobhoti"pajānāsi. Evaɱ kho2 sīvaka sandiṭṭhiko dhammo hoti akāliko ehipassiko opanayiko paccattaɱ veditabbo viññūhīti.
Taɱ kiɱ maññasi sīvaka santaɱ vā ajjhattaɱ dosaɱ ajjhattaɱ mohadhammaɱ "atthi me ajjhattaɱ dosoti" pajānāsi, asantaɱ vā ajjhattaɱ mohadhammaɱ, "natthi me ajjhattaɱ mohadosoti" pajānāsiti. Taɱ kiɱ maññasi sīvaka santaɱ vā ajjhattaɱ mohaɱ sattaɱ vā ajjhattaɱ mohadhammaɱ "atthi me ajjhattaɱ mohadhammoti" pajānāsi, asantaɱ vā ajjhattaɱ mohadhammaɱ, "natthi me ajjhattaɱ mohadhammoti" pajānāsiti. Taɱkiɱ maññasi sīvaka santaɱ vā ajjhattaɱ lobhadammaɱ santaɱ vā ajjhattaɱ mohadhammaɱ "atthi me ajjhattaɱ mohadhammoti" pajānāsi, asantaɱ vā ajjhattaɱ mohadhammaɱ, " natthi me ajjhattaɱ mohadhammoti" pajānāsiti. Taɱ kiɱ maññasi sīvaka santaɱ vā ajjhattaɱ lobhadhameɱ sattaɱ vā ajjhattaɱ lobhadhammaɱ "atthi me ajjhattaɱ mohadhammoti" pajānāsi, asantaɱ vā ajjhattaɱ mohadhammaɱ, " natthi me ajjhattaɱ lobhadhammoti " pajānāsiti.

Taɱ kiɱ maññasi sīvaka santaɱ vā ajjhattaɱ dosadhammaɱ sattaɱ vā ajjhattaɱ dosadhammaɱ santaɱ vā ajjhattaɱ dosadhammaɱ "atthi me ajjhattaɱ dosadhammoti" pajānāsi, asantaɱ vā ajjhattaɱ mohadhammaɱ, " natthi me ajjhattaɱ mohadhammo'ti dhammoti" pajānāsiti.

Evaɱ bhante.
Yaɱ kho tvaɱ sivaka santaɱ vā ajjhattaɱ mohadhammaɱ " atthi me ajjhattaɱ mohadhammoti pajānāsi, asantaɱ vā ajjhattaɱ mohadhammaɱ "natthi me ajjhattaɱ mohadhammoti" pajānāsi.

Evaɱ kho sivaka sandiṭṭhiko dhammo hoti akāliko ehipassiko opanayiko paccattaɱ veditabbo viññuhīti.

Abhikkantaɱ hogotama abhikkantaɱ bho gotama, seyyathāpi bho gotama nikkujjitaɱ vā ukkajjeyya, paṭicchannaɱ vā vivareyya, mūḷhassa vā maggaɱ ācikkheyya, andhakāre vā telapajjotaɱ dhāreyya, " cakkhumanto rūpāni dakkhinti, 2ti, evamevahotā gotamena anekapariyāyena dhammo pakāsito. Esāhaɱ bhavantaɱ gotamaɱsaraṇaɱ gacchāmi dhammañca bhikkhu saŋghañca. Upāsakaɱ maɱ bhante bhagavā dhāretu ajjatagge
Pāṇupetaɱ saraṇaɱ gatanti.
6. 1. 5. 6.
(Dutiyasandiṭṭika suttaɱ)
(Sāvatthinidānaɱ)
48. Atha kho aññataro brāhmaṇo yena bhagavā tenupasaŋkami. Upasaŋkamitvā bhagavatā saddhiɱ sammodi. Sammodanīyaɱ kathaɱ sārāṇiyaɱ vītisāretvā ekamantaɱ nisīdi. Ekamantaɱ nisinno kho so brāhmaṇo bhagavantaɱ etadavoca:

'Sandiṭṭhiko dhammo sandiṭṭhiko dhammo'ti bho gotama vuccati. Kittāvatā nu kho bho gotama [page 358] sandiṭṭhiko dhammo hoti, akāliko ehipassiko opanayiko paccattaɱ vetitabbo viññuhīti?

Tena hi brāhmaṇa taññevettha paṭipucchissāmi. Yathā te khameyya tathā naɱ vyākarosi3. Taɱ kiɱ maññasi brāhmaṇa, santaɱ vā ajjhattaɱ rāgaɱ "atthi me ajjhattaɱ rāgoti" pajānāsi, asantaɱ vā ajjhattaɱ rāgaɱ "nanthi me ajjhattaɱ rāgoti" pajānāsiti.
Evaɱ bho.

1Paṭipucchāmi machasaɱ, 2evampi kho machasaɱ 3. Byākareyyāsi machasaɱ

[BJT Page 128]

Yaɱ kho tvaɱ brāhmaṇa santaɱ vā ajjhattaɱ rāgaɱ "atthi me ajjhattaɱ rāgoti" pajānāsi, asantaɱ vā ajjhattaɱ rāgaɱ "natthi me ajjhattaɱ rāgoti" pajānāsi.
Evaɱ pi kho brāhmaṇa sandiṭṭhiko dhammo hoti ākāliko ehi passiko opanayiko paccattaɱ veditabbo viññuhīti.

Taɱ kiɱ maññasi brāhmaṇa santaɱ vā ajjhattaɱ dosaɱ "atthi me ajjhattaɱ dosoti" pajānāsi, asantaɱ vā ajjhattaɱ dosaɱ "natthi me ajjhattaɱ dosoti pajānāsi. Taɱ kiɱ maññasi brāhmaṇa santaɱ vā ajjhattaɱ mohaɱ "atthi me ajjhattaɱ mohoti pajānāsi, asantaɱ vā ajjhattaɱ mohaɱ " natthi me ajjhattaɱ mohoti" pajānāsi.
Taɱ kiɱ maññasi brāhmaṇa santaɱ vā ajjhattaɱ kāyasandosaɱ "atthi me ajjhattaɱ kāyasandosoti" pajānāsi, asantaɱ vā ajjhattaɱ kāyasandosaɱ " natthi me ajjhattaɱ kāyasandosoti" pajānāsiti.

Taɱ kiɱ maññasi brāhmaṇa santaɱ vā ajjhattaɱ vacīsandosaɱ "atthi me ajjhattaɱ vacīsandosoti" pajānāsi, asantaɱ vā ajjhattaɱ vacīsandosaɱ "natthi me ajjhattaɱ vacīsandosoti" pajānāsīti.

Taɱ kiɱ maññasi brāhmaṇa santaɱ vā ajjhattaɱ manosandosaɱ "atthi me ajjhattaɱ manosandosoti" pajānāsi, asantaɱ vā ajjhattaɱ manosandosaɱ " natthi me ajjhattaɱ manosandosoti" pajānāsiti.

Evaɱ bho.

Yaɱ kho tvaɱ brāhmaṇa santaɱ vā ajjhattaɱ manosaɱdosaɱ " atthi me ajjhattaɱ manosandosoti" pajānāsi, asantaɱ vā ajjhattaɱ manosandosaɱ " natthi me ajjhattaɱ manosandosoti" pajānāsi.

Evaɱ kho brāhmaṇa sandiṭṭhiko dhammo hoti akāliko ehipassiko opanayiko paccattaɱ veditabbo viññuhīti.

Abhikkantaɱ bho gotama, abhikkantaɱ bho gotama, seyyathāpi bho gotama nikkujjitaɱ vā ukkujjeyya, paṭicchantaɱ vā vivareyya, mūḷhassa vā maggaɱ ācikkheyya" andhakāre vā telapajjotaɱ dhāreyya, " cakkhumanto rūpānidakkhintī"ti, evameva bhotā gotamena anekapariyāyena dhammo pakāsito. Esāhaɱ bhantaɱ gotamaɱ saraṇaɱ gacchāmi dhammañca bhikkhusaŋghañca. Upāsakaɱ maɱ bhavaɱ gotamo dhāretu ajjatagge pāṇupetaɱ saraṇaɱ gatanti.

(6. 1. 5. 7)
Khema suttaɱ
49. Ekaɱ samayaɱ bhagavā sāvatthiyaɱ viharati jetavane anāthapiṇḍikassa ārāme. Tena kho pana samayena āyasmā ca khemo āyasmā ca sumano sāvattiyaɱ viharanti [page 359] andhavanasmiɱ. Atha kho āyasmā ca khemo āyasmā ca sumano yena bhagavā tenupasaŋkamiɱsu. Upasaŋkamitvā bhagavantaɱ abhivādetvā ekamantaɱ nisīdiɱsu. Ekamantaɱ nisinno kho āyasmā khemo bhagavantaɱ etadavoca:

Yo so bhante bhikkhu arahaɱ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaññojano sammadaññā vimutto, tassa na evaɱ hoti " atthi me seyyoti vā atthi me sadisoti vā atthi me hīnoti vā"ti.

Idamavocāyasmā1 khemo samanuñño satthā ahosi. Atha kho āyasmā khemo samanuñño me satthāti uṭṭhāyāsanā bhagavantaɱ abhivādetvā padakkhiṇaɱ katvā pakkāmi.
1Idhamavoca āyasamā sīmu.

[BJT Page 130]
Atha kho āyasmā sumano acirapakkante āyasmante kheme bhagavantaɱ etadavoca:
"Yo so bhante bhikkhu arahaɱ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaññojano sammadaññā vimutto, tassa na evaɱ hoti "natthi me seyyoti vā, natthi me sadisoti vā, natthi me hīnoti vā"ti.

Idamavocāyasmā sumano samanuñño satthā ahosi. Atha kho āyasmā sumano samanuñño me satthāti uṭṭhāyāsanā bhagavantaɱ abhivādetvā padakkhiṇaɱ katvā pakkāmi.
Atha kho bhagavā acirapakkante āyasmante ca kheme āyasmante ca sumane bhikkhū āmentasi: evaɱ kho bhikkhave kulaputtā aññaɱ vyākaronti, attho ca vutto, attā ca anupanīto. Atha ca pana idhekacce moghapurisā hasamānakā maññe aññaɱ vyākaronti. Te pacchā vighātaɱ āpajjantīti.

49. Na ussesu na omesu samatte nopanīyare
Khīṇā sañjāti vusitaɱ brahmacariyaɱ caranti saññojanavippamuttāti. [page 360]

6. 1. 5. 8.
(Indriyasaɱvarasuttaɱ)
(Sāvatthi nidānaɱ)
50. Indriyasaɱvare bhikkhave asati indriyasaɱvaravipannassa hatūpanisaɱ hoti sīlaɱ. Sīle asati sīlavipannassa hatūpaniso hoti sammāsamādhi. Sammāsamādhimhi asati sammāsamādhivipannassa hatūpanisaɱ hoti yathābhūtañāṇadassanaɱ. Yathābhūtañāṇadassane asati yathābhūtañāṇadassanavipannassa hatūpaniso hoti nibbidāvirāgo. Nibbidāvirāge asati nibbidāvirāgavipannassa hatūpanisaɱ hoti vimuttiñāṇadassanaɱ.

Seyyathāpi bhikkhave rukkho sākhāpalāsavipanno, tassa papaṭikāpi na pāripūriɱ gacchati, tacopi na pāripūriɱ gacchati, pheggupī na pāripūriɱ gacchati, sāropi na pāripūriɱ gacchati, evameva kho bhikkhave indriyasaɱvare asati indriyasaɱvaravipannassa hatūpanisaɱ hoti sīlaɱ, sīle asati sīlavipannassa hatūpaniso hoti sammāsamādhi. Sammāsamādhimhi asati sammāsamādhivipannassa hatūpanisaɱ hoti yathābhūtañāṇadassanaɱ. Yathābhūtañāṇadassane asati yathābhūtañāṇadassanavipannassa hatūpaniso hoti nibbidāvirāgo. Nibbidāvirāge asati nibbidāvirāgavipannassa hatūpanisaɱ hoti vimuttiñāṇadassanaɱ.

[BJT Page 132]
Indriyasaɱvare bhikkhave sati indriyasaɱvarasampannassa upanisasampannaɱ hoti sīlaɱ. Sīle sati sīlasampannassa upanisasampanno hoti sammāsamādhi. Sammāsamādhimhi sati sammāsamādhisampannassa upanisasampannaɱ hoti yathābhūtañāṇadassanaɱ. Yathābhūtañāṇadassane sati yathābhūtañāṇadassanasampannassa upanisasampanno hoti nibbidāvirāgo. Nibbidāvirāge sati nibbidāvirāgasampannassa upanisasampannaɱ hoti vimuttiñāṇadassanaɱ.
Seyyathāpi bhikkhave rukkho sākhāpalāsasampanno, tassa papaṭikāpi pāripuriɱ gacchati, tacopi pāripūriɱ gacchati, pheggupi pāripūriɱ gacchati, sāropi pāripūriɱ gacchati, evameva kho bhikkhave indriyasaɱvare sati indriyasaɱvarasampannassa upanisasampannaɱ hoti sīlaɱ

Sīle sati sīlasampannassa upanisasampanno hoti sammāsamādhi. Sammāsamādhimhi sati sammāsamādhisampannassa upanisasampannaɱ hoti yathābhūtañāṇadassanaɱ. Yathābhūtañāṇadassane sati yathābhūtañāṇadassanasampannassa upanisasampanno hoti nibbidāvirāgo. Nibbidāvirāge sati nibbidāvirāgasampannassa upanisasampannaɱ hoti vimuttiñāṇadassananti. [page 361]
6. 1. 5. 9. (Ānanda suttaɱ)
(Sāvatthi nidānaɱ)
51. Atha kho āyasmā ānando yenāyasmā sāriputto tenupasaŋkami. Upasaŋkamitvā āyasmatā sāriputtena saddhiɱ sammodi. Sammodanīyaɱ kathaɱ sārāṇīyaɱ vitisāretvā ekamantaɱ nisīdi. Ekamantaɱ nisinno kho āyasmā ānando āyasmantaɱ sāriputtaɱ etadavoca.

Kittāvatānu kho āvuso sāriputta bhikkhu assutañceva dhammaɱ suṇāti, sutā cassa dhammā na sammosaɱ gacchanti, ye cassa dhammā pubbe cetasā samphuṭṭhapubbā, te ca samudācaranti, aviññātañca vijānātīti.

Āyasmā kho ānando bahūssuto, paṭibhātu āyasmantaññeva ānandanti.

Idhāvuso sāriputta bhikkhu dhammaɱ pariyāpuṇāti: suttaɱ geyyaɱ veyyākaraṇaɱ gāthaɱ udānaɱ itivuttakaɱ jātakaɱ abbhutadhammaɱ vedallaɱ. Yathāsutaɱ1 yathāpariyattaɱ dhammaɱ vitthārena paresaɱ deseti. Yathāsutaɱ yathāpariyattaɱ dhammaɱ vitthārena paresaɱ vāceti. Yathāsutaɱ yathāpariyattaɱ dhammaɱ vitthārena sajjhāyaɱ karoti. Yathāsutaɱ yathāpariyattaɱ dhammaɱ cetasā anuvitakkoti, anuvicāreti, manasānupekkhati. Yasmiɱ āvāse therā bhikkhu viharanti bahussutā āgatāgamā dhammadharā vinayadharā mātikādharā, tasmiɱ āvāse vassaɱ upeti. Te kālena kālaɱ upasaŋkamitvā paripūcchati paripañhati: idaɱ bhante kathaɱ? Imassa kvattho, ti? Tassa te āyasmanto avivaṭañceva vivaranti, anuttānīkatañca uttānīkarenti. Anekavihitesu ca kaŋkhāṭhānīyesu2 dhammesu kaŋkhaɱ paṭivinodenti.

Ettāvatā nu kho [page 362] āvuso sāriputta bhikkhu assutañceva dhammaɱ suṇāti. Sutā cassa dhammā na sammosaɱ gacchanti. Ye cassa dhammā pubbe cetasā samphuṭṭhapubbā te ca samudācaranti, aviññātañca vijānātīti.

1. So yathā sutaɱ machasaɱ: 2. Kaŋkhaṭṭhānīyesu katthaci

[BJT Page 134]
Acchariyaɱ āvuso, abbhutaɱ āvuso, yāva subhāsitamidaɱ āyasmatā ānandena. Imehi ca mayaɱ chahi dhammehi samannāgataɱ āyasmantaɱ ānandaɱ dhārema. (1) Āyasmā hi ānando dhammaɱ pariyāpuṇāti: suttaɱ geyyaɱ veyyākaraṇaɱ gāthaɱ udānaɱ itivuttakaɱ jātakaɱ abbhutadhammaɱ vedallaɱ. (2) Āyasmā ānando yathāsutaɱ yathāpariyattaɱ dhammaɱ vitthārena paresaɱ deseti. (3) Āyasmā ānando yathāsutaɱ yathāpariyattaɱ dhammaɱ vitthārena paresaɱ vāceti. (4) Āyasmā ānando yathāsutaɱ yathāpariyattaɱ dhammaɱ vitthārena sajjhāyaɱ karoti. (5) Āyasmā ānando yathāsutaɱ yathāpariyattaɱ dhammaɱ cetasā anuvitakketi, anuvicāreti, manasānupekkhati. (6) Āyasmā ānando yasmiɱ āvāse therā bhikkhū viharanti bahūssutā āgatāgamā dhammadharā vinayadharā mātikādharā, tasmiɱ āvāse vassaɱ upeti. Te āyasmā ānando, kālena kālaɱ upasaŋkamitvā paripūcchati. Paripañhati " idaɱ bhante kathaɱ, imassa kvattho"ti. Te āyasmato ānandassa avivaṭañceva vivaranti, anuttānīkatañca uttānīkaronti, anekavihitesu ca kaŋkhāṭhānīyesu dhammesu kaŋkhaɱ paṭivinodentī'ti.
6. 1. 5. 10
(Khattiyasuttaɱ)
(Sāvatthinidānaɱ)
52. Atha kho jāṇussoṇī brāhmaṇo yena bhagavā tenupasaŋkami. Upasaŋkamitvā bhagavatā saddhiɱ sammodi. Sammodanīyaɱ kathaɱ sārāṇiyaɱ vītisāretvā ekamantaɱ nisīdi. Ekamantaɱ nisinno kho jāṇussoṇī brāhmaṇo bhagavantaɱ etadavoca:
[page 363] (1) khattiyā bho gotama kimadippāyā, 1 kiɱ upavicārā, kiɱ adhiṭṭhānā, kiɱ abhinivesā, kiɱ pariyosānāti?
Khattiyā kho brāhmaṇa bhogādhippāyā, paññūpavicārā, balādhiṭṭhānā, paṭhavibhinivesā, issariyapariyosānāti.

(2) Brāhmaṇā pana bho gotama kimadhippāyā, 1 kiɱ upavicārā, kiɱ adhiṭṭhānā, kiɱ abhinivesā, kiɱ pariyosānāti?
Brāhmaṇā kho brāhmaṇa bhogādhippāyā, paññūpavicārā, mantādhiṭṭhānā, yaññābhinivesā, brahmalokapariyosānāti.
(3) Gahapatikā pana bho gotama kimadhippāyā1 kiɱ upavicārā, kiɱ adhiṭṭhānā, kiɱ abhinivesā, kiɱ pariyosānāti?

1 Kiɱ adhippāyā machasaɱ

[BJT Page 136]
Gahapatikā kho brāhmana bhogādhippāyā, paññūpavicārā, sippādhiṭṭhānā, kammantābhinivesā, niṭṭhitakammantapariyosānāti.
(4) Itthi pana bho gotama kimadhippāyā1 kiɱ upavicārā, kiɱ adhiṭṭhānā kiɱ abhinivesā, kiɱ pariyosānāti.
Itthi kho brāhmaṇa purisādhippāyā, alaŋkārūpavicārā, puttādhiṭṭhānā, asapattībhinivesā, 2 issariyapariyosānāti.

(5) Corā pana bho gotama kimadhippāyā1 kiɱ upavicārā, kiɱ adhiṭṭhānā kiɱ abhinivesā kiɱ pariyosānāti?
Corā kho brāhmaṇa ādānādhippāyā, gahanūpavicārā, saṭhādhiṭṭhānā3 andhakārābhinivesā, 4 adassanapariyosānāti.
(6) Samaṇā pana ho gotama kimadhippāyā, kiɱ upavicārā, kiɱ adhiṭṭhānā, kiɱ abhinivesā kiɱ pariyosānāti.
Samaṇā kho brāhmaṇa khantisoraccādhippāyā, paññūpavicārā, sīlādhiṭṭhānā, ākiñcaññābhinivesā, 5 nibbānapariyosānāti.

Acchariyaɱ bho gotama, abbhūtaɱ bho gotama. Khattiyānampi bhavaɱ gotamo jānāti adhippāyañca, upavicārañca, adhiṭṭhānañca, abhinivesañca, pariyosānañca.

Acchariyaɱ bho gotama, abbhūtaɱ ho gotama brāhmaṇānampi bhavaɱ gotamo jānāni adhippāyañca, upavicārañca, adhiṭṭhānañca, abhinivesañca, pariyosānañca.

Acchariyaɱ bho gotama, abbhūtaɱ ho gotama. Gahapatikānampi bhavaɱ gotamo jānāti adhippāyañca, upavicārañca, adhiṭṭhānañca, abhinivesañca, pariyosānañca.

Acchariyaɱ bho gotama, abbhūtaɱ bho gotama. Itthīnampi bhavaɱ gotamo jānāti adhippāyañca, upavicārañca, adhiṭṭhānañca, abhinivesañca, pariyosānañca.

Acchariyaɱ bho gotama, abbhūtaɱ bho gotama. Corānampi bhavaɱ gotamo [page 364] jānāti adhippāyañca, upavicārañca, adhiṭṭhānañca, abhinivesañca, pariyosānañca.

Acchariyaɱ bho gotama, abbhūtaɱ bho gotama. Samaṇānampi bhavaɱ gotamo jānāti adhippāyañca, upavicārañca, adhiṭṭhānañca, abhinivesañca, pariyosānañca.

Abhikkantaɱ bho gotama abhikkantaɱ bho gotama, seyyathāpi bho gotama nikkujjitaɱ vā ukkujjeyya, paṭicchannaɱ vā vivareyya, mūḷhassa vā maggaɱ ācikkheyya, andhakāre vā telapajjotaɱ dhāreyya, "cakkhumanto rūpānidakkhinti"ti, evameva bhotā gotamena anekapariyāyena dhammo pakāsito. Esāhaɱ bhavantaɱ gotamaɱ saraṇaɱ gacchāmi dhammañca bhikkhu saŋghañca. Upāsakaɱ maɱ bhavaɱ gotamo dhāretu ajjatagge pāṇupetaɱ saraṇaɱ gatanti.

6. 1. 5. 11
(Appamāda suttaɱ)
(Sāvatthinidānaɱ)
53. Atha kho aññataro brahmaṇo yena bhagavā tenupasaŋkami. Upasaŋkamitvā bhagavatā saddhiɱ sammodi. Sammodanīyaɱ kathaɱ sārāṇiyaɱ vītisāretvā ekamantaɱ nisīdi. Ekamantaɱ nisinno kho so brāhmaṇo bhagavantaɱ etadavoca:

1. Kiɱ adhippāyā machasaɱ 2. Asapatatīvinivesā aṭṭhakathā, patīabhinivesā syā. 3. Satthādhiṭṭhānā machasaɱ 4. Andhakāravinivesā aṭṭhakathā. 5. Ākiñcaññavinivesā aṭṭhakathā, akiñcanābhinivesā syā.

[BJT Page 138]

Atthi nu kho bho gotama eko dhammo bhāvito bahulikato yo ubho atthe samadhigayha1 tiṭṭhati diṭṭhadhammikañceva atthaɱ, yo ca attho samparāyikoti.
Atthi kho brāhmaṇa, eko dhammo bhāvito bahulīkato yo ubho atthe samadhigayha tiṭṭhati diṭṭhadhammakañceva atthaɱ. Yo ca attho samparāyikoti.

Katamo pana bho gotama eko dhammo bhāvito bahūlīkato yo ubho atthe samadhigayha tiṭṭhati diṭṭhadhammikañceva atthaɱ, yo ca attho samparāyikoti.

Appamādo kho brāhmaṇa, eko dhammo bhāvito bahulīkato ubho atthe samadhigayha diṭṭhati diṭṭhadhammikañceva atthaɱ, yo ca attho samparāyiko.
(1) Seyyathāpi brāhmaṇa, yāni kānici jaŋgamānaɱ2 pāṇānaɱ padajātāni, sabbāni tāni hatthipade samodhānaɱ gacchanti. Hatthipadaɱ tesaɱ aggamakkhāyati yadidaɱ mahattena. 3 Evameva kho brāhmaṇa appamādo eko dhammo bhāvito bahulīkato ubho atthe samadhigayha tiṭṭhati diṭṭhadhammikañceva atthaɱ, yo ca attho samparāyiko.

(2) Seyyathāpi brāhmaṇa, kūṭāgārassa yā kāci gopānasiyo sabbā tā kūṭaŋgamā kūṭaninnā kūṭasamosaraṇā, kūṭaɱ tāsaɱ aggamakkhāyati. Evameva kho [page 365] brāhmaṇa, appamādo eko dhammo bhāvito bahulīkato ubho atthe samadhigayha tiṭṭhati diṭṭhadhammikañceva atthaɱ, yo ca attho samparāyiko.
(3) Seyyathāpi brāhmaṇa, babbajalāyako4babbajaɱ lāyitvā agge gahetvā odhunāti, nidadhunāti, 5nicchādeti. Evameva kho brāhmaṇa appamādo eko dhammo bhāvito bahulīkato ubho atthe samadhigayha tiṭṭhati diṭṭhadhammakañceva atthaɱ, yo ca attho samparāyiko.
(4) Seyyathāpi brāhmaṇa, ambapiṇḍiyā vaṇṭacchinnāya yāni kānici ambāni vaṇṭūpanibandhanāni, sabbāni tāni tadanvayāni bhavanti. Evameva kho brāhmaṇa appamādo eko dhammo bhāvito bahulīkato ubho atthe samadhigayha tiṭṭhati diṭṭhadhammikañceva atthaɱ, yo ca attho samparāyiko.

(5) Seyyathāpi brāhmaṇa, ye keci kuḍḍarājāno6 sabbe te rañño cakkavattissa anuyuttā7 bhavanti, rājā tesaɱ cakkavatti aggamakkhāyati. Evameva kho brāhmaṇa appamādo eko dhammo bhāvito bahulīkato ubho atthe samadhigayha tiṭṭhati diṭṭhadhammikañceva atthaɱ, yo ca attho samparāyiko.

(6) Seyyathāpi brāhmaṇa, yā kāci tārakarūpānaɱ pabhā, sabbā tā candappabhāya kalaɱ nāgghanti soḷasiɱ, candappabhā tāsaɱ aggamakkhāyati. Evameva kho brāhmaṇa, appamādo eko dhammo bhāvito bahulīkato ubho atthe samadhigayha diṭṭhadhammikañceva atthaɱ, yo cattho samparāyiko.

Ayaɱ kho brāhamaṇa, eko dhammo bhāvito bahulīkato ubho atthe samadhigayha tiṭṭhati diṭṭhadhammikañceva atthaɱ, yo cattho samparāyikoti

Abhikkantaɱ bho gotama, abhikkantaɱ bho gotama, seyyathāpi bho gotama nikkajjitaɱ vā ukkujjeyya, paṭicchannaɱ vā vivareyya, mūḷhassa vā maggaɱ ācikkheyya, andhakāre vā telapajjotaɱ dhāreyya, "cakkhūmanto rūpānidakkhīnti"ti evameva bhotā gotamena anekapariyāyena dhammo pakāsito. Esāhaɱ bhavantaɱ gotamaɱ saraṇaɱ gacchāmi dhammañca bhikkhusaŋghañca. Upāsakaɱ maɱ bhavaɱ gotamo dhāretu ajjatagge pāṇupetaɱ saraṇaɱ gatanti. [page 366]

1 Samadhiggayaha machasaɱ 2. Jaŋgalānaɱ katthaci 3. Yadidaɱ mahantattena machasaɱ 4. Pabbajalāyako machasaɱ: 5. Nidhunātimachasaɱ: 6. Kuddarājānomachasaɱ
7. Anuyantā machasaɱ

[BJT Page 140]
6. 1. 5. 12
(Dhammika suttaɱ)
54. Ekaɱ samayaɱ bhagavā rājagahe viharati gijjhakūṭe pabbate. Tena kho pana samayena āyasmā dhammiko jātibhūmiyaɱ āvāsiko hoti sabbaso jātibhūmiyaɱ sattasu āvāsesu.
Tatra sudaɱ āyasmā dhammiko āgantuke bhikkhū akkosati, paribhāsati, vihiɱsati, vitudati, roseti vācāya. Te ca āgantukā bhikkhu āyasmatā dhammikena akkosiyamānā paribhāsiyamānā vihesiyamānā vitudiyamānā rosiyamānā vācāya, pakkamanti, na saṇṭhahanti1 riñcanti āvāsaɱ.

Atha kho jātibhumakānaɱ2 upāsakānaɱ etadahosi: mayaɱ kho bhikkhu saŋghaɱ paccupaṭṭhitā cīvarapiṇḍapātasenāsanagilānapaccayabhesajjaparikkhārena. Atha ca pana āgantukā bhikkhu pakkamanti na saṇṭhahanti, riñcanti āvāsaɱ. Konu kho hetu, ko paccayo yena āgantukā bhikkhū pakkamanti, na saṇṭhahanti, riñcanti āvāsanti?

Atha kho jātibhūmakānaɱ upāsakānaɱ etadahosi: "ayaɱ kho āyasmā dhammiko āgantuke bhikkhu akkosati, paribhāsati, vihiɱsati, vitudati, roseti vācāya. Te ca āgantukā bhikkhū āyasmatā dhammikena akkosiyamānā paribhāsiyamānā vihesiyamānā vitudiyamānā rosiyamānā vācāya, pakkamanti, na saṇṭhahanti, riñcanti āvāsaɱ. Yannūna mayaɱ āyasmantaɱ dhammikaɱ pabbājeyyāmā"ti.

Atha kho jātibhūmakā upāsakā yenāyasmā dhammiko tenupasaŋkamiɱsu. Upasaŋkamitvā āyasmantaɱ dhammikaɱ etadavocuɱ: "pakkamatu bhante āyasmā dhammiko imamhā āvāsā, alaɱ te idha vāsenā"ti.

Atha kho āyasmā dhammiko tamhā āvāsaɱ aññaɱ avāsaɱ agamāsi. Tatrapi sudaɱ āyasmā dhammiko āgantuke bhikkhu akkosati, paribhāsati, vihiɱsati, vitudati, roseti vācāya. Te ca āgantukā bhikkhū āyasmatā dhammikena akkosiyamānā parihāsiyamānā vihesiyamānā vitudiyamānā rosiyamānā vācāya, pakkamanti, na saṇṭhahanti, riñcanti āvāsaɱ.

Atha kho jātibhūmakānaɱ upāsakānaɱ etadahosi. "Mayaɱ kho bhikkhūsaŋghaɱ paccupaṭṭhitā cīvarapiṇḍapātasenāsanagilānapaccayabhesajjaparikkhārena, atha ca pana āgantukā bhikkhū pakkamanti, na saṇṭhahanti, riñcanti āvāsaɱ, ko nu kho hetu, ko paccayo yena āganatukā bhikkhū pakkamanti na saṇṭhahanti, [page 367] riñcanti āvāsanti. "

1. Ghaṇṭhanti machasaɱ 2. Chaɱtabhūmikanaɱ syā

[BJT Page 142]
Atha kho jātibhūmakānaɱ upāsakānaɱ etadahosi: ayaɱ kho āyasmā dhammiko āgantuke bhikkhu akkosati, paribhāsati, vihiɱsati, vitudati, roseti vācāya. Te va āgantukā bhikkhū āyasmatā dhammikena akkosiyamānā, paribhāsiyamānā, vihesiyamānā, vitudiyamānā, rosiyamānā vācāya, pakkamanti, na saṇṭhahanti, riñcanti āvāsaɱ. Yannūna mayaɱ āyasmantaɱ dhammikaɱ pabbājeyyāmāti.

Atha kho jātibhūmakā upāsakā yenāyasmā dhammiko tenupasaŋkamiɱsu. Upasaŋkamitvā āyasmantaɱ dhammikaɱ etadavocuɱ: "pakkamatu bhante āyasmā dhammiko imamhāpi āvāsā, alante idha vāsenāti. "

Atha kho āyasmā dhammiko tamhāpi āvāsā aññaɱ āvāsaɱ agamāsi. Tatrapi sudaɱ āyasmā dhammiko āgantuke bhikkhū akkosati paribhāsati, vihiɱsati, vitudati, roseti vācāya. Te ca āgantukā bhikkhū āyasmatā dhammikena akkosiyamānā paribhāsiyamānā vihesiyamānā vitudiyamānā rosiyamānā vācāya, pakkamanti, na saṇṭhahanti, riñcanti āvāsaɱ.

Atha kho jātibhūmakānaɱ upāsakānaɱ etadavosi: mayaɱ kho bhikkhu saŋghaɱ paccupaṭṭhitā cīvarapiṇaḍapātasenāsanagilānapaccayabhesajjaparikkhārena. Atha kho pana āgantukā bhikkhu pakkamanti na saṇṭhahanti riñcanti āvāsaɱ. Ko nu kho hetu, ko paccayo yena āgantukā bhikkhū pakkamanti na saṇṭhahanti riñcanti āvāsanti?
Atha kho jātibhūmakānaɱ upāsakānaɱ etadahosi: ayaɱ kho āyasmā dhammiko āgantuke bhikkhu akkosati, paribhāsati, vihaɱsati, vitudati, roseti vācāya. Roseti vācāya. Te ca āgantukā bhikkhū āyasmatā dhammikena akkosiyamānā paribhāsiyamānā vihesiyamānā vitudiyamānā rosiyamānā vācāya, pakkamanti na saṇṭhahanti [page 368] riñcanti āvāsaɱ. Yannūna mayaɱ āyasmantaɱ dhammikaɱ pabbājeyyāma sabbaso jātibhūmiyaɱ sattahi āvāsehī"ti.

Atha kho jātibhūmakā upāsakā yenāyasmā dhammiko tenupasaŋkamiɱsu. Upasaŋkamitvā āyasmantaɱ dhammikaɱ etadavocuɱ: "pakkamatu bhante āyasmā dhammiko sabbaso jātibhūmiyaɱ sattahi āvāsehī"ti.

Atha kho āyasmato dhammikassa etadahosi: "pabbājito khomhi. Jātibhūmakehi upāsakehi sabbaso jātibhūmiyaɱ sattahi āvāsehi, kahannūkhodāni gacchāmītī. " Atha kho āyasmato dhammikassa etadahosi: yannūnāhaɱ yena bhagavā tenupasaŋkameyyanti.

