Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka-Nipāta
XVII. Āghāta Vaggo

Sutta 162

Dutiya Āghāta-Paṭivinaya Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[186]

[1][pts][than] Evaɱ me sutaɱ:[ed1]|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhū āmantesi:|| ||

'Bhikkhavo' ti.|| ||

'Bhadante' ti te bhikkhū Bhagavato paccassosuɱ.|| ||

Bhagavā etad avoca:|| ||

Pañc'ime bhikkhave āghāta-paṭivinayā,||
yattha bhikkhuno uppanno āghāto sbbaso paṭivinetabbo.
|| ||

Katame pañca?|| ||

Yasmiɱ bhikkhave, puggale āghāto jāyetha,||
mettā tasmiɱ puggale bhāvetabbā.
|| ||

Evaɱ tasmiɱ puggale āghāto paṭivinetabbo.|| ||

Yasmiɱ bhikkhave, puggale āghāto jāyetha,||
karuṇā tasmiɱ puggale bhāvetabbā.
|| ||

Evaɱ tasmiɱ puggale āghāto paṭivinetabbo.|| ||

Yasmiɱ bhikkhave, puggale āghāto jāyetha,||
upekkhā tasmiɱ puggale bhāvetabbā.
|| ||

Evaɱ tasmiɱ puggale āghāto paṭivinetabbo.|| ||

Yasmiɱ bhikkhave, puggale āghāto jāyetha,||
asati amanisikāro tasmiɱ puggale āpajjitabbā.
|| ||

Evaɱ tasmiɱ puggale āghāto paṭivinetabbo.|| ||

Yasmiɱ bhikkhave, puggale āghāto jāyetha,||
kammassakatā tasmiɱ puggale adhiṭṭhātabbā:
|| ||

"Kammassako ayam āyasmā||
kamma-dāyādo||
kamma-yoni||
kamma-bandhu||
kamma-paṭisaraṇo,||
yaɱ kammaɱ karissati kalyāṇaɱ vā||
pāpakaɱ vā,||
tassa dāyādo bhavissatī" ti.
|| ||

Evaɱ tasmiɱ puggale āghāto paṭivinetabbo.|| ||

Ime kho bhikkhave, pañca āghāta-paṭivinayā yattha bhikkhuno uppanno āghāto sabbaso paṭivinetabbo ti.|| ||

 


 

Tatra kho āyasmā Sāriputto bhikkhū āmantehi:|| ||

"Āvuso Bhikkhavo" ti.|| ||

"Āvuso" ti kho te bhikkhu āyasmato Sāriputtassa paccassosuɱ.|| ||

Āyasmā Sāriputto etad avoca:|| ||

"Pañc'ime āvuso, āghāta-paṭivinayā yattha bhikkhuno uppanno āghāto sabbaso paṭivinetabbo.|| ||

Katame pañca?|| ||

Idh'āvuso, ekacco puggalo aparisuddha-kāya-samā-cāro hoti||
parisuddha-vacī-samā-cāro.|| ||

Eva-rūpe pi āvuso, puggale āghāto paṭivinetabbo.|| ||

Idha pana āvuso, ekacco puggalo aparisuddha-vacī-samā-cāro hoti parisuddha-kāya-samā-cāro.|| ||

Eva-rūpe pi āvuso, puggale āghāto paṭivinetabbo.|| ||

Idha pana āvuso, ekacco puggalo aparisuddha-kāya-samā-cāro hoti aparisuddha-vacī-samā-cāro,||
labhati ca kālena kalaɱ cetaso vivaraɱ,||
cetaso pasādaɱ.|| ||

Eva-rūpe pi āvuso, puggale āghāto paṭivinetabbo.|| ||

Idha pana āvuso, ekacco puggalo aparisuddha-kāya-samā-cāro hoti aparisuddha-vacī-samā-cāro,||
na ca labhati [187] kālena kālaɱ cetaso vivaraɱ,||
cetaso pasādaɱ.|| ||

Eva-rūpe pi āvuso puggale āghāto paṭivinetabbo.|| ||

Idha pana āvuso, ekacco puggalo parisuddha-kāya-samā-cāro hoti||
parisuddha-vacī-samā-cāro,||
labhati ca kālena kālaɱ cetaso vivaraɱ,||
cetaso pasādaɱ.|| ||

Eva-rūpe pi āvuso, puggale āghāto paṭivinetabbo.|| ||

 

§

 

Tatr'āvuso, yvāyaɱ puggalo aparisuddha-kāya-samā-cāro parisuddha-vacī-samā-cāro.|| ||

