Aṅguttara Nikāya


[Home]  [Sutta Indexes]  [Glossology]  [Site Sub-Sections]


 

Aṅguttara Nikāya
Chakka-Nipāta
II: Sārāṇīya-Vagga

Sutta 15

Anutappa Suttaṃ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[294]

[1][pts] Evaṃ me sutaṃ:|| ||

Ekaṃ samayaṃ Sāriputto Sāvatthiyaṃ viharati.|| ||

Tatra kho Sāriputto bhikkhu āmantesi:|| ||

"Āvuso bhikkhavo" ti.|| ||

"Āvuso" ti te bhikkhū āyasmato Sāriputtassa paccassosuṃ.|| ||

Āyasmā Sāriputto etad avoca:|| ||

2. "Tathā tathā āvuso bhikkhu vihāraṃ kappeti,||
yathā yathā'ssa vihāraṃ kappayato kāla-kiriyā anutappā hoti.|| ||

3. Kathañ c'āvuso bhikkhu tathā tathā vihāraṃ kappeti,||
yathā yathā'ssa vihāraṃ kappayato,||
kāla-kiriyā anutappā hoti?|| ||

Idh'āvuso bhikkhu kamm'ārāmo hoti||
kamma-rato kamm'ārāmataṃ anuyutto,||
bhass'ārāmo hoti||
bhassa-rato bhass-ā-rāmataṃ anuyutto,||
niddā-rāmo hoti||
niddā-rato nidd-ā-rāmataṃ anuyutto,||
saṅgaṇ'ikā-rāmo hoti||
saṅgaṇ'ikā-rato saṅgaṇ'ikā-rāmataṃ anuyutto,||
saṃsagg'ārāmo hoti||
saṃsagga-rato saṃsagg'ārāmataṃ anuyutto,||
papañc'ārāmo hoti||
papañca-rato papañc'ārāmataṃ anuyutetā.|| ||

Evaṃ kho āvuso bhikkhu tathā tathā vihāraṃ kappeti,||
yathā yathā'ssa vihāraṃ kappayato||
kāla-kiriyā anutappā hoti.|| ||

Ayaṃ vuccat'āvuso bhikkhū sakkāy-ā-bhirato,||
na pahāsi sakkāyaṃ sammā dukkhassa antakiriyāya.|| ||

 


 

4. Tathā tath'āvuso bhikkhu vihāraṃ kappeti,||
yathā yathā'ssa vihāraṃ kappayato||
kāla-kiriyā ananutappā hoti.|| ||

Kathañ c'āvuso bhikkhu tathā tathā vihāraṃ kappeti,||
yathā yathāssa vihāraṃ kappayato||
bhaddakaṃ maraṇaṃ hoti||
kāla-kiriyā ananutappā hoti?|| ||

Idh'āvuso bhikkhu na kamm'ārāmo hoti||
na kamma-rato||
na kamm'ārāmataṃ anuyutto,||
na bhassāramo hoti||
na bhassa-rato||
na bhass'āramataṃ anuyutto,||
na niddā-rāmo hoti,||
na niddā-rato||
[295] na nidd-ā-rāmataṃ anuyutto,||
na saṅgaṇ'ikā-rāmo hoti||
na saṅgaṇ'ikā-rato||
na saṅgaṇ'ikā-rāmataṃ anuyutto,||
na saṃsagg'ārāmo hoti||
na saṃsagga-rato||
na saṃsagg'ārāmataṃ anuyutto,||
na papañc'ārāmo hoti||
na papañca-rato||
na papañc'ārāmataṃ anuyutto.|| ||

Evaṃ kho āvuso bhikkhu tathā tathāssa vihāraṃ kappeti yathā yathā'ssa vihāraṃ kappayato||
kāla-kiriyā ananutappā hoti.|| ||

Ayaṃ vuccat'āvuso bhikkhu Nibbān-ā-bhirato pahāsi sakkāyaṃ sammā-dukkhassa antakiriyāyā" ti.|| ||

Yo papañcaṃ anuyutto papañc-ā-bhirato mago||
Virādhayī so Nibbānaṃ yoga-k-khemaṃ anuttaraṃ.|| ||

Yo ca papañcaṃ hitvāna ni-p-papañca-pade rato||
Ārādhayī so Nibbānaṃ yoga-k-khemaṃ anuttaran ti.|| ||

 


Contact:
E-mail
Copyright Statement