Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka-Nipāta
12. Andhakavinda Vagga

Sutta 120

Micchā-Vāyāma Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[141]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Pañcahi bhikkhave, dhammehi samannāgatā bhikkhunī yath'ābhataɱ nikkhittā evaɱ Niraye.|| ||

Katamehi pañcahi?|| ||

Ananuvicca apariyogāhetvā avaṇṇārahassa vaṇṇaɱ bhāsati;||
ananuvicca apariyogāhetvā vaṇṇārahassa avaṇṇaɱ bhāsati;||
micchā-vāyāmā ca hoti;||
micchā-satinī ca;||
saddhādeyyaɱ vinipāteti.|| ||

[142] Imehi kho bhikkhave, pañcahi dhammehi samannāgatā bhikkhunī yath'ābhataɱ nikkhittā evaɱ Niraye.|| ||

 

§

 

Pañcahi bhikkhave dhammehi samannāgatā bhikkhuni yath'ābhataɱ nikkhittā evaɱ sagge.|| ||

Katamehi pañcahi?|| ||

Anuvicca pariyogāhetvā avaṇaṇārabhassa avaṇaṇaɱ bhāsati;||
anuvicca pariyogāhetvā vaṇaṇārabhassa vaṇaṇaɱ bhāsati;||
sammā-vāyāmā ca hoti;||
sammā-satinī ca;||
saddhādeyyaɱ na vinipāteni.|| ||

Imehi kho bhikkhave pañcahi dhammehi samannāgatā bhikkhuni yath'ābhataɱ nikkhittā evaɱ saggeti.|| ||

Andhakavinda Vagga Dutiya


Contact:
E-mail
Copyright Statement