Kathaɱ tasmiɱ puggale āghāto paṭivinetabbo?|| ||

Seyyathā pi āvuso,||
bhikkhu paɱsu-kūliko rathiyāya nantakaɱ disvā vāmena pādena niggahetvā dakkhiṇena pādena vitthāretvā yo tattha sāro taɱ paripāṭetvā ādāya pakkameyya.|| ||

Evam eva kho āvuso, yvāyaɱ puggalo aparisuddha-kāya-samā-cāro||
parisuddha-vacī-samā-cāro,||
yāssa aparisuddha-kāya-samā-cāratā,||
na sā'ssa tasmiɱ samaye mana-sikātabbā.|| ||

Yā ca khvāssa parisuddha-vacī-samā-cāratā,||
sā'ssa tasmiɱ samaye mana-sikātabbā.|| ||

Evaɱ tasmiɱ puggale āghāto paṭivinetabbo.|| ||

Tatr'āvuso, yvāyaɱ puggalo aparisuddha-vacī-samā-cāro||
parisuddha-kāya-samā-cāro.|| ||

Kathaɱ tasmiɱ puggale āghāto paṭivinetabbo?|| ||

Seyyathā pi āvuso, pokkharaṇi sevāla-paṇaka-pariyonaddhā,||
atha puriso āgaccheyya ghammābhitatto ghamma-pareto kilanto tasito pipāsito.|| ||

So taɱ pokkharaṇiɱ ogāhetvā ubhohi hatthehi iticitica sevāla-paṇakaɱ apavyuhitvā añjalinā pivitvā pakkameyya.|| ||

Evam eva kho [188] āvuso yvāyaɱ puggalo aparisuddha-vacī-samā-cāro||
parisuddha-kāya-samā-cāro,||
yāssa aparisuddha-vacī-samā-cāratā,||
na sā'ssa tasmiɱ samaye mana-sikātabbā.|| ||

Yā ca khvāssa parisuddha-kāya-samā-cāratā,||
sā'ssa|| ||

Tasmiɱ samaye mana-sikātabbā.|| ||

Evaɱ tasmiɱ puggale āghāto paṭivinetabbo.|| ||

Tatr'āvuso, yvāyaɱ puggalo aparisuddha-kāya-samā-cāro||
aparisuddha-vacī-samā-cāro,||
labhati ca kālena kālaɱ cetaso vivaraɱ cetaso pasādaɱ.|| ||

Kathaɱ tasmiɱ puggale āghāto paṭivinetabbo?|| ||

Seyyathā pi āvuso parittaɱ gopade udakaɱ,||
atha puriso āgaccheyya ghammābhitatto ghamma-pareto kilanto tasito pipāsito.|| ||

Tassa evam assa:|| ||

"Idaɱ kho parittaɱ gopadake udakaɱ,||
svāhaɱ añjalinā vā pivissāmi bhājanena vā,||
khobhessāmī pi taɱ,||
loḷessāmī pi taɱ,||
apeyyam pi taɱ karissāmi.|| ||

Yan nūnāhaɱ catuguṇḍiko nipatitvā gopītakaɱ pivitvā pakkameyyanti.|| ||

So catuguṇḍiko nipatitvā gopītakaɱ pivitvā pakkameyya.|| ||

Evam eva kho āvuso,||
yvāyaɱ puggalo aparisuddha-kāya-samā-cāro,||
aparisuddha-vacī-samā-cāro,||
labhati ca kālena kālaɱ cetaso vivaraɱ cetaso pasādaɱ,||
yāssa aparisuddha-kāya-samā-cāratā,||
na sā'ssa tasmiɱ samaye mana-sikātabbā.|| ||

Yāpissa aparisuddha-vacī-samā-cāratā,||
na sāpissa tasmiɱ samaye mana-sikātabbā.|| ||

Yaɱ ca kho so labhati kālena kālaɱ cetaso [189] vivaraɱ cetaso pasādaɱ,||
tad ev'assa tasmiɱ samaye mana-sikātabbaɱ.|| ||

Evaɱ tasmiɱ puggale aghāto paṭivinetabbo.|| ||

Tatr'āvuso, yvāyaɱ puggalo aparisuddha-kāya-samā-cāro aparisuddha-vacī-samā-cāro,||
labhati ca kālena kālaɱ cetaso vivaraɱ cetaso pasādaɱ.|| ||

