Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
II. Dukanipāta

I. I. Kammakāraṇa Vagga

Adapted from the 1995 edition of the digital version of the Sri Lanka Buddha Jayanti Tripitaka Series.

 


[47]

Namo tassa Bhagavato arahato Sammā-Sam-Buddhassa

Sutta 1

Vajjasuttaɱ

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhū āmantesi:|| ||

Bhikkhavo ti!|| ||

Bhadante ti te bhikkhū Bhagavato paccassosuɱ.|| ||

Bhagavā etad avoca:|| ||

Dve'māni bhikkhave vajjāni.|| ||

Katamāni dve?|| ||

Diṭṭhadhammikañ ca vajjaɱ,||
samparāyikañca vajjaɱ.|| ||

Katamañ ca bhikkhave diṭṭha-dhammikaɱ vajjaɱ?|| ||

Idha, bhikkhave, ekacco passati coraɱ āgucāriɱ rājāno gahetvā vividhā kamma-kāraṇā kārente,||
kasāhi pi tā'ente,||
vettehi pi tā'ente,||
addhadaṇḍakehi pi tā'ente,||
hattham pi chindante,||
pādam pi chindante,||
hatthapādam pi chindante,||
kaṇṇam pi chindante,||
nāsam pi chindante,||
kaṇṇanāsam pi chindante,||
bilaŋgathālikam pi karonte,||
saŋkhamuṇḍikam pi karonte,||
rāhu-mukham pi karonte,||
joti-mālikam pi karonte,||
hatthapajjotikam pi karonte,||
erakavattikam pi karonte,||
[48] cīrakavāsikam pi karonte,||
eṇeyyakam pi karonte,||
balisamaɱsikam pi karonte,||
kahāpaṇakam pi karonte,||
khārāpatacchikam pi karonte,||
palighaparivattikam pi karonte,||
palālapiṭhikam pi karonte,||
tattena pi telena osiñcante,||
sunakhehi pi khādāpente,||
jīvantam pi sūle uttāsente,||
asinā pi sīsaɱ chindante.|| ||

Tassa evaɱ hoti:||
yathā-rūpānaɱ kho pāpakānaɱ kammānaɱ hetu coraɱ āgucāriɱ rājāno gahetvā vividhā kamma-kāraṇā kārenti,||
kasāhi pi tā'ente,||
vettehi pi tā'ente,||
addhadaṇḍakehi pi tā'ente,||
hattham pi chindante,||
pādam pi chindante,||
hatthapādam pi chindante,||
kaṇṇam pi chindante,||
nāsam pi chindante,||
kaṇṇanāsam pi chindante,||
bilaŋgathālikam pi karonte,||
saŋkhamuṇḍikam pi karonte,||
rāhu-mukham pi karonte,||
joti-mālikam pi karonte,||
hatthapajjotikam pi karonte,||
erakavattikam pi karonte,||
cīrakavāsikam pi karonte,||
eṇeyyakam pi karonte,||
balisamaɱsikam pi karonte,||
kahāpaṇakam pi karonte,||
khārāpatacchikam pi karonte,||
palighaparivattikam pi karonte,||
palālapiṭhikam pi karonte,||
tattena pi telena osiñcante,||
sunakhehi pi khādāpente,||
jīvantam pi sūle uttāsente,||
asinā pi sīsaɱ chindante.|| ||

