Aŋguttara Nikāya


[Site Map]  [Home]  [Sutta Indexes]  [Glossology]  [Site Sub-Sections]


 

Aŋguttara Nikāya
Chakka-Nipāta
II: Sārāṇīya-Vagga

Sutta 17

Kusala Suttaɱ

Adapted from the 1995 edition of the digital version of the Sri Lanka Buddha Jayanti Tripitaka Series.

 


[298]

[1][pts] Evaɱ me sutaɱ:|| ||

Ekaɱ samayaɱ Bhagavā Sāvatthiyaɱ viharati Jetavane Anāthapiṇḍikassa ārāme.|| ||

Atha kho Bhagavā sāyaṇha-samayaɱ patisallānā vuṭṭhito yen'upaṭṭhāna-sālā ten'upasankami.|| ||

Upasaŋkamitvā paññatte āsane nisīdi.|| ||

Āyasmā pi kho Sāriputto sāyaṇha-samayaɱ patisallānā vuṭṭhito yen'upaṭṭhāna-sālā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Āyasmā pi kho Mahā Moggallāno sāyaṇha-samayaɱ patisallānā vuṭṭhito yen'upaṭṭhāna-sālā ten'upasankami.|| ||

Upasaɱkamitvā Bhagavantaɱ [299] abhivādetvā eka-m-antaɱ nisīdī.|| ||

Āyasmā pi kho Mahā Kaccāyano sayanhasamayaɱ patisallānā vuṭṭhito yen'upaṭṭhāna-sālā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ nisīdī.|| ||

Āyasmā pi kho Mahā Koṭṭhito sāyaṇha-samayaɱ patisallānā vuṭṭhito yen'upaṭṭhāna-sālā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ nisidi.|| ||

Āyasmā pi kho Mahā Cundo sāyaṇha-samayaɱ patisallānā vuṭṭhito yen'upaṭṭhāna-sālā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ nisīdī.|| ||

Āyasmā pi kho Mahā Kappino sāyaṇha-samayaɱ patisallānā vuṭṭhito yen'upaṭṭhāna-sālā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ nisīdī.|| ||

Āyasmā pi kho Anuruddho sāyaṇha-samayaɱ patisallānā vuṭṭhito yen'upaṭṭhāna-sālā ten'upasankami.|| ||

Upasaŋkamitvā Bhagavantaɱ abhivādetvā eka-m-antaɱ nisīdī.|| ||

Āyasmā pi kho Revato sāyaṇha-samayaɱ patisallānā vuṭṭhito yen'upaṭṭhāna-sālā ten'upasankamī.|| ||

Upasaŋkamitvā Bhagavantaɱ abhivādetvā eka-m-antaɱ nisīdi.|| ||

Āyasmā pi kho Ānando sāyaṇha-samayaɱ patisallānā vuṭṭhito yen'upaṭṭhāna-sālā ten'upasankami.|| ||

Upasaɱkamitvā Bhagavantaɱ abhivādetvā eka-m-antaɱ nisīdī.|| ||

 

§

 

Atha kho Bhagavā bahu-d-eva rattiɱ nisajjāya vītināmetvā uṭṭhāy āsanā vihāraɱ pāvisi.|| ||

Te pi kho āyasmanto acira-pakkantassa Bhagavato uṭṭhāy āsanā yathāvihāraɱ agamaɱsu.|| ||

Ye pana tattha bhikkhū navā acira-pabba-jitā ādhunāgatā imaɱ Dhamma-Vinayaɱ,||
te yāva suriyuggamanā kākacchamānā supiɱsu.|| ||

Addasā kho Bhagavā dibbena cakkhunā visuddhena atikkanta-mānusa-kena te bhikkhū yāva suriyuggamanā kākacchamāne supante.|| ||

Disvā yen'upaṭṭhāna-sālā ten'upasankamī.|| ||

Upasaŋkamitvā paññatte āsane nisīdi.|| ||

Nisajja kho Bhagavā te bhikkhū āmantesi:|| ||

"Kahaɱ nu kho bikkhave Sāriputto,||
kahaɱ Mahā Moggallāno,||
kahaɱ Mahā Kassapo,||
kahaɱ Mahā Kaccāyano,||
kahaɱ Mahā Koṭṭhito,||
kahaɱ Mahā Cundo,||
kahaɱ Mahā Kappino,||
kahaɱ Anuruddho,||
kahaɱ Revato,||
kahaɱ Ānando,||
kahaɱ nu kho te bikkhave therā sāvakā gatā" ti?|| ||

