Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
II. Duka Nipāta
IV. Sama-Cittā Vagga

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

Sutta 31

[31.1][pts] [than] [61] "Asappurisabhūmiñ ca vo bhikkhave desissāmi sappurisabhūmiñ ca.|| ||

Taɱ suṇātha sādhukaɱ manasi-karotha bhāsissāmī" ti.|| ||

"Evaɱ bhante" ti kho te bhikkhū Bhagavato paccassosuɱ.|| ||

Bhagavā etad avoca:|| ||

"Katamā ca bhikkhave asappurisabhūmi?|| ||

Asappuriso bhikkhave akataññū hoti akatavedī.|| ||

Asabbhi h'etaɱ bhikkhave upaññātaɱ yad idaɱ akataññutā akata-veditā.|| ||

Kevalā esā bhikkhave asappurisabhūmi yad idaɱ akataññutā akata-veditā.|| ||

Katamā ca bhikkhave sappurisabhūmi?|| ||

Sappuriso ca kho bhikkhave kataññū hoti katavedī.|| ||

Sabbhi h'etaɱ bhikkhave upaññātaɱ yad idaɱ kataññutā kata-veditā.|| ||

Kevalā esā bhikkhave sappurisabhūmi yad idaɱ kataññutā kata-veditā" ti.|| ||

 


 

Sutta 32

[32.1][pts][than][olds] "Dvinnāhaɱ bhikkhave na suppatikāraɱ vadāmi.|| ||

Katamesaɱ dvinnaɱ?|| ||

Mātucca pitucca.|| ||

Ekena bhikkhave aɱsena mātaraɱ pari- [62] hareyya||
ekena aɱsena pitaraɱ parihareyya vassa-satāyuko vassa-sata-jīvī.|| ||

So ca tesaɱ ucchādana-parimaddana-nahāpana-sambāhanena,||
te pi tatth'eva muttakarīsaɱ cajeyyuɱ,||
na tv'eva bhikkhave mātā-pitunnaɱ kataɱ vā hoti,||
patikataɱ vā.|| ||

Imissā ca bhikkhave mahā-paṭhaviyā pahūta-satta-ratanāya mātā-pitaro issar-ā-dhipacce rajje patiṭṭhāpeyya,||
na tv'eva bhikkhave mātā-pitunnaɱ kataɱ vā hoti,||
patikataɱ vā.|| ||

Taɱ kissa hetu?|| ||

Bahūkārā bhikkhave mātā-pitaro puttānaɱ āpādakā posakā,||
imassa lokassa dassetāro.|| ||

Yo ca kho bhikkhave mātā-pitaro assaddhe saddhā-sampadāya sam-ā-dapeti niveseti patiṭṭhāpeti||
dussīle sīla-sampadāya sam-ā-dapeti niveseti patiṭṭhāpeti||
maccharī cāga-sampadāya sam-ā-dapeti niveseti patiṭṭhāpeti||
duppaññe paññā-sampadāya sam-ā-dapeti niveseti patiṭṭhāpeti||
ettāvatā kho bhikkhave mātā-pitunnanaɱ katañ ca hoti patikatañ ca atikatañ cā" ti.|| ||

 


 

Sutta 33

[33.1][pts] Atha kho aññataro brāhmaṇo yena Bhagavā ten'upasankami.|| ||

Upasaŋkamitvā Bhagavatā saddhiɱ sammodi.|| ||

Sammodanīyaɱ kathaɱ sārāṇīyaɱ vīti-sāretvā eka-m-antaɱ nisīdi.|| ||

Eka-m-antaɱ nisinno kho so brāhmaṇo Bhagavantaɱ etad avoca:|| ||

"Kiɱvādi bhavaɱ Gotamo kimakkhāyī" ti?|| ||

"Kiriyavādī c'āhaɱ brāhmaṇa akiriyavādī cā" ti.|| ||

"Yathā kathaɱ pana bhavaɱ Gotamo kiriyavādī ca akiriyavādī cā" ti?|| ||

"Akiriyaɱ kho ahaɱ brāhmaṇa vadāmi.|| ||

Kāya-du-c-caritassa||
vacī-du-c-caritassa||
mano-du-c-caritassa||
aneka-vihitānaɱ pāpakānaɱ akusalānaɱ dhammānaɱ akiriyaɱ vadāmi.|| ||