Ahaɱ ce va kho pana eva-rūpaɱ pāpa-kammaɱ kareyyaɱ,||
mam pi rājāno gahetvā eva-rūpā vividhā kamma-kāraṇā kāreyyuɱ,||
kasāhi pi tā'ente,||
vettehi pi tā'ente,||
addhadaṇḍakehi pi tā'ente,||
hattham pi chindante,||
pādam pi chindante,||
hatthapādam pi chindante,||
kaṇṇam pi chindante,||
nāsam pi chindante,||
kaṇṇanāsam pi chindante,||
bilaŋgathālikam pi karonte,||
saŋkhamuṇḍikam pi karonte,||
rāhu-mukham pi karonte,||
joti-mālikam pi karonte,||
hatthapajjotikam pi karonte,||
erakavattikam pi karonte,||
cīrakavāsikam pi karonte,||
eṇeyyakam pi karonte,||
balisamaɱsikam pi karonte,||
kahāpaṇakam pi karonte,||
khārāpatacchikam pi karonte,||
palighaparivattikam pi karonte,||
palālapiṭhikam pi karonte,||
tattena pi telena osiñcante,||
sunakhehi pi khādāpente,||
jīvantam pi sūle uttāsente,||
asinā pi sīsaɱ chindeyyunti.|| ||

So diṭṭha-dhammikassa vajjassa bhīto na paresaɱ pābhataɱ palumpanno carati.|| ||

Idaɱ vuccati bhikkhave diṭṭha-dhammikaɱ vajjaɱ.|| ||

Katamañ ca bhikkhave samparāyikaɱ vajjaɱ:|| ||

Idha, bhikkhave, ekacco iti paṭisañcikkhati:||
kāya-du-c-caritassa kho pāpako vipāko abhisamparāyaɱ,||
vacī-du-c-caritassa kho pāpako vipāko abhisamparāyaɱ,||
mano-du-c-caritassa kho pāpako vipāko abhisamparāyaɱ.|| ||

Ahaɱ ce va kho pana kāyena du-c-caritaɱ careyyaɱ,||
vācāya du-c-caritaɱ careyyaɱ,||
manasā du-c-caritaɱ careyyaɱ,||
kiñ ca taɱ,||
yenāgaɱ na kāyassa bhedā param maraṇā apāyaɱ duggatiɱ vinipātaɱ Nirayaɱ upapa-j-jeyyan ti.|| ||

[49] So samparāyikassa vajjassa bhīto kāya-du-c-caritaɱ pahāya kāya-su-caritaɱ bhāveti,||
vacī-du-c-caritaɱ pahāya vacī-su-caritaɱ bhāveti,||
mano-du-c-caritaɱ pahāya mano-su-caritaɱ bhāveti,||
suddhaɱ attānaɱ pariharati.|| ||

Idaɱ vuccati bhikkhave samparāyikaɱ vajjaɱ.|| ||

Imāni kho bhikkhave dve vajjāni.|| ||

Tasmā ti ha bhikkhave evaɱ sikkhitabbaɱ:||
diṭṭha-dhammikassa vajjassa bhāyissāma,||
samparāyikassa vajjassa bhāyissāma.|| ||

Vajjabhīruno bhavissāma vajjabhaya-dassāvino ti.|| ||

Evaɱ hi vo bhikkhave sikkhitabbaɱ.|| ||

Vajjabhīruno bhikkhave vajja-bhaya-dassāvino etaɱ pāṭikaŋkhaɱ,||
yaɱ parimuccissati sabbavajjehī ti.|| ||

 

§

 

Sutta 2

Padhānasuttaɱ

[2][pts] Dve'māni bhikkhave padhānāni du-r-abhisambhavāni lokasmiɱ.|| ||

Katamāni dve?|| ||

Yañ ca gihīnaɱ agāraɱ ajjhāvasaraɱ cīvara-piṇḍa-pāta-sen'āsana-gilāna-paccaya-bhesajja-parikkhārānuppadānatthaɱ padhānaɱ,||
yañ ca agārasmā anagāriyaɱ pabba-jitānaɱ sabbūpadhi-paṭinissaggatthāya padhānaɱ.|| ||

Imāni kho bhikkhave dve padhānāni durabhisaɱbhavāni lokasmiɱ.|| ||

Etad aggaɱ bhikkhave imesaɱ dvinnaɱ padhānānaɱ yad idaɱ sabbūpadhi-paṭinissaggatthaɱ padhānaɱ.|| ||