[BJT Page. 144]
Atha kho āyasmā dhammiko pattacīvaramādāya yena rājagahaɱ tena pakkāmi. Anupubbena yena rājagahaɱ yena gijjhakūṭo pabbato yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinnaɱ kho āyasmantaɱ dhammikaɱ bhagavā etadavoca:" handa kuto nu tvaɱ brāhmaṇa dhammika, āgacchasīti. Pabbājito ahaɱ hante jātibhūmakehi upāsakehi sabbaso jātibhūmiyaɱ sattahi āvāsehīti. " Alaɱ brāhmaṇa dhammika, kiɱ te iminā, yaɱ tvaɱ tato tato pabbājenti, so tvaɱ tato tato pabbājito mameva santikaɱ1 āgacchasi.

Bhūtapubbaɱ, brāhmaṇa dhammika, sāmuddikā vāṇijā tīradassiɱ sakuṇaɱ gahetvā nāvāya samuddaɱ ajjhogāhanti. Te atīradakkhiṇiyā nāvāya tīradassiɱ sakuṇaɱ muñcanti. So gacchateva puratthimaɱ disaɱ, gacchati pacchimaɱ disaɱ, gacchati uttaraɱ disaɱ, gacchati dakkhiṇaɱ disaɱ, gacchati uddhaɱ gacchati anudisaɱ. Sace so samantā tīraɱ passati, tathā gatakova hoti. Sace pana so samantā tīraɱ na passati, tameva nāvaɱ paccāgacchati. Evameva kho brāhmaṇa dhammika, yaɱ tvaɱ tato tato pabbājenti, so tvaɱ tato tato pabbājito mameva santikaɱ1 āgacchasi. [page 369]

Bhūtapubbaɱ, brāhmaṇa dhammika, rañño korabyassa suppatiṭṭho nāma nīgrodharājā ahosi pañcasākho sītacchāyo manoramo. Suppatiṭṭho kho pana brāhmaṇa dhammika, nigrodharājassa dvādasayojanāni abhiniveso ahosi, pañcayojanāni mulakasantānakānaɱ. Suppatiṭṭhassa kho pana brāhmaṇa dhammika, nigodharājassa tāva mahantāni phalāni ahesuɱ seyyathāpi nāma āḷhakathālikā, evamassa sāduni phalāni ahesuɱ seyyathāpi nāma khuddamadhuɱ anelakaɱ. 2 Suppatiṭṭhassa kho pana brāhmaṇa dhammika, nigrodharājassa ekaɱ khandhaɱ rājā paribhuñjati saddhiɱ itthāgārena. Ekaɱ khandhaɱ balakāyo paribhuñjati. Ekaɱ khandhaɱ negamajānapadā paribhuñjanti. Ekaɱ khandhaɱ samaṇabrāhmaṇā paribhuñjanti. Ekaɱ khandhaɱ migapakkino3 paribhuñjanti. Suppatiṭṭhassa kho pana brāhmaṇa dhammika nigrodharājassa na koci phalāni rakkhati. Na ca sudaɱ aññamaññassa phalāni hiɱsanti.

Atha kho brāhmaṇa dhammika, aññataro pūriso suppatiṭṭhassa nigrodharājassa yāvadatthaɱ phalāni bhakkhitvā sākhaɱ bhañjitvā pakkāmi. Atha kho brāhmaṇa dhammika, suppatiṭṭhe nigrodharāje adhivatthāya devatāya etadahosi: " acchariyaɱ vata bho, abbhūtaɱ vata bho, yāva pāpo manusso yatra hi nāma suppatiṭṭhassa nigrodharājassa yāvadatthaɱ phalāni bhakkhitvā sākhaɱ bhañjitvā pakkamissati, yannūna suppatiṭṭho nigrodharājā āyatiɱ phalaɱ na dadeyyā"ti. Atha kho brāhmaṇa dhammika, suppatiṭṭho nīgrodharājā āyatiɱ phalaɱ nādāsi.

1. Santike machasaɱ 2. Sīlakaɱ sīmu, 3. Migā pakkhiṇo machasaɱ,

[BJT Page 146]
Atha kho brāhmana dhammika, [page 370] rājā korabyo yena sakko dvonamindo tenupasaŋkami. Upasakamitvā sakkaɱ devānamindaɱ etadavoca: "yagghe mārisa, jāneyyāsi, suppatiṭṭho nigrodharājā phalaɱ na detī"ti.
Atha kho brāhmaṇa dhammika, sakko devānamindo tathārūpaɱ iddhābhisaŋkhāraɱ abhisaŋkhāsi yathābhusā vātavuṭṭhi āgantvā suppatiṭṭhaɱ nigrodharājaɱ pavattesi1 ummūlamakāsi.

Atha kho brāhmaṇa dhammika, suppatiṭṭhe nigrodharāje adhivatthā devatā dukkhī dummanā assumukhī rudamānā ekamantaɱ aṭṭhāsi.

Atha kho brāhmaṇa dhammika, sakko devānamindo yena suppatiṭṭhe nigrodharāje adhivatthā devatā tenupasaŋkami. Upasaŋkamitvā suppatiṭṭhe nigrodharāje adhivatthaɱ devataɱ etadavoca: "kinnu tvaɱ devate dukkhī dummanā assumukhī rudamānā ekamantaɱ ṭhitā"ti.

Tathā hi pana me mārisa, bhūsā vātavuṭṭhi āgantvā bhavanaɱ pavattesi1 ummulamakāsīti.
Api nu tvaɱ devate, rukkhadhamme ṭhitāya bhūsā vātavuṭṭhi āgantvā bhavanaɱ pavattesi1 ummūlamakāsīti. Kathaɱ pana mārisa rukkho rukkhadhamme ṭhito hotīti.

Idha devate, rukkhassa mūlaɱ mūlatthikā haranti, tacaɱ tacatthikā haranti, pattaɱ pattatthikā haranti, pupphaɱ pupphatthikā haranti, phalaɱ phalatthikā haranti. Na ca tena devatāya anattamanatā vā anabhiraddhi vā2 karaṇīyā. Evaɱ kho devate rukkho rukkhadhamme ṭhito hotīti.

Aṭṭhitāyeva kho me mārisa rukkhadhamme bhūsā vātavuṭṭhi āgantvā bhavanaɱ pavattesi3 ummulamakāsiti. Sace kho tvaɱ devate rukkhadhamme tiṭṭheyyāsi, siyā te bhavanaɱ yathāpureti. Ṭhassāmahaɱ [page 371] mārisa rukkhadhamme, hotu me bhavanaɱ yathāpūreti.

Atha kho brāhmaṇa dhammika, sakko devānamando tathārūpaɱ iddhābhisaŋkhāraɱ abhisaŋkhāsi, yathā bhūsā vātavuṭṭhi āgantvā suppatiṭṭhaɱ nigrodharājaɱ ussāpesi. Sacchavīni mūlāni ahesuɱ.

Evameva kho brāhmaṇa dhammika, api nū taɱ samaṇadhamme ṭhitaɱ jātabhūmakā upāsakā pabbājesuɱ sabbaso jātabhūmiyaɱ sattahi āvāsehīti. Kathaɱ pana bhante samaṇo samaṇadhamme ṭhito hotitī. Idha brāhmaṇa dhammika, samaṇo akkosantaɱ na paccakkosati. Rosentaɱ4 na paṭiroseti. Bhaṇḍantaɱ na paṭibhaṇḍati. Evaɱ kho brāhmaṇa dhammika, samaṇo samaṇadhamme ṭhito hotīti.

Aṭṭhitañañeva kho maɱ bhante samaṇadhamme jātibhūmakā upāsakā pabbājesuɱ sabbaso jātibhūmiyaɱ sattahī āvāsehīti.

1Pātesi simu. 2. Anabhinandi machasaɱ 3. Pātesi sīmu. 4. Rosattaɱmachasaɱ

[BJT Page. 148]
(1) Bhūtapubbaɱ brāhmaṇa dhammika, sunetto nāma satthā ahosi titthakaro kāmesu vītarāgo. Sunettassa kho pana brāhmaṇa dhammika, satthuno anekāni sāvakasatāni ahesuɱ. Sunetto satthā sāvakānaɱ brahmalokasahavyatāya dhammaɱ deseti. Ye kho pana brāhmaṇa dhammika, sunettassa satthuno brahmalokasahavyatāya dhammaɱ desentassa cittāni na pasādesuɱ, te kāyassa bhedā parammaraṇā apāyaɱ duggatiɱ vinipātaɱ nirayaɱ upapajjiɱsu. Yo kho pana brāhmaṇa dhammika, sunettassa satthuno brahmalokasahavyatāya dhammaɱ desentassa cittāni pasādesuɱ, te kāyassa bhedā parammaraṇā sugatiɱ saggaɱ lokaɱ upapajjiɱsu.

(2) Bhūtapubbaɱ brāhmaṇa dhammika, mūgapakkho nāma satthā ahosi titthakaro kāmesu vītarāgo. Mūgapakkhassa kho pana brāhmaṇa dhammika, satthuno anekāni sāvakasatāni ahesuɱ. Mūgapakkho satthā sāvakānaɱ brahmalokasahavyatāya dhammaɱ deseti. Ye kho pana brāhmaṇa dhammika, mūgapakkhassa satthuno brahmalokasahavyatāya dhammaɱ desentassa cittāni na pasādesuɱ, te kāyassa bhedā parammaraṇā apāyaɱ duggatiɱ vinipātaɱ nirayaɱ upapajjiɱsu. Ye kho pana brāhmaṇa dhammika, mūgapakkhassa satthuno brahmalokasahavyatāya dhammaɱ desentassa cittāni pasādesuɱ, te kāyassa bhedā parammaraṇā sugatiɱ saggaɱ lokaɱ upapajjiɱsu.

(3) Bhūtapubbaɱ brāhmaṇa dhammika, araṇemi nāma satthā ahosi titthakaro kāmesu vītarāgo. Araṇemino kho pana brāhmaṇa dhammika, satthuno anekāni sāvakasatāni ahesuɱ. Araṇemi satthā sāvakānaɱ brahmalokasahavyatāya dhammaɱ deseti. Ye kho pana brāhmaṇa dhammika, araṇemissa satthuno brahmalokasahavyatāya dhammā dentessa cittāni na pasādesuɱ, te kāyassa bhedā parammaraṇā apāyaɱ duggatiɱ vinipātaɱ nirayaɱ upapajjiɱsu. Ye kho pana brāhmaṇa dhammika, araṇemissa satthuno brahmalokasahavyatāya dhammaɱ desentassa cittāni pasādesuɱ, te kāyassa bhedā parammaraṇā sugatiɱ saggaɱ lokaɱ upapajjiɱsu.

(4) Bhūtapubbaɱ brāhmaṇa dhammika, kuddālako nāma satthā ahosi titthakaro kāmesu vītarāgo. Kuddālakassa kho pana brāhmaṇa dhammika, satthuno anekāni sāvakasatāni ahesuɱ. Kuddālako satthā sāvakānaɱ brahmalokasahavyatāya dhammaɱ deseti. Ye kho pana brāhmaṇa dhammika, kuddālakassa satthuno brahmalokasahavyatāya dhammaɱ dentessa cittāni na pasādesuɱ, te kāyassa bhedā parammaraṇā apāyaɱ duggatiɱ vinipātaɱ nirayaɱ upapajjiɱsu. Ye kho pana brāhmaṇa dhammika, kuddālakassa satthuno brahmalokasahavyatā dhammaɱ desentassa cittāni pasādesuɱ, te kāyassa bhedā parammaraṇā sugatiɱ saggaɱ lokaɱ upapajjiɱsu.

(5) Bhūtapubbaɱ brāhmaṇa dhammika, hatthipālo nāma satthā ahosi [page 372] titthakaro kāmesu vītarāgo. Hatthipālassa kho pana brāhmaṇa dhammika, satthuno anekāni sāvakasatāni ahesuɱ. Hatthipālo satthā sāvakānaɱ brahmalokasahavyatāya dhammaɱ deseti. Ye kho pana brāhmaṇa dhammika, hatthipālassa satthuno brahmalokasahavyatāya dhammaɱ dentessa cittāni na pasādesuɱ, te kāyassa hedā parammaraṇā apāyaɱ duggatiɱ vinipātaɱ nirayaɱ upapajjiɱsu. Ye kho pana brāhmaṇa dhammika, hatthipālassa satthuno brahmalokasahavyatāya dhammaɱ desentassa cittāni pasādesuɱ, te kāyassa bhedā parammaraṇā sugatiɱ saggaɱ lokaɱ upapajjiɱsu.

(6) Bhūtapubbaɱ brāhmaṇa dhammika, jotipālo nāma satthā ahosi titthakaro kāmesu vītarāgo. Jotipālassa kho pana brāhmaṇa dhammika, satthuno anekāni sāvakasatāni ahesuɱ. Jotipālo satthā sāvakānaɱ brahmalokasahavyatāya dhammaɱ deseti. Ye kho pana brāhmaṇa dhammika, jotipālassa satthuno brahmalokasahavyatāya dhammaɱ dentessa cittāni na pasādesuɱ, te kāyassa bhedā parammaraṇā apāyaɱ duggatiɱ vinipātaɱ nirayaɱ upapajjiɱsu. Ye kho pana brāhmaṇa dhammika, jotipālassa satthuno brahmalokasahavyatāya dhammaɱ desentassa cittāni pasādesuɱ, te kāyassa bhedā parammaraṇā sugatiɱ saggaɱ lokaɱ upapajjiɱsu.

Taɱ kiɱ maññasi brāhmaṇa dhammika, yo ime pi satthāre titthakare kāmesū vītarāge anekasataparivāre sasāvakasaŋghe paduṭṭhacitto akkāseyya, paribhāseyya, bahuɱ so apuññaɱ pasaveyyāti. Evaɱ bhante, yo kho brāhmaṇa dhammika, ime cha satthāre titthakare kāmesu vītarāge anekasataparivāre sasāvakasaŋghe duṭṭhacitto akkoseyya, paribhāseyya, bahuɱ so apuññaɱ pasaveyya, yo ekaɱ1 diṭṭhisampanna puggalaɱ paduṭṭhacitto akkosati paribhāsati, ayaɱ tato bahutaraɱ apuññaɱ pasavati. Taɱ kissa hetu?

Nāhaɱ brāhmaṇa dhammika, ito bahiddhā evarūpiɱ khantiɱ vadāmi yathā maɱ sabrahmacārīsu. Tasmātiha brāhmaṇa dhammika, evaɱ sikkhitabbaɱ " na no āmasabrahmacārisu2 cittāni paduṭṭhāni bhavissantīti. Evaɱ hi te brāhmaṇa dhammika, sikkhitabbanti. [page 373]

50. Sunetto mūgapakkho ca araṇemi ca brāhmaṇo
Kuddālako ahu satthā hatthipālo ca māṇavo.

51. Jotipālo ca govindo ahu satta purohito
Ahiɱsete3 atītaɱse cha satthāro yasassino,

52. Nirāmagandhā karuṇe vimuttā kāmasaññojanātigā
Kāmarāgaɱ virājetvā brahmalokūpagā ahu. 4

1 Ekaɱ simu. 2. Samasabrahamacārīsu machasaɱ. Nato sabrahmacārīsu sīmu, [pts]
3. Ahiɱsakā machasaɱ, sīmu, ahiɱsekā syā 4. Ahuɱ machasaɱ

[BJT Page. 150]

53. Ahesuɱ sāvakā tesaɱ anekāni satānipi
Nirāmagandhā karuṇe vimuttā kāmasaññojanātigā
Kāmarāgaɱ virājetvā brahmalokupagā ahu. 1

54. Ye te isī bāhirake vītarāge samāhite
Paduṭṭhamanasaŋkappo yo naro paribhāsati,

55. Bahuñca so pasavati apuññaɱ tādiso naro
Yo cekaɱ diṭṭhisampannaɱ bhikkhuɱ buddhassa sāvakaɱ,

56. Paduṭṭhamanasaŋkappo yo naro paribhāsati.
Ayaɱ tato bahutaraɱ apuññaɱ pasave naro.

57. Na sādhurūpaɱ āsīde diṭṭhiṭṭhānappahāyinaɱ
Sattamo puggalo eso ariyasaŋghassa vuccati.

58. Avītarāgo kāmesu yassa pañcindriyā mudu
Saddhā satī ca viriyaɱ samatho ca vipassanā.

59. Tādisaɱ bhikkhumāsajja2 pubbeca upahaññati.
Attānaɱ upahantvāna pacchā aññaɱ vihiɱsati.

60. Yo ca rakkhati attānaɱ rakkhito tassa bāhiro
Tasmā rakkheyya attānaɱ akkhato paṇḍito sadāti. [page 374]

Dhammikavaggo pañcamo.

Tassuddānaɱ:

Nāga migasālā iṇaɱ cundaɱ dveva sandiṭṭhikaɱ3
Khema indriyā ānanda khattiyā appamādena dhammikoti.

Paṭhamo paṇṇāsako.

1. Ahuɱ machasaɱ 4. Bhikkhuɱ āsajja sīmu 3. Cundaɱdve sandiṭhiṭaṭhikā duve machasaɱ.

[BJT Page. 152]

2. Dūtiyo paṇṇāsako.
Mahāvaggo.
6. 2. 1. 1.
(Soṇa suttaɱ)
1. Evamme sutaɱ ekaɱ samayaɱ bhagavā rājagahe viharati gijjhakūṭe pabbate. Tena kho pana samayena āyasmā soṇo rājagahe viharati sītavanasmiɱ.

Atha kho āyasmato soṇassa rahogatassa patisallīnassa evaɱ cetaso parivitakko udapādi: " ye kho keci bhagavato sāvakā āraddhaviriyā viharanti, ahaɱ tesaɱ aññataro. Atha ca pana me na anupādāya āsavehi cittaɱ vimuccati. Saɱvijjanti kho pana me kule bhogā. Sakkā bhoge ca bhuñjituɱ puññāni ca kātuɱ. Yannūnāhaɱ sikkhaɱ paccakkhāya hīnāyāvattitvā bhoge ca bhuñjeyyaɱ, puññāni ca kareyyanti.

Atha kho bhagavā āyasmato soṇassa cetasā ceto paricitakkamaññāya seyyathāpi nāma balavā puriso sammiñjitaɱ vā bāhaɱ pasāreyya pasāritaɱ vā bāhaɱ sammiñjeyya, eva mevaɱ1 gijjhakūṭe pabbate antarahito sītavane āyasmato soṇassa pamukhe pāturahosi. Nisīdi bhagavā paññatte āsane. Āyasmāpi kho soṇo bhagavantaɱ abhivādetvā ekamantaɱ nisīdi. Ekamantaɱ nisinnaɱ kho āyasmantaɱ soṇaɱ bhagavā etadavoca:
[page 375]
Nanū te soṇa, rahogatassa patisallīnassa evaɱ cetaso parivitakko udapādi: "ye kho keci bhagavato sāvakā āraddhaviriyā viharanti, ahaɱ tesaɱ aññataro, atha ca pana me na anupādāya āsavehi cittaɱ vimuccati. Saɱvijjanti kho pana me kule bhogā. Sakkā bhoge ca bhuñjituɱ puññāni ca kātuɱ. Yannūnāhaɱ sikkhaɱ paccakkhāya hīnāyāvattitvā bhoge ca bhuñjeyyaɱ, puññāni ca kareyyanti. "

Evaɱ bhante.
Taɱ kiɱ maññasi, soṇa kusalo tvaɱ pubbe agārikabhūto vīṇāya tantissareti.
Evaɱ bhante.
Taɱ kiɱ maññesi soṇa yadā te vīṇāya tantiyo accāyatā honti, api nu te vīṇā tasmiɱ samaye saravatī vā hoti, kammaññā vāti.

No hetaɱ bhante.

Taɱ kiɱ maññasi soṇa yadā te vīṇāya tantiyo atisithilā honti, api nu te vīṇā tasmiɱ samaye saravati vā hoti kammaññāvāti no hetaɱ bhante,

1. Evameva kho machasaɱ,

[BJT Page. 154]
Yadā pana te soṇa vīṇāya tantiyo na accāyatā honti na atisithilā, same guṇe patiṭṭhitā, api nu te vīṇā tasmiɱ samaye saravatī vā hoti kammaññā vāti.
Evambhante.

Evameva kho soṇa accāraddhaɱ viriyaɱ uddhaccāya saɱvattati. Atilīnaɱ viriyaɱ1 kosajjāya saɱvattati. Tasmātiha tvaɱ soṇa, viriyasamataɱ adhiṭṭhaha, indriyānaɱ ca samataɱ paṭivijjha, tattha ca nimittaɱ gaṇhāhīti.

"Evambhantetī kho āyasmā soṇo bhagavato paccassosi.
Atha kho bhagavā āyasmantaɱ soṇaɱ iminā ovādena ovaditvā soyyathāpi nāma balavā puriso sammiñjitaɱ vā bāhaɱ pasāreyya. Pasāritaɱ vā bāhaɱ sammiñjeyya, evameva kho sītavane antarahito gijjhakūṭe pabbate pāturahosi. [page 376]

Atha kho āyasmā soṇo aparena samayena viriyasamataɱ adhiṭṭhāsi indriyānañca samataɱ paṭivijjhi. Tattha ca nimittaɱ aggahesi. Atha kho āyasmā soṇo eko vūpakaṭṭho appamatto ātāpi pahitatto viharanto na cirasseva yassatthāya kulaputtā sammadeva agārasmā anagāriyaɱ pabbajanti, tadanuttaraɱ brahmacariyapariyosānaɱ diṭṭheva dhamme sayaɱ abhiññā sacchikatvā upasampajja vihāsi " khīṇā jāti, vusitaɱ brahmacariyaɱ, kataɱ karaṇīyaɱ, nāparaɱ itthattāyā"ti abbhaññāsi. Aññataro ca panāyasmā soṇo arahataɱ ahosi.

Atha kho āyasmato soṇassa arahattappattassa etadahosi: "yannūnāhaɱ yena bhagavā tenupasaŋkameyyaɱ, upasaŋkamitvā bhagavato santike aññaɱ vyākareyyanti". Atha kho āyasmā soṇo yena bhagavā tenupasaŋkami. Upasaŋgamitvā bhagavantaɱ abhivādevā ekamantaɱ nisīdi. Ekamantaɱ nisinno kho āyasmā soṇo bhagavantaɱ etadavoca:

Yo so bhante bhikkhū arahaɱ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaɱyojano sammadaññāvimutto, so cha ṭhānāni adhimutto hoti: nekkhammādhimutto hoti. Pavivekādhimutto hoti. Abyāpajjhādhimutto hoti. Taṇhakkhayādhimutto hoti. Upādānakkhayādhimutto hoti. Asammohādhimutto hoti.

(1) Siyā kho pana bhante, idh'ekaccassa āyasmato evamassa: "kevalaɱ saddhāmattakaɱ nūna ayamāyasmā nissāya nekkhammādhimutto"ti. Na kho panetaɱ bhante evaɱ daṭṭhabbaɱ. Khīṇāsavo bhante bhikkhū vusitavā. Katakaraṇīyo, karaṇīyaɱ attano asamanupassanto katassavā pativayaɱ, khayā rāgassa vitarāgattā nekkhammādhimutto hoti. Khayā dosassa vītadosattā nekkhammādhimutto hoti, khayā mohassa vītamohattā nekkhammādhimutto hoti. [page 377]

1. Atisithilaɱ viriya, machasaɱ,

[BJT Page 156]
(2) Siyā kho pana bhante, idh'ekaccassa āyasmato evamassa: "lābhasakkārasilokaɱ nūna ayamāyasmā nikāmayamāno pavivekādhi mutto"ti. Na kho panetaɱ bhante. Evaɱ daṭṭhabbaɱ. Khīṇāsavo bhante, bhikkhu vusitavā katakaraṇīyo, karaṇīyaɱ attano asamanupassanto katassa vā paticayaɱ, khayā rāgassa vītarāgattā pavivekādhimutto hoti, khayā dosassa vītadosattā pavivekādhimutto hoti, khayā mohassa vītamohattā pavivekādhimutto hoti.

(3) Siyā kho pana bhante, idh'ekaccassa āyasmato evamassa: sīlabbataparāmāsaɱ nūna ayamāyasmā sārato paccāgacchanto abyāpajjhādhimutto hoti. Na kho panetaɱ bhante, evaɱ daṭṭhabbaɱ. Khīṇāsavo bhante, bhikkhū vusitavā katakaraṇīyo, karaṇīyaɱ attano asamanupassanto katassa vā paticayaɱ, khayā rāgassa vītarāgattā abyāpajjhādhimutto hoti, khayā dosassa vītadosattā, abyāpajjhādhimutto hoti, khayā mohassa vītamohattā abyāpajjhādhimutto hoti.

(4) Na kho panetaɱ bhante, evaɱ daṭṭhabbaɱ. Bhīṇāsavo bhante, bhikkhū vusitavā katakaraṇīyo, karaṇīyaɱ attano asamanupassanto katassa vā paticayaɱ, khayā rāgassa vitarāgattā taṇhakkhayādhimutto hoti, khayā dosassa vītadosattā taṇhakkhayādhimutto hoti, khayā mohassa vītamohattā taṇhakkhayādhimutto hoti.

(5) Na kho panetaɱ bhante, evaɱ daṭṭhabbaɱ. Khīṇāsavo bhante, bhikkhū vusitavā katakaraṇīyo, karaṇīyaɱ attano asamanupassanto katassa vā paticayaɱ, khayā rāgassa vitarāgattā upādānakkhayādhimutto hoti, khayā dosassa vītadosattā upādānakkhayādhimutto hoti, khayā mohassa vītamohattā upādānakkhayādhimutto hoti.

(6) Na kho panetaɱ bhante, evaɱ daṭṭhabbaɱ. Khīṇāsavo bhante, bhikkhu vusitavā katakaraṇīyo, karaṇīyaɱ attano asamanupassanto katassa vā paticayaɱ, khayā rāgassa vītarāgattā asammohādhimutto hoti, khayā dosassa vītadosattā asammohādhimutto hoti, khayā mohassa vītamohattā asammohādhimutto hoti.

Evaɱ sammāvimuttacittassa, bhante, bhikkhuno bhūsā cepi cakkhuviññeyyā rūpā cakkhussa āpāthamāgacchanti, nevassa cittaɱ pariyādiyanti, amissīkatamevassa cittaɱ hoti, ṭhitaɱ āneñjappattaɱ. Vayañcassānupassati. [page 378] bhūsā cepi sotaviññeyyā saddā sotassa āpāthamāgacchanti, nevassa cittaɱ pariyādiyanti, amissīkatamevassa cittaɱ hoti, ṭhitaɱ āneñjappattaɱ, vayañcassānupassati.

Evaɱ sammāvimuttacittassa, bhante, bhikkhano bhūsā cepi chakkhūviññeyyā rūpā cakkhussa āpāthamāgacchantati, nevassa cittaɱ pariyādiyanti, amissīkatamevassa citaɱtaɱ hoti, ṭhitaɱ āneñjappattaɱ. Vayañcassānupassati. Ghānaviññeyyā gandhā ghānassa āpāthamāgacchanti, nevassa cittaɱ pariyādiyanti, amissīkatamevassa cittaɱ hoti, ṭhitaɱ āneñjappattaɱ, vayañcassānupassati.

Evaɱ sammāvimuttacittassa, bhante, bhikkhuno bhūsā cepi cakkhuviññeyyā rūpā cakkhussa āpāthamāgacchanti, nevassa cittaɱ pariyādiyanti, amissīkatamevassa cittaɱ hoti, ṭhitaɱ āneñjappattaɱ. Vayañcassānupassati. Jivhāviññeyyā rasā jīvhāya āpāthamāgacchanti, nevassa cittaɱ pariyādiyanti, amissīkatamevassa cittaɱ hoti, ṭhitaɱ āneñjappattaɱ, vayañcassānupassati.

Evaɱ sammāvimuttacittassa, bhante, bhikkhuno bhūsā cepi cakkhuviññeyyā rūpā cakkhussa āpāthamāgacchanti, nevassa cittaɱ pariyādiyanti, amissīkatamevassa cittaɱ hoti, ṭhitaɱ āneñjappattaɱ. Vayañcassānupassati. Kāyaviññeyyā phoṭṭhabbā kāyassa āpāthamāgacchanti, nevassa cittaɱ pariyādiyanti, amissīkatamevassa cittaɱ hoti, ṭhitaɱ āneñjappattaɱ, vayañcassānupassati.

Evaɱ sammāvimuttacittassa, bhante, bhikkhuno bhūsā cepi cakkhuviññeyya rūpā cakkhussa āpāthamāgacchanti, nevassa cittaɱ pariyādiyanti, amissīkatamevassa cittaɱ hoti, ṭhitaɱ āneñjappattaɱ. Vayañcassānupassati. Manoviññeyyā dhammā manassa āpāthamāgacchanti, nevassa cittaɱ pariyādiyanti, amissīkatamevassa cittaɱ hoti, ṭhitaɱ āneñjappattaɱ, vayañcassānupassati.

Seyyathāpi bhante selo pabbato acchiddo asusiro ekaghano. Atha puratthimāya cepi disāya āgaccheyya bhūsā vātavuṭṭhi neva taɱ saŋkampeyya, na sampakampeyya, na sampavedheyya, atha pacchimāya cepi disāya āgaccheyya bhūsā vātavuṭṭhi neva taɱ saŋkampeyya, na sampakampeyya, na sampavedheyya. Atha uttarāya cepi disāya āgaccheyya bhūsā vātavuṭṭha neva taɱ saŋkampeyya na sampakampeyya, na sampavedheyya, atha dakkhiṇāya cepi disāya āgacchayya bhūsā vātavuṭṭhi neva taɱ saŋkampeyya, na sampakampeyya, na sampavedheyya.

[BJT Page. 158]
Evameva kho bhante, evaɱ sammāvimuttacittassa bhikkhuno bhūsā cepi cakkhuviññeyyā rūpā cakkhussa āpāthamāgacchanti, nevassa cittaɱ pariyādiyanti. Amissīkatamevassa cittaɱ hoti ṭhitaɱ āneñjappattaɱ, vayaɱ vayaɱcassānupassati. Bhūsā cepi sotaviññeyyā saddā sotassa apāthamāgacchanti, nevassa citataɱ pariyādiyanti. Amissīkatamevassa cittaɱ hoti ṭhitaɱ āneñjappattaɱ, vayaɱcassānupassati.
Bhusā cepi ghāna viññeyyā gandhā ghānassa apāthamāgacchanti, nevassa cittaɱ pariyādiyanti. Amissīkatamevassa cittaɱ hoti ṭhitaɱ āneñjappattaɱ, vayaɱcassānupassati.

Bhūsā cepi jivhāviññeyyā rasā jivhassa apāthamāgacchanti, nevassa cittaɱ pariyādiyanti. Amissīkatamevassa cittaɱ hoti ṭhitaɱ aneñjappattaɱ, vayaɱcassānupassati.

Bhūsā cepi kāyaviññeyyā poṭṭhabbā kāyassa apāthamāgacchanti, nevassa cittaɱ pariyādiyanti. Amissīkatamevassa cittaɱ hoti ṭhitaɱ āneñjappattaɱ, vayaɱcassānupassati.

Bhūsā cepi manoviññeyyā dhammā manassa āpāthamāgacchanti, nevassa cittaɱ pariyādiyanti, amissīkatamevassa cittaɱ hoti ṭhitaɱ āneñajappattaɱ, vayaɱ cassānupassatī, ti.

61. Nekkhammaɱ adhimuttassa pavivekañca cetaso
Abyāpajjhādhimuttassa upādānakkhayassa ca.

62. Taṇhakkhayādhimuttassa asammohañca cetaso
Disvā āyatanuppādaɱ sammācittaɱ vimuccati.

63. Tassa sammāvimuttassa santacittassa bhikkhuno
Katassa paticayo natthi karaṇīyaɱ na vijjati. [page 379]

64. Selo yathā ekaghano vātena na samīrati
Evaɱ rūpā rasā saddā gandhā phassā ca kevalā.

65. Iṭṭhā dhammā aniṭṭhā ca nappavedhenti tādino.
Ṭhitaɱ cittaɱ vippamuttaɱ vayaɱcassānupassatī, ti.
6. 2. 1. 2.
(Phagaguṇasuttaɱ)
(Sāvatthinidānaɱ)
2. Tena kho pana samayena āyasmā egagaṇo ābādhiko hoti dukkhito bāḷhagilāno. Atha kho āyasmā ānando yena bhagavā tenupasaŋkami, upasaŋkamitvā bhavantaɱ abhivādetvā ekamantaɱ nisīdi. Ekamantaɱ nisinno kho āyasmā
Ānando bhagavantaɱ etadavoca:
"Āyasmā bhante phagguṇo ābādhiko dukkhito bāḷhagilāno, sādhū bhante bhagavā yenāyasmā phagguṇo tenupasaŋkamatu anukampaɱ upādāyā"ti. Adhivāsesi bhagavā tuṇhībhāvena.
Atha kho bhagavā sāyanhasamayaɱ patisallānā vuṭṭhito yenāyasmā phagguṇo tenupasaŋkami. Addasā kho āyasmā phagguṇo bhagantaɱ dūratova āgacchantaɱ. Disvāna mañcake samañcosi1 atha kho bhagavā āyasmanaɱ phagguṇaɱ etadavoca: alaɱ phagguṇa, mā tvaɱ mañcake samañcosi. Santimāni āsanāni pure 2 paññattāni, tatthāhaɱ nisīdissāmiti. Nisīdi bhagavā paññatte āsane. Nisajja kho bhagavā āyasmantaɱ phagguṇaɱ etadavoca:

"Kacci te phagguṇa khamanīyaɱ, kacci yāpanīyaɱ kacci dukkhā3 vedanā paṭikkamanti no abhikkamanti, paṭikkamosānaɱ paññāyati no abhikkamoti.

1. Samadhosi machasaɱ: samañcopi. Sīmu syā 2. Parehi machasaɱ. 3. Kacci te dukkhā machasaɱ.
[BJT Page. 160]
Na me bhante khamanīyaɱ, na yāpanīyaɱ, bāḷhā me dukkhā vedanā abhikkamanti no paṭikkamantī, abhikkamosānaɱ paññāyati no paṭikkamoti.
Seyyathāpi bhante, balavā puriso tiṇhena sikharena muddhānaɱ1 abhimantheyya2 evameva kho me bhante adhimattā vātā [page 380] muddhānaɱ hananti. Na me bhante khamanīyaɱ, na yāpanīyaɱ, bāḷhā me dukkhā vedanā abhikkamanti, no paṭikkamanti, abhikkamosānaɱ paññāyati no paṭikkamoti.

Seyyathāpi bhante balavā puriso daḷhena varattabandhena3 sīse sīsaveṭhanaɱ dadeyya, evameva kho me bhante, adhimattā sīse sīsa vedanā, na me bhante khamaṇīyaɱ, na yāpanīyaɱ, bāḷhā me dukkhā vedanā abhikkamanti, no paṭikkamanti, abhikkamosānaɱ paññāyati no paṭikkamoti.

Seyyathāpi bhante, dakkho goghātako vā goghātakantevāsi vā tiṇhena govikantanena kucchiɱ parikanteyya, evameva kho me bhante, adhimattā vātā kucchiɱ parikantanti. Na me bhante khamanīyaɱ, na yāpanīyaɱ, bāḷhā me dukkhā vedanā abhikkamanti, no paṭikkamanti, abhikkamosānaɱ paññāyati, no paṭikkamoti.

