Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka-Nipāta
12. Andhakavinda Vagga

Sutta 113

Sammā-Samādhi Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[137]

[1][pts][kuma] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Pañcahi bhikkhave, dhammehi samannāgato bhikkhu abhabbo sammā-samādhiɱ upasampajja viharituɱ.|| ||

Katamehi pañcahi?|| ||

3. Idha, bhikkhave, bhikkhu||
akkhamo hoti rūpānaɱ,||
akkhamo saddānaɱ,||
akkhamo gandhānaɱ,||
akkhamo rasānaɱ,||
akkhamo phoṭṭhabbānaɱ.|| ||

Imehi kho bhikkhave pañcahi dhammehi samannāgatato bhikkhu abhabbo sammā-samādhiɱ upasampajja viharituɱ.|| ||

 

§

 

4. Pañcahi bhikkhave, dhammehi samannāgato bhikkhu bhabbo sammā-samādhiɱ upasampajja viharituɱ.|| ||

Katamehi pañcahi?|| ||

[138] 5. Idha, bhikkhave, bhikkhu||
khamo hoti rūpānaɱ,||
khamo saddānaɱ,||
khamo gandhānaɱ,||
khamo rasānaɱ,||
khamo phoṭṭhabbānaɱ.|| ||

Imehi kho bhikkhave pañcahi dhammehi samannāgato bhikkhu bhabbo sammā-samādhiɱ upasampajja viharitun" ti.|| ||


Copyright Statement