Tasmā ti ha bhikkhave evaɱ sikkhitabbaɱ:||
sabbūpadhi-paṭinissaggatthaɱ padhānaɱ padahissāmā ti.|| ||

Evaɱ hi vo bhikkhave sikkhitabban ti.|| ||

 

§

 

Sutta 3

Tapanīyasuttaɱ

[3][pts] Dve'me bhikkhave dhammā tapanīyā.|| ||

Katame dve?|| ||

Idha, bhikkhave, ekaccassa kāya-du-c-caritaɱ kataɱ hoti,||
akataɱ hoti kāya-su-caritaɱ;||
vacī-du-c-caritaɱ kataɱ hoti,||
akataɱ hoti vacī-su-caritaɱ;||
mano-du-c-caritaɱ kataɱ hoti,||
akataɱ hoti mano-su-caritaɱ.|| ||

So kāya-du-c-caritaɱ me katan ti tappati,||
akataɱ me kāya-su-caritan ti tappati,||
vacī-du-c-caritaɱ me katan ti tappati,||
akataɱ me vacī-su-caritanti tappati;||
mano-du-c-caritaɱ me katan ti tappati,||
akataɱ me mano-su-caritanti tappati.|| ||

Ime kho bhikkhave dve dhammā tapanīyā ti.|| ||

 

§

 

Sutta 4

Atapanīyasuttaɱ

[4][pts] Dve'me bhikkhave dhammā atapanīyā.|| ||

[50] Katame dve?|| ||

Idha, bhikkhave, ekaccassa kāya-su-caritaɱ kataɱ hoti,||
akataɱ hoti kāya-du-c-caritaɱ;||
vacī-su-caritaɱ kataɱ hoti,||
akataɱ hoti vacī-du-c-caritaɱ;||
mano-su-caritaɱ kataɱ hoti,||
akataɱ hoti mano-du-c-caritaɱ;

So kāya-su-caritaɱ me katan ti na tappati,||
akataɱ me kāya-du-c-caritan ti na tappati,||
vacī-su-caritaɱ me katan ti na tappati,||
akataɱ me vacī-du-c-caritan ti na tappati;||
mano-su-caritaɱ me kattan ti na tappati,||
akataɱ me mano-du-c-caritanti na tappati.|| ||

Ime kho bhikkhave dve dhammā atapanīyā ti.|| ||

 

§

 

Sutta 5

Upaññāta Suttaɱ

[5][pts][than] Dvinnāhaɱ bhikkhave dhammānaɱ upaññāsiɱ:||
yā ca asantuṭṭhitā kusalesu dhammesu,||
yā ca appaṭivāṇitā padhānasmiɱ.|| ||

Appaṭivāṇaɱ sudāhaɱ bhikkhave padahāmi:||
kāmaɱ taco ca nahāru ca aṭṭhi ca avasissatu sarīre,||
upasussatu maɱsa-lohitaɱ,||
yaɱ taɱ purisa-thāmena purisa-viriyena purisa-parakkamena pattabbaɱ,||
na taɱ apāpuṇitvā viriyassa santhānaɱ bhavissatī ti.|| ||

Tassa mayhaɱ bhikkhave appamādādhigatā bodhi,||
appamādādhigato anuttaro yogakkhemo.|| ||

Tumhe ce pi bhikkhave appaṭivānaɱ padaheyyātha:||
kāmaɱ taco ca nahāru ca aṭṭhi ca avasissatu sarīre,||
upasussatu maɱsa-lohitaɱ,||
yaɱ taɱ purisa-thāmena purisa-viriyena purisa-parakkamena pattabbaɱ,||
na taɱ apāpuṇitvā viriyassa santhānaɱ bhavissatī ti.|| ||

Tumhe pi bhikkhave na cirass'eva yass'atthāya kula-puttā samma-d-eva agārasmā anagāriyaɱ pabbajanti,||
tad anuttaraɱ Brahma-cariya-pariyosānaɱ diṭṭhe'va dhamme sayaɱ abhiññā sacchi-katvā upasampajja viharissatha.|| ||