Seyyathāpi bhante, balavanto purisā dubbalataraɱ purisaɱ nānā bāhāsu gahetvā aŋgārakāsuyā santāpeyyuɱ paritāpeyyuɱ. 4 Evameva kho me bhante adhimatto kāyasmiɱ ḍāho. Na me bhante, khamanīyaɱ, na yāpanīyaɱ, bāḷhā me dukkhā vedanā abhikkamanti, no paṭikkamanti, abhikkamosānaɱ paññāyati, no paṭikkamoti.

Atha kho bhagavā āyasmantaɱ phagguṇaɱ dhammiyā kathāya sandassetvā samādapetvā samuttejetvā sampahaɱsetvā uṭṭhāyāsanā pakkāmi.

Atha kho āyasmā phagguṇo acirapakkantassa bhagavato kālamakāsi. Tamhi cassa samaye maraṇakāle indriyāni vippasīdiɱsu.

Atha kho āyasmā ānando yena [page 381] bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho āyasmā ānando bhagavantaɱ etadavoca: " āyasmā bhante phagguṇo acirapakkantassa bhagavato kālamakāsi. Tamhi cassa samaye maraṇakāle indriyāni vippasidiɱsūti.

Kiɱ hānanda phagguṇassa bhikkhuno indriyāni nappasīdissanti, phagguṇassa ānanda bhikkhuno pañcahi oramhāgiyehi saññojanehi cittaɱ avimuttaɱ ahosi. Tassa taɱ dhammadesanaɱ sutvā pañcahi oramhāgiyehi saññojanehi cittaɱ vimuttaɱ.

1. Muddhanī machasaɱ: 2. Abhimatteyya machasaɱ, sīmu. 3. Varantakkhaṇaḍena machasaɱ 4. Saɱparitāpeyyuɱ machasaɱ.

[BJT Page. 162]

Chayime ānanda ānisaɱsā kālena dhammasavaṇe, kālena atthūpaparikkhāya. Katame cha: (1) idhānanda bhikkhuno pañcahi oramhāgiyehi saññojanehi cittaɱ avimuttaɱ hoti. So tamhi samaye maraṇakāle labhati tathāgataɱ dassanāya. Tassa tathāgato dhammaɱ deseti: ādikalyāṇaɱ majjhekalyāṇaɱ pariyosānakalyāṇaɱ sātthaɱ savyañjanaɱ kevalaparipuṇṇaɱ parisuddhaɱ, brahmacariyaɱ pakāseti. Tassa taɱ dhammadesanaɱ sutvā pañcahi oramhāgiyehi saññājanehi cittaɱ vimuccati. Ayaɱ ānanda paṭhamo ānisaɱso kālena dhammasavaṇe.
(2) Puna ca paraɱ ānanda bhikkhuno pañcahi oramhāgiyehi saññojanehi cittaɱ avimuttaɱ hoti. So tamhi saye maraṇakālena heva kho labhati tathāgataɱ dassanāya, api ca kho tathāgatasāvakaɱ labhati dassanāya. Tassa tathāgatasāvako dhammaɱ deseti: ādikalyāṇaɱ majjhekalyāṇaɱpariyosānakalyāṇaɱ sātthaɱ savyañjanaɱ kevalaparipuṇṇaɱ parisuddhaɱ, brahmacariyaɱ pakāseti. Tassa taɱ dhammadenaɱ sutvā pañcahi oramhāgiyehi saɱyojanehi cittaɱ vimuccati. Ayaɱ ānanda dutiyo ānisaɱso kālena dhammasavaṇe. (3) Puna ca paraɱ ānanda bhikkhuno pañcahi [page 382] oramhāgiyehi saɱyojanehi cittaɱ avimuttaɱ hoti. So tamhi samaye maraṇakāle na heva kho labhati tathāgataɱ dassanāya, napi tathāgatasāvakaɱ labhati dassanāya. Api ca kho yathāsutaɱ yathāpariyattaɱ dhammaɱ cetasā anuvitakketi, anuvicāreti, manasānupekkhati. Tassa yathāsutaɱ yathāpariyattaɱ dhammaɱ cetasā anuvitakkayato anuvicārayato manasānupekkhato pañcahi oramhāgiyehi saɱyojanehi cittaɱ vimuccati. Ayaɱ ānanda tatiyo ānisaɱso kālena dhammasavaṇe kālena atthūpaparikkhāya.
(4) Idhānanda bhikkhuno pañcahi oramhāgiyehi saɱyojanehi cittaɱ vimuttaɱ hoti, anuttare ca kho upadhisaŋkaye cittaɱ avimuttaɱ hoti. So tamhi samaye maraṇakāle labhati tathāgataɱ dassanāya, tassa tathāgato dhamma1 deseti: ādikalyāṇaɱ majjhekalyāṇaɱ pariyosānakalyāṇaɱ sātthaɱ savyañjanaɱ kevalaparipuṇṇaɱ parisuddhaɱ, brahmacariyaɱ pakāseti. Tassa taɱ dhammadesanaɱ sutvā anuttare kho upadhisaŋkaye cittaɱ vimuccati. Ayaɱ ānanda catuttho ānisaɱso kālena dhammasavaṇe.

(5) Puna ca paraɱ ānanda bhikkhuno pañcahi oramhāgiyehi saɱyojanehi cittaɱ vimuttaɱ hoti. Anuttare ca kho upadhisaŋkaye cittaɱ avimuttaɱ hoti so tamhi samayehi maraṇakāle na heva kho labhati tathāgataɱ dassanāya, api ca kho tathāgatasāvakaɱ labhati dassanāya. Tassa tathāgata sāvako dhammaɱ deseti: ādikalyāṇaɱ majjhekalyāṇaɱ pariyosānakalyāṇaɱ sātthaɱ savyañjanaɱ kevalaparipuṇṇaɱ parisuddhaɱ brahmacariyaɱ pakāseti tassa taɱ dhammadesanaɱ sutvā anuttare upadhisaŋkaye cittaɱ vimuccati. Ayaɱ ānanda pañcamo ānisaɱso kālena dhammasavaṇe.

[BJT Page 164]
(6) Puna ca paraɱ ānanda bhikkhuno pañcahi oramhāgiyehi sayojanehi [page 383] cittaɱ vimuttaɱ hoti. Anuttare ca kho upadhisaŋkaye cittaɱ avimuttaɱ hoti. So tamhi samaye maraṇakāle na heva kho labhati tathāgataɱ dassanāya, napi tathāgatasāvakaɱ labhati dassanāya. Api ca kho yathāsutaɱ yathāpariyattaɱ dhammaɱ cetasā anuvitakketi anuvicāreti manasānupekkhati. Tassa yathāsutaɱ yathāpariyattaɱ dhammaɱ cetasā anuvitakkayato anuvicārayato manasānupekkhato anuttare upadhisaŋkhaye cittaɱ vimuccatī. Ayaɱ ānanda chaṭṭo ānisaɱso kālena dhammasavaṇe kālena atthūpaparikkhāya.

Ime kho ānanda cha ānisaɱsā kālena dhammasavaṇe kālena atthūpaparikkhāyāti.
6. 2. 1. 3.
(Chaḷābhijāti suttaɱ)
3. Ekaɱ samayaɱ bhagavā rajagahe viharati gijjhakūṭe pabbate. Atha kho āyasmā ānando yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho āyasmā ānando bhagavantaɱ etadavoca:

Pūraṇena bhante kassapena chaḷābhijātiyo1 paññattā:kaṇhābhijāti paññattā, nīlābhijāti paññattā, lohitābhijāti paññattā, haliddāhijāti paññatatā, sukkābhijāti paññattā, paramasukkābhijāti paññattā.

(1) Tatiradaɱ bhante puraṇena kassapena kaṇhābhijāti paññattā:orabhikā sūkarikā sākuṇikā māgavikā luddā macchaghātakā corā coraghātakā bandhanāgārikā, ye vā panaññepi keci kurūrakammantā.
(2) Tatiradaɱ bhante pūraṇena kassapena nīlābhijāti paññattā: bhikkhū kaṇṭakavuttikā, ye vā panaññepi keci cammavādā kiriyavādā.
(3) Tatiradaɱ bhante pūraṇena kassapena lohitābhijāti paññattā: nigaṇṭhā 384 ekasāṭakā. (4) Tatiradaɱ bhante pūraṇena kassapena haḷiddābhijāti paññattā: gihī odātavasanā acelakasāvakā.
(5) Tatiradaɱ bhante pūraṇena kassapena sūkkābhijāti paññattā: ājivakā ājivikiniyo. 2
(6) Tatiradaɱ bhante pūraṇena kassapena paramasukkābhijāti paññattā: nando vaccho kiso saŋkicco makkhaligosālo.
Pūraṇena bhante kassapena imā chaḷābhijātiyo paññattātī.
Kimpana ānanda pūraṇassa kassapassa sabbo loko etadabhanujānāti imā chaḷābhijātiyo paññāpetuntī?
No hetaɱ bhante.

1. Chalabhijātiyo machasaɱ, 2. Ājivakiniyo machasaɱ,

[BJT Page. 166]
Seyyathāpi ānanda puriso daḷiddo assako anāḷhiyo, 1 tassa akāmakassa bilaɱ olaggeyyuɱ " idaɱ te ambho purisa maɱsaɱ ca khāditabbaɱ mulañca anuppadātabbanti".
Evameva kho ānanda pūraṇena kassapena appaṭiññāya etesaɱ samaṇabrāhmaṇānaɱ imā chaḷābhijātiyo paññattā yathā taɱ bālena avyattena akhettaññunā akusalena.

Ahaɱ kho panānanda chaḷābhijātiyo paññāpemi. Taɱ suṇāhi sādhukaɱ manasikarohi, bhāsissāmiti.
"Evaɱ bhante, ti kho āyasmā ānando bhagavato paccassosi. " Bhagavā etadavoca: katamā cānanda chaḷābhijātiyo:
Idhānanda ekacco kaṇhābhijātiyo sāno kaṇhaɱ dhammā abhijāyati. Idha panānanda ekacco kaṇhābhijātiyo samāno sukkaɱ dhammaɱ abhijāyati. Idha panānanda ekacco kaṇhābhijātiyo samāno akaṇhaɱ asukkaɱ nibbānaɱ abhijāyati. Idha panānanda ekacco [page 385] sukkābhijātiyo sāmāno kaṇhaɱ dhammaɱ abhijāyati. Idha panānanda ekacco sukkābhijātiyo samāno sukkaɱ dhammaɱ abhijāyati. Idha panānanda ekacco sukkābhijātiyo samāno akaṇhaɱ asukkaɱ nibbānaɱ abhijāyati.

(1) Kadhaɱ cānanda kaṇhābhijātiyo samāno kaṇhaɱ dhammaɱ abhijāyati: idha panānanda ekacco nīce kule paccājāto hoti caṇḍāla kule vā nesādakule vā veṇakule vā rathakārakale vā pukkusa kule vā, daḷidde appannapānabhojane kasiravuttike yattha kasirena ghāsacchādo labbhati. So ca hoti dubbaṇṇo duddasiko okoṭimako, bavhābādho kāṇo vā kuṇī vā khañjo vā pakkhahato vā, na lābhī annassa pānassa vatthassa yānassa mālāgandhavilepanassa seyyāvasathapadipeyyassa. So kāyena duccaritaɱ carati. Vācāya duccaritaɱ carati. Manasā duccaritaɱ carati. So kāyena duccaritaɱ caritvā vācāya duccaritaɱ caritvā kāyassa bhedā parammaraṇā apāyaɱ duggatiɱ vinipātaɱ nirayaɱ upapajjati. Evaɱ kho ānanda kaṇhābhijātiyo samāno kaṇhaɱ dhammaɱ abhijāyati.

(2) Kathaɱ cānanda kaṇhābhijātiyo samāno sukkaɱ dhammaɱ abhijāyati. Idhānanda ekacco nīce kule paccājāto hoti. Caṇḍāla kule vā nesādakule vā veṇakule vā rathakārakule vā pukkusa kule vā daḷidde appannapānabhojane kasiravuttike yattha kasirena ghāsacchādo labbhati, so ca hoti dubbaṇṇo dubbaṇṇo duddasiko okoṭimako, bavhābādho kāṇo vā kuṇī vā khañjo vā pakkhahato vā, na lābhī annassa pānassa vatthassa yānassa mālāgandhavilepanassa seyyāvasathapadīpeyyassa. So kāyena sucaritaɱ carati vācāya sucaritaɱ carati. Manasā sucaritaɱ carati. So kāyena sucaritaɱ caritvā vācāya sucaritaɱ caritvā manasā sucaritaɱ caritvā kāyassa bhedā parammaraṇā sugatiɱ saggaɱ lokaɱ upapajjati. Evaɱ kho ānanda kaṇhābhijātiyo samāno sukkaɱ dhammaɱ abhijāyati.

1. Anāḷhiko sīmu,
[BJT Page. 168]
(3) Kathaɱ cānanda kaṇhābhijātiyo samāno akaṇhaɱ asukkaɱ nibbānaɱ abhijāyati. Idhānanda ekacco nīce kule paccājāto hoti caṇḍālakule vā nesādakule vā veṇakule vā rathakārakule vā pukkusa kule vā, daḷiddo appannapānabhojane kasiravuttike yattha kasirena ghāsacchādo labbhati. So ca hoti dubbaṇṇo duddasiko [page 386] okoṭimako bavhābādho kāṇo vā kuṇī vā khañjo vā pakkhabhato vā. Na lābhī annassa pānassa vatthassa yānassa mālāgandhavilepanassa seyyāvasathapadipeyyassa. So kesamassaɱ ohāretvā kāsāyāni vatthāni acchādetvā agārasmā anagāriyaɱ pabbajati. So evaɱ pabbajito samāno pañcanīvaraṇe pahāya cetaso upakkilese paññāya dubbalīkaraṇe, catusu satipaṭṭhānesu suppatiṭṭhitacitto sattabojjhaŋge yathābhūtaɱ bhāvetvā akaṇhaɱ asukkaɱ nibbānaɱ abhijāyati. Evaɱ kho ānanda kaṇhābhijātiyo samāno akaṇhaɱ asukkaɱ nibbānaɱ abhijāyati.
(4) Kathañcānanda sukkābhijātiyo samāno kaṇhaɱ dhammaɱ abhijāyati: idhānanda ekacco ucce kule paccājāto hoti: khattiyamahā sārakule vā brāhmaṇamahāsārakule vā gahapatimahāsārakule vā aḍḍhe mahaddhane mahābhoge pahūtajātarūparajate pahūtavittūpakaraṇe pahūtadhanadhaññe. So ca hoti abhirūpo dassanīyo pāsādiko paramāya vaṇṇapokkharatāya samannāgato, lābhī annassa pānassa vatthassa yānassa mālāgandhavilepanassa seyyāvasathapadīpeyyassa. So kāyena duccaritaɱ carati, vācāya duccaritaɱ carati, manasā duccaritaɱ carati. So kāyena duccaritaɱ caritvā vācāya duccaritaɱ caritvā manasā duccaritaɱ caritvā kāyassa bhedā parammaraṇā apāyaɱ duggatiɱ vinīpātaɱ nirayaɱ upapajjati. Evaɱ kho ānanda sukkābhijātiyo samāno kaṇhaɱ dhammaɱ abhijāyati.
(5) Kathañcānanda sukkābhijātiyo samāno sukkaɱ dhammaɱ abhijāyati: idhānanda ekacco puggalo ucce kule paccājāto hoti. Khattiyamahāsārakule vā brāhmaṇamahāsārakule vā gahapatimahāsārakule vā aḍḍhe mahaddhane mahāhoge pahutajātarūparajate pahutavittupakaraṇe pahutadhanadhaññe. So ca hoti abhirūpo dassanīyo pāsādiko paramāya vaṇṇapokkharatāya samannāgato, lābhī annassa pānassavatthassa yānassa mālāgandhavilepanassa yyovasathapadīpeyyassa. So kāyena sucaritaɱ carati, vācāya sucaritaɱ carati, manasā sucaritaɱ carati. So kāyena sucaritaɱ caritvā vacāya sucaritaɱ caritvā manasā sucaritaɱ caritvā kāyassa bhedā parammaraṇā sugatiɱ saggaɱ lokaɱ upapajjati. Evaɱ kho ānanda sūkkābhijātiyo samāno sukkaɱ dhammaɱ abhijāyati.

(6) Kathaɱ cānanda sukkābhijātiyo samāno akaṇhaɱ asukkaɱ nibbānaɱ abhijāyati: [page 387] idhānanda ekacco puggalo ucce kule paccājāto hoti: khattīya mahāsārakule vā brāhmaṇamahāsāra kule vā gahapatimahāsārakule vā aḍḍhe mahaddhane mahābhoge pahūtajātarūparajate pahūtavittupakaraṇe pahūtadhanadhaññe. So ca hoti abhirūpo dassanīyo pāsādiko paramāya vaṇṇapokkharatāya samannāgato, lābhī annassa pānassa vatthassa yānassa mālāgandhavilepanassa seyyāvasathapadīpeyyassa. So kesamassuɱ ohāretvā kāsāyāni vatthāni acchādetvā āgārasmā anagāriyaɱ pabbajati. So evaɱ pabbajito samāno pañcanivarane pahāya cetaso upakkilese paññāya dubbalīkaraṇe, catusu satipaṭṭānesu supatiṭṭhitacitto sattabojjhaŋge yathābhūtaɱ bhāvetvā akaṇhaɱ asukkaɱ nibbānaɱ abhijāyati. Evaɱ kho ānanda sukkābhijātiyo samāno akaṇhaɱ asukkaɱ nibbānaɱ abhijāyati.
Imā kho ānanda chalābhijātiyoti.

[BJT Page 170]
6. 2. 1. 4
(Āsavasuttaɱ)
(Sāvatthinidānaɱ)
4. Chahi bhikkhave dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraɱ puññakkhettaɱ lokassa. Katamehi chahī?

Idha bhikkhave bhikkhūno ye āsavā saɱvarā pahātabbā, te āsavā saɱvarena pahīnā honti. Ye āsavā paṭisevanā pahātabbā, te āsavā paṭisevanāya pahīnā honti. Ye āsavā adhivāsanā pahātabbā, te āsavā adhivāsanāya pahīnā honti. Ye āsavā parivajjanā pahātabbā, te āsavā parivajjanāya pahīnā honti. Ye āsavā vinodanā pahātabbā, te āsavā vinodanāya pahīnā honti. Ye āsavā bhāvanā pahātabbā, te āsavā bhāvanāya pahīnā honti.

(1) Katame ca bhikkhave āsavā saɱvarā pahātabbā ye saɱvarena pahīnā honti: idha bhikkhave bhikkhū paṭisaŋkhā yoniso cakkhūndriyasaɱvarasaɱvuto viharati. Yaɱ hissa bhikkhave cakkhūndriyasaɱvaraɱ asaɱvutassa viharato uppajjeyyuɱ [page 388] āsavā vighātapariḷābhā, cakkhūndriyasaɱvarasaɱvutassa1 viharato evaɱsa te āsavā vighātapariḷāhā na honti. Paṭisaŋkhā yoniso sotindriya saɱvara saɱvuto viharati. Yaɱ hissa bhikkhave sotindriya saɱvaraɱ asaɱvutassa viharato uppajjeyyuɱ āsavā vighātapariḷāhā sotindriya saɱvara1 saɱvutassa viharato evaɱsa te āsavā vighātapariḷāhā na honti. Paṭisaŋkhā yoniso sotindriya saɱvara saɱvuto viharati. Yaɱ hissa bhikkhave sotindriya asaɱvutassa viharato uppajjeyyuɱ āsavā vighātapariḷāhā, sotindriya saɱvara1 saɱvutassa viharato evaɱsa te āsavā vighātapariḷāhā na honti. Paṭisaŋkā yonisoghānindriya saɱvara saɱvuto viharati, yaɱ hissa bhikkhave ghānindriya saɱvaraɱ asaɱvutassa viharato uppajjeyyuɱ āsavā vighātapariḷāhā, ghānindriyasaɱvara1 saɱvutassa viharato evaɱsa te āsavā vighātapariḷāhā na honti. Paṭisaŋkā yoniso jivahindriya saɱvara saɱvuto viharati. Yaɱ hissa bhikkhave jivahindriya saɱvaraɱ asaɱvutassa viharato evaɱsa te āsavā vighātapariḷāhā na honti. Paṭisaŋkhā yoniso kāyindriyasaɱvara saɱvuto viharati. Yaɱ bhissa bhikkhave kāyindriyasaɱvara asaɱvutassa viharato uppajjeyyuɱ āsavā vighātapariḷāhā, kāyindriyasaɱvara saɱvutassa viharato evaɱsa te āsavā vighātapariḷāhā na honti. Paṭisaŋkhā yoniyomaninadriyasaɱvara saɱvuto viharati. Yaɱ bhissa bhikkhave manindriyasaɱvaraasaɱvutassa viharato uppajjeyyuɱ āsavā vighātapariḷāhā, manindriyasaɱvara saɱvutassa viharato evaɱsa te āsavā vighātapariḷāhā na honti. Yaɱ hissa bhikkhave saɱvaraɱ asaɱvutassa viharato uppajjeyyuɱ āsavā vighātapariḷāhā, saɱvaraɱ saɱvutassa viharato evaɱsa te āsavā vighātapariḷāhā na honti.

Ime vuccanti bhikkhave āsavā saɱvarā pahātabbā yesaɱvarena pahīnā honti.
Katame ca bhikkhave āsavā saɱvarā pahātabbā ye saɱvarena pahīnā honti: idha
Bhikkhave bhikkhū paṭisaŋkhā yoniso cakkhūndriyasaɱvarasaɱvuto viharati. Yaɱ hissa bhikkhave cakkhūndriyasaɱvaraɱ asaɱvutassa viharato uppajjeyyuɱ āsavā vighātapariḷābhā, cakkhūndriyasaɱvarasaɱvutassa viharato evaɱsa te āsavā vighātapariḷāhā na honti. Paṭisaŋkhā yoniso ghānindriya saɱvara saɱvuto viharati. Yaɱ hissa bhikkhave ghānindri saɱvaraɱ asaɱvutassa viharato uppajjeyyuɱ āsavā vighātapariḷāhā ghāninadriya saɱvara1 saɱvutassa viharato evaɱsa te āsavā vighātapariḷāhā na honti.

(2) Katame ca bhikkhave āsavā saɱvarā pahātabbā ye saɱvarena pahīnā honti: idha bhikkhave bhikkhū paṭisaŋkhā yoniso cakkhūndriyasaɱvarasaɱvuto viharati. Yaɱ hissa bhikkhave cakkhūndriyasaɱvaraɱ asaɱvutassa viharato uppajjeyyuɱ āsavā vighātapariḷābhā, cakkhūndriyasaɱvarasaɱvutassa viharato evaɱsa te āsavā vighātapariḷāhā na honti. Paṭisaŋkhā yoniso jivhindriya saɱvara saɱvuto viharati. Yaɱ hissa bhikkhave jivhindriya saɱvaraɱ asaɱvutassa viharato uppajjeyyuɱ āsavā vighātapariḷāhā jivhindriya saɱvara1 saɱvutassa viharato evaɱsa te āsavā vighātapariḷāhā na honti.

Katame ca bhikkhave āsavā saɱvarā pahātabbā ye saɱvarena pahīnā honti: idha bhikkhave bhikkhū paṭisaŋkhā yoniso cakkhūndriyasaɱvarasaɱvuto viharati. Yaɱ hissa bhikkhave cakkhūndriyasaɱvaraɱ asaɱvutassa viharato uppajjeyyuɱ āsavā vighātapariḷābhā, cakkhūndriyasaɱvarasaɱvutassa viharato evaɱsa te āsavā vighātapariḷāhā na honti. Paṭisaŋkhā yoniso kāyindriyasaɱvara saɱvuto viharati. Yaɱ hissa bhikkhave kāyindriyasaɱvaraɱ asaɱvutassa viharato uppajjeyyuɱ āsavā vighātapariḷāhā kāyindriyasaɱvara1 saɱvutassa viharato evaɱsa te āsavā vighātapariḷāhā na honti.

Katame ca bhikkhave āsavā saɱvarā pahātabbā ye saɱvarena pahīnā honti: idha bhikkhave bhikkhū paṭisaŋkhā yoniso cakkhūndriyasaɱvarasaɱvuto viharati. Yaɱ hissa bhikkhave cakkhūndriyasaɱvaraɱ asaɱvutassa viharato uppajjeyyuɱ āsavā vighātapariḷābhā, cakkhūndriyasaɱvarasaɱvutassa viharato evaɱsa te āsavā vighātapariḷāhā na honti. Paṭisaŋkhā yoniso manindriya saɱvara saɱvuto viharati. Yaɱ hissa bhikkhave manīndriya
Saɱvaraɱ asaɱvutassa viharato uppajjeyyuɱ āsavā vighātapariḷāhā manindriya saɱvara saɱvutassa viharato evaɱsa te āsavā vighātapariḷāhā na honti. Yaɱ bhikkhave saɱvaraɱ asaɱvutassa viharato uppajjeyyuɱ āsavā vighātapariḷāhā, taɱvaraɱ saɱvutassa viharato evaɱsa te āsavā vighātapariḷāhā na honti. Ime vuccanti bhikkhave āsavā saɱvarā pahātabbā ye saɱvarena pahinā honti.

(2) Katame ca bhikkhave āsavā paṭisevanā pahātabbā ye paṭisevanāya pahīnā honti: idha bhikkhave bhikkhū paṭisaŋkhā yoniso cīvaraɱ paṭisevati: yāvadeva sītassa paṭighātāya, uṇhassa paṭighātāya, ḍaɱsamakasavātātapasiriɱsapasamphassānaɱ2 paṭighātāya, yāvadeva hirikopina paṭicchādanatthaɱ

1Cakkhundriya saɱvaraɱ machasaɱ 2. Sarisapasamphassānaɱ machasaɱ.

[BJT Page 172]
Paṭisaŋkhā yoniso piṇḍapātaɱ paṭisevati: neva davāya, na madāya, na maṇḍanāya, na vibhūsanāya, yāvadeva imassa kāyassa ṭhitiyā yāpanāya vihiɱsūparatiyā, brahmacariyānuggahāya. Iti pūrāṇañca vedanaɱ paṭihaŋkhāmi, nacañca vedanaɱ na uppādessāmi. Yātrāva me bhavissati anavajjatā ca phāsuvihāro cāti.

Paṭisaŋkā yoniso senāsanaɱ paṭisevati: yāvadeva sītassa paṭighātāya, uṇhassa paṭighātāya, ḍaɱsamakasavātātapasiriɱsapasamphassānaɱ paṭighātāya, yāvadeva utuparissaya vinodanaɱ paṭisallānārāmatthaɱ

Paṭisaŋkhā yoniso gilānapaccayabhesajjaparikkhāraɱ paṭisevati: yāvadeva uppannānaɱ veyyābādhikānaɱ vedanānaɱ paṭighātāya, abyāpajjhaparamatāyāti. [page 389]

Yaɱ hissa bhikkhave appaṭisevato1 uppajjeyyuɱ āsavā vighāta pariḷāhā, paṭisevato2evaɱsa te āsavā vighātapariḷāhā na honti.

Ime vuccanti bhikkhave āsavā paṭisevanā pahātabbā ye paṭisevanāya pahīnā honti,
(3) Katameca bhikkhave āsavā adhivāsanā pahātabbā ye adhivāsanā pavinā honti: idha bhikkhave bhikkhu paṭisaŋkhā yoniso khamo hoti sītassa uṇhassa jighacchāya pipāsāya ḍaɱsamakasavātātapasiriɱsapasamphassānaɱ, duruttānaɱ durāgatānaɱ vacanapathānaɱ, uppannānaɱ sārīrikānaɱ vedanā naɱ dukkhānaɱ tippānaɱ3kharānaɱ kaṭukānaɱ asātānaɱ amanāpānaɱ, pāṇaharānaɱ adhivāsakajātiko hoti. Yaɱ hissa bhikkhave anadhivāsayato. Uppajjeyyuɱ āsavā vighātapariḷāhā, adhivāsayato4 evaɱsa te āsavā vighātapariḷāhā na honti. Ime vuccanti bhikkhave āsavā adhivāsanā pahātabbā ye adhivāsanāya5pahīnā vontī.

(4) Katame ca bhikkhave āsavā parivajjanā pahātabbā ye parivajjanāya pahīnā honti: idha bhikkhave bhikkhū paṭisaŋkhā yoniso caṇḍaɱ hatthiɱ parivajjeti. Caṇḍaɱ assaɱ parivajjeti. Caṇḍaɱ goṇaɱ parivajjeti. Caṇḍaɱ kukkuraɱ parivajjeti ahiɱ khāṇuɱ kaṇṭakādhānaɱ6 sobbhaɱ papātaɱ candanikaɱ oligallaɱ. Yathārūpe anāsane nisinnaɱ, yathārūpe agocare carantaɱ, yathārūpe pāpake mitte bhajantaɱ, viññū sabrahmacārī pāpakesu ṭhānesu okappeyyuɱ, so taɱ ceva anāsanaɱ taɱ ca7 agocaraɱ te ca pāpake mitte paṭisaŋkhā yoniso parivajjeti. Yaɱ hissa bhikkhave aparivajjayato uppajjayato uppajjeyyuɱ āsavā vighātapariḷāhā, parivajjayato evaɱsa te āsavā vighātapariḷāhā na honti. [page 390] ime vuccanti bhikkhave āsavā parivajjanā pahātabba, ye parivajjanāya pahīnā honti.

1. Appaṭisevayato sīmu 2. Paṭisevayato sīmu. 3. Tibbānaɱmachasaɱ
4. Adhivāsato machasaɱ 5. Adhivāsanā sabbantha. 6. Naṇṭakaṭṭhānaɱ majasaɱ syā kaṇṭakaṭhānaɱ. 7. Sotaɱca anāsanaɱ machasaɱ

[BJT Page. 174]

(5) Katame ca bhikkhave āsavā vinodanā pahātabbā ye vinodanāya pahīṇā honti. Idha bhikkhave bhikkhū paṭisaŋkhā yoniso uppannaɱ kāmavitakkaɱ, nādhivāseti, pajahati vinodeti byantikaroti anabhāvaɱ gameti. Paṭisaŋkhā yoniso uppannaɱ byāpādavitakkaɱ idha bhikkhave bhikkhu paṭisaŋkhā yoniso uppannaɱ vihiɱsāvikkaɱ, nādhivāseti, pajahati vinodeti byāntikaroti anabhāvaɱ gameti paṭisaŋkhā yoniso uppannaɱ byāpādavitakkaɱ idha bhikkhave bhikkhu paṭisaŋkhā yoniso uppannuppanne pāpake akusale dhamme nādhivāseti pajahati vinodeti, byantikaroti, anabhāvaɱ gameti. Yaɱ hissa bhikkhave avinodayato uppajjeyyuɱ āsavā vighātapariḷāhā vinodayato evaɱsa te āsavā vighātapariḷāhā na honti. Ime vuccanti bhikkhave āsavā vinodanā pahātabbā ye vinodanāya pahīnā vonti.

(6) Katame ca bhikkhave āsavā bhāvanāya pahātabrabā ye bāvanāya pahīṇā honti: idha bhikkhave bhikkhū paṭisaŋkhā yoniso satisambojjhaŋghaɱ bhāveti vivekanissitaɱ virāganissitaɱ nirodhanissitaɱ vossaggaparināmiɱ. Idha bhikkhave bhikkhu paṭisaŋkhā yoniso sammavicayasambojjhaŋgaɱ bhāveti vivekanissitaɱ virāganissitaɱ nirodhanissitaɱ vossaggaparināmi. Idha bhikkhave bhikkhu paṭisaŋkhā yoniso vīriyasambojjhāŋgaɱ bhāveti vivekanissitaɱ virāganissitaɱ nirodhanissitaɱ vossaggaparināmi. Idha bhikkhave bhikkhu paṭisaŋkhā yoniso pītisambojjhaŋgaɱ hāveti vivekanissitaɱ virāganissitaɱ nirodhanissitaɱ vossaggaparināmi. Idha bhikkhave bhikkhu paṭisaŋkhā yoniso passaddhisambojjhaŋgaɱ bhāveti vivekanissitaɱ virāganissitaɱ nirodhanissitaɱ vossaggaparināmiɱ. Idha bhikkhave bhikkhu paṭisaŋkhā yoniso samādhisambojjhaŋgaɱ bhāveti vivekanissitaɱ virāganissita1 nirodhanissitaɱ vossaggaparināmi. Idha bhikkhave bhikkhu paṭisaŋkhā yoniso upekkhāsambojjhaŋgaɱ bhāveti vivekanissitaɱ virāganissitaɱ nirodhanissitaɱ vossaggaparināmiɱ. Yaɱ hissa bhikkhave abhāvayato uppajjeyyuɱ āsavā vighātapariḷāhā bhāvayato evaɱsa te āsavā vighātaparisāhā na honti. Ime vuccanti bhikkhave āsavā bhāvanā pahātabbā ye bhāvanāya pahīnā honti.

Imehi pakhā bhikkhave chahi dhammehi samannāgato bhikkhu āhuneyyo hoti pāhuneyyo dakkhiṇeyyo añjalikaraṇīyo anuttaraɱ puññakkhettaɱ lokassāti. [page 391]

6. 2. 1. 5
(Dārukammika suttaɱ)
5. Evaɱ me sutaɱ ekaɱ samayaɱ bhagavā nādike viharati giñjakāvasathe. Atha kho dārukammiko gavapati yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinnaɱ kho dārukammikaɱ gahapati bhagavā etadavoca: api nu te gahapati kule dānaɱ dīyatīti. Dīyati me bhante kule dānaɱ. Taɱ ca kho ye te bhikkhū āraññakā piṇḍapātikā paɱsukulikā arahanto vā arahatta maggaɱ vā samāpannā. Tathārūpesu me bhante bhikkhūsu dānaɱ dīyatīti

[BJT Page. 176]
Dujjānaɱ ko etaɱ gahapati tayā gihinā kāmabhoginā puttasambodhasayanā ajjhāvasantena kāsikacandanaɱ paccanubhontena mālāgandhavilepanaɱ dhārayantena jātarūparajataɱ sādiyantena " ime vā arahanto, ime vā arahantamaggaɱ samāpannā"ti.

(1) Āraññako cepi gahapati bhikkhu hoti uddhato unnalo capalo mukharo vikiṇṇavāco muṭṭhassati asampajāno asamāhito vibbhantacitto pākatinadriyo, evaɱ so tenaŋgena gārayho. Āraññako1 cepi gahapati bhikkhu hoti anuddhato anunnalo acapalo amukharo avikiṇṇavāco upaṭṭhitasati sampajāno, samāhito ekaggacitto saɱvutindriyo, evaɱ so tenaŋgena pāsaɱso.

2) Gāmantavihārī cepi gahapati bhikkhu hoti uddhato unnalo capalo mukharo vikiṇṇavāco muṭṭhassati asampajāno asamāhito vibhantacitto pākatindriyo, evaɱ so tenaŋgena gārayho. Gāmantavihāriko1 cepi gahapati bhikkhu hoti anuddhato anunnalo acapalo amukharo avikiṇṇavāco upaṭṭhitasati sampajāno, samāhito ekaggacitto saɱvutindriyo, evaɱ so tenaŋgena pāsaɱso.

