Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka Nipāta
13. Gilāna Vaggo

Sutta 124

Gilānūpaṭṭhāka Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[144]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Pañcahi bhikkhave dhammehi samannāgato gilānūpaṭṭhāko nālaɱ gilānaɱ upaṭṭhātuɱ.|| ||

Katamehi pañcahi?|| ||

Na paṭibalo hoti bhesajjaɱ saɱvidhātuɱ.|| ||

Sappayāsappāyaɱ na jānāti:||
asappāyaɱ upanāmeti;||
sappāyaɱ apanāmeti.|| ||

Āmisantaro gilānaɱ upaṭṭhahati||
no metta-citto.|| ||

Jegucchi hoti uccāraɱ vā,||
passāvaɱ vā,||
vantaɱ vā,||
khelaɱ vā,||
nīharituɱ.|| ||

Na paṭibalo hoti gilānaɱ kālena kālaɱ dhammiyā kathāya,||
sanda-s-setuɱ,||
samādapetuɱ,||
samuttejetuɱ,||
sampahaɱsetuɱ.|| ||

Imehi kho bhikkhave pañcahi dhammehi samannāgato gilānūpaṭṭhāko nālaɱ gilānaɱ upaṭṭhātuɱ.|| ||

 


 

Pañcahi bhikkhave dhammehi samannāgato gilānūpaṭṭhāko alaɱ gilānaɱ upaṭṭhātuɱ.|| ||

Katamehi pañcahi?|| ||

Paṭibalo hoti bhesajjaɱ saɱvidhātuɱ.|| ||

Sappāy-ā-sappāyaɱ jānāti:||
asappāyaɱ apanāmeti,||
sappāyaɱ upanāmeti.|| ||

Metta-citto gilānaɱ upaṭṭhahati,||
no āmisantaro.|| ||

Ajegucchi hoti uccāraɱ vā,||
passāvaɱ vā,||
vantaɱ vā,||
khelaɱ vā,||
niharitūɱ.|| ||

Paṭibalo hoti gilānaɱ kālena kālaɱ dhammiyā kathāya,||
sanda-s-setuɱ,||
samādapetuɱ,||
samuttejetuɱ,||
sampahaɱsetuɱ.|| ||

[145] Imehi kho bhikkhave pañcahi dhammehi samannāgato gilānūpaṭṭhāko alaɱ gilānaɱ upaṭṭhātun" ti.|| ||


Copyright Statement