Kiriyañ ca kho ahaɱ brāhmaṇa vadāmi.|| ||

Kāya-su-caritassa||
vacī-su-caritassa||
mano-su-caritassa,||
aneka-vihitānaɱ kusalānaɱ dhammānaɱ kiriyaɱ vadāmi.|| ||

Evaɱ kho ahaɱ brāhmaṇa kiriyavādī ca akiriyavādī cā" ti.|| ||

"Abhikkantaɱ bho Gotama!|| ||

Abhikkantaɱ bho Gotama!|| ||

Seyyathā pi bho Gotama nikkujjitaɱ vā ukkujjeyya,||
paṭi-c-channaɱ vā vivareyya,||
mūḷhassa vā Maggaɱ ācikkheyya,||
andha-kāre vā tela-pajjotaɱ dhāreyya,||
'cakkhu-manto rūpāni dakkhinti' ti,||
evam'eva kho bhotā Gotamena aneka-pariyāyena dhammo pakāsito.|| ||

Es'āhaɱ Bhagavantaɱ Gotamaɱ saraṇaɱ gacchāmi||
Dhammañ ca||
Bhikkhu-Saŋghañ ca.|| ||

Upāsakaɱ maɱ bhavaɱ Gotamo dhāretu ajja-t-agge pāṇupetaɱ saraṇaɱ gatan" ti.|| ||

 


 

Sutta 34

[34.1][pts] Atha kho Anāthapiṇḍiko gahapati yena Bhagavā ten' [63] upasankami||
upasankamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinno kho Anāthapiṇḍiko gahapati Bhagavantaɱ etad avoca:|| ||

"Kati nu kho bhante loke dakkhiṇeyyā?|| ||

Kattha ca dānaɱ dātabban" ti?|| ||

"Dve kho gahapati loke dakkhiṇeyyā||
sekho ca||
asekho ca.|| ||

Ime kho gahapati dve loke dakkhiṇeyyā||
ettha ca dānaɱ dātabban" ti.|| ||

Idam avoca Bhagavā.|| ||

Idaɱ vatvā Sugato athāparaɱ etad avoca Satthā:|| ||

Sekho asekho ca imasmiɱ loke
Āhuṇeyyā yajamānānaɱ honti,
Te ujjubhūtā kāyena vācāya uda cetasā
Khettaɱ taɱ yajamānānaɱ ettha dinnaɱ maha-p-phalan ti.|| ||

 


 

Sutta 35

[35.1][pts][than] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati||
Jetavane Anāthapiṇḍikassa ārāme.|| ||

Tena kho pana samayen'āyasmā Sāriputto Sāvatthiyaɱ viharati Pubb-ā-rāme Migāra-mātu pāsāde.|| ||

Tatra kho āyasmā Sāriputto bhikkhū āmantesi:|| ||

"Āvuso bhikakhavo" ti.|| ||

"Āvuso" ti kho te bhikkhū āyasmato Sāriputtassa paccassosuɱ.|| ||

Āyasmā Sāriputto etad avoca:|| ||

"Ajjhatta saŋyojanañ ca āvuso puggalaɱ desissāmi bahiddhā saŋyojanañ ca||
taɱ suṇātha sādhukaɱ manasi-karotha bhāsissāmī" ti.|| ||

"Evam āvuso" ti kho te bhikkhū āyasmato Sāriputtassa paccassosuɱ.|| ||

Āyasmā Sāriputto etad avoca:|| ||

"Katamo c'āvuso ajjhatta-saŋyojano puggalo?|| ||

Idh'āvuso Bhikkhu sīlavā hoti Pātimokkha-saŋvara-saɱvuto viharati ācāra-gocara-sampanno aṇumattesu vajjesu bhaya-dassāvī samādāya sikkhati sikkhā-padesu.|| ||