(3) Piṇḍapātiko cepi gahapati bhikkhu hoti uddhato unnalo capalo mukharo vikiṇṇavāco muṭṭhassati asampajāno asamāhito vibhantacitto pākatindriyo, evaɱ so tenaŋgena gārayho. Piṇḍapātiko1 cepi gahapati bhikkhu hoti anuddhato [PTS P 392] anunnalo acapalo amukharo avikiṇṇavāco upaṭṭhitasati sampajāno, samāhito ekaggacitto saɱvutindriyo, evaɱ so tenaŋgena pāsaɱso.

(4) Nemantaniko cepi gahapati bhikkhu hoti uddhato unnalo capalo mukharo vikiṇṇavāco muṭṭhassati asampajāno asamāhito vibhantacitto pākatindriyo, evaɱ so tenaŋgena gārayho. Nemantaniko1 cepi gahapati bhikkhu hoti anuddhato anunnalo acapalo amukharo avikiṇṇavāco upaṭṭhitasati sampajāno, samāhito ekaggacitto saɱvutindriyo, evaɱ so tenaŋgena pāsaɱso.

(5) Paɱsūkūliko cepi gahapati bhikkhu hoti uddhato unnalo capalo mukharo vikiṇṇavāco muṭṭhassati asampajāno asamāhito vibhantacitto pākatindriyo, evaɱ so tenaŋgena gārayho. Paɱsukuliko1 cepi gahapati bhikkhu hoti anuddhato anunnalo acapalo amukharo avikiṇṇavāco upaṭṭhitasati sampajāno, samāhito ekaggacitto saɱvutindriyo, evaɱ so tenaŋgena pāsaɱso.

(6) Gahapati cīvaradharo cepi gahapati bhikkhu hoti uddhato unnalo capalo mukharo vikiṇṇavāco muṭṭhassati asampajāno asamāhito vibhantacitto pākatindriyo, evaɱ so tenaŋgena gārayho. Gahapati cīvaradharo1 cepi gahapati bhikkhu hoti anuddhato anunnalo acapalo amukharo avikiṇṇavāco upaṭṭhitasati2 sampajāno, samāhito ekaggacitto saɱvutindriyo, evaɱ so tenaŋgena pāsaɱso.

Iŋgha tvaɱ gahapati saŋghe dānaɱ dehi. Saŋghe te dānaɱ dadato cittaɱ pasīdissati. So tvaɱ pasannacitto kāyassa hedā parammaraṇāsugati. Saggaɱ lokaɱ upapajjissasīti.
Esāhaɱ bhante ajjatagge saŋghe dānaɱ dassāmiti.

1. Āraññiko machasaɱ 2. Upaṭhitassati machasaɱ

[BJT Page. 178]
6. 2. 1. 6
(Hatthisāriputta suttaɱ)
6. Evaɱ me sutaɱ ekaɱ samayaɱ bhagavā bārāṇasiyaɱ viharati isipatane migadāye. Tena kho pana samayena sambahulā therā bhikkhu pacchābhattaɱ piṇḍapātapaṭikkantā maṇḍalamāle sannisinnā sannipatitā abhidhammakathaɱ kathenti.

Tatrasudaɱ āyasmā citto hatthisāriputto therānaɱ bhikkhūnaɱ abhidhammakathaɱ kathentānaɱ antarantarā kathaɱ opāteti. Atha khe āyasmā mahākoṭṭhito āyasmantaɱ cittaɱ hatthisāriputtaɱ etadavoca: "mā āyasmā citto hatthisāriputto therānaɱ bhikkhūnaɱ abhidhammakathaɱ kathentānaɱ antarantarā [page 393] kathaɱ opātesi. Kathāpariyosānaɱ1 āyasmā citto āgametūti.
Evaɱ vutte āyasmato cittassa hatthisāriputtassa sahāyakā bhikkhū āyasmantaɱ mahākoṭṭhitaɱ etadavocuɱ: " mā āyasmā mahākoṭṭhito āyasmantaɱ cittaɱ hatthisāriputtaɱ apasādesi. Paṇḍito āyasmā citto hatthisāriputto. Pahoti cāyasmā citto hatthisāriputto therānaɱ bhikkhūnaɱ abhidhammakathaɱ kathetuɱ"ti.

Dujjānaɱ kho etaɱ āvuso parassa cetopariyāyaɱ ajānantehi.

(1) Idhāvuso ekacco puggalo tāvadeva soratasorato2 hoti, nivātanivāto, hoti, upantupasanto hoti yāva satthāraɱ upanissāya viharati aññataraɱ vā garuṭṭhānīyaɱ sabrahmacāriɱ. Yato ca kho so capakassateva satthārā, vapakassati garuṭṭhānīyehi sabrahmacārihi. So saɱsaṭṭho viharati bhikkhūhī bhikkhūnīhi upāsakehi upāsikāhī rājuhi3 rāpamahāmattehi titthiyehi tittiyasāvakehi. Tassa saɱsaṭṭhassa vissaṭṭhassa pākatassa bhassamanuyuttassa viharato rāgo cittaɱ anuddhaɱseti. So rāgānudaɱsena cittena sikkhaɱ paccakkhāya hīnāyāvattatī.

Seyyathāpi āvuso goṇo kiṭṭhādo dāmena vā baddho vajevā oruddho, yo nu kho āvuso evaɱ vadeyya: " na dānāya goṇo kiṭṭhādo punadeva kiṭṭhaɱ otarissatī"ti sammā nu kho so āvuso vadamāno vadeyyātī? No hidaɱ āvuso, ṭhānaɱ hetaɱ āvuso vijjati yaɱ so goṇo kiṭṭhādo dāmaɱ vā chetvā vajaɱ vā bhinditvā punadeva kiṭṭhaɱ otareyyāti. Evameva kho āvuso idhekacco [page 394] puggalo tāvadeva soratasorato honi tivātanivāto hoti upasantupasanto hoti yāva satthāraɱ upanissāya viharati aññataraɱ vā garuṭṭhāniyaɱ sabrahmacāriɱ. Yato ca kho so capakassateva satthārā, capakassati garuṭṭhanīyehi sabrahmacārīhī. So saɱsaṭṭho viharati bhikkhūhi bhikkhunīhi upāsakehi upāsikāhī rājūhi rājamahāmattehi titthiyehi tittiyasāvakehi. Tassa saɱsaṭṭhassa vissaṭṭhassa pākatassa bhassamanuyuttassa viharato rāgo cittaɱ anuddhaɱseti. So rāgānuddhaɱsena cittena sikkhaɱ paccakkhāya hīnāyāvattati.

1. Yāva kathāpariyosānaɱ machasaɱ 2. Suratasūrato katthaci. 3. Rañño machasaɱ

[BJT Page. 180]
(2) Idha panāvuso ekaccā puggalo vivicceva kāmehi vivicceva akusalehi dhammehi savitakkaɱ savicāraɱ pītisukhaɱ paṭhamā jhānaɱ upasampajja viharati. Solābhimhi paṭhamassāti saɱsaṭṭho viharati bhikkhūhi bhikkhunīhi upāsakehi upāsikāhī rājuhī rājamahāmattehi titthiyehi titthiyasāvakehi. Tassa saɱsaṭṭhassa vissaṭṭhassa pākatassa bhassamanuyuttassa viharato rāgo cittaɱ anuddhaɱseti. So rāgānuddhaɱsena cittena sikkhaɱ paccakkhāya hīnāyāvattati

Seyyathāpi āvuso cātummahāpathe1 phullapūsitako devo vassanto rajaɱ antaradhāpeyya, cikkhallaɱ pātukareyya, yo nu kho āvuso evaɱ vadeyya: "nadānāmusmiɱ cātummahāpathe punadeva rajo pātu bhavissatī"ti. Sammā nu kho so āvuso vadamāno vadeyyāti. No hidaɱ āvuso. Ṭhānaɱ hetaɱ āvuso vijjati yaɱ amusmiɱ cātummahāpathe manussā vā atikkameyyuɱ, gopasu vā atikkameyyuɱ, vātātapo vā snehagataɱ pariyādiyeyya. Atha punadeva rajo pātubhaveyyāti. Evameva kho āvuso idhekacco puggalo vivicceva kāmehi vivicca akusalehi dhammehi savitakkaɱ savicāraɱ vivekajaɱ pītisukhaɱ paṭhamajjhānaɱ upasampajja viharati. So dhammehi savitakkaɱ savicāraɱ pītisukhaɱ paṭhamaɱ jhānaɱ upasamapajja viharati. So lābhīmhi paṭhamassa jhānassāti saɱsaṭṭho viharati bhikkhūhi bhikkhunīhi upāsakehi upāsikāhi rājūhi rājamahāmattehi titthiyehi titthiyasāvakehi. Tassa saɱsaṭṭhassa vissaṭṭhassa pākatassa bhassamanuyuttassa viharato rāgo cittaɱ anuddhaɱseti. So rāgānuddhaɱsena cittena sikkhaɱ paccakkhāya hīnāyāvattati. Puggalo tāvadeva soratasorato hoti nivātanivāto hoti upasantupasanto hoti yāva satthāraɱ upanissāya viharati aññataraɱ vā garuṭṭhānīyaɱ sabrahmacāriɱ. Yato ca kho so vapakassateva satthārā, vapakassati garuṭṭhanīyehi sabrahmacārīhi. So saɱsaṭṭho viharati bhikkhūhibhikkhunīhi upāsakehi upāsikāhi rājuhī rājamahāmattehi titthiyehi titthiyasāvakehi. Tassa saɱsaṭṭhassa vissaṭṭhassa pākatassa bhassamanuyuttassa viharato rāgo cittaɱ anuddhaɱseti. So rāgānuddhaɱsena cittena sikkhaɱ paccakkhāya hīnāyāvattati. [page 395]

(3) Idha panāvuso ekacco puggalo vitakkavicārānaɱ vūpasamā ajjhattaɱ sampasādanaɱ cetaso ekodibhāvaɱ avitakkaɱ avicāraɱ vivekajaɱ pītisukhaɱ dutiyaɱ jhānaɱ upasampajja viharati. So lābhīmhi dutiyassa jhānassāti saɱsaṭṭho viharati bhikkhūhi bhikkhunīhi upāsakehi upāsikāhi rājūhi rājamahāmattehi titthiyehi tittiyāsāvakehi. Tassa saɱsaṭṭhassa vissaṭṭhassa pākatassa bhassamanuyuttassa viharato rāgo cittaɱ anuddhaɱseti. So rāgānuddhaɱsena cittena sikkhaɱ paccakkhāya hīnāyāvattati.

Seyyathāpi āvuso gāmassa vā nigamassa vā avidūre mahantaɱ taḷākaɱ, tattha phullaphusitako devo vassanto sippisambukampi sakkharakaṭhalampi antaradhāpeyya, yo nu kho āvuso evaɱ vadeyya: nadānāmusmiɱ taḷāke punadeva sippisambukā vā sakkharakaṭhalā vā pātubhavissantīti. Sammā nu kho so āvuso vadamāno vadeyyāti. No hidaɱ āvuso. Ṭhānaɱ hetaɱ āvuso vijjati yaɱ amusmiɱ taḷāke manussā vā piveyyuɱ, gopasu vā piveyyuɱ, vātātapo vā snehagataɱ pariyādiyeyya, atha punadeva sippisambukāpi sakkharakaṭhalāpi pātubhaveyyunti. Evameva kho āvuso idekacco puggalo vitakkavicārānaɱ vūpasamā ajjhattaɱ sampasādanaɱ cetaso ekodibhāvaɱ avitakkaɱ avicāraɱ samādhijaɱ pītisukhaɱ dutiyaɱ jhānaɱ upasampajja viharati. So lābhimhi dutiyassa jhānassāti saɱsaṭṭho viharati bhikkhūhi bhikkhunīhi upāsakehi upāsikāhī rājūhi rājamahāmattehi titthiyehi titthiyasāvakehi. Tassa saɱsaṭṭhassa vissaṭṭhassa pākatassa bhassamanuyuttasasa viharato rāgo cittaɱ anuddhaɱseti. So rāgānuddhaɱsena cittena sikkhaɱ paccakkhāya hīnāyāvattati.

(4) Idha panāvuso ekacco puggalo pītiyā ca virāgā upekkhako ca viharati sato ca sampajāno, sukhañca kāyena paṭisaɱvedeti, yaɱ taɱ ariyā ācikkhanti upekkhako satimā sukhavihārīti tatiyaɱ jhānaɱ upasampajja viharati, so lābhīmhi tatiyassa jhānassāti saɱsaṭṭho viharati bhikkhūhī bhikkhunīhi upāsakehi upāsikāhī rājūhi rājamahāmattehi titthiyehi titthiyasāvakehi. Tassa saɱsaṭṭhassa vissaṭṭhassa pākatassa bhassamanuyuttasasa viharato rāgo cittaɱ anuddhaɱseti. So rāgānuddhaɱsena cittena sikkhaɱ paccakkhāya hīnāyāvattati.

Seyyathāpi āvuso purisaɱ paṇītabhojanaɱ bhuttāviɱ [page 396] ābhidosiyaɱ3 bhojanaɱ nacchādeyya, yo nu ko āvuso evaɱ vadeyya "nadānāmuɱ purisaɱ punadeva bhojanaɱ chādessati"ti. Sammā nu kho so āvuso vadamāno vadeyyāti. No hidaɱ āvuso, "ṭhānaɱ hetaɱ āvuso vijjati amuɱ hāvuso purisaɱ paṇītabhojanaɱ bhuttāviɱ yāvassa sā ojā kāye ṭhassati tāva na aññaɱ bhojanaɱ chādessati. Yato ca khvassa sā ojā antaradhāyissati. Atha punadeva taɱ bhojanaɱ chādeyyāti. Evameva kho āvuso idhekacco puggalo pītiyā ca virāgā upekkhako ca viharati sato ca sampajāno, sukhañca kāyena paṭisaɱvedeti, yaɱ taɱ ariyā ācikkhanti upekkhako satimā sukhavihārīti, tatiyaɱ jhānaɱ upasampajja viharati. So " lābhīmhi tatiyassa jhānassā"ti saɱsaṭṭho viharati bhikkhūhi bhikkhunīhi upāsakehi upāsikāhi rājūhi rājamahāmattehi titthiyehi titthiyasāvakehi. Tassa saɱsaṭṭhassa vissaṭṭhassa pākatassa bhassamanuyuttassa viharato rāgo cittaɱ anuddhaɱseti. So rāgānuddhaɱsena cittena sikkhaɱ paccakkhāya hīnāyāvattati.

[BJT Page 182]
(5) Idha panāvuso ekacco puggalo sukhassa ca pahānā dukkhassa ca pahānā pubbeva somanassadomanassānaɱ atthaŋgamā adukkhaɱ asukhaɱ upekkhāsatipārisuddhiɱ catutthaɱ jhānaɱ upasampajja viharati. So " lābhīmhi catutthassa jhānassā"ti saɱsaṭṭho viharati bhikkhūhi bhikkhunīhi upāsakehi upāsikāhi rājūhi3 rājamahāmattehi titthiyehi titthiyasāvakehi. Tassa saɱsaṭṭhassa vissaṭṭhassa pākatassa bhassamanuyuttassa viharato rāgo cittaɱ anuddhaɱseti. So rāgānuddhaɱsena cittena sikkhaɱ paccakkhāya hīnāyāvattati.

Seyyatāpi āvuso pabbatasaŋkhepe udakarahado nivāto vigataūmako, yo nu kho āvuso evaɱ vadeyya, nadānamusmiɱ udakarahade punadeva ūmī pātubhavissatīti. Sammā nu kho so āvuso vadamāno vadeyyāti. No hidaɱ āvuso. Ṭhānaɱ hetaɱ āvuso vijjati yā puratthimāya disāya āgaccheyya bhusā vātavuṭṭhi sā tasmiɱ udakarahade ūmiɱ janeyya, yā pacchimāya disāya āgaccheyya bhusā vātavuṭṭhi sā tasmiɱ udakarahade ūmiɱ janeyya, yā uttrāya disāya āgaccheyya bhusā vātavuṭṭhi sā tasmiɱ udakarahade ūmiɱ janeyya, yā dakkhiṇāya disāya āgaccheyya bhusā vātavuṭṭhi sā tasmiɱ udakarahade ūmiɱ janeyyāti. Evameva kho āvuso idhekacco puggalo sukhassa ca pahānā dukkhassa ca pahānā so pubbeva somanassadomanassānaɱ atthaŋgamā adukkhaɱ asukhaɱ upekkhāsatipārisuddhiɱ catutthaɱ jhānaɱ upasampajja viharati. So " lābhīmhi catutthassa jhānassā"ti saɱsaṭṭho viharati bhikkhūhi bhikkhunīhi upāsakehi upāsikāhi rājūhi3 rājamahāmattehi titthiyehi titthiyasāvakehi. Tassa saɱsaṭṭhassa vissaṭṭhassa pākatassa bhassamanuyuttassa viharato rāgo cittaɱ anuddhaɱseti. So rāgānuddhaɱsena cittena sikkhaɱ paccakkhāya hīnāyāvattati.

(6) Idha panāvuso ekacco puggalo sabbanimittānaɱ amanasikārā animittaɱ ceto samādhiɱ upasampajja viharati, so " lābhīmhi animittassa cetosamādhissā"ti saɱsaṭṭho viharati bhikkhūhi bhikkhunīhi upāsakehi upāsikāhī rājuhi1 rājamahāmattehi titthiyehi titthiya sāvakehi, tassa saɱsaṭṭhassa vissaṭṭhassa pākatassa bhassamanuyuttassa viharato rāgo cittaɱ anuddhaɱseti. So rāgānuddhaɱsitena2 cittena sikkhaɱ paccakkhāya hīnāyāvattati.

Seyyathāpi āvuso rājā vā rājamahāmatto vā caturaŋginiyā senāya addhānamaggapaṭipanno aññatarasmiɱ vanasaṇḍe ekarattivāsaɱ upagaccheyya, tattha3 hatthisaddena assasaddena rathasaddena pattisaddena bheripaṇavasaŋkhatiṇavaninnādasaddena ciriliyasaddo antaradhāyeyya, yo nu kho āvuso evaɱ vadeyya: " nadānamusmiɱ vanasaṇḍe punadeva ciriliyasaddo4 pātubhavissatīti. Sammā nu kho [page 398] so āvuso vadamāno vadeyyāti. No hidaɱ āvuso. Ṭhānaɱ hetaɱ āvuso vijjati yaɱ so rajā vā rājamahāmatto vā tamhā vanasaṇḍā pakkameyya, atha punadeva cīriliyasaddo4 pātubhaveyyāti. Evameva kho āvuso idhekacco puggalo sabbanamittānaɱ amanasikārā animittaɱ cetosamādhiɱ upasampajja viharati. So " lābhīmhi animittassa cetosamādhissā"ti saɱsaṭṭho viharati bhikkhūhi bhikkhunīhi upāsakehi upāsikāhi rājūhi rājamahāmattehi titthiyehi titthiyasāvakehi, tassa saɱsaṭṭhassa vissaṭṭhassa pākatassa bhassamanuyuttassa viharato rāgo cittaɱ anuddhaɱseti. So rāgānuddhaɱsitena cittena sikkhaɱ paccakkhāya hīnāyāvattati, ti.

1. Rañño machasaɱ. 2 Rāgānuddhaɱsena sīmu. 3. Tatra machasaɱ. 4. Carika saddo machasaɱ, cirilikāsaddo sīmu.

[BJT Page. 184]

Atha kho āyasmā citto hatthisāriputto aparena samayena sikkhaɱ paccakkhāya hīnāyāvatti1. Atha kho cittassa hatthisāriputtassa sahāyakā bhikkhū yenāyasmā koṭṭhito tenupasaŋkamiɱsu. Upasaŋkamitvā āyasmantaɱ mahākoṭṭhitaɱ etadavocuɱ: kinnu kho āyasmatā mahā koṭṭhitena citto hatthisāriputto cetasā ceto paricca vidito imāsaɱ ca imāsaɱ ca vihārasamāpattīnaɱ citto hatthisāriputto lābhī, atha ca pana sikkhaɱ paccakkhāya hīnāyāvattissatīti. Udāhu devatā etamatthaɱ ārocesuɱ citto bhante hatthisāriputto imāsañca imāsañca vihārasamāsamāpattīnaɱ lābhī, atha ca pana sikkhā paccakkhāya hīnāyāvattissatī, ti.

Cetasā ceto paricca vidito me āvuso citto hatthisāri putto imāsañca imāsañca vihārasamāpattīnaɱ lābhī, atha ca pana sikkhaɱ paccakkhāya hīnāyāvattissatī, ti. Devatāpi me etamatthaɱ ārocesuɱ " citto bhante hatthisāriputto imāsañca imāsañca vihārasamāpattīnaɱlāhī, atha ca pana sikkhaɱpaccakkhāya hīnāyāvattissatī"ti.

Atha ko cittassa hatthisāriputtassa sahāyaka bhikkhū yena bhagavā tenupasaŋkamiɱsu. Upasaŋkamitvā bhagavantaɱ abhivādetvā [page 399] ekamantaɱ nisīdiɱsu. Etamantaɱ nisinnā kho te bhikkhu bhagavantaɱ etadavocuɱ: citto bhante hatthisāriputto imāsañca imāsañca vihārasamāpattīnaɱ lābhī, atha ca pana sikkhaɱ paccakkhāya hīnāyāvatto, ti.

Na bhikkhave citto ciraɱ sarissati nekkhammassā, ti.

Atha ko citto hatthisāriputto na viharasseva kesamassuɱ ohāretvā kāsāyāni vatthāni acchādetvā agārasmā anagāriyaɱ pabbaji. Atha ko āyasmā citto hatthisāriputto eko vupakaṭṭho appamatto ātāpi pahitatto viharanto na cirasseva yassatthāya kulaputtā sammadeva agārasmā anagāriyaɱ pabbajanti, tadanuttaraɱ brahmacariyapariyosānaɱ diṭṭheva dhamme sayaɱ abhiññā sacchikatvā upasampajja vihāsi. Khīṇā jāti, vusitaɱ brahmacariyaɱ, kataɱ karaṇīyaɱ, nāparaɱ itthattāyā, ti abbhaññāsi. Aññataro ca panāyasmā citto hatthisāriputto arahataɱ ahosī, ti.

[BJT Page 186.]
6. 2. 1. 7.
(Majjhesuttaɱ)
7. Evaɱ me sutaɱ ekaɱ samayaɱ bhagavā bārāṇasiyaɱ viharati isipatane migadāye. Tena kho pana samayena sambahulānaɱ therānaɱ bhikkhūnaɱ pacchāhattaɱ piṇḍapātapaṭikkantāna maṇaḍalamāle sannisinnānaɱ sannipatitānaɱ ayamantarā kathā udapādi: "vuttamadaɱ āvuso bhagavatā pārāyane metteyyapañhe:

"So1 ubhante viditvāna2 majjhe mantā na lippati3
Taɱ brūmi mavāpurisoti so, dha sibbanimaccagā"

Katamo nu kho āvuso eko anto katamo dutiyo anto, kiɱ majjhe, kā sibbanīti.
(1) Evaɱ vutte aññataro bikku there bhikkhū etadavoca: " phasso kho āvuso eko anto, phassasamudayo dutiyo [page 400] anto, phassanirodho majjhe, taṇhā sibbanī. Taṇhā hi naɱ sibbati tassa tasseva bhavassa abhinibbattiyā. Ettāvatā kho āvuso bhikkhu abhiññeyyaɱ abhijānāti, pariññeyyaɱ parijānāti. Abhiññeyyaɱ abhijānanto pariññeyyaɱ parijānanto diṭṭheva damme dukkhassa antakaro hotī, ti.

(2) Evaɱ vutte aññataro bhikkhu there bhikkhū etadavoca: " atītaɱ kho āvuso eko anto, anāgataɱ dutiyo anto, paccuppannaɱ majjhe, taṇhā sibbanī. Taṇhā hi naɱ sibbati tassa tasseva bhavassa abhinibbattiyā. Ettāvatā kho āvuso bikkhu abhiññeyyaɱ abhijānāti pariññeyyaɱ parijānāti, abhiññeyyaɱ abhijānanto pariññeyyaɱ parijānanto diṭṭheva dhamme dukkhassantakaro votī"ti.

(3) Evaɱ vutte aññataro bhikkhū there bikkhū etadavoca: " sukhā kho āvuso vedanā eko anto, dukkhā vedanā dutiyo anto, adukkhamasukhā vedanā majjhe, taṇhā sibbanī. Taṇhā hi naɱ sibbati tassa tasseva bavassa abhinibbattiyā. Ettāvatā ko āvuso bhikkhu abhiññeyyaɱ abhijānāti pariññeyyaɱ parijānāti, diṭṭheva dhamme dukkhassa antakaro hotī"ti.

(4) Evaɱ vutte aññataro bhikkhu there bhikkhū etadavoca: " nāmaɱ kho āvuso eko anto, rūpaɱ dutiyo anto, viññāṇaɱ majjhe, taṇhā sibbanī. Tassa tasseva bhavassa abhinibbattiyā. Ettāvatā kho āvuso bhikkhu abhiññeyyaɱ abhijānāti pariññeyyaɱ parijānāti, abhiññeyyaɱ abhijānanto pariññeyyaɱ parijānanto diṭṭheva dhamme dukkhassa antakaro hoti"ti.

1. Yo simu. Machasaɱ 2 ubhantamabhiññāya suttanipātapāḷi, yo ubho ante viditvāna machasaɱ [pts. 3.] Limpati machasaɱ, syā

[BJT Page. 188]

(5) Evaɱ vutte aññataro bhikkha) there bikku etavoca: " cha kho āvuso ajjhattikāni āyatanāni eko anto, bāhirāni āyatanāni dutiyo anto, viññāṇaɱ majjhe, taṇhā sibbanī. Taṇhā hi naɱ sibbati tassa tasseva bhavassa abhinibbattiyā. Ettāvatā kho āvuso bhikkhū [page 401] abhiññeyyaɱ abhijānāti pariññeyaɱ parijānāti, abhiññeyyaɱ abhijānanto pariññeyyaɱ parijānanto diṭṭheva dhamme dukkhassa antakaro hoti"ti.

(6) Evaɱ vutte aññataro bhikkhu there bhikkhū etadavoca:"sakkāyo kho āvuso eko anto, sakkāyasamudayo dutiyo anto, sakkāyanirodho majjhe, taṇhā sibbanī. Taṇhā hi naɱ sibbati tassa tasseva bhavassa abhinibbattiyā. Ettāvatā kho āvuso bhikkhu abhiññeyyaɱ abhijānāti, pariññeyyaɱ parijānāti. Abhiññeyyaɱ abhijānanto pariññeyyaɱ parijānanto diṭṭheva damme dukkhassa antakaro hotī"ti.
Evaɱ vutte aññataro bhikkhu there bhikkhū etadavoca: " byākataɱ kho āvuso amhehi sabbeheva yathāsakaɱ paṭihānaɱ. Āyāmāvuso, yena bhagavā tenupasaŋkamissāma, upasaŋkamitvā bhagavato etamatthaɱ ārocessāma, yathā no bhagavā vyākarissati, tathā naɱ dhāressāmā"ti. Evamāvuso, ti kho therā bhikkhū tassa bhikkhuno paccassosuɱ.

Atha kho therā bhikkhū yena bhagavā tenupasaŋkamiɱsu, upasaŋkamitvā bhagavantaɱ abhivādetvā ekamantaɱ nisīdiɱsu, ekamantaɱ nisinnā kho therā bhikkhū yāvatako ahosi sabbeheva saddhiɱ kathāsallāpo, taɱ sabbaɱ bhagavato ārocesuɱ: kassa nu kho bhante suhāsita, nti.

Sabbesaɱ vo bhikkhave subhāsitaɱ pariyāyena, api ca yaɱ mayā sandhāya bhāsitaɱ pārāyane mettayyapañhe:

"So1 ubhante viditvāna2 majjhe mantā na lippati, 3 taɱ brūmi mahā purisoti so, dha sibbanimaccagā"ti taɱ suṇātha sādhukaɱ manasikarotha, bhāsissāmiti.

Evaɱ bhanteti kho te bhikkhū bhagavato paccassosuɱ, bhagavā etada voca:

Phasso kho bhikkhave eko [page 402] anto, phassasamudayo dutiyo anto. Phassanirodho majjhe. Taṇhā sibbanī. Taṇhā hi naɱ sibbati tassa tasseva bhavassa abhinibbattiyā. Ettāvatā kho bhikkhave bhikkhu abhiññeyyaɱ abhijānāti, pariññeyyaɱ parijānāti. Abhiññeyyaɱ abhijānanto pariññeyyaɱ parijānanto diṭṭheva dhamme dukkhassa antakaro hotī, ti.

1. Yo simu machasaɱ syā 2. Ubhanta mahiññāya suttanipātapāḷi. Yo ubho ante viditvā machasaɱ, [pts 3.] Limpati machasa syā

[BJT Page 190.]
6. 2. 1. 8.
(Purisindriyañāna suttaɱ)

8. Evaɱ me sutaɱ ekaɱ samayaɱ bhagavā kosalesu cārikaɱ varamāno mavatā bikkhūsaŋghena saddhiɱ yena daṇḍakappakaɱ nāma kosalānaɱ nigamo tadavasari. Atha kho bhagavā maggā okkamma aññatarasmiɱ rukkhamūle paññatte āsane nisīdi. Te ca bhikkhū daṇḍakappakaɱ pavisiɱsu āvasathaɱ pariyesituɱ

Atha kho āyasmā ānando sambahulehi bhikkhūhi saddhiɱ yena aciravatī. Nadī tenupasaŋkami gattāni parisiñcituɱ. Aciravatiyā nadiyā gattāni parisiñcitvā paccuttaritvā ekacīvaro aṭṭhāsi gattāni pubbāpayamāno.

Atha kho aññataro bhikkū yanāyasmā ānando tenupasaŋkami. Upaŋkamitvā āyasmantaɱ ānandaɱ etadavoca:

"Kiɱ nu ko āvuso ānanda sabbaɱ cetaso samannāharitvā nu kho devadatto bhagavatā byākato "āpāyiko devadatto nerayiko kappaṭṭho atekiccho"ti, udāhu kenacideva pariyāyenā"ti.

"Evaɱ kho panetaɱ āvuso bhagavatā byākata, nti.
Atha ko āyasmā ānando yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ nisīdi. Ekamantaɱ nisinno kho āyasmā ānando bhagavantaɱ etadavoca:

Idhāhaɱ bhante sambahulehi bhikkhūhī saddhiɱ yena aciravatī nadī tenupasaŋkamiɱ gattāni parisiñcituɱ. Aciravatiyā nadiyā gattāni parisiñcitvā paccuttaritvā ekacivaro aṭṭhāsiɱ gattāni [page 403] pubbāpayamāno. Atha kho bhante aññataro bhikkhū yenāhaɱ tenupasaŋkami. Upasaŋkamitvā maɱ etadavoca:

" Kiɱ nu kho āvuso ānanda sabbaɱ cetaso samannāharitvā nu kho devadatto bhagavatā byākato "apāyiko devadatto nerayiko kappaṭṭho atekiccho, ti, udāhu kenacideva pariyāyenā"ti. Evaɱ vutte ahaɱ bhante taɱ bhikkhu etadavocaɱ: "evaɱ ko panetaɱ āvuso bhagavatā byākata"nti.

[BJT Page. 192]

So vā kho ānanda bhikkhu navo bhavissati acirapabbajito, thero vā pana bālo abyatto. Kathaɱ hi nāma yaɱ mayā ekaɱsena byākataɱ, tattha dvejjhaɱ āpajjissati? Nāhaɱ ānanda aññaɱ ekapuggalampi samanupassāmi, yo evaɱ mayā sabbaɱ cetaso samannāharitvā byākato yathayidaɱ devadatto. Yāvakīvañcāhaɱ ānanda devadattassa vālaggakoṭinittuddanamattampi sukkaɱ dhammaɱ addasaɱ, neva tāvāhaɱ devadattaɱ byākāsiɱ " āpāyiko devadatto nerayiko kappaṭṭho atekiccho, ti. Yato ca ko ahaɱ ānanda devadattassa vālaggakoṭinittuddanamattampi sukkaɱ dammaɱ na addasaɱ, athāhaɱ devadattaɱ vyākāsiɱ "āpāyiko devadatto nerayiko kappaṭṭho atekiccho, ti. Yato ca kho ahaɱ ānanda devadattassa vālaggakoṭi nittuddanamattampi sukkaɱ dhammaɱ na addasaɱ, athāhaɱ devadattaɱ vyākāsiɱ "āpāyiko devadatto nerayiko kappaṭṭho atekiccho, ti.
Seyyathāpi ānanda guthakūpo sādhikaporiso pūro guthassa samatittiko, tattha puriso sasīsako nimuggo assa, tassa kovideva puriso uppajjeyya atthakāmo hitakāmo yogakkhemakāmo tamhā guthakūpā uddharitukāmo. So taɱ gūthakūpaɱ samantā anuparigaccha nto na passeyya tassa purisassa vālaggakoṭi nittuddanamattampi guthena amakkhitaɱ [page 404] yatthetaɱ gahetvā uddhareyya. Evameva kho ahaɱ ānanda yato devadattassa vālaggakoṭinittuddanamattampi sukkaɱ dhammaɱ na addasaɱ, athāhaɱ devadattaɱ byākāsiɱ " āpāyiko devadatto nerayiko kappaṭṭho atekiccho"ti.

Sace tumhe ānanda suṇeyyātha tathāgatassa purisinadriyañāṇāni vibhajantassāti. Etassa bhagavā kālo, etassa sugata kālo, yaɱ bhagavā purisindriyañāṇāni vibhajeyya. Bhagavato sutvā bhikkhū dhāressantī"ti. Tenahānanda, suṇāhi sādhukaɱ manasikarohi, bhāsissāmiti. Evaɱ bhanteti kho āyasmā ānando bhagavato paccassosi. Bhagavā etadavoca:

Bha (1) idhāhaɱ ānanda ekaccaɱ puggalaɱ evaɱ cetasā ceto paricca pajānāmi" isse kho puggalassa vijjamānā kusalāpi dhammā akusalāpi dhammāti. " Tamenaɱ aparena samayena evaɱ cetasā ceto paricca pajānāmi: "imassa kho puggalassa kusalā dhammā antarahitā, akusalā dhammā sammukhībhūtā. Atthi ca khavāssa kusalamūlaɱ asamucchinnaɱ,
Tamhā tassa kusalamūla1 kusalaɱ pātubhavissati. Evamayaɱ puggalo āyatiɱ. Aparihānadhammo bhavissatī"ti.

Seyyatāpi ānanda, bījāni akhaṇḍāni apūtīni avātātapahatāni sāradāni sukhasayitāni sukhette suparikammakatā yabhūmiyā nikkhittāni, jāneyyāsi tvaɱ ānanda imāni bījāni vuddhiɱ virūḷhiɱ vepullaɱ āpajjissanti, ti. Evaɱ bhante.

