Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka-Nipāta
XX. Brāhmaṇa Vagga

Sutta 199

Kula Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[244]

[1][pts][than] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Yasmiɱ bhikkhave,||
samaye sīlavanto pabba-jitā kulaɱ upasankamanti,||
tattha manussā pañcahi ṭhānehi bahuɱ puññaɱ pasavanti.|| ||

Katamehi pañcahi?|| ||

Yasmiɱ bhikkhave, samaye sīlavante pabba-jite kulaɱ||
upasankamante manussā disvā cittāni pasādenti,||
sagga-saŋvatta-nikaɱ bhikkhave,||
taɱ kulaɱ tasmiɱ samaye paṭipadaɱ paṭipannaɱ hoti.|| ||

Yasmiɱ bhikkhave, samaye sīlavante pabba-jite kulaɱ||
upasankamante manussā paccuṭṭhenti,||
abhivādenti,||
āsanaɱ denti,||
uccā-kulīna-saŋvatta-nikaɱ bhikkhave,||
taɱ kulaɱ tasmiɱ samaye paṭipadaɱ paṭipannaɱ hoti.|| ||

Yasmiɱ bhikkhave, samaye sīlavante pabba-jite kulaɱ||
upasankamante manussā macchera-malaɱ paṭivinodenti,||
mahe-sakkha-saŋvatta-nikaɱ bhikkhave,||
taɱ kulaɱ tasmiɱ samaye paṭipadaɱ paṭipannaɱ hoti.|| ||

Yasmiɱ bhikkhave, samaye sīlavante pabba-jite kulaɱ||
upasankamante manussā yathā-satti yathā-balaɱ saɱvibhajanti,||
mahā-bhoga-saŋvatta-nikaɱ bhikkhave,||
taɱ kulaɱ tasmiɱ samaye paṭipadaɱ paṭipannaɱ hoti.|| ||

Yasmiɱ bhikkhave, upasankamanti-samaye sīlavante pabba-jite kulaɱ||
upasankamante manussā paripucchanti,||
paripañhanti,||
dhammaɱ suṇanti,||
mahā pañña-saŋvatta-nikaɱ bhikkhave,||
taɱ kulaɱ tasmiɱ samaye paṭipadaɱ paṭipannaɱ hoti.|| ||

[245] Yasmiɱ bhikkhave, samaye sīlavante pabba-jite kulaɱ upasankamanti,||
tattha manussā imehi pañcahi ṭhānehi bahuɱ puññaɱ pasavantī ti.|| ||


Contact:
E-mail
Copyright Statement