Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka Nipāta
II: Bala Vagga

Sutta 12

Kūṭa Suttaɱ aka Sekha-Bala Agga Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[10]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Pañc'imāni bhikkhave sekha-balāni.|| ||

Katamāni pañca?|| ||

Saddhā-balaɱ,||
hiri-balaɱ,||
ottappa-balaɱ,||
viriya-balaɱ,||
paññā-balaɱ.|| ||

Imāni kho bhikkhave pañca sekha-balāni.|| ||

Imesaɱ kho bhikkhave pañcannaɱ sekha-balānaɱ etaɱ aggaɱ,||
etaɱ saɱgāhikaɱ,||
etaɱ saɱighātaniyaɱ yad idaɱ paññā-balaɱ.|| ||

Seyyathā pi, bhikkhave, kuṭāgārassa etaɱ aggaɱ,||
etaɱ saɱgāhikaɱ,||
etaɱ saɱighātaniyaɱ yad idaɱ kuṭaɱ,||
evam eva kho, bhikkhave,||
imesaɱ pañcannaɱ sekha-balānaɱ etaɱ aggaɱ,||
etaɱ saɱgāhikaɱ,||
etaɱ saɱighātaniyaɱ yad idaɱ paññā-balaɱ.|| ||

Tasmā ti ha bhikkhave evaɱ sikkhitabbaɱ:|| ||

'Saddhā-balena samannāgatā bhavissāma sekha-balena,||
hiri-balena samannāgatā bhavissāma sekha-balena,||
ottappa-balena samannāgatā bhavissāma sekha-balena,||
viriya-balena samannāgatā bhavissāma sekha-balena,||
paññā-balena samannāgatā bhavissāma sekha-balenā' ti.|| ||

Evaɱ hi vo bhikkhave sikkhitabban" ti.|| ||

 


Copyright Statement