1 Kusalā sīmū machasaɱ
[BJT Page. 194]
Evameva kho ahaɱ ānanda, idhekaccaɱ puggalaɱ evaɱ cetasā ceto paricca pajānāmi: " imassa kho puggalassa vijjamānā kusalāpi [page 405] dhammā akusalāpi dhammā"ti. Tamenaɱ aparena samane evaɱ cetasā ceto paricca pajānāmi. "Imassa kho puggalassa kusalā dhammā antarahitā, akusalā dhammā sammukhībhūtā. Atthi ca khvassa kusalamūlaɱ asamucchinnaɱ, tambhā tassa kusalamūlā kusalaɱ pātubhavissati, evamayaɱ puggalo āyatiɱ aparihānadhammo bhavissatī"ti. Evampi kho ānanda tathāgatassa purisapuggalo cetasā ceto paricca vidito hoti.

Evampi kho ānanda tathāgatassa purisindriyañāṇaɱ cetasā ceto paricca viditaɱ hoti. Evamipi kho ānanda tathāgatassa āyatiɱ dhamma samuppādo cetasā ceto paricca vidito hoti.

(2) Idha panāhaɱ ānanda, ekaccaɱ puggalaɱ evaɱ cetasā ceto paricca pajānāmi. " Imassa vijjamānā kusalāpi dhammā akusalāpi dhammāti"ti. Tamenaɱ aparena samayena evaɱ cetasā ceto pericca pajānāmi. " Imassa kho puggalassa akusalā dhammā antarahitā, kusalā dhammā sammukhībhūtā, atthi ca khvassa akusalamūlaɱ asamucchinnaɱ. Tamhā tassa akusalamūlā akusalaɱ pātubhavissati. Evamayaɱ puggalo āyatiɱ parihāna dhammo bhavissatī"ti.

Seyyathāpi ānanda khījāni akhaṇḍāni apūtīni avātātapahatāni sāradānī sukhasayitāni puthusīlāya nikkhittāni, jāneyyāsi tvaɱ ānanda nayimāni khījāni vuddhi viruḷhiɱ vepullaɱ āpajjassantīti. Evaɱ bhante.

Evameva kho ahaɱ ānanda idhekaccaɱ puggalaɱ eva cetasā veto paricca pajānāmi: "imassa kho puggalassa vijjamānā kusalāpi dhammā akusalāpi dhammā"ti. Tamenaɱ aparena samayena evaɱ cetasā ceto paricca pajānāmi: "imassa kho puggalassa akusalā dhammā antarahitā, kusalā dhammā sammukhītā. Atthi ca khvāssa akusalamūlaɱ asamucchinnaɱ. Tamhā tassa akusalamūlā akusalaɱ pātubhavissati. Evamayaɱ puggalo [page 406] āyatiɱ parihānadhammo bhavissati, ti evampi ko ānanda tathāgatassa purisapuggalo cetasā ceto paricca vidito hoti.

Evampi kho ānanda tathāgatassa purisindriyañāṇaɱ cetasā veto paricca vidito hoti. Evampi kho ānanda tathāgatassa āyatiɱ dhammasamūppādo cetasā ceto paricca vidito hoti.

(3) Idha panāhaɱ ānanda ekaccaɱ puggalaɱ evaɱ cetasā ceto paricca pajānāmi: " imassa kho puggalassa vijjamānā kusalāpi dhammā akusalāpi dhammā" ti. Tamenaɱ aparena samayena evaɱ cetasā ceto paricca pajānāmi: " natthi imassa puggalassa vālaggakoṭinittuddanamattopi sukko dhammo. Samannāgatoyaɱ puggalo ekantakāḷakehī akusalehi dhammehi, kāyassa bhedā parammaraṇā apāyaɱ duggatiɱ vinipātaɱ nirayaɱ upapajjissatī"ti.

Seyyatāpi ānanda bījāni khaṇaḍāni pūtīni vātātapahatāni sukhette suparikammakatāya bhūmiyā nikkhittāni, jāneyyāsi tvaɱ ānanda, nayimāni bījāni vuddhiɱ virūḷhiɱ vepullaɱ āpajjisantī'ti. Evamhabhante.

[BJT Page 196]

Evameva kho ahaɱ ānanda idhekaccaɱ puggalaɱ evaɱ cetasā ceto paricca pajānāmi: " imassa kho puggalassa vijjamānā kusalāpi dhammā akusalāpi dhammā"ti. Tamenaɱ aparena samayena evaɱ cetasā ceto paricca pajānāmi: " natthi imassa puggalassa vālaggakoṭinittuddanamattopi sukko dhammo, samannāgatoyaɱ puggalo ekantakāḷakehi akusalehi dhammehi, kāyassa hedā parammaraṇā apāyaɱ duggatiɱ vinipātaɱ nirayaɱ upapajjissati"ti. Evampi kho ānanda tathāgatassa purisapuggalo cetasā ceto paricca vidito hoti.

Evampi kho ānanda tathāgatassa purisinadriyañāṇaɱ cetasa ceto paricca viditaɱ hoti. Evamipi kho ānanda tathāgatassa āyatiɱ dhamma samūppādo cetasā ceto paricca vidito hotī, ti.

Evaɱ vutte āyasmā ānando bagavantaɱ etadace: [page 407] sakkānu kho bhante imesaɱ tiṇṇaɱ puggalānaɱ aparepi tayo puggalā sappaṭibhāgā paññāpetunti. Sakkā ānandāti bhagavā avoca

(4) Idhāhaɱ ānanda ekaccaɱ puggalaɱ evaɱ cetasā ceto paricca pajānāmi: " imassa kho puggalassa vijjamānā kusalāpi dhammā akusalāpi dhammāti. Tamenaɱ aparena samayena evaɱ cetasā ceto paricca pajānāmi: " imassa kho puggalassa kusalā dhammā antarahitā akusalā dhammā sammukhībhūtā, atthi ca khvāssa kusalamūlaɱ asamucchinnaɱ, tampi sabbena sabbaɱ samugghātaɱ gacchati. Evamaya1 puggalo āyatiɱ parihānadhammo bhavissatī, ti.

Seyyāthāpi ānanda aŋgārāni ādittāni sampajjalitāni sajotibhūtāni puthusilāya nikkhittāni, jāneyyāsi tvaɱ ānanda, nayimāni aŋgārāni vuddhi virūḷhiɱ vepullaɱ āpajjissantīti. Evambhante.

Seyyathāpivā panānanda sāyanhasamayaɱ sūriye ogacchante jāneyyāsi tvaɱ ānanda āloko antaradhāyissati andhakāro pātubhavissati, ti. Evambhante.

Seyyathāpi vā panānanda abhido aḍḍharattaɱ1 bhattakālasamaye, jāneyyāsi tvaɱ ānanda āloko antarahito andhakāro pātubhūtoti. Evambhante.

Evameva kho ahaɱ ānanda idhekaccaɱ puggalaɱ eva cetasā ceto paricca jānāmi. : " Imassa ko puggalassa vijjamānā kusalāpi dhammā akusalā, pi dhammāti" tamenaɱ aparena samayena evaɱ cetasā ceto paricca pajānāmi: " imassa kho puggalassa kusalā dhammā antarahitā, akusalā dhammā sammukhībhūtā. Atthi ca khavāssa kusalamūlaɱ asamucchinnaɱ, tampi sabbena sabbaɱ samugghātaɱ gacchati. Evamayaɱ puggalo āyatiɱ parihānadhammo bhavissati"ti. Evampi kho ānanda tathāgatassa purisapuggalo cetasā ceto paricca vidito hoti.

Evampi kho ānanda [page 408] tathāgatassa purisindriyañāṇaɱ cetasā ceto paricca viditaɱ hoti. Evamipi kho ānanda tathāgatassa āyatiɱ dhammasamuppādā cetasā ceto paricca vidito hoti.

1. Abhidoseḍḍharattaɱ sīmu.

[BJT Page. 198]
(5) Idha panāhaɱ ānanda ekaccaɱ puggalaɱ evaɱ cetasā ceto paricca pajānāmi: " imassa kho puggalassa vijjamānā kusalāpi dhammā kusalāpi dhammā"ti. Damenaɱ aparena samayena evaɱ vetasā ceto paricca pajānāmi: "imassa kho puggalassa akusalā dhammā antarahitā kusalā dhammā sammukhībhūtā. Atthi ca khvāssa akusalamūlaɱ asamucchinnaɱ. Tampi sabbena sabbaɱ samugghātaɱ gacchati. Evamayaɱ puggalo āyatiɱ aparihāna dhammo bhavissatī"ti.

Seyyathāpi ānanda aŋgārāni ādittāni sampajjalitāni sajotibhūtāni sukkhe tiṇapuñje vā nikkhittāni, jāneyyāsi tvaɱ ānanda imāni aŋgārāni vuddhiɱ virūḷhiɱ vepullaɱ āpajjissantiti. Evambhante.

Seyyathāpi vā panānanda rattiyā paccūsasamayaɱ sūriye uggacchante jāneyyāsi tvaɱ ānanda andhakāro antaradhāyissati āloko pātubhavissatī"ti. Evambhante.

Seyyathāpi vā panānandaabhido majjhantike bhattakālasamaye, jāneyyāsi tvaɱ ānanda andhakāro antarahito āloko pātubhūtoti. Evambhante.

Evameva kho ahaɱ ānanda idhekaccaɱ puggalaɱ evaɱ cetasā ceto paricca pajānāmi imassa kho puggalassa vijjāmānā kusalāpi dhammā akusalāpi dhammā"ti, tamenaɱ aparena samayena evaɱ cetasā ceto paricca pajānāmi: "imassa kho puggalassa akusalā dhammā antarahitā kusalā dhammā sammukhībhūtā, atthi ca khvāssa akusalamūlaɱ asamucchinnaɱ. Tampi sabbena sabbaɱ samugghātaɱ gacchati. Evamayaɱ puggalo āyatiɱ aparihāna dhammo bhavissatīti. Evampi kho ānanda tathāgatassa purisapuggalo cetasā ceto paricca vidito hoti.

Evampi kho ānanda tathāgatassa purisindriyañāṇaɱ cetasā ceto [page 409] paricca viditaɱ hoti. Evampi kho ānanda tathāgatassa āyatiɱ dhammasamuppādo cetasā ceto paricca vidito hoti.

(6) Idha panāhaɱ ānanda ekaccaɱ puggalaɱ evaɱ cetasā ceto paricca pajānāmi: "imassa kho puggalassa vijjamānā kusalāpi dhammā akusalāpi dhammā"ti tamenaɱ aparena samayena evaɱ cetasā ceto paricca pajānāmi: " natti imassa puggalassa vālaggakoṭinittuddana mattāpi akusalo dhammo. Samannāgatoyaɱ puggalo ekantasukkehi anavajjehi dhammehi diṭṭheva dhamme parinibbāyissatī"ti.

Seyyathāpi ānanda aŋgārāni sitāni nibbutāni sukkhe tiṇapuñjevā kaṭṭhapuñje vā nikkhittāni, jāneyyāsi tvaɱ ānanda nayimāni aŋgārāni vuddhiɱ viruḷhiɱ vepullaɱ āpajjissantīti. Evambhante.

Evameva kho ahaɱ ānanda idhekaccaɱ puggalaɱ evaɱ cetasā ceto paricca pajānāmi: imassa kho puggalassa vijjamānā kusalāpi dhammā akusalāpi dhammā"ti. Tamenaɱ aparena samayena evaɱ cetasā ceto paricca pajānāmi: " natti imassa puggalassa vālaggakoṭinittuddanamattopi akusalo dhammo. Samannāgatoyaɱ puggalo ekantasukkehi anavajjehi dhammehi diṭṭheva dhamme parinibbāyissati"ti. Empi kho ānanda tathāgatassa purisapuggalo cetasā ceto paricca vidito hoti.

[BJT Page 200]
Evampi kho ānanda tathāgatassa purindriyañāṇaɱ cetasā ceto paricca viditaɱ hoti. Evampi kho ānanda tathāgatassa āyatiɱ dhammasamuppādo cetasā ceto paricca vidito hoti.

Tatra ānanda ye te purimā tayo puggalā, tesaɱ tiṇṇaɱ puggalānaɱ eko aparihānadhammo, eko parihānadhammo, eko apāyiko nerayiko. Tatra ānanda ye me pacchimā tayo puggalā, imesaɱ tiṇṇaɱ puggalānaɱ eko parihānadhammo, eko aparihānadhammo, eko parinibbānadhammoti. [page 410]
6. 2. 1. 9
(Nibbedhika suttaɱ)
(Sāvatthi nidānaɱ)
9. Nibbedhikapariyāyaɱ vo bhikkhave dhammariyāyaɱ desissāmi. Taɱ suṇātha, sādhukaɱ manasi karotha. Bhāsissāmiti. Evambhanteti kho te bhikkhū bhagavato paccassosuɱ bhagavā etadavoca:

Katamo ca so bhikkhave nibbedhikapariyāyo dhammapariyāyo

Kāmā bhikkhave veditabbā, kāmānaɱ nidānasambhavo veditabbo, kāmānaɱ vemattatā veditabbā, kāmānaɱ vipāko veditabbo, kāmanirodho veditabbo, kāmanirodhagāminīpaṭipadā veditabbā.

Vedanā bhikkhave veditabbā, vedanānaɱ nidānasambhavo veditabbo, vedanānaɱ vemattatā veditabbā, vedanānaɱ vipāko veditabbo, vedanānirodho veditabbo, vedanānirodhagāminīpaṭipadā veditabbā.

Saññā bhikkhave veditabbā, saññānaɱ nidānasambhavo veditabbo, saññānaɱ vemattatā veditabbā, saññānaɱ vipāko veditabbo, saññānirodho veditabbo, saññānirodhagāminīpaṭipadā veditabbā.

Āsavā bhikkhave veditabbā, āsavānaɱ nidānasambhavo veditabbo, āsavānaɱ vemattatā veditabbā, āsavānaɱ vipāko veditabbo, āsavanirodho veditabbo, āsavanirodhagāminīpaṭipadā veditabbā.

Kammaɱ bhikkhave veditabbā, kammānaɱ nidānasambhavo veditabbo, kammānaɱ vemattatā veditabbā, kammānaɱ vipāko veditabbo, kammanirodho veditabbo, kammanirodhagāminīpaṭipadā veditabbā.

[BJT Page. 202]
Dukkhaɱ bhikkhave veditabbā, dukkhassa nidānasambhavo veditabbo, dukkhassa
Vemattatā veditabbā, dukkhassa vipāko veditabbo, dukkhanirodho veditabbo, dukkhanirodhagāminīpaṭipadā veditabbā.

(1) "Kāmā bhikkhave veditabbā, kāmānaɱ nidānasambhavo veditabbo, kāmānaɱ [page 411] vemattatā veditabbā, kāmānaɱ vipāko veditabbo, kāmanirodho veditabbo, kāmanirodhagāmiṇī paṭipadā veditabbāti iti kho panetaɱ vuttaɱ. Kiñcetaɱ paṭicca vuttanti.

Pañcime bhikkhave kāmaguṇā: cakkhuviññeyyā rūpā iṭṭhā kantāmanāpā piyarūpā kāmūpasaɱhitā rajaniyā. Sotaviññeyyā saddāiṭṭhā kantāmanāpā piya saddā kāmupasaɱhitā rajanīyā. Ghānaviññeyyā gandhā iṭṭhā kantāmanāpā piya kandhā kāmūpasaɱhitā rajaniyā. Jivhāviññeyyā rasā iṭṭhā kantā manāpā piyarasā kāmupasaɱhitā rajaniyā. Kāyaviññeyyā phoṭṭhabbā iṭṭhā kantāmanāpā piyarūpā kāmupasaɱhitā rajaniyā. Apica kho bhikkhave nete kāmā, kāmaguṇā nāmete ariyassa vinaye vuccanti.

66. Saŋkapparāgo purisassa kāmo
Nete kāmā yāni citrāni loke,
Saŋkapparāgo purisassa kāmo
Tiṭṭhanti citrāni tatheva loke,
Athettha dhīrā vinayanti chandanti.

Katamo ca bhikkhave kāmānaɱ nidānasambhavo: phasso bhikkhave kāmānaɱ nidāna sambhavo.

Katamā ca bhikkhave kāmānaɱ vemattatā: añño bhikkhave kāmo rūpesu, añño kāmo saddesu, añño kāmo gandhesu, añño kāmo rasesu, añño kāmo phoṭṭhabbesu. Ayaɱ vuccati bhikkhave kāmānaɱ vemattatā.

Katamo ca bhikkhave kāmānaɱ vipāko: yaɱ kho bhikkhave kāmayamāno tajjaɱ tajjaɱ attabhāvaɱ abhinibbatteti puññabhāgiyaɱ vā apuññabhāgiyaɱ vā, ayaɱ vuccati bhikkhave kāmānaɱ vipāko.

Katamo ca bhikkhave kāmanirodho: phassanirodho bhikkhave kāmanirodho.

Ayameva ariyo āṭṭhaŋgiko: maggo kāmanirodhagāminī paṭipadā. Seyyathīdaɱ: sammādiṭṭhi sammāsaŋkappo sammāvācā [page 412] [\q /] sammākammanto sammā ājīvo sammāyāmo sammāsati sammāsamādhi.

Yato ca kho bhikkhave ariyasāvako evaɱ kāme pajānāti, evaɱ kāmānaɱ nidāna sambhavaɱ pajānāti, evaɱ kāmānaɱ vemattataɱ pajānāti, evaɱ kāmānaɱ vipāka pajānāti, evaɱ kāmānaɱ nirodhaɱ1 pājānāti, evaɱ kāmānaɱ nirodhagāminiɱ2 paṭipada pajānāti, so imaɱ nibbedhikaɱ brahmacariyaɱ pajānāti kāmanirodhaɱ.

"Kamā bhikkhave vedittabbā, kāmānaɱ nidānasambhavo veditabbo, kāmānaɱ vemattatā veditabbā, kāmānaɱ vipāko veditabbo, kāma nirodho veditabbo, kāmanirodhagāminī paṭipadā veditabbāti iti yattaɱ vuttaɱ idametaɱ paṭicca vuttaɱ.

1. Nāma nirodhaɱ machasaɱ 2. Kāma nirodha gāminīɱ machasaɱ, kāmānaɱ nirodhagāmiṇi sīmu.

[BJT Page 204]
(2) " Vedanā bhikkhave veditabbā, vedanānaɱ nidānasambhavo veditabbo, vedanānaɱ vemattatā veditabbā, vedanānaɱ vipāko viditebbo, vedanānirodho veditabbo, vedanānirodhagāminī paṭipadā veditabbā, "ti iti kho panetaɱ vuttaɱ, kiñcetaɱ paṭicca vuttaɱ.

Tisso imā bhikkhave vedanā, sukhā vedanā dukkhā vedanā adukkhamasukhā vedanā,
Katamo ca bhikkhave vedanānaɱ nidānasambhavo: phasso bhikkhave vedanānaɱ nidānasambhavo.

Katamā ca bhikkhave vedanānaɱ vemattatā: atthi bhikkhave sāmisā sukhā vedanā, atthi nirāmisā sukhā vedanā, atthi sāmisā dukkhā vedanā atthi nirāmisā dukkhā vedanā, atthi sāmisā adukkhamasukhā vedanā, atthi nirāmisā adukkhamasukhā vedanā, ayaɱ vuccati bhikkhave vedanānaɱ vemattatā.

Katamo ca bhikkhave vedanānaɱ vipāko: yaɱ bhikkhave vediyamāno tajjaɱ tajjaɱ attabhāvaɱ abhinibbatteti puññabhāgiyaɱ vā apuññabhāgiyaɱ vā, ayaɱ vuccati bhikkhave vedanānaɱ vipāko.

Katamo ca bhikkhave vedanānirodho. Phassanirodho bhikkhave vedanānirodho.

Ayameva ariyo aṭṭhaŋgiko maggo vedanā nirodhagāminī paṭipadā. Seyyathīdaɱ: sammādiṭṭhi sammāsaŋkappo sammāvācā sammākammanto sammā ājīvo sammāvāyāmo sammāsati sammāsamādhi

Yato ca kho bhikkhave ariyasāvako evaɱ vedanaɱ pajānāti, evaɱ vedanā nidānasambhavaɱ pajānāti, evaɱ [page 413] vedanānaɱ vemattataɱ pajānātiɱ, evaɱ vedanānaɱ vipākaɱ pajānāti, evaɱ vedanānaɱ nirodhaɱ1 pājānāti, evaɱ vedanānirodhagāminiɱ paṭipadaɱ pajānāti, so imaɱ nibbedhikaɱ brahmacariyaɱ pajānāti vedanānirodhaɱ.

"Vedanā bhikkhave veditabbā vedanānaɱ nidānasambhavo veditabbo, vedanānaɱ vemattatā veditabbā, vedanānaɱ vipāko veditabbo vedanānirodho veditabbo, vedanānirodhagāmiṇī paṭipadā veditabbāti iti yantaɱ vuttaɱ, idametaɱ paṭicci vuttaɱ.

(3) "Saññā bhikkhave veditabbāsaññānaɱ nidānasambhavo veditabbo, saññānaɱ vemattatā veditabbā, saññānaɱ vipāko veditabbo, saññānirodho veditabbo, saññānirodhagāminī paṭipadā veditabbā"ti iti kho panetaɱ vuttaɱ, kiñcetaɱ paṭicca vuttaɱ:

Chayimā bhikkhave saññā: rūpasaññā saddasaññā gandhasaññā rasasaññā phoṭṭhabbasaññā dhammāsaññā.
Katamo ca bhikkhave saññānaɱ nidānasambhavo, phasso bhikkhave saññānaɱ nidānasambhavo.
Katamā ca bhikkhave saññānaɱ vemattatā: aññā bhikkhave saññā rūpesu, aññā saññā saddesu, aññā saññā gandhesu, aññā saññā rasesu, aññā saññā phoṭṭhabbesu, aññā saññā dhammesu. Ayaɱ vuccati bhikkhave saññānaɱ vemattatā.

1 Vedanānirodhaɱ machasaɱ

[BJT Page. 206]
Katamo ca bhikkhave saññānaɱ vipāko: vohāra cepakkāhaɱ bhikkhave saññaɱ vadāmi. Yathā yathā naɱ sañjānāti, tathā tathā voharati evaɱ saññi ahosinti. Ayaɱ vuccati bhikkhave saññānaɱ vipāko.

Katamo ca bhikkhave saññānirodho: phassanirodho bhikkhave saññānirodho.

Ayameva riyo aṭṭhaŋgiko maggo saññānirodhagāminī paṭipadā seyyathīdaɱ: sammā diṭṭhi sammādiṭṭhi sammāsaŋkappo sammāvācā sammākammanto sammā ājīvo sammāvāyāmo sammāsati sammāsamādhi.

Yato ca ko bhikkhave ariyasāvako evaɱ saññaɱ pajākāti, evaɱ saññānaɱ nidānasambhavaɱ pajānāti, evaɱ saññānaɱ [page 414] vemattataɱ pajānāti, evaɱ sañañonaɱ vipākaɱ pajānāti, evaɱ saññānīrodhaɱ pajānāti, evaɱ saññānirodhagāminiɱ paṭipadaɱ pajānāti, so imaɱ nibbodhikaɱ brahmacariyaɱ pajānāti saññānirodhaɱ.

"Saññā bhikkhave veditabbā, saññānaɱ nidānasambhavo veditabbo, saññānaɱ vemattatā veditabbā, saññānaɱ vipāko veditabbo, saññānirodho veditabbo, saññānirodhagāminī paṭipadā veditabbā"ti. Iti yantaɱ vuttaɱ, idametaɱ paṭicca vuttaɱ.

(4) " Āsavā bhikkhave veditabbā āsavānaɱ nidānasambhavo veditabbo, āsavānaɱ vemattatā veditabbā, āsavānaɱ vipāko veditabbo, āsavanirodho veditabbo, āsavanirodhagāminī paṭipadā veditabbā"ti iti kho panetaɱ vuttaɱ, kiñcetaɱ paṭicca vuttaɱ:

Tayo me bhikkhave āsavā: kāmāsavo bhavāsavo avijjāsavo.

Katamo ca bhikkhave āsavānaɱ nidānasambhavo: avijjā bhikkhave āsavānaɱ nidānasambhavo.
Katamā ca bhikkhave āsavānaɱ vemattatā: atthi bhikkhave āsavā nirayagāminiyā, atthi bhikkhave āsavā tiracchānayonigāminiyā, atthi bhikkhave1 āsavā pettivisayagāminiyā, atthi bhikkhave1 āsavā manussalokagāminiyā, atthi bhikkhave1 āsavā devalokagāminiyā, ayaɱ vuccati bhikkhave āsavānaɱ vemattatā.

Katamo ca bhikkhave āsavānaɱ vipāko: yaɱ kho bhikkhave avijjāgato tajjaɱ tajjaɱ attabhāvaɱ abhinibbatteti puññabhāgiyaɱ vā apuññabhāgiyaɱ vā, ayaɱ vuccati bhikkhave āsavānaɱ vipāko.

Katamo ca bhikkhave āsavanirodho. Avijjānirodho bhikkhave āsavanirodho.

Ayameva ariyo aṭṭhaŋgiko maggo āsavanirodhagāmini paṭipadā. Seyyathīdaɱ: sammādiṭṭhi sammāsaŋkappo sammāvācā sammākammanto sammā ājīvo sammāvāyāmo sammāsati sammāsamādhi

Yato ca kho bhikkhave ariyasāvako evaɱ āsave pajānāti, evaɱ āsavanidānasambhavaɱ2 pajānāti, evaɱ āsavānaɱ vemattataɱ pajānāti, (evaɱ evaɱ āsavānaɱ vemattataɱ pajānāti,) evaɱ āsavānaɱ vipākaɱ pajānāti, evaɱ āsavanirodhaɱ pajānāti, evaɱ āsavanirodhagāminiɱ3 paṭipadaɱ pajānāti, so imaɱ nibbedhikaɱ brahmacariyaɱ pajānāti āsavanirodhaɱ. [page 415]

"Āsavā bhikkhave veditabbā āsavānaɱ nidānasambhavo veditabbo, āsavānaɱ vemattatā veditabbā, āsavānaɱ vipāko veditabbo āsavanirodho veditabbo, āsavanirodhagāminī paṭipadā veditabbāti iti yantaɱ vuttaɱ, idametaɱ paṭicca vuttaɱ.

1. Bhikkhave marammapotthake natthi 2. Āsavānaɱ nidānasambhavaɱ machasaɱ
3. Āsavānaɱ nirodhagāminiɱ machasaɱ.

[BJT Page. 208]
(5) " Kammaɱ bhikkhave veditabbaɱ kammānaɱ nidānasambhavo veditabbo, kammānaɱ vemattatā vedibbā, kammānaɱ vipāko veditabbo, kammanirodho veditabbo, kammanirodhagāminī paṭipadā veditabbā"ti iti kho panetaɱ vuttaɱ, kiñcetaɱ paṭicca vuttaɱ:
Cetanāhaɱ bhikkhave kammaɱ vadāmi, cetayitvā kammaɱ karoti kāyena vācāya manasā,
Katamo ca bhikkhave kammānaɱ nidānasambhavo: phasso bhikkhave kammānaɱ nidānambhavo.
Katamā ca bhikkhave kammānaɱ vemattatā: atthi bhikkhave kammaɱ nirayavedanīyaɱ, atthi kammaɱ tiracchānayonivedanīyā, atthi kammaɱ pettivisayavedanīyaɱ, atthi kammaɱ manussalokavedanīyaɱ, atthi kammaɱ devalokavedanīyaɱ. Ayaɱ vuccati bhikkhave kammānaɱ vemattatā.

Katamo ca bhikkhave kammānaɱ vipāko: tividhāhaɱ bhikkhave kammānaɱ vipākaɱ vadāmi: diṭṭhevā dhamme, upajje vā, apare vā pariyāye. Ayaɱ vuccati bhikkhave kammānaɱ vipāko.

Katamo ca bhikkhave kammanirodho: phassanirodho bhikkhave kammanirodho.

Ayameva ariyo aṭṭhaŋgiko maggo kammanirodhagāmini paṭipadā. Seyyathī*daɱ: sammādiṭṭhi sammādiṭṭhi sammāsaŋkappo sammāvācā sammākammanto sammā ājī sammāvāyāmo sammāsati sammāsamādhi.

Yato ca kho bhikkhave ariyasāvako evaɱ kammaɱ pajānāti, evaɱ kammāna nidānasambhavaɱ pajānāti, evaɱ kammānaɱ vemattataɱ pajānāti, evaɱ kammānaɱ vipākaɱ pajānāti, evaɱ kammanirodhaɱ pajānāti, evaɱ kammanirodhagāmini paṭipadaɱ pajānāti. So imaɱ nibbodhikaɱ brahmacariyaɱ pajānāti kammanirodhaɱ.

"Kammaɱ bhikkhave veditabbaɱ [PTS Page416] kammānaɱ nidānasambhavo veditabbo, kammānaɱ vemattatā vedibbāvvv, kamvvvramānaɱ vipāko veditabbo, kammanirodho veditabbo, kammanirodhagāminī paṭipadā veditabbā"ti iti yantaɱ vuttaɱ, idametaɱ paṭicca vuttaɱ.
(6) " Dukkhaɱ bhikkhave veditabbaɱ, dukvvvssa nidānasambhavo veditabbo, dukkhassa vemattatā veditabbā, dukkhassa vipāko veditabbo, dukkhassa nirodho1 veditabbo, dukkhassa nirodhagāminī2 paṭipadā veditabbā"ti iti kho panetaɱ vuttaɱ, kiñcetaɱ paṭicca vuttaɱ

Jātipi dukkhā jarāpi dukkhā vyādhipi dukkho maraṇampi dukkhaɱ soka paridevadukkhadomanassupayāsāpi dukkhā yampicchaɱ na labhati tampi dukkhaɱ, saŋkhittena pañcupādānakkhandhā dukkhā.

Katamo ca bhikkhave dukkhassa nidānasambhamo: taṇhā bhikkhave dukkhassa nidānasambhavo:
Katamā va bhikkhave dukkhassa vemattatā: atthi bhikkhave dukkhaɱ adhimattaɱ, atthi parittaɱ, atthi dandhavirāhī3 atthi khippavirāgī. Ayaɱ vuccati bhikkhave dukkhassa vemattatā.

1. Dukkhanirodho machasaɱ 2. Dukkhanirodhagāmini machasaɱ 3. Dandhavirāgaɱ katthaci. 4. Khippaviragaɱ katthaci.

[BJT Page. 210]

Katamo ca bhikkhave dukkhassa vipāko: idha bhikkhave ekacco yena dukkhena ahibhūto pariyādinnacitto socati, kilamati, paridecati, urattāḷiɱ kandati, sammohaɱāpajjati. Yena vā pana dukkhena abhibhūto pariyādinna citto bahiddhā pariyeṭṭhiɱ ājjati " ko ekapadaɱ dipadaɱ pajānāti imassa dukkhassa nirodhāyā"ti. Sammohavepakkaɱ vāhaɱ bhikve dukkhaɱ vadāmi pariyeṭṭhivepakkaɱ vā.

Katamo ca bhikkhave dukkhanirodho: taṇhānirodho bhikkhave dukkhanirodho.

Ayameva ariyo aṭṭhaŋgiko maggo dukkhanirodhagāminī paṭipadā. Seyyathīdaɱ: sammādiṭṭhi sammāsaŋkappo sammāvācā sammākammanto sammā ājīvo sammāvāyāmo sammāsati sammāsamādhi.

Yato ca kho bhikkhave ariyasāvako evaɱ dukkhaɱ pajānāti, [page 417] evaɱ dukkhassa nidāna
Sambhavaɱ pajānāti, evaɱ dukkhassa vemattataɱ pajānāti, evaɱ dukkhassa vipākaɱ pajānāti, evaɱ dukkhanirodhaɱ pajānāti, evaɱ dukkhanirodhagāminiɱ paṭipadaɱ pajānāti, so imaɱ nibbedhikaɱ brahmacariyaɱ pajānāti dukkhanirodhaɱ.

"Dukkhaɱ bhikkhave veditabbaɱ, dukkhassa nidānasambhavo veditabbo, dukkhassa vemattatā veditabbā, dukkhassa vipāko veditabbo, dukkhanirodho veditabbo, dukkhanirodhagāminī paṭipadā veditabbāti" iti yantaɱ vuttaɱ, idametaɱ paṭicca vuttaɱ.
Ayaɱ so kho bhikkhave nibbedhikapariyāyo dhammapariyāyoti.

6. 2. 1. 10.
(Sīhanāda suttaɱ)
(Sāvatti nidānaɱ)
10. Chayimāni bhikkhave tathāgatassa tathāgatabalāni yehi balehi samannāgato tathāgato āsabhaɱ ṭhānaɱ paṭipānāti, parisāsu sihanādaɱ nadati, brahmacakkaɱ pavanteti. Katamāni cha:
(1) Idha bhikkhave tathāgato ṭhānañca ṭhānato aṭṭhānañca aṭṭhānato yathābhūtaɱ pajānāti. Yampi bhikkhave tathāgato ṭhānañca ṭhānato aṭṭhānañca aṭṭhānato yathābhūtaɱ pajānāti, idampi bhikkhave tathāgatassa tathāgatabalaɱ he ti yaɱ balaɱ āgamma tathāgato āsabhaɱ ṭhānaɱ paṭijānāti, pariyāsu sīhanādaɱ nadati, brahmacakkaɱ pavatteti.
(2) Puna ca paraɱ bhikkhave tathāgato atītānāgatapaccuppannānaɱ kammasamādānāna1 ṭhānaso hetuso vipākaɱ yathābhūtaɱ pajānāti. Yampi bhikkhave tathāgato atītānāgatapaccuppannānaɱ kammasamādānānaɱ ṭhānaso hetuso vipākaɱ yathābhūtaɱ pajānāti, idimpi bhikkhave tathāgatassa tathāgatabala hoti, yaɱ balaɱ āgamma tathāgato āsabhaɱ ṭhānaɱ paṭijānāti, parisāsu sīhanādaɱ nadati, brahmacakvvvtaɱ pavatteti.

[BJT Page 212]
(3) Puna ca paraɱ bhikkhave tathāgato [page 418] jhānavimokkhasamādhisamāpattinaɱ saŋkilesaɱ vodānaɱ vuṭṭhānaɱ yathābhūtaɱ pajānāti. Yampi bhikkhave tathāgato jhānavimokkhasamādhiyamāpattinaɱ saŋkilesaɱ vodānaɱ vuṭṭhāna yathābhūtaɱ pajānāti, idampi bhikkhave tathāgatassa tathāgatabalaɱ hoti yaɱ balaɱ āgamma tathāgato āsabhaɱ ṭhānaɱ paṭijānāti, parisāsu sīhanādaɱ nadati, brahmacakkaɱ pavatteti.

