Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka Nipāta
14. Rāja Vaggo

Sutta 137

Appaɱ-Supati Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[156]

[1][pts][olds] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

2. Pañcame bhikkhave appaɱ rattiyā supanti bahuɱ jagganti.|| ||

Katame pañca?|| ||

Itthi bhikkhave puris-ā-dhippāyā appaɱ rattiyā supati,||
bahuɱ jaggati.|| ||

Puriso bhikkhave itthidhippāyo appaɱ rattiyā supati,||
bahuɱ jaggati.|| ||

Coro bhikkhave ādānādhippāyo appaɱ rattiyā supati,||
bahuɱ jaggati.|| ||

Rājā bhikkhave rājakaraṇiyesu yutto appaɱ rattiyā supati,||
bahuɱ jaggati.|| ||

Bhikkhu bhikkhave visaɱyogādhippāyo appaɱ rattayā supati,||
bahuɱ jaggati.|| ||

Imehi kho bhikkhave pañca appaɱ rattiyā supanti,||
bahuɱ jagganti ti.|| ||


Contact:
E-mail
Copyright Statement