Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka Nipāta
8. Yodhājīva Vagga

Sutta 75

Paṭhama Yodhājīvūpama Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[89]

[1][pts][than] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa Ārāme.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.

Bhagavā etad avoca:|| ||

Pañc'ime bhikkhave yodhājīvā santo saŋvijj'amānā lokasmiɱ.|| ||

Katame pañca?|| ||

Idha, bhikkhave, ekacco yodhājīvo rajaggaɱ yeva disvā saɱsīdati,||
visīdati,||
na santhamhati,||
na Sakkoti saɱgāmaɱ otarituɱ.|| ||

Eva-rūpo bhikkhave idh'ekacco yodhājīvo hoti.|| ||

Ayaɱ bhikkhave paṭhamo yodhājīvo santo saŋvijjamāno lokasmiɱ. Puna ca paraɱ bhikkhave,||
idh'ekacco yodhājīvo sahati rajaggaɱ.|| ||

Api ca kho dhajaggaɱ yeva disvā saɱsīdati,||
visīdati,||
na satthambhati,||
na Sakkoti saɱgāmaɱ otarituɱ.|| ||

Eva-rūpo pi kho bhikkhave,||
idh'ekacco yodhājīvo hoti.|| ||

Ayaɱ bhikkhave dutiyo yodhājīvo santo saŋvijjamāno lokasmiɱ.|| ||

Puna ca paraɱ bhikkhave,||
idh'ekacco yodhājīvo sahati rajaggaɱ,||
sahati dhajaggaɱ,||
api ca kho ussādanaɱ yeva sutvā saɱsīdati,||
visīdati,||
na satthambhati,||
na Sakkoti saŋgāmaɱ otarituɱ.|| ||

Eva-rūpo pi kho bhikkhave,||
idh'ekacco yodhājīvo hoti.|| ||

Ayaɱ bhikkhave tatiyo yodhājīvo santo saŋvijjamāno lokasmiɱ.|| ||

Puna ca paraɱ bhikkhave,||
idh'ekacco yodhājīvo sahati rajaggaɱ,||
sahati dhajaggaɱ,||
sahati ussādanaɱ.|| ||

Api ca kho sampahāre āhaññati,||
vyāpajjati.|| ||

Eva-rūpo pi kho bhikkhave idh'ekacco yodhājīvo hoti.|| ||

Ayaɱ bhikkhave catuttho yodhājīvo santo saŋvijjamāno lokasmiɱ.|| ||

Puna ca paraɱ bhikkhave,||
idh'ekacco yodhājīvo sahati rajaggaɱ,||
sahati dhajaggaɱ,||
sahati ussādanaɱ,||
[90] sahati sampahāraɱ.|| ||

So taɱ saŋgāmaɱ abhivijinitvā vijita-saŋgāmo tam eva saŋgāmasīsaɱ ajjhāvasati.|| ||

Evarūvapo pi kho bhikkhave idh'ekacco yodhajīvo hoti.|| ||

Ayaɱ bhikkhave pañcamo yodhajīvo.|| ||

Santo saŋvijjamāno lokasmiɱ.|| ||

Ime kho bhikkhave pañca yodhājīvā santo saŋvijj'amānā lokasmiɱ.|| ||

Evam eva kho bhikkhave,||
pañca yodhājīvūpamā puggalā santo saŋvijj'amānā Bhikkhusu.|| ||

Katame pañca?|| ||

Yo idha bhikkhave,||
bhikkhu rajaggaɱ yeva disvā saɱsīdati,||
visīdati,||
na santhambhati,||
na Sakkoti Brahma-cariyaɱ santānetuɱ.|| ||

Sikkhādubbalyaɱ āvīkatvā sikkhaɱ pacca-k-khāya hīnāyāvattati.|| ||

Kimassa rajaggasmiɱ?|| ||

Idha, bhikkhave, bhikkhu suṇāti:|| ||

'Asukasmiɱ nāma gāme vā nigame vā itthī vā kumārī vā abhirūpā dassanīyā pāsādikā paramāya vaṇṇa-pokkha-ratāya samannāgatā' ti.|| ||

