Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
Pañcaka-Nipāta
23. Dīgha-Cārika Vagga

Sutta 224

Dutiya Ati-Nivāsa Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[258]

[1][pts][olds] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.

Bhagavā etad avoca:|| ||

"Pañc'ime bhikkhave ādīnavā ati-nivāse.

Katame pañca?

Āvāsa-maccharī hoti,||
kula-maccharī hoti,||
lābha-maccharī hoti,||
vaṇṇa-maccharī hoti,||
Dhamma-maccharī hoti.

Ime kho bhikkhave, pañca ādīnavā ati-nivāse.

 

§

 

Pañc'ime bhikkhave, ānisaŋsā sama-vattha-vāse.

Katame pañca?

Na āvāsa-mccharī hoti,||
na kula-maccharī hoti,||
na lābha-maccharī hoti,||
na vaṇṇa-maccharī hoti,||
na Dhamma-maccharī hoti.

Ime kho bhikkhave, pañca ānisaŋsā samavattha-vāse" ti.|| ||


Copyright Statement