So kāyassa bhedā param maraṇā aññataraɱ deva-nikāyaɱ uppajjati.|| ||

So tato cuto āgāmī hoti āgantā itthattaɱ.|| ||

Ayaɱ vuccati āvuso ajjhatta-saŋyojano puggalo āgāmī āgantā itthattaɱ.|| ||

[64] Katamo cāvuso bahiddhā-saŋyojano puggalo?|| ||

Idh'āvuso Bhikkhu sīlavā hoti||
Pātimokkha-saŋvara-saɱvuto viharati ācāra-gocara-sampanno aṇumattesu vajjesu bhaya-dassāvī samādāya sikkhati sikkhā-padesu.|| ||

So aññataraɱ santaɱ ceto-vimuttiɱ upasampajja viharati.|| ||

So kāyassa bhedā param maraṇā aññataraɱ deva-nikāyaɱ uppajjati.|| ||

So tato cuto Anāgāmī hoti anāgantā itthattaɱ.|| ||

Ayaɱ vuccati āvuso bahiddhā-saŋyojano puggalo Anāgāmī anāgantā itthattaɱ.|| ||

Puna ca paraɱ āvuso Bhikkhu sīlavā hoti Pātimokkha-saŋvara-saɱvuto viharati ācāra-gocara-sampanno aṇumattesu vajjesu bhaya-dassāvī samādāya sikkhati sikkhā-padesu.|| ||

So kāmānaɱ yeva nibbidāya virāgāya nirodhāya paṭipanno hoti.|| ||

So bhavānaɱ yeva nibbidāya virāgāya nirodhāya paṭipanno hoti.|| ||

So taṇha-k-khayāya paṭipanno hoti.|| ||

So lobha-k-khayāya paṭipanno hoti.|| ||

So kāyassa bhedā param maraṇā aññataraɱ deva-nikāyaɱ uppajjati.|| ||

So tato cuto Anāgāmī hoti anāgantā itthattaɱ.|| ||

Ayaɱ vuccati āvuso bahiddhā-saŋyojano puggalo Anāgāmī anāgantā itthattaɱ" ti.|| ||

 


 

Sutta 35a

[35a.1] [pts] Atha kho sambahulā Samacittā Devatā yena Bhagavā ten'upasankamiɱsu upasankamitvā Bhagavantaɱ abhivādetvā eka-m-antaɱ aṭṭhaɱsu.|| ||

Eka-m-antaɱ ṭhitā kho tā devatā Bhagavantaɱ etad avocuɱ:|| ||

"Eso bhante āyasmā Sāriputto Pubbārāme Migāra-mātu pāsāde||
bhikkhūnaɱ ajjhatta-saŋyojanañ ca puggalaɱ deseti,||
bahiddhā-saŋyojanañ ca.|| ||

Haṭṭhā bhante parisā.|| ||

Sādhu bhante Bhagavā yen'āyasmā Sāriputto ten'upasankamatu,||
anukampaɱ upādāyā" ti.|| ||

Adhivāsesi Bhagavā tuṇhī-bhāvena.|| ||

Atha kho Bhagavā seyyathā pi nāma balavā puriso sammiñjitaɱ vā bāhaɱ pasāreyya pasāritaɱ vā bāhaɱ sammiñjeyya evam eva Jetavane antara-hito Pubbārāme Migāra-mātu pāsāde||
āyasmato Sāriputtassa pamukhe pāturabhosi.|| ||

Nisīdi Bhagavā paññatte āsane.|| ||

Āyasmā pi kho Sāriputto Bha- [65] gavantaɱ abhivādetvā eka-m-antaɱ nisīdi.|| ||

Eka-m-antaɱ nisinnaɱ kho āyasmantaɱ Sāriputtaɱ Bhagavā etad avoca:|| ||

"Idha Sāriputta sambahulā Samacittā Devatā yen'āhaɱ ten'upasankamiɱsu upasankamitvā maɱ abhivādetvā eka-m-antaɱ aṭṭhaɱsu.|| ||

Eka-m-antaɱ ṭhitā kho Sāriputta tā devatā maɱ etad avocuɱ:|| ||

'Eso bhante āyasmā Sāriputto Pubbārāme Migāra-mātu pāsāde||
bhikkhūnaɱ ajjhatta saŋyojanañ ca puggalaɱ deseti,||
bahiddhā-saŋyojanañ ca.|| ||

