Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara-Nikāya
Pañcaka-Nipāta
26. Upasampadā Vagga

Sutta 255

Macchariya-Pahāna Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[272]

[1][pts][than] Evaɱ me sutaɱ.|| ||

Ekaɱ samayaɱ Bhagavā Sāvatthiyaɱ viharati.|| ||

Tatra kho Bhagavā bhikkhu āmantesi:|| ||

"Bhikkhavo" ti.|| ||

"Bhadante" ti te bhikkhū Bhagavato paccassosuɱ.|| ||

Bhagavā etad avoca:|| ||

"Pañc'annaɱ bhikkhave macchariyānaɱ pahānāya samucchedāya brahma-cariyaɱ vussati.|| ||

Katamesaɱ pañacannaɱ?|| ||

Āvāsa-macchariyassa pahānāya samucchedāya brahma-cariyaɱ vussati.|| ||

Kula-macchariyassa pahāṇāya samucchedāya brahma-cariyaɱ vussati.|| ||

Lābha-macchariyassa pahānāya samucchedāya brahma-cariyaɱ vussati.|| ||

Vaṇṇa-macchariyassa pahānāya samucchedāya brahma-cariyaɱ vussati.|| ||

Dhamma-macchariyassa pahānāya samucchedāya brahma-cariyaɱ vussati.|| ||

Imesaɱ kho bhikkhave, pañcannaɱ macchariyānaɱ pahānāya samucchedāya brahma-cariyaɱ vussat" ti.|| ||


Copyright Statement