Te pi kho bhante āyasmanto acira-pakkantassa Bhagavato uṭṭhāy āsanā yathāvihāraɱ agamaɱsūti.|| ||

Tena no tumhe bikkhave therā,||
bhikkhū navā yāva suriyass'uggamanā kākacchamānā supatha.|| ||

 


 

Taɱ kiɱ maññatha bikkhave api nu tumhehi diṭṭhaɱ vā sutaɱ vā:|| ||

'Rājā khattiyo muddhā-vasitto yāva-datthaɱ [300] seyya-sukhaɱ phassa-sukhaɱ middha-sukhaɱ anuyutto viharanto yāva-jīvaɱ rajjaɱ kārento jana-padassa vā piyo manāpo' ti?|| ||

"No h'etaɱ bhante".|| ||

"Sādhu bikkhave, mayā pi kho etaɱ bikkhave n'eva diṭṭhaɱ na sutaɱ:|| ||

'Rājā khattiyo muddhā-vasitto yāva-datthaɱ seyya-sukhaɱ phassa-sukhaɱ middha-sukhaɱ anuyutto viharanto yāva-jīvaɱ rajjaɱ kārento jana-padassa vā piyo manāpo' ti.|| ||

Taɱ kiɱ maññatha bikkhave api nu tumhehi diṭṭhaɱ vā sutaɱ vā:|| ||

'Raṭṭhiko yāva-datthaɱ seyya-sukhaɱ phassa-sukhaɱ middha-sukhaɱ anuyutto viharanto yāva-jīvaɱ pūga-gāmaṇikattaɱ kārento pūgassa va piyo manāpo' ti?|| ||

No h'etaɱ bhante.|| ||

Sādhu bikkhave, mayā pi kho etaɱ bikkhave n'eva diṭṭhaɱ na sutaɱ:|| ||

'Raṭṭhiko yāva-datthaɱ seyya-sukhaɱ phassa-sukhaɱ middha-sukhaɱ anuyutto viharanto yāva-jīvaɱ pūga-gāmaṇikattaɱ kārento pūgassa va piyo manāpo' ti.|| ||

Taɱ kiɱ maññatha bikkhave api nu tumhehi diṭṭhaɱ vā sutaɱ vā:|| ||

'Pettaniko yāva-datthaɱ seyya-sukhaɱ phassa-sukhaɱ middha-sukhaɱ anuyutto viharanto yāva-jīvaɱ pettanikaɱ kārento piyo manāpo' ti?|| ||

No h'etaɱ bhante.|| ||

Sādhu bikkhave, mayā pi kho etaɱ bikkhave n'eva diṭṭhaɱ na sutaɱ vā:|| ||

'Pettaniko yāva-datthaɱ seyya-sukhaɱ phassa-sukhaɱ middha-sukhaɱ anuyutto viharanto yāva-jīvaɱ pettanikattaɱ kārento pettani-kassa vā piyo manāpo' ti?|| ||

Taɱ kiɱ maññatha bikkhave api nu tumhehi diṭṭhaɱ vā sutaɱ vā:|| ||

'Senāya yāva-datthaɱ seyya-sukhaɱ phassa-sukhaɱ middha-sukhaɱ anuyutto viharanto yāva-jīvaɱ senāpatikattaɱ kārento senāpati-kassa piyo manāpo' ti?|| ||

No h'etaɱ bhante.|| ||

Sādhu bikkhave, mayā pi kho etaɱ bikkhave n'eva diṭṭhaɱ na sutaɱ vā:|| ||

'Senāya yāva-datthaɱ seyya-sukhaɱ phassa-sukhaɱ middha-sukhaɱ anuyutto viharanto yāva-jīvaɱ snopatikattaɱ kārento senāpati-kassa vā piyo manāpo' ti?|| ||

Taɱ kiɱ maññatha bikkhave api nu tumhehi diṭṭhaɱ vā sutaɱ:|| ||

'Senāpatiko yāva-datthaɱ seyya-sukhaɱ phassa-sukhaɱ middha-sukhaɱ anuyutto viharanto yāva-jīvaɱ senāpatikattaɱ kārento senāpati-kassa piyo manāpo' ti?|| ||

