Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka Nipāta
5. Muṇḍarāja-Vagga

Sutta 43

Pañca Iṭṭha-Dhamma Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[47]

[1][pts][than][bodh] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Atha kho Anāthapiṇḍiko gahapati yena Bhagavā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Eka-m-antaɱ nisinnaɱ kho Anāthapiṇḍikaɱ gahapatiɱ Bhagavā etad avoca:|| ||

Pañc'ime gahapati dhammā iṭṭhā kantā manāpā dullabhā lokasmiɱ.|| ||

Katame pañca?|| ||

Āyu kho gahapati iṭṭho kanto manāpo dullabho lokasmiɱ.|| ||

Vaṇṇo iṭṭho kanto manāpo dullabho lokasmiɱ.|| ||

Sukhaɱ iṭṭhaɱ kantaɱ manāpaɱ dullabhaɱ lokasmiɱ.|| ||

Yaso iṭṭho kanto manāpo dullabho lokasmiɱ.|| ||

Saggā iṭṭhā kantā manāpā dullabhā lokasmiɱ.|| ||

Ime kho gahapati pañca dhammā iṭṭhā kantā manāpā dullabhā lokasmiɱ.|| ||

 

§

 

Imesaɱ kho gahapati pañcannaɱ dhammānaɱ iṭṭhānaɱ kantānaɱ manāpānaɱ dullabhānaɱ lokasmiɱ.|| ||

Na āyā canāhetu vā patthanāhetu vā paṭilābhaɱ vadāmi.|| ||

Imesaɱ kho gahapati pañcannaɱ iṭṭhānaɱ kantānaɱ manāpānaɱ dullabhānaɱ lokasmiɱ āyā ca- [48] nāhetu vā patthanāhetu vā paṭilābho abhavissa,||
ko idha kena hāyetha?|| ||

 

§

 

Na kho gahapati arahati ariya-sāvako āyuɱ kāmo āyuɱ āyā-cituɱ vā abhinandituɱ vā āyussa vā pihetuɱ.|| ||

Āyu-kāmena gahapati ariya-sāvakena āyu-saŋvatta-nikā paṭipadā paṭipajjitabbā.|| ||

Āyu-saŋvatta-nikā hi ssa paṭipadā paṭipannā āyu-paṭilābhāya saŋvatta ti.|| ||

So lābhī hoti āyussa dibbassa vā mānusassa vā.|| ||

Na kho gahapati arahati ariya-sāvako vaṇṇa-kāmo vaṇṇaɱ āyā-cituɱ vā abhinandituɱ vā vaṇṇassa vā pihetuɱ.|| ||

Vaṇṇa-kāmena gahapati ariya-sāvakena vaṇṇa-saŋvatta-nikā paṭipadā paṭipajjitabbā.|| ||

Vaṇṇa-saŋvatta-nikā hi'ssa paṭipadā paṭipannā vaṇṇa-paṭilābhāya saŋvattati.|| ||

So lābhī hoti vaṇṇassa dibbassa vā mānusassa vā.|| ||

Na kho gahapati arahati ariya-sāvako sukha-kāmo sukhaɱ āyā-cituɱ vā abhinandituɱ vā sukhassa vā pihetuɱ.|| ||

Sukha-kāmena gahapati ariya-sāvakena sukha-saŋvatta-nikā paṭipadā paṭipajjitabibā.|| ||

Sukha-saŋvatta-nikā hi'ssa paṭipadā paṭipannā sukha-paṭilābhāya saŋvatta ti.|| ||

So lābhī hoti sukhassa dibbassa vā mānusassavā.|| ||

Na kho gahapati arahati ariya-sāvako yasa-kāmo yasaɱ āyā-cituɱ vā abhinandituɱ vā yasassa vā pihetuɱ.|| ||

Yasa kāmena gahapati ariya-sāvakena yasa saŋvatta-nikā paṭipadā paṭipajjitabbā.|| ||

Yasa saɱvavatta-nikā hi'ssa paṭipadā paṭipannā yasa-paṭilābhāya saŋvattati.|| ||

So lābhī hoti yasassa dibbassa vā mānusassa vā.|| ||

Na kho gahapati arahati ariya-sāvako sagga-kāmo saggaɱ āyā-cituɱ vā abhinandituɱ vā saggānaɱ vā1 pihetuɱ.|| ||

Sagga-kāmena gahapati ariya-sāvakena sagga-saŋvatta-nikā paṭipadā paṭipajjitabbā.|| ||

Sagga-saŋvatta-nikā hi'ssa paṭipadā paṭipannā sagga-paṭilābhāya saŋvatta ti.|| ||

So lābhī hoti saggānan ti.|| ||

Āyuɱ vaṇṇaɱ yasaɱ kittiɱ saggaɱ uccākulīnataɱ,||
ratiyo patthayānena uḷārā aparāparaɱ,||
appamādaɱ pasaɱ-santi puñña-kiriyāsu paṇḍitā.|| ||

[49] Appamatto ubho atthe adhigaṇhāti paṇḍito||
diṭṭh'eva-dhamme ca yo attho yo c'attho samparāyiko,||
Atthābhisamayā dhīro paṇḍito ti pacuccatī ti.|| ||


Copyright Statement