Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya:
Dukanipata

Adapted from the 1995 edition of the digital version of the Sri Lanka Buddha Jayanti Tripitaka Series.

VI. Puggala Vaggo

 


[76]

Sutta 51

[51.1][pts] Dve'me bhikkhave puggalā loke uppajjamānā uppajjanti bahu-jana-hitāya bahu-jana-sukhāya bahuno janassa atthāya hitāya sukhāya deva-manussānaɱ.|| ||

Katame dve?|| ||

Tathāgato ca arahaɱ Sammā-sambuddho,||
rājā ca cakka-vattī.|| ||

Ime kho bhikkhave dve puggalā loke uppajjamānā uppajjanti bahu-jana-hitāya bahu-jana-sukhāya bahuno janassa atthāya hitāya sukhāya deva-manussānan ti.|| ||

 

§

 

Sutta 52

[52.1][pts] Dve'me bhikkhave puggalā loke uppajjamānā uppajjanti acchariyamanussā.|| ||

[77] Katame dve?|| ||

Tathāgato ca arahaɱ Sammā-sambuddho,||
rājā ca cakka-vattī.|| ||

Ime kho bhikkhave dve puggalā loke uppajjamānā uppajjanti acchariyamasussā ti.|| ||

 

§

 

Sutta 53

[53.1][pts] Dvinnaɱ bhikkhave puggalānaɱ kāla-kiriyā bahuno janassa ānutappā hoti.|| ||

Katamesaɱ dvinnaɱ?|| ||

Tathāgatassa ca arahato Sammā-sambuddhassa,||
rañño cakka-vattissa.|| ||

Imesaɱ kho bhikkhave dvinnaɱ puggalānaɱ kāla-kiriyā bahuno janassa ānutappā hotī ti.|| ||

 

§

 

Sutta 54

[54.1][pts] Dve'me bhikkhave thūpa-rahā.|| ||

Katame dve?|| ||

Tathāgato ca arahaɱ Sammā-sambuddho,||
rājā ca cakka-vattī.|| ||

Ime kho bhikkhave dve thūpa-rahā ti.|| ||

 

§

 

Sutta 55

[55.1][pts] Dve'me bhikkhave buddhā.|| ||

Katame dve?|| ||

Tathāgato ca arahaɱ Sammā-sambuddho Pacceka-Buddho ca.|| ||

Ime kho bhikkhave dve buddhā ti.|| ||

 

§

 

Sutta 56

[56.1][pts] Dve'me bhikkhave asaniyā phalantiyā na santasanti.|| ||

Katame dve?|| ||

Bhikkhu ca khīṇ'āsavo,||
hatthājānīyo ca.|| ||

Ime kho bhikkhave dve asaniyā phalantiyā na santasantī ti.|| ||

 

§

 

Sutta 57

[57.1][pts] Dve'me bhikkhave asaniyā phalantiyā na santasanti.|| ||

Katame dve?|| ||

Bhikkhu ca khīṇ'āsavo,||
ass-ā-jāniyo ca.|| ||

Ime kho bhikkhave dve asaniyā phalantiyā na santasantī ti.|| ||

 

§

 

Sutta 58

[58.1][pts] Dve'me bhikkhave asaniyā phalantiyā na santasanti.|| ||

Katame dve?|| ||

Bhikkhu ca khīṇ'āsavo,||
sīho ca miga-rājā.|| ||

Ime kho bhikkhave dve asaniyā phalantiyā na santasantī ti.|| ||

 

§

 

Sutta 59

[59.1][pts] Dve'me bhikkhave atthavase sampassamānā kimpurisā mānusiɱ vācaɱ na bhāsanti.|| ||

Katame dve?|| ||

Mā ca musā bhaṇimhā mā ca paraɱ abhūtena abbh'ācikkhamhā ti.|| ||

Ime kho bhikkhave dve atthavase sampassamānā kimapurisā mānusiɱ vācaɱ na bhāsantī ti.|| ||

 

§

 

