Aŋguttara Nikāya


[Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
Pañcaka-Nipāta
24. Āvāsika Vagga

Sutta 233

Sobhana Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[262]

[1][pts] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.

Bhagavā etad avoca:|| ||

"Pañcahi bhikkhave dhammehi samannāgato āvāsiko bhikkhu āvāsaɱ sobheti.|| ||

Katamehi pañcahi?|| ||

[263] Sīlavā hoti,||
Pātimokkha-saŋvara-saɱvuto viharati||
ācāra-gocara sampanno aṇumattesu vajjesu bhaya-dassāvī,||
samādāya sikkhati sikkhā-padesu.|| ||

Bahu-s-suto hoti||
suta-dharo||
suta-sanni-cayo,||
ye te dhammā ādi-kalyāṇā||
majjhe kalyāṇā||
pariyosāna-kalyāṇā||
sātthā savyañ janā kevala-paripuṇṇaɱ||
parisuddhaɱ brahma-cārīyaɱ abhivadanti,||
tathā-rūpāssa dhammā bahu-s-sutā honti||
dhatā vacasā paricitā manas-ā-nupekkhitā diṭṭhiyā suppaṭi-viddhā.|| ||

Kalyāṇa-vāco hoti||
kalyāṇa-vākkaraṇo poriyā vācāya samannāgato vissaṭṭhāya anelagalāya atthassa viññāpaniyā.|| ||

Paṭibalo hoti upasankamante dhammiyā kathāya sanda-s-setuɱ sam-ā-dapetuɱ samuttejetuɱ sampahaɱ-setuɱ.|| ||

Catuntaɱ jhanānaɱ ābhiceta-sikānaɱ diṭṭha-dhamme-sukha-vihārānaɱ||
nikāma-lābhī hoti,||
akiccha-lābhī||
akasira-lābhī.|| ||

Imehi kho bhikkhave, pañcahi dhammehi samannāgato āvāsiko bhikkhu āvāsaɱ sobheti" ti.|| ||


Contact:
E-mail
Copyright Statement