Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Pañcaka Nipāta
XXI. Kimbila-Vagga

Sutta 208

Danta-Kaṭṭha Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[250]

[1][pts][olds] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Pañc'ime bhikkhave,||
ādīnavā danta-kaṭṭhassa akhādane.|| ||

Katame pañca?|| ||

Acakkhussaɱ,||
mukhaɱ du-g-gandhaɱ hoti,||
rasa-haraṇiyo na visujjhantī,||
pittaɱ semhaɱ bhattaɱ pariyonandhati,||
bhatta-massa nacchādeti.|| ||

Ime kho bhikkhave,||
pañca ādinavā danta-kaṭṭhassa akhādano.|| ||

 

§

 

Pañc'ime bhikkhave ānisaɱsā danta-kaṭṭhassa khādane.|| ||

Katame pañca?|| ||

Cakkhussaɱ,||
mukhaɱ na du-g-gandhaɱ hoti,||
rasa-haraṇiyo visujjhanti,||
pittaɱ semhaɱ bhattaɱ na pariyonandhati,||
bhatta-massa chādeti.|| ||

Ime kho bhikkhave pañca ānisaɱsā danta-kaṭṭhassa khādaneti.|| ||


Contact:
E-mail
Copyright Statement