Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka Nipāta
9. Thera Vagga

Sutta 90

Dutiya Sekha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[116]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

Pañc'ime bhikkhave dhammā||
sekhassa bhikkhuno parihānāya saŋvattanti.|| ||

Katame pañca?|| ||

2. Idha, bhikkhave, sekho bhikkhu bahu-kicco hoti||
bahu-karaṇiyo vyatto kiɱ-karaṇiyesu,||
riñcati paṭisallānaɱ,||
nānuyuñjati ajjhattaɱ ceto-samathaɱ.|| ||

Ayaɱ bhikkhave paṭhamo dhammo||
sekhassa bhikkhuno parihānāya saŋvattati.|| ||

3. Puna ca paraɱ bhikkhave sekho bhikkhu appamattakena kammena divasaɱ atināmeti,||
riñcati paṭisallānaɱ,||
nānuyuñjati ajjhattaɱ ceto-samathaɱ|| ||

Ayaɱ bhikkhave dutiyo dhammo||
sekhassa bhikkhuno parihānāya saŋvattati.|| ||

4. Puna ca paraɱ bhikkhave sekho bhikkhu saɱseṭṭho viharati sagahaṭṭha-pabba-jitehi ananulomikena gihisaŋsaggena,||
riñcati paṭisallānaɱ,||
nānuyuñjati ajjhattaɱ ceto- [117] samathaɱ.

Ayaɱ bhikkhave tatiyo dhammo||
sekhassa bhikkhuno parihānāya saŋvattati.|| ||

5. Puna ca paraɱ bhikkhave sekho bhikkhu atikālena gāmaɱ pavisati,||
atidivā paṭikkamati,||
riñcati paṭisallānaɱ,||
nānuyuñjati ajjhattaɱ ceto-samathaɱ.

Ayaɱ bhikkhave catuttho dhammo||
sekhassa bhikkhuno parihānāya saŋvattati.

6. Puna ca paraɱ bhikkhave sekho bhikkhu,||
yāyaɱ kathā abhisallekhikā ceto-vivaraṇa-sappāyā,||
seyyath'īdaɱ:||
appiccha-kathā,||
santuṭṭhi-kathā,||
paviveka-kathā,||
asaŋsagga-kathā,||
viriyāramha-kathā,||
sīla-kathā,||
samādhi-kathā,||
paññā-kathā,||
vimutti-kathā,||
vimutti-ñāṇa-dassana-kathā,||
eva-rūpāya kathāya na nikāma-lābhī hoti kiccha-lābhī kasira-lābhī,||
riñcati paṭisallānaɱ,||
nānuyuñjati ajjhattaɱ ceto-samathaɱ.

Ayaɱ bhikkhave pañcamo dhammo||
sekhassa bhikkhuno parihānāya saŋvattati.

Ime kho bhikkhave pañca dhammā||
sekhassa bhikkhuno parihānāya saŋvattanti.

 

§

 

7. Pañc'ime bhikkhave dhammā||
sekhassa bhikkhuno aparihānāya saŋvattanti.|| ||

Katame pañca?|| ||

8. Idha bhikkhave sekho bhikkhu na bahu-kicco hoti||
na bahu-karaṇiyo viyatto kiɱ karaṇiyesu,||
na riñcati paṭisallānaɱ,||
anuyuñjati ajjhattaɱ ceto-samathaɱ.|| ||

Ayaɱ bhikkhave paṭhamo dhammo||
sekhassa bhikkhuno aparihānāya saŋvattati.|| ||

9. Puna ca paraɱ bhikkhave sekho bhikkhu na appamattakena kammena divasaɱ atināmeti,||
na riñcati paṭisallānaɱ,||
anuyuñjati ajjhattaɱ ceto-samathaɱ.|| ||

Ayaɱ bhikkhave dutiyo dhammo||
sekhassa bhikkhuno aparihānāya saŋvattati.|| ||

10. Puna ca paraɱ bhikkhave sekho bhikkhu asaɱsaṭṭho viharati gahaṭṭhapabba-jitehi ananulomikena gihī-saŋsaggena,||
na riñcati paṭisallānaɱ,||
anuyuñjati ajjhattaɱ ceto- [118] samathaɱ.|| ||

Ayaɱ bhikkhave tatiyo dhammo||
sekhassa bhikkhuno aparihānāya saŋvattati.|| ||

11. Puna ca paraɱ bhikkhave sokho nātikālena2- gāmaɱ paṭisati, nātidivā paṭikkamati,||
na riñcati paṭisallānaɱ,||
anuyuñjati ajjhattaɱ ceto-samathaɱ.|| ||

Ayaɱ bhikkhave catuttho dhammo||
sekhassa bhikkhuno aparihānāya saŋvattati.|| ||

12. Puna ca paraɱ bhikkhave sekho bhikkhu yā'yaɱ kathā ābhisallekhikāceto-vivaraṇa-sappāyā,||
seyyath'īdaɱ||
appiccha-kathā,||
santuṭṭhi-kathā,||
paviveka-kathā,||
asaŋsagga-kathā,||
viriyāramha-kathā,||
sīla-kathā,||
samādhi-kathā,||
paññā-kathā,||
vimutti-kathā,||
vimutti-ñāṇa-dassana-kathā,||
eva-rūpāya kathāya nikāma-lābhī hoti akiccha-lābhī akasiralāhī,||
na riñcati paṭisallānaɱ,||
anuyuñjati ajjhattaɱ ceto-samathaɱ.|| ||

Ayaɱ bhikkhave pañcamo dhammo sekhassa bhikkhuno aparihānāya saŋvattati.|| ||

Ime kho bhikkhave pañcadhammā sekhassa bhikkhuno aparihānāya saŋvattati.|| ||

Thera Vaggo Catuttho


Contact:
E-mail
Copyright Statement