Kathaɱ tasmiɱ puggale āghāto paṭivinetabbo?|| ||

Seyyathā pi āvuso, puriso ābādhiko dukkhito bāḷha-gilāno addhāna-magga-paṭipanno,||
tassa purato pissa dūre gāmo,||
pacchato pissa dūre gāmo,||
so na labheyya sappāyāni bhojanāni,||
na labheyya sappāyāni bhesajjāni,||
na labheyya paṭirūpaɱ upaṭṭhākaɱ,||
na labheyya gāmantanāyakaɱ.|| ||

Tam enaɱ aññataro puriso passeyya addhāna-magga-paṭipanno.|| ||

So tasmiɱ purise kāruññaɱ yeva upaṭṭhāpeyya,||
anuddayaɱ yeva upaṭṭhāpeyya,||
anukampaɱ yeva upaṭṭhāpeyya:|| ||

"Ahovatāyaɱ puriso labheyya sappāyāni bhojanāni,||
labheyya spapāyāni bhesajjāni,||
labheyya paṭirūpaɱ upaṭṭhākaɱ,||
labheyya gāmantanāyakaɱ.|| ||

Taɱ kissa hetu?|| ||

Māyaɱ puriso idh'eva anayavyasanaɱ āpajjati evam eva kho āvuso yvāyaɱ puggalo aparisuddha-kāya-samā-cāro aparisuddha-vacī-samā-cāro,||
na ca labhati kālena kālaɱ cetaso vivaraɱ cetaso pasādaɱ,||
eva-rūpe pi āvuso, puggale kāruññaɱ eva upa-ṭ-ṭh-ā-petabbaɱ,||
anuddayāyeva upa-ṭ-ṭh-ā-petabbā,||
anukampāyeva upa-ṭ-ṭh-ā-petabbā.|| ||

"Ahovatāyaɱ āyasmā kāya-du-c-caritaɱ pahāya kāya-su-caritaɱ bhāveyya,||
vacī-du-c-caritaɱ pahāya vaci-su-caritaɱ bhāveyya,||
mano-du-c-caritaɱ pahāya mano-su-caritaɱ bhāveyya|| ||

Taɱ kissa hetu?|| ||

Māyaɱ āyasmā kāyassa bhedā param maraṇā apāyaɱ duggatiɱ vinipātaɱ Nirayaɱ uppajji" ti.|| ||

Evaɱ tasmiɱ puggale āghāto paṭivinetabbo.|| ||

[190] Tatr'āvuso, yvāyaɱ puggalo parisuddha-kāya-samā-cāro parisuddhavavīsamā-cāro,||
labhati ca kālena kālaɱ cetaso vivaraɱ cetaso pasādaɱ.|| ||

Kathaɱ tasmiɱ pugale āghāto paṭivinetabbo?|| ||

Seyyathā pi āvuso, pokkharaṇi acchodikā sātodikā sītodikā setakā supatitthā ramaṇīyā nānārukkhehi sañchannā,||
atha puriso āgaccheyya ghammābhitatto ghamma-pareto kilanto tasito pipāsito so taɱ pokkharaṇiɱ ogāhetvā nahātvā ca pivitvā ca pacc'uttaritvā tatth'eva rukkhacchāyāya nisīdeyya vā nipajjeyya vā|| ||

Evam eva kho āvuso, yvāyaɱ puggalo parisuddha-kāya-samā-cāro parisuddha-vacī-samā-cāro,||
labhati vā kālena kālaɱ cetaso vivaraɱ cetaso pasādaɱ,||
yāpissa parisuddha-kāya-samā-cāratā,||
sāpissa tasmiɱ samaye mana-sikātabbā.|| ||

Yāpissa parisuddha-vacī-samā-cāratā sāpissa tasmiɱ samaye mana-sikātabbā.|| ||

Yam pi so labhati kālena kālaɱ cetaso vivaraɱ cetaso pasādaɱ,||
tam pi'ssa tasmiɱ samaye mana-sikātabbaɱ.|| ||

Evaɱ tasmiɱ puggale āghāto paṭivinetabbo.|| ||

Samantapāsādikaɱ āvuso puggalaɱ āgamma cittaɱ pasīdati.|| ||

Ime kho āvuso pañca āghāta-paṭivinayā yattha bhikkhuno uppanno āghāto sabbaso paṭivinetabbo ti.|| ||

 


[ed1] The following section is AN 5.161 which I suggest is to be taken as the Nidana for this sutta. I further suggest that this pattern should be considered wherever a Nidana is missing and the sutta begins "Then ..." or "There, then..."


Contact:
E-mail
Copyright Statement