Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka Nipāta
13. Gilāna Vaggo

Sutta 126

Dutiya Āyussa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[145]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. "Pañc'ime bhikkhave dhammā anāyussā.|| ||

Katame pañca?|| ||

Asappāya-kāri hoti,||
sappāye mattaɱ na jānāti,||
aparinatahojī ca hoti,||
dussīlo ca,||
pāpa-mitto ca.|| ||

Ime kho bhikkhave pañca dhammā anāyussā.|| ||

 

§

 

Pañc'ime bhikkhave dhammā āyussā.|| ||

Katame pañca?|| ||

Sappāyakāri hoti,||
sappāye mattaɱ jānāti,||
parinatabhojī va hoti,||
sīlavā ca,||
kalyāṇa-mitto ca.|| ||

Ime kho bhikkhave pañca dhammā āyussā ti.|| ||


Copyright Statement