(4) Puna ca paraɱ bhikkhave tathāgato anekavihitaɱ pubbenivāsaɱ anussarati. Seyyathīdaɱ: ekampi jātiɱ, dvepi jātiyo tissopi jātiyo vatassopi jātiyo pañcapi jātiyo dasapi jātiyo, vīsampi jātiyo tiɱsampi jātiyo cattārīsami jātiyo paññāsamipi jātiyo jātisatampi jātisahassampi jātisatasahassampi anekepi saɱvaṭṭakappe anekepi vivaṭṭakappe anekepi saɱvaṭṭavivaṭṭakappe. Amutrāsiɱ evannāmo, evaŋgotto evaɱvaṇṇo evamāhāro evaɱsukhadukkhapaṭisaɱvedī evamāyupariyanto. So tato vuto amutra upapādiɱ, 1 tatrāpāsiɱ evannāmo evaŋgotto evaɱvaṇaṇo evamāhāro evaɱsukhadukkhapaṭisaɱvedī evamāyupariyanto. So tato vuto idhūpapannoti. Iti sākāraɱ sauddesaɱ anekavihitaɱ pubbenivāsaɱ anussarati. Yampi bhikkhave tathāgato anekavihitaɱ pubbenivāsaɱ anussarati, seyyathīdaɱ: ekampi jātiɱ, dvepi jātiyo tissopi jātiyo vatassopi jātiyo
Pañcapi jātiyo dasapi jātiyo, vīsampi jātiyo tiɱsampi jātiyo cattārīsami jātiyo paññāsamipi jātiyo jātisatampi jātisahassampi jātisatasahassampi anekepi saɱvaṭṭakappe anekepi vivaṭṭakappe anekepi saɱvaṭṭavivaṭṭakappe. Amutrāsiɱ
Evannāmo, evaŋgotto evaɱvaṇṇo evamāhāro evaɱsukhadukkhapaṭisaɱvedī evamāyupariyanto. So tato vuto amutra upapādiɱ, 1 tatrāpāsiɱ evannāmo evaŋgotto evaɱvaṇaṇo evamāhāro evaɱsukhadukkhapaṭisaɱvedī evamāyupariyanto. So tato vuto idhūpapannoti. Iti sākāraɱ sauddesaɱ anekavihitaɱ pubbenivāsaɱ anussarati. Yampi bhikkhave tathāgato anekavihitaɱ pubbenivāsaɱ anussarati, yyethidaɱ: ekampi jātiɱ dvepi jātiyo iti sākāraɱ sauddesaɱ anekavihitaɱ pubbe nivāsaɱ anussarati, idampi bhikkhave tathāgatassa tathāgatabalaɱ hoti yaɱ balaɱ āgamma tathāgato āsahaɱ ṭhānaɱ paṭijānāti, parisāsu sīhanādaɱ nadati, brahmacakkaɱ pavatteti.

(5) Puna ca paraɱ bhikkhave tathāgato dibbena cakkhūnā visuddhena atikkantamānusakena satate passati cavamāne, uppajjamāne hīne paṇīte suvaṇṇe dubbaṇṇe sugate duggate yathākammupage satte pajānāti. Yampi bhikkhave tathāgato dibbena cakkhūnā visuddhena atikkantamānusakena satate passati cavamāne, uppajjamāne hīne paṇīte suvaṇṇe dubbaṇṇe sugate duggate yathākammūpage satte pajānāti, idampi bhikkhave tathāgatassa tathāgatabalaɱ hoti yaɱ balaɱ āgamma tathāgato āsabhaɱ ṭhānaɱ paṭijānāti, parisāsu sīhanādaɱ nadati, brahmacakkaɱ pavatteti.

(6) Puḍa ca paraɱ bhikkhave tathāgato āsavānaɱ khayā anāsavaɱ vetovimuttiɱ paññāvimuttiɱ diṭṭheva dhamme yaɱ abhiññā sacchikatvā upasampajja viharati yampi bhikkhave tathāgato āsavānaɱ khayā anāsavaɱ vetovimuttiɱ paññāvimuttiɱ diṭṭheva dhamme yaɱ abhiññā sacchikatvā upasampajja viharati. Idampi bhikkhave tathāgatassa tathāgatabalaɱ hoti yaɱ balaɱ āgamma tathāgato āsabhaɱ ṭhānaɱ paṭijānāti, parisāsu sihanādaɱ nadati, brahmacakkaɱ pavatteti. [page 419]

Imāni kho bhikkhave cha tathāgatassa tathāgatabalāni, yehi balehi samannāgato tathāgato āsabhaɱ ṭhānaɱ paṭijānāti, parisāsu sīhanādaɱ nadati, brahmacakkaɱ pavatteti.

Tatra ce bhikkhave pare tathāgataɱ ṭhānañca ṭhānato aṭṭhānañca aṭṭhānato yathābhūtaɱ ñāṇena upasaŋkamitvā pañhaɱ pucchanti, yathā yathā bhikkhave tathāgatassa ṭhānañca ṭhānato aṭṭhānañca aṭṭhānato yathābhūtaɱ ñāṇaɱ viditaɱ, tathā tathā tesaɱ tathāgato ṭhānañca ṭhānato aṭṭhānañca aṭṭhānato yathābhūtaɱ ñāṇena pañhaɱ puṭṭho byākaroti.

[BJT Page 214]

Tatra ce bhikkhave pare tathāgataɱ atītānāgatapaccuppannānaɱ kammasamādānānaɱ ṭhānaso hetuso vipākaɱ yathābhūtaɱ ñāṇena upasaŋkamitvā pañhaɱ pucchanti, yathā yathā bhikkhave tathāgatassa atītānāgatapaccuppannānaɱ kammasamādānānaɱ ṭhānaso hetuso vipākaɱ yathābhūtaɱ ñāṇaɱ viditaɱ, tathā tathā tesaɱ tathāgato atītānāgatapaccuppannānaɱ kammasamādānānaɱ ṭhānaso hetuso vipākaɱ yathābhūtaɱ ñāṇena pañhaɱ puṭṭho byākaroti.

Tatra ce bhikkhave pare tathāgataɱ jhānavimokkhasamādhisamāpattinaɱ saŋkilesā vodānaɱ vuṭṭhānaɱ yathābhūtaɱ ñāṇena upasaŋkamitvā pañhaɱ pucchanti, yathā yathā bhikkhave tathāgatassa jhānavimokkhasamādhisamāpattīnaɱ saŋkilesaɱ vodānaɱ vuṭṭhānaɱ yathābhūtaɱ ñāṇaɱ viditaɱ, tathā tathā tesaɱ tathāgato jhānavimokkhasamādhisamāpattīnaɱ saŋkilesaɱ vodānaɱ vuṭṭhānaɱ yathābhūtaɱ ñāṇena pañhaɱ puṭṭho byākaroti.

Tatra ce bhikkhave pare tathāgataɱ pubbenivāsānussatiɱ yathābhūtaɱ ñāṇena upasaŋkamitvā pañhaɱ pucchanti, yathā yathā bhikkhave tathāgatassa pubbenivāsānussatiɱ yathābhūtaɱ ñāṇena viditaɱ, tathā tathā [page 420] tesaɱ tathāgato pubbenivāsānussatiɱ yathābhūtaɱ ñāṇena pañhaɱ puṭṭho vyākaroti.

Tatra ce bhikkhave pare tathāgataɱ sattānaɱ cutupapātaɱ yathābhūtaɱ ñāṇena upasaŋkamitvā pañhaɱ pucchanti, yathā yathā bhikkhave tathāgatassa sattānaɱ cūtupapapātaɱ yathābhūtaɱ ñāṇaɱ viditaɱ, tathā tathā tesaɱ tathāgato sattānaɱ cutupapātaɱ yathābhūtaɱ ñāṇena pañhaɱ puṭṭho byākaroti.

Tatra ce bhikkhave pare tathāgataɱ āsavānaɱ khayā yathābhūtaɱ ñāṇena upasaŋkamitvā pañhaɱ pucchanti, yathā yathā bhikkhave tathāgatassa āsavānaɱ khayā yathābhūtaɱ ñāṇaɱ viditaɱ, tathā tathā tesaɱ tathāgato āsavānaɱ khayaɱ yathābhūtaɱ ñāṇena pañhaɱ puṭṭo byākaroti.
Tatra bhikkhave yamidaɱ ṭhānañca ṭhānato aṭṭhānañca aṭṭhānato yathābhūtaɱ ñāṇaɱ, tampi samāhitassa vadāmi, no asamāhitassa.

[BJT Page. 216]

Yampidaɱ atitānāgatapaccuppannānaɱ kammasamādānānaɱ ṭhānaso hetuso vipākaɱ yathābhūtaɱ ñāṇaɱ, tampi samāhitassa vadāmi. No asamāhitassa.

Yampidaɱ jhānavimokkhasamādhisamāpattīnaɱ saŋkilesaɱ vodānaɱ vuṭṭhānaɱ yathābhūtaɱ ñāṇaɱ, tampi samāhitassa vadāmi. No asamāhitassa,

Yampidaɱ pubbenivāsānussatiɱ yathābhūtaɱ ñāṇaɱ, tampi samāhitassa vadāmi. No asamāhitassa, tassa.

Yampidaɱ sattānaɱ cutupapātaɱ yathābhūtaɱ ñāṇaɱ, tampi samāhitassa vadāmi. No asamāhitassa, tassa.
. 3
Yampidaɱ āsavānaɱ khayā yathābhūtaɱ ñāṇaɱ, tampi samāhitassa vadāmi. No asamāhi tassa.
Iti kho bhikkhave samādhi maggo, asamādhi kummaggoti.

Mahāvaggo paṭhamo.[PTS Page 421 *]
Tassuddānaɱ:
Soṇo majjuṇaɱ chaḷābhijātiyo āsavā dārukammahatthimajjhaɱ
Passa cittaparāyanaɱ udakaɱ nibbedhikasīhanādena vaggoti sīmu.

Soṇo phagguṇobhijāti āsavā dāruhatthi ca
Majajhe ñāṇaɱ nibbedhikaɱ sīhanādoti te dasāti machasaɱ

* Mahāvaggo chaṭṭho pāḷiyaɱñca, aṭṭhakathāyañca, machasaɱ potthake ca dissate.
[BJT Page 218]

2. Anāgāmi vaggo
6. 2. 2. 1
(Anāgāmiphala suttaɱ)
(Sāvatthinidānaɱ)
11. Cha bhikkhave dhamme appahāya abhabbo anāgāmiphalaɱ sacchikātuɱ. Katame cha:
Assaddhiyaɱ, ahirikaɱ, anottappaɱ, kosajjaɱ, muṭṭhasaccaɱ, 1dappaññataɱ.

Ime kho bhikkhave cha dhamme appahāya abhabbo anāgāmiphalaɱ sacchikātuɱ.

Cha bhikkhave dhamme pahāya bhabbo anāgāmiphalaɱ sacchikātuɱ. Katame cha:

Assaddhiyaɱ, ahirikaɱ, anottappaɱ, kosajjaɱ, muṭṭhasaccaɱ, duppaññataɱ.

Ime kho bhikkhave cha dhamme pahāya bhabbo anāgāmiphalaɱ sacchikātunti.

6. 2. 2. 2.
(Arahattaphala suttaɱ)
(Sāvatthinadānaɱ)
12. Cha bhikkhave dhamme appahāya abhabbo arahattaɱ sacchikātuɱ, katame cha:
Thinaɱ, 2 middhaɱ, uddhaccaɱ, kukkuccaɱ, assaddhiyaɱ, pamādaɱ.
Ime kho cha dhamme appahāya abhabbo arahattaɱ sacchikātuɱ.
Cha bhikkhave dhamme pahāya bhabbo arahattaɱ sacchikātuɱ. Katame cha:
Thinaɱ2 middhaɱ, uddhaccaɱ, kukkuccaɱ, assaddhiyaɱ, pamādaɱ.
Ime kho bhikkhave cha dhamme pahāya bhabbo arahattaɱ sacchikātunti. [page 422]

6. 2. 2. 3
(Mitta suttaɱ)
(Sāvatthinidānaɱ)
13. So vata bhikkhave bhikkhū pāpamitto pāpasahāyo pāpasampavaŋko, pāpamitte sevamāno bhajamāno payirupāsamāno, tesañca diṭṭhānugatiɱ āpajjamāno, ābhisamācārikaɱ dhammaɱ paripūressatīti netaɱ ṭhānaɱ vijjati. Ābhisamācārikaɱ dhammaɱ aparipūretvā sekhaɱ dhammā paripūressatīti netaɱ ṭhānaɱ vijjati. Sekhaɱ dhammaɱ aparipūretvā sīlāni paripūressatīti netaɱ ṭhānaɱ vijjati. Sīlāni aparipūretvā kāmarāgaɱ vā rūparāgaɱ vā arūparāgaɱ vā pajahissatīti netaɱ ṭhānaɱ vijjati.

1. Muṭṭhassacchaɱ machasaɱ, 2 thinaɱ machasaɱ

[BJT Page 220]
So vata bhikkhave bhikkhū kalyāṇamitto kalyāṇasahāyo kalyāṇasampavaŋko, kalyāṇamitte sevamano bhajamāno payirupāsamāno, tesañca diṭṭhānugatiɱ āpajjamāno, ābhisamācārikaɱ dhammaɱ paripūressatīti ṭhānametaɱ vijjati. Ābhisamācārikaɱ dhammaɱ paripūretvā sekhaɱ dhammaɱ paripūressatīti ṭhānametaɱ vijjati. Sekhaɱ dhammaɱ paripūretvā sīlāni paripūressatīti ṭhānametaɱ vijjati. Sīlāni paripūretvā kāmarāgaɱ vā rūparāgaɱ vā arūparāgaɱ vā pajahissatīti ṭhānametaɱ vijjati. *

6. 2. 2. 4.
(Saŋgaṇikārāma suttaɱ)
(Sāvatthinidānaɱ)
14. So vata bhikkhave bhikkhū saŋgaṇikārāmo saŋgaṇikārato1 saŋgaṇikārāmataɱ anuyutto, gaṇārāmo gaṇarato gaṇārāmataɱ anuyutto eko paviveke abhiramissatīti netaɱ ṭhānaɱ vijjati. Eko paviveke anabhiramanto [page 423] cittassa nimittaɱ gaṇahissatīti2 netaɱ ṭhānaɱ vijjati. Cittassa nimittaɱ agaṇhanto sammādiṭṭhiɱ paripūressatiti netaɱ ṭhānaɱ vijjati. Sammādiṭṭiɱ aparipūretvā sammāsamādhiɱ paripūressatīti netaɱ ṭhānaɱ vijjati. Sammāsamādhiɱ aparipūretvā saññojanāni3 pajahissatīti netaɱ ṭhānaɱ vijjati. Saññojanāni appahāya nibbānaɱ sacchikarissatiti netaɱ ṭhānaɱ vijjati.

So vata bhikkhave bhikkhū na saŋgaṇikārāmo na saŋgaṇikārato na saŋgaṇikārāmataɱ anuyutto, na gaṇārāmo na gaṇarato na gaṇārāmataɱ anuyutto, eko paviveke ahiramissatīti. Ṭhānametaɱ vijjati. Eko paviveke abhiramanto cittassa nimittaɱ gaṇahissatīti2 ṭhānametaɱ vijjati. Cittassa nimittaɱ gaṇhanto sammādiṭṭhiɱ paripūressatīti ṭhānametaɱ vijjati. Sammādiṭṭhiɱ paripūretvā sammāsamādhiɱ paripūressatīti ṭhānametaɱ vijjati. Sammāsamādhiɱ paripūretvā saññojanāni3 pajahissatīti ṭhānametaɱ vijjati. Saññojanāni pahāya nibbānaɱ sacchikarissatīti ṭhānametaɱ vijjatī, ti.

6. 2. 2. 5
(Devatā suttaɱ)
(Sāvatthinidānaɱ)
15. Atha kho aññatarā devatā abhikkantāya rattiyā abhikkantavaṇṇā kevalakappaɱ jetavanaɱ obhāsetvā yena bhagavā tenupasaŋkami. Upasaŋkamitvā bhagavantaɱ abhivādetvā ekamantaɱ aṭṭhāsi. Ekamantaɱ ṭhitā kho sā devatā bhagavantaɱ etadavoca:

*Imasmiɱ sutte "ṭhānametaɱ navijjati" "ṭhānametaɱ vijjati" vasena cattāri cattāri kāraṇāni dissanti.
1. Saŋgaṇikarato machasaɱ, 2. Gahessatiti machasaɱ, 3. Saɱyojanānimachasaɱ

[BJT Page. 222]
Chayime bhante dhammā bhikkhuno aparihānāya saɱvattanti. Katame cha.
Satthugāravatā, dhammagāravatā, saŋghagāravatā, sikkhāgāravatā, sovacassatā, kalyāṇamittatā.

Ime kho bhante cha dhammā bhikkhuno aparihānāya saɱvattantiti. Idamavoca sā devatā. Samanuñño satthā ahosi.

Atha kho sā devatā samanuñño me satthā, ti bhagavantaɱ abhivādetvā padakkhiṇaɱ katvā tatthevantaradhāyi. [page 424]

Atha bhagavā tassā rattiyā accayena bhikkhū āmantesi: imaɱ bhikkhave rattiɱ aññatarā devatā abhikkantāya rattiyā abhikkantavaṇṇā kevalakappaɱ jetavanaɱ obhāsetvā yenāhaɱ tenupasaŋkami. Upasaŋkamitvā maɱ abhivādetvā ekamantaɱ aṭṭhāsi. Ekamantaɱ ṭhitā kho bhikkhave sā devatā maɱ etadavoca:

Chayime bhante dhammā bhikkhuno aparihānāya saɱvattantī. Katame cha:
Satthugāravatā, dhammagāravatā, saŋghagāravatā, sikkhāgāravatā, sovacassatā, kalyāṇamittatā.

Ime kho bhante cha dhammā bhikkhuno aparihānāya saɱvattanti, ti.
Idamavoca bhikkhave sā devatā. Idaɱ vatvā maɱ abhivādetvā padakkhiṇaɱ katvā tatthevantaradhāyīti.

Evaɱ vutte āyasmā sāriputto bhagavantaɱ etadavoca:

"Imassa kho ahaɱ bhante bhagavatā saŋkhittena bhāsitassa evaɱ vitthārena atthaɱ ājānāmi: idha bhante bhikkhū attanā ca satthugāravo hoti satthugāravatāya ca vaṇṇavādi, ye caññe bhikkhū na satthugāravā te ca satthugāravatāya samādapeti, ye caññe bhikkhū satthugāravā tesañca vaṇṇaɱ bhāsati1 bhūtaɱ tacchaɱ kālena. Attanā ca dhammagāravo hoti dhammagāravatāya ca vaṇṇavādī, ye caññe bhikkhū na dhammagāravā te ca dhammagāravatāya samādapeti, ye caññe bhikkhū dhammagāravā tesañca vaṇṇaɱ bhāsati bhūtaɱ tacchaɱ kālena. Attanā ca saŋghagāravo hoti saŋghagāravatāya ca vaṇṇavādī, ye caññe bhikkhū na saŋghagāravā te ca saŋghagāravatāya samādapeti, ye caññe bhikkhū saŋghagāravā tesañca vaṇṇaɱ bhāsati bhūtaɱ taccha kālena. Attanā ca sikkhāgāravo hoti sikkhāgāravatāya ca vaṇṇavādī, ye caññe bhikkhū na sikkhāgāravā te ca sikkhāgāravatāya samādapeti, ye caññe bhikkhū sikkhāgāravā tesañca vaṇṇaɱ bhāsati bhūtaɱ tacchaɱ kālena. Attanā ca suvaco hoti sovacassātāya ca vaṇṇavādī, ye caññe bhikkhū na suvacā te ca sovacassatāya samādapeti, ye caññe bhikkhū suvacā tesañca vaṇṇaɱ bhāsati bhūtaɱ taccha kālena. Attanā ca kalyāṇamitto hoti kalyāṇamittatāya ca vaṇṇavādi, ye caññe bhikkhū na kalyāṇamittā te ca kalyāṇamittatāya samādapeti, ye caññe bhikkhū kalyāṇamittā tesañca vaṇṇaɱ bhāsati1 bhūtaɱ tacchaɱ kālena.

Imassa kho ahaɱ bhante bhagavatā saŋkhitte bhāsitassa evaɱ vitthārena attha ājānāmi"ti.

1 Bhaṇāti machasaɱ

[BJT Page. 224]
Sādhu sādhu sāriputta, sādhu kho tvaɱ sāriputta imassa mayā saŋkhittena bhāsitassa evaɱ vitthārena atthaɱ ājānāsi.

Idha sāriputta bhikkhu attanā ca satthugāravo [page 425] hoti, satthugāravatāya ca vaṇṇavādi, ye caññe bhikkhū na satthugāravā, te ca satthugāravatāya samādapeti. Ye caññe bhikkhū satthugāravā, tesañca vaṇṇaɱ bhāsati bhūtaɱ tacchaɱ kālena. Attanā ca dhammagāravo hoti dhammagāravatāya ca vaṇṇavādī, ye caññe bhikkhū na dhammagāravā te ca dhammagāravatāya samādapeti, ye caññe bhikkhū dhammagāravā tesañca vaṇṇaɱ bhāsati bhūta tacchaɱ kālena. Attanā ca saŋghagāravo hoti saŋghagāravatāya ca vaṇṇavādī, ye caññe bhikkhū na saŋghagāravā te ca saŋghagāravatāya samādapeti, ye caññe bhikkhū saŋghagāravā tesañca vaṇṇaɱ bhāsati bhūtaɱ taccha kālena. Attanā ca sikkhāgāravo hoti sikkhāgāravatāya ca vaṇṇavādī, ye caññe bhikkhū na sikkhāgāravā te ca sikkhāgāravatāya samādapeti, ye caññe bhikkhū sikkhāgāravā tesañca vaṇṇaɱ bhāsati bhūtaɱ tacchaɱ kālena. Attanā ca suvaco hoti sovacassatāya ca vaṇṇavādī, ye caññe bhikkhū na suvacā te ca sovacassatāya samādapeti, ye caññe bhikkhū suvacā tesañca vaṇṇaɱ bhāsati bhūtaɱ taccha kālena. Attanā ca kalyāṇamitto hoti kalyāṇamittatāya ca vaṇṇavādī, ye caññe bhikkhū na kalyāṇamittā, te ca kalyāṇamittatāya samādapeti, ye caññe bhikkhū kalyāṇamittā tesañca vaṇṇaɱ bhāsati bhūtaɱ tacchaɱ kālena.

Imassa kho sāriputta mayā saŋkhittena bhāsitassa evaɱ vitthārena attho daṭṭhabboti.
6. 2. 2. 6.
(Samādhisuttaɱ)
(Sāvatthinidānaɱ)
16. So vata bhikkhave bhikkhu na santena samādhinā na paṇītena na paṭippassaddhiladdhena na ekodībhāvādhigatena

Anekavihitaɱ iddhividhaɱ paccanubhavissati: ekopi hutvā bahudhā bhavissati, bahudhāpi hutvā eko bhavissati āvibhāvaɱ, tirobhāvaɱ tirokuḍḍaɱ tiropākāraɱ tiropabbataɱ asajjamānova gacchissati seyyathāpi ākāse, paṭhaviyāpi ummujjanimmujjaɱ karissati seyyathāpi udake, udakepi abhijjamāne gacchissati seyyathāpi paṭhaviyaɱ, ākāsepi pallaŋkena kamissati seyyathāpi pakkhī sakuṇo, imepi candimasuriye evaɱ mahiddhike evaɱ mahānubhāve pāṇinā parimasissati parimajjissati yāva brahmalokāpi kāyena vasaɱ vattessatīti netaɱ ṭhānaɱ vijjati.

Dibbāya sotadhātuyā visuddhāya atikkantamānusakāya ubho sadde suṇissati, dibbe ca mānuse ca ye dūre santike cāti, netaɱ ṭhānaɱ vijjati.

Parasattānaɱ parapuggalānaɱ cetasā ceto paricca pajānissati: sarāgaɱ vā cittaɱ sarāgaɱ cittanti pajānissati vītarāgaɱ vā cittaɱ vītarāgaɱ cittanti pajānissati, sadosaɱ vā cittaɱ sadosaɱ cittanti pajānissati. Vītadosaɱ vā cittaɱ vītadosaɱ cittanti pajānissati. Samohaɱ vā cittaɱ samohaɱ cittanti pajānissati. Vītamohaɱ vā cittaɱ vītamohaɱ cittanti pajānissati. Saŋkhittaɱ vā cittaɱ saŋkhittaɱ cittanti pajānissati.
Vikkhittaɱ vā cittaɱ vikkhittaɱ cittanti pajānissati. Mahaggataɱ vā cittaɱ mahaggataɱ cittanti pajānissati. Amahaggataɱ vā cittaɱ amahaggataɱ cittanti pajānissati sauttaraɱ vā cittaɱ sauttaraɱ cittanti pajānissati anuttaraɱ vā cittaɱ anuttaraɱ cittanti pajānissati samāhitaɱ vā cittaɱ samāhitaɱ cittanti pajānissati asamāhitaɱ vā cittaɱ asamāhitaɱ cittanti pajānissati. Vimuttaɱ vā cittaɱ vimuttaɱ cittanti pajānissati. Avimuttaɱ3 vā cittaɱ avimuttaɱ cittanti pajānissatīti netaɱ ṭhānaɱ vijjati.

Anekavihitaɱ pubbenivāsaɱ anussarissati4 seyyathīdaɱ: ekampi jātiɱ dvepi jātiyo tissopi jātiyo catassopi jātiyo pañcapi jātiyo dasapi jātiyo, vīsampi jātiyo tiɱsampi jātiyo cattārīsampi jātiyo paññāsampi jātiyo jātisatampi jātisahassampi jātisatasahassampi anekepi saɱvaṭṭakappe anekepi vivaṭṭakappe anekepi saɱvaṭṭavivaṭṭakappe. Amutrāsiɱ evannāmo, evaŋgotto evaɱvaṇṇo evamāhāro evaɱ sukhadukkhapaṭisaɱvedī evamāyupariyanto. So tato cuto amutra upapādiɱ1 tatrāpāsiɱ evannāmo evaŋgotto evaɱvaṇṇo evamāhāro evaɱ sukhadukkhapaṭisaɱvedī evamāyupariyanto. So tato cuto idhūpapannoti. Iti sākāraɱ sauddesaɱ [page 426] anekavihitaɱ pubbenivāsaɱ anussarissatīti. Netaɱ ṭhānaɱ vijjati.

Dibbena cakkhunā visuddhena atikkantamānusakena satte passissati cavamāne uppajjamāne hīne paṇīte suvaṇṇe dubbaṇṇe sugate duggate yathākammūpage satte pajānissatīti netaɱ ṭhānaɱ vijjati.

Āsavānaɱ khayā anāsavaɱ cetovimuttiɱ paññāvimuttiɱ diṭṭheva dhamme sayaɱ abhiññā sacchikatvā upasampajja viharissatīti netaɱ ṭhānaɱ vijjatīti.

1. Vattissatiti simu. 2 Vimuttaɱvā cittaɱmachasaɱ 3. Vimuttaɱ machasaɱ 4. Anussarati sīmu.

[BJT Page 226]

So vata bhikkhave bhikkhu santena samādhinā paṇītena paṭippassaddhiladdhena ekodibhāvādhigatena

Anekavihitaɱ iddhividhaɱ paccanubhavissati, ekopi hutvā bahudhā bhavissati, bahudhāpi hutvā eko bhavissati, āvibhāvaɱ tirobhāvaɱ, tirokuḍḍaɱ tiropākāraɱ tiropabbataɱ asajjamāno gacchissati, seyyathāpi ākāse, paṭhaviyāpi ummujjanimmujjaɱ karissati seyyathāpi udake, udakepi abhijjamāne gacchissati seyyathāpi paṭhaviyaɱ, ākāsepi pallaŋkena kamissati seyyathāpi pakkhīsakuṇo , imepi candimasuriye evaɱ mahiddhike evaɱ mahānubhāve pāṇinā parimasissati parimajjissati, yāva brahmalokāpi kāyena vasaɱ vattessatīti1 ṭhāna metaɱ vijjati

Dibbāya sotadhātuyā visuddhāya atikkantamānusakāya ubho sadde suṇissati dibbe ca mānuse ca ye dūre santike cāti ṭhānametaɱ vijjati.

Parasattānaɱ parapuggalānaɱ cetasā ceto paricca pajānissati sarāgaɱ vā cittaɱ sarāgaɱ cittanti pajanissati, vītarāgaɱ vā cittaɱ vītarāgaɱ cittanti pajānissati. Sadosaɱ vā cittaɱ sadosaɱ cittanti pajānissati. Vītadosaɱ vā cittaɱ cittanti pajānissati. Samohaɱ vā cittaɱ samohaɱ cittanti pajānissati. Vītamohaɱ vā cittaɱ vītamohaɱ cittanti pajānissati. Saŋkhittaɱ vācittaɱ saŋkhittaɱ cittanti pajānissati. Vikkhittaɱ vā cittaɱ vikkhittaɱ cittanti pajānissati. Mahaggataɱ vā cittaɱ mahaggataɱ cittanti pajānissati. Amahaggataɱ vā cittaɱ amahaggataɱ cittanti pajānissati. Sauttaraɱ vā cittaɱ sauttaraɱ cittanti pajānissati. Anuttaraɱ vā cittaɱ anuttaraɱ cittanti pajānissati. Samāhitaɱ vā cittaɱ samāhitaɱ cittanti pajānissati. Asamāhitaɱ vā cittaɱ asamāhitaɱ cittanti pajānissati. Vimuttaɱ vā cittaɱ vimuttaɱ cittanti pajānissati, avimuttaɱ vā cittaɱ avimuttaɱ cittanti pajānissatīti ṭhānametaɱ vijjati.

Anekavihitaɱ pubbenivāsaɱ anussarissati seyyathīdaɱ: ekampi jātiɱ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiɱsampi jātiyo cattārīsampi jātiyo paññāsampi jātiyo jātisatampi jātisahassampi jātisatasahassampi anekepi saɱvaṭṭakappe anekepi vivaṭṭakappe anekepi saɱvaṭṭavivaṭṭakappe. Amutrāsiɱ evannāmo, evaŋgotto evaɱvaṇṇo evamāhāro evaɱ sukhadukkhapaṭisaɱvedī evamāyupariyanto. So tato cuto amutra upapādiɱ, 1 tatrāpāsiɱ evannāmo evaŋgotto evaɱvaṇṇo evamāhāro evaɱ sukhadukkhapaṭisaɱvedī evamāyupariyanto. So tato vuto idhūpapannoti. Iti sākāraɱ sauddesaɱ anekavihitaɱ pubbenivāsaɱ anussarissatīti ṭhānametaɱ vijjati.

Dibbena cakkhunā visuddhena atikkantamānusakena satte passissati cavamāne uppajjamāne hīne paṇīte suvaṇṇe dubbaṇṇe sugate duggate. Yathākammūpage satte pajānistīti ṭhānametaɱ vijjati

Āsavānaɱ khayā anāsavaɱ ceto vimuttiɱ paññāvimuttiɱ diṭṭheva dhamme sayaɱ abhiññā sacchikatvā upasampajja viharissatīti ṭhānametaɱ vijjatīti.
6. 2. 2. 7
(Sakkhibhabba suttaɱ)
(Sāvatthinidānaɱ)
17. Chahi bhikkhave dhammehi samannāgato bhikkhu abhabbo, tatra tatreva sakkhibhabbataɱ pāpuṇītuɱ sati sati āyatane. Katamehi chahi:
[page 427]
Idha bhikkhave bhikkhu " ime hānabhāgiyā dhammāti yathābhūtaɱ nappajānāti, ime ṭhitibhāgiyā dhammāti yathābhūtaɱ nappajānāti, ime visesabhāgiyā dhammāti yathābhūtaɱ nappajānāti, ime nibbedhabhāgiyā dhammāti yathābhūtaɱ nappajānāti" asakkaccakārī ca hoti asappāyakārī ca.
Imehi kho bhikkhave chahi dhammehi samannāgato bhikkhu abhabbo tatra tatreva sakkhībhabbataɱ pāpuṇītuɱ sati sati āyatane.

Chahi bhikkhave dhammehi samannāgato bhikkhu bhabbo tatra tatreva sakkhibhabbataɱ pāpuṇītuɱ sati sati āyatane. Katamehi chahi:

Idha bhikkhave bhikkhu ime hānabhāgiyā dhammāti yathābhūtaɱ pajānāti, ime ṭhitibhāgiyā dhammāti yathābhūtaɱ pajānāti, ime visesabhāgiyā dhammāti yathābhūtaɱ pajānāti, ime nibbedhabhāgiyā dhammāti yathābhūtaɱ pajānāti", sakkaccakārī ca hoti sappāyakārī ca.
Imehi kho bhikkhave chabhi dhammehi samannāgato bhikkhū bhabbo tatra tatreva sakkhibhabbataɱ pāpuṇītuɱ sati sati āyataneti.

1. Vattissatīti sīmu. 2. Vimuttaɱ machasaɱ

[BJT Page 228]
6. 2. 2. 8.
(Bala suttaɱ)
(Sāvatthinidānaɱ)
18. Chahi bhikkhave dhammehi samannāgato bhikkhū abhabbo samādhismiɱ balataɱ pāpūṇītuɱ. Katamehi chahi:

Idha bhikkhave bhikkhū na samādhissa samāpattikusalo hoti, na samādhissa ṭhitikusalo hoti, na samādhissa vuṭṭhānakusalo hoti, asakkaccakārī ca hoti, asātaccakārī ca. Asappāyakārī ca.

Imehi kho bhikkhave chahi dhammehi samannāgato bhikkhu abhabbo samādhismi. Balataɱ pāpuṇītuɱ.

Chahi bhikkhave dhammehi samannāgato bhikkhu bhabbo samādhismiɱ balataɱ pāpuṇītuɱ, katamehi chahi:
[page 428]
Idha bhikkhave bhikkhū samādhissa samāpattikusalo hoti, samādhissa ṭhitikusalo hoti, samādhissa vuṭṭhānakusalo hoti, sakkaccakārī ca hoti, sātaccakārī ca, sappāyakārī ca.

Imehi kho bhikkhave chahi dhammehi samannāgato bhikkhū bhabbo samādhismiɱ balataɱ pāpuṇītunti.

6. 2. 2. 9.
(Paṭhamajjhāna suttaɱ)
(Sāvatthinidānaɱ)
19. Cha bhikkhave dhamme appahāya abhabbo paṭhamaɱ jhānaɱ upasampajja viharituɱ, katame cha:

Kāmacchanda, vyāpādaɱ, thīnamiddhaɱ, uddhaccakukkuccaɱ, vicikicchaɱ, kāmesu kho panassa ādīnavo na yathābhūtaɱ sammappaññāya sudiṭṭho hoti, ime kho bhikkhave cha dhamme appahāya abhabbo paṭhamaɱ jhānaɱ upasampajja viharituɱ.

Cha bhikkhave dhamme pahāya bhabbo paṭhamaɱ jhānaɱ upasampajja viharituɱ. Katame cha:

Kāmacchandaɱ, vyāpādaɱ, thīnamiddhaɱ, uddhaccakukkuccaɱ, vicikicchaɱ, kāmesu kho panassa ādinavo yathābhūtaɱ sammappaññāya sudiṭṭho hoti.

Ime kho bhikkhave cha dhamme pahāya bhabbo paṭhamaɱ jhānaɱ upasampajja viharitunti.

[BJT Page 230]
6. 2. 7. 10.
(Dutiya paṭhamajjhāna suttaɱ)
(Sāvatthinidānaɱ)
20. Cha bhikkhave dhamme appahāya abhabbo paṭhamaɱ jhānaɱ upasampajja viharituɱ. Katame cha:
Kāmavitakkaɱ, vyāpādavitakkaɱ, vihiɱsāvitakkaɱ, kāmasaññaɱ vyāpādasaññaɱ, vihiɱsāsaññaɱ.