So taɱ sutvā saɱsīdati,||
visīdati,||
na Sakkoti Brahma-cariyaɱ santānetuɱ.|| ||

Sikkhādubbalyaɱ āvīkatvā sikkhaɱ pacca-k-khāya hīnāyāvattati.|| ||

Idam assa rajaggasmiɱ|| ||

Seyyathā pi so bhikkhave,||
yodhājīvo rajaggaɱ disvā saɱsīdati,||
visīdati,||
na santhambhati,||
na Sakkoti saŋgāmaɱ otarituɱ,||
tath'ūpamāhaɱ bhikkhave,||
imaɱ puggalaɱ vadāmi.|| ||

Eva-rūpo bhikkhave,||
idh'ekacco puggalo hoti.|| ||

Ayaɱ bhikkhave paṭhamo yodhājīvūpamo puggalo santo saŋvijjamāno bhikkhusu.|| ||

Puna ca paraɱ bhikkhave,||
bhikkhu sahati rajaggaɱ api ca kho dhajaggaɱ yeva disvā saɱsīdati,||
visīdati.|| ||

Na santhambhati,||
na Sakkoti Brahma-cariyaɱ santānetuɱ.|| ||

Sikkhādubbalyaɱ āvīkatvā sikkhaɱ pacca-k-khāya hīnāyāvattati.|| ||

Kimassa dhajaggasmiɱ?|| ||

Idha, bhikkhave, bhikkhu na heva kho suṇāti: 'asukasamiɱ nāma gāme vā nigame vā itthī vā kumārī vā abhirūpā dassanīyā pāsādikā paramāya vaṇṇa-pokkha-ratāya samannāgatā'ti.|| ||

Api ca kho sāmaɱ pasasati itthiɱ vā kumāriɱ vā abhirūpaɱ dassaniyaɱ pāsādikaɱ paramāya vaṇṇa-pokkha-ratāya samannāgataɱ.|| ||

So taɱ disvā saɱsīdati,||
visīdati. Na santhambhati,||
na [91] Sakkoti Brahma-cariyaɱ santānetuɱ.|| ||

Sikkhādubbalyaɱ āvīkatvā sikkhaɱ pacca-k-khāya hīnāyāvattati.|| ||

Idam assa dhajaggasmiɱ.|| ||

Seyyathā pi so bhikkhave,||
yodhājivo sahati rajaggaɱ,||
api ca kho dhajaggaɱ yeva disvā saɱsīdati,||
visīdati,||
na santhambhati,||
na Sakkoti saŋgāmaɱ otarituɱ.|| ||

Tath'ūpamāhaɱ bhikkhave,||
imaɱ puggalaɱ vadāmi.|| ||

Eva-rūpo pi bhikkhave,||
idh'ekacco puggalo hoti.|| ||

Ayaɱ bhikkhave,||
dutiyo yodhājīvūpamo puggalo santo saŋvijjamāno bhikkhūsu.|| ||

Puna ca paraɱ bhikkhave,||
bhikkhu sahati rajaggaɱ,||
sahati dhajaggaɱ api ca kho ussādanaɱ yeva sutvā saɱsīdati,||
visīdati,||
na santhambhati,||
na Sakkoti Brahma-cariyaɱ santānetuɱ.|| ||

Sikkhādubbalyaɱ āvīkatvā sikkhaɱ pacca-k-khāya hīnāyāvattati.|| ||

Kimassa ussādanāya?|| ||

Idha, bhikkhave,||
bhikkhuɱ arañña-gataɱ vā rukkha-mūla-gataɱ vā suññ-ā-gāra-gataɱ vā mātu-gāmo upasankamitvā uhasati1,||
ullapati,||
ujjhagghati,||
uppaṇḍeti.|| ||

So mātu-gāmena uhasiyamāno ullapiyamāno ujjhagghiyamāno uppaṇḍiyamāno saɱsīdati,||
visīdati,||
na santhambhati,||
na Sakkoti Brahma-cariyaɱ santānetuɱ.|| ||

Sikkhādubbalyaɱ āvīkatvā sikkhaɱ pacca-k-khāya hīnāyāvattati.|| ||

Idam assa ussādanāya.|| ||

Seyyathā pi so bhikkhave yodhājīvo sahati rajaggaɱ,||
sahati dhajaggaɱ,||
api ca kho ussādanaɱ yeva7 sutvā saɱsīdati,||
visīdati,||
na santhambhati,||
na Sakkoti saŋgāmaɱ otarituɱ.|| ||