Haṭṭhā bhante parisā.|| ||

Sādhu bhante Bhagavā yen'āyasmā Sāriputto ten'upasankamatu,||
anukampaɱ upādāyā' ti.|| ||

Tā kho pana Sāriputta devatā dasa pi hutvā||
vīsamtiɱ pi hutvā||
tiɱsatim pi hutvā||
cattārīsam pi hutvā||
paññāsam pi hutvā||
saṭṭhim pi hutvā||
āraggakoṭi-nittuddanamatte pi tiṭṭhanti,||
na ca añña-maññaɱ vyābādhentī.|| ||

Siyā kho pana te Sāriputta evam assa.|| ||

Tattha nūna tāsaɱ devatānaɱ tathā cittaɱ bhāvitaɱ yena tā devatā dasa pi hutvā||
vīsatiɱ pi hutvā||
tiɱsatim pi hutvā||
cattārīsam pi hutvā||
paññāsam pi hutvā||
saṭṭhim pi hutvā||
āraggakoṭi-nittuddanamatte pi tiṭṭhantī||
na ca añña-maññaɱ vyābādhentī.|| ||

Na kho pan'etaɱ Sāriputta evaɱ daṭṭhabbaɱ:|| ||

Idh'eva Sāriputta tāsaɱ devatānaɱ tathā cittaɱ bhāvitaɱ yena tā devatā dasa pi hutvā vīsatiɱ pi hutvā tiɱsatimpi hutvā cattārīsam pi hutvā paññāsam pi hutvā saṭṭhim pi hutvā āraggakoṭi-nittuddanamatte pi tiṭṭhantī||
na ca añña-maññaɱ vyābādhentī ti.|| ||

Tasmā ti ha Sāriputta evaɱ sikkhitabbaɱ:||
santindriyā bhavissāma santamānasā ti.|| ||

Evaɱ hi vo Sāriputta sikkhitabbaɱ.|| ||

Santindriyānaɱ hi vo Sāriputta santamānasānaɱ santaɱ yeva kāya-kammaɱ bhavissati santaɱ vacī-kammaɱ santaɱ mano-kammaɱ santaɱ yeva upahāraɱ upaharissāma sabrahma-cārīsū ti.|| ||

Evaɱ hi vo Sāriputta sikkhitabbaɱ.|| ||

Anassuɱ kho Sāriputta añña-titthiyā paribbājakā ye imaɱ dhamma-pariyāyaɱ na assosun" ti.|| ||

 


 

Sutta 36

[36.1][pts][than] Evaɱ me sutaɱ:|| ||

Ekaɱ samayaɱ āyasmā Mahā Kaccāno Varaṇāyaɱ viharati Kaddamadahatīre.|| ||

[66] Atha kho Ārāmadaṇḍo brāhmaṇo yen'āyasmā Mahā Kaccyāno ten'upasankami.|| ||

Upasaŋkamitvā āyasmatā Mahā Kaccānena saddhiɱ sammodi,||
sammodanīyaɱ kathaɱ sārāṇīyaɱ vīti-sāretvā eka-m-antaɱ nisīdi.|| ||

Eka-m-antaɱ nisinno kho Ārāmadaṇḍo brāhmaṇo āyasmantaɱ Mahā Kaccānaɱ etad avoca:|| ||

"Ko nu kho bho Kaccāna,||
hetu ko paccayo yena khattiyā pi khattiyehi vivadanti,||
brāhmaṇā pi brāhmaṇehi vivadanti,||
gahapatikā pi gahapatikehi vivadantī" ti?|| ||

"Kāmarāga-vinivesa-vinibandha-paligedha-pariyuṭṭhānajjhosāna-hetu kho brāhmaṇa,||
khattiyā pi khattiyehi vivadanti,||
brāhmaṇā pi brāhmaṇehi vivadanti,||
gahapatikā pi gahapatikehi vivadantī" ti.|| ||

"Ko pana bho Kaccāna,||
hetu||
ko paccayo||
yena samaṇā pi samaṇehi vivadantī" ti?|| ||

