Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka Nipāta
II: Bala Vagga

Sutta 16

Dutiya Bala Agga Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[12]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

Pañc'imāni bhikkhave balāni.|| ||

Katamāni pañca?|| ||

Saddhā-balaɱ,||
viriya-balaɱ,||
sati-balaɱ,||
samādhi-balaɱ,||
paññā-balaɱ.|| ||

Imāni kho bhikkhave pañca-balāni.|| ||

Imesaɱ kho bhikkhave pañcannaɱ balānaɱ etaɱ aggaɱ,||
etaɱ saɱgāhikaɱ,||
etaɱ saɱghātaniyaɱ yad idaɱ paññā-balaɱ.|| ||

 

§

 

Seyyathā pi, bhikkhave, kuṭāgārassa etaɱ aggaɱ,||
etaɱ saɱgāhikaɱ,||
etaɱ saɱighātaniyaɱ yad idaɱ kuṭaɱ,||
evam eva kho, bhikkhave,||
imesaɱ pañcannaɱ sekha-balānaɱ etaɱ aggaɱ,||
etaɱ saɱgāhikaɱ,||
etaɱ saɱighātaniyaɱ yad idaɱ paññā-balaɱ.|| ||

 

§

 

Tasmā ti ha bhikkhave evaɱ sikkhitabbaɱ:|| ||

'Saddhā-balena samannāgatā bhavissāma balena,||
hiri-balena samannāgatā bhavissāma balena,||
ottappa-balena samannāgatā bhavissāma balena,||
viriya-balena samannāgatā bhavissāma balena,||
paññā-balena samannāgatā bhavissāma balenā' ti.|| ||

Evaɱ hi vo bhikkhave sikkhitabban" ti.|| ||

 


Contact:
E-mail
Copyright Statement