Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka Nipāta
11. Phāsu-Vihāra Vagga

Sutta 106

Ānanda Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[132]

[1][pts][than] Evaɱ me sutaɱ:|| ||

Ekaɱ samayaɱ Bhagavā Kosambīyaɱ viharati Ghositārāme.|| ||

Atha kho āyasmā Ānando yena Bhagavā ten'upasankami.|| ||

Upasaŋkamitvā Bhagavannaɱ abhivādetvā eka-m-antaɱ nisidi.|| ||

Eka-m-antaɱ nisinno kho āyasmā Ānando Bhagavantaɱ etad avoca:|| ||

"Kittāvatā nu kho bhante,||
bhikkhu-saŋghe viharanto phāsuɱ vihareyyā" ti?|| ||

"Yato kho Ānanda [133] bhikkhu attanā sīla-sampanno hoti||
no ca paraɱ adhisīle sampavattā hoti.|| ||

Ettāvatā pi kho Ānanda bhikkhu-saŋghe viharanto phāsuɱ vihareyyā" ti.|| ||

"Siyā pana bhante,||
añño pi pariyāyo,||
yathā bhikkhu-saŋghe viharanto phāsu vihareyyā" ti?|| ||

"Siyā Ānanda.|| ||

Yato kho Ānanda bhikkhu attanā sila-sampanno hoti||
no ca paraɱ adhisīle sampavattā hoti,||
attānupekkhi ca hoti,||
no parānupekkhi.|| ||

Ettāvatā pi kho Ānanda bhikkhu-saŋghe viharanto phāsuɱ vihareyyā" ti.|| ||

"Siyā pana bhante,||
añño pi pariyāyo,||
yathā bhikkhu-saŋghe viharanto phāsu vihareyyā" ti?|| ||

"Siyā Ānanda.|| ||

Yato kho Ānanda bhikkhu attanā sila-sampanno hoti,||
no ca paraɱ adhisile sampavattā hoti,||
attānupekkhi ca hoti,||
no parānupekkhi,||
appaññāto ca hoti,||
tena ca appaññāta-kena,||
no paritassati.|| ||

Ettavatā pi kho Ānanda bhikkhu-saŋghe viharanto phāsuɱ vihareyayyā" ti.|| ||

"Siyā pana bhante,||
añño pi pariyāyo,||
yathā bhikkhu-saŋghe viharanto phāsu vihareyyā" ti?|| ||

"Siyā Ānanda.|| ||

Yato kho Ānanda bhikkhu attanā sīla-sampanno hoti,||
no paraɱ adhisīle sampavattā hoti,||
atatānupekkhi ca hoti,||
no parānupekkhi,||
appaññāto ca hoti,||
tena ca appaññāta-kena||
no paritassati,||
catunnañ ca jhānānaɱ abhiceta-sikānaɱ diṭṭha-dhamma-sukha-vihārānaɱ||
nikāma-lābhī hoti akiccha-lābhī akasira-lābhi.|| ||

Ettāvatā pi kho Ānanda saŋghe viharanto phāsuɱ vihareyya" ti.|| ||

"Siyā pana bhante,||
añño pi pariyāyo,||
yathā bhikkhu-saŋghe viharanto phāsu vihareyyā" ti?|| ||

"Siyā Ānanda.|| ||

Yato kho Ānanda bhikkhu attanā sīla-sampanno hoti,||
no ca paraɱ adhisīle sampavattā hoti,||
attānupekkhi ca hoti,||
no parānupekkhi,||
[134] appaññāto ca hoti||
tena ca appaññāta-kena,||
no paritassati,||
catunnaɱ jhānānaɱ ābhiceta-sikānaɱ diṭṭha-dhamma-sukha-vihārānaɱ||
nikāma-lābhi hoti akiccha-lābhi akasira-lābhi,||
āsavānaɱ khayā||
anāsavaɱ ceto-vimuttiɱ||
paññā-vimuttiɱ||
diṭṭhe'va dhamme sayaɱ abhiññā||
sacchi-katvā upasampajja viharati.|| ||

Ettāvatā kho Ānanda bhikkhu-saŋghe viharanto phāsuɱ vihareyya.|| ||

Imamhā c'āhaɱ Ānanda phāsu-vihārā||
añño phāsu-vihāro uttaritaro vā paṇitataro vā||
n'atthi ti vadāmi" ti.|| ||


Contact:
E-mail
Copyright Statement