Tath'ūpamāhaɱ bhikkhave,||
imaɱ puggalaɱ vadāmi.|| ||

Eva-rūpo pi bhikkhave,||
idh'ekacco puggalo hoti.|| ||

Ayaɱ bhikkhave,||
tatiyo yodhājīvūpamo puggalo santo saŋvijjamāno bhikkhusu.|| ||

Puna ca paraɱ bhikkhave sahati rajaggaɱ,||
sahati dhajaggaɱ,||
sahati ussādanaɱ.|| ||

Api ca kho sampahāre āhaññati vyāpajjati.|| ||

Kimassa sampahārasmiɱ?|| ||

Idha, bhikkhave,||
bhikkhuɱ arañña-gataɱ vā rukkha-mūla-gataɱ [92] vā suññ-ā-gāra-gataɱ vā mātu-gāmo upasankamitvā abhinisīdati,||
abhinipajjati,||
ajjhottarati.|| ||

So mātu-gāmena abhinisīdiyamāno abhinipajjiyamāno ajjhottariyamāno sikkhaɱ apacca-k-khāya dubbalyaɱ anāvī-katvā methunaɱ dhammaɱ patisevati.|| ||

Idam assa sampahārasmiɱ.|| ||

Seyyathā pi so bhikkhave,||
yodhājīvo sahati rajaggaɱ,||
sahati dhajaggaɱ,||
sahati ussādanaɱ,||
api ca kho sampahāre āhaññati,||
vyāpajjati,||
tath'ūpamāhaɱ bhikkhave,||
imaɱ puggalraɱ vadāmi.|| ||

Eva-rūpo pi bhikkhave,||
idh'ekacco puggalo hoti.|| ||

Ayaɱ bhikkhave,||
catuttho yodhājīvūpamo puggalo santo saŋvijjamāno bhikkhusu.|| ||

Puna ca paraɱ bhikkhave,||
bhikkhu sahati rajaggaɱ,||
sahati dhajaggaɱ,||
sahati ussādanaɱ,||
sahati sampahāraɱ.|| ||

So taɱ saŋgāmaɱ abhivijinitvā vijita-saŋgāmo,||
tam eva saŋgāmasīsaɱ ajjhāvasati.|| ||

Kimassa saŋgāmavijayasmiɱ?|| ||

Idha, bhikkhave, bhikkhuɱ arañña-gataɱ vā rukmūla-gataɱ vā suññ-ā-gāra-gataɱ vā mātugamo upasankamitvā abhinisīdati,||
abhinipajjati,||
ajjhottarati.|| ||

So mātu-gāmena abhinisīdiyamāno abhinipajjiyamāno ajajhottariyamāno viniveṭhetvā vinimocetvā yena kāmaɱ pakkamati.|| ||

So vivittaɱ sen'āsanaɱ bhajati: araññaɱ rukkha-mūlaɱ pabbataɱ kandaraɱ giri-guhaɱ susānaɱ vana-patthaɱ abbhokāsaɱ palālapuñjaɱ.|| ||

So araññagato vā rukkha-mūla-gato vā suññ-ā-gāra-gato vā nisīdati pallaŋkaɱ ābhujitvā ujuɱ kāyaɱ paṇidhāya parimukhaɱ satiɱ upaṭṭha-petvā.|| ||

So abhijjhaɱ loke pahāya vigat-ā-bhijjhena cetasā viharati,||
abhijjhāya cittaɱ parisodheti.|| ||

Vyāpāda-padosaɱ pahāya avyāpanna-citto viharati sabba-pāṇa-bhūta-hitānukampī.|| ||

Vyāpāda-padosā cittaɱ parisodheti.|| ||

Thīna-middhaɱ pahāya vigatathīna-middho viharati āloka-saññī sato sampajāno.|| ||

Thīna-middhāya cittaɱ parisodheti.|| ||

Uddhacca-kukkuccaɱ pahāya anuddhato viharatiajjhattaɱ vūpasanta-citto. Uddhacca-kukkuccā cittaɱ parisodheti.|| ||

