Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka Nipāta
VI: Nīvaraṇa Vagga

Sutta 52

Akusala-Rāsi Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[65]

[1][pts][bodh][olds] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Tatra kho Bhagavā bhikkhu āmattesi "bhikkhavo" ti.|| ||

"Bhadante" ti te bhikkhu Bhagavato paccassosuɱ.|| ||

Bhagavā etad avoca:|| ||

"'Akusala-rāsī' ti bhikkhave vada-māno||
ime pañca-nīvaraṇe sammā vadamāno vadeyya.|| ||

Kevalo h'ayaɱ bhikkhave akusala-rāsī yad idaɱ pañca-nīvaraṇā.|| ||

Katame pañca?|| ||

Kāma-c-chanda-nīvaraṇaɱ,||
vyāpāda-nīvaraṇaɱ,||
thīna-middha-nīvaraṇaɱ,||
uddhacca-kukkucca-nīvaraṇaɱ,||
vicikicchā-nīvaraṇaɱ.|| ||

'Akusala-rāsī' ti bhikkhave vada-māno||
ime pañca-nīvaraṇe sammā vadamāno vadeyya.|| ||

Kevalo h'ayaɱ bhikkhave akusala-rāsī yad idaɱ ime pañca-nīvaraṇā" ti.|| ||

 


Contact:
E-mail
Copyright Statement