No h'etaɱ bhante.|| ||

Sādhu bikkhave, mayā pi kho etaɱ bikkhave n'eva diṭṭhaɱ na sutaɱ:|| ||

'Senāpatiko yāva-datthaɱ seyya-sukhaɱ phassa-sukhaɱ middha-sukhaɱ anuyutto viharanto yāva-jīvaɱ senāpatikattaɱ kārento senāpati-kassa vā piyo manāpo' ti?|| ||

Taɱ kiɱ maññatha bikkhave api nu tumhehi diṭṭhaɱ vā sutaɱ vā:|| ||

'Gāma-gāmaṇiko yāva-datthaɱ seyya-sukhaɱ phassa-sukhaɱ middha-sukhaɱ anuyutto viharanto yāva-jīvaɱ gāma-gāmaṇi-kattaɱ kārento gāmagāmaṇikassa vā piyo manāpo' ti?|| ||

No h'etaɱ bhante.|| ||

Sādhu bikkhave, mayā pi kho etaɱ bikkhave n'eva diṭṭhaɱ na sutaɱ:|| ||

'Gāma-gāmaṇiko yāva-datthaɱ seyya-sukhaɱ phassa-sukhaɱ middha-sukhaɱ anuyutto viharanto yāva-jīvaɱ gāmagāmanikattaɱ kārento gāmagāmanikassa vā piyo manāpo' ti?|| ||

Taɱ kiɱ maññatha bikkhave api nu tumhehi diṭṭhaɱ vā sutaɱ:|| ||

'Pūga-gāmaṇiko yāva-datthaɱ seyya-sukhaɱ phassa-sukhaɱ middha-sukhaɱ anuyutto viharanto yāva-jīvaɱ pūga-gāmaṇikattaɱ kārento pūgassa vā piyo manāpo' ti?|| ||

No h'etaɱ bhante.|| ||

Sādhu bikkhave, mayā pi kho etaɱ bikkhave n'eva diṭṭhaɱ na sutaɱ vā:|| ||

'Pūga-gāmaṇiko yāva-datthaɱ seyya-sukhaɱ phassa-sukhaɱ middha-sukhaɱ anuyutto viharanto yāva-jīvaɱ pūga-gāmaṇikattaɱ kārento pūgassa vā piyo manāpo" ti.|| ||

Taɱ kiɱ maññatha bikkhave api nu tumhehi diṭṭhaɱ vā sutaɱ:|| ||

'Samaṇo vā brāhmaṇo vā yāva-datthaɱ seyya-sukhaɱ phassa-sukhaɱ middha-sukhaɱ anuyutto indriyesu agutta-dvāro bhojane amattaññu jāgariyaɱ ananuyutto avipassako kusalānaɱ dhammānaɱ pubba-ratt-ā-pararattaɱ bodha-pakkhiyānaɱ dhammānaɱ bhāvan-ā-nuyogaɱ ananuyutto āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharanto' ti?|| ||

No h'etaɱ bhante.|| ||

Sādhu bikkhave, mayā pi kho etaɱ bikkhave n'eva diṭṭhaɱ na [301] sutaɱ|| ||

"Samaṇo vā brāhmaṇo vā yāva-datthaɱ seyya-sukhaɱ phassa-sukhaɱ middha-sukhaɱ anuyutto indriyesu agutta-dvāro bhojane amatt'aññū jāgariyaɱ ananuyutto avipassako kusalānaɱ dhammānaɱ pubba-ratt-ā-pararattaɱ bodha-pakkhiyānaɱ dhammānaɱ bhāvan-ā-nuyogaɱ ananuyutto āsavānaɱ khayā anāsavaɱ ceto-vimuttiɱ paññā-vimuttiɱ diṭṭhe'va dhamme sayaɱ abhiññā sacchi-katvā upasampajja viharanto' ti.|| ||

Tasmā ti ha bikkhave evaɱ sikkhitabbaɱ:|| ||

"Indriyesu gutta-dvārā bhavissāma bhojane mattaññuno jāgariyaɱ anuyuttā vipassakā kusalānaɱ dhammānaɱ pubba-ratt-ā-pararattaɱ bodha-pakkhiyānaɱ dhammānaɱ bhāvan-ā-nuyogaɱ anuyuttā viharissāmā" ti.|| ||

Evaɱ hi vo bikkhave sikkhitabban" ti.|| ||

 


Copyright Statement