Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka Nipāta
I: Sekha-Bala Vagga

Sutta 10

Dutiya Agārava Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[8]

[1][pts][bodh] Pañcahi bhikkhave dhammehi samannāgato bhikkhu agāravo appatisso abhabbo imasmiɱ dhamma-vinaye vuḍḍhiɱ virūḷhiɱ vepullaɱ āpajjituɱ.|| ||

Katamehi pañcehi?

Assaddho bhikkhave bhikkhu agāravo appatisso abhabbo imasmiɱ dhamma-vinaye vuḍḍhiɱ virūḷhiɱ vepullaɱ āpajjituɱ.|| ||

Ahiriko bhikkhave bhikkhu agāravo appatisso abhabbo imasmiɱ dhamma-vinaye vuḍḍhiɱ virūḷhiɱ vepullaɱ āpajjituɱ.|| ||

Anottapī bhikkhave bhikkhu agāravo appatisso abhabbo imasmiɱ dhamma-vinaye vuḍḍhiɱ virūḷhiɱ vepullaɱ āpajjituɱ.|| ||

Kusīto bhikkhave agāravo appatisso abhabbo imasmiɱ dhamma-vinaye vuḍḍhiɱ virūḷhiɱ vepullaɱ āpajjituɱ.|| ||

Duppañño bhikkhave bhikkhu agāravo appatisso abhabbo imasmiɱ dhamma-vinaye vuḍḍhiɱ virūḷhiɱ vepullaɱ āpajjituɱ.

Imehi kho bhikkhave pañcahi dhammehi samannāgato bhikkhu agāravo appatisso abhabbo imasmiɱ dhamma-vinaye vuḍḍhiɱ virūḷhiɱ vepullaɱ āpajjituɱ.

 

§

 

Pañcahi bhikkhave dhammehi samannāgato bhikkhu sagāravo sappatisso bhabbo imasmiɱ Dhamma-Vinaye vuḍḍhiɱ virūḷhiɱ vepullaɱ āpajjituɱ.|| ||

Katamehi pañcahi?

Saddho bhikkhave bhikkhu sagāravo sappatisso bhabbo imasmiɱ Dhamma-Vinaye vuḍḍhiɱ virūḷhiɱ vepullaɱ āpajjituɱ.|| ||

Hirimā bhikkhave bhikkhu sagāravo sappatisso bhabbo imasmiɱ Dhamma-Vinaye vuḍḍhiɱ virūḷhiɱ vepullaɱ āpajjituɱ.|| ||

Ottapī bhikkhave bhikkhu sagāravo sappatisso bhabbo imasmiɱ Dhamma-Vinaye vuḍḍhiɱ virūḷhiɱ vepullaɱ āpajjituɱ.|| ||

Āraddha-viriyo bhikkhave bhikkhu sagāravo sappatisso bhabbo imasmiɱ Dhamma-Vinaye vuḍḍhiɱ virūḷhiɱ vepullaɱ āpajjituɱ.|| ||

Paññavā bhikkhave bhikkhu sagāravo sappatisso bhabbo imasmiɱ Dhamma-Vinaye vuḍḍhiɱ virūḷhiɱ vepullaɱ āpajjituɱ.

Imehi kho bhikkhave pañcahi dhammehi samannāgato bhikkhu sagāravo sappatisso bhabbo imasmiɱ Dhamma-Vinaye vuḍḍhiɱ virūḷhiɱ vepullaɱ āpajjitun ti.

Sekha-bala Vagga Paṭhama

 


Copyright Statement