"Diṭṭhi-rāga-vinivesa-vinibandha-paligedha-pariyuṭṭhāna-j-jhosāna-hetu kho brāhmaṇa,||
samaṇā pi samaṇehi vivadantī" ti.|| ||

"Atthi pana bho Kaccāna,||
koci lokasmiɱ yo imaɱ c'eva kāma-rāga-vinivesa-vinibandha-paligedha-puriyuṭṭāna-j-jhosānaɱ samatikkanto.|| ||

Idañ ca diṭṭhi-rāga-vinivesa-vinibandha-paligedha-pariyuṭṭhāna-j-jhosānaɱ samatikkanto" ti?|| ||

Atthi brāhmaṇa lokasmiɱ yo imañ c'eva kāma-rāga-vinivesa-vinibandha-paligedha-pariyuṭṭhāna-j-jhosānaɱ samatikkanto idañ ca diṭṭhirāga-vinivesa-vinibandha-paligedha-pariyuṭṭhāna-j-jhosānaɱ samatikkanto" ti.|| ||

"Ko pana so bho Kaccāna lokasmiɱ yo imaɱñ c'eva kāma-rāga-vinivesa-vinibandha-paligedha-pariyuṭṭhānajjhosānaɱ samatikkanto,||
idañ ca diṭṭhirāga-vinivesa-vinibandha-paligedha-pariyuṭṭhānajjhosānaɱ samatikkanto" ti?|| ||

"Atthi brāhmaṇa puratthimesu jana-padesu Sāvatthi nāma nagaraɱ.|| ||

Tattha so Bhagavā etarahi viharati arahaɱ Sammā-Sam-Buddho.|| ||

So hi brāhmaṇa Bhagavā imañ ca kāma-rāga-vinivesa-vinibandha-paligedha-pariyuṭṭhānajjhosānaɱ [67] samatikkanto,||
idañ ca diṭṭhirāga-vinivesa-vinibandha-paligedha-pariyuṭṭhānajjhosānaɱ samatikkanto" ti.|| ||

Evaɱ vutte Ārāmadaṇḍo brāhmaṇo uṭṭhāy āsanā ekaɱsaɱ uttarā-saŋgaɱ karitvā dakkhiṇaɱ-jāṇu-maṇḍalaɱ puthuviyaɱ nihantvā yena Bhagavā ten'añjaliɱ paṇāmetvā ti-k-khattuɱ udānaɱ udānesu:|| ||

"Namo tassa Bhagavato arahato Sammā-Sam-Buddhassa!|| ||

Namo tassa Bhagavato arahato Sammā-Sam-Buddhassa!|| ||

Namo tassa Bhagavato arahato Sammā-Sam-Buddhassa!|| ||

Yo hi so Bhagavā imañ c'eva kāma-rāga-vinivesa-vinibandha-paligedha-pariyuṭṭhānajjhosānaɱ samatikkanto,||
idañ ca diṭṭhirāga-vinivesa-vinibandha-paligedha-pariyuṭṭhānajjhosānaɱ samatikkanto" ti.|| ||

"Abhikkantaɱ bho Kaccāna!||
Abhikkantaɱ bho Kaccāna.|| ||

Seyyathā pi bho Kaccāna nikkujjitaɱ vā ukkujjeyya,||
paṭi-c-channaɱ vā vivareyya,||
mūḷhassa vā Maggaɱ ācikkheyya,||
andha-kāre vā tela-pajjotaɱ dhāreyya 'cakkhu-manto rūpāni dakkhintī' ti.|| ||

Evam'evaɱ bhotā Kaccānena aneka-pariyāyena dhammo pakāsito.|| ||

Es'āhaɱ bho Kaccāna taɱ Bhagavantaɱ Gotamaɱ saraṇaɱ gacchāmi Dhammañ ca Bhikkhu-Saŋghañ ca.|| ||

Upāsakaɱ maɱ bhavaɱ Kaccāno dhāretu ajja-t-agge pāṇupetaɱ saraṇaɱ gatan" ti.|| ||

 


 

Sutta 37

[37.1][pts][than] Ekaɱ samayaɱ āyasmā Mahā Kaccāno Madhurāyaɱ viharati Gundāvane.|| ||