Sutta 60

[78] [60.1][pts] Dvinnaɱ bhikkhave dhammānaɱ atitto appaṭivāno mātu-gāmo kālaɱ karoti.|| ||

Katamesaɱ dvinnaɱ?|| ||

Methunadhammasamāpattiyā ca,||
vijāyanassa ca.|| ||

Imesaɱ kho bhikkhave dvinnaɱ dhammānaɱ atitto appaṭivāno mātu-gāmo kālaɱ karotī ti.|| ||

 

§

 

Sutta 61

[61.1][pts] Asantasannivāsañ ca vo bhikkhave desissāmi santa-sannivāsañ ca taɱ sunātha,||
sādhukaɱ manasi-karotha,||
bhāsissāmī ti.|| ||

Evaɱ bhante ti kho te bhikkhū Bhagavato paccassosuɱ.|| ||

Bhagavā etad avoca:|| ||

Kathañ ca bhikkhave asanta-sannivāso hoti,||
kathañ ca asanto sannivasanti?|| ||

Idha, bhikkhave, therassa Bhikkhuno evaɱ hoti:|| ||

Thero pi maɱ na vadeyya||
majjhimo pi maɱ na vadeyya||
navo pi maɱ na vadeyya||
theram p'ahaɱ na vadeyyaɱ||
majjhimam p'ahaɱ na vadeyyaɱ||
navam p'ahaɱ na vadeyyaɱ.|| ||

Thero ce pi maɱ vadeyya ahitānukampī maɱ vadeyya no hitānukampī no ti naɱ vadeyyaɱ viheseyyam pi naɱ passam pi'ssa na paṭikareyyaɱ.|| ||

Majjhimo ce pi maɱ vadeyya navo ce pi maɱ vadeyya ahitānukampī maɱ vadeyya no hitānukampī no ti naɱ vadeyyaɱ||
viheseyyam pi naɱ passam pi'ssa na paṭikareyyaɱ.|| ||

Majjhimassa pi Bhikkhuno evaɱ hoti:|| ||

Thero pi maɱ na vadeyya||
majjhimo pi maɱ na vadeyya||
navo pi maɱ na vadeyya||
theram p'ahaɱ na vadeyyaɱ||
majjhimam p'ahaɱ na vadeyyaɱ||
navam p'ahaɱ na vadeyyaɱ.|| ||

Thero ce pi maɱ vadeyya ahitānukampī maɱ vadeyya no hitānukampī no ti naɱ vadeyyaɱ viheseyyam pi naɱ passam pi'ssa na paṭikareyyaɱ.|| ||

Majjhimo ce pi maɱ vadeyya navo ce pi maɱ vadeyya ahitānukampī maɱ vadeyya no hitānukampī no ti naɱ vadeyyaɱ,||
viheseyyam pi naɱ passam pi'ssa na paṭikareyyaɱ.|| ||

Navassa pi Bhikkhuno evaɱ hoti:|| ||

Thero pi maɱ na vadeyya||
majjhimo pi maɱ na vadeyya||
navo pi maɱ na vadeyya||
theram p'ahaɱ na vadeyyaɱ||
majjhimam p'ahaɱ na vadeyyaɱ||
navam p'ahaɱ na vadeyyaɱ.|| ||

Thero ce pi maɱ vadeyya ahitānukampī maɱ vadeyya no hitānukampī no ti naɱ vadeyyaɱ viheseyyam pi naɱ [79] passam pi'ssa na paṭikareyyaɱ.|| ||

Majjhimo ce pi maɱ vadeyya||
navo ce pi maɱ vadeyya||
ahitānukampī maɱ vadeyya||
no hitānukampī no ti naɱ vadeyyaɱ||
viheseyyam pi naɱ passam pi'ssa na paṭikareyyaɱ.|| ||

Evaɱ kho bhikkhave asantasannivāso hoti evaɱ ca asanto sannivasanti.|| ||

Kathañ ca bhikkhave santasannivāso hoti?|| ||

Kathañ ca santo sannivasanti?|| ||

Idha, bhikkhave, therassa Bhikkhuno evaɱ hoti:|| ||

Thero pi maɱ vadeyya,||
majjhimo pi maɱ vadeyya,||
navo pi maɱ vadeyya;||
theram p'ahaɱ vadeyyaɱ,||
majjhimam p'ahaɱ vadeyyaɱ,||
navam pahaɱ vadeyyaɱ.|| ||

