Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
Pañcaka-Nipāta
25. Du-c-carita Vagga

Sutta 241

Du-c-carita Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


 

[1][pts] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.

Bhagavā etad avoca:|| ||

"Pañc'ime bhikkhave ādīmavā du-c-carite.|| ||

Katame pañca?|| ||

2. Attā pi attānaɱ upavadati,|| ||

anuvicca viññū garahanti,|| ||

pāpako kitti-saddo abbhu-g-gacchati,|| ||

sammūḷho kālaɱ karoti,|| ||

kāyassa bhedā param maraṇā apāyaɱ duggatiɱ vinipātaɱ Nirayaɱ uppajjati.|| ||

Ime kho bhikkhave pañca ādīnavā du-c-carite.|| ||

 

§

 

3. Pañc'ime bhikkhave ānisaŋsā sucarite.|| ||

Katame pañca?|| ||

4. Attā pi attānaɱ na upavadati,|| ||

anuvicca viññū pasaɱ-santi,|| ||

kalyāṇo kitti-saddo abbhu-g-gacchati,|| ||

asa-m-mūḷho kālaɱ karoti,|| ||

kāyassa bhedā param maraṇā sugatiɱ saggaɱ lokaɱ uppajjati.|| ||

Ime kho bhikkhave pañca ānisaŋsā sucarite' ti.|| ||


Copyright Statement