Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
Pañcaka-Nipāta
IV. Sumanā Vagga

Sutta 35

Dānā-Nisaɱsa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[41]

[1][pts][olds][bodh] Evaɱ me sutaɱ:|| ||

Ekaɱ samayaɱ Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

Pañc'ime bhikkhave dāne ānisaŋsā.|| ||

Katame pañca?|| ||

Bahuto janassa piyo hoti manāpo.|| ||

Santo sappurisā bhajanti.|| ||

Kalyāṇo kitti-saddo abbhu-g-gacchati.|| ||

Gihī-dhammā anapeto hoti.|| ||

Kāyassa bhedā param maraṇā sugatiɱ saggaɱ lokaɱ uppajjati.|| ||

Ime kho bhikkhave pañca dāne ānisaŋsāti.|| ||

 

Dada-māno piyo hoti sataɱ dhammaɱ anukkamaɱ,||
Santo naɱ sadā bhajanti saññatā Brahmā-cārayo.|| ||

Te tassa dhammaɱ desenti sabba-dukkhā-panūdanaɱ,||
yaɱ so dhammaɱ idhaññāya parinibbāti anāsavo" ti.|| ||

 


Copyright Statement