Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
II. Dukanipāta
VIII. Nimitta Vagga

Adapted from the 1995 edition of the digital version of the Sri Lanka Buddha Jayanti Tripitaka Series.

Suttas 76-85

 


[82]

Sutta 76

Sanimittā

[76.1][pts][olds] "Sanimittā bhikkhave uppajjanti pāpakā akusalā dhammā,||
no animittā.|| ||

Tass'eva nimittassa pahānā evaɱ te pāpakā akusalā dhammā na hontī" ti.|| ||

 


 

Sutta 77

Sanidānā

[77.1][pts][olds] "Sanidānā bhikkhave uppajjanti pāpakā akusalā dhammā,||
no anidānā.|| ||

Tass'eva nidānassa pahānā evaɱ te pāpakā akusalā dhammā na hontī" ti.|| ||

 


 

Sutta 78

Sahetukā

[78.1][pts][olds] "Sahetukā bhikkhave uppajjanti pāpakā akusalā dhammā,||
no ahetukā.|| ||

Tass'eva hetussa pahānā evaɱ te pāpakā akusalā dhammā na hontī" ti.|| ||

 


 

Sutta 79

Sasankhārā

[79.1][pts][olds] "Sasankhārā bhikkhave uppajjanti pāpakā akusalā dhammā||
no asankhārā.|| ||

Tesaɱ yeva sankhārānaɱ pahānā evaɱ te pāpakā akusalā dhammā na hontī" ti.|| ||

 


 

Sutta 80

Sa-p-paccayā

[80.1][pts][olds] "Sa-p-paccayā bhikkhave uppajjanti pāpakā akusalā dhammā,||
no a-p-paccayā.|| ||

Tass'eva paccayassa pahānā evaɱ te pāpakā akusalā dhammā na hontī" ti.|| ||

 


 

Sutta 81

Sarūpā

[83] [81.1][pts][olds] "Sarūpā bhikkhave uppajjanti pāpakā akusalā dhammā,||
no arūpā.|| ||

Tass'eva rūpassa pahānā evaɱ te pāpakā akusalā dhammā na hontī" ti.|| ||

 


 

Sutta 82

Savedanā

[82.1][pts][olds] "Savedanā bhikkhave uppajjanti pāpakā akusalā dhammā,||
no avedanā.|| ||

Tassā yeva vedanāya pahānā evaɱ te pāpakā akusalā dhammā na hontī" ti.|| ||

 


 

Sutta 83

Sasaññā

[83.1][pts][olds] "Sasaññā bhikkhave uppajjanti pāpakā akusalā dhammā,||
no asaññā.|| ||

Tassā yeva saññāya pahānā evaɱ te pāpakā akusalā dhammā na hontī" ti.|| ||

 


 

Sutta 84

Saviññāṇā

[84.1][pts][olds] "Saviññāṇā bhikkhave uppajjanti pāpakā akusalā dhammā,||
no aviññāṇā.|| ||

Tass'eva viññāṇassa pahānā evaɱ te pāpakā akusalā dhammā na hontī" ti.|| ||

 


 

Sutta 85

Saŋkhatārammaṇā

[85.1][pts][olds] "Saŋkhat-ā-rammaṇā bhikkhave uppajjanti pāpakā akusalā dhammā,||
no asaŋkhat-ā-rammaṇā.|| ||

Tass'eva saŋkhatassa pahānā evaɱ te pāpakā akusalā dhammā na hontī" ti.|| ||

 

Nimitta-Vaggo Aṭṭhamo

 


Contact:
E-mail
Copyright Statement