Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka Nipāta
13. Gilāna Vaggo

Sutta 122

Sati-Sūpaṭṭhita Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[143]

[1][pts][olds] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Yo hi koci bhikkhave bhikkhu vā bhikkhuni vā pañca dhamme bhāveti,||
pañca dhamme bahulī-karoti,||
tassa dvinnaɱ phalānaɱ aññataraɱ phalaɱ pāṭikankhaɱ:||
diṭṭhe'va dhamme aññā,||
sati vā upadisese Anāgāmitā.|| ||

Katame pañca?|| ||

Idha, bhikkhave, bhikkhuno ajjhattaɱ yeva sati s'upaṭṭhitā hoti,||
dhammānaɱ uday'attha-gāminiyā paññāya,||
asubhānupassī kāye viharati,||
āhāre paṭikkula-saññi,||
sabba-loke anabhirata-saññi,||
sabba-sankhāraresu anicc'ānupassī.|| ||

Yo hi koci bhikkhave bhikkhu vā bhikkhuni vā ime pañca dhamme bhāveti,||
ime pañca dhamme bahulī-karoti,||
tassa dvinnaɱ phalānaɱ aññataraɱ phalaɱ pāṭikankhaɱ:||
diṭṭhe'va dhamme aññā,||
sati vā upādisese Anāgāmitā.|| ||


Copyright Statement