Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka Nipāta
II: Bala Vagga

Sutta 19

N'eva Attahita-no Parahita Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[13]

[1][pts][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Pañcahi bhikkhave dhammehi samannāgato bhikkhu n'eva attahitāya paṭipanno hoti,||
no parahitāya.|| ||

Katamehi pañcahi?|| ||

Idha, bhikkhave, bhikkhu attanā na sīla-sampanno hoti,||
no paraɱ sīla-samipadāya samādapeti.|| ||

Attanā na samādhi-sampanno hoti,||
no paraɱ samādhi-sampadāya samādapeti.|| ||

Attanā na paññā-sampanno hoti,||
no paraɱ paññā-samipadāya samādapeti.|| ||

Attanā na vimutti-sampanno hoti,||
no paraɱ vimutti-sampadāya samādapeti.|| ||

Attanā na vimutti-ñāṇa-dassana-sampanno hoti,||
no paraɱ vimutti-ñāṇa-dassana-sampadāya-samādapeti.|| ||

[14] Imehi kho bhikkhave pañcahi dhammehi samannāgato bhikkhu n'eva attahitāya paṭipanno hoti,||
no parahitāyāni" ti.|| ||

 


Copyright Statement