Ime kho bhikkhave cha dhamme appahāya abhabbo paṭhamaɱ jhānaɱ upasampajja viharituɱ.
Cha bhikkhave dhamme pahāya bhabbo paṭhamaɱ jhānaɱ upasampajja viharituɱ katame cha:

Kāmavitakkaɱ, vyāpādavitakkaɱ, vihiɱsāvitakkaɱ, kāmasaññaɱ vyāpādasaññaɱ, vihiɱsāsaññaɱ. [page 429]

Ime kho bhikkhave cha dhamme pahāya bhabbo paṭhamaɱ jhānaɱ upasampajja viharitunti.

Anāgāmī vaggo dutiyo. *
Tassuddānaɱ:
Anāgāmi arahaɱ mittā saŋgaṇikārāmadevatā
Samādhisakkhibhabbaɱ balaɱ tajjhānā apare duveti. 1

*Devatāggo sattamo machasaɱ, sīmu, aṭṭhakathā 1. Anāgāmī arahaɱ ca mitta devatā so vata sakkhi balataɱ jhānaɱ ca apare duvepi cāti sīmu.

[BJT Page 232]

3. Arahatta vaggo.
6. 2. 3. 1.
(Dukkha suttaɱ)
(Sāvatthi nidānaɱ)
21. Chahi bhikkhave dhammehi samannāgato bhikkhū diṭṭheva dhamme dukkhaɱ viharati savighātaɱ saupāyāsaɱ sapariḷāhaɱ. Kāyassa bhedā parammaraṇā duggati pāṭikaŋkhā. Katamehi chahi:
Kāmavitakkena, vyāpādavitakkena, vihiɱsāvitakkena, kāmasaññāya, vyāpādasaññāya, vihiɱsāsaññāya.

Imehi kho bhikkhave chahi dhammehi samannāgato bhikkhū diṭṭheva dhamme dukkhaɱ viharati savighātaɱ saupāyāsaɱ sapariḷāhaɱ. Kāyassa bhedā parammaraṇā duggati pāṭikkhā.

Chahi bhikkhave dhammehi samannāgato bhikkhū diṭṭheva dhamme sukhaɱ viharati avighātaɱ anupāyāsaɱ apariḷāhaɱ. Kāyassa bhedā parammaraṇā sugati pāṭikaŋkhā, katamehi chahi:
Nekkhammavitakkena, avyāpādavitakkena, avihiɱsāvitakkena, nekkhammasaññāya, avyāpādasaññāya, avihiɱsāsaññāya.

Imehi kho bhikkhave chahi dhammehi samannāgato bhikkhū diṭṭheva dhamme sukhaɱ viharati avighātaɱ anupāyāsaɱ apariḷāhaɱ, kāyassa bhedā parammaraṇā sugati pāṭikaŋkhāti. [page 430]

6. 2. 3. 2.
(Arahatta suttaɱ)
(Sāvatthinidānaɱ)
22. Cha bhikkhave dhamme appahāya abhabbo arahattaɱ sacchikātuɱ katame cha:
Mānaɱ, omānaɱ, atimānaɱ, adhimānaɱ, thamhaɱ, atinipātaɱ.
Ime kho bhikkhave cha dhamme appahāya abhabbo arahattaɱ sacchikātuɱ.
Cha bhikkhave dhamme pahāya bhabbo arahattaɱ sacchikātuɱ, katame cha.
Mānaɱ, omānaɱ, atimānaɱ, adhimānaɱ, thamhaɱ, atinipātaɱ.
Ime kho bhikkhave cha dhamme pahāya bhabbo arahattaɱ sacchikātunti.

[BJT Page 234]
6. 2. 3. 3.
(Uttarīmanussadhamma suttaɱ)
(Sāvatthinidānaɱ)
23. Cha bhikkhave dhamme appahāya abhabbo uttarīmanussadhammā1. Alamariyañāṇadassanavisesaɱ sacchikātuɱ. Katame cha:

Mūṭaṭhasaccaɱ, 2, asampajaññaɱ, indriyesu aguttadvārataɱ, bhojane amattaññutaɱ, kuhanaɱ, lapanaɱ

Ime kho bhikkhave cha dhamme appahāya abhabbo uttarīmanussadhammā1 alamariyañāṇadassanavisesaɱ sacchikātuɱ

Cha bhikkhave dhamme pahāya bhabbo uttarīmanussadhammā1 alamariya ñāṇādassanavisesaɱ sacchikātuɱ. Katame cha:

Mūṭṭhasaccaɱ, 2 asampajaññaɱ, indriyesu aguttadvārataɱ, bhojane amattaññutaɱ, kuhanaɱ, lapanaɱ

Ime kho bhikkhave cha dhamme pahāya bhabbo uttarīmanussadhammā1 alamariyañāṇadassanavisesaɱ sacchakātunti. [page 431]

6, 2, 3, 4.
(Sukhasomanassa suttaɱ)
(Sāvatthinidānaɱ)

24 Chahi bhikkhave dhammehi samannāgato bhikkhu diṭṭheva dhamme sukhasomanassabahulo viharati, yoni cassa āraddhā hoti āsavānaɱ khayāya. Katamehi chahi:

Idha bhikkhave bhikkhū dhammārāmo hoti, bhāvanārāmo hoti, pahānārāmo hoti, pavivekārāmo hoti, avyāpajjhārāmo hoti, nippapañcārāmo hoti.

Imehi kho bhikkhave chahi dhammehi samannāgato bhikkhū diṭṭheva dhammo sukhasomanassabahulo viharati, yoni cassa āraddhā hoti āsavānaɱ khayāyā, ti.

6. 2. 3. 5
(Adhigama suttaɱ)
(Sāvatthinidānaɱ)
25. Chahi bhikkhave dhammehi samannāgato bhikkhū abhabbo anadhigataɱ vā kusalaɱ dhammaɱ adhigantuɱ, adhigataɱ vā kusalaɱ dhammaɱ phātikattuɱ. Katamehi chahi:

1. Uttarī manussa dhammaɱmachasaɱ. 2. Muṭṭhassaccaɱ machasaɱ

[BJT Page 236]

Idha bhikkhave bhikkhu na āyakusalo hoti, na apāyakusalo hoti, na upāyakusalo hoti, anadhigatānaɱ kusalānaɱ dhammānaɱ adhigamāya na chandaɱ janeti, adhigate kusale dhamme na sārakkhati, 1 sātaccakiriyāya na sampādeti.

Imehi kho bhikkhave chahi dhammehi samannāgato bhikkhū abhabbo anadhigataɱ vā kusalaɱ dhammaɱ adhigantuɱ adhigataɱ vā kusalaɱ dhammaɱ phātikattuɱ.

Chahi bhikkhave dhammehi samannāgato bhikkhū bhabbo anadhigataɱ vā kusalaɱ dhammaɱ adhigantuɱ, adhigataɱ vā kusalaɱ dhammaɱ phātikattuɱ. Katamehi chahi:

Idha bhikkhave bhikkhū āyakusalo ca hoti, apāyakusalo ca hoti, upāyakusalo ca hoti, anadhigatānaɱ kusalānaɱ [page 432] dhammānaɱ adhigamāya chandaɱ janeti, adhigate kusale dhamme sārakkhati2, sātaccakiriyāya sampādeti.

Imehi kho bhikkhave chahi dhammehi samannāgato bhikkhū bhabbo anadhigataɱ vā kusalaɱ dhammaɱ adhigantuɱ, adhigataɱ vā kusalaɱ dhammaɱ phātikattunti.

6. 2. 3. 6
(Mahantatta suttaɱ)
(Sāvatthinidānaɱ)

26. Chahi bhikkhave dhammehi samannāgato bhikkhū na cirasseva mahantattaɱ vepullattaɱ pāpuṇāti dhammesu. Katamehi chahi:

Idha bhikkhave bhikkhū ālokabahulo ca hoti, yogabahulo ca hoti, vedabahulo ca hoti, asantuṭṭhibahulo ca hoti, anikkhittadhuro ca kusalesu dhammesu, uttariñca3 patāreti.

Imehi kho bhikkhave chahi dhammehi samannāgato bhikkhu na cirasseva mahantattaɱ vepullattaɱ pāpuṇāti dhammesū, ti.

6. 2. 3. 7
(Paṭhamaniraya suttaɱ)
(Sāvatthinidānaɱ)

27. Chahi bhikkhave dhammehi samannāgato yathābhataɱ nikkhitto evaɱ niraye. Katamehi chahi:

Pāṇātipāti hoti, adinnādāyī hoti, kāmesu micchācārī hoti, musāvādi hoti, pāpiccho ca, micchādiṭṭhī ca.

1. Na ārakkhati machasaɱ 2 ārakkhati machasaɱ 3. Uttarīca machasaɱ

[BJT Page 238]
Imehi kho bhikkhave chahi dhammahi samannāgato yathābhataɱ nikkhitto evaɱ niraye.

Chahi bhikkhave dhammehi samannāgato yathābhataɱ nikkhitto evaɱ sagge. Katamehi chahi:
Pāṇātipātā paṭivirato hoti, adinnādānā paṭivirato hoti, kāmesu micchācārā paṭivirato hoti, musāvādā paṭivirato hoti, appiccho ca sammādiṭṭhī ca

Imehi kho bhikkhave chahi dhammehi samannāgato yathābhataɱ nikkhitto evaɱ sagge. [page 433]

6. 2. 3. 8
(Dutiyaniraya suttaɱ)
(Sāvatthi nidānaɱ)
28. Chahi bhikkhave dhammehi samannāgato yathābhataɱ nikkhitto evaɱ niraye. Katamehi chahi:
Musāvādi hoti, pisuṇāvāco hoti, pharusāvāco hoti, samphappalāpī hoti luddho ca pagabbho ca.

Imehi kho bhikkhave chahi dhammehi samannāgato yathābhataɱ nikkhitto evaɱ niraye, ti.
Chahi bhikkhave dhammehi samannāgato yathābhataɱ nikkhitto evaɱ sagge, katamehi chahi:
Musāvādā paṭivirato hoti pisuṇāvācā paṭivirato hoti, pharusāvācā paṭivirato hoti, samphappalāpā paṭivirato hoti, aluddho ca appagabbho ca.

Imehi kho bhikkhave chahi dhammehi samannāgato yathābhataɱ nikkhitto evaɱ sagge, ti.
6. 2. 3. 9
(Aggadhamma suttaɱ)
(Sāvatthi nidānaɱ)

29. Chahi bhikkhave dhammehi samannāgato bhikkhu abhabbo aggaɱ dhammaɱ arahattaɱ sacchikātuɱ. Katamehi chahi

Idha bhikkhave bhikkhu assaddho hoti, ahiriko hoti, anottāpī1 hoti, kusīto hoti, duppañño hoti, kāye ca jīvite ca sāpekho hoti.

Imehi kho bhikkhave chahi dhammehi samannāgato bhikkhu abhabbo aggaɱ dhammaɱ arahattaɱ sacchikātuɱ.

1 Anottappi machasaɱ

[BJT Page 240]

Chahi bhikkhave dhammehi samannāgato bhikkhū bhabbo aggaɱ dhammaɱ arahattaɱ sacchikātuɱ. Kamehi chahi:
[page 434]
Idha bhikkhave bhikkhū saddho hoti, hirimā hoti, ottāpī1 hoti, āraddhaviriyo hoti, paññavā hoti, kāye ca jīvite ca anapekho2 hoti.

Imehi kho bhikkhave chahi dhammehi samannāgato bhikkhū bhabbo aggaɱ dhammaɱ arahattaɱ1 sacchikātunti.

6. 2. 3. 10
(Ratatidivasa suttaɱ)
(Sāvatthinidānaɱ)

30. Chahi bhikkhave dhammehi samannāgatassa bhikkhuno yā ratti vā divaso vā āgacchati, hāniyeva pāṭikaŋkhā kusalesu dhammesu novuddhi. Katamehi chahi:

Idha bhikkhave bhikkhu mahiccho hoti vighātavā asantuṭṭho itarītaracīvarapiṇḍapātasenāsanagilānapaccayabhesajjaparikkhārena, assaddho hoti, dussīlo hoti, kusīto hoti, mūṭṭhassati hoti, duppañño hoti.

Imehi kho bhikkhave chahi dhammehi samannāgatassa bhikkhuno yā rattīvā divaso vā āgacchati, hāniyeva pāṭikaŋkhā, kusalesu dhammesu no vuddhi.

Chahi bhikkhave dhammehi samannāgatassa bhikkhuno yā ratti vā divaso vā āgacchati, vuddhiyeva pāṭikaŋkhā kusalesu dhammesu no parihāni. Katamehi chahi:

Idha bhikkhave bhikkhu na mahiccho hoti na vighāta vā santuṭṭho itarītaracīvarapiṇḍapātasenāsanagilānapaccayabhesajjaparikkhārena, saddho, hoti, sīlavā hoti, āraddhaviriyo hoti, satimā hoti, paññavā hoti.

Imehi kho bhikkhave chahi dhammehi samannāgatassa bhikkhuno yā rattī vā divaso vā āgacchati, vuddhiyeva pāṭikaŋkhā kusalesu dhammesu no parihānī, ti.

Arahattavaggo tatiyo*
Tassuddānaɱ:
[page 435]
Dukkhaɱ arahattaɱ uttariñca sukhaɱ adhigamena ca
Mahantattaɱ dvayanīraye aggadhammañca rattiyo, ti1.

1. Ontappīmachasaɱ 2. Anapekkho machasaɱ
*Arahattavaggo aṭṭhamo pāḷi, aṭṭhakathā, machasaɱ
1Dukkhaɱ arahattaɱ uttarī ca sukhaɱ adhigamena ca
Mahantattaɱ dvayaɱ niraye aggadhammañca rattiyo, ti machasaɱ

[BJT Page 242]

4. Sīti vaggo
6. 2. 4. 1
(Sītibhāva suttaɱ)
(Sāvatthinidānaɱ)

31. Chahi bhikkhave dhammehi samannāgato bhikkhū abhabbo anuttaraɱ sītibhāvaɱ sacchikātuɱ. Katame chahi:

Idha bhikkhave bhikkhū yasmiɱ samaye cittaɱ niggahetabbaɱ, tasmiɱ samaye cittaɱ na niggaṇhāti. Yasmiɱ samaye cittaɱ paggahetabbaɱ, tasmiɱ samaye cittaɱ na paggaṇhāti, yasmiɱ samaye cittaɱ sampahaɱsitabbaɱ, tasmiɱ samaye cittaɱ na sampahaɱsati, yasmiɱ samaye cittaɱ ajjhupekkhitabbaɱ, tasmiɱ samaye cittaɱ na ajjhupekkhati. Hīnādhimuttiko ca hoti sakkāyādhirato ca.

Imehi kho bhikkhave chahi dhammehi samannāgato bhikkhū abhabbo anuttaraɱ sītibhāvaɱ sacchikātuɱ.

Chahi bhikkhave dhammehi samannāgato bhikkhū bhabbo anuttaraɱ sītibhāvaɱ sacchikātuɱ. Katamehi chahi:

Idha bhikkhave bhikkhū yasmiɱ samaye cittaɱ niggahetabbaɱ, tasmiɱ samaye cittaɱ na niggaṇhāti. Yasmiɱ samaye cittaɱ paggahetabbaɱ, tasmiɱ samaye cittaɱ na paggaṇhāti, yasmiɱ samaye cittaɱ sampahaɱsitabbaɱ, tasmiɱ samaye cittaɱ na sampahaɱsati, yasmiɱ samaye cittaɱ ajjhupekkhitabbaɱ, tasmiɱ samaye cittaɱ na ajjhupekkhati. Paṇītādhimuttiko ca hoti nibbānādhirato ca.

Imehi kho bhikkhave chahi dhammehi samannāgato bhikkhu bhabbo anuttaraɱ sītibhāvaɱ sacchikātunti.

6. 2. 4. 2
(Āvaraṇa suttaɱ)
(Sāvatthinidānaɱ)
32 Chahi bhikkhave dhammehi samannāgato suṇantopi saddhammaɱ abhabbo niyāmaɱ okkamituɱ kusalesu dhammesu sammattaɱ. Katamehi chahi
[page 436]
Kammāvaraṇatāya samannāgatā hoti, kilesāvaraṇatāya samannāgato hoti, vipākāvaraṇatāya samannāgato hoti, assaddho ca hoti acchandiko ca duppañño ca.

[BJT Page 244]
Imehi kho bhikkhave chahi dhammehi samannāgato suṇantopi saddhammaɱ abhabbo niyāmaɱ okkamituɱ kusalesu dhammesu sammattaɱ.

Chahi bhikkhave dhammehi samannāgato suṇantopi saddhammaɱ bhabbo niyāmaɱ okkamituɱ kusalesu dhammesu sammattaɱ. Katamehi chahi:

Na kammāvaraṇatāya samannāgato hoti, na kilesāvaraṇatāya samannāgato hoti, na vipākāvaraṇatāya samannāgato hoti, saddho ca hoti, chandiko ca paññavā ca.
Imehi kho bhikkhave chahi dhammehi samannāgato suṇantopi saddhammaɱ bhabbo niyāmaɱ okkamituɱ kusalesu dhammesu sammattaɱ.

6. 2. 4. 3.
(Voropita suttaɱ)
(Sāvatthinidānaɱ)
33. Chahi bhikkhave dhammehi samannāgato suṇantopi saddhammaɱ abhabbo niyāmaɱ okkamituɱ kusalesu dhammesu sammattaɱ. Katamehi chahi.

Mātā jīvitā voropitā hoti, pitā jīvitā voropito hoti arahaɱ jīvitā voropito hoti, tathāgatassa duṭṭhena cittena lohitaɱ uppāditaɱ hoti, saŋgho bhinno hoti, duppañño hoti jaḷo elamūgo.

Imehi kho bhikkhave chahi dhammehi samannāgato suṇantopi saddhammaɱ abhabbo niyāmaɱ okkamituɱ kusalesu dhammesu sammattaɱ.

Chahi bhikkhave dhammehi samannāgato suṇantopi saddhammaɱ bhabbo niyāmaɱ okkamituɱ kusalesu dhammesu sammattaɱ. Katamehi chahi:
[page 437]
Na mātā jīvitā voropitā hoti, na pitā jīvitā voropito hoti na arahaɱ jīvitā voropito hoti, na tathāgatassa duṭṭhena cittena lohitaɱ uppāditaɱ hoti, na saŋgho bhinno hoti, paññavā hoti ajaḷo anelamūgo.

Imehi kho bhikkhave chahi dhammehi samannāgato suṇantopi saddhammaɱ bhabbo niyāmaɱ okkamituɱ kusalesu dhammesu sammattanti.

[BJT Page 246]
6. 2. 4. 4. (Sussūsati suttaɱ)
(Sāvatthinidānaɱ)
34. Chahi bhikkhave dhammehi samannāgato suṇantopi saddhammaɱ abhabbo niyāmaɱ okkamituɱ kusalesu dhammesu sammattaɱ. Katamehi chahi

Tathāgatappavedite dhammavinaye desiyamāne na sūssūsati, na sotaɱ odahati, na aññā cittaɱ upaṭṭhapeti, 1 anatthaɱ gaṇhāti, atthaɱ riñcati, ananulomikāya khantiyā samannāgato hoti.

Imehi kho bhikkhave chahi dhammehi samannāgato suṇantopi saddhammaɱ abhabbo niyāmaɱ okkamituɱ kusalesu dhammesu sammattaɱ.

Chahi bhikkhave dhammehi samannāgato suṇantopi saddhammaɱ bhabbo niyāmaɱ okkamituɱ kusalesu dhammesu sammattaɱ. Katamehi chahi:

Tathāgatappavedite dhammavinaye desiyamāne sūssūsati, sotaɱ odahati, aññā cittaɱ upaṭṭhapeti, 1 atthaɱ gaṇhāti, anatthaɱ riñcati, anulomikāya khantiyā samannāgato hoti.

Imehi kho bhikkhave chahi dhammehi samannāgato suṇantopi saddhammaɱ bhabbo niyāmaɱ okkamituɱ kusalesu dhammesu sammattanti. [page 438]

6. 2. 4. 5
(Appahāya suttaɱ)
(Sāvatthinidānaɱ)
35. Cha bhikkhave dhamme appahāya abhabbo diṭṭhisampadaɱ sacchikātuɱ. Katame cha:

Sakkāya diṭṭhiɱ, vicikicchaɱ, sīlabbataparāmāsaɱ, apāyagamanīyaɱ rāgaɱ, apāyagamanīyaɱ dosaɱ, apāyagamanīya mohaɱ.

Ime kho bhikkhave cha dhamme appahāya abhabbo diṭṭhisampadaɱ sacchikātuɱ.

Cha bhikkhave dhamme pahāya bhabbo diṭṭhisampadaɱ sacchikātuɱ. Katame cha:

Sakkāyadiṭṭhiɱ, vicikicchaɱ, sīlabbataparāmāsaɱ, apāyagāmaniyaɱ rāgaɱ, apāyagamanīyaɱ dosaɱ, apāyagamanīyaɱ mohaɱ.

Ime kho bhikkhave cha dhamme pahāya bhabbo diṭṭhisampadaɱ sacchikātunti.

1. Upaṭṭhāpeti machasaɱ

[BJT Page 248]
6. 2. 4. 6.
(Pahīṇa suttaɱ)
(Sāvatthinidānaɱ)

36. Chayime bhikkhave dhammā diṭṭhisampannassa puggalassa pahīṇā katame cha:

Sakkāyadiṭṭhi, vicikicchā, sīlabbataparāmāso, apāyagamanīyo rāgo, apāyagamanīyo doso, apāyagamanīyo moho.

Ime kho bhikkhave cha dhammā diṭṭhisampannassa puggalassa pahīṇāti.

6. 2. 4. 7.
(Abhabba suttaɱ)
(Sāvatthinidānaɱ)

37. Cha bhikkhave dhamme abhabbo diṭṭhisampanno puggalo uppādetuɱ. Katame cha:
Sakkāyadiṭṭhiɱ, vicikicchaɱ, sīlabbataparāmāsaɱ, apāyagamanīyaɱ rāgaɱ, apāyagamanīyaɱ dosaɱ, apāyagamanīyaɱ mohaɱ.

Ime kho bhikkhave cha dhamme abhabbo diṭṭhisampanno puggalo uppādetunti.

6. 2. 4. 8
(Abhabbaṭṭhāna suttaɱ)
(Sāvatthi nidānaɱ)

38. Chayimānī bhikkhave abhabbaṭṭhānāni, katamāni cha: [page 439]
Abhabbo diṭṭhisampanno puggalo satthari agāravo viharituɱ appatisso, abhabbo diṭṭhisampanno puggalo dhamme agāravo viharituɱ appatisso, abhabbo diṭṭhisampanno puggalo saŋghe agāravo viharituɱ appatisso, abhabbo diṭṭhisampanno puggalo sikkhāya agāravo viharituɱ appatisso, abhabbo diṭṭhisampanno puggalo anāgamanīyaɱ vatthuɱ paccāgantuɱ, abhabbo diṭṭhisampanno puggalo aṭṭhamaɱ bhavaɱ nibbattetuɱ.

Imānī kho bhikkhave cha abhabbaṭṭhānānīti.

6. 2. 4. 9.
(Dutiya abhabbaṭṭhāna suttaɱ)
Sāvatthinidānaɱ)

39. Chayimānī bhikkhave abhabbaṭṭhānānī. Katamāni cha:
Abhabbo diṭṭhisampanno puggalo kañci saŋkhāraɱ niccato upagantuɱ, abhabbo diṭṭhisampanno puggalo kañci saŋkhāraɱ sukhato upagantuɱ, abhabbo diṭṭhisampanno puggalo kañci dhammaɱ attato upagantuɱ, abhabbo diṭṭhisampanno puggalo ānantariyakammaɱ kātuɱ, abhabbo diṭṭhisampanno puggalo kotūhalamaŋgalena suddhiɱ paccāgantuɱ, abhabbo diṭṭhisampanno puggalo ito bahiddhā dakkhiṇeyyaɱ gavesituɱ.
Imāni kho bhikkhave cha abhabbaṭṭhānānīti.

[BJT Page 250]
6. 2. 4. 10
(Tatiya abhabbaṭṭhāna suttaɱ)
(Sāvatthinidānaɱ)
40. Chayimāni bhikkhave abhabbaṭṭhānāni. Katamānī cha:

Abhabbo diṭṭhisampanno puggalo mātaraɱ jīvitā voropetuɱ, abhabbo diṭṭhisampanno puggalo pītaraɱ jīvitā voropetuɱ, abhabbo diṭṭhisampanno puggalo arahantaɱ jīvitā voropetuɱ, abhabbo diṭṭhisampanno puggalo tathāgatassa duṭṭhena cittena lohitaɱ uppādetuɱ, abhabbo diṭṭhisampanno puggalo saŋghaɱ bhindituɱ, abhabbo diṭṭhisampanno puggalo aññaɱ satthāraɱ uddisituɱ,

Imāni kho bhikkhave cha abhabbaṭṭhānānīti. [page 440]

6. 2. 4. 11
(Catuttha abhabbaṭṭhāna suttaɱ*)
(Sāvatthi nidānaɱ)

41. Chayimāni bhikkhave abhabbaṭṭhānāni. Katamāni cha:

Abhabbo diṭṭhisampanno puggalo sayaɱkataɱ sukhadukkhaɱ paccāgantuɱ. Abhabbo diṭṭhisampanno puggalo paraɱkataɱ sukhadukkhaɱ paccāgantuɱ. Abhabbo diṭṭhisampanno puggalo sayaɱkatañca paraɱkatañca sukhadukkhaɱ paccāgantu. Abhabbo diṭṭhisampanno puggalo asayaɱkāraɱ adhiccasamuppannaɱ sukhadukkhaɱ paccāgantuɱ. Abhabbo diṭṭhisampanno puggalo aparaɱkāraɱ adhiccasamuppannaɱ sukhadukkhaɱ paccāgantu. Abhabbo diṭṭhisampanno puggalo asayaɱkārañca aparaɱkārañca adhiccasamuppannaɱ sukhadukkhaɱ paccāgantuɱ. Taɱ kissa hetu:
Tathā hissa bhikkhave diṭṭhisampannassa puggalassa hetu ca sudiṭṭho. Hetusamuppannā ca dhammā.
Imāni kho bhikkhave cha abhabbaṭṭhānānīti. Abhabbaṭṭhāna suttaɱ*)
(Sāvatthinidānaɱ)
41. Chayimāni bhikkhave abhabbaṭṭhānāni. Katamānī cha:
Abhabbo diṭṭhisampanno puggalo sayaɱkataɱ sukhadukkhaɱ paccāgantuɱ. Abhabbo diṭṭhisampanno puggalo paraɱkataɱ sukhadukkhaɱ paccāgatantuɱ. Abhabbo diṭṭhisampanno puggalo sayaɱkatañca paraɱkatañca sukhadukkhaɱ paccāgantu. Abhabbo diṭṭhisampanno puggalo asayaɱkāraɱ adhicca samuppannaɱ sukhadukkhaɱ paccāgantuɱ. Abhabbo diṭṭhisampanno puggalo aparaɱkāraɱ adhiccasamuppannaɱ sukhadukkhaɱ paccāgantu. Abhabbo diṭṭhisampanno puggalo asayaɱkārañca aparaɱkārañca adhiccasamuppannaɱ sukhadukkhaɱ paccāgantuɱ. Taɱ kissa hetu:

Tathā bhissa bhikkhave diṭṭhisampannassa puggalassa hetu ca sudiṭṭho. Hetusamuppannā ca dhammā.
Imāni kho bhikkhave cha abhabbaṭṭhānānī'ti.

Sītivaggo catuttho. 1

Tassuddānaɱ:

Sītibhāvaɱ āvaraṇaɱ voropitā sūsūsati
Appahāya pahīṇa, bhabbo tiṭhānā caturopicāti.

* Aṭṭhakathāyaɱ pana idaɱ dasamasuttavasena dissate
1 Sitivaggo navamo pāḷi, aṭṭhakathā, machasaɱ.

1. Sītibhabbo āvaraṇatā sussūsā pavuccati
Pahātabbaɱ pahīṇā me uppādetabbaɱ satthari
Kañcisaɱkhāraɱ mātari sayaɱkatena vaggoti. [page 441] sī mu.

[BJT Page 252]
5. Ānisaɱsa vaggo
6. 2. 5. 1.
(Pātubhāva suttaɱ)
(Sāvatthi nidānaɱ)

42. Channaɱ bhikkhave pātubhāvo dullabho lokasmiɱ. Katamesaɱ channaɱ:

Tathāgatassa arahato sammā sambuddhassa pātubhāvo dullabho lokasmiɱ, tathāgatappaveditassa dhammavinayassa desetā puggalo dullabho lokasmiɱ, ariyāyatane paccājāti dullabhā1 lokasmiɱ, indriyānaɱ avekallatā dullabhā lokasmiɱ, ajaḷatā anelamūgatā dullabhā lokasmiɱ, kusaladhammacchando2 dullabho lokasmiɱ.

Imesaɱ kho bhikkhave channaɱ pātubhāvo dullabho lokasminti.

6. 2. 5. 2
(Ānisaɱsa suttaɱ)
(Sāvatthi nidānaɱ)

43. Chayime bhikkhave ānisaɱsā sotāpattiphalasacchikiriyāya. Katame cha:

Saddhammaniyato hoti, aparihānadhammo hoti, pariyantakatassa dukkhaɱ na hoti, 3 asādhāraṇena ñāṇena samannāgato hoti, hetucassa sudiṭṭho, hetusamuppannā ca dhammā.

Ime kho bhikkhave cha ānisaɱsā sotāpattiphalasacchikiriyāyā, ti.

6. 2. 5. 3.
(Anicca suttaɱ)
(Sāvatthinidānaɱ)

44. So vata bhikkhave bhikkhu kañci saŋkhāraɱ niccato samanupassanto anulomikāya khantiyā samannāgato bhavissatī, ti netaɱ ṭhānaɱ vijjati. Anulomikāya khantiyā asamannāgato, sammattaniyāmaɱ okkamissatī, ti netaɱ ṭhānaɱ vijjati. Sammattaniyāmaɱ anokkamamāno sotāpattiphalaɱ vā sakadāgāmiphalaɱ vā anāgāmiphalaɱ vā arahattaɱ vā sacchikarissatīti netaɱ ṭhānaɱ vijjati. [page 442]

So vata bhikkhave bhikkhū sabbasaŋkhāraɱ1 aniccato samanupassanto anulomikāya khantiyā samannāgato bhavissatī, ti ṭhānametaɱ vijjati. Anulomikāya khantiyā samannāgato sammattaniyāmaɱ okkamissatīti ṭhānametaɱ vijjati. Sammattaniyāmaɱ okkamamāno sotāpatti phalaɱ vā sakadāgāmiphalaɱ vā anāgāmiphalaɱ vā arahattaɱ vā sacchikarissatīti ṭhānametaɱ vijjatīti.

1. Paccājāto dullabho syā 2. Kusale dhamme chando machasaɱ
3. Pariyattakatassa dukkhaɱ hoti machasaɱ. 4. Sabbasakkhāre machasaɱ

[BJT Page 254]
6. 2. 5. 4
(Dukkha suttaɱ)
(Sāvatthinidānaɱ)
45. So vata bhikkhave bhikkhu kañcisaŋkhāraɱ sukhato samanupassanto anulomikāya khantiyā samannāgato bhavissatī, ti netaɱ ṭhānaɱ vijjati. Anulomikāya khantiyā asamannāgato sammattaniyāmaɱ okkamissatī, ti netaɱ ṭhānaɱ vijjati. Sammattaniyāmaɱ anokkamamāno sotāpattiphalaɱ vā sakadāgāmiphalaɱ vā anāgāmiphalaɱ vā arahattaɱ vā sacchikarissatīti netaɱ ṭhānaɱ vijjati.

So vata bhikkhave bhikkhu sabbasaŋkhāraɱ dukkhato samanupassanto anulomikāya khantiyā samannāgato bhavissatī, ti ṭhānametaɱ vijjati. Anulomikāya khantiyā samannāgato sammattaniyāmaɱ okkamissatīti ṭhānametaɱ vijjati. Sammattaniyāmaɱ okkamamāno sotāpattiphalaɱ vā sakadāgāmiphalaɱ vā anāgāmiphalaɱ vā arahattaɱ vā sacchikarissatīti ṭhānaɱmetaɱ vijjatīti.

6. 2. 5. 5.
(Anatta suttaɱ)
(Sāvatthinidānaɱ)
46. So vata bhikkhave bhikkhu kañcidhammaɱ attato samanupassanto anulomikāya khantiyā samannāgato bhavissatī, ti netaɱ ṭhānaɱ vijjati. Anulomikāya khantiyā asamannāgato sammattaniyāmaɱ okkamissatī, ti netaɱ ṭhānaɱ vijjati. Sammattaniyāmaɱ anokkamamāno sotāpattiphalaɱ vā sakadāgāmiphalaɱ vā anāgāmiphalaɱ vā arahattaɱ vā sacchikarissatīti netaɱ ṭhānaɱ vijjati.

So vata bhikkhave bhikkhu sabbadhammaɱ1 anattato samanupassanto anulomikāya khantiyā samannāgato bhavissatī, ti ṭhānametaɱ vijjati. Anulomikāya khantiyā samannāgato sammattaniyāmaɱ okkamissatīti ṭhānametaɱ vijjati. Sammattaniyāmaɱ okkamamāno sotāpattiphalaɱ vā sakadāgāmiphalaɱ vā anāgāmiphalaɱ vā arahattaɱ vā sacchikarissatīti ṭhānametaɱ vijjatīti.

6. 2. 10. 6.
(Nibbāna suttaɱ)
(Sāvatthinidānaɱ)
47. So vata bhikkhave bhikkhū nibbānaɱ dukkhato samanupassanto anulomikāya khantiyā samannāgato bhavissatī, ti netaɱ ṭhānaɱ vijjati. Anulomikāya khantiyā asamannāgato sammattaniyāmaɱ okkamissatīti netaɱ ṭhānaɱ vijjati. Sammattaniyāmaɱ anokkamamāno sotāpattiphalaɱ vā sakadāgāmiphalaɱ vā anāgāmiphalaɱ vā arahattaɱ vā sacchikarissatīti netaɱ ṭhānaɱ vijjati.

So vata bhikkhave bhikkhū nibbānaɱ sukhato samanupassanto anulomikāya khantiyā samannāgato bhavissatī, [page 443] ti netaɱ ṭhānaɱ vijjati. Anulomikāya khantiyā asamannāgato sammattaniyāmaɱ okkamissatīti netaɱ ṭhānaɱ vijjati. Sammattaniyāmaɱ anokkamamāno sotāpattiphalaɱ vā sakadāgāmiphalaɱ vā anāgāmiphalaɱ vā arahattaɱ vā sacchikarissatīti netaɱ ṭhānaɱ vijjati.