Atha kho Kaṇḍarāyaṇo brāhmaṇo yen'āyasmā Mahā Kaccāno ten'upasankami.|| ||

Upasaŋkamitvā āyasmatā Mahā Kaccānena saddhiɱ sammodi,||
sammodanīyaɱ kathaɱ sārāṇīyaɱ vīti-sāretvā eka-m-antaɱ nisīdi.|| ||

Eka-m-antaɱ nisinno kho Kaṇḍarāyaṇo brāhmaṇo āyasmantaɱ Mahā Kaccānaɱ etad avoca:|| ||

"Sutaɱ me taɱ bho Kaccāna,||
'Na samaṇo Kaccāno brāhmaṇe jiṇṇe vuddhe mahallake addhagate vayo-anuppatte abhivādeti vā paccuṭṭheti vā āsanena vā nimantetī' ti.|| ||

Yadidaɱ bho Kaccāna, tath'eva,||
'Na hi bhavaɱ Kaccāno brāhmaṇe jiṇṇe vuddhe mahallake addhagate vayo-anuppatte abhivādeti vā paccuṭṭheti vā āsanena vā nimantetī' ti tayidaɱ bho Kaccāna na sampannam evā" ti.|| ||

"Atthi brāhmaṇa,||
tena Bhagavatā jānatā passatā arahatā [68] Sammā-SamBuddhena vuddha-bhūmi ca akkhātā,||
dahara-bhūmi ca.|| ||

Vuddho ce pi brāhmaṇa hoti āsītiko vā nāvutiko vā vassa-satiko vā jātiyā,||
so ca kāme paribhuñjati,||
kāmamajjhevasati,||
kāma-pariḷāhena pariḍayhati,||
kāma-vitakkehi khajjati,||
kāmapariyesanāya ussukko atha kho so bālo thero tv'eva saŋkhaɱ gacchati.|| ||

Daharo ce pi brāhmaṇa,||
hoti yuvā susukālakeso bhaddena yobbanena samannāgato paṭhamena vayasā so ca na kāme paribhuñjati,||
na kāmamajjhe vasati,||
na kāma-pariḷāhena pariḍayhati,||
na kāma-vitakkehi khajjati,||
na kāmapariyesanāya ussukko atha kho so paṇḍito thero tv'eva saŋkhaɱ gacchatī" ti.|| ||

Evaɱ vutte Kaṇḍarāyaṇo brāhmaṇo uṭṭhāy āsanā ekaɱsaɱ uttarā-saŋgaɱ karitvā daharānaɱ sudaɱ bhikkhūnaɱ pāde sirasā vandati:|| ||

"Vuḍḍhā bhavanto vuddhabhūmiyaɱ ṭhitā,||
daharā mayaɱ daharabhūmiyaɱ ṭhitā" ti.|| ||

"Abhikkantaɱ bho Kaccāna!||
Abhikkantaɱ bho Kaccāna!||
seyyathā pi bho Kaccāna nikkujjitaɱ vā ukkujjeyya,||
paṭi-c-channaɱ vā vivareyya,||
mūḷhassa vā Maggaɱ ācikkheyya,||
andha-kāre vā tela-pajjotaɱ dhāreyya cakkhu-manto rūpāni dakkhintī" ti.|| ||

Evam'evaɱ bhotā Kaccānena aneka-pariyāyena dhammo pakāsito.|| ||

Es'āhaɱ bho Kaccāna taɱ Bhagavantaɱ Gotamaɱ saraṇaɱ gacchāmi Dhammañ ca Bhikkhu-Saŋghañ ca.|| ||

Upāsakaɱ maɱ bhavaɱ Kaccāno dhāretu ajja-t-agge pāṇupetaɱ saraṇaɱ gatan" ti.|| ||

 


 

Sutta 38

[38.1][pts] "Yasmiɱ bhikkhave samaye corā balavanto honti,||
rājāno tasmiɱ samaye dubbalā honti.|| ||

Tasmiɱ bhikkhave samaye rañño na phāsu hoti atiyātuɱ vā nīyātuɱ vā paccantime vā jana-pade anusaññātuɱ.|| ||