Tasmā ti ha bhikkhave evaɱ sikkhitabbaɱ:||
appaṭivānaɱ padahissāma,||
kāmaɱ taco ca nahāru ca aṭṭhi ca avasissatu sarīre,||
upasussatu maɱsa-lohitaɱ,||
yaɱ taɱ purisa-thāmena purisa-viriyena purisa-parakkamena pattabbaɱ,||
na taɱ apāpuṇitvā viriyassa santhānaɱ bhavissatī ti.|| ||

Evaɱ hi vo bhikkhave sikkhitabban ti.|| ||

 

§

 

Sutta 6

Saŋyojanīya Suttaɱ

[6][pts] Dve'me bhikkhave dhammā.|| ||

Katame dve?|| ||

Yā ca saŋyojanīyesu dhammesu assādānupassitā,||
yā ca saŋyojanīyesu dhammesu nibbidānupassitā.|| ||

Saŋyojanīyesu bhikkhave dhammesu assādānupassī viharanto||
rāgaɱ nappa- [51] jahati,||
dosaɱ nappajahati,||
mohaɱ nappajahati.|| ||

Rāgaɱ a-p-pahāya||
dosaɱ a-p-pahāya||
mohaɱ a-p-pahāya||
na parimuccati jātiyā jarāya maraṇena sokehi paridevehi dukkhehi domanassehi upāyāsehi.|| ||

Na parimuccati dukkhasmā ti vadāmi.|| ||

Saŋyojanīyesu bhikkhave dhammesu nibbidānupassī viharanto||
rāgaɱ pajahati,||
dosaɱ pajahati,||
mohaɱ pajahati.|| ||

Rāgaɱ pahāya||
dosaɱ pahāya||
mohaɱ pahāya||
parimuccati jātiyā jarāya maraṇena sokehi paridevehi dukkhehi domanassehi upāyāsehi.|| ||

Parimuccati dukkhasamā ti vadāmi.|| ||

Ime kho bhikkhave dve dhammā ti.|| ||

 

§

 

Sutta 7

Kaṇha Suttaɱ

[7][pts] Dve'me bhikkhave dhammā kaṇhā.|| ||

Katame dve?|| ||

Ahirikañ ca anottappañ ca.|| ||

Ime kho bhikkhave dve dhammā kaṇhā ti.|| ||

 

§

 

Sutta 8

Sukka Suttaɱ

[8][pts] Dve'me bhikkhave dhammā sukkā.|| ||

Katame dve?|| ||

Hiri ca ottappañ ca.|| ||

Ime kho bhikkhave dve dhammā sukkā ti.|| ||

 

§

 

Sutta 9

Cariyā Suttaɱ

[9][pts][than][olds][irel] Dve'me bhikkhave sukkā dhammā lokaɱ pālenti.||
Katame dve?|| ||

Hiri ca ottappañ ca.||
Ime kho bhikkhave dve sukkā dhammā lokaɱ na pāleyyuɱ,||
nayidha paññāyetha mātā ti vā mātucchā ti vā mātulānī ti vā ācariya-bhariyā ti vā garūnaɱ dārā ti vā,||
sambhedaɱ loko āgamissati,||
yathā ajeḷakā kukkuṭa-sūkarā sona-sigālā.|| ||

Yasmā ca kho bhikkhave ime dve sukkā dhammā lokaɱ pālenti,||
tasmā paññāyati mātā ti vā mātucchā ti vā mātulānī ti vā ācariya-bhariyā ti vā garūnaɱ dārā ti vā ti.|| ||

 

§

 

Sutta 10

Vassūpanāyikā Suttaɱ

[10][pts] Dve'mā bhikkhave vassūpanāyikā.|| ||

Katamā dve?|| ||

Purimikā ca pacchimikā ca.|| ||

Imā kho bhikkhave dve vassūpanāyikā ti.|| ||

[Kammakaraṇa paṭhamo]

 


Contact:
E-mail
Copyright Statement