Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka-Nipāta
XIX. Arañña Vaggo

Sutta 182

Paɱsu-Kūlika Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[219]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Pañc'ime bhikkhave paɱsukulikā.|| ||

Katame pañca?|| ||

Mandattā momūhattā paɱsu-kūlikā hoti.|| ||

Pāpiccho icchā-pakato paɱsu-kūlikā hoti.|| ||

Ummādā cittakkhepā paɱsu-kūlikā hoti.|| ||

Vaṇaṇitaɱ buddhehi Buddha-sāvakehiti paɱsu-kūlikā hoti.|| ||

Appicchataɱ yeva nissāya,||
santuṭṭhiɱ yeva nissāya,||
sallekhaɱ yeva nissāya,||
pavivekaɱ yeva nissāya,||
idam aṭṭhitaɱ yeva nissāya paɱsu-kūlikā.|| ||

Ime kho bhikkhave pañca paɱsu-kūlikā.|| ||

3. Imesaɱ kho bhikkhave pañcannaɱ paɱsu-kūlikānaɱ yvāyaɱ paɱsu-kūliko appicchataɱ yeva nissāya,||
santuṭṭhiɱ yeva nissāya,||
sallekhaɱ yeva nissāya,||
pavivekaɱ yeva nissāya,||
idam aṭṭhitaɱ yeva nissāya paɱsu-kūliko hoti,||
ayaɱ imesaɱ pañcannaɱ paɱsu-kūlikānaɱ aggo ca||
seṭṭho ca||
mokkho ca||
uttamo ca||
pavaro ca.|| ||

 

§

 

Seyyathā pi, bhikkhave, gavā khīraɱ,||
khīramhā dadhi,||
dadhimhā navanītaɱ,||
navanitamhā sappi,||
sappimhā sappi-maṇḍo tattha aggam akkhāyati;|| ||

evam eva kho bhikkhave imesaɱ pañcannaɱ paɱsu-kūlikānaɱ yvāyaɱ paɱsu-kūliko appicchataɱ yeva nissāya,||
santuṭṭhiɱ yeva nissāya,||
sallekhaɱ yeva nissāya,||
pavivekaɱ yeva nissāya,||
idam aṭṭhitaɱ yeva nissāya paɱsu-kūliko hoti,||
ayaɱ imesaɱ pañcannaɱ paɱsu-kūlikānaɱ aggo ca||
seṭṭho ca||
mokkho ca||
uttamo ca||
pavaro cā" ti.|| ||


Contact:
E-mail
Copyright Statement