Brāhmaṇa-gahapatikānam pi tasmiɱ samaye na phāsu hoti atiyātuɱ vā nīyātuɱ vā bāhirāni vā kammantāni paṭivekkhituɱ.|| ||

Evam eva kho bhikkhave yasmiɱ samaye pāpabhikkhū balavanto honti,||
pesalā bhikkhū tasmiɱ samaye dubbalā honti.|| ||

Tasmiɱ bhikkhave samaye pesalā bhikkhū tuṇhī-bhūtā tuṇhī-bhūtā va Saŋgha-majjhe saɱkasāyantī paccantime vā jana-pade bhajanti.|| ||

Ta-y-idaɱ, bhikkhave, hoti bahu-jan'āhitāya bahu-janā-sukhāya bahuno janassa anatthāya ahitāya dukkhāya deva-manussānaɱ.|| ||

[69] Yasmiɱ bhikkhave samaye rājāno balavanto honti,||
corā tasmiɱ samaye dubbalā honti.|| ||

Tasmiɱ bhikkhave samaye rañño phāsu hoti atiyātuɱ vā nīyyātuɱ vā paccantime vā jana-pade anusaññātuɱ.|| ||

Brāhmaṇa-gahapatikānam pi tasmiɱ samaye phāsu hoti atiyātuɱ vā nīyyātuɱ vā bāhirāni vā kammantāni paṭivekkhituɱ.|| ||

Evam eva kho bhikkhave yasmiɱ samaye pesalā bhikkhū balavanto honti,||
tasmiɱ samaye pāpabhikkhū dubbalā honti.|| ||

Tasmiɱ bhikkhave samaye pāpabhikkhū tuṇhī-bhūtā tuṇhī-bhūtā va Saŋgha-majjhe saɱkasāyanti,||
yena vā pana tena papatanti.|| ||

Ta-y-idaɱ, bhikkhave, hoti bahu-jana-hitāya bahu-jana-sukhāya bahuno janassa atthāya hitāya sukhāya deva-manussānan" ti.|| ||

 


 

Sutta 39

[39.1][pts] "Dvinnāhaɱ bhikkhave micchā-paṭipattiɱ na vaṇṇemi,||
gihi'ssa vā pabba-jitassa vā.|| ||

Gihī vā bhikkhave pabba-jito vā micchā-paṭipanno micchā-paṭipattādhikaraṇa-hetu nārādhako hoti ñāyaɱ dhammaɱ kusalaɱ.|| ||

Dvinnāhaɱ bhikkhave sammāpaṭipattiɱ vaṇṇemi,||
gihi'ssa vā pabba-jitassa vā.|| ||

Gihī vā bhikkhave pabba-jito vā sammāpaṭipanno sammāpaṭipattādhiraṇa-hetu ārādhako hoti ñāyaɱ dhammaɱ kusalan" ti.|| ||

 


 

Sutta 40

[40.1][pts][olds] Ye te bhikkhave bhikkhū duggahitehi suttantehi vyañjana-paṭirūpakehi atthañ ca Dhammañ ca paṭibāhanti,||
te bhikkhave bhikkhū bahu-jan'āhitāya paṭipannā bahu-janā-sukhāya bahuno janassa anatthāya ahitāya dukkhāya deva-manussānaɱ.|| ||

Bahuñ ca te bhikkhave bhikkhū apuññaɱ pasavanti te c'imaɱ Sad'Dhammaɱ antaradhāpenti.|| ||

Ye te bhikkhave bhikkhū suggahitehi suttantehi vyañjanapaṭirūpakehi atthañ ca Dhammañ ca anulomenti,||
te bhikkhave bhikkhū bahu-jana-hitāya paṭipannā bahu-jana-sukhāya bahuno janassa atthāya hitāya sukhāya deva-manussānaɱ.|| ||

Bahuñ ca te bhikkhave bhikkhū puññaɱ pasavanti c'imaɱ Sad'Dhammaɱ ṭhapentī" ti.|| ||

 

Sama-Citta-Vagga Catuttha

 


Contact:
E-mail
Copyright Statement