Vici-kicchaɱ pahāya tiṇṇa-vici-kiccho viharati [93] akathaɱ-kathī kusalesu dhammesu. Vickicchāya cittaɱ parisodheti.|| ||

So ime pañca-nīvaraṇe pahāya cetaso upakkilese paññāya dubbalī-karaṇe vivicc'eva kāmehi vivicca akusalehi dhammehi sa-vitakkaɱ sa-vicāraɱ viveka-jaɱ pitisukhaɱ paṭhamaɱ-jhānaɱ upasampajja viharati.|| ||

Vitakka-vicāraɱ vūpasamā ajjhattaɱ sampasādanaɱ cetaso ekodi-bhāvaɱ avitakkaɱ avicāraɱ samādhi-jaɱ pīti-sukhaɱ dutiyaɱ-jhānaɱ upasampajja viharati.|| ||

Pitiyā ca virāgā upekkhako ca viharati sato ca sampajāno,||
sukhañca kāyena paṭisaŋvedeti,||
yaɱ taɱ ariyā ācikkhanti||
'Upekkhako satimā sukha-vihārī' ti,||
tatiyaɱ-jhānaɱ upasampajja viharati.|| ||

Sukhassa ca pahānā dukkhassa ca pahānā pubb'eva somanassa-domanassānaɱ atthaŋ-gamā adukkha-ɱ-asukhaɱupekkhā-sati-pārisuddhiɱ catutthaɱ-jhānaɱ upasampajja viharati.|| ||

So evaɱ samāhite citte parisuddhe pariyodāte anaḍgaṇe vigatūpakkilese mudubhūte kammaniye ṭhite ānejjappatte āsavānaɱ khaya-ñāṇāya cittaɱ abhininnāmeti.|| ||

So idaɱ dukkhan ti yathā-bhūtaɱ pajānāti.|| ||

Ayaɱ dukkha-samudayo ti yathā-bhūtaɱ pajānāti.|| ||

Ayaɱ dukkha-nirodho ti yathā-bhūtaɱ pajānāti.|| ||

Ayaɱ dukkha-nirodha-gāminī paṭipadā ti yathā-bhūtaɱ pajānāti.|| ||

Ime āsavā'ti yathā-bhūtaɱ pajānāti.|| ||

Ayaɱ āsava-samudayoti yathā-bhūtaɱ pajānāti.|| ||

Ayaɱ āsava-nirodhoti yathā-bhūtaɱ pajānāti.|| ||

Ayaɱ āsava-nirodha-gāminī paṭipadā ti yathā-bhūtaɱ pajānāti.|| ||

Tassa evaɱ jānato evaɱ passato kāmāsavā pi cittaɱ vimuccati.|| ||

Bhavāsavāpi cittaɱ vimuccati.|| ||

Avijjāsavāpi cittaɱ vimuccati. Vimuttasmiɱ vimuttamiti ñāṇaɱ hoti.|| ||

'Khīṇā jāti,||
vusitaɱ Brahma-cariyaɱ,||
kataɱ karaṇīyaɱ,||
nāparaɱ itthattāyā'ti pajānāti.|| ||

Idam assa saŋgāmavijayasmiɱ.|| ||

Seyyathā pi so bhikkhave,||
yodhājīvo sahati rajaggaɱ,||
sahati dhajaggaɱ,||
sahati ussādanaɱ,||
sahati sampahāraɱ,||
so taɱ saŋgāmaɱ abhivijinitvā vijitasaḍgāmo tam eva saŋgāmasīsaɱ ajjhāvasati.|| ||

Tath'ūpamāhaɱ bhikkhave,||
imaɱ puggalaɱ vadāmi.|| ||

Eva-rūpo pi bhikkhave,||
idh'ekacco puggalo hoti.|| ||

Ayaɱ, bhikkhave,||
pañcamo yodhājīvūpamo puggalo santo saŋvijjamāno bhikkhusu.|| ||

Ime kho bhikkhave,||
pañca yodhājīvūpamā puggalā santo saŋvijj'amānā bhikkhusū'ti.|| ||

 


Contact:
E-mail
Copyright Statement