Thero ce pi maɱ vadeyya hitānukampī maɱ vadeyya,||
no ahitānukappī sādhū ti naɱ vadeyyaɱ,||
na naɱ viheseyyaɱ passam pi'ssa paṭikareyyaɱ.|| ||

Majjhimo ce pi maɱ vadeyya,||
navo ce pi maɱ vadeyya,||
hitānukampī maɱ vadeyya,||
no ahitānukampī sādhū ti naɱ vadeyyaɱ,||
na naɱ viheseyyaɱ,||
passam pi'ssa paṭikareyyaɱ.|| ||

Majjhimassa pi Bhikkhuno evaɱ hoti:|| ||

Thero pi maɱ vadeyya,||
majjhimo pi maɱ vadeyya,||
navo pi maɱ vadeyya;||
theram p'ahaɱ vadeyyaɱ,||
majjhimam p'ahaɱ vadeyyaɱ,||
navam p'ahaɱ vadeyyaɱ.|| ||

Thero ce pi maɱ vadeyya,||
hitānukampī maɱ vadeyya,||
no ahitānukampī,||
sādhū ti naɱ vadeyyaɱ,||
na naɱ viheseyyaɱ passam pi'ssa paṭikareyyaɱ.|| ||

Majjhimo ce pi maɱ vadeyya,||
navo ce pi maɱ vadeyya,||
hitānukampī maɱ vadeyya,||
no ahitānukampī,||
sādhū ti naɱ vadeyyaɱ,||
na naɱ viheseyyaɱ,||
passam pi'ssa paṭikareyyaɱ.|| ||

Navassa pi Bhikkhuno evaɱ hoti:|| ||

Thero pi maɱ vadeyya,||
majjhimo pi maɱ vadeyya,||
navo pi maɱ vadeyya,||
theram p'ahaɱ vadeyyaɱ,||
majjhamampahaɱ vadeyyaɱ,||
navampahaɱ vadeyyaɱ.|| ||

Thero ce pi maɱ vadeyya,||
hitānukampī maɱ vadeyya,||
no ahitānukappī,||
sādhū ti naɱ vadeyyaɱ,||
na naɱ viheseyyaɱ passam pi'ssa paṭikareyyaɱ.|| ||

Majjhimo ce pi maɱ vadeyya,||
navo ce pi maɱ vadeyya,||
hitānukampī maɱ vadeyya,||
no ahitānukampī,||
sādhū ti naɱ vadeyyaɱ,||
na naɱ viheseyyaɱ,||
passam pi'ssa paṭikareyyaɱ.|| ||

Evaɱ kho bhikkhave santasannivāso hoti. Evaɱ ca santo sannivasantī ti.|| ||

 

§

 

Sutta 62

[62.1][pts] Yasmiɱ bhikkhave adhikaraṇe ubhato vacīsaɱsāro diṭṭhipalāso cetaso āghāto appaccayo anabhiraddhī ajjhat- [80] taɱ avupasantaɱ hoti tasm'etaɱ bhikkhave adhikaraṇe pāṭikaŋkhaɱ dīghattāya kharattāya vā'attāya saɱvattissati,||
bhikkhū ca na phāsuɱ vihari-s-santi.|| ||

Yasmiñ ca kho bhikkhave adhikaraṇe ubhato vacīsaɱsāro diṭṭhipalāso cetaso āghāto appaccayo anabhiraddhī ajjhattaɱ suvūpasannaɱ hoti tasm'etaɱ bhikkhave adhikaraṇe pāṭikaŋkhaɱ na dīghattāya kharattāya vā'attāya saɱvattissati,||
bhikkhū ca phāsuɱ viharissantī ti.|| ||

 

Puggala vaggo chaṭṭho

 


Copyright Statement