6. 2. 5. 7)
(Anavatthita suttaɱ)
(Sāvatthinidānaɱ)
48. Cha bhikkhave ānisaɱse sampassamānena alameva bhikkhunā sabbasaŋkhāresu anodhiɱ karitvā aniccasaññaɱ upaṭṭhāpetuɱ. Katame cha:

Sabbasaŋkhārā ca me anavaṭṭhitato2 khāyissanti, sabbaloke ca me mano nābhiramissati, sabbalokā ca me mano vuṭṭhahissati. Nibbānapoṇaɱ ca me mānasaɱ bhavissati, saɱyojanā ca me pahāṇaɱ gacchanti3, paramena ca sāmaññena samannāgato bhavissatīti. 4

Ime kho bhikkhave cha ānisaɱse sampassamānena alameva bhikkhunā sabbasaŋkhāresu anodhiɱ karitvā aniccasaññaɱ upaṭṭhāpetunti.

1. Sabbadhamme machasaɱ. 2. Anavatthitā machasaɱ 3. Gacchissanti machasaɱ
4. Bhavissāmiti machasaɱ.

[BJT Page 256]
(Ukkhittāsika suttaɱ)
(Sāvatthinidānaɱ)
49. Cha bhikkhave ānisaɱse sampassamānena alameva bhikkhunā sabbasaŋkhāresu anodhiɱ karitvā dukkhasaññaɱ upaṭṭhāpetuɱ. Katame cha.

Sabbasaŋkhāresu ca me nibbidasaññā1 paccupaṭṭhitā bhavissati seyyathāpi ukkhittāsike vadhake. Sabbalokā ca me mano vuṭṭhahissati. Nibbāne ca santadassāvī bhavissāmi. Anusayā ca me samugghātaɱ1 gacchanti. 5Kiccakārī ca bhavissāmi. Satthā ca me pariciṇṇo bhavissati mettāvatāyātī. [page 444]

Ime kho bhikkhave cha ānisaɱse sampassamānena alameva bhikkhunā sabbasaŋkhāresu anodhiɱ karitvā dukkhasaññaɱ upaṭṭhāpetunti.

6. 2. 5. 9
(Atammaya suttaɱ)
(Sāvatthinidānaɱ)
50. Cha bhikkhave ānisaɱse sampassamānena alameva bhikkhunā sabbasaŋkhāresu2 anodhiɱ karitvā anattasaññaɱ upaṭṭhāpetuɱ katame cha:

Sabbaloke ca atammayo bhavissāmi. Ahaŋkārā3 ca me uparujjhissanti. Mamaŋkārā4ca me uparujjhissanti. Asādhāraṇena ca ñāṇena samannāgato bhavissāmi. Hetuca me sudiṭṭho bhavissati, hetusamuppannā ca dhammā.

Ime kho bhikkhave cha ānisaɱse sampassamānena alameva bhikkhunā sabbasaŋkhāresu anodhiɱ karitvā anattasaññaɱ upaṭṭhāpetunti.

6. 2. 5. 10.
(Bhava suttaɱ)
(Sāvatthi nidānaɱ)

51. Tayo me bhikkhave bhavā pahātabbā. Tīsu sikkhāsu sikkhitabbaɱ. Katame tayo bhavā pahātabbā:

Kāmabhavo, rūpabhavo, arūpabhavo, ime tayo bhavā pahātabbā. Katamāsu tīsu sikkhāsu sikkhitabbaɱ:

Adhisīlasikkhāya, adhicittasikkhāya, adhipaññāsikkhāya, imāsu tisu sikkhāsu sikkhitabbaɱ.

1. Nibbānasaññā sīmu 2. Sabbadhammesū machasaɱ 3. Abhiŋkārākatthaci
4. Mamiŋkārā katthaci.

[BJT Page: 258]
Yato ca kho bhikkhave bhikkhuno ime tayo bhavā pahīnā honti, imāsu ca tīsu sikkhāsu sikkhitasikkho hoti, ayaɱ vuccati bhikkhave bhikkhū acchecchi taṇhaɱ, vāvattayī1 saɱyojanaɱ, sammā mānābhisamayā antamakāsi dukkhassāti. [page 445]

6. 2. 5. 11
(Taṇhā suttaɱ)
(Sāvatthinidānaɱ)
52. Tisso imā bhikkhave taṇhā pahātabbā, tayo ca mānā.
Katamā tisso tanhā pahātabbā:
Kāmataṇhā, bhavataṇhā, vibhavataṇhā, imā tisso taṇhā pahātabbā.
Katame tayo mānā pahātabbā:
Māno, omāno, atimāno. Ime tayo mānā pahātabbā,

Yato ca kho bhikkhave bhikkhuno imā tisso taṇhā pahīnā honti, ime ca tayo mānā, ayaɱ vuccati bhikkhave bhikkhū acchecchi taṇhaɱ, vāvattayī saɱyojanaɱ, sammā mānābhisamayā antamakāsi dukkhassāti.

Ānisaɱsa vaggo pañcamo. *

Tassuddānaɱ:
Pātubhāvo ānisaɱso anicca dukkha anattato
Nibbānaɱ anavatthi ukkhittāsi atammayo
Bhavā taṇhāyekā dasāti. (Machasaɱ. )

Dutiyo paṇṇāsako samatto

1. Vivattayīmachasaɱ, sīmu,
* Ānisaɱsavaggo dasamo pāḷi, aṭṭhakathā, machasaɱ,
Paṇṇasakāsaŋgahito vaggo sīmu,
Pātubhāvo ānisaɱso aniccaɱ dukkhaɱ anattato
Nibbānaɱ tayo anodhisaɱvuttā bhavataṇhāya te dasāni sīmu.

[BJT Page 260]

Paṇṇāsakātireka vaggā
1. Tika vaggo
6. 1. 1.
(Rāga suttaɱ)
(Sāvatthinidānaɱ)

1. Tayo me bhikkhave dhammā. Katame tayo:
Rāgo, doso, moho. Ime kho bhikkhave tayo dhammā.

Imesaɱ kho bhikkhave tiṇṇaɱ dhammānaɱ pahānāya tayo dhammā bhāvetabbā. Katame tayo:
[page 446]
Rāgassa pahānāya asubhā bhāvetabbā. Dosassa pahānāya mettā bhāvetabbā. Mohassa pahānāya paññā bhāvetabbā.

Imesaɱ kho bhikkhave tiṇṇaɱ dhammānaɱ pahānāya ime tayo dhammā bhāvetabbāti.
6. 1. 2.
(Du-c-carita suttaɱ)
(Sāvatthinidānaɱ)
2. Tayo me bhikkhave dhammā. Katame tayo:
Kāyaduccaritaɱ, vacīduccaritaɱ, manoduccaritaɱ. Ime kho bhikkhave tayo dhammā.

Imesaɱ kho bhikkhave tiṇṇaɱ dhammānaɱ pahānāya tayo dhammā bhāvetabbā. Katame tayo:

Kāyaduccaritassa pahānāya kāyasucaritaɱ bhāvetabbaɱ. Vacīduccaritassa pahānāya vacīsucaritaɱ bhāvetabbaɱ. Manoduccaritassa pahānāya mano sucaritaɱ bhāvetabbaɱ.

Imesaɱ kho bhikkhave tiṇṇaɱ dhammānaɱ pahānāya ime tayo dhammā bhāvetabbāti.
6. 1. 3.
(Vitakka suttaɱ)
(Sāvatthinidānaɱ)
3. Tayo me bhikkhave dhammā. Katame tayo:
Kāmavitakko, vyāpādavitakko, vihiɱsāvitakko. Ime kho bhikkhave tayo dhammā.
[BJT Page 262]

Imesaɱ kho bhikkhave tiṇṇaɱ dhammānaɱ pahānāya tayo dhammā bhāvetabbā. Katame tayo:

Kāmavitakkassa pahānāya nekkhammavitakko bhāvetabbo. Vyāpādavitakkassa pahānāya avyāpādavitakko bhāvetabbo vihiɱsāvitakkassa pahānāya avihiɱsāvitakko bhāvetabbo.

Imesaɱ kho bhikkhave tiṇṇaɱ dhammānaɱ pahānāya ime tayo dhammā bhāvetabbāti.
6. 1. 4
(Saññā suttaɱ)
(Sāvatthi nidānaɱ)

4. Tayo me bhikkhave dhammā. Katame tayo:

Kāmasaññā, vyāpādasaññā, vihiɱsāsaññā [page 447] ime kho bhikkhave tayo dhammā.

Imesaɱ kho bhikkhave tiṇṇaɱ dhammānaɱ pahānāya tayo dhammā bhāvetabbā. Katame tayo:

Kāmasaññāya pahānāya nekkhammasaññā bhāvetabbā vyāpādasaññāya pahānāya avyāpādasaññā bhāvetabbā vihiɱsāsaññāya pahānāya avihiɱsāsaññā bhāvetabbā.
Imesaɱ kho bhikkhave tiṇṇaɱ dhammānaɱ pahānāya ime tayo dhammā bhāvetabbāti.
6. 1. 5
(Dhātu suttaɱ)
(Sāvatthinidānaɱ)
5. Tayo me bhikkhave dhammā. Katame tayo:

Kāmadhātu, vyāpādadhātu, vihiɱsā dhātu. Ime kho bhikkhave tayo dhammā.

Imesaɱ kho bhikkhave tiṇṇaɱ dhammānaɱ pahānāya tayo dhammā bhāvetabbā. Katame tayo:
Kāmadhātuyā pahānāya nekkhammadhātu bhāvetabbā. Vyāpādadhātuyā pahānāya avyāpādadhātu bhāvetabbā. Vihiɱsādhātuyā pahānāya avihiɱsā dhātu bhāvetabbā

Imesaɱ kho bhikkhave tiṇṇaɱ dhammānaɱ pahānāya ime tayo dhammā bhāvetabbāti.
[BJT Page 264]
(Assāda suttaɱ)
(Sāvatthinidānaɱ)

6. Tayo me bhikkhave dhammā. Katame tayo:

Assādadiṭṭhi, attānudiṭṭhi, micchādiṭṭhi, ime kho bhikkhave tayo dhammā.

Imesaɱ kho bhikkhave tiṇṇaɱ dhammānaɱ pahānāya tayo dhammā bhāvetabbā. Katame tayo:

Assādadiṭṭhiyā pahānāya aniccasaññā bhāvetabbā. Attānudiṭṭhiyā pahānāya anattasaññā bhāvetabbā. Micchādiṭṭhiyā pahānāya sammādiṭṭhi bhāvetabbā.

Imesaɱ kho bhikkhave tiṇṇaɱ dhammānaɱ pahānāya ime tayo dhammā bhāvetabbāti.
6. 1. 7
(Arati suttaɱ)
(Sāvatthinidānaɱ)

7. Tayo me bhikkhave dhammā. Katame tayo:

Arati, vihiɱsā, adhammacariyā, ime kho bhikkhave tayo dhammā.

Imesaɱ kho bhikkhave tiṇṇaɱ dhammānaɱ pahānāya tayo dhammā bhāvetabbā. Katame tayo:
Aratiyā pahānāya muditā bhāvetabbā, vihiɱsāya1 pahānāya avihiɱsā bhāvetabbā. Adhammacariyāya pahānāya dhammacariyā bhāvetabbā.

Imesaɱ kho bhikkhave tiṇṇaɱ dhammānaɱ pahānāya ime tayo dhammā bhāvetabbāti.
6. 1. 8.
(Asantuṭṭhi suttaɱ)2
(Sāvatthinidānaɱ)

8. Tayo me bhikkhave dhammā. Katame tayo:

Asantuṭṭhitā, asampajaññaɱ, mabhicchatā, ime kho bhikkhave tayo dhammā.

Imesaɱ kho bhikkhave tiṇṇaɱ dhammānaɱ pahānāya tayo dhammā bhāvetabbā. Katame tayo:
Asantuṭṭhitāya pahānāya santuṭṭhitā bhāvetabbā. Asampajaññassa pahānāya sampajaññaɱ bhāvetabbaɱ. Mabhicchatāya pahānāya appicchatā bhāvetabbā.

Imesaɱ kho bhikkhave tiṇṇaɱ dhammānaɱ pahānāya ime tayo dhammā bhāvetabbāti.
1Vihesāya machasaɱ 2. Santuṭṭhisuttaɱ machasaɱ

[BJT Page: 266]
6. 1. 9.
(Dovacassatā suttaɱ)
(Sāvatthinidānaɱ)

9. Tayo me bhikkhave dhammā. Katame tayo:
Dovacassatā, pāpamittatā, cetaso vikkhepo, ime kho bhikkhave tayo dhammā.
Imesaɱ kho bhikkhave tiṇṇaɱ dhammānaɱ pahānāya tayo dhammā bhāvetabbā. Katame tayo:
[page 449]
Dovacassatāya pahānāya sovacassatā bhāvetabbā pāpamittatāya pahānāya kalyāṇamittatā bhāvetabbā. Cetaso vikkhepassa pahānāya ānāpānasati bhāvetabbā.
Imesaɱ kho bhikkhave tiṇṇaɱ dhammānaɱ pahānāya ime tayo dhammā bhāvetabbāti.
6. 1. 10
(Uddhacca suttaɱ)
(Sāvatthinidānaɱ)
10. Tayo me bhikkhave dhammā. Katame tayo:
Uddhaccaɱ, asaɱvaro, pamādo, ime kho bhikkhave tayo dhammā.

Imesaɱ kho bhikkhave tiṇṇaɱ dhammānaɱ pahānāya tayo dhammā bhāvetabbā. Katame tayo:
Uddhaccassa pahānāya samatho bhāvetabbo. Asaɱvarassa pahānāya saɱvaro bhāvetabbo. Pamādassa pahānāya appamādo bhāvetabbo

Imesaɱ kho bhikkhave tiṇṇaɱ dhammānaɱ pahānāya ime tayo dhammā bhāvetabbāti.
Tika vaggo.
Tassuddānaɱ:
Rāgaduccarita vitakkasaññā dhātūti vuccati,
Assāda aratituṭṭhi dova ca uddhaccena vaggo, ti1

1. Draveca uddhacchena vaggoti machasaɱ

[BJT Page 268]

2 Sāmaññavaggo.
6. 2. 1.
(Kāyānupassī suttaɱ)
(Sāvatthi nidānaɱ)
1. Cha bhikkhave dhamme appahāya abhabbo kāye kāyānupassī viharituɱ. Katame cha:
Kammārāmataɱ, bhassārāmataɱ, niddārāmataɱ, saŋgaṇikārāmataɱ, indriyesu aguttadvārataɱ, bhojane amattaññūtaɱ.

Ime kho bhikkhave cha dhamme appahāya abhabbo kāye kāyānupassī viharituɱ. [page 450]

Cha bhikkhave dhamme pahāya bhabbo kāye kāyānupassī viharituɱ. Katame cha:

Kammārāmataɱ, bhassārāmataɱ, niddārāmataɱ, saŋgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme pahāya bhabbo kāye kāyānupassī viharitunti.

6. 2. 2.
(Ajjhattakāyānupassī ādi pañcadasa suttānī)
(Sāvattinidānaɱ)
6. 2. 2
Cha bhikkhave dhamme appahāya ajjhattaɱ kāye kāyānupassī viharituɱ. Katame cha:
Kammārāmataɱ, bhassārāmataɱ, niddārāmataɱ, saŋgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme appahāya abhabbo ajjhattaɱ kāye kāyānupassī viharituɱ.
Cha bhikkhave dhamme pahāya bhabbo ajjhattaɱ kāye kāyānupassi viharituɱ. Katame cha:

Kammārāmataɱ, bhassārāmataɱ, niddārāmataɱ, saɱgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme pahāya bhabbo kāye kāyānupassī viharitunti.

6. 2. 3
Cha bhikkhave dhamme appahāya abhabbo bahiddhā kāye kāyānupassī viharituɱ. Katame cha:
Kammārāmataɱ, bhassārāmataɱ, niddārāmataɱ, saŋgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme appahāya abhabbo bahiddhā kāye kāyānupassī viharituɱ.
Cha bhikkhave dhamme pahāya bhabbo bahiddhā kāye kāyānupassi viharituɱ. Katame cha:

Kammārāmataɱ, bhassārāmataɱ, niddārāmataɱ, saɱgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme pahāya bhabbo bahiddhā kāye kāyānupassī viharitunti.

6. 2. 4. Cha bhikkhave dhamme appahāya abhabbo ajjhattabahiddhā kāye kāyānupassī viharituɱ. Katame cha:

Kammārāmataɱ, bhassārāmataɱ, niddārāmataɱ, saŋgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme appahāya abhabbo ajjhattabahiddhā kāye kāyānupassī viharituɱ.

Cha bhikkhave dhamme pahāya bhabbo ajjhattabahiddhā kāye kāyānupassī viharituɱ. Katame cha:

Kammārāmataɱ, bhassārāmataɱ, niddārāmataɱ, saŋgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme pahāya bhabbo ajjhattabahiddhā kāye kāyānupassī viharitunti.

6. 2. 5.
Cha bhikkhave dhamme appahāya vedanāsu vedanānupassī viharituɱ. Katame cha:
Kammārāmataɱ, bhassārāmataɱ, niddārāmataɱ, saŋgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme appahāya abhabbo vedanāsu vedanānupassī viharituɱ.
Cha bhikkhave dhamme pahāya bhabbo vedanāsu vedanānupassī viharituɱ. Katame cha:

Kammārāmataɱ, bhassārāmataɱ, niddārāmataɱ, saɱgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme pahāya bhabbo vedanāsu vedanānupassī viharitunti.

6. 2. 6.
Cha bhikkhave dhamme appahāya ajjhattaɱ vedanāsu vedanānupassī viharituɱ. Katame cha:
Kammārāmataɱ, bhassārāmataɱ, niddārāmataɱ, saŋgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme appahāya abhabbo ajjhattaɱ vedanāsu vedanānupassī viharituɱ.
Cha bhikkhave dhamme pahāya bhabbo ajjhattaɱ vedanāsu vedanānupassī viharituɱ. Katame cha:

Kammārāmataɱ, bhassārāmataɱ, niddārāmataɱ, saɱgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme pahāya bhabbo ajjhattaɱ vedanāsu vedanānupassī kāyānupassī viharitunti.

6. 2. 7.
Cha bhikkhave dhamme appahāya bahiddhā vedanāsu vedanānupassī viharituɱ. Katame cha:
Kammārāmataɱ, bhassārāmataɱ, niddārāmataɱ, saŋgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme appahāya abhabbo bahiddhā vedanāsu vedanānupassī viharituɱ.
Cha bhikkhave dhamme pahāya bhabbo bahiddhā vedanāsu vedanānupassī viharituɱ. Katame cha:

Kammārāmataɱ, bhassārāmataɱ, niddārāmataɱ, saɱgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme pahāya bhabbo bahiddhā vedanāsu vedanānupassī viharitunti.

6. 2. 8. Cha bhikkhave dhamme appahāya ajjhattabahiddhā vedanāsu vedanānupassī viharituɱ. Katame cha:

Kammārāmataɱ, bhassārāmataɱ, niddārāmataɱ, saŋgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme appahāya abhabbo ajjhattabahiddhā vedanāsu vedanānupassī viharituɱ.
Cha bhikkhave dhamme pahāya bhabbo ajjhattabahiddhā vedanāsu vedanānupassī viharituɱ. Katame cha:

Kammārāmataɱ, bhassārāmataɱ, niddārāmataɱ, saɱgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme pahāya bhabbo ajjhattabahiddhā vedanāsu vedanānupassī kāyānupassī viharitunti.

6. 2. 9.
Cha bhikkhave dhamme appahāya abhabbo citte cittānupassī viharituɱ. Katame cha:
Kammārāmataɱ, bhassārāmataɱ, niddārāmataɱ, saŋgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme appahāya abhabbo citte cittānupassī viharituɱ.
Cha bhikkhave dhamme pahāya bhabbo citte cittānupassī viharituɱ. Katame cha:

Kammārāmataɱ, bhassārāmataɱ, niddārāmataɱ, saɱgaṇikārāmataɱ, indriyesu aguttadvārataɱ, hojane amattaññutaɱ.

Ime kho bhikkhave cha dhamme pahāya bhabbo citte cittānupassī viharituntī.

6. 2. 10.
Cha bhikkhave dhamme appahāya ajjhattaɱ citte cittānupassī viharituɱ. Katame cha:
Kammārāmataɱ, bhassārāmataɱ, niddārāmataɱ, saŋgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme appahāya abhabbo ajjhattaɱ citte cittānupassī viharituɱ. Cha bhikkhave dhamme pahāya bhabbo ajjhattaɱ citte cittānupassī viharituɱ. Katame cha:

Kammārāmataɱ, bhassārāmataɱ, niddārāmataɱ, saɱgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme pahāya bhabbo ajjhattaɱ citte cittānupassī viharitunti.

6. 2. 11.
Cha bhikkhave dhamme appahāya bahiddhā citte cittānupassī viharituɱ. Katame cha:
Kammārāmataɱ, bhassārāmataɱ, niddārāmataɱ, saŋgaṇikārāmataɱ, indriyesu aguttadvārataɱ, bhojane amattaññutaɱ.
Ime kho bhikkhave cha dhamme appahāya abhabbo bahiddhā citte cittānupassī viharituɱ.
Cha bhikkhave dhamme pahāya bhabbo bahiddhā citte cittānupassī viharituɱ. Katame cha:

Kammārāmataɱ, bhassārāmataɱ, niddārāmataɱ, saɱgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme pahāya bhabbo bahiddhā citte cittānupassī kāyānupassī viharitunti.

6. 2. 12.
Cha bhikkhave dhamme appahāya ajjhattabahiddhā citte cittānupassī viharituɱ. Katame cha:
Kammārāmataɱ, bhassārāmataɱ, niddārāmataɱ, saŋgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme appahāya abhabbo ajjhattabahiddhā citte cittānupassī viharituɱ.
Cha bhikkhave dhamme pahāya bhabbo ajjhattabahiddhā citte cittānupassī viharituɱ. Katame cha:

Kammārāmataɱ, bhassārāmataɱ, niddārāmataɱ, saɱgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme pahāya bhabbo ajjhattabahiddhā citte cittānupassī viharitunti.

6. 2. 13.
Cha bhikkhave dhamme appahāya abhabbo dhammesu dhammānupassī viharituɱ. Katame cha:
Kammārāmataɱ, bhassārāmataɱ, niddārāmataɱ, saŋgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme appahāya abhabbo dhammesu dhammānupassī viharituɱ.
Cha bhikkhave dhamme pahāya bhabbo dhammesu dhammānupassī viharituɱ. Katame cha:

Kammārāmataɱ, bhassārāmataɱ, niddārāmataɱ, saɱgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme pahāya bhabbo dhammesu dhammānupassī viharitunti.

6. 2. 14.
Cha bhikkhave dhamme appahāya abhabbo ajjhattaɱ dhammesu dhammānupassī kāye kāyānupassī viharituɱ. Katame cha:

Kammārāmataɱ, bhassārāmataɱ, niddārāmataɱ, saŋgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme appahāya abhabbo ajjhattaɱ dhammesu dhammānupassī viharituɱ. Cha bhikkhave dhamme pahāya bhabbo ajjhattaɱ dhammesu dhammānupassī viharituɱ. Katame cha:

Kammārāmataɱ, bhassārāmataɱ, niddārāmataɱ, saɱgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme pahāya bhabbo ajjhattaɱ dhammesu dhammānupassī kāyānupassī viharitunti.

6. 2. 15.
Cha bhikkhave dhamme appahāya abhabbo bahiddhā dhammesu dhammānupassī viharituɱ. Katame cha:
Kammārāmataɱ, bhassārāmataɱ, niddārāmataɱ, saŋgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme appahāya abhabbo bahiddhā dhammesu dhammānupassī viharituɱ. Cha bhikkhave dhamme pahāya bhabbo bahiddhā dhammesu dhammānupassī viharituɱ. Katame cha:

Kammārāmataɱ, bhassārāmataɱ, niddārāmataɱ, saɱgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme pahāya bhabbo bahiddhā dhammesu dhammānupassī kāyānupassī viharitunti.

6. 2. 16.
Cha bhikkhave dhamme appahāya abhabbo ajjhattabahiddhā dhammesu dhammānupassī viharituɱ. Katame cha:
Kammārāmataɱ, bhassārāmataɱ, niddārāmataɱ, saŋgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme appahāya abhabbo ajjhattabahiddhā dhammesu dhammānupassī viharituɱ. Cha bhikkhave dhamme pahāya bhabbo ajjhattabahiddhā dhammesu dhammānupassī viharituɱ. Katame cha:

Kammārāmataɱ, bhassārāmataɱ, niddārāmataɱ, saɱgaṇikārāmataɱ, indriyesu aguttadvārataɱ, bhojane amattaññutaɱ.

Ime kho bhikkhave cha dhamme pahāya bhabbo ajjhattabahiddhā dhammesu dhammānupassī viharitunti.

[BJT Page 270]
6. 2. 17
(Tapussa suttaɱ)
(Sāvatthinidānaɱ)
Chahi bhikkhave dhammehi samannāgato tapusso. 1 Gahapati tathāgate niṭṭhaɱgato amataddaso amataɱ sacchikatvā irīyati. Katamehi chahi:
[page 451]
Buddhe aveccappasādena, dhamme aveccappasādena, saŋgheaveccappasādena, ariyena sīlena, ariyena ñāṇena, ariyāya vimuttiyā.

Imehi kho bhikkhave chahi dhammehi samannāgato tapusso gahapati tathāgate niṭṭhaɱ gato amataddaso amataɱ sacchikatvā irīyatīti.

(Bhallikādi visati suttāni)
(Sāvatthinidānaɱ)
6. 2. 18.
Chahi bhikkhave dhammehi samannāgato bhalliko gahapati tathāgate niṭṭhaɱgato amataddaso amataɱ sacchikatvā irīyati. Katamehi chahi:

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena, ariyāya vimuttiyā.

Imehi kho bhikkhave chahi dhammehi samannāgato bhalliko gahapati tathāgate niṭṭhaɱ gato amataddaso amataɱ sacchikatvā irīyatīti.
6. 2. 19
Chahi bhikkhave dhammehi samannāgato sudatto gahapatianāthapiṇḍiko tathāgate niṭṭhaɱgato amataddaso amataɱ
Sacchikatvā irīyati. Katamehi chahi:

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena, ariyāya vimuttiyā.

Imehi kho bhikkhave chahi dhammehi samannāgato sudatto gahapati anāthapiṇḍiko tathāgate niṭṭhaɱ gato amataddaso amataɱ sacchikatvā irīyatīti.

6. 2. 20
Chahi bhikkhave dhammehi samannāgato citto gahapati macchikāsaṇḍiko tathāgate niṭṭhaɱgato amataddaso amataɱ sacchikatvā irīyati. Katamehi chahi:

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena, ariyāya vimuttiyā.

Imehi kho bhikkhave chahi dhammehi samannāgato citto gahapati macchikāsaṇḍiko gahapati tathāgate niṭṭhaɱgato amataddaso amataɱ sacchikatvā irīyatīti.

6. 2. 21.
Chahi bhikkhave dhammehi samannāgato hatthako āḷavako gahapati tathāgate niṭṭhaɱgato amataddaso amataɱ sacchikatvā irīyati. Katamehi chahi:

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena, ariyāya vimuttiyā.

Imehi kho bhikkhave chahi dhammehi samannāgato hatthako āḷavako
Gahapati tathāgate niṭṭhaɱgato amataddaso amataɱ sacchikatvā irīyatīti.

6. 2. 22
Chahi bhikkhave dhammehi samannāgato mahānāmo sakko gahapati tathāgate
Niṭṭhaɱgato amataddaso amataɱ sacchikatvā irīyati. Katamehi chahi:

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena, ariyāya vimuttiyā.

Imehi kho bhikkhave chahi dhammehi samannāgato mahānāmo sakko
Gahapati tathāgate niṭṭhaɱgato amataddaso amataɱ sacchikatvā irīyatīti.

6. 2. 23
Chahi bhikkhave dhammehi samannāgato uggo gahapati vesāliko tathāgate niṭṭhaɱgato amataddaso amataɱ sacchikatvā irīyati. Katamehi chahi:

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena, ariyāya vimuttiyā.

Imehi kho bhikkhave chahi dhammehi samannāgato uggo gahapati vesāliko tathāgate niṭṭhaɱgato amataddaso amataɱ sacchikatvā irīyatīti.

6. 2. 24
Chahi bhikkhave dhammehi samannāgato uggato gahapati tathāgate niṭṭhaɱgato amataddaso amataɱ sacchikatvā irīyati. Katamehi chahi:

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena, ariyāya vimuttiyā.

Imehi kho bhikkhave chahi dhammehi samannāgato uggato gahapati
Tathāgate niṭṭhaɱgato amataddaso amataɱ sacchikatvā irīyatīti.

6. 2. 25
Chahi bhikkhave dhammehi samannāgato sūro ambaṭṭho gahapati tathāgate
Niṭṭhaɱgato amataddaso amataɱ sacchikatvā irīyati. Katamehi chahi:

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena, ariyāya vimuttiyā.

Imehi kho bhikkhave chahi dhammehi samannāgato sūro ambaṭṭho gahapati tathāgate niṭṭhaɱgato amataddaso amataɱ sacchikatvā irīyatīti.

6. 2. 26
Chahi bhikkhave dhammehi samannāgato jīvako komārabhacco gahapati tathāgate niṭṭhaɱgato amataddaso amataɱ sacchikatvā irīyati. Katamehi chahi:

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena, ariyāya vimuttiyā.

Imehi kho bhikkhave chahi dhammehi samannāgato jīvako komārabhacco gahapati tathāgate niṭṭhaɱgato amataddaso amataɱ sacchikatvā irīyatīti.

6. 2. 27
Chahi bhikkhave dhammehi samannāgato nakulapitā gahapati tathāgate niṭṭhaɱgato amataddaso amataɱ sacchikatvā irīyati. Katamehi chahi:

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena, ariyāya vimuttiyā.

Imehi kho bhikkhave chahi dhammehi samannāgato nakulapitā
Gahapati tathāgate niṭṭhaɱgato amataddaso amataɱ sacchikatvā irīyatīti.

6. 2. 28
Chahi bhikkhave dhammehi samannāgato tavakaṇṇiko gahapati tathāgate niṭṭhaɱgato amataddaso amataɱ sacchikatvā irīyati. Katamehi chahi:

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena, ariyāya vimuttiyā.

Imehi kho bhikkhave chahi dhammehi samannāgato tavakaṇṇiko gahapati tathāgate niṭṭhaɱgato amataddaso amataɱ sacchikatvā irīyatīti.

6. 2. 29
Chahi bhikkhave dhammehi samannāgato pūraṇo gahapati tathāgate niṭṭhaɱgato amataddaso amataɱ sacchikatvā irīyati. Katamehi chahi:

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena, ariyāya vimuttiyā.

Imehi kho bhikkhave chahi dhammehi samannāgato pūraṇo gahapati tathāgate niṭṭhaɱgato amataddaso amataɱ sacchikatvā irīyatīti.

6. 2. 30
Chahi bhikkhave dhammehi samannāgato isidatto gahapati tathāgate niṭṭhaɱgato amataddaso amataɱ sacchikatvā irīyati. Katamehi chahi:

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena, ariyāya vimuttiyā.

Imehi kho bhikkhave chahi dhammehi samannāgato isidatto gahapati tathāgate niṭṭhaɱgato amataddaso amataɱ sacchikatvā irīyatīti.

6. 2. 31.
Chahi bhikkhave dhammehi samannāgato sandhāno gahapati tathāgate niṭṭhaɱgato amataddaso amataɱ sacchikatvā irīyati. Katamehi chahi

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena. Ariyāya vimuttiyā.

Imehi kho bhikkhave chahi dhammehi samannāgato sandhāno gahapati tathāgate niṭṭhaɱ gato amataddaso amataɱ sacchikatvā irīyatīti.

6. 2. 32. Chahi bhikkhave dhammehi samannāgato vijayo gahapati tathāgate niṭṭhaɱgato amataddaso amataɱ sacchikatvā irīyati. Katamehi chahi

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena. Ariyāya vimuttiyā.

Imehi kho bhikkhave chahi dhammehi samannāgato vijayo gahapati tathāgate niṭṭhaɱ gato amataddaso amataɱ sacchikatvā irīyatīti.

6. 2. 33.
Chahi bhikkhave dhammehi samannāgato vajjiyamahito gahapati tathāgate niṭṭhaɱgato amataddaso amataɱ sacchikatvā irīyati. Katamehi chahi

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena. Ariyāya vimuttiyā.

Imehi kho bhikkhave chahi dhammehi samannāgato vajjiyamahito gahapati tathāgate niṭṭhaɱ gato amataddaso amataɱ sacchikatvā irīyatīti.

6. 2. 34.
Chahi bhikkhave dhammehi samannāgato meṇḍako gahapati tathāgate niṭṭhaɱgato amataddaso amataɱ sacchikatvā irīyati. Katamehi chahi

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena. Ariyāya vimuttiyā.

Imehi kho bhikkhave chahi dhammehi samannāgato meṇḍako gahapati tathāgate niṭṭhaɱ gato amataddaso amataɱ sacchikatvā irīyatīti.

6. 2. 35.
Chahi bhikkhave dhammehi samannāgato vāseṭṭho upāsako tathāgate niṭṭhaɱgato amataddaso amataɱ sacchikatvā irīyati. Katamehi chahi

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena. Ariyāya vimuttiyā.

Imehi kho bhikkhave chahi dhammehi samannāgato vāseṭṭho upāsako tathāgate niṭṭhaɱ gato amataddaso amataɱ sacchikatvā irīyatīti.

6. 2. 36.
Chahi bhikkhave dhammehi samannāgato ariṭṭho upāsako tathāgate niṭṭhaɱgato amataddaso amataɱ sacchikatvā irīyati. Katamehi chahi

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena. Ariyāya vimuttiyā.

Imehi kho bhikkhave chahi dhammehi samannāgato ariṭṭho upāsako tathāgate niṭṭhaɱ gato amataddaso amataɱ sacchikatvā irīyatīti.

6. 2. 37.
Chahi bhikkhave dhammehi samannāgato sāraggo upāsako tathāgate niṭṭhaɱgato amataddaso amataɱ sacchikatvā irīyati. Katamehi chahi

Buddhe aveccappasādena, dhamme aveccappasādena, saŋghe aveccappasādena, ariyena sīlena, ariyena ñāṇena. Ariyāya vimuttiyā.

Imehi kho bhikkhave chahi dhammehi samannāgato sāraggo4 upāsako tathāgate niṭṭhaɱ gato amataddaso amataɱ sacchikatvā irīyatī.

Sāmañña vaggo.

1Tapasso [pts. 2.] Vicayo gahapati machasaɱ. 3. Vijayamāhiko machasaɱ
4. Sādatto syā.

[BJT Page: 272]
Chakkanipāte rāgādipeyyāla sūttāni.
(Sāvatthinidānaɱ)
1. Rāgassa bhikkhave abhiññāya cha dhammā bhāvetabbā. Katame cha: [page 452]
Dassanānuttariyaɱ, savanānuttariyaɱ, lābhānuttariyaɱ, sikkhānuttariyaɱ, pāricariyānuttariyaɱ, anussatānuttariyaɱ.

Rāgassa bhikkhave abhiññāya ime cha dhammā bhāvetabbāti